Leið Íslands í Evrópusambandið?

Hversvegna skyldi umræðan um framtíð Haga snúast um það hvort Guðmundur Franklín verði betri að selja kjötfas heldur en Jói í Bónus?

Ætti hún ekki frekar að snúast um það hvort samkeppni eigi að ríkja á markaði eða ekki.? 

 Allstaðar ?

Eru ekki öll góð áform um gegnsæi og aðkomu almennings að Högum endurtekning á gamla leikritinu um Baug?  Nýir stórir úr hópi eigenda  muni sölsa þá undir sig?  Alveg á sama hátt og Jói gerði með Baug? Láta þeir ekki félagið sjálft kaupa sjálfa sig í meirihluta ? Er það ekki löglegt samkvæmt dómi Hæstaréttar í Gaums og Baugs málinu?

Eignaumsýslufélög ríkisins reyna að koma eignum  á verðugar hendur með pólitík og hrossakaupum ? Er ekki ný fimmtíuára saga hafta,kúgunar, verðbólgu og vesaldóms að hefjast?

Eru  ríkisbankarnir í samkeppni á íslenskum fjármálamarkaði? Er skuldabréfaútgáfa skilanefnda ríkisins  ekki að setja   framtíðargengi krónuvesalingsins í uppnám?  Eigum við að búa við  "samkeppnisrekstur" ríkisbankanna næstu áratugina? 

Er ekki allt þjóðfélagið orðið að einu drulludíki klíkuskapar, kunningjatengsla og spillingar, sem hefur bara  versnað ef nokkuð er undir gunnfánum ríkistjórnar krata og kommúnista? Gamalkunnugt ástand sem getur aðeins stórversnað áður en það getur batnað?  Heilkenni Sturlungaaldarinnar áður en gengið er undir erlent vald ? 

Er það tilviljun að fólkið kallar á Davíð til að leiða sig útúr myrkrinu ?

Erum við núna á leið Íslands í Evrópusambandið?

  

Við borgum ekkert !

Nú standa yfir umræður á Alþingi sem munu hugsanlega ráða því hvort lífvænlegt verður fyrir þjóðina í þessu landi næstu árin.

Okkar öruggasta útflutningsafurð til annarra landa, ef fyrr birtir þar en hér er fólkið sjálft. Okkar tryggasta auðlind. 

Besta og menntaðasta fólkið, sem ekki er í sjávarútvegi, fer fyrst og síðan hinir á eftir.

Ég og hinir ræflarnir, gamlir og veikir  verðum eftir og látum Steingrím plokka af okkur það sem eftir er.Þjóðin verður 200.000 manns að meðalaldri yfir sextugt eins og Þjóðverjar.

Hvað gerist ef við fellum Icesave ?

a. AGS og Evrópulöndin lána okkur ekki krónu ?

b. Við lendum i default með skuldir ? .

c. Gengið fellur og það verður vöruskortur öðru hverju ?

Hvað getum við gert?

d. Við borgum erlendar innistæður út í nýprentuðum íslenskum seðlum.

e. Við leitum til Kínverja og Rússa um lán og samvinnu ef vestrið vill ekkert sinna okkur.

f. Við tilkynnum einhliða um nýja gjalddaga á skuldum Íslands.

Er þetta nokkuð verra en að drepa okkur sjálf með Icesave ?

Útrýma þjóðinni sem flytur úr harðréttinum eins og 1880?

Borga eittoghálft hátæknisjúkrahús árlega í vexti af skuldum óreiðumanna ?

Ákveðum við ekki barasta að borga þetta ekki ?

Ef við samþykkjum Icesave er þjóðin búin að vera eins og við þekkjum hana.Við eigum enga völ.

Segjum bara kalt og ákveðið:

Við borgum ekkert !

Staðarval Háskólasjúkrahúss.

Aldrei þessu vant gladdist ég við að fletta Baugstíðindum þennan morgun. Páll Baldvin skrifar ágætan leiðara um þau vandamál sem fylgja munu staðsetningu nýs Háskólasjúkrahúss á Landspítalalóðinni.

P'all segir:

..."Menn segja nú þegar lífeyrissjóðir ætla að fjármagna risaframkvæmd Landspítalans í sunnanverðum Þingholtum að það sé of seint að huga að nýju staðarvali fyrir húsaflæmið. En það er ekki of seint: umferðarmannvirki sem standa neðan við byggingarsvæðið eru tekin að sanna sig og raunin er sú að þau valda ekki þeirri umferð sem þar fer um, nýja Hringbrautin endar í tveimur þungum flöskuhálsum, bæði við Öskjuhlíðarháls og við gatnamót Lönguhlíðar og Miklubrautar með tilheyrandi töfum, mengun og kostnaði. Fyrirsjáanlegt er að leggja verður í gríðarlegan kostnað við að grafa Miklubrautina niður í jörð og kemst hún þar varla fyrir. Svokallaður Hliðarfótur gerir fátt meira en bæta aðgang að stórum vinnustöðum og umferðarmiðstöð undir Öskjuhlíð og á sér enga útleið suðureftir nema enn verði lagt í jarðgöng. Staðarval nýrra mannvirkja fyrir Landspítalann kallar á uppbyggingu mikilla umferðarmannvirkja með stjarnfræðilegum kostnaði fyrir borgarbúa og raunar landsmenn alla: göng undir Miklatún, Öskjuhlíð og Kársnes. Eldri möguleikar fyrir Landspítalann voru Fossvogur og Vífilsstaðir: Fossvogssvæðið er farið og Vífilsstaðir því einir eftir.".....(leturbreytingar mínar)

..."Helsta röksemdin fyrir byggingu nýrra stórbygginga neðan við gamla spítalasvæðið er að þar séu fyrir byggingar sem nýta má áfram: menn eru einmitt að huga að nýjum byggingum vegna þess að rekstrarkostnaður í hinum eldri er óþægilega hár. Þá á eftir að endurnýja þær frá grunni með miklum tilkostnaði til annarra nota. Það eru því veik rök fyrir viðbótarmagni nútímahúsnæðis skammt þar frá. Nálægð við Háskóla er líka nefnd til: bílastæðaflæmið við Háskóla Íslands og Háskólann í Reykjavík svarar þeirri röksemd: gera menn sér virkilega vonir um að þeir sem koma á bílum á þessa tvo staði fari fótgangandi í tíma í kennslusjúkrahúsinu?...."(leturbreytingar mínar)

Í ljósi þeirrar staðreyndar, að yfirgnæfandi meirihluti fólks vill hafa flugvöllinn áfram í Vatnsmýrinni, þá er sú ráðstöfun enn furðulegri að þrengja sífellt að honum og stefna æ fleiri bílum inn á þetta úthverfi höfuðborgarsvæðisins. Það er þegar búið að taka of margar misráðnar ákvarðanir sem Páll Baldvin lýsir.

Það er ef til vill ekki of seint að endurskoða þetta staðarval?.

 

Vefarar Keisarans !

 

Skattað og svelt. Ríkisstjórnarstefnan í hnotskurn. Nú á að svelta unga atvinnuleysingja, 18-24  til þess að leita sér menntunar. Skattleggja þá sjálfa til þess að neyða þá til að kosta sig í skóla. Gefa hundinum að éta rófuna á sér.

Önnur hugsun bærist ekki hjá vinstri mönnum.

Sama grunnhugsunin.  Skattleggja eymdina til þess að geta fengið sínum hugðarefnum framgengt. Fæðingarorlofsgreiðslur, orlofsuppbóta , veikindadaga, starfsendurhæfingar og símenntunar.RÍKISSTARFSMANNA. Það hlakkar í bolsjevíkkanum Steingrími J.þegar hann þylur þetta upp í fylgiriti BSRB eða SFR sem borið er í hús með Baugstíðindum í dag.

Lífeyrissjóðirnir hafa verið byggðir upp fimbulfambar hann áfram. Hver er eftirlaunaskuldbinding Ríkisins Steingrímur?  Geturðu fengið lán þar ? Það á bara að skerða almenna lífeyrissjóði okkar almúgans til þess að soga peninga í hítina hjá Ríkinu.Og núna er Steingrímur Ríkið.

Baráttukveðjur sendir Ögmundur til Ríkisstarfsmanna. Það var að vonum sem hann lyppaðist niður þegar hann stóð frammi fyrir vandanum að skera niður vinnu hjá sínum vinnuveitendum til margra ára. Hann gat það ekki og hunskaðist því úr ráðherrastóli. Nú situr hann á þinginu og  þykist allt vita eins og áður.Greiðir atkvæði með Icesave og Evrópubandalaginu.

Lofgrein er í ritinu um allsherjarverkfallið 1984. Dásamað hvernig tókst að vinna óbætanleg spjöll á þjóðfélaginu í gegnum „Alþingi Götunnar" . Fá lögreglumenn í kröfugöngur. Svipta börnin skólagöngu með kennaraverkfalli. Hleypa af stað óðaverðbólgunni.

Síðan er klykkt út með:  " Við höfum beðið átekta.Við höfum hlustað en ekkert heyrt"  ..."Við bíðum ekki lengur.Sóknin er hafin „

Það fer vel á því að Ögmundur þingmaður æsi til verkfalla opinberra starfsmanna og Steingrímur blessi boðskapinn. Þeir einu sem hafa örugga vinnu í kreppunni fari í verkfall til að auka fjárlagahallann sem verðu bara jafnaður með sköttum!

 Það er allt í lagi af því að það er verið að berjast fyrir kjarabótum verðugra. Við atvinnuleysingjarnir, hið eina sanna proletaríat,  eigum hinsvegar að fá  minna. Nomenclaturan er tekin til starfa á Íslandi.

Á Spáni og á Írlandi þar sem Evran og Evrópubandalagið ríkja, er atvinnuleysi unga fólksins orðið 20-30 %. Það er líklega þetta sem Evrópubandalagsmeðhjálparinn Steingrímur J stefnir að seglum þöndum. Ögmundur lofar verkfallið 1984. Báðir eru þeir svo með fláningshnífana á lofti til að skattleggja brostnar vonir íslenskra ungmenna.

Vefarar Keisarans !

Hvers er saknað?

Hannes Hólmsteinn skrifar eftirfarandi á Pressunni:

"Eflaust veldur einhverju um þessa kröfu söknuður eftir þeim stjórnmálaforingja Íslendinga, sem gat sér helst orð fyrir heiðarleika, en hvarf því miður úr stjórnmálum haustið 2005. Hann er Davíð Oddsson.

Þar skiptir ekki mestu máli, að Davíð lét ekki greiða sér biðlaun borgarstjóra, þegar hann varð forsætisráðherra, þótt hann ætti rétt á því, eða að kona hans tók sér aldrei dagpeninga í ferðum þeirra erlendis, þótt þau hjónin ættu rétt á því og aðrir gerðu það óspart.

Hitt er mikilvægara, að Davíð lét aldrei annað stjórna sér en eigin samvisku og sannfæringu. Hann var ekki falur eins og svo margir aðrir stjórnmálamenn. Hann var ekki einu sinni falur fyrir 300 milljónir, þótt Jón Ásgeir Jóhannesson segði Hreini Loftssyni og öðrum manni ónefndum, að enginn stæðist þá upphæð.

Til dæmis verður Borgarnesræða Ingibjargar Sólrúnar Gísladóttur henni til ævarandi minnkunar, og hlutur Sjálfstæðisflokks og Framsóknarflokks, sem uppvísir urðu að því að taka eftir stjórnartíð Davíðs við stórfé frá auðjöfrunum eins og Samfylkingin hafði gert (þótt þessir tveir flokkar gengju ekki eins blygðunarlaust erinda þeirra) er litlu skárri.

Fólk krefst heiðarleika. Þess vegna er ekki að furða, að flestir treysta samkvæmt skoðanakönnunum Davíð Oddssyni til að leiða þjóðina í gegnum núverandi þrengingar. Þótt Davíð kunni eins og allir slyngir stjórnmálamenn að gjalda lausung við lygi, eru svik ekki til í munni hans."

Er Steingrímur J. Sigfússon heiðarlegur í því að samþykkja að senda sendinefnd til Broksels til að ganga í EU  en vera á móti inngöngu ?  Er hann heiðarlegur að vilja samþykkja Icesave núna en var á móti því þá eins og Davíð?

Er Jóhanna heiðarleg í því að láta sem hún hafi hvergi nærri komið í aðdraganda hrunsins? Var hún heiðarleg í framgöngu sinni gegn þáverandi þremur  bankastjórum Seðlabankans? 

Er Samfylkingin heiðarlegri en Sjálfstæðisflokkurinn? Hefur hún séð að sér varðandi Baugspeningana?

Saknaði fólkið á þjóðfundinum2009 ekki heiðarleikans?

Líf en ekki dauðann !

Ég las það einhversstaðar að fríverslunarviðræðum við Kínverja hefði verið hætt. Ástæðan var sú að Íslendingar hefðu sótt um aðild að Evrópusambandinu.

Kínverjar eru sú þjóð á jörðinni sem hefur yfir mestum dollarabirgðum að ráða. Þeir eru í vandræðum með að koma þeim fyrir. Þeir eru að reyna í Afríku þar sem áhættan er mikil og Kínverjar eiga í erfiðleikum með að passa peningana þar. Hér er pláss fyrir peninga. Þá virðist ríkisstjórninni um að gera að gera að eyða milljörðum í umsókn að Evrópubandalaginu sem Íslendingar vilja ekki sjá að ganga í.Og reyna aftur að komast í Öryggisráðið.

Hversvegna er ekki reynt að fá Kínverja til samstarfs við Íslendinga? Um fjármögnun virkjana?Um fjármögnun tollvegaframkvæmda? Jarðgöng frá Seyðisfirði til Egilsstaða? Um byggingu álvera?

Hversvegna er mænt svona á AGS og lán frá Norðurlöndunum? Eru dollarar ekki eins á litinn þó þeir komi frá Kína?

Hversvegna er svona mikilvægt að ná niður fjárlagahallanum þegar mest ríður á að endurvekja atvinnulíf landsins?  Á ekki að reka ríkissjóði með halla þegar kreppir að í atvinnumálum?

Hverskonar brjálæði er í gangi þegar bara á að hækka skatta á atvinnulausum lýðnum? Er besta aðferðin til að reisa upp örmagna hest sú að að berja hann?

Ég held að hér sitji að völdum sú vitlausasta og versta ríkisstjórn sem nokkru sinni hefur verið við völd á Íslandi. Það er eins og hún sé samsett af ráðleysingjum sem sem hvorki heyra né sjá það sem fram fer í þjóðfélaginu. Ég fékk hreinlega yfir höfuðið að lesa rolluna eftir Össur í Mogganum í dag. Innihaldslaus steypa með frösum um ekki neitt. Er ekki sagt svo að hver þjóð fái þá stjórnmálamenn sem hún eigi skilið ? Ég veit bara ekki hvað ég hef unnið til saka til þess að sitja uppi með Össur. 

Þjóðin treystir á Davíð Oddsson umfram aðra fyrirmenn sína, það sýnir skoðanakönnunin hægra megin á síðunni. Sama sýna aðrar kannanir. Við þurfum að fá nýjar kosningar sem fyrst. Losna við þessa ömurlegu ráðleysis ríkisstjórn sem enginn treystir og ekki hefur upp á neitt annað að bjóða en "blóð,svita,torrek og tár".

Við viljum líf en ekki dauðann !

 

Eiturspúandi Orkuveita.

Hafa menn tekið eftir því hverng raflínumöstrin til Suðurnesja um Hellisheiði eru að tærast rosalega eftir að Hellisheiðarvirkjun fór að spúa eitri útí loftið ? Það stefnir auðveldlega í milljarðs viðhald.

Verður einhver ábyrgur fyrir afleiðingunum ?

Á ekkert að gera í þessu ?

Mér er sagt að lóðningar í rafeindatækjum í austurhluta höfuðborgarsvæðisins séu  að gefa sig í stórauknum mæli eftir að þessi losun hófst.Þessir kraftar eru að störfum dag og nótt.Hvernig er með lungun í okkur skattrollum Steingríms ? Hversvegna vildu Hvergerðingar ekki Bitruvirkjun ?

Ég er óbilandi aðdándi Orkuveitu Reykjavíkur og allra orkufyrirtækja. Ekki mátti maður menga Elliðaárnar í gamla daga. Gilda náttúruverndarsjónarmiðin bara fyrir hina ?

Er Orkuveitunni ekki ætlað annað hlutverk en að spúa eitri yfir eigendur sína og aðra landsmenn?

 

Ekki aftur snúið.

 

Mér verður stundum hugsað til baka hvernig fóstrar mínir Þjóðverjar gátu lent undir einræði Adolfs Hitlers og þurft að þola það sem eftir fylgdi.Þetta fólk sem er svo líkt okkur, syngur mörg sömu þjóðlögin og við, á margar sömu þjóðsögurnar, fjölskyldumenninguna, lífshættina.

 Það þarf ekkert að rifja þá sögu hvernig þetta allt bar til. Nasistar náðu í einum kosningum 43 % atkvæða þegar fólk var orðið uppgefið á úrræðaleysi lýðræðisstjórnmálamannanna. Útá það varð Adolf  kanslari og þá varð honum eftirleikurinn auðveldur með því að beita ofbeldi og kúgun.  Eftir að einræðið komst á var keyrt áfram í foraðið og enginn mátti rönd við reisa.

Nú horfir Samfylkingin uppá það að svona 2/3 þjóðarinnar vill hvorki sjá ESB né heyra. Þetta líkar ekki Samfylkingunni. Hún ætlar hvað sem það kostar að keyra þjóðina inn í bandalagið. Nú er hún með nefnd úti í Brokseli .að semja um inngönguna. Meirihluti þjóðarinnar myndi kalla þessa nefnd heim tafarlaust ef hann réði einhverju.

Þegar samningurinn liggur fyrir, hvað er um að velja ?  Hvaða aðstæður þurfa að ríkja í þjóðfélaginu til þess að hann fái brautargengi ?

• A. Ef Íslendingar væru með sjálfum sér, hér væri efnahagslíf á uppleið, fólk hefði vinnu.
• Hvernig væru þá skoðanir fólks á inngöngu ?
• B. Hér væri allt í kaldakoli. Atvinnuleysi, drápsskattar, engin erlend stóriðja né orkuframkvæmdir.
•  Hvernig verða þá skoðanir fólks á inngöngu í ESB ?

Er ekki nokkuð borðliggjandi að það verður auðveldara að sannfæra fólkið við ástand B. ?

Verður ekki auðvelt að halda því fram við aðstæður B. að það sé eina vonin  að kjósa aðild að ESB ? Ástandið geti geti ekki versnað við það,  þegar hvort sem er allt komið hér á vonarvöl.  

Þó allt væri á uppleið í heiminum í kring en héðan stæði yfir  landflótti frá bágum kjörum,  væri þá ekki auðvelt að benda á þá staðreynd, að Íslendingar séu utan ESB og gera það að orsakavaldi ?. Við ríkjandi  hörmulegar aðstæður verði Íslendingar að samþykkja inngönguna ?

Getur ekki verið að Samfylkingin sé vitandi vits að leiða þjóðina til efnahagslegrar slátrunar með þetta markmið að leiðarljósi ? Þessvegna vildi hún samþykkja Icesave með hvaða afarkostum er ?

Til þess geti þeir ekki fengið betri bandingja með sér en Vinstri Græna? Eru VG ekki á móti virkjunum og stóriðju,   á móti öllu nema að sitja í stjórn og fá fram komið framsækinni skattastefnu til norræns velferðarþjóðfélags ?

 Hvaða máli skiptir það Samfylkinguna þó VG sé á móti ESB ?  Þeir séu þeir dauðans sauðir að þá megi nota sem nytsama sakleysingja á ferð sem þeir hafa ekki hugmynd hvert leiðir þjóðina, bara ef þeir fá að vera í vinstristjórn?

Er Samfylkingin ekki bara slóttugur landssöluflokkur, sem beitir undirferli, blekkingum og lýðskrumi til þess að koma þjóðinni nauðugri viljugri inn í ESB án þess að hún vilji það ? Til þess megi fórna hverju sem er af kjörum fólksins ?  Þjóðin muni á þann hátt sitja uppi með það sem hún helst varast vann ?

Enginn Þjóðverji vildi stríð en fékk það samt. Það varð bara ekki aftur snúið.

 

Til hamingju ástsæli forseti!

Bandaríkin hafa ekki skipað sendiherra á Íslandi síðan dr. Ólafur sneypti heimsvaldasinnana með því að boða sendiherra þeirra til Bessastaða með vel undirbúnu erindi til að taka við Fálkaorðunni úr hendi stórmeistara orðunnar. Á tröppunum lét Forseti vor tilkynna sendiherranum af myndugleika sínum að þetta væri allt i plati, Fálkaorðan væri aðeins veitt verðugum. Hún gæti hinsvegar fengið kaffi í eldhúsinu úr því hún væri komin á staðinn!

Merkilegt er að 29 % þjóðarinnar skilji ekki hversu afburða snjall leikur þetta var hjá hinum ástsæla Forseta vorum og lýsandi fyrir hans innra göfuga eðli. Skyldi Dorrit nokkuð hafa talað við hann um þetta með kaffið ? Hann hefði kannski átt að bjóða kaffi og með því til að milda kapítalistana í vestri.

Allaveg má óska vorum ástæla Forseta til hamingju með árangurinn !

Pereat !

Efnahagsáform ríkisstjórnarinnar er bara hægt að lýsa með einu orði : BRJÁLÆÐI !

Það versta sem við gerum er að fara leið kratanna og kommúnistanna með að drepa allt athafnalíf og heimili niður með aukinni skattheimtu og samdrætti. Þetta er efnahagslegt sjálfsmorð þjóðar í nauðum. Samdráttur í framkvæmdum og rekstri, aukin skattheimta á atvinnulausan almenning ! Hvernig í veröldinni getur þessi leið bjargað þjóðinni ? 

Lausnin núna er í því fólgin  að reka ríkissjóð með halla og prenta peninga meðan við erum að koma atvinnulífinu á lappirnar til þess að framleiða, framleiða og framleiða. Við eigum núna að stórauka fiskveiðiheimildir, við eigum að að hraða orkuframkvæmdum og einhverri stóriðju til dæmis í Straumsvík og Helguvík og keyra áfram stóriðju á Bakka. Fá keraverksmiðjuna aftur til baka. Burt með orkuskattana. Engar skattahækkanir á almenning !

Brjálæðingana burt úr stjórnarráðinu !

Perat !