"Össur, þú ert bara dóni !"

Eftir að hafa hlustað á Össur hrauna yfir Davíð Oddsson með því að hann hafi sett þjóðina á hausinn, líka Seðlabankann og sé núna leiguþý stórútgerðarinnar fyrir fjórar milljónir á mánuði við að skrifa óþverra um ríkisstjórnina á Mogganum, þá er ég eiginlega farinn að spekúlera í því af hverju Davíð sagði við Össur í kryddsíldinni hér um árið beint yfir borðið:

"Össur, þú ert bara dóni !"

Skríplar eða strumpar?

Össur kemur rétt í þessu í Útvarpi Sögu og segir að Ísland sé ekki lengur í gjaldeyriskreppu! Voru menn þó ýmsu vanir af veraldarfirringu þessa drengs. Enda er hann mikið til sestur að í Brüssel og sakna hans væntanlega mismargir misjafnlega.

Bara innganga í EU leysir vandann segir hann. Það afnemur verðtrygginguna og skapar störf á Íslandi. Davíð Oddsson er ennþá mesti böðull þjóðarinnar með 4 milljónir á mánuði á framfæri stórútgerðarinnar segir Össur í heimsókn sinni á ÚtvarpSögu þar sem hann boðar fagnaðarerindið um EU ákaft.

Krónan er skaðvaldurinn í efnahagslífinu segir Össur án þess að geta nokkuð rökstutt málið nema þvæla um vaxtamun og gengi undir þeirri helgreip kommúnistahagskerfisins sem við nú búum við fyrir hans eigin tilverknaðar. Hann heldur blákalt fram að hann geti skapað 35.000 störf með þessu framferði sínu. Gæti hann ekki komið við á Grikklandi og Spáni til þess að kenna þeim þessar listir. Þar getur hann þó fengið að skoða evruseðla. Úr því að honum er svona annt um þjóðina, af hverju segir hann ekki Mávi í Selabankanum að flytja evruna niður í hundrað kall. Það er ekkert flóknara en þetta smáfitl sem hann er að leika sér við  og kallar gjaldeyrismarkað. 

Við þurfum Íslendingar þurfum að tilheyra stórri fjölskyldu segir hann svo og við verðum því að ganga í EU.  Mér verður hreinlega óglatt af því að hlusta á það  sem uppúr þessum manni vellur af rangfærslum og hundalógík um samspil gjaldeyrishafta, innflutningshafta og bankaþjóðnýtingar sem hann ber þó ábyrgð á sjálfur. Svo heldur hann því fram að hann sé að vinna að atvinnusköpun og hagvexti. Ætli hann hafi nokkuð heyrt um nýjustu tölur Hagstofunnar um hagsvöxtinn í hans regeringstíð? 

En því miður er þetta veruleiki þess áróðurs sem dynur á þjóðinni nótt sem nýtan dag og EU kostar í vaxandi mæli. Milljarðarnir eru greinilega farnir að streyma um þjóðarlíkamann.

Stundum þegar ég hlusta á umræður um krónu eða evru þá velti ég fyrir mér;Hvernig myndu skríplar eða strumpar ræða efnahagsmál ? 

Baugstíðindin toppa

í dag. Leiðarinn eftir Ólaf Stephensen er boðskapur um inngöngu í EU og upptaka evru sem allsherjar lausn á vandamálum heimilanna.

Það er eitt sem þessir evruspekingar og krónuníðingar úr hálaunastéttum eiga sameiginlegt. Þeir vilja aldrei tiltaka skiptigengið. Hversu launin þeirra verða í evrum daginn sem skipt er. Það er deilt um að taka upp lágmarkslaun í Þýskalandi uppá 8.50 evru á tímann. Myndu Íslendingar geta greitt þessa upphæð að lágmarki? Lágmarkslaun á Íslandi fyrir 160  klst á mánuði  yrðu þá 1360 evrur  eða tvöhundruðþúsund krónur núna ef við notuðum núverandi geðþóttagengi Más Guðmundssonar.

Nú hækkaði kaupmáttur fyrir hrun stórlega vegna hækkunar gengis krónunnar og enginn kvartaði nema útgerðin. Gengi hækkar ef vel gengur en lækkar ef illa gengur. Sé gjaldmiðillinn evra þá þýðir læg sama og atvinnuleysi eins og á Spáni og Grikklandi. Það snertir ekki hálaunamenn eins og ritstjórann og opinbera starfsmenn.

Fyrir hrun var evran á minna en hundraðkall. Allir máttu kaupa evru á því gengi og líka spara krónur á verðtryggðum bókum  Við þær aðstæður var kaupið hérna mun betra en framanskráð skiptigengi gæfi.

Því miður gengur umræðan hér aðeins útfrá sjónarhóli skuldarans. Það er bara þvælt um útlánavexti. Útvarp Saga heimtar að þeir verði 2 %. Hvað eiga sparendur að fá í vexti á sína bók? Það er ekki talað um það á því Útvarpi. Heldur ekki hvaðan útlánspeningar eiga að koma ef enginn sparar.

 Síðan kemur félagi Svavar og hefur Guð í fyrirsögn sinni. Í henni reynir hann að fegra sína Icesave samninga með því að segja að íhaldið hafi verið tilbúið að borga mun hærri vexti en hann samdi um. Engu máli skipti að íhaldið vildi alls ekki borga neitt og svo er ennþá þó félagi Svavar og Steingrímur rembist við að koma skuldaklafanum á landið.

Síðan kemur enn einn skrifarinn Sverrir Jakobsson og ræðs gegn trúarbragðakúgun í skólunum af hálfu kirkjunnar. Þjóðin á að vera fjölgyðistrúar og allir eiga að vera jafnir. Bíflíusögur eiga að vera bannaðar og þjóðkirkjan má greinilega missa sig. Leiðin virðist því vera greið fyrir Muslímatrúna, sem er ekki þekkt fyrir umburðarlyndi eða valfrelsi. Stjórnlagaþingið segir Sverrir að muni taka á öllu því sem aflaga fer. 

Ef gengið væri gefið frjálst segir Lilja Mósesdóttir á sama blaði að gjaldeyrissjóðurinn yrði ryksugaður upp. Evran myndi þá áreiðanlega fara yfir aflandsgengið eða uppí 300 kall. Hvernig gengur þessi áróður heim og saman? Og svo kemur Össur í Útvarpið og segir að Íslendingar séu komnir út úr gjaldeyriskreppunni ! 

Dropinn er sagður hola steinn. Jafn linnulaus einhliða áróður peningavaldsins eins og Baugstíðindin reka mun smátt og smátt afvegaleiða mikinn fjölda fólks. Ömurleg frammistaða stjórnmálamanna og niðurlæging ranglega kjörins  Alþingis mun líka ýta undir uppgjöf venjulegs fólks. Og fjöldaútflutningur okkar besta fólks dregur líka úr þrekinu til andstöðu.

Baugstíðindin toppa verulega í dag.

 

Heyrði einhver afsökunarbeiðni?

Forsætisráðherrann, æðsti yfirmaður efnahagsmál á landinu, heldur ræðu á Alþingi. Þar tilkynnir hún landslýð, að kreppunni sé lokið og hagvöxtur haf haldið innreið sína.

Daginn eftir tilkynnir Hagstofan um að samdráttur hafi orðið í landsframleiðslu bæði árið 2009 og fyrstu tvo ársfjórðunga ársins 2010.

Heyrði einhver ráðherrann biðjast afsökunar á að hafa farið með lygar á Alþingi Íslendinga? Spurði einhver fjölmiðill ráðherrann hversvegna hann ljúgi svona?  Nei, fæstir gera ráð fyrir slíku þegar þetta fólk á í hlut. Fyrr verður Hagstofustjórinn líklega rekinn.

Steingrímur J.Sigfússon skrifar framhaldsþátt í Baugstíðindin. Landið er að rísa. Hann fer með sömu lygina og forsætisráðherrann þegar hann segir landið vera að rísa. Spyr einhver fjölmiðill út í þetta? Ekki heyrðu menn það.

Heyrði einhver afsökunarbeiðni ? Ekki ég.

Nýtt ríkisskrímsli í aðflugi

Nýtt apparat, -Fjölmiðlastofu-, á að setja upp á ríkisins kostnað  til að standa vörð um þá stefnu núverandi stjórnvalda, að valfrelsi almennings í fjölmiðlun skuli takmarkað en minnst 10 % af Evrópuáróðri troðið ofan hann í staðinn. Ekkert efni sem er Evrópuhugsjóninni til trafala skal heldur leyft í fjölmiðlun á landinu en séð til þess að nægilegt Evrópuefni sé ávallt til staðar. 

Varðhundar kerfisins sem annast útbreiðslumál EU  fá nýja stofnun fyrir sig til að hafa eftirlit með því að hlýtt sé. En eitt eftirlitsapparat ríkisins.Hugsanlega á borð við Samkeppnisstofnun og Fjármáleftirlitið, sem  allir muna hvernig svo reyndust þjóðinni fyrir hrunið.  

Menntamálaráðherra á að skipa stjórn Fjölmiðlastofnunar til fjögurra ára, einn eftir tilnefningu Hæstaréttar og svo einn fulltrúa einhvers óskilgreinds háskólastigs og síðan einn frá ráðherra sjálfum. Þetta apparat á að anda ofan í hálsmál allrar tjáningar í landinu og gæta þess að efni þeirra sé stjórnvöldum þóknanlegt. Í rauninni er þetta aðeins grímulaus aðför Evrópusambandsins og þýja þess að málfrelsi og ritfrelsi í landinu eins og við höfum þekkt það. Og það sem meira er, á að standa að varðgæslu fyrir hagsmuni Evrópusambandsins og halda fram áróðri og efni þaðan en beita refsingum til þeirra sem vilja annað.

Þessu apparati og lögunum  er ætlað að neyða efni frá Evrópusambandinu inn á öll heimili í landinu skv. 34 gr. Þar sem tiltekið er að minnst 10 % af öllu efni dagskrár skuli þaðan koma. 33 gr. skyldar alla útsendingaraðila beinlínis til að hafa evrópskt efni áberandi hluta framboðins efnis. 27 gr. opnar leiðir til að þagga niður í Hrafnaþingsþáttum Ingva Hrafns þar sem ekki er um komma-og kratavænt efni að ræða. Það verður beinlínis ólöglegt að tala nema af virðingu um kommatitti og kratagrey. Og lengi enn má þylja uppúr lögunum sem sýna fram á að þau stefna öll gegn frelsinu og frjálshyggjunni.

Eins og málið er lagt upp mun Fjölmiðlastofa án efa sjá um að gera nauðsynlegar undantekningar eftir þörfum þannig að hægt verði að vara við stóra Satan, sem er auðvitað Sjálfstæðisflokkurinn. 26 gr. Segir: „Þó skal fjölmiðlaþjónustuveitanda sem hefur þann yfirlýsta tilgangi að beita sér fyrir tilteknum málstað, vera óskylt að miðla efni sem gengur í berhögg við stefnu miðilsins.“  Þóknanlegum miðlum eins og Baugsmiðlunum  er því í lófa lagið að ritskoða hvað sagt er.Þegar markaðsráðandi fjölmiðill eins og Fréttablaðið á í hlut, þá sá menn hvert stefnir í þekkingarmálum almennings.   Enda er það að öllum líkindum þegar  gert, þar sem boðun einlitra skoðana með Evrópusambandinu og á móti Sjálfstæðisflokknum er meginstefið í blaðinu.

Tilskipanir þær sem við höfum étið hráar upp frá EU hafa þegar valdið okkur Íslendingum ómældu tjóni. Margt af því var engin ástæða til að taka upp eins og að kljúfa upp Orkufyrirtækin í framleiðslu og sölu. Allt svo fáránlegur skrípaleikur að engu tali tekur auk mikils kostnaðar sem fylgir með og almenningur borgar.

Enn ein ný stofnun er því væntanleg frá þessari veruleikafirrtu ríkisstjórn, þar sem forystumennirnir eru svo illa læsir á efnahagsmál að þeir segja svart hvítt í ræðum og riti. Skilja ekki einu sinni þegar Hagstofan leiðréttir þá. Og komast svo upp með það með dyggri aðstoð þóknanlegra fjölmiðla.

Þetta fólk gumar af lækkun atvinnuleysis þegar meginorsakanna er að leita í stórfelldum brottflutningi fólks frá landinu. Nú skal sett upp nýtt ríkisskrímsli til þess að tryggja rétta upplýsingu alþýðu svo hún geti betur sætt sig við eymdina.  Ágæt tilbreyting frá sviknum loforðum um skjaldborgir, hagvöxt, atvinnu betri lífskjör. 

Nýtt ríkisskrímsli ,Fjölmiðlastofa,  mun væntanlega veita einhverjum krötum atvinnu þegar frá líður ef eitthvað skyldi bregðast með Brüssel.

Það styttist

Fáar ríkisstjórnir hafa átt í jafnmiklu basli með sjálfar sig jafn lengi og þessi. Gunnars Thor stjórnin treindist nokkuð lengi vegna seiglu dr.Gunnars. En hvort þjóðin hafi gott af slíkum slímsetum ríkisstjórna,- það er nokkuð augljóst.

Lausn aðkallandi mála dregst á langinn því að flokkarnir sem mynda þessa ríkisstjórn ná ekki saman um neitt sem máli skiptir. Það atriði að safna lífdögum fyrstu vinstristjórnar lýðveldisins virðist koma framar löngun til varanlegra verka hjá Steingrími J.Sigfússyni.

Lánleysi Steingríms sem flokksformanns rennur manni eiginlega til rifja, hann er eiginlega brjóstumkennanlegur karlinn eins og hver annar átjánbarna faðir í álfheimum sem ekkert barnið hlýðir en skoppa með ærslum eins og kettir um allar koppagrundir.

 Sjálfur skrifar hann greinaflokk um landris þar sem svo fram kemur að hann greinilega misskildi allar forsendur talnaturnanna sinna og botnar hvorki upp né niður í því sem hann er að tala um.

Og ekki er það betra með forsætisráðherrann. Hún  flytur innblásna ræðu um hagvöxt sem árangur starfa ríkisstjórnar sinnar. Daginn eftir birtir Hagstofan tölur sem sýna að raunin er hreinn samdráttur og dýpri kreppa en nokkru sinni fyrr.

Þessar uppákomur sýna veruleikafirringu þessa fólks. Sem við Sjálfstæðismenn undrumst ekki í sjálfu sér. En dýrkeypt er þetta þjóðinni og verður verra með hverjum deginum. Vinstri Grænir eru langt komnir með að sanna það sem við vissum fyrir, að þeir eru ekki stjórntækir vegna skorts á staðfestu og jarðsambands.

Fylgi Sjálfstæðisflokksins eykst mælanlega við hverja viku sem þessi stjórn situr til viðbótar. En það er þjóðin sem þjáist og því er ekki hægt að dunda við slíkar bollaleggingar.

En það styttist sem betur fer.

Stöðvum verkalýðsfélögin

Ég hef haft af því sannar spurnir að Guðmundur í Rafiðn stefni einbeittur í verkfall eftir áramót. Hann gumar af því að sambandið hans eigi fulla vinnudeilusjóði þannig að hann þoli langt og strangt verkfall.

Er í lagi að líða það að verkalýðsfélög geti yfirleitt myndað vinnudeilusjóði?  Fé sem er notað í hernað geng samfélaginu?

Væri  úr vegi að ríkisstjórnin gerði nú þegar ráðstafanir til að frysta allt fé í vinnudeilusjóðum verkalýðsfélaga í því skyni að forða þjóðfélaginu, gjaldmiðlinum og fólkinu frá þessum skuggalegu áformum verkalýðsforingjanna, sem ætla að leggjast í hernað gegn samfélaginu. Sumir án þess að hafa verið kjörnir á lýðræðislegan hátt.  Það lætur enginn með réttu ráði skotfæri í hendur óvita sem kunna ekki með þau að fara.

Við verðum að stöðva verkalýðsfélögin strax ef nokkur leið á að vera til þess að verja heimilin í landinu gegn óvitaskap þeirra. Frystum alla verkfallssjóði þeirra strax vegna hinna hrikalegu afleiðinga sem verkföll munu hafa á endurreisn þjóðarinnar.  

Steingrímur staðfasti !

Í Mogga sér maður þennan Stakstein:

"Þrautseigja Steingríms J. Sigfússonar formanns VG og Jóhönnu Sigurðardóttur formanns Samfylkingarinnar hefur orðið til þess að nú eru fulltrúar þeirra »sestir að samningaborði« í Hollandi til að reyna að knýja fram »samning« við Hollendinga og Breta um greiðslu íslenskra skattgreiðenda á annarra manna skuld.

Það þurfti mikinn og einbeittan brotavilja af hálfu Steingríms og Jóhönnu til að ná þessum fundi enda hafa rökin gegn þeim alltaf verið skýr. Aldrei þó jafn skýr og nú.

Nú er svo komið að svo að segja allir sem til þekkja og allar stofnanir sem máli skipta, innlendar og erlendar, telja að engin ríkisábyrgð hafi verið á Icesave-reikningunum.

Steingrímur sjálfur hefur viðurkennt að íslenska ríkinu beri engin lagaleg skylda til að greiða þessa reikninga.

Þegar nánast óumdeilt er orðið að Ísland ber ekki ábyrgð á greiðslum vegna Icesave, hvernig má þá vera að ríkið haldi áfram viðræðum við óbilgjarna kröfuhafana um að greiða engu að síður?

Er það virkilega svo að Steingrímur lætur sig ekki aðeins hafa það að samþykkja umsókn að ESB og aðlögunarviðræður við sambandið fyrir ráðherrastól, heldur er einnig tilbúinn að láta skattgreiðendur bera skuldaklafa um langt árabil í sama tilgangi?

Hversu dýr telur Steingrímur að ráðherrastóll hans megi verða? "

Nú kann að vera að þetta sé innantómt kurteisishjal af hálfu Íslands. En af hverju er allt þetta pukur? Af hverju vitum við ekki hvað Steingrímur ætlast fyrir? ÆTlar hann að viðurkenna greiðsluskyldu? Ætlar hann að viðurkenna ríkisábyrgð?

Ég er einn af þeim sem treysta illa stjórnmálastaðfestu Steingríms J. Sigfússonar í ljósi framgangs ESB aðildarviðræðnanna. Um það gætu orð sr.Hallgríms átt við: "Allt sem að helst hann varast vann, varð þó að koma yfir hann."

Verður Ísland Múslímaríki?

Neðanskráð tafla birtist í USAtoDay. Þeir reyna að sjá samsetningu þjóðarinnar fram í tímann. Samkvæmt þeim mun hvítum fækka úr 67% núna í 47 % en latinos fjölga úr 14% í 29 % Svörtum mun ekki fjölga hvernig sem á því stendur.

Óhjákvæmilega mun þetta hafa áhrif á pólitík Bandaríkjanna í framtíðinni. Og það mun snerta Ísland beinlínis eins og flest annað sem í Bandarikjunum gerist.

Ég hef séð framreikninga sem sýna að Bretland og Frakkland verða Múslímaríki á þessari öld. Hvaða áhrif hefur það á framtíð ESB?
 
Hvert skyldi Ísland annars stefna?  Fjöldi Múslíma  hérlendis hefur sexfaldast á aðeins nokkrum árum  Verðum við Múslímaríki  með Sharía-lög fyrr en varir ? Ætlum við ekkert að stýra okkar etnísku framtíð? Láta bara reka á reiðanum hvað fólk hingað kemur? Eða taka Dani okkur til fyrirmyndar sem hafa nú ströng innflytjendalög.

 En spá blaðsins um þróunina í USA er svona:

  NATION'S CHANGING MAKEUP
 
How components of the U.S. population are projected to change by 2050:

Racial/ethnic groups 2005                 2050
 
Foreign-born         12%                   19%
  
White*                67%                   47%
 
Hispanic              14%                   29%
 
Black*                13%                   13%
 
Asian*                5%                     9%
 

Note: *=Non-Hispanic
American Indian/Alaska Native not included

Source: Pew Research Center; Julie Snider, 

Hefur okkar hagstofa nokkuð spáð fram í tímann? Verður Ísland Múslímaríki á þessari öld ?
 

Vesturheimur okkar

í Mogga í dag rekst ég á grein eftir [e-mail] .Hún ræðir um þá einstöku reynslu að fara um Íslendingabyggðir í Winnipeg og Norður Dakota. Þar býr jafnstór íslensk þjóð og er hérna. Hún er ef til vill nokkuð meira blönduð en hefur líklega samt meiri þjóðernisvitund en þessi hérna. Það er svo stórfenglegt að koma þarna eins og ég gerði fyrir 2 árum og upplifa þetta.

Alla ævina hafði ég ekki gert mér neina grein fyrir því hversu þetta er merkilegt, litið á Vestur Íslendinga sem eitthvað kúríósum sem dr.Richard Beck færi færi með fyrir þeirra hönd  "Þótt þú langförull legðir..." í útvarpið við hátíðleg tækifæri. Auðvitað þekkjum við Káinn en að koma á brautina þar sem hann fleygði fimmtíusentaglasinu, það er upplifun."Ég heiti Gunnlaugur Halldórsson og pabbi minn byggði þetta hús og hann var ættaður frá Skagafirði." segir einn ungur maður sem ég leita til af götunni. "Kannski fer ég einhverntíman til Íslands", segir hann. Og Káinn orti líka jafnmikið á ensku segir mér Ásgeir Byron á lýtalausri íslensku. Þarna á Mountain er sagan ljóslifandi.

Grein Unu er þörf ábending um það, hversu hörmulega illa við rækjum sambandið við þetta fólk. Almar Gimsson hefur unnið mikið starf við að efla þessi kynni og þurfa Íslendingar endilega að koma til liðs við hann og aðra félagsmenn í Þjóðræknifélaginu .

Grípum niður í grein Unu:

...."Við stöldruðum aðeins við og hlógum að þeim og með þeim. »Ég er amma,« sagði konan þá allt í einu til útskýringar. »Ég er amma. Hann er þrjú ár. Hún er eitt ár.« Svo brosti hún afsakandi og útskýrði á ensku að þau hjónin væru bæði af fjórðu kynslóð íslenskra innflytjenda og ljóshærðu barnabörnin því fimmtu kynslóðar Íslendingar. Það sem kom mér því ánægjulega á óvart á þessum slóðum er að þótt íslensk tunga haldi líklega ekki sessi sínum þar mikið lengur mætir manni ótrúleg velvild og hlýja, áhugi og kærleikur meðal þessa fólks sem lítur ennþá á Ísland sem hluta af sínu »heima« jafnvel þótt það hafi aldrei komið hingað.

Ég minnist þess ekki að í minni skólaskyldutíð hafi ein einasta kennslustund verið tileinkuð vesturferðum Íslendinga. Samt er þetta saga sem tekur á svo mörgum hliðum samfélagsins og setur okkur í samhengi við umheiminn. Það er hollt fyrir svona litla og einangraða þjóð sem sjálf hefur stundum sýnt landnemum takmarkaðan skilning. Saga þessa fólks á kannski ekki síst erindi nú þegar landflótti er aftur orðinn raunveruleiki á þessu síðari tíma »nýja Íslandi«...."

Einmitt þetta sem hún Una lýsir upplifði ég í kaupfélaginu í Riverton þar sem kassadömurnar skilja íslensku og bæjarstjórinn er íslenskur. Ég hitti mann, Jón Austmann, mann um sextugt. Aldrei til Íslands komið en talaði betri íslensku en ég. Íslensk nöfn á bílaverkstæðum, hlöðum, bæjum.

Við eigum mikið ógert í að efla þessi tengsli vestur um haf. Okkar sjálfra vegna ekki síst.