Íslenska lýðræðisfylkingin

gæti hún heitið til þess að kallast á við íslensku þjóðfylkinguna. 

Guðlaugur Þór rifjar upp prófkjörin hjá Pírötunum hennar Birgittu og Helga Hrafns á Facebook.Gulli segir:

"Í prófkjöri Pírata í Norðausturkjördæmi voru 14 í framboði og 78 kusu.

Í Suðurkjördæmi voru 25 frambjóðendur og 113 greiddu atkvæði.

Á höfuðborgarsvæðinu voru frambjóðendur 105 og atkvæði greiddu 1033.

Þessar tölur benda nú ekki beinlínis til þess að stuðningsmenn Pírata séu á hverju strái.

Miklu fremur virtust kjósendur einskorðast við frændgarðinn og nánustu vini. Þátttakan var alls staðar slæm og fyrir utan höfuðborgarsvæðið var hún eins og í þokkalegri fermingarveislu eða fimmtugsafmæli."

Hverjir semja málefnaskrána og stefnu flokks sem er svona fjölmennur? Er hægt að bera þetta saman við landsþing stjónmálaflokkanna sem eru búnir að vera hér í áratugi? Já, í alvöru? Eða er það bara svo að því verr gefast heimskra manna ráð sem fleiri koma saman? 

 

Er Samfylkingin í Kópavogi með Semu Erlu í fylkingarbrjósti   sem er svo í sérstöku sambandi við trommarann Gunnar Waage á Sandkassanum sér við hlið á fréttamynd frá óspektum  GF á Austurvelli hið nýja andlit íslenskra stjórnmála?

Það er eins gott að hægt sé að vitna í samþykktir slíkrar lýðræðisfylkingar þegar ræða þarf málin í samhengi.

Flugvöllur Gústafs

Elí Pálssonar leit svona út skv. teikningu hans frá 13. sept.1937. Þá var enn mánuður í að undirritaður fæddist á Rauða Blettinum að mig minnir.

Rauði bletturinn á myndinni er Landspítalinn. 

Það er nokkð ljóst að Gústaf byggir tillögu sína á rannsóknum enda er núveramdi flugvöllur í megin atriðum svipaður þessum. Neyðarbrautin sem nú á að slá af hvað sem það kostar sýnist mér liggja eins og hjá Gústaf sem virðist hafa gert ráð fyrir því að hún yrði ekki minnst notuð vagna vindátta.

Þorkell flugstjóri er búinn að gera allt sem í hans valdi stendur til að hafa áhrif á Dag Bé. En það er morgunljóst að hann má sín lítt gegn hagsmunum Valsmanna ehf eða hverjum öðrum borgarstjórnarvinum.

Magnús Ó.Erlingsson lögfræðingur Reykjavíkurborgar er búinn að tilkynna að eigendur Fluggarða skuli rífa flugskýli sín bótalaust. Sigurður Ingi Jónsson forseti Flugmálafélagsins tiltekur að mannvirkin, sem eru 8000 fermetrar af atvinnuhúsnæði,  hljóti að njóta hefðarréttar skv. landslögum. Ekki hefur það áhrif á Dag Bé frekar en annað því hann er víst búinn að gefa Háskólanum þetta verðmæta svæði. Hvaðan kom honum eiginlega sá réttur? Hvað skaðast Reykjavíkurborg mikið á svona sýnigjörningi?Getur ekki Örn arkitekt reiknað það út?

Skipulag Reykjavíkur hafði áður samþykkt að flugvöllur Reykjavíkur skyldi vera á þessum stað. Ríkið tók land í Vatnsmýrinni eignarnámi undir flugvöll Bretanna. 1947 var Reykjavíkurflugvöllur afhentur Ólafi Thors sem var á sjakett og með pípuhatt að mér ásjáandi, f.h.íslenska ríkisins, í heilu lagi 1947. Reykjavíkurborg á ekkert í þessum flugvelli.

Það er skelfilegt að vita til þess að Reykjavíkurborg skuli í dag ráða slíkir sveitamenn sem raun er. Sjá ekki hvílík tækifæri fyrir efnahag Reykvíkinga völlurinn er. Þaðan gætu farið mörg Evrópuflug á dag til viðbótar því sem þegar er, án þess að nokkur yrði var við.Svo hljóðlátar eru þoturnar orðnar.

Þvílíkar Zombíur í Borgarstjórninni sem sjá ekki hvað samgöngur þýða fyrir eina þjóð eins og til dæmis Bretar sem hafa City-flugbrautina á bakka Thames inn í miðjum bæ.Jafnvel Xerxes Persakóngur skildi þýðingu samgangna fyrir þúsundum ára. Í fullri andstöðu við 80 % þjóðarinnar erum við með slíkar fornaldareðlur við völd árið 2016 að þær eru að eyðileggja þetta óborganlega mannvirki. Reykjavíkurflugvöll.

Vonandi gerir Alþingi eitthvað á næstu dögum tkil að bjarga þeim mannslífum sem annars verða í hættu í vetur að því að Þorkell flugstjóri telur.

Flugvallarhönnun Gústafs Elí Pálssonar er í fullu gildi eftir þessi stuttu 79 ár. Sama er ekki hægt að segja um hugsanir Dags Bé og hans nóta. Þeir verða orðnir að martröð Reykjavíkur eftir þann árafjölda.

 

Áhlaup á Íslensku þjóðfylkinguna

á Austurvelli í gær. Gunnlaugur Ingvarsson formaður lýsir því hvernig RÚV og Helgi Pírati gera sameiginlegt áhlaup á friðsamlega mótmæli Þjóðfylkingarinnar á Austurvelli í gær. Söfnuður Semu Erlu vildu svo greinilega slagsmál og reyndu að koma þeim af stað með áreiti og ofbeldi.

Verði þetta þróunin áfram að góða fólkið ætli að kæfa mótmæli alþýðu gegn öndverðum skoðunum í líkingu við þau skrílslæti sem menn urðu vitni að á Landsfundi Sjálfstæðisflokksins, þá fer að styttast í stjórnmálafundi í stíl Weimar-lýðveldisins.

Gunnlaugur flytur sitt mál örugglega með  rökum og án æsinga. Hann ber ákveðið til baka að þjóðfylkingin sé rasískur flokkur heldur nokkurskonar mannúðar-og skynsemisflokkur sem vill koma í veg fyrir þau mistök sem víða hafa verið gerð.

Ég er þó nokkuð ánægður með Gunnlaug sem stjórnmálamann, hann er flugmælskur, vel upplýstur og skýr á málefnunum. Ég hygg að flokkur undir slíkri forystu geti náð raunverulegum árangri þar sem hann er greinilega drifinn af hugsjónum en ekki kerfismennsku. Framboð eru að koma fram og víst er að margir hafa beðið eftir svona fersku stjórnmálafli með stefnu fremur en fleiri útgáfum af Samfylkingunni eins og hér hafa riðið húsum um langan tíma.

Það þarf að fá frekari reynslu á það hvort þetta sé það  sem koma skal. Þeir þjóðfylkingarmenn sem mættu á Austurvelli í gær tóku greinilega áhættu. Þetta góða fólk er greinilega ekki svo gott að óhætt sé að skeyta ekki um eigið öryggi í návist þess.

Ætli frekari og fjölmennari fundir séu í aðsigi?

Gone with the wind?

er klassísk mynd sem ég var að rifja upp á Netflix. Hugsa sér hvað þetta var flott í gamla daga. Ég er líklega kominn á þann aldur að finnast allt flottara sem var í gamla daga og þá menn og málefni líklega líka. Clark Cable var stórglæsilegur maður og raunveruleg stríðshetja og Maureen O´Hara var fegurst kvenna.

Mér finnst ég kannske vegna einhverrar fortíðarþrár upplifa skrítna tíma sem Sjálfstæðismaður þessa dagana. Á kannski erfitt með að aðlaga mig breyttum heimi þar sem aðeins fjórðungur fólks á samleið með flokknum mínum gamla.

 Ég hitti fólk hingað og þangað sem skilur ekki upp né niður í stefnu flokksins í vaxta og verðtryggingarmálum. Ég heyri Vilhjálm Birgisson ræða við Pétur á Sögu um það, að það sé búið að sníða fjármálakerfi utan um þjóðina sem haldi öllum í gíslingu. Það sé ekki verið að hjálpa neinum heldur bara að herða tökin. Þjóðin sé til fyrir Fjármálakerfið en ekki öfugt.

Hver sem þarf aðstoð banka er samstundist spunninn innan í hylki eins og fluga sem lendir í neti köngurlóar þaðan sem hann ekki kemst út nema með afarkostum. Það eru gjöld ofan á verðtryggingu og kostnað  og svo  5-15 % vextir í 1.1 % verðbólgu sem orðin lægri en í Evrópu þar sem vextir eru núll eða mínus. Þetta allt segir Vilhjálmur Birgisson af Akranesi.

Það eru greiðslumöt til að fá lán fyrir fyrstu íbúð sem enginn byrjandi stenst nema að eiga helming í fasteign.  Séreignarsparnaður sem er 10 ár iúti í framtíðinni má nú nota sem útborgun. Er þetta ekki rosaleg aðstoð við unga fólkið?

Allt þetta er svo  að gerast á fasteignamarkaði þar sem fermetraverðið stefnir í 700.000 krónur á fermetrann meðan hann kostar 100.000 í Póllandi. Húsavík neitar verktökum um leyfi til að byggja ódýrar bráðabirgðaíbúðir á pólsku verði. Þeir ætla að halda uppi standardinum hjá fólki. En hafa þeir háu herrar athugað að unga fólkið býr ekki lengur við sama standard og þær alsnægtir sem foreldrarnir bjuggu við. Rétt eins og gömlu Suðurríkin eru horfin og koma ekki aftur.

Sama myndi gerast hér hjá félagshyggjustjórnunum á höfuðborgarsvæðinu, hvaða flokkar svo sem meirihlutana mynda. Hér fær enginn að byggja gámahús sem er hægt að byggja á pólsku verði og flytja inn á morgun. Nei, þú verður að fara á fasteignasölu og kaupa tilbúna flísalagða lúxusíbúð á íslenska verðinu.  Hvað er að því að búa í sumarbústað? Er ekki aðalatriðið að sofa við upphitun, komast í vinnuna, skólann og á krárnar í 101?

Formaður Sjálfstæðisflokksins og forsætisráðherra Framsóknar fara í Hörpu og ætla að útskýra fyrir meðaljónum landsins hvernig fólk eigi að kaupa sér fyrstu íbúð. Hvorki Vilhjálmur Birgisson né Pétur vildu viðurkenna svo ég skildi að þeir hefðu skilið boðskapinn. Og þaðan af síður að þeir hefðu upptendrast af bjartsýni við hann. Hvað má þá vesalingur minn segja? Hvað er annars hlutverk leiðtoga í stjórnmálaflokkum? Að maður tali ekki um í aðdraganda kosninga?

Ég hlusta á velferðarráðherrann Eyglóu úr Framsókn flytja ræður um nauðsyn þess að lengja fæðingarorlofið sem nýtur dvínandi vinsælda og lækkandi fæðingartíðnar hjá Íslenskum mæðrum. Hún ætlar að hækka kostnað skattgreiðenda af því um helming eða svo. En aldraðir og öryrkjar eiga ekki að fá krónu til baka af því sem Steingrímur J. stal af þeim. Og það er eins og enginn hafi  talað um leiðréttingar síðan?

Og svo eru þessir flokkar að stefna þjóðinni  í kosningar. Eru þeir bara búnir á því? Uppgefnir á stjórnarstörfum?  Búast þeir við glæstum sigrum?

Hvað ætla þeir ríkisstjórnarmenn að bjóða í kosningabaráttunni? Hvað og fyrir hverja? Og hverjir eru líklegir til að leggja við eyrun? Hælisleitendur og flóttamenn munu líklega njóta lengingar fæðingarorlofs þar sem þeirra barnafjöldi verðu margfaldur á við Íslendinga.

Hvað með aðra þjóðfélagshópa? Hefur þeim verið  boðið eitthvað það sem sópar til sin atkvæðum og tryggir stjórninni framhaldslíf?

Það eru margir sem skilja forystumenn stjórnarflokkanna ekki. Gamalgrónir flokkshestar segja upphátt að þeir geti ekki hugsað sér að kjósa flokkinn sinn í fyrsta sinn í fimmtíu ár.

Það er talsvert talað um að leita eftir að leggja fram DD-lista, slíkt sé orðið gapið á milli þingliðsins og þjóðarinnar. Þetta gamla þinglið og þreytta sem fær að hlýða á ræður um að senn fái það liðsauka með barnungum frambjóðendum. Þá hljóti flokkurinn að geta sungið sig inni í hjörtu þjóðarinnar í kosningunum 29. október. n.k. Því trúir auðvitað  hver Sjálfstæðismaður sem betur getur.

                                                               

Að hugsa sér að eitt sinn fékk Sjálfstæðsflokkurinn 45 % á landsvísu. Þá var Geir Hallgrímsson formaður. Jón Baldwin sagði að karlinn í brúnni væri ábyrgur fyrir aflabrögðunum. Það hlýtur að vera misskilningur enda  Alþýðuflokkurinn löngu steindauður. Oddný Harðardóttir nýkjörinn formaður í  „leftover“ Samfylkingar virðist varla ná inn manni í kosningunum. Og hvað sem menn halda um Viðreisn þá sé ég hana ekki vera að taka við af Sjálfstæðisflokknum eða ná inn manni nema að vinna hann af Samfó.

Svo hvar er stemningin? Hvar er baráttuandinn? Hver eru málefnin? Hvar er allt sem var?

Gone with the wind?

 

Leyndó, leyndó

er allt sem umlykur fjármál Samfylkingar komma og krata á Íslandi allt frá því að það kommarnir voru á fræmfæri Kremlar.

Hannes Hólmsteinn ritar eftirfarandi samantekt í Mbl:

"Samkennarar mínir í stjórnmálafræðideild hafa talað fyrir auknu gagnsæi í stjórnmálum. Hæg eru heimatök, því að Margrét S. Björnsdóttir starfar í deildinni, en 2009-2013 var hún formaður framkvæmdastjórnar Samfylkingarinnar.

Árið 2009 reis hneykslunaralda vegna hárra styrkja fyrirtækja til stjórnmálaflokka árið 2006, áður en reglum var breytt.

Þá gaf Samfylkingin þær upplýsingar, að flokkurinn hefði þegið 36 milljónir kr. frá fyrirtækjum árið 2006. Í ljós kom, þegar Ríkisendurskoðun fór löngu seinna yfir málið, að flokkurinn hafði fengið 102 milljónir kr. frá fyrirtækjum það ár.

Nú ættu samkennarar mínir að spyrja Margréti, hvað valdi þessu misræmi. Þurfum við ekki aukið gagnsæi? Fleira er hnýsilegt.

Tveir aðilar styðja Samfylkinguna: Sigfúsarsjóður og Alþýðuhús Reykjavíkur ehf. Þeir eiga saman húsnæði það, sem Samfylkingin hefur til afnota, og veita henni styrki. Sigfúsarsjóður var stofnaður til að halda utan um eignir Sósíalistaflokksins, sem starfaði 1938-1968.

Þótt flokksmenn væru aðeins eitthvað á annað þúsund, átti flokkurinn tvö stór hús, Tjarnargötu 20 og Skólavörðustíg 19. Hefur væntanlega eitthvað af hinum stóru styrkjum, sem Sósíalistaflokkurinn fékk frá Moskvu, verið notað til að eignast þau.

Sigfúsarsjóður varð síðan fjárhagslegur bakhjarl Alþýðubandalagsins og loks Samfylkingarinnar. Hann er sjálfseignarstofnun, en hefur ekki skilað ársreikningi í meira en áratug.

Hvað er mikið í sjóðnum?

Hverjir ráða honum?

Hvernig eru þeir valdir?

Hvernig styðja þeir Samfylkinguna?

Þessu getur Margrét eflaust svarað.

Alþýðuhús Reykjavíkur ehf. var stofnað til að halda utan um eignir Alþýðuflokksins, sem starfaði 1916- 1998. Flokkurinn átti Iðnó og Alþýðuhúsið, sem var selt 2001 fyrir 222 milljónir kr. og breytt í Hótel 101. Að núvirði er söluverðið 478 milljónir kr.

Stofnuð voru félögin Fjalar og Fjölnir til að fara með eignir Alþýðuhússins, en engar upplýsingar fást um þau. Í skjölum ríkisskattstjóra eru þau skráð erlendis, en forsvarsmenn Alþýðuhússins vísa því á bug og bera við skráningarörðugleikum.

En hvað varð um 478 milljónirnar? Hvað gera Fjalar og Fjölnir? Hverjir ráða Alþýðuhúsi Reykjavíkur ehf.? Hvernig eru þeir valdir? Hvernig styðja þeir Samfylkinguna? Þessu getur Margrét eflaust svarað. Við þurfum aukið gagnsæi...."

Það er víst búið að veðsetja Valhöll fyrir því sem flokkurinn skilaði af framlögum fyrirtækja árið 2007. Það átti líklega að efla álit flokksins. Samfylkingin virðist standa keik án þess að hafa skilað eyri af hundrað og tveimur milljónum.

 

Litla hryllingsbúðin

 

 

 

 

 

 

 

 

 

 

 

 

 

Næsti ríkisstjórnarmöguleiki.

 

Við hverju býstu af Birgittu?

30% kaupmáttaraukning er orðin staðreynd í tíð þessarar ríkisstjórnar. Gengið hefur styrkst, vörugjöld lækkað, virðisaukaskattur hefur lækkað.

Við hverju býstu hjá Birgittu?

Samfylkingin vill fjölga skattþrepum

úr þremur í fjögur. Nota tekjuskattskerfið til tekjuöflunar og jöfnunar. Eins og vinstri manna er háttur getur hún ekki nefnt neinar tölur hvað teljist ofurlaun heldur notar hún lýsingarorð. 5.5 milljarða fyrirhuguð niðurfelling á miðþrepi gagnast bara tekjufólkinu segir hún, þeir verra settu fá ekki neitt. Hún vill bæta einu skattþrepi ofaná tekjuskattskerfið en notar lýsingarorð einvörðungu sem stefnumörkun. 

Hægri menn segja skattkerfið aðeins tekjuöflunartæki segir Sigríður Andersen. Betur hefði þeim verið fækkað í eitt.Við höfum bótakerfi til jöfnunar. Við erum búin að flækja skattkerfið með allskyns óskastýringum eins og til dæmis bílagjöldum. Jaðarskattar verða vandamál í þrepaskiptu tekjuskattskerfi.

Í stað þess að nota næsta hálfa árið til vinna að því að framkvæma stefnu sína í skattamálum kýs Sjálfstæðisflokkurinn að afhenda þingmeirihluta stjórnarinnar til stjórnarandstöðunnar með haustkosningum.

VG vill hærri skatta

Skattkerfið er ekki notað til tekjujöfnunar segir þingkona þeirra Bjarkey Olsen Gunnarsdóttir á Sprengisandi.Hún ætlar að lækka laun sín með því að hætta á þingi.

Guðlaugur Þór segir skatta vera háa á Íslandi miðað við önnur lönd. Sjálfstæðismenn hafa lækkað neysluskatta segir Guðlaugur sem er í rétta átt. Þeir vilja lækka beina skatta.

Er ekki einfalt að velja á milli tveggja skýrra valkosta. Viltu borga meira eða viltu borga minna.Ef þú borgar lítið sem ekkert núna þá hlýturðu að kjósa VG í von um að jöfnunin sem Bjarkey talar um komi til þín. Ef þér finnst þú borga nóg núna geturðu þá kosið VG?

Er það ekki er mikil fórnfýsi hjá hátekjufólkinu í þingliði VG að kjósa  VG yfirleitt? 

Víglundur Þorsteinsson

var í síðdegisþætti Péturs Gunnlaugssonar í gær.

Þetta var einkar fróðlegur þáttur þar sem Víglundur fór á yfirvegaðan hátt yfir helstu ráðstafanir Jóhönnustjórnarnnar gagnvart almenningi.

Víglundur rakti hvernig stjórnin sló skjaldborg um fjármálakerfið gegn hagsmunum almennings. Einkum rakti hann  þátt hrunmálaráðherrans Steingríms J. Sigfússonar í mörgum liðum.

Einna áberandi verstu afskipti Steingríms af hagsmunum almennings voru þau, að brjóta neyðarlögin sem mæltu fyrir um að skuldir heimilanna skyldu færðar niður um 50 % við yfirfærslu lánanna frá föllnu bönkunum yfir í þá nýju. Þessi lög hafði Steingrímur stúdent að engu, lét lánin halda sér og gaf erlendu vogunarsjóðunum bankana sem þar með fengu skotleyfi á almenning. Fjölskyldur fóru þúsundum saman á hausinn og misstu allt sitt meðan vogunarsjóðirnir græddu. Og allan tímann hélt þessi Steingrímur að hann væri örmagna í björgunarstörfum fyrir þjóðina!

Steingrímur gaf Vogunarsjóðunum bankana með lánum almennings og áætlar Víglundur að upphæðin hafi numið um 700 milljörðum króna. Svo reif hann hár sitt þegar viðtakandi stjórnvöld sóttu 500 milljarða af þessu fé til baka. Allt þetta taldi Víglundur að benti til þess að Steingrímur hefði minnst skilið af því sem fram fór. og hlýtur að valda almenningi heilabrotum þar sem þetta er þingmaðurinn með lengstu þingreynsluna.

Nú þegar kosningar nálgast væri hollt að íhuga hvílík völd þessi sami Steingrímur hefur nú og hvílík völd hann gæti öðlast á ný eftir þær. Enginn veit hvaða tök Steingrímur hefur á núverandi formanni VG með engilsásjónuna. En af fyrri frekju hans og dómgreinarleysi um eigið ágæti að dæma gætu áhrif hans orðið kjósendum dýrkeypt í nýjum þingmeirihluta reynsluleysis, draumóra og óskhyggju.

Víglundur Þorsteinsson á þakkir skildar fyrir þessa yfirferð á Útvarpi Sögu í gær og er ástæða til að hvetja þá sem ekki hlustuðu til að gera það.