Hipp hipp húrra!

það fækkar í VG!

"Á annað hundrað flokksfélaga hafa sagt sig úr Vinstri grænum eftir að ákveðið var að ganga til stjórnarmyndunarviðræðna við Sjálfstæðis- og Framsóknarflokk. Á sama tíma hafa sjötíu skráð sig í flokkinn.

Þetta kemur fram í fréttabréfi Vinstri grænna sem gefið var út í gær, 1. desember. Nokkur ólga hefur verið innan flokksins vegna samstarfs við Sjálfstæðisflokk. Tveir þingmenn Vinstri grænna, þau Rósa Björk Brynjólfsdóttir og Andrés Ingi Jónsson, studdu ekki stjórnarsáttmála nýrrar ríkisstjórnar. Í fréttabréfinu segir að mikil hreyfing sé innan flokksstarfsins, bæði hjá fylgjendum og andstæðingum hinnar nýju ríkisstjórnar.

Meðal þeirra sem sem hafa sagt sig úr flokknum að undanförnu eru Ugla Stefanía Kristjönudóttir Jónsdóttir, sem verið hefur á lista flokksins í alþingiskosningum, Margrét Pétursdóttir, fyrrum stjórnarmaður í flokknum, Gísli Garðarsson, fyrrum varaþingmaður og Drífa Snædal, fyrrum varaþingmaður og fyrrum framkvæmdastjóri flokksins."

Þetta fólk sem gengur úr er þar með orðið áhrifalaust í pólitík og veltist um í tilgangsleysi. Það hefur engan stað til að standa á og enginn mun kjósa þá til neinna áhrifa.

Good riddance.Hip hipp húrra!

 

 

•  

Kratísk sýndarmennska

birtist glöggt í viðtali við meiraprófsnemann Björtu Ólafsdóttur. Þar er þessi kona að reyna að sveipa sig einhverjum hugsjónablæ vegna þess að faðir Bjarna Benediktssonar skrifaði uppá meðmæli fyrir meiraprófsbílstjórann sem var kynferðisglæpamaður hvað sem hann nú hét. Maðurinn var að reyna að f+a vinnu og Bensi vorkenndi honum.

Vonandi er fólk að sjá tilgangsleysi í þessu pólitíska upphlaupi Bjartrar sem er gersamlega úr tengslum  við ríkisstjórnarstarf hennar eða þessara bjálfa úr Bjartri Framtíð. Þeir  þykjast hafa einhverjar hugsjónir eins og Björt heldur fram. En ég kem ekki auga á annað en upphlaup og tilraunir til keilusláttar sem engan tilgang hafa nema að reyna að slá ryki í augu einhverra. 

Það tókst alls ekki á næturfundinum sem þetta lið hélt og vonandi hættir svoleiðis að virka á nokkurn mann. Pólitík er nefnilega langhlaup og list þess mögulega. Þetta er starf sem miðar að því að bæta hlutina en ekki að sprengja og eyðileggja eins og gjarnan er háttur hins ábyrgðarlausa  krataisma, sem Benedikt sálugi Gröndal kynnt svo eftirminnilega í mín eyru. Kratisminn hefur yfirleitt enga  pólitíska staðfestu hefur heldur aðeins upphlaup, sýndarmennsku og ábyrgðarlaus yfirboð á sinni dagskrá.

Eins og Ingibjörg Sólrún stundaði í R-listanum þegar hún keypti fylgilag Alfreðs Gíslasonar við hvaða verði sem var bara til að klekkja á Sjálfstæðisflokknum sem hún tjáði jafnan á innsoginu í hneysklun sinni og hatri.  Nú borga reykvískir kjósendur kostnaðinn af egóflippi Alfreðs sem hélt að hann væri spámaður í málefnum Orkuveitunnar.

Og Ingibjörg Sólrún sýndi sama ábyrgðarleysið þegar hún sprengdi hrunstjórnina hans Geirs, stökk frá borði eins og rotturnar gera þegar skipið þarf að láta úr höfn í hættuför. Hún bjargaði sjálfri sér kannski í land en það verða fáir Sjálfstæðismenn sem treysta krötum aftur í neinni pólitískri mynd, þeirra óhreinlyndi er með þeim hætti að enginn getur átt náttstað undir exi þeirra.

Þeirra er aldrei nema kratísk sýndarmennska og gott að þeir eru hvergi nærri nýrri ríkisstjórn.

Búsæld í Barentshafi?

að því að Magnús Þór Hafsteinsson upplýsir.

Magnús segir:

"Norskir sjómenn og útgerðarmenn kvarta líka þessa dagana. Frá og með morgundeginum lækkar verð á þorski til sjómanna í Noregi um tuttugu prósent. 

 

Þetta er niðurstaða úr samningaviðræðum norska fisksölusamlagsins (Norges Råfisklag)og samtaka fiskkaupenda. Norska sjávarútvegsblaðið Kyst og Fjord greinir frá þessu í dag. Sjá hér. 

 

Formaður norska fiskimannasambandsins (Norges Fiskarlag) kvartar og kveinar sem von er. Það sem skilur þó norska sjómenn og útgerðarmenn frá þeim íslensku er að norskir geta líkast til brosað gegnum tárin.

 

Þorskkvótinn í Barentshafi verður nefnilega aukinn um fjórðung á næsta ári - heil 25 prósent eða um 250 þúsund tonn. Það er mokveiði í Barentshafi og því líklega ódýrara að stunda veiðar en nokkru sinni fyrr. Þar verða veidd minnst milljón tonn af þorski á næsta ári, mesta veiði í 40 ár. 

 

Það verður áhugavert að fylgjast með því hvort stóraukið framboð úr Barentshafi og þetta mikla verðfall á þorski í Noregi muni ekki einmitt setja þrýsting á fiskverð á Íslandi?

 

Og svo er heldur ekkert veiðigjald í Noregi..."

 

 

Hvað er það sem gerir það að verkum að menn veiða næstum eins og þá lystir í Barentshafi og fiskigengdin vex ár frá ári?

 

Getur verið að fæðuskortur vegna offjölgunar hjá þorskinum á Íslandsmiðum sé valdur að þessu? Hefur ekki Jón Kristjánsson verið að segja okkur að við veiðum of lítið og fiskurinn svelti þessvegna?  Vanveiði en ekki ofveiði hafi verið vandamálið á Íslandsmiðum?

 

Að minnsta kosti er skondið að veiðin í Barentshafi vex meðan ekkert gengur hjá okkur þrátt fyrir áratuga stranga veiðistýringu.

 

Aflinn hjá okkur er mestan part svona fjórðungur af jafnstöðuþorskafla fyrri tíma. Eru það kannski bara bankarnir sem eru að stýra veiðinni til að halda uppi veðandlögum sínum í kvótanum en ekki ofveiðin?  Af hverju má ekki ræða kenningar Jóns Kristjánssonar og svo kenningarnar um geymslu fiskjar í sjónum?

 

Búsældarfréttir úr Barentshafi vekja spurningar hjá leikmönnum.

LSG

segi ég núna eins og menn sögðu í gamla daga þegar þessi ríkisstjórn hefur litið dagsins ljós. Hún er býsna merkileg og eiginlega ótrúleg miðað við aldur  flokka og fyrri störf.Það hefur sannarlega verið törn að koma saman þessu málefnasamningi. Og nokkuð er ég viss um að Bjarni Benediktsson hefur ekki látið skutinn frýja skriðar með sinni lagni.

Það eru margir hægri menn sem þykjast vera í fýlu yfir að við Sjálfstæðismenn skulum eiga þátt í því að leiða kommana til valda. En verðum við ekki að vera raunsæ? Hvað annað var í boði miðað við þetta tilgangslausa smáflokkakraðak sem bægslast um á Alþingi?

Vildu menn heldur horfa framan í Píratattrýnin? Fannst mönnum þau eftirsóknarverð eftir að horfa á Assange þáttinn? Er þetta lið sem menn vilja sjá í Stjórnarráðinu? Menn lesi bara textann sem Sunna Ævarsdóttir lætur frá sér eftir stjórnarmyndunina. LSG að hún né hennar líkar eru hvergi nærri ríkisstjórn.

Fyrir mig lýsi ég ánægju minni með þessa niðurstöðu, ég held að hún hafi verið sú langskásta í stöðunni. Ég vildi bara að Framsóknarflokkurinn bæri gæfu til að sameinast á ný. það væri ómetanlegt framlag til stjórnmálalegs stöðugleika.En líklega geta smákóngar aldrei lifað tveir í einu.

Nú er spurningin hvort Þórunni og Guðríði í BHM tekst að kollvarpa hér stöðugleikanum eða hvort tekið verði á þeim með þeim tökum sem duga. Þjóðin á allt undir skynsamlegum "kjarasamningum " sem eru nú frekar sjaldgæft fyrirbrigði. Fólk getur ekki skilið það að núll prósent kauphækkun væri sú besta kjarabót sem þjóðin gæti fengið í formi gengishækkunar og verðbólguleysis.En það er víst lítil von. 

En LSG að þetta er í höfn.