Assad er varla eðjót.

sem heldur að hann geti grætt á eitursprengjum. Þetta er menntaður maður og augnlæknir.Ekki hálfviti eins og Khomeini til dæmis eða Kim í Kóreu.

Ég held að kallinn sé hafður fyrir rangri sök. Það plöntuðu þessu einhverjir á hann. Hann er ekki svona vitlaus. Í herfræði Klausewitch er þetta þekkt aðferð til að koma stigmögnun af stað. Bara tegund af áróðurstækni.

Hver treystir leyniþjónustunum fínu eftir tilbúninginn í Írak gagnvart Saddam verkfræðingi? Blásaklausum manninum sem svo reyndist?

Það er sótt að karlinum úr öllum áttum. Það er ekkert víst að það fáist minni drullusokkur en hann til þess að verða forseti í þessu ríkisskrípi sem kallast Sýrland.

Álítum ekki Assad meira eðjót en hann er.  

Hver verður varaformaður?

Sjálfstæðisflokksins?

Ég var spurður að þessu beint á snúðinn í dag. Alveg eins og að ég bara réði þessu.Á ég kannski bara að ráða þessu?

Mér vafðist nú eiginlega tunga um höfuð. En svona til að bera mig gáfulega og þykjast vera eitthvað þá sagði ég íbygginn:

Það verðu óhjákvæmilega kvenmaður. Annað væri óþolandi mismunun gagnvart konum.

Auðvitað vissi ég þó þetta. Ef valið stendur á milli karls og kerlingar þá skal kellingin valin. Annars verður allt vitlaust og æpt um brot á jafnréttislögunum, óþolandi mismunun, kvenhatur osfrv. Eða hvað ekki?

Þá liggur það allavega fyrir. Hver þorir að æmta eða skræmta?  Þá er bara spurningin hvaða kona?

Bjarni kemur auðvitað með sína konu og reynir að berja hana ofan í Landsfundinn. Þá er spurning hvort Landsfundur hefur einhverja aðra skoðun. Það munu menn ekki verða sammála um.

Svo líklega fær Bjarni bara að ráða því hver verður varaformaður.

 

 

Dregur til tíðenda?

í Norður Kóreu?

Bandaríkin virðast telja flotadeildir sínar eiga eitthvert erindi austur þangað. Sem er varla nema von þegar mannvitsbrekkan Kim Il Jong spekúlerar upphátt í því að senda atómbombur með rakettum til Bandaríkjanna án sérstaks tilefnis.  Annað eins myndi Ameríkönum hafa þótt ískyggilegt tal hér áður fyrr.

Getur veröldin yfirleitt búið við það að slíkt stjórnkerfi fái að leika lausum hala mikið lengur? Væri ásættanlegt að klíkur eins og ISIS eða Hamas fái kjarnorkusprengjur til að leika sér að? Er yfirleitt ásættanlegt lengur í henni verslu að stríðsherrar og glæpamenn ræni völdum og haldi þeim hingað og þangað?  Er yfirleitt hægt að líða stjórnir SaudiArabíu, Sýrlands,Iran  og fleiri slíkra landa og umgangast þær sem jafningja? 

Þurfa Sameinuðu Þjóðirnar ekki að fara að gera meiri kröfur til stjórnvalda og lýðréttinda á hverjum stað? Mun ekki annars draga til meiri tíðinda vegna hinna sem þurfa að lifa í sama heimi og glæpamennirnir sem ræna völdum ef þeir komast upp með það? 

 

Hvað heldurðu að gerist

ef ég blæs tvö stuð í lúðurinn sagði Vestmannaeyjaklerkur við þann aðkomna klerk ofan af fastalandinu? En þá hafði hann nýverið blásið eitt stuð í trompetinn og þá samstundis hafði prestmaddaman í Eyjum komið með rjúkandi kaffi handa blessuðum prestunum þar sem þeir sátu á spjalli um ecclesísk málefni á prestskontórnum þarna úti í Eyjunum á síðustu öld.   Nei, það gat ekki landklerkur vitað.   Ja sjáðu til segir þá Eyjaklerkur hinn íbyggnasti:  Þá hefði sko komið kaffi og með því.Sá aðkomni nærri datt aftur fyrir sig af frugt yfir snilld Ofanleitisklerks. Sem vonlegt var við það að verða vitni af slíkri veraldlegri skipulagsgáfu eins Herrans þjóns.

Svipaðar tilfinningar gætu hafa hríslast um hann Kínaklerk þegar hann frétti hvað Trump Heimaklerkur hefði verið að bralla meðan þeir voru að drekka kaffið á Florida. Þarna var þó bara um smágas í Sýrlandi hjá honum Assad amlóða að ræða. Hvað gæti honum Heimaklerki ekki dottið í hug að gera uppá sitt eindæmi  ef vinir Kínaklerksklerks í NorðurKóreu færu að fikta við Atóm í leyfisleysi? Hugsanlega án þess að spyrja Kínaklerk leyfis þar sem þeir eru orðnir býsna frekir og sjálfráðir í seinni tíð? Heimaklerkur gæti tekið upp á einhverju óvæntara en andskotanum. Enginn KimIlJong allt í einu. Ekkert á milli Kína og SuðurKóreu skyndilega?  Slíkt gæti komið mönnum í uppnám og þó minna tilefni væri. Heimaklerkur er nefnilega búinn að sýna það að hann er ekki endilega hvers manns leika fremur en Þorgils skarði við dýrshornið. Og spyr kannske ekki fyrr en eftirá frekar en þeir gerðu sumir í Texas í gamla daga?

Kínaklerkur er sagður hafa verið hugsi um stund við tíðindin og svo er víst um fleiri klerka í hinum ýmsu kirkjusóknum á heimsbyggðinni. Eru kennimenn  hreint ekki sammála um annað en að vissara sér að hafa varan á sér þar sem Washingtonklerkur er annars vegar. Það sé ekki að vita hvenær né hvursu mörg stuð sá karl getur blásið í lúðurinn og hvað þá gerist? Það er ekki víst að það verði þá tómt molakaffi í boði heldur með því líka.

Er eitthvað að marka?

það sem sagt er? Gilda ekki aðrar reglur ef félög eiga í hlut? Vogunarsjóður er ekki glæpamaður þó stjórnandinn sé það? Visa er ekki glæpamaður þótt forstjórinn hafi stýrt glæpaverkinu en félagið borgað sektina.Hann fékk bara stöðuhækkun. 

Úr innkaupareglum Reykjavíkurborgar 28.gr um hæfi bjóðenda:

" Óheimilt að gera samning við þá sem hafa verið sakfelldir fyrir spillingu, sviksemi, peningaþvætti eða þátttöku í skipulegri brotastarfsemi."

Félag ætti ekki að vera  dæmt þó að stjórnendur séu sé samviskulausir.Þó er það venjan hérlendis en stjórarnir sleppa. Það er öfugt við Bandaríkin þar sem þeir fara í steininn fyrir misgerðir.

Þegar Kristján á Sprengisandi spyr Dag, borgarstjóra, um viðhorfið til samninga hans við Ólaf Ólafsson 2017, þá svarar Dagur því efnislega til, að Sjálfstæðisflokkur og Framsóknarflokkur þurfi að gera hreint fyrir sínum dyrum vegna hrunsins 2008,

Muna menn ekki Ingibjörgu Sólrúnu sem svaraði allri gagnrýni á innsoginu: EEEEN Sjááááálfstæðisflokkurinn. Þetta er bara háttur ósvífninnar sem einkennir vinstrimenn.Hún glórði upp á móti myndavélinni sem litla ofsótta konan og allir vorkenndu henni og kusu.Þannig spilar Katrín Jakobs sig líka.

Dagur lofar ýmist, 400 íbúðum, 1000 íbúðum, 3500 íbúðum eða 7000 íbúðum til að leysa húsnæðisvandann þó engin sé byggð. Og fólkið trúir honum og kýs hann. The people just loves idiots.

Svo felldi Dagur að gera íbúðalóðir í Geldinganesi. Er eitthvað að marka það sem þetta lið er að bulla í pólitíkinni?

Hvernig Óli Björn?

á þetta að ganga upp?

"Selja á flugstöðina og nýta þá fjármuni sem losna til að ráðast í nauðsynlegar framkvæmdir í samgöngum - í vegi, brýr, göng, hafnir og innanlandsflugvelli.

 Með sölunni losar ríkissjóður tugi milljarða sem eyrnamerktir verða umbótum og uppbyggingu í samgöngum um allt land. Þessir fjármunir bætast við það sem ætlað er til árlegrar fjárfestingar í samgöngum á komandi árum samkvæmt fjármálaáætlun, þar á meðal smíði nýrrar Vestmannaeyjaferju og Dýrafjarðargöng. 

Sá er þetta skrifar er sannfærður um að hagsmunum almennings og fyrirtækja er betur borgið með því að nýta fjármuni í umfangsmiklar umbætur í samgöngum en að binda þá í flugstöð, sem aðrir en ríkið eru betur færir um að reka.

 Um leið og Alþingi markar stefnuna til næstu fimm ára í opinberum fjármálum er nauðsynlegt að fram fari umræða og athugun á því hvort og þá hvernig nýting eigna ríkisins þjóni hagsmunum landsmanna best. Alveg með sama hætti og almenningur gerir þá eðlilegu kröfu til fjárveitingavaldsins að dýrmætum skatttekjum sé vel varið er ætlast til þess að bundnir fjármunir séu nýttir í það sem mikilvægast er."

Hver á að kaupa Flugstöðina?Ef ekki flugvöllinn bara líka?  Segjum svo að Lífeyrissjóður Verslunarmanna verði neyddur til að kaupa? Á eitt-tvöþúsund milljarða? Hver á að borga honum 35-70 milljarða í hreinar árstekjur?  Ætlar Ragnar formaður að fara að reka Flugstöð? Eða getum við selt hana til Grikklands? Ragnar kaupi þá eitthvað í Grikklandi í staðinn eins og til dæmis Píreus höfn?

Og hver er hagnaðurinn af ókeypis Dýrafjarðargöngum fyrir örfá hundruð bíla? Eða óeinkavæddri Vestmannaeyjaferju? Gefast þessar eyrnamerkingar skattfjár svo vel eins og bensíngjaldsins til dæmis?

Er það bísness að borga niður skuldir Ríkisins  á 1-2% vöxtum þegar hagvöxtur er 8 %. Væri ekki athugandi að fá Ólavíus Ólavíus til ráðslags um svona mál alveg  eins og Óla Björn í bjartsýniskasti?

 

Mannkynsfrelsarar

eru á leið héðan til að tjasla saman sundurskotnum í Mósúl.

Ég hef stundum velt því fyrir mér af hverju það verður okkar vandamál Íslendinga þegar einhverjir brjálæðingar úti í heimi fara að drepa hvern annan og limlesta. Þá er eins og mest liggi á að bjóða þeim hingað í kost og logi og ala önn fyrir þeim sem liggja óvígir á vellinum eða hafa flúið átökin eins og hræddar geitur.

Hver er ábyrgð fólks í styrjöld eða borgarastríði? Hver var ábyrgð Lincolns? Hver er tilgangurinn með styrjöld? Er hann ekki sá að drepa sem flesta af óvininum sem er núna þú í mínum augum og ég í þinum? Það vissi Shermann þegar hann eyddi öllu sem fyrir honum varð. Af hverju er ábyrgðin á öllu þessu skyndilega flutt til Íslands? Við eigum að redda þessu? Við höfum hinsvegar ekkert að segja um fyrirkomulag manndrápanna eða umfang?

Á ekki frekar að loka landamærum ríkja sem fara í borgarastyrjöld út af pólitík?  Ber þegnum eins ríkis ekki skylda til að taka þátt í borgarastyrjöld? Það hefði ekki verið mikið hlustað á þá Bandaríkjamenn sem ekki vildu taka þátt í þrælastríðinu. Það er kannski  öðruvísi þegar barist er um auðæfin með hjálp stórveldanna og risafyrirtækjanna.Þá eru þetta frekar landvinningastríð í glæpsamlegum tilgangi ala Hitler.

En í alvöru. Af hverju eigum við alltaf að frelsa mannkynið?

Rannsóknaráráttan

er heilkenni( syndrome) sem tröllríður íslenskri þjóðarsál. 

Alveg frá í hruni þegar Rannsóknarnefnd Alþingis réðist í að skrifa langhundinn um liðna atburði, hefur hver skýrslan rekið aðra. Út úr þeim kemur eiginlega ekki neitt sem praktíska þýðingu hefur. Það er verið að fjalla um löngu liðna og fyrnda atburði. Menn eru andsetnir af því að skrifa skýrslur undir því yfirskyni að menn eig að draga einhverja lærdóma af þessum löngu liðnu atburðum. Auðvitað allt fyrnt og týnt og tröllum gefið. Eina sem er bitastætt er það að Ólavius Ólavíus er hafður i vönduðu einelti sem versti maður Íslands. Og ekkert á hann að hafa þar sem þetta er allt týnt og fyrnt.

Er ekki mál að linni. Ef ekkert er hægt að hánka manninn á eigum við ekki að að viðurkenna staðreyndirnar. Maðurinn var bara snjallari en allir hinir eftiráspekingarnir, sem þykjast núna hafa vitað allt upp á hár og gott betur. Villi Bjarna er ekki í þeim hópi.  Maðurinn Ólavíus Ólavíus er að ljúka afplánun með ökklabandi og þar með basta. Þeir sem vilja kaupslaga við hann eins og Samfylkingin og Dagur Bergþóruson  hafa góða lyst á, þeir bara gera það. Og Píratar signa yfir enda flökrar þeim ekki við smávegis misnotkun í húsnæðismálum stúdenta.

Eigum við ekki að hætta að hundelta manninn Olavíus Olavíus svona? Einelti þykir ljótt á Lögreglustöðinni, í leikskólum eða hvar sem er. Leyfum manninum að vera í friði, Það liggur fyrir hvað hann gerði og það hefur engan tilgang að vera að skrifa doðranta af eftiráskýringum á ríkisins kostnað ef allt er bara fyrnt. 

Við lærum nefnilega aldrei af reynslunni, það er fyrsta blekkingin í næstu einkavæðingarhrinu. Rannsóknaráráttan leysir ekkert fyrir okkur nema skaffar völdum mönnum vinnu.

 

 

Loksins lífsmark

frá Alþingi.Það þurfti Framsóknarmenn til að átta sig á því að til stendur að gefa Aríon-banka. Kalla það sölu þegar kaupandinn ætlar að greiða fyrir bankann með peningum upp úr kassa bankans sjálfs.

Ég get ekki annað en þakkað flutningsmönnum fyrir. Mér finnst öll skynsemi hníga að því að samþykkja þessa tillögu ef hún er þá framkvæmanleg vegna þegar gerðra gjörninga.

það er allavega ánægjulegt að loksins sást lífsmark frá Alþingi.

Loftslagsblaðran sprungin

er yrkisefni kollega Friðrik Danielssonar í Mogga í dag.

Friðrik skrifar:

"Það þurfti leiðtoga hins frjálsa heims til að stinga á henni. Og ekki er fagurt það sem út þeytist: Blekkingar, falsanir, umhverfistrúarofstæki, losunarkvótabrask og heimsvaldabrölt. Stóriðja sem hefur eytt trilljónum dala til einskis. Nú gerist það væntanlega að fjárveitingavald Bandaríkjanna mun veita fé óháðum vísindamönnum til rannsókna á loftslagi án þess að þeir þurfi að reyna að sanna ógnina af loftslagshlýnun til að fá framlögin. Bandaríkin hafa eytt yfir 20 milljörðum dala á ári í »loftslagsrannsóknir«, um hlýnun af mannavöldum. Það verður sem sagt »ræst fram fenið« eins og Bandaríkjaforseti orðar það.

 

Við Íslendingar erum þegar komnir út í fenið. Tilskipanavald ESB, EES, hefur komið hér á bókstafstrúarstjórn á »loftslagsmál«. Það þýðir lélegt bensín, mokstur ofan í skurði, svindlriðið losunarkvótakerfi, rafvæðingartilraunir á kostnað bíleigenda, vindmyllur og ýmiss konar »umhverfisvænt« fálm á kostnað skattgreiðenda. Vankunnáttumenn vilja minnka »kolefnissporið« og boða »grænar« aðgerðir en vita ekki að meiri koltvísýringur gerir jörðina grænni og eflir lífið í sjónum."  

                http://www.climate4you.com/GlobalTemperatures.htm

 

Þó að enn sé engin afgerandi hlýnun (nema ónákvæmar mælingar sem sagt er frá í fjölmiðlunum) er bara að vona að óháðir vísindamenn muni finna svar við hvort við getum einhvern tíma fengið einhverja hlýnun þó koltvísýringurinn hafi hverfandi áhrif og ríkt hafi kólnun í 7500 ár. Það yrði mikil búbót fyrir okkur hér á norðurhjara þó að við séum of kjarklaus til að segja frá því. Þegar Keops byggði pýramídann voru grænar hlíðar í stað Vatnajökuls."

Hver segir að hitinn hafi verið réttari eða rangari fyrir 8000 árum þegar hann var miklu hærri en núna? Hvað olli því þegar engin var útblásturinn á gróðurhúsalofti? Hvað losaði Holuhraunsgosið mikið?

Eini orkugjafi jarðar er sólin. Hún er sá mikli máttur sem við öll lútum.  Manngerð loftslagsblaðra má sín lítils gegn hennar afli.