Örnólfur Hall og Harpan

hljóma í Fréttablaðinu í dag. Örnólfur segir svo:

"Enn er fyrirspurn Péturs H. Blöndal heitins um kostnað og rekstur Hörpu ósvarað á Alþingi, þ.e.a.s. hver er hinn enn óupplýsti heildarkostnaður hennar. Upplýsingar vantar enn um rekstur og rekstraráætlanir frá A-Ö!

Pétur vildi allt upp á borðið: „Fyrirspurn til fjármála- og efnahagsráðherra um rekstur Hörpu, tónlistar- og ráðstefnuhúss. Frá Pétri H. Blöndal (Þingskjal 1173/699. mál).

1. Hve háum fjárhæðum hefur ríkissjóður varið árlega til reksturs Hörpu frá því að bygging hússins hófst? Hvert er framlagið áætlað 2015? Hverjar hafa verið tekjur, gjöld og sjóðstreymi á verðlagi hvers árs og uppreiknað miðað við vísitölu neysluverðs til mars 2015?

2. Hafa framlög ríkisins til stofnana sem eru með rekstur í húsinu hækkað vegna flutnings þeirra þangað og ef svo er, hversu mikið?

3. Hver er rekstrargrundvöllur Hörpu næstu 30 árin, tekjur og gjöld með og án afskrifta sem og sjóðstreymi?

4. Hve há voru framlög ríkisins til tækjakaupa í Hörpu og hvað gerðu áætlanir ráð fyrir að verja mætti háum fjárhæðum til þeirra?

5. Hvað er gert ráð fyrir háum fjárhæðum árlega til viðhalds hússins næstu 30 árin?

6. Hve mikið kostaði glerhjúpur hússins og hver er árlegur rekstrarog viðhaldskostnaður hans?

7. Hvers vegna hefur rekstraráætlun hússins, sem Ríkisendurskoðun fór á sínum tíma yfir og taldi í lagi, ekki gengið eftir og hver eru stærstu frávikin?

8. Getur ríkissjóður hætt við skuldbindingu vegna samningsins frá 19. febrúar 2009 um að halda áfram framkvæmdum? Er ekki um að ræða skuldbindingu sem þarf að byggjast á heimild í fjárlögum, sbr. 40. og 41. gr. stjórnarskrárinnar?“

Skriflegt svar óskast. Pétur H. Blöndal.

– Þessu hefur aldrei verið svarað heldur:

a) Hvað kostaði Hörpulóðin öll og að gera hana byggingarhæfa?

 

b) Hvað kostaði jarðvinnan og niðurrif bygginga?

c) Hvað kostuðu sjófyllingar og hvað kostaði að fjarlægja aðrar?

d) Hvað kostuðu gatnatengingarnar?

e) Hvað kostaði torggerðin?

9. Hver var meðgreiddur og afleiddur kostnaður, skattgreið- enda, fyrir fyrri ónýta niðurrifna ,stuðlavegg‘ Hörpu (vegna klúðurs verktaka) sem sigldi sem brotajárn til Spánar?

10. Hver voru heildarlaun krosstengdu Hörpu-,samvinnufélaganna‘ 7: Portus, Situs, Totus, Ago, Hospes, Castos og ekki má gleyma sérbanka Hörpu, Hringi (,HarpBank‘) ?

Skattgreiðendur hafa ekki fengið að sjá heildarkostnaðinn á þeirri krosstengdu ,hringferð‘ og fjársukki!

11. Ofurviðhaldið á húsinu er alls 161 milljón á aðeins 5 árum (árin 2010-15 – en árið 2016-17 vantar, sjá fjárlög og svör til fjárlaganefndar þar um). 12.

Hvar eru stórráðstefnurnar (5-6 þúsund manns) sem allar hafa brugðist? Þær áttu að gera Hörpu sjálfbæra í síðasta lagi 2014.

13. Sífellt rekstrartap er líka stór baggi á skattgreiðendum – nú síðast 684 milljónir (síðasti ársreikningur).

14. Þjóðskrá Íslands reiknar fasteignamat samkvæmt gangverði á allar fasteignir. Við nýlegt endurmat á fasteignamati Hörpu var útbúin ný tekjumatsaðferð, samkvæmt dómi Hæstaréttar, sem beitt verður á öll ráðstefnu- og tónleikahús. Til grundvallar þeirri aðferð var meðal annars lagt mat á leiguverð tónlistarhúsa, ráðstefnurýma, skrifstofueigna og verslunareigna, þar á meðal verð úr Hörpunni sjálfri.

15. Viðburða- og tónleikafjöldinn dugar Hörpu alls ekki – og nauðsynlegt er að tvöfalda útleiguverð og þar með miðaverð! ES: Fréttir herma að mikið stefnuleysi og rekstrarvandi sé hjá Hörpu og m.a. um 450 milljóna nauðþurft ! Örþrifatilraun er nú gerð til tekju- öflunar með 300 kr. klósettgjaldi á túrista og gesti.

ES: Allt fjármáladæmið: Nauð- hjálparbeiðni um 450 milljónir + rekstrartap 684 milljónir (samkvæmt ársreikningi 2016) + ársmeðlag 617,1 milljón frá ríki/fjármálaráðuneyti = 1,751 milljarðs skuldabaggi okkar skattgreiðenda fyrir árið 2016. Venjulega fasta meðlagið á ári – um 1,5 milljarðar – eru svo þar fyrir utan!

Ársskýrslan 2017 verður forvitnileg"

Yfirstjórn Hörpu hefur ekki gert margt til að upplýsa um gang mála. Það er einhver bannhelgi á því að upplýsa megi um hvernig málin þróuðust í raun og veru og reynt að flækja mál með því að hver vísar á annan. Byggingafulltrúinn í Reykjavíkj getur ekki upplýst með hvaða hætti stóri stiginn fékkst byggður eins og hann er, stórhættulegur gestum og gangandi og brot á öllum reglum um slík mannvirki.

   Hversvegna er þessi leyndi um þetta mannvirki sem á að vera þjóðarstolt. Húsið er fallegt og við eigum það. Með illu eða góðu eigum við að vita allt sem máli skiptir og síðan að sættast við að sitja uppi með það. Það er ekki að búast við að hægt verði að einkavæða húsið eins og Orkuveituhúsið þar sem enginn vill borga tapið þó allir vilja eiga gróðann.

En Örnólfur er allavega búinn að spyrja án þess að fá svör. Sem er líka svar í sjálfu sér ef allt á að fela fyrir eigendunum. 

Meiri skatta!

Þeir varða aldrei lækkaðir hvort sem er.

Það er ekki hægt að lækka þá í hruni eins og þegar Steingrímur Jóhann tók að sér að bjarga þjóðinni með þvílíku offorsi að fjölskylda hans varð að troða í hann mat eins og sænska proppgæs svo hann héldi lífi. Hann hækkaði hundrað skatta sem frægt er orðið og menn héldu að yrði Íslandsmet. En hvað gerir þessi ríkisstjórn? Ætlar húna að jafna metið?

Núna þegar Már Seðlabankastjóri lýsir því yfir að aldrei hafi verið jafn gott efnhagsástand á Íslandi, þá verður að hækka skatta en ekki lækka skatta. Fjárlagafrumvarpið  lýsir því vel hverskonar einvalalið þetta er sem á Alþingi situr. Allt saman óvinir sjálfstæðs fjárhags fólksins. Eins og Ronald Reagan lýsti því: "Ef það hreyfist þá skattlegðu það."

Leiðari Morgunblaðsins hljóðaði svo í dag fyrir þá sem ekki viðurkenna að lesa Mogga:

 

" Þau fjárlög sem fjármálaráðherra hefur nú kynnt hefðu sómt sér vel í tíð vinstri stjórnarinnar sem hér sat á árunum 2009 til 2013.

Enginn hefði furðað sig á því þá ef einhver af fjármálaráðherrum þeirrar ríkisstjórnar hefði kynnt slík fjárlög, enda gerðu þeir það. En þó að enginn hefði orðið undrandi hefðu slík fjárlög verið gagnrýnd þá, enda voru þau það.

Sífelldar skattahækkanir þeirrar ríkisstjórnar sættu mikilli og sjálfsagðri gagnrýni og þær skattahækkanir sem fjármálaráðherra hefur nú kynnt hafa einnig verið gagnrýndar. Vinstri stjórnin taldi sig hafa þá afsökun fyrir skattahækkununum að þá ríkti hallæri í efnahagsmálum. Það er ekki góð afsökun enda hefði efnahagurinn batnað fyrr með minni skattahækkunum. En efnahagurinn batnaði að lokum og síðustu misseri hefur efnahagurinn verið með besta móti, vöxtur góður og stöðugleiki meiri en ætla mætti við slíkar aðstæður þó að vaxtarverkir geri vissulega vart við sig.

En þá ber svo við, mitt í góðærinu, að skattgreiðendur sitja uppi með fjármálaráðherra sem heldur því fram að tíðin sé svo góð að ekki sé hægt að lækka skatta. Og það sem meira er, hann vill hækka skatta.

Tryggingagjaldið var hækkað verulega í tíð vinstri stjórnarinnar og hefur haldist hátt síðan. Röksemdin fyrir hækkuninni var mikið atvinnuleysi, þó að það væri svo sem ekki mikið á mælikvarða evruríkja. En það var mikið fyrir Ísland og hækkað tryggingagjaldið átti að mæta því og styðja við þá sem misst höfðu atvinnuna. Síðan hefur atvinnuleysi horfið en tryggingagjaldið er fjarri því að hverfa og ekkert bólar á lækkun þess í nýframlögðum fjárlögum. Vegna mikillar hækkunar launa í landinu verður þetta til þess að ríkið áætlar að hafa mörgum milljörðum króna meira af fyrirtækjum í landinu á næsta ári en í ár í gegnum tryggingagjaldið.

Þegar fjármálaráðherra var spurður út í þetta á Útvarpi Sögu í gær kom hann með afar undarlegar skýringar á þessari háskattastefnu. Hann sagði að nú væru uppi „hugmyndir“ um að breyta gjaldinu þannig að það yrði fast gjald en ekki eins og „harmonikka“ sem þendist út þegar atvinnuleysi ykist en drægist saman þegar atvinnuleysi minnkaði. En vandinn við þessar „hugmyndir“ er að „harmonikkan“ var þanin út en hefur lítið verið dregin saman. Og það á raunar ekki aðeins við um tryggingagjaldshækkun vinstri stjórnarinnar heldur fjölda annarra skatta og gjalda. Öllum er ljóst að þessi röksemdafærsla ráðherrans er aðeins tilraun til að slá ryki í augu almennings og réttlæta þá stefnu að hafa sem mest fé af fólki og fyrirtækjum. Enda viðurkenndi fjármálaráðherra í fyrrnefndu viðtali að vandi manna eins og hans sem „dyttu“ í stól fjármálaráðherra væri að þá færu þeir að hugsa: „þetta eru svo rosalega miklar tekjur“. Þeir gætu með öðrum orðum ekki hugsað sér að lækka skattana því að þá yrði ríkið af svo miklum tekjum.

Sú sjálfsagða hugsun að skattgreiðendurnir ættu að halda sem mestu eftir af fjármunum sínum glatast bersýnilega hjá sumum þeirra sem stíga inn fyrir þröskuldinn í fjármálaráðuneytinu. Nema hún hafi aldrei verið þar. En þetta eru ekki einu falsrök fjármálaráðherra fyrir skattahækkununum í nýju fjárlagafrumvarpi.

Þeirri röksemd er beitt að jafna þurfi gjöld þegar raunin er sú að fjármálaráðherrann vill hækka skatta. Þetta má sjá þegar áfengisgjaldið er hækkað á léttvín með þeim rökum að það verði að samræmast gjaldinu á bjór. Vitaskuld hefði ráðherra sem ekki væri á höttunum eftir skattahækkunum lækkað gjaldið á bjórinn til að samræma léttvíninu, en sá sem vill hækka skatta fer leið núverandi fjármálaráðherra.

Sama falska röksemdin er notuð til að réttlæta skattahækkanir á bensín og dísel. Þar hefði mátt lækka álögur á bensín til að samræma við álögurnar á dísel, en þess í stað er hvort tveggja hækkað, en gjöldin á dísel enn meira en á bensín. Fjárlagafrumvarpið sem nú hefur verið lagt fram hlýtur að taka verulegum breytingum eigi það að verða að lögum með stuðningi stjórnarflokkanna. Eins og fram hefur komið, meðal annars í Morgunblaðinu í dag, er veruleg óánægja með frumvarpið í röðum þingmanna Sjálfstæðisflokksins og endurspeglar sú óánægja þau viðbrögð sem þingmennirnir hafa fengið frá almenningi.

Verði ekki um verulegar breytingar að ræða er augljóst að ríkisstjórninni er mikill vandi á höndum."

Ekki er að búast við að hækkun orkugjaldins á bíla verði til þess að greiða fyrir heilbrigðari hugmyndum Jóns Gunnarssonar um að samgöngubætur verði greiddar af notendum jafnóðum. Þessar olíutekjur eiga víst að renna óskiptar í ríkishít fjármálaráðherra og hugsanlega þaðan gegn um Þorgerði í sauðkindurnar.

Umhyggjan fyrir einstæðum mæðrum sem kaupa bensín til að keyra börnin sín á leikskólann skín ekki beinlínis út úr þessu frumvarpi um tilefnislausar bensín-og díslilhækkanir.  Bara hækka Benedikt af því það er svo gaman að hækka?  " „þetta eru svo rosalega miklar tekjur“ eins og hann segir.

Meiri skatta. Meiri gjöld. Það er það eina sem kemst að í hausunum á þessu þingfólki upp til hópa.  Katrín Jakobsdóttir er auðvitað tilbúin að bæta um betur og styðja auðlegðarskatt ofan á þetta. Hún og Steingrímur verða því auðkeypt til fylgis við bensíngjaldið. Hver ætlar að verja litla manninn þarna niðri á þingi?

Hvað skyldi nú Óli Björn segja eftir öll skrifin sín um minni skatta? Ætlar hann að styðja meiri skatta?

 

 

Vændi er ekki mansal

eins og sumt af Góða fólkinu virðist andsetið af.

Svo segir í Mogga á forsíðu:

"„Vændi er orðið stór iðnaður á Íslandi og vaxandi og einnig eru hér kjöraðstæður vinnumansals, þ.e. bæði uppgangur og skortur á vinnuafli,“ segir Alda Hrönn Jóhannsdóttir, yfirlögfræðingur hjá lögreglunni.

Lögreglan á höfuðborgarsvæðinu heldur í dag ráðstefnu um mansal undir heitinu Þrælahald nútímans og miðla sjö erlendir sérfræðingar af reynslu sinni og þekkingu á þessari stærstu ráðstefnu um mansal sem haldin hefur verið hérlendis. „Um er að ræða einstaklinga sem hafa mikla þekkingu og reynslu af baráttunni gegn mansali, lögreglumenn, saksóknara og sérfræðinga í vinnu með fórnarlömbum, segir Alda.

Henrik Holm Sørensen, yfirmað- ur mansalsrannsókna í Danmörku, er einn þeirra sérfræðinga sem ávarpa ráðstefnuna en að hans sögn eru mansalsmál bæði mann- og tímafrek í rannsókn. „Okkar reynsla er einnig sú að erfitt getur reynst að fá sakfellingu á grundvelli mansals. Þetta eru erfið mál sem kalla á þolinmæði og nokkurn mannskap til að rannsaka.“ 

Hvað er eiginlega Löggan að halda ráðstefnur um svona mál? Hvaðan kemur fé til þessa? Hvaða stjórnvald heimilar svona viðburði? Útlendingur fenginn til að glæpavæða vændi og gera það að mansali?

Vændi er oft sagt vera elsta atvinnugrein mannkyns. Það er ekki ný tilkomið á Íslandi. Vændi er virðingarverð atvinna fjölda fólks um allan heim. Oft eina úrræði fátæks fólks. Eða einbeitt leið dugandi fólks út úr fátæktarbasli.  Atvinnugrein  sem á að njóta viðurkenningar og verndar eins og önnur frjáls atvinnustarfsemi.

Það er fáránlegt að glæpavæða þessa starfsemi heldur á hún að njóta fullra réttinda og vera uppi á borðinu allra hluta vegna.

Þjóðverjar hafa vændi löglegt og segja það nauðsynlegt til að draga úr vissri tegund af glæpum. Lögverndun starfsins gerir vændisfólki kleyft að forðast glæpamenn sem eru allstaðar mættir þar sem vændi er gert ólöglegt. Alveg eins og Mafíurnar kúga verndargjald af heiðarlegum borgurum ef þær komast upp með það. Þá er oft eina leiðin sú sem Björgólfur Thor lýsir samskiptum sínum við glæpamenn í Rússlandi að þinn verndari verður að vera virtur af minni spámönnum og sjá um að halda þeim frá þegar lögreglan gerir það ekki sem hún ætti að gera. Lögreglan á að vernda borgarana en ekki að halda ráðstefnur um það.

Hvað hyggst okkar lögregla fara að gera á Íslandi í vændismálum? Væri úr vegi að það  yrði upplýst svo að fólk skilji tilgang og kostnað af því að halda svona ráðstefnu?

Vændi er hættuleg atvinnugrein og þeir sem leggja það fyrir sig verða að hafa mikinn kjark og yfirvegun. Slíkir einstaklingar í öðrum atvinnugreinum eru kallaðir athafnaskáld og njóta virðingar og verndar þangað til að þeir fara á hausinn, þá eru þeir sendir í tukthús sem er önnur saga. 

Það er fáránlegt að láta einhverjar heimaaldar kellingar stjórna þessum málaflokki á Íslandi og glæpavæða hann eins og gert er að sænskri fyrirmynd, sem er sú vitlausasta af öllum vitlausum að sjálfsögðu og nægir að horfa á sænsk innflytjendamál til samanburðar.

Það er ekki vændisfólkið sjálft eða viðskiptavinir þess sem er sekt. Það eru glæpamennirnir sem reyna að kúga þetta fólk sem er í einkamálaviðskiptum sem engum koma við nema því sjálfu.

Vændi er nefnilega ekki sama og mansal glæpamanna. 

 

Bjarni brilljéraði

á meira en hundrað manna fundi eldri Sjálfstæðismanna í Valhöll nú í hádeginu.

Bjarni gerði málefni eldri borgara að inngangsmáli sínu. Hann sagðist  vera stoltur af þeim árangri sem náðst hefði í stjórnartíð flokksins á undaförnum árum. Hann sagði að nú um áramótin myndu grunntekjur eldri borgara hækka í 300.000 kr. Þetta væri hækkun úr 225.000 eða sem næmi fjórðungi, heilum  25 %. Af þessum árangri gæti flokkurinn verið stoltur. Auðvitað væri alltaf óskandi að geta gert meira en aflið væri ávallt takmarkað.Nú væru komin fram fjárlög þar sem met afgangur væri. Alltaf mætti þó gera betur og væri óskandi að hægt væri að lækka skuldir ríkisins og losa eignir þess til þess að geta gert betur í velferðarmálum sem eru Bjarna greinilega hugleikin hvað sem vinstra liðið heldur öðru fram í síbylju.

Það væri mikið talað um skerðingar á lífeyri eldri borgara. En menn yrðu að hafa í huga að ellilífeyriskerfið væri ekki réttindakerfi heldur öryggisnet sem ætti að taka utan um þá sem ekkert annað hefðu. Ef við töluðu bara um þá sem hefðu atvinnutekjur og þeim væri sleppt við skerðingar  þá mættum við ekki gleyma því að þá værum við ekki að gera neitt fyrir þá sem engar aðrar tekjur hefðu. Þetta gæti ekki verið sanngjarnt. Við yrðum að hugsa um alla og sérstaklega þá sem minnst mega sín.

Samt væri það á stefnuskrá ríkisstjórnarinnar að hækka frítekjumarkið vegna atvinnutekna og minnka skerðingar vegna annarra tekna. En við mættum ekki gleyma því að það eitt og sér væri ekki nóg því þá væru við ekkert að gera fyrir þá sem engar aðrar tekjur hafðu.Sem væri ekki sanngjarnt og lagði Bjarni ríka áherslu á þetta atriði oftar en einu sinni.  Það væri fjöldi fólks sem ekki hefði getað komið sér upp eignum í lífinu af einhverjum ástæðum og þessu fólki mættum við ekki gleyma. Almannatryggingakerfið væri öryggiskerfi fyrir þá sem minnst hafa  en ekki bara eitthvað réttindakerfi þar sem menn sæktu sér ákveðið óskerðanlegt  fé.

Bjarni svaraði spurningum fundarmann um hin ýmsu mál og var það rómur manna hversu vel hann væri heima í öllum málum og skýrði þau á glöggan og skiljanlegan hátt stefnumál og framtíðarhorfur.

Hann kom inn á málefni hælisleitenda og sagði að við yrðum að efla stjórnsýsluna og hafa skýrar reglur og starfskrafta til að fara efir þeim. Það væri mjög misráðið að láta einstök mál hljóta sérafgreiðslur eins og hefði átt sér stað með veitingu sérstaks ríkisborgararéttar til Albanskrar fjölskyldu og nú væri aftur uppi. Slíkt drægi dilka á eftir sér og gæti leitt til svo mikils aukins aðstreymis hælisleitenda sem við réðum ekki við. Við ættum að vanda okkur í stjórnsýslu og fara eftir reglum fljótt og vel.

Bjarni fékk skeyti um slakt gengi flokksins og að hann væri langt í frá að hafa sinn fyrri styrk. Bjarni sagði umhverfið nú í stjórnmálum vera orðið allt annað en það var á tímum flokksblaða og skoðanamyndun gærdagsins. Hann tók sem dæmi Macron í Frakklandi,. Hann hefði komið fram og sagst vilja verða forseti Frakklands.  Hann hefði ekki haft neinn flokk heldur stofnað hann í framhaldi og unnið kosningarnar.

Sjálfstæðisflokkurinn mætti vel við una að vera enn stærsti flokkur þjóðarinnar þrátt fyrir þær miklu sviptingar sem hér hefðu orðið með hruninu og smáflokkaframboðunum öllum sem væri beint gegn honum. Sjálfstæðisflokkurinn stæði upp úr því hann væri enn með sömu grunnstefnuna í þjóðmálum sem höfðaði til fólksins í landinu.  Auðvitað værum við núna ekki með sömu sterku stöðu og áður. En við gætum auðvitað gert miklu betur og munum gera það.

Bloggari hefur hvorki nægilega góða heyrn né skammtímaminni til þess að rekja allt sem fram fór í smáatriðum.  En Bjarni svaraði öllu bæði fljótt og vel og mátti glöggt finna á fundarmönnum að þeir voru ánægðir með formann sinn við þetta tækifæri. Það væri helst að einhverjum fyndist Bjarni ekki nægilega athafnasamur að koma sér á framfæri í fjölmiðlum. Enda er það löngu leiðinlegt hversu mjög til dæmis RÚV hleypur til í öllum málum og hefur viðtal við Katrínu Jakobsdóttur þó hún hafi sjaldnast nokkuð fram til málana að leggja nema brosið, hvað þá að hún hafi eitthvert vægi til að hafa úrslitaáhrif á gang mála verandi utan stjórnar.  Enda sannaði hún það í stjórnarmyndunarviðræðum að hún er kjarklítill og úrræðalítill stjórnmálamaður sem óþarfi er að elta svona sérstakar ólar við með sífelldum viðtölum við hana um ekki neitt.

Bjarni Benediktsson er alger andstæða við Katrínu  sem stjórnmálamaður. Hann hefur skoðanir og þorir að fylgja þeim eftir án þess að hlaupa umsvifalaust eftir því sem fólk heldur að séu til vinsælda fallnar og séu einkaréttur þeirra sem eru handhafar hinna réttu skoðana 101 elítunnar og álitsgjafa af vinstra væng háskólaliðsins. 

Bjarni Benediktsson skilaði boðskap sínum til flokksmanna þannig að eftir var tekið á þessum fundi. Brilljéraði í einu orði sagt að mati bloggarans svo aðrir Sjallar munu ekki gera það miklu betur.

O tempora, O mores!

Rögnunefndin gengur aftur með enn einni nefndarskipan til þess að rannsaka framtíð Reykjavíkurflugvallar rétt eina ferðina enn!  Verður því verkefni aldrei lokið? Fær þjóðin aldrei nóg af því að borga? 

Nú eru skipaðir nýir aðilar í stað þeirra gömlu. Formaður nefndarinnar er Hreinn Loftsson hæstaréttarlögmaður og aðrir í nefndinni eru Dagur B. Eggertsson borgarstjóri,sá sami Dagur og eyðilagði Rögnunefndina fyrirfram,  Eyrún Ingibjörg Sigþórsdóttir, fyrrverandi sveitarstjóri á Tálknafirði, Róbert Guðfinnsson, athafnamaður á Siglufirði og Linda Gunnarsdóttir flugstjóri. Gamla liðið, nema auðvitað Dagur Bé, er  komið út í kuldann.

Nú kemur þetta nýja fólk,  og auðvitað þessi óhjákvæmilegi Dagur Bé., með ferskar hugmyndir um framtíð Reykjavíkurflugvallar. Við hverju búast menn?  Dagur B. Eggertsson hefur áreiðanlega jafn opinn huga nú eins og þegar hann var í Rögnunefndinni. Hann vill bara loka Reykjavíkurflugvelli, selja landið og hirða gróðann en láta þjóðina borga nýjan flugvöll. Annað er hann ekki til viðtals um.

Róbert Guðfinsson er búinn opinberlega að velja að byggja nýjan flugvöll fyrir Siglfirðinga í Hvassahrauni af því að hann telur Keflavíkurflugvöll sprunginn. Hvernig sem hann fann það út fylgir ekki sögunni.  Stendur á Tálknfirðngum að styðja þá hugmynd ef þeir þurfa ekki að borga? Og flugstjórinn Linda? Hvað leggur hún til?

Líklega verður verkfræðistofan EFLA svo ráðin til að gera úttekt "fyrir lítið" á kostunum í Hvassahrauni. Og rannsaka svo öll atriðin í þaula sem Þorgeir Pálsson telur upp sem óþekktar stærðir varðandi hönnun á flugvelli í Hvassahrauni? Sem eru Legíó.  

Þorgeir minnist á eldvirkni svæðisins. Það eru ekki þúsund ár síðan að þarna brann hraun. Þarna eru mörg þekkt eldgosakerfi. Og neðanjarðarfljót. Og jarðskjálftar. Bullið er endalaust sem þessum Degi Bé. dettur í hug og kemur sem kostnaði inn á þjóðina.

Það verður hægt að rannsaka og skrifa margar skýrslur fyrir milljónatugi  um það hversvegna eigi að loka Reykjavíkurflugvelli sem Þorgeir Pálsson færir mörg rök og gild í sinni skýrslu fyrir að ekki sé skynsamlegt. Ef ekki bara hreinlega idjótískt getur manni fundist  eftir að lesa hana.

Umfram allt má hvergi vera fjármálalega skynsemi neins staðar að finna ef Dagur Bé. og örflokkurinn hans kemur einhversstaðar við sögu. Hann er verðugur arftaki Ingibjargar Sólrúnar og Alfreðs Þorsteinssonar þegar kemur að ólæsi í fjármálum. 

Það eru öll flugskilyrði þekkt úr 80 ára rekstrarsögu Reykjavíkurflugvallar. Þarna er flugvöllur í heilu lagi í daglegri notkun sem ekki þarf að byggja upp á nýtt fyrir hundrað milljarða. Í Hvassahrauni er aðeins þekkt að flatarmál fyrir flugvöll er fyrir hendi.Annað er óþekkt. Nei, þetta skal lagt í rúst fyrir einhverja óskilgreinda Kvosarrómantík draumóramanna.

Væri Keflavíkurflugvöllur svona sprunginn af ofnotkun, væri ekki auðveldast að gera Patterson flugvöll nothæfan á ný? Þar eru flugbrautir fyrir hendi sem aðeins þarf að gera við.

Af hverju má ekki bara hafa Reykjavíkurflugvöll áfram?  Bara af því að Dagur Bé. og hans deyjandi smáflokkur vill fá landið undir 101, rauðvínsbúllur og svo lúxusíbúðir fyrir þá efnameiri? Fólkið á ekki að byggja þarna í Vatnsmýrinni, svo mikið er víst.

Hver verður kostnaður þjóðarinnar í öllu þessu máli? Séviska smáflokks Dags Bé sem hugsanlega situr aðeins við völd í hálft ár í viðbót og "Then is heard no more" eins og Shakespeare orðaði það, verður dýrkeypt.  Þessi firra fárra sérvitringa sem kallar á brennslu milljónatuga frá allri þjóðinni í vitleysu. En allt skiptir þetta engu máli. The show must go on.

Og ráðherrann virðist bara gera þetta með opin augu. En hann er kannski bara tilneyddur af Viðreisn til að fara þessa leið?

Ný nefnd með annað fólk innanborðs en var í Rögnunefndinni, að  Degi Bé frátöldum, á að rannsaka aftur fyrir milljónatugi það sem gamla Rögnunefndin var að enda við að rannsaka. Rögnunefndin  gekk útfrá því að leggja niður Reykjavíkurflugvöll sem hinn eina valkost  bara af því að Dagur B. var í nefndinni og var ekki til viðræðu um aðra niðurstöðu. Finnst engum þetta vera framhaldsfarsi í Afkáraleikhúsinu? Var ekkert að marka þá sem sátu í Rögnunefndinni?

Skattgreiðendur borga þessa afturgöngu Rögnunefndarinnar sem byggir á sömu óbifanlegu forsendum Dags B. Eggertssonar.  Allur kostnaður Rögnunefndarinnar verður bara endurtekinn. Og hugsanlega gott betur.

En kostnaður skiptir aldrei neinu máli þar sem Dagur B. Eggertsson og hans fyrirfram gefna niðurstaða kemur við sögu í flugmálum. 

O tempora , O mores.

 

 

Ársæll Þórðarson

húsasmiður er  góður maður og Guðhræddur. Hann skrifar grein í Morgunblaðið í dag.

Þar viðrar hann líklega skoðanir sem margir Íslendingar deila með honum. Hann segir m.a.svo:

"Hér á landi er nú fjöldi hælisleitenda sem nýtur góðrar gestrisni. Á sama tíma eru íslenskir ríkisborgarar, sem oft eiga við einhverslags fötlun að stríða á götunni sem fá þá úrlausn að gista yfir nótt í einhverslags herskálum mannúðarinnar.

Hingað til hefur stjórnvöldum ríkis og sveitarfélaga gengið misvel að hjálpa þessu fólki sómasamlega og má raunar segja að úrræðaleysi stjórnvalda gagnvart þessum minnstu bræðrum og systrum sé þjóðinni til skammar.

Nú er komin ný staða upp í útigangsmálunum. Reglusamt fólk sem hrakist hefur úr leiguhúsnæði er nú á götunni og Rúv tók viðtöl við konu sem var í tjaldi í Laugardalnum þar sem greiðslan er kr. 2.200 á dag fyrir tjald sem er um tveir fermetrar.

Hér er mikill munur á aðhlynningu þegar horft er til hælisleitendanna sem íslenska þjóðin er látin halda uppi í vellystingum. Það fyrirfinnast Íslendingar sem ítrekað er neitað um félagslegt húsnæði, jafnvel árum saman. Þeir búa í tjöldum, bílum og við enn verri að- stæður.

Fjölda erlendra ríkisborgara er haldið uppi með ærnum kostnaði af ríki og borg og býr í húsnæði sem íslenskir skattgreiðendur ætla löndum sínum. Gestasneiðin af þjóðarkökunni er stór og Íslendingar á vergangi eiga þá sneið með réttu.

Skynsemi og hjálpsemi

Fámenn þjóð á að einbeita sér að hjálparstarfi erlendis, þjóðarsálin ræður ekki við mikinn innflutning fólks með framandi trú og menningu. Íslendingar eiga sögu. Spánverjavígin á Vestfjörðum og Tyrkjaránin eiga að vera til lærdóms.

Óöld ríkir víða í Svíþjóð og 10 milljóna þjóðfélag Svía er í vandræðum með málin. Sömu sögu er að segja víða í V-Evrópu. Hér gildir það sama og í öllu öðru, að sníða sér stakk eftir vexti, og Íslendingar eru þegar komnir út fyrir þann ramma.

345 þúsund manna þjóðfélag er áhættuhópur (geirfugl) í samhenginu. Íslensk ráðstjórn vinnur að því í vinstri öfgum að brengla rökréttri hugsun Íslendinga á samábyrgð og þegnrétt. Einhverslags pólitísku örlæti er ætlað að koma þar í staðinn og virka sem skiptimynt í fjölþjóðavæðingunni.

Ég bið Íslendingum Guðs friðar. Blind góðvild Eftir Ársæl Þórðarson Ársæll Þórðarson »

Það er í raun bara ein þjóðarkaka á borðinu og ef einhver fær stóra sneið fær annar minni.

Höfundur er húsasmiður. arsaellth@simnet"

Nú flytur Samfylkingin frumvarp á Alþingi til að taka fram fyrir hendur Dómsmálaráðherra til að framlengja tilhæfulausa dvöl 6 manns sem eru hælisleitendur. Hún hefur tvær litlar stúlkur á spjótsoddum sínum fyrir framan sig og reyna að blása upp samúð með Samfylkingunni og formanni hennar, Loga. Þetta fólk á að hafa forgang til húsnæðis og framfærslu fram yfir þá Íslendinga sem á vergangi eru og Ársæll talar um í grein sinni.

Þessi sami formaður Samfylkingarinnar lét sig ekki muna um að fara með þjösnagangi gegn guðsmanninum Snorra Óskarssyni kennara á Akureyri og bola honum úr starfi. Hefur Snorri engar bætur hlotið fyrir starfsmissinn sem að hluta til að minnsta kosti er af völdum þessa sama Loga. Sakir Snorra voru þær að halda málstað hinnar stjórnarskrárbundnu evangelísku ríkiskirkju á lofti við nemendur sína og fara með Guðsorð. Þetta þoldi ekki trúarvíðsýni og alþjóðahyggja Samfylkingarinnar né Logi formaður hennar og því fór sem fór.

Skinhelgi og hræsni þessa fólks yfirskyggir afstöðu þess til annarra vandamála í þjóðfélaginu. Samúðin með okkar lítilmögnum er lítt áberandi hjá þessu fólki. Það reynir hinsvegar  að bjarga deyjandi stjórnmálaflokki sínum með því að slá pólitískar keilur með því höfða til samúðar venjulegs fólks um leið og það býr til vont fólk úr löglega kjörnum yfirvöldum. Þetta fólk sættir sig ekki við lýðræðið frekar en Bandarískir DemoKratar  heldur vill láta Alþingi götunnar ráða í von um stundarávinning í pólitík. Sama innrætið hjá báðum þessum systurflokkum, þar sem tilgangurinn helgar meðalið. hvort sem maðurinn heitir Trump eða Snorri Óskarsson.

Ársæll Þórðarson á mínar þakkir fyrir að orða þessar hugsanir svona skilmerkilega. 

 

Evrópubandalagið er á undanhaldi

um alla álfuna.

Páll Vilhjálmsson veltir þessu fyrir sér á sinn skarpa hátt. Hann segir svo:

" Norski Verkamannaflokkurinn tapaði í Noregi. Franski Sósíalistaflokkurinn þurrkaðist nærri út í Frakklandi. Sósíaldemókratar standa frammi sögulegu fyrir tapi í Þýskalandi eftir tólf daga. Í Bretlandi er Verkamannaflokkurinn óhæfur til ríkisstjórnarþátttöku.

Þarf nokkuð að ræða Samfylkinguna á Íslandi? Hún er orðin að jaðarsporti útifunda og undirskriftarlista.

Tímaritið Foreign Policy segir þýsku kosningarnar kristilegt borgarastríð. Í því stríði eru kratar þegar búnir að tapa. Spurningin er aðeins hvort það verði hófsamir hægrimenn sem standa uppi sem sigurvegarar eða róttækir þjóðernissinnar.

Kratar og frjálslyndir vinstriflokkar eru samnefnari fyrir það fór úrskeiðis síðustu áratugi. Alþjóðahyggja í formi óhefts flæðis fjármagns og fólksflutninga leiðir til verri lífskjara almennings: meiri ójöfnuður og fjölgun glæpa.

Kratar eiga ekkert svar við áskorunum sem vestræn samfélög standa frammi fyrir. Þess vegna tapa þeir."

Hvað er að gerast á Íslandi? Samfylkingin er ekki á uppleið en hægri öflin eru ekki að ná til fólksins fyrir því, hvað sem  veldur.   Alþjóðahyggjan og opin landamæri eiga ekki samhljóm hjá Íslendingum hvað sem Góða Fólkið reynir að halda öðru fram.

Fólk vill hægja á aðflutningi hælisleitenda og flóttamannamóttaka er ekki almennt studd. Sigríður Andersen er vinsæll ráðherra í sinni viðleitni.   Sjónarmið Pólverja, Búlgara og Ungverja eiga samhljóm meðal almennings hvað sem sagter annað.   Þeir eru staðfastir að láta ESB ekki beygja sig með tilskipunum um innflytjendamóttöku hvað sem það kostar af sektum.  Þeir setja hagsmuni eigin þegna ofar tilskipunum ættuðum frá frú Merkel. Þegnar hinna smærri Evrópusambandsþjóða eru búnir að fá nóg af ofurveldi Þjóðverja í Evrópusambandinu. Íslendingar eru líka búnir að fá nóg af áþvingaðri rétthugsun.

Venjulegir Frakkar eru farnir að efast. Þó ekki sé hægt að tímasetja Frexit þá er Evrópubandalagi á undanhaldi. Hugsjón Schumanns hefur dofnað í vitund fólksins enda stríðið orðið fjarlæg martröð.

Fólki finnst líklega Brusselvaldið orðið of fjarlægt og of mikið í höndum ókjörinna embættismanna. Þátttaka í kosningum til Evrópuþingsins ber því vitni sem litli maðurinn hugsar um sína stöðu. Samt berja íslenskir Kratar höfðinu við steininn og tala um að ganga í ESb, upptöku EVRU eða Myntráðs.

Niðurstaðan er aðeins sú Kratisminn heldur áfram að tapa því Evrópubandalagið er ekki í sókn heldur á mishröðu undanhaldi.

 

Blánkur Borgarstjóri

kom í Sjónvarp til að ræða framtíð sjúkraflugs án Reykjavíkurflugvallar. 

Blessaður læknirinn blánkaði sig gersamlega með því að hafa greinilega ekki kynnt sér hvað þyrlur geta og hvað  ekki. Þyrlur geta ekki flogið við ýmis veðurskilyrði sem eru algeng á Íslandi þegar jafnvel flugvélar eiga í basli. Margoft hefur verið teflt á tæpasta vað á neyðarbrautinni sem Dagur Borgarstjóri lét loka af fullkomnu ábyrgðarleysi gagnvart mannslífum sem hann hefur samt unnið Hippokratesareið að því að reyna ávallt að bjarga. Hann setti á ræður um þyrlupalla á þökum sjúkrahúsa sem lausn á flutningi sjúklinga upp á líf eða dauða og vitnaði í veðurblíðari lönd því til stuðnings. Eru mannslíf mæld með prósentureikningi hjá þessum lækni? Það sé nóg að bjarga hluta fólks þó eitthvað verði að afskrifa vegna veðurs? 

Því miður hefur þessi Borgarstjóri ekki greinilega gripsvit á flugi yfirleitt og því eðlilegt að kjósendur spyrji sig hvernig sé þá með önnur hversdagslegri mál. 

Í kosningum að vori gefst kjósendum tækifæri að láta í ljósi skoðun á hugsanablánkheitum þessa Borgarstjóra að því gefnu að eitthvert raunverulegt val verði í boði.

Siðferði Loga

formanns Samfylkingarinnar er eiginlega erfitt að skilja án útskýringa.

Maður sem hafði mikinn atbeina að því að flæma Snorra Óskarsson úr kennarastarfi á Akureyri fyrir að fara með of mikið Guðsorð boðar nú að sýna samúð sína og kristilegt innræti á Alþingi með frumvarpi um að veita tveimur börnum ríkisborgararétt.

Hann getur þess ekki að þarna er um að ræða 6 manns því ekki eru börnin ein á ferð þó að Logi geti þess ekki. Þau eru aðeins þriðjungur af þeim ríkisborgararétti sem Logi ætlar að útdeila í trássi við lýðræðislega stjórnskipun landsins og réttarreglur, afnámi ráðherraskyldunnar og góðrar stjórnsýslu. 

Mætti hann ekki við þetta tækifæri fyrir hönd Góða Fólksins ekki rifja upp söguna af Faríseanum sem  þakkaði Guði fyrir að vera ekki eins og hinir? 

Er Logi þessi ekki manngæskutröll í atkvæðaleit fyrir vesalings flokkinn sinn en hugsanlega ekki alveg samkvæmur sjálfum sér siðferðislega þegar grannt er skoðað?

 

Ekki sama hægriJón og vinstri Jón

þegar kemur að hver mengar.

United Silicon skal drepið og því bara lokað. 

En Orkuveita Reykjavíkur má blása eiturgasi út að vild. Sjá ekki allir hvílíkan skaða brennisteinssýran er að gera á háspennumöstrum þjóðarinnar í nánd við Hellisheiðarvirkjun? Hvað halda menn að þetta sé að gera fyrir lungun okkar sem erum þarna í nágrenninu? Er þetta allt í lagi af því að Dagur Bergþóruson og vinstraliðið á í hlut? Allt annað en hjá íhaldinu í Reykjanesbæ?

Og svo verða eigendur Hellisheiðarvirkjunar að borga milljarð á milljarð ofan fyrir tapið á þessari framkvæmd R-lista Ingibjargar Sólrúnar,  Dags Bé, Samfylkingarinnar  og Framsóknar Alfreðs Þorsteinssonar sem gusuðust í að byggja þessa allt of stóru  og vanhönnuðu virkjun með Orkuveituhúsinu þvert ofan í bestu manna yfirsýn.

Það er ekki sama hægri Jón eða vinstri Jón.