Davíð Oddsson

var sagður eiga 70 ára afmæli í vikunni.

Bloggari fann hjá sér ómótstæðilega þörf fyrir að mæta á staðinn sem "vér eplin með" og fá að þrýsta hönd Davíðs í tilefni dagsins. Ekki vegna þess að Davíð myndi muna mikið um það heldur í þakkarskyni fyrir þau skrif sem frá honum hafa streymt í ritstjórnartíð hans sem bloggara hefur fundist muna verulega um.Sagnfræðileg yfirsýn og skírskotun í reynsluheim stjórnmála hefur verið slík augnaupplúkning oftar en ekki, að ekki hefði vel mátt án þess vera.

Þarna voru samankomin hundruð manna og hin veglegasta veisla. Ræður fluttar og afmælisbarnið ávarpaði gestina á sinn einstaka hnyttnihátt sem enginn leikur eftir. Þarna varð verkaskipting ritstjóranna sett í samhengi Fyrirhádegismóa og Eftirhádegismóa og fleira í þeim dúr.Og svo þau sannindi að enginn væri þekktur að því að lesa Fréttablaðið sem bloggari tekur almennt undir þó hann lesi einn og einn stubb eins og Þorvald Gylfason til að koma sér í æsing og svo Hörð Ægisson.

Ætlunarverk bloggara tókst í því að ná að þrýsta hönd afmælisbarnsins með heillaóskum og tók hann alþýðlega við sem hann væri barasta jafnmerkilegur og aðrir sem þarna voru enda Davíð eðlisgert ljúfmenni. 

Skrifari hefur stöku sinnum á lífsleiðinni efast um stjórnvisku afmælisbarnsins en yfirleitt hefur endurskoðun farið fram því í hag. Oftar en ekki var hann þó mjög sammála og á seinni árum hefur hann yfirleitt hoppað upp af hrifningu yfir mörgum vinklum Davíðs á mönnum  og málefnum.Hann byrjar ávallt á því á laugardagsmorgnum að slá upp á Reykjavíkurbréfinu og svelgja það í sig orði til orðs þó Júlla Hafstein finnist það ganga Guðlasti næst að lesa það fyrir sunnudagsmorgun og seinni blessun.

Það voru því góð tíðindi sem þarna urðu heyrinkunn að sögusagnir sem kommatittirnir sérstaklega hafa verið að dreifa að til stæði að reka Davíð af Mogganum eiga ekki við rök að styðjast og hyggst hann hvergi láta deigan síga enn um sinn.

Megum við njóta skemmtunar og skarpleika ritstjórans í skrifum hans í Morgunblaðið lengi enn þar sem þau eru eiginlega eina línan sem okkur gömlum flokkshestum stendur ennþá til boða.

Afmælisbarnið Davíð Oddsson lengi lifi-húrra.  

 

 

"Yfir 90 %

höfuð- borgabúa búa austan Hringbrautar, ekki í kringum eða vestar og ef frá eru taldir túristar og hótelgestir miðborgar Reykjavíkur. Raunverulegir íbúar, mikið austar, sunnar, norðar og í nágrannabyggðum..." 

Samgöngustjóri Reykjavíkur gerir grein fyrir framtíðarsýn Borgaryfirvalda varðandi samgöngur við nýjan þjóðarspítala í Vatnsmýri.

". Gengið er út frá því að mun hærra hlutfall starfsfólks muni nota almenningssamgöngur en verið hefur.." 

Þorsteinn segir aðspurður þessa stefnumörkun ríma við stefnu borgarinnar í umferðarmálum á svæðinu. „Þetta eru þær forsendur sem unnið er eftir. Við erum að hanna [umferðarmannvirkin] miðað við þessi uppbyggingaráform Landspítalans. Landspítalinn er sjálfur með samgöngustefnu fyrir sína starfsmenn. Þetta ræðst töluvert af fjölda bílastæða og öðrum þáttum á Landspítalalóðinni. Hver og ein bílferð byrjar og endar á bílastæði. Þannig að ef framboð er takmarkað þá takmarkast bílaumferð í leiðinni.“

„Land er takmörkuð auðlind og peningar eru takmörkuð auðlind líka. Það er ekki skynsamlegt að byggja endalaust af bílastæðum, enda felst í því mikill kostnaður. Ekki er óeðlilegt að miða við að bílastæði í húsi kosti 5 m.kr. eða meira.“

Úr greinargerð Spital: ", og má ætla að frá því sem er í dag muni bílastæð- um fækka um allt að 400 m.v. þann fjölda sem talið er að starfsmenn og viðskiptavinir eru að nota í dag.."

Greinilegt er að erfiðara er fyrir þá sem fjær búa Vatnsmýri að starfa við hinn nýja spítala.Mosfellingur mun varla geta slíkt til dæmis og varla hjólandi.

En þessi áhersla á að útiloka ferðamáta nútímans sem er einkabíllinn er kostuleg. Yfirvöld virðast ekki geta hugsað sér bílastæði öðruvísi en afmörkuð stæði með aðfærslubrautum sem kosta mikið flatarmál.  Það er eins og þau hafi aldrei heyrt um róbóta-bílastæðaturna sem geta gleypt mikinn fjölda bíla á sjálfvirkan hátt. Fyrir  minna verð en 5 milljónir á stæði. Heldur skulu menn breyta ferðavenjum sínum af því að Borgaryfirvöld vilja ekki einkabíla heldur hjól og strætó. Þessi lausn gefur staðsetningu spítalans minna vægi og mildar áhrifin. 

Flest hnígur að því að endurskoða verður öll áform deiliskipulagsins vegna spítalans og færa til nútímahorfs. Það hlýtur að verða að gera eftir kosningar í maí þegar allt að 90 % kjósenda verða að velta Borgarmálum fyrir sér. 

 

Afturhald í Borgarmálum

er holdgert í persónu Dags B. Eggertssonar.

Í viðtali er eftirfarandi haft eftir Degi:

"Hvað varðar samgönguverkefni og fjármögnun þeirra sagði borgarstjóri að samningur ríkis og sveitarfélaganna á höfuðborgarsvæðinu væri nú í endurskoðun, sbr ákvæði um slíkt sem miðaðist við 1. apríl næstkomandi. Ýmislegt væri þar í deiglu. Borgarlína væri lykilatriði til að bæta samgöngukerfið og af öðrum framkvæmdum sagðist borgarstjóri vera áhugasamur um að leggja Miklubraut í stokk á 1,5 km löngum kafla milli Snorrabrautar og Kringlumýrarbrautar." Sem er líklega meira stórslys í opinberum framkvæmdum en áður hefur þekkst.

Áður hefur verið haft eftir þessum sama Borgarstjóra "að tími mislægara gatnamóta í Reykjavík sé liðinn".

Að öllu samanlögðu er skilningur Dags B. Eggertssonar á samgöngumálum nútímans ekki af þessari öld. Það er svo langur vegur þar á ,milli að útilokað er að eiga vitræna umræðu við hann þann málaflokk.

96 % fólks hefur valið einkabílinn sem sinn samgöngumáta svo sem er í víðlendum byggðum vestanhafs þar sem aðstæður eru líkastar því sem á Íslandi gerist.Að berja það val til baka með ofbeldi eins og Borgarstjóri hefur valið sér að gera, er að ganga í berhögg við vilja kjósenda.

Dagur vill þvinga byggðaþróun í Reykjavík í samgöngufjandsamlegt evrópskt þröngbýlisform, sem ekkert líkist íslenskum aðstæðum. Íslendingar vilja frelsi til ferða og athafna. Lóðaskortsstefna Dags fer í öfuga átt við það sem fólk vill. Afturhalds-og stórslysastefnu   Dags B. Eggertssonar í Borgarmálum verður að koma frá í kosningunum í vor.

 

Börn í neyð í Jemen

segir Ríkisútvarpið. Það verður að senda hjálp segja Sþ.

Hvað senda hinir ríku frændur þessara arabisku barna í Saudí Arabíu? Þeir eiga tilbúnar búðir fyrir öll þessi börn og nóg af öllu. Þeir senda meiri sprengjur til að drepa þau betur í mafni réttrar útgáfu ISLAM.

Svo gefur Dagur Bé ókeypis lóð undir mosku til að vegsama spámanninn. En Hjálpræðisherinn fær ekki neitt hjá Borgarstjórnarmeirihlutanum.

Hvað eiga Íslendingar að gera í þessu máli þegar svona mörg börn eru í neyð í Jemen? 

Frárennslið var ekki nóg

hreint drykkjarvatn er líka það sem Borgarstjórnarmeirihlutinn getur ekki tryggt kjósendum.

"

Tengd­ar frétt­ir

Jarðvegs­gerl­ar í neyslu­vatni á höfuðborg­ar­svæðinu

Íbúar á Seltjarn­ar­nesi sjóði neyslu­vatn

• Veit­ur leiðrétta lista yfir hverfi
• Funda vegna jarðvegs­gerla á morg­un
• Neyslu­vatn soðið á Land­spít­al­an­um
• Eng­in hætta á ferðum

» Fleiri tengd­ar frétt­ir

Fjölg­un jarðvegs­gerla hef­ur mælst í kalda vatn­inu í Reykja­vík. Í til­kynn­ingu frá Veit­um kem­ur fram að tvö sýni sem Heil­brigðis­eft­ir­lit Reykja­vík­ur tók 12. janú­ar stóðust ekki viðmið í reglu­gerð.

„Í varúðarskyni mæl­ir Heil­brigðis­eft­ir­litið með því að neyslu­vatn í viss­um hverf­um borg­ar­inn­ar sé soðið ef um neyt­end­ur er að ræða sem eru viðkvæm­ir,“ seg­ir í til­kynn­ing­unni. Með viðkvæm­um er átt við þá sem eru til dæm­is með lé­legt ónæmis­kerfi, ung­börn, aldraða eða fólk með und­ir­liggj­andi sjúk­dóma.

Hverf­in sem meng­un­in nær til eru öll hverfi borg­ar­inn­ar nema Grafar­vog­ur, Norðlinga­holt, Úlfarsár­dal­ur og Kjal­ar­nes auk Mos­fells­bær, sem fá vatn frá öðrum svæðum í Heiðmörk þar sem ekki hef­ur mælst gerla­fjöldi yfir viðmiðun­ar­mörk­um.

Dag­ur B. Eggerts­son, borg­ar­stjóri í Reykja­vík, seg­ir í sam­tali við mbl.is að hann sé með öll gögn und­ir hönd­um og muni kynna sér þau vel og að brugðist verði við með viðeig­andi hætti, meðal ann­ars með því að hafa sam­band við smit­sjúk­dóma­lækni. 

Lík­leg ástæða fyr­ir frá­viki í gerla­magni er mik­il hlákutíð und­an­farið í kjöl­far langs frostakafla. Við slík­ar aðstæður get­ur yf­ir­borðsvatn kom­ist í grunn­vatn og flutt með sér gerla. Ef gerla­magn í bor­holu mæl­ist yfir mörk­um er vatnstöku úr henni hætt.

„En nú er sú staða kom­in upp að búið er að taka það marg­ar hol­ur úr rekstri Veitna að ekki er hægt að anna vatnsþörf viðskipta­vina ef þær verða fleiri. Því þurf­um við nú að nýta eina holu þar sem fjöldi jarðvegs­gerla hef­ur mælst yfir mörk­um. Í þeirri holu hafa ekki fund­ist E. coli-erl­ar,“ seg­ir í til­kynn­ing­unni. 

Sýni verða tek­in áfram dag­lega, bæði úr bor­hol­um af Veit­um og af Heil­brigðis­eft­ir­lit­inu úr dreifi­kerf­inu, þar til ástand neyslu­vatns­ins er viðun­andi. „Til­kynnt verður þegar ástand vatns­ins stenst reglu­gerð nr. 536/​2001 en skv. henni er um óeðli­legt ástand að ræða og er vís­bend­ing um að of­an­vatn hafi borist í vatnið,“ seg­ir í til­kynn­ingu frá Heil­brigðis­eft­ir­liti Reykja­vík­ur."

Er þetta fyrirhyggja sem íbúar þurfa að spyrja um í næstu kosningum?

Voru frárennslisvandamálin á Ægissíðunni ekki nóg?  

Fréttastýring

á sér stað á RÚV, hugsanlega að forskrift frá Svíþjóð?

Það er sagt í fréttum að ungir menn séu skotnir í átökum glæpagengja. Malmöbúar eru sagðir fara í kröfugöngur til að heimta endir á byssubardögum.

Af hverju má ekki segja hvaða fólk stendur í þessum bardögum? Er þetta ekki svo til eingöngu  bundið við arabíska innflytjendur í Malmö?  Ef á að vinna úr þessum málum þá er hægt að snúa sér beint að þessu fólki. Það er stórhættulegt því það er ekki tekið á því vegna ótta við kynþáttafordóma.  Svíar eru yfirleitt ekkert að skjóta hverjir aðra frekar en Íslendingar. Þetta er allt bundið við þessa innflytjendur og sjálfskaparvíti Svía sjálfra.

 Af hverju má ekki tala um þetta? Af hverju má ekki taka á þessu liði? Af hverju verður að stýra þessum fréttum á RÚV eins og um sé að ræða sænskan almenning?

Veggjöld

voru baráttumál Jóns Gunnarssonar meðan hann var ráðherra sem varð allt of stutt.

Fullyrða má að almenningur á Íslandi er þessum hugmyndum ekki fráhverfur ef það þýddi tafarlausar umbætur í vegamálum.

Nú stígur  Vilhjálmur Birgisson verkalýðskólfur fram og styður þessar hugmyndir Jóns þó hann forðist auðvitað að nefna hann á nafn. 

Villi segir:

"Ég velti því upp í gær hvort við ættum að kanna alla möguleika á því að flýta möguleikum á því að fá stjórnvöld til að auka umferðaröryggi okkar með því að tvöfalda veginn frá Hvalfjarðargöngum upp að Kollafirði.

 

Ég gerði mér algerlega grein fyrir því að mjög skiptar skoðanir væru á þessu máli og þetta væri eldheitt mál en ég tel hins vegar umræðuna nauðsynlega og þarfa.

 

Ég var bara að velta upp þessari hugmynd í ljósi þess að við misstum ungan mann í fyrradag í blóma lífsins m.a. vegna þess að vegakerfið uppfyllir ekki lágmarksöryggi. Það er gríðarleg umferð um Kjalarnesið og ég get ekki séð að stjórnvöld ætli sér að gera neitt í því að tvöfalda akstursleiðirnar til að auka öryggi okkar sem ökum þarna oft um.

 

Að sjálfsögðu myndi ég vilja að ríkið myndi ráðast strax í þessar framkvæmdir til að auka öryggi vegfarenda og hætt yrði að innheimta vegtolla enda afar ósanngjarnt að þetta séu einu jarðgöngin sem rukkað er í og má alveg velta því fyrir sér hvort slíkt sé brot á jafnræðisreglu.

 

En ef hægt yrði að rukka í 2 til 3 ár til viðbótar og veggjaldið yrði lækkað umtalsvert og líka að þeir sem þurfa að sækja nám eða vinnu daglega myndu fá skattaafslátt eða eitthvað slíkt eins og þekkist t.d. í Noregi þá finnst mér þetta vera hugmynd sem megi ræða og skoða.

 

Eina sem vakir fyrir mér er að koma í veg fyrir alvarleg slys og ótímabær dauðsföll í umferðinni og ef þessi leið myndi bjarga einu mannslífi þá yrði ég glaður en ég ítreka að ég myndi glaður vilja að ríkið myndi ráðast strax í þessa framkvæmd en ég veit að svo verður ekki næstu árin, því miður.

 

Ég skil það bara mjög vel að fólk sé alls ekki tilbúið að sitja undir þessari mismunun lengur, ég bara skil það fullkomlega og virði þá skoðun algerlega. Eina sem ég hef áhyggjur af er að ekkert verði gert í þessum málum og við missum enn fleiri í hræðilegum slysum á þessari leið.

 

Ég vissi vel að þetta er hitamál en ef þessi innheimta í 2 til 3 ár til viðbótar myndi leiða til þess að hægt væri að bjarga mannslífum og fækka slysum með því að ráðast í tvöföldun á þessari leið þá finnst mér persónulega allt í lagi að ræða það með málefnalegum hætti.

 

Langflestir gera það, en ég ítreka það svo sannarlega að ég ber fulla virðingu fyrir skoðunum annarra í þessu máli og skil þeirra sjónarmið fullkomlega enda er ég sammála því að ríkissjóður eigi að tryggja að þjóðvegir landsins séu öryggir. En ég treysti því miður ekki ríkisvaldinu til að gera það eins og sagan sýnir okkur síðustu áratugi eða svo.

 

Ég held að það væri hægt að finna leið þar sem þeir sem stunda nám og vinnu myndu fá góðan skattaafslátt eins og gert er t.d. í Noregi eins og áður sagði og svo væri hægt að lækka gjaldið niður í 120 til 150 krónur ferðina en láta erlendu ferðamennina greiða áfram fullt gjald og nota þessa fjármuni strax í að tvöfalda leiðina um Kjalarnesið.

 

En eins og áður sagði er þessi umræða hjá mér tilkomin vegna þess að ég finn mikið til með móður drengsins sem lést í fyrradag en þetta var einkasonur hennar. Kannski á maður ekki að láta tilfinningar og samkennd hlaupa með sig í „gönur.“

 

Allavega finnst mér þetta vera eitthvað sem hægt sé að ræða málefnalega og virðum skoðanir allra og ég ítreka það að ég skil þá sem eru algerlega á móti þessari hugmynd fullkomlega.

 

Það má t.d. líka spyrja stjórnvöld og vegagerðina að því hvað ríkissjóður hefur sparað mikla fjármuni frá því Hvalfjarðargöng voru tekin í notkun 11. júlí 1998. Er þá ekki að tala um öll mannslífin sem hugsanlega hafa bjargast með þessari bestu umferðarbót Íslandssögunar sem Hvalfjarðagöngin eru, en eins og við öll munum þá voru alvarleg slys og banaslys nánast á hverju ári í Hvalfirðinum.

 

Hugsið ykkur sparnað ríkissjóðs hvað varðar viðhald og umbætur á veginum um Hvalfjörð frá því Hvalfjarðargöngin komu til en kostnaður ríkisins vegna viðhalds á veginum í Hvalfirði hefur eðli málsins samkvæmt dregist gríðarlega saman vegna þess að nánast öll umferð fer í gegnum göngin.

 

Svo má ekki gleyma að Vegagerðin þurfti oft að hlaupa undir bagga með Akraborginni til að hægt væri að halda rekstri hennar áfram á sínum tíma enda sjá Vegagerðin um rekstur Akraborgarinnar. Allt þetta hefur ríkissjóður sparað sér og því má klárlega halda því fram að þessi sparnaður sem ríkissjóður hefur sparað frá komu Hvalfjarðarganga sé jafnvel mun meiri en sá kostnaður sem fylgir því að tvöfalda Vesturlandsveginn um Kjalarnes.

 

En tökum málaefnalega umræðu um öryggismál á vegunum á okkar svæði og veltum öllum möguleikum fyrir okkur því það eru jú mannslífin sem skipta okkur mestu máli".

Þarna kemur þó einn málsmetandi maður og tekur undir þessi sjónarmið Jóns um að þeir borgi sem  noti. Björn Matthíasson lét nýlega þau orð falla að ferðamannaiðnaðurinn nauðgaði innviðum landsins. Ferðamannaumferðin notar og slítur innviðunum fyrir okkur en borgar ekki sinn hlut heldur krefst þess að við innfæddir borgum allt sjálfir og einir.

Veggjöldin eru leið til að ná þessum kostnaðarhluta inn af ferðamannaiðnaðnum og framkvæma það sem við getum ekki núna vegna kostnaðar.

 

Andersen en ekki Svandís

á að segja af sér vegna dómsins út af embættaveitingunum er það sem kommarnir fimbulfamba á Bylgjunni. Þrátt fyrir það að Andersen fór eftir vilja Alþingis í einu og öllu. 

Svandís Svavarsdóttir er hinsvegar stikkfrí hjá kommadótinu þegar kemur að siðgæðinu. Það er bara Andersen en hvorki þær dæmdu Svandís eða þar áður heilög  Jóhanna.

Jón Magnússon

lögmaður skrifar eftirtektarverð orð á bloggsíðu sína sem ástæða er tilað athuga:

" Fyrir tilstilli Katrínar Jakobsdóttur forsætisráðherra hefur kolefnagjald verið hækkað. Neytendur þurfa  því að borga hærra verð fyrir bensínlítrann. 

Þessar auknu álögur á neytendur færir fjármagnseigendum um 600 milljónir vegna hækkunar verðtryggðra lána. Skattahækkunin er því tvöfalt högg á neytendur. Í fyrsta lagi hækkar bensín og í öðru lagi húsnæðislán. 

Af þessum aukna gróða fjármagnseigenda 600 milljónir tekur ríkið 120 milljónir til sín í fjármagnstekjuskatt. Þokkaleg búbót það fyrir ríki og fjármagnseigendur.  

Með þessu er líka hlaðið í veðbólgubálköstin sem mun loga betur á þessu ári en síðustu ár vegna skatta- og eyðslustefnu ríkisstjórnarinnar. 

Við afgreiðslu eyðslufjárlaganna vildi stjórnarandstaðan hækka útgjöld og álögur en þá meir.  Hugtök eins og ráðdeild og sparnaður eiga ekki við í stjórnmálaheiminum og virðing fyrir "

Þetta er hin raunverulega umhyggja Katrínar  fyrir þeim sem minna mega sín í hnotskurn. gera einstæðum mærðum lífið erfiðara með því að gera bensínið á bílinn hennar dýrara. þessi móðir getur ekki notað hjólhest til að flytja barnið sitt á leikskólann eða í skutlið milli frístundastarfs.  Þráhyggjuskoðanir Katrínar um hnattræna hlýnun verða samúðinni yfirsterkari.Hin fátæka fær ekki lækkun á vísitölu lánanna sinna meðan Katrín sjálf er hugsanlega orðin svo skuldlaus að hækkunin snertir hana ekki sjálfa. 

Sama stofns eru tilskipanir stjórnvalda úr öllum flokkum sem fyrirskipa íblöndun í eldsneytið með rándýru og lélegra eldsneyti undir því yfirskyni að verið sé að gera það vistvænna með minna kolefnisspori.Órökstutt og óvísindalegt bull sem er ættað frá þeim sjálfskipuðu umhverfispostulum  sem kenndir eru gjarnan við hirð AlGore. Hver étur upp eftir öðrum það sem einhver sagði einhvern tímann og búið er að gera að stórasannleik án þess að nokkur rök standist skoðun.

Hræsni og tvöfeldni íslenskra stjórnmálamanna virðist endalaus og furðulegt geðleysi kjósendanna sem láta þá komast upp með hana óátalið.

Jón Magnússon á þakkir skildar við að vekja athygli á þessari þversögn.

Enn djöflast demmarnir á Trump

og það er reynt að gera það að meginmáli hvort hann hafi kallað einhver lönd skítaholur eða eitthvað svoleiðis, Hvaða fjandans máli skiptir orðfæri sem dettur í hita leiksins? Hvaða lýsingarorð er eiginlega hægt að  nota um Sómalíu til dæmis án þess að ljúga? Hvað er SaudiArabía til dæmis sem myrðir börn á hverjum degi í Jemen en hjálpar engum flóttamönnum?

Nú er það nýjasta að þeir eru að reyna að klína á hann hafi látið múta mellunni Stormy Daniels fyrir að þegja um að þau hafi hist 2006 ári eftir að hann kvæntist Melanie. Mellan er búin að neita þessu öllu en það taka þeir ekki gilt.National Enquirer er kallað til vitnis í málinu.

Allur Demma-flokkurinn er orðin sjúkur af þessum ofsóknum. Nú síðast hætti Trump við að fara til London og klippa á borða í nýju sendiráði Bandaríkjanna sem Obama byggði fyrir svimandi upphæðir eftir að hafa selt gamla sendiráðsbústaðinn á slikk. Trump sagðist ekki taka þátt í þeirri skrautsýningu Obama og rakka Demmarnir hann auðvitað niður í kjallara fyrir.

Fyrr má nú vera hversu slæmir taparar Demmarnir geta verið. Þeir eru ákveðnir í að djöflast á karlinum Trump í von um að eitthvað bíti á hann og þetta smitast auðvitað út um allt Ísland og heiminn að hætti Gróu gömlu.