Þurfa þolendur ?

að láta rannsaka hver læddist að þeim á Klausturfylleríinu og gerði sér mat úr? Eyðilagði þeirra stöðu til langframa? Röskun á stöðu og högum er lögfræðilegt hugtak.

Jón Valur sendir mér þetta bréf:

"Ágætur vinur minn var strax fyrir nokkrum dögum kominn með sína sterku tilgátu um það, hver upptökumaðurinn og uppljóstrarinn væri. Hann væri ... einmitt maður, sem er blaðamaður á DV.

Hver kemur þar til greina? Einhver með tengsl við slík mál áður?

Hann var ekkert að tvínóna við tilgátuna. "Marvin" var nafnið, sem uppljóstrarinn gaf sjálfum sér. Þetta væri augljóslega samsett nafn. Viðkomandi hefði gefið sig út fyrir að vera vinur þjóðarinnar. Þaðan væri kominn seinni hluti nafnsins, en fyrri hlutinn úr raunverulegu skírnarnafni hans. Bjartmar Þeyr Alexandersson væri þetta. Hann hefur einmitt tengsl við þá, sem reyna að koma upp um hluti og birta þá almenningi. Hann er úr flokki Pírata, sem m.a. í gegnum persónu Birgittu hefðu starfað með Wikileaks og teldu slíka birtingu "mikilvægra upplýsinga fyrir þjóðina" réttlætanlega.

Menn benda oft á sjálfa sig með því, sem átti að vera dulnefni þeirra. Bjartmar þessi (svo að ég tali hér og geri það þá af reynslu) reyndi m.a. að taka upp öll ræðuhöld á 100 manna fundi Íslensku þjóðfylkingarinnar á Hótel Esju (sem hét þá reyndar ekki lengur því gamla nafni). Ágengni hans var mikil, en það tókst að vísa honum frá. Hann virðist stunda s.k. rannsóknarblaðamennsku af slíku pólitísku tagi á DV, en hefur hins vegar látið af því að hringja í Útvarp Sögu, líklega af því að hann er þá upptekinn af vinnu sinni og kannski til að minna beri á flokkspólitísku upplagi blaðamannsins.

En Píratar eru anarkistar, stjórnleysingjar, og því ekki mikil von til þess að þeir fari að reglum samfélagsins um persónuvernd.

Athafnaleysi hinnar opinberu stofnunar Persónuverndar í þessu ólögmæta birtingarmál er hins vegar kapítuli út af fyrir sig. Telur hún allt í einu enga ástæðu til að halda uppi persónuvernd manna? En ég hef (í Útvarpi Sögu f.h. 6. des.) skorað á þá stofnun að beita lögbanni gegn birtingu slíks efnis, enda er viðbúið, að ella verði birt meira af uppteknu efni af barnum Klaustri. Beita ber háum sektum gegn lögbrotum af þessu tagi.

Ég tek það fram, að ég lít á ábendingu vinar míns, sem var mjög sannfærður um þetta, sem einbera tilgátu. En ég hef vissulega séð ósennilegri tilgátur um ævina en þessa. Varð einhver var við Bjartmar þennan umrætt kvöld?"

Þurfa þolendur ekki að athuga sína stöðu eða eru þeir réttlausir með öllu gegn árásinni?

"Bláa lónið

, eitt stærsta ferðaþjónustufyrirtæki landsins, er verðmetið á um það bil 50 milljarða króna í því samkomulagi sem eignarhaldsfélagið Kólfur, sem er í meirihlutaeigu Gríms Sæmundsen, forstjóra Bláa lónsins, gerði nýlega við framtakssjóðinn Horn II um kaup á 49,45 prósenta hlut sjóðsins í Hvatningu, samkvæmt heimildum Markaðarins. Hvatning heldur á 39,1 prósents hlut í Bláa lóninu og er því óbeinn eignarhlutur sjóðsins rúmlega 19,3 prósent.

Hermann Þórisson, framkvæmdastjóri Horns II, sem er í rekstri Landsbréfa, sagðist í samtali við Markaðinn ekkert geta tjáð sig um kaupverðið og vísaði til trúnaðar.

Með kauptilboðinu í hlut Horns II í Bláa lóninu verðmetur Kólfur ferðaþjónustufyrirtækið talsvert hærra en sjóður í stýringu bandaríska fjárfestingafélagsins Blackstone sem hugðist kaupa 30 prósenta hlut í Bláa lóninu af HS Orku sumarið 2017. Tilboð Blackstone hljóðaði þá upp á 95 milljónir evra, jafnvirði 13,3 milljarða króna á núverandi gengi, sem jafngildir því að markaðsvirði Bláa lónsins sé rúmlega 44 milljarðar króna. Ekkert varð hins vegar af sölunni eftir að stjórn Jarðvarma, samlagshlutafélags í eigu íslenskra lífeyrissjóða sem fer með þriðjungshlut í HS Orku, ákvað að beita neitunarvaldi sínu, á grundvelli hluthafasamkomulags um minnihlutavernd, og hafna tilboði Blackstone.

Tilkynnt var um samkomulagið milli Kólfs og Horns II þann 20. nóvem­ber síðastliðinn en samkvæmt því er hluthöfum framtakssjóðsins veittur kaupréttur á sama viðskiptagengi til loka janúar næstkomandi á þeim hlutum sem undir voru í viðskiptunum. Tilurð viðskiptanna má rekja til þess að líftími Horns II, sem var komið á fót vorið 2013, mun renna sitt skeið á næsta ári."

Grímur Sæmundsen rakar að sér þessum fjárhæðum. Hefur hann ekki ráðist gegn hagsmunum almennings með því að krefjast gengisfalls krónunnar til hagsbóta fyrir ferðaþjónustuiðnaðinn? 

Hvar er það sem hann leggur til samfélagsins? Hvað borgar hann fyrir auðlindina sem almenningur leggur honum til?  Hvað er Bláa Lónið annað en afrennsli orkulindar almennings í Svartsengi? Er hún eitthvað öðruvísi en fiskveiðiauðlindin? Hvað ef eigandinn  veitir afrennslinu út í sjó á morgun en ekki í Bláa Lónið?

Þurfa ekki einkabraskarar í Bláa Lóninu  að greiða auðlindagjald til Samfélagsins á Suðurnesjum? 

 

Grunsemdir

Þorsteins Sch Thorsteinsson um upptökuna á Klaustrinu eru nokkrar sem mér finnst mega heyrast. Þorsteinn skrifar mér svofellt bréf:

"Auðvitað var þetta allt saman mjög vel skipulagt áður, en ég efast um að þetta hafi verið tekið upp á síma, heldur er ég meira á því að hann ("Marvin") karlinn hafi notast við gott upptökutæki með góðum hljóðnema, þar sem að hann var þarna í þrjá eða fjóra tíma í svona fjarlægð frá borðinu þeirra. 

Mjög líklega þá stóð DV á bakvið þetta allt saman frá byrjun, nú og uppljóstrarinn ("Marvin") er mjög líklega á vegum DV, en höfum við ekki heyrt um svona lágkúru áður á vegum DV í því að reyna búa til fréttir? 

Ég hef eins og segir mínar grunsemdir, því að þeir (hjá DV) hafa áður staðið fyrir því að taka upp leynilegar upptökur, svo og með þessum líka nýja ritstjóra og kvikmyndagerðarmanni hjá DV."

Röksemdir Þorsteins eru góðar og gildar og standa þar til að "Marvin" , Stundin og DV greina frá staðreyndunum. Sem litlar líkur eru á að þeir geri frekar en að aðrir njósnarar komi inn úr kuldanum.

J.Edgar Hoover njósnaði um fólk til að geta klekkt á því.Slíkt atferli er síður en svo óþekkt. 

Menn geta velt svona máli fyrir sér og spurt sig hverjir hafi mestan hag af svona starfsemi? Maður hefur grunsemdir um að þeir sem ekki hafi hagsmuni standi ekki í svona lágkúru.

Er bara allt í lagi?

að brjótast inn í einkalíf fólks. Taka það upp og selja það í hagnaðarskyni  fyrir sjálfan sig?

Eins og Jóhannes Kr. gerði þegar hann sveikst að Sigmundi Davíð í Ráðherrabústaðnum?

Eins og skítseiðið sem tengist Stundinni og DV gerði á Klausturbarnum?

Eins og J.Edgar Hoover gerði við Martin Luther King?

Eins og Deep Throat gerði við Nixon?

Stela skattaupplýsingum og selja?

Má stela öllu og græða á því ?

Gilda  lög ekki fyrir alla?

Er allt bara í lagi ef maður getur skaðað réttu aðilana ?

CO2 villan

er til umræðu núna í Póllandi

Á síðu Vilhjálms Eyþórssonar eru þessar staðreyndir tilfærðar:

"Af þessum 400 grömmum í tonni andrúmslofts eru kannski 10 grömm manngerð, en vel hugsanlega miklu minna.Raunar mælist koldíoxíð mjög mismikið eftir landsvæðum og árstíðum og tímum sólarhrings, eykst á nóttinni, minnkar á daginn.

Koldíoxíð kemur að sjálfsögðu að hluta frá andardrætti manna, dýra, fugla, fiska (neðansjáar). skordýra (gífulegt magn, sem alltaf gleymist) og ekki síst kemur það frá sveppagróðri og aeróbískum (ildiskærum) bakteríum. Allt sem deyr ofansjávar og neðan breytist að miklu leyti í koldíoxíð fyrir tilverknað þessarra örvera. Menn ættu að hafa í huga að örverur eru um helmingur lífmassa jarðarog þetta magn er gífurlegt (sbr. t.d. framræsla mýra).

Þá er ótalið allt það, sem streymir af þessari ósýnilegu, lyktarlausu lofttegund upp úr jörðinni allan sólarhringinn alla daga úr öllßum lág- og háhitasvæðum jarðar ofansjávar og neðan auk þess sem eldfjöllin leggja öðru hvoru til. Jafnvel í ýmsum jarðfræðilega „köldum" löndum eru víða ölkeldur, sem koldíoxíð streymir upp um.
Þetta er óskaplegt magn, en eldvirkir neðansjávarhryggir ná um 50 þús. kílómetra í mörgum hlykkjum umhveris jörðina og á þeim eru hunduð þúsunda eða milljónir loftventla og eldgíga. 
Allar jurtir, ofansjávar og neðan eru að miklu leyti úr kolefni, oft 30-50% og bókstaflega allt þetta kolefni kemur úr koldíoxíði. Menn og dýr eru líka að miklu leyti úr kolrfni, sem upphaflega hefur komið úr koldíoxíði gufuhvolfsins.
Jurtirnar þurfa gífurlegt magn koldíoxíðs á hverjum degi til að vaxa og dafna, mynda nýjar frumur og vefi og nýtt súrefni, en allt súrefni gufuhvolfsins hefur áður verið koldíoxíð (annar helmingur mólekúlsins).Þessi hringrás tekur aðeins innan við tíu ár.
Raunar byggir C 14 aldursgreining fornleifafræðinga á þeirri staðreynd, að þetta er hringrás sem sífellt endurnýjast, koldíoxíð eyðist og nýtt tekur við á um tíu ára fresti og þannig hefur þetta verið í milljarða ára, síðan jörðin var ung.

Í samanburði við þessa risavöxnu hringrás sem nær til allra jurta og þörunga í öllum löndum og höfum verður brölt mannanna heldur lítilfjörlegt og beinlínis hjákátlegt.

Á þessari mynd má sjá, að koldíoxíð, þessi 0,038% gufuhvolfsins, er talið valda í mesta lagi 3,6% gróðurhusaáhrifa.Hluti mannkynsins í þessum 3,6% er reyndar svo lítill að hann mælist varla, en um það stendur öll deilan.

Hugsið um það!

Gróðurhúsaáhrif koma að langmestu leyti frá vatnsgufu (myndina má stækka með því að smella á hana).

 

 

"

Það er minna talað um þetta þegar áróðurinn er annars vegar.

 

 

 (myndina má stækka með því að smella á hana)

 

https://earthobservatory.nasa.gov/global-maps/MOD10C1_M_SNOW/MYDAL2_M_SKY_WV

Það er sama hvar á er litið. Ekkert bendir til meirihátar breytinga á ástanndi jarðar. Skoðið bara kortin sem sýna ástandið síðustu 17 ár.

 

CO2 hefur ekki verið lægra á andrúmsloftinu í 600 milljón ár. Það er CO2 villan mikla í áróðrinum.

Loftslagsupphlaupið

er í hæstu hæðum í Póllandi.

Þessi snertla frá NASA sýnir ástandið síðustu 17 árin. Það er algerlega fráleitt að nú hafi skapast eitthvað nýtt og ógnandi ástand.

Sjáið sjálf hvort eitthvað óvænt hafi gerst í loftslagsmálum sem gefi ástæður fyrir þessu upphlaupi Sameinuðu  þjóðanna í Póllandi þessa dagana. CO2 PPM er lægra en menn halda fram.

https://earthobservatory.nasa.gov/global-maps/MOD10C1_M_SNOW/MOP_CO_M

 

Loftslagsupphlaupið núna er ógrundað.

Neðar á síðunni

er beinn tengill inn á Sám fóstra sem var að koma út í dag.

Þetta er fjölbreytt blað um málefni landsbyggðarinnar sem margir í þéttbýlinu við Faxaflóa láta sig litlu skipta.

 

SMELLIÐ Á ÞENNAN FYRIR NEÐAN!

https://tinyurl.com/y9j8u75d

J.Edgar Hoover

var sagður hafa komið fyrir hljóðnemum í svefnherbergi Martins Luther King og tekið upp kynhegðun hans og athafnir í langan tíma. Það kvisaðist að karlinn væri með skrautlegasta móti í rúminu.  James Earl Ray  kom í veg fyrir að þetta yrði notað í stjórnmálalegum tilgangi.

Er ekki ástæða til að okkar vinsælustu fjölmiðlamenn athugi hvílík gullnáma það gæti orðið að fara svipaða leið? Gætu  Marvin Mökkurkálfi og hans nótar ekki aldeilis komist í feitt í gegn um svefnherbergi Alþingismanna?  Er hvort sem er nokkuð  til  lengur sem flokkast sem friðhelgi einkalífs Alþingismanna?

Á ekki allt að vera opið og uppi á borði? Frygðarstunur foringjanna gætu orðið  efst á vinsældalista lista þess sem væri hægt að lýsa í okkar fremstu fjölmiðlum eins og Stundinni og DV?  Fást ekki núna til dæmis sjálfvirkar örsmáar videóvélar sem hægt er að planta hvar sem er sem taka upp í hálfan mánuð óslitið?  Framhaldssögur gætu haldið athyglinni og selt úrvals fjölmiðlafréttir lengi?

Áfram vaskir fréttamenn og uppljóstrarar í stíl J. Edgars Hoover. 

200 fífl

til viðbótar fjörtíuþúsundunum hans AlGore eru nú samankomin í Póllandi til að fimbulfamba um loftlagskenningarnar.

Svo segir í Mogga:

"Á hinu póli­tíska sviði hafi þá stjórn­mála­leiðtog­ar í Rússlandi, Tyrklandi, Ástr­al­íu og Bras­il­íu nefnt for­dæmi Trump sem ástæðu fyr­ir að tak­marka aðgerðir sín­ar gegn loft­lags­breyt­ing­um. Þá hafa Rúss­land og Tyrk­land sagst ætla ekki að staðfesta sam­komu­lagið.

Ný­kjör­in for­seti Bras­il­íu, Jair Bol­son­aro, hef­ur einnig sent frá sér blend­in skila­boð varðandi lofts­lags­breyt­ing­ar og ný­lega úti­lokaði stjórn hans að næsta lofts­lags­ráðstefna Sam­einuðu þjóðanna verði hald­in í Bras­il­íu.

Ant­onio Guter­res, fram­kvæmda­stjóri Sam­einuðu þjóðanna, tók málið upp á lofts­lags­ráðstefn­unni og sagði ljóst að með aukn­um fram­gangi pop­púlí­skra rík­is­stjórna væru ríki heims að verða klofn­ari í af­stöðu sinni til lofts­lags­breyt­inga.

„Við sjá­um að traust milli al­manna­skoðana og alþjóðastofn­ana hef­ur látið á sjá og að mínu mati hef­ur þetta leitt til skorts á nauðsyn­leg­um póli­tísk­um vilja,“ sagði Guter­res."

Eftir þessum mýrarljósum hlaupum við Íslendingar og tökum brauðið frá börnunum og gamalmennunum til að þjónka dellunni þó að við Íslendingar höfum nær engin áhrif á heildaútblásturinn. Hvað þá að við séum að styrkja þá sem taka maísinn frá hinum sveltandi íbúum Afríku  til að framleiða Etanól til að gera bensínið okkar dýrara fyrir þá fátæku.

200 fífl til viðbótar við hin fjörtíuþúsund.

Vatnið skal renna upp í móti

skv. ákvörðun Dags B. Eggertssonar og Alþingis.

Leiðari Morgunblaðsins er svohljóðandi í dag  fyrir þá sem ekki lesa það blað:

"Kynnt voru á dögunum áform um framkvæmdir í samgöngumálum á höfuðborgarsvæðinu á næstu fimmtán árum. Þetta eru metnaðarfull áform, í þeim skilningi að þau eru mjög kostnaðarsöm, en ekki í þeim skilningi að líklegt sé að þau leysi umferðarvandann.

Áætlað er að setja þurfi um 90 milljarða króna í samgöngubætur á höfuðborgarsvæðinu til ársins 2033. Af þessum milljarðatugum er gert ráð fyrir að nær helmingur, 42 milljarðar króna, fari í svokallaða borgarlínu.

Að setja nær helming fjármagnsins í ferðamáta sem skilar um 4% ferðanna er augljóslega afar undarleg ráðstöfun. Ekki verður hún síður undarleg þegar horft er til þess að á fyrsta tímabili fimmtán ára áætlunarinnar, frá 2019-2023, er áformað að rúmir 17 milljarðar fari í borgarlínu og aðrar almenningssamgöngur en aðeins rúmir 4 milljarðar í vegabætur.

Á sama tímabili fara yfir 2 milljarðar króna í hjóla- og göngustíga og göngubrýr. Áherslurnar sem þetta lýsir eru verulegt áhyggjuefni fyrir íbúa höfuðborgarsvæðisins enda bendir allt til að þær umferðarteppur sem íbúarnir hafa mátt sitja fastir í á leið í og úr vinnu muni fara vaxandi á næstu árum.

Í skýrslu með nýju fimmtán ára áætluninni er rifjað upp að í maí 2012 undirrituðu ríkið og sveitarfélögin á höfuðborgarsvæðinu „samkomulag um 10 ára tilraunaverkefni til eflingar almenningssamgangna á höfuðborgarsvæðinu. Meginmarkmið samkomulagsins er að tvöfalda a.m.k. hlutdeild almenningssamgangna í öllum ferðum sem farnar eru á höfuðborgarsvæðinu á samningstímanum og sporna með þeim hætti við tilsvarandi aukningu eða draga úr notkun einkabílsins, og draga jafnframt úr þörf á fjárfrekum fjárfestingum í nýjum umferðarmannvirkjum.

Aðilar voru sammála um að fresta tilteknum stórum framkvæmdum í samgöngumannvirkjum á höfuðborgarsvæðinu, meðan samningur væri í gildi, en endurskoða mætti þessa frestun í ljósi umferðarþróunar.“

Í skýrslunni er reynt að halda því fram að flest hafi verið upp á við hjá Strætó eftir þetta samkomulag, til dæmis hafi farþegum fjölgað stöðugt. Fjölgun er vitaskuld eðlileg þegar horft er til mikillar fjölgunar íbúa, en breytir ekki þessari meginstaðreynd, sem einnig er nefnd í skýrslunni:

„Þrátt fyrir þetta hefur hlutdeild almenningssamgangna í öllum ferðum á höfuðborgarsvæðinu staðið í stað, og var um 4% árið 2017. Eitt lykilmarkmið verkefnisins var að sú hlutdeild myndi ná 8% árið 2022.“ Átakið árið 2012, þar sem fjármagn var flutt úr vegabótum í almenningssamgöngur, átti að skila því að hlutfall ferða færi úr 4% í 8%, en skilaði engu.

Þetta var „meginmarkmið samkomulagsins“, eins og rifjað er upp í nýju skýrslunni. Hlutfallið er enn 4%. Nýja áætlunin tekur ekkert mið af því að enginn árangur náðist, nema síður sé. Í stað þess að draga þær ályktanir sem augljósar eru af tilraunastarfsemi síðustu ára er gengið enn lengra í fjárfestingum í almenningssamgöngum og áætlað að enn meiri árangur náist en síðast var áætlað þó að árangurinn yrði enginn þá.

Þá var reiknað með að almenningssamgöngur færu úr 4% í 8%, nú er bætt um betur og gert ráð fyrir að þær fari úr 4% í 9%!

Þessi stórundarlega forsenda er auðvitað ekkert útskýrð og ekki gerð tilraun til að færa rök fyrir því hvers vegna árangurinn ætti að verða svo mikill nú þegar hann varð enginn áður. Ekki er nóg með að þeim framkvæmdum sem líklegast er að skilað geti árangri sé að mestu frestað áfram, heldur eru nú uppi áform um stóraukna skattheimtu á íbúa höfuðborgarsvæðisins til að standa straum af óráðsíunni.

Talað er um að leita „nýrra leiða til fjármögnunar framkvæmda við uppbyggingu innviða Borgarlínu“. Þessar „nýju leiðir“ eru nýir skattar sem kynntir eru til sögunnar undir nöfnunum innviðagjöld, veggjöld, hækkun kolefnisgjalda og aukin gatnagerðagjöld.

Öll væri þessi nýja skattheimta óþörf ef ekki stæði til að ráðast af miklu afli í óhagkvæmar samgönguframkvæmdir í stað þess að leggja áherslu á að bæta vegakerfið á höfuðborgarsvæðinu með því að leysa þá hnúta sem þar er að finna.

Óráðsía og óskhyggja hafa ekki skilað árangri í samgöngumálum höfuðborgarsvæðisins hingað til og munu tæpast gera það hér eftir."

Er það ekki raunalegt að hugsa til þess að vinstri bræðingurinn í Borgarstjórn Reykjavíkur skuli geta farið svona með skattfé landsmanna þegar milljarðar á milljarða ofan eru settir í hluti sem engum munu gagnast. 

Yfir Breiðholtsbraut er glæsileg göngubrú sem kostaði um 145 milljónir. Reist af verktakafyrirtækinu Skrauta ehf. á alveg sérlega glæsilegan og fagmannlegan hátt. Ég keyri undir þessa brú 2-8 sinnum á dag. Ég hef núna á mörgum mánuðum aðeins einu sinni séð gangandi mann á brúnni.Annars er hún alltaf auð  Hinsvegar sé ég í hvert sinn sem ég keyri Miklubrautina, sem er talsvert oft, hvernig gangandi vegfarendur stífla umferðina allt til Kringulmýrarbrautar með því að spila á gangbrautarljósin. Af hverju var þessi brú ekki frekar reist þarna? Byggja vinstri menn ávallt brýr á þurru landi frekar en þar sem fljótið rennur?

Vatn er alltaf tregt til að renna upp í móti nema afli sé beitt eins og er í þessu tilviki.