Gat hann Gálmur nokkuð annað gert?

 

Það er laugardagsmorgun hjá mér og klukkan er eitthvað fjögur.Milli svefns og vöku svíf ég inn og út.

Á náttborðinu mínu lggur Sturlunga og búin að vera lengi.

Ég er nýbúinn að vera í jarðarförum ættingja þer sem eru sungnir sálmar fornir og nýir.

 

Kannski þess vegna finnst mér ég vera kominn í timburkirkju litla og forna.

Mér finnst ég skynja að  það situr maður í bekk fyrir framan  mig. Ég veit að þetta er Kolbeinn Tumason veraldlegur höfðingi í Skagafirði og skáld.

 

Það berast til mín hendingar bornar af þýðum karlmannsrómi.

 

Heyr, himna smiður,

hvers skáldið biður..

komi mjúk til mín

miskunnin þín.

 

 

Þegar ég bíð eftir næstu línu heyri ég þrusk við útidyr. Ég veit líka einhvernveginn að þarna er kominn Guðmundur dýri Þorvaldsson. Hann hvíslar:

 

Kolli minn, það er mál að hreyfa sig.Við eigum verk að vinna. Heima hjá tengdaföður hennar Ingibjargar dóttur minnar. Þú ætlar að hjálpa mér  með hann.

 

Kolbeinn rís á fætur og við einhvern veginn líðum út úr kirkjunni.

 

 Allt í einu erum við komnir að sveitabæ þar sem vopnaðir menn eru allt um kring. Inni fyrir eru líka vígbúnir men. Það er 7.maí 1197

 

Þorfinnur tengdasonur segir við Guðmund dýra: Það er illt að Ingibjörg dóttir þín er ekki hér. Guðmundur svarar að það sé vel að hún sé ekki en þó myndi það í engu fyrir standa. Er þetta hægt?

 

Þarna stendur Gálmur hinn sænski í dyrum. Einn auðugasti og besti bóndi í Eyjafirði og norðanlands Ég heyri að hann býður Guðmundi dýra aleigu sína til þess að hann hverfi á burt við svo búið.

 

Kolbeinn býður Gálmi þessum svo mikið af fé sjálfs síns sem hann vilji, bara  ef hann gangi út.

 

Gálmur svarar að þeir hafi oft gert grín að sér fyrir drykkjuskap og baðferðir. Nú sé enn boðið til baðs þó minna sé um mjöðinn. Hann gengur inn frá þeim Guðmundi og Kolbeini.

 

Komið þá með eldinn piltar segir Guðmundur. Munið það svo að þið eruð bara verktakar hér í vinnu hjá okkur Kolbeini. Allt sem fram fer hér er á okkar ábyrgð. Allir sem út koma úr bálinu verða drepnir hér á hlaðinu og sjáið þið um það.

 

Svo verður brátt um  Þorfinn tengdason og fleiri menn að hitnar á þeim.Þeir eru allir drepnir um leið og þeir koma út. En hvorki Gálmur né Önundur láta sjá sig.Og hún Ingibjörg er fjarstödd  sem betur fer finnst manni fyrir Guðmund dýra.

 

Brennunni lýkur um dagmál.

Gangið um rústirnar og drepið allt ef eitthvað finnst kvikt segir Guðmundur. Farið svo heim að mjólka strákar segir Kolbeinn. Við Gvendur sjáum um framhaldið og þið fáið senda greiðslu frá okkur.

 

Og það verða  að sönnu eftirmál eftir svona verknað. Jón Loftsson bjargar því sem bjargað verður en tekst samt hvergi þar sem hann er brátt allur.

 

Ég svíf með Kolbeini heim á Flugumýri. Húskarlar eru farnir á gegningar en við Kolbeinn förum í kirkjuna og setjumst í sömu sæti.

   

Hendingarnar svífa til mín:

 

Því heit eg á þig,

þú hefur skaptan mig,

ég er þrællinn þinn,

þú ert Drottinn minn.

 

Guð, heit eg á þig,

að græðir mig,

minnst, mildingur, mín,

mest þurfum þín.

 

Ryð þú, röðla gramur,

ríklyndur og framur,

hölds hverri sorg

úr hjartaborg.

   

Það er samt viss viss þótti í stílnum með tilbeiðslunni enda maðurinn líka veraldlegur  höfðingi sem þarf í mörg horn að líta. Samt er eins og hann viti að ekki sé allt með felldu með  samband hans við Guð.  Varla við öðru að búast. Sekur maður og blóðugur upp fyrir axlir.

Kolbeinn Tumason er  fjöldamorðingi sem og sálmaskáld. 1208 fær hann stein í hausinn í Víðinesbardaga við Guðmund Arason og sveina hans og rís ekki upp aftur.

Minning hans lifir samt  og ljóðlínurnar hans.

Hinn morðinginn Guðmundur dýri sér á langa sögu eftir þetta. Er um margt skemmtilegur fír og hugmyndaríkur. Hann  deyr sem munkur eftir litríkan feril.

Hverjir voru þessir menn í rauninni? Hvernig greinum við þá? Getum við það yfirleitt?

Þeir drápu báðir vin beggja hann Gálm  bónda. Gátu ekki afstýrt því. Það fylgir þeim sem og fleira óbætanlegt.

 

Þýð röddin hljómar enn um leið og ég svíf á braut heim í rúmið mitt

Gæt, mildingur, mín,

mest þurfum þín

helzt hverja stund

á hölda grund.

 

Set, meyjar mögur,

máls efni fögur,

öll er hjálp af þér,

í hjarta mér.

 

Ég er feginn að vera kominn aftur í nútímann þó næg vandamál séu uppi.

Ég hefði ekki viljað standa frammi fyrir honum Gálmi þarna í Lönguhlíð.

Gat hann Gálmur annars nokkuð annað gert?

 

Bera þær ekki ábyrgðina?

Kristín Linda og Ásdís Hlökk á því að United Silicon endaði svona?

Þær ýttu báðar ábyrgðinni frá sér með miklum þunga í Kastljósinu í gær. 

Var ekki verið að spyrja:?

Hver átti að taka út að verksmiðjan væri tilbúin til gagnsetningar samkvæmt hönnun og áætlun?

Mér finnst það ekki geta verið forstjóri United.

Mætti ekki alveg spara þær og þeirra stofnanir ef þeirra ábyrgð er engin?

Kosningasjóður Dags?

er það Borgarsjóður Reykjavíkur?

Hvað skyldi það hafa kostað myndbandið að Miklubraut ofan í stokk og fagurt Sam-líf ofaná? 

Hvað kosta allar tölvumyndirnar sem verið er að dreifa sem sýna framtíðarsýnir Dags?

Staksteinar segja svo frá í dag:

"Í gær gaf borgin út myndarlegt blað sem á að sýna hve glæsilega hafi verið staðið að uppbyggingu Miðborgarinnar og hve mikil ánægja ríki með það sem gert hefur verið á síðustu árum. 

Tímasetningin, níu dögum fyrir kosningar, er athyglisverð, en þetta er auðvitað samt alveg ótengt kosningunum. 

Að undanförnu hefur fréttavefur borgarinnar verið afar virkur og þar hefur mátt sjá fjölda frétta um hve meirihlutinn, ekki síst borgarstjórinn, hefur verið duglegur. 

Þetta tengist kosningum ekki heldur á nokkurn hátt.

 Á þriðjudag var á þessum fína og hlutlausa fréttavef sagt frá því að ársreikningur Reykjavíkurborgar hafi verið samþykktur í borgarstjórn. 

Þar kom meðal annars fram að útkoma ársreikningsins sé »mjög jákvæð fyrir Reykjavíkurborg«.

 Svo voru dregnar fram »lykiltölur« úr A-hluta reikningsins, og þá mátti sjá að skuldir eru ekki meðal lykiltalnanna, aðeins eigið fé, sem sumir mundu halda að væri síður lykiltala í þessu sambandi. 

En fréttadeild borgarstjóra veit betur og hún er vel meðvituð um að það er lykilatriði að draga ekki fram lykiltölur á borð við skuldir borgarinnar, og þaðan af síður vöxt skuldanna, fyrir kosningar."

Þegar ég var í bæjarpólitíkinni í Kópavogi voru allir mjög meðvitaðir um að misfara aldrei með opinbert fé.Né heldur að éta flokksbrauð.

Ég horfði á heimsmetatilraun í handstöðu. Þar var Dagur B. í fremstu röð þátttakenda. Ég sá ekki betur en að hann væri einna lengst allra frá því að geta staðið á höndum. 

Hvað er myndin af Degi með málningarrúlluna búin að koma oft?

Er það til fyrirmyndar að hreykja sér með þessum hætti? Á Borgarsjóður að vera kosningasjóður meirihluta?

CO2 skelfirinn

vegna  útblásturs manna ríður húsum hjá fólki sem sem skyggnist ekki undir yfirborðið.

 

Dr. Bill Gray gerði það í 50 ár.

http://www.realclimate.org/index.php/archives/2006/04/gray-on-agw/

Niðurstaða hans er sú að áhrif aukningar í CO2 innihaldi andrúmsloftsins hafi aðeins haft 0.6% áhrif á heildar varmaútstreymi jarðar 235 W/m2 síðan á miðri 19.öld.  

 

"Although increases in CO2 act to block the normal longwave infrared (IR) radiation to space, this blockage is very small compared to the globe’s basic energy budget. About 3.7 W/m2 of IR energy is intercepted for a doubling of CO2 (Figure 2).

 

Since the mid-19th century, CO2’s influence on IR blockage has increased by around 1.4 W/m2, or only 0.6% of the continuous average IR flux to space of 235 W/m2.

 

Thecontinuousbalancing of globalaveragein-and-out net radiationflux is thereforemuchlargerthantheradiationfluxfromanthropogenic CO2.

 

For example, 342 W/m2, the total energy budget, is almost 100 times larger than the amount of radiation blockage expected from a CO2 doubling over 150 years.

 

If all other factors are held constant, a doubling of CO2 requires a warming of the globe of about 1â—¦C to enhance outward IR flux by 3.7 W/m2 and thus balance the blockage of IR flux to space."

 

7 milljarða á næstu 4 árum ætlum við Íslendingar að taka frá okkar verst setta fólki til að berjast gegn aukningu á útblæstri okkar á CO2.

 

Af hverju láta formenn VR og Eflingar sig þetta kjaraatriði ekki meira varða?

 

CO2 skelfirinn veldur kjararýrnun á Íslandi.

 

Toppurinn

á allri  þeirri lágkúru sem RÚV hefur dembt yfir mig í áranna rás fannst mér stofnunin jafnvel toppa sig í gærkveldi með þættinum "Djók í Reykjavík".

Fyrrum Borgarstjórinn í Reykjavík, Jón Gnarr.  niðurleystur á hækjum sér fyrir framan kumpán sinn Sigurjón.

Hvað var verið að sýna?

Sjá menn fleiri Borgarstjóra sína fyrir sér koma fram í svona atriðum?

Eða sá ég þetta ekki?

Var þetta toppurinn?

 

 

Rhódesía og rústirnar

af hina gamla gósenlandi Rhódesíu Ian Smuts.

Núna kallað Zimbawbe. Sokkið í vitfirringu apa í mannsmynd sem kallast Mugabe. Sem á samt hugmyndafræðislega bandamenn á Vesturlöndum sem kenna sig til kratismans.

Flettið þessu upp til gamans og berið saman við hagfræðihumyndir Samfylkingar, VG og Pírata.

https://www.americanthinker.com/articles/2011/12/becoming_zimbabwe_when_nations_regress.html

 

 

Það er ótrúlegt að til skuli vera fólk sem hleypur enn á eftir 200 ára gömlum hugmyndum Karls Marx þegar Kúba, Venezúela, Rhódesía  og rústirnar blasa við þeim sem vilja sjá.

"Sál þeirra okkur sýnist rög"

og sorgir mun hún þreyja.

Þau halla undir flatt og hylla lög

og horfa á konur deyja

Svo kveður sá forni snillingur Stefán Jónsson fréttamaður við barnið sitt um nótt.

Ástæðan er barátta barnsins við að koma þeirri lífsbjargandi uppgötvun sinni á gölluðum erfðavísi BRCA2 kvenna á framfæri við þær sem málið varðar, að þeirra líf sé í hættu ef ekki sé við brugðist.

Svar kerfisins var að dr. Kára væri óheimilt að skipta sér af því einkamáli fólks að ganga í dauðann með opin augu. 

Dr. Kári Stefánsson  skrifar m.a. svo í grein í Fréttablaðið í dag:

...."Stökkbreytingin er sem sagt banvæn ef ekkert er að gert. Það væri hins vegar hægt að bægja frá meiri hlutanum af þessari ógn með fyrirbyggjandi aðgerðum. Við búum svo vel að það væri auðvelt að finna flesta arfberana og þar af leiðandi hægt að nálgast þá, vara þá við ógninni og bjóða þeim aðstoð.

Í um það bil áratug hef ég árangurslaust reynt að sannfæra heilbrigðisyfirvöld um að nýta þennan möguleika. Það vaknaði hjá mér svolítil von um að þetta væri að breytast þegar heilbrigðismálaráðherra skipaði starfshóp til þess að setja saman tillögur um nýtingu erfðaupplýsinga til forvarna með sérstaka áherslu á stökkbreytinguna í BRCA2.

Starfshópurinn skilaði tillögum sínum á mánudaginn og í þeim segir skýrt og skorinort að hann telji að það væri brot á gildandi lögum að hafa samband við arfberana og vara þá við hættunni sem steðjar að lífi þeirra og ef sett yrðu ný lög sem leyfðu slíkt, brytu þau líklega í bága við stjórnarskrá lýðveldisins og mannréttindasáttmála Evrópu. Þetta er furðuleg túlkun og nýstárleg og brýtur í bága við hefð í íslensku samfélagi.

Ég ætla ekki að vitna til greina eða málsgreina í lögum eða stjórnarskrá eða mannréttindasáttmála þeirri skoðun minni til stuðnings, vegna þess að hún byggir á einni af grundvallarforsendum samfélags manna sem er æðri öllum lögum og hljómar svona: Þegar manneskja er í bráðri lífshættu vörum við hana við ef við getum og reynum að forða henni frá hættunni án tillits til laga eða annars nema þess sem kynni að setja fleiri líf í hættu. Það er rík hefð í íslensku samfélagi fyrir því að ganga mjög langt í því að bjarga lífi fólks án þess að það hafi lagt blessun sína yfir það fyrirfram. Til dæmis segjum við fólki frá hættunni á því að snjóflóð kunni að falla á hús þess vegna þess að heilsu og lífi þess stafar hætta af snjóflóðum og við gerum það án þess að leita samþykkis þess fyrirfram. Við göngum meira að segja svo langt að flytja fólk nauðungarflutningum úr húsum á snjóflóðasvæðum ef það neitar að fara af fúsum og frjálsum vilja. Við sendum leitarflokka eftir fólki sem kemur ekki ofan af hálendinu á tilsettum tímum. Við prentum viðvaranir á sígarettupakka sem segja að það sé lífshættulegt að reykja, án tillits til þess hvort kaupandinn vilji vita að með neyslunni sé hann að vega að sjálfum sér.

Starfshópurinn komst hins vegar að þeirri niðurstöðu að ef konur séu í bráðri lífshættu af völdum stökkbreytingar í BRCA2 megi ekki vara þær við vegna þess að það vegi að friðhelgi um einkalíf þeirra. Þetta er að öllum líkindum í fyrsta sinn í sögu Íslands sem því er haldið fram að það sé ólöglegt að vara fólk við bráðri lífshættu og fáránleikinn í því er takmarkalaus.

Við byggjum landið með lögum til þess að gera líf fólks betra og öruggara. Lögin eru hugsuð sem tæki sem við notum til þess að gera líf fólks betra og öruggara. Ef túlkun starfshópsins er rétt og stjórnarskráin og lögin banna okkur að vara arfberana við bráðri lífshættu eru þau farin að vinna gegn tilgangi sínum og halda okkur frá þeim markmiðum sem þau áttu að hjálpa okkur að ná. Þau eru erindislaus og ótengd hagsmunum þess samfélags sem þau eiga að hjálpa okkur við að stjórna. Þau eru orðin einhvers konar glerperluleikur sem hefur engan tilgang annan en sjálfan sig og getur af sér alls konar hörmungar.

Það er hins vegar ljóst að túlkun manna á stjórnarskránni og lögum sem á henni byggja hefur hingað til ekki komið í veg fyrir að fólk sem er í bráðri lífshættu af öðrum sökum en illvígum stökkbreytingum sé varað við. Þar af leiðandi er sá möguleiki fyrir hendi að vandinn liggi ekki í lögunum eða stjórnarskránni heldur í starfshópi heilbrigðismálaráðuneytisins...."

Svandís Svavarsdóttir er heilbrigðisráðherra fyrir Vinstri Græna sem færir þjóðinni þessa niðurstöðu. Þegar hafa 20.000 manns lýst yfir andstöðu við niðurstöðuna sem dr. Kári hefur opnað leið fyrir á netinu.

Úr engum stjórnmálaflokki öðrum en V.G. gæti komið svona arfavitlaus niðurstaða. Skyldu kjósendur Svandísar vera vissir um að þetta sé síðasta dellan sem frá henni eða flokki hennar kemur?

Starf dr. Kára og föður hans að því að forða okkur frá rögum sálum er ómetanlegt.

 

Ég græt með Kára

yfir heimskunni og illmennskunni sem birtist í fáránleika persónuverndarstefnu þeirrar sem eyðilagði Gagnagrunninn hans dr. Kára á sínum tíma.Hversu miklu misstum við ekki af sem þjóð?

Ég er auðvitað heimskur og skil kannski ekki margt. En mér finnst að heilbrigðissaga einstaklingsins sé ekki hans einkamál. Það sé ekki hans einkamál að neita að bólusetjast gegn hættulegum sjúkdómum sem geta skaðað aðra í framhaldi eins og dæmi eru um að fólk komist upp með.Er það eitthvað mitt einkamál hvað læknar mínir gera núna til að framlengja líf mitt á kostnað alþjóðar?

Umönnun sjúkra og deyjandi eru á kostnað heildarinnar. Þegar eldstólpar eins og dr. Kári koma fram með tillögur til að bjarga mannslífum er skelfilegt og grátlegt til þess að vita að allskyns fólk sé sett í lykilstöður til þess að hunsa tillögur hans án skilnings.

Það er nefnilega til tímapunktur í lífi hver og eins  þar sem er ögurstund þess að verða of seinn eða bjargast. Eftir það er of seint að iðrast og engu verður breytt.

Það er grátlegt að horfa á fólk ganga í dauðann með meðvitund, hvort sem fíkniefnaneysla, heimska, vanþekking  eða kæruleysi á í hlut.

Yfir þessu græt ég með Kára.

Staðfastur í illskunni

til hinstu stundar.

Dagur B. Eggertsson sem veit að dagar hans eru jafnvel taldir á valdastóli í borginni reynir að gera allt sem hann getur til að eyðileggja Reykjavíkurflugvöll fram á síðasta dag.

"Félagsstofnun stúdenta og Bjarg íbúðafélag verkalýðshreyfingarinnar hafa fengið vilyrði fyrir lóðum til að byggja 260 leiguíbúðir fyrir stúdenta og félagsmenn verkalýðshreyfingarinnar í Skerjabyggð við Skerjafjörð.

Skipulagssamkeppni var haldin um skipulag í Skerjafirði og er deiliskipulagstillaga unnin á grundvelli hennar. Svæðið sem um ræðir er landsvæði sem opnaðist sem byggingarland er litlu flugbrautinni var lokað. Er þar gert ráð fyrir byggð með um eitt þúsund íbúðum. Bjarg fékk vilyrði fyrir lóð fyrir 100 íbúðir og Félagsstofnun stúdenta fyrir lóð fyrir 160 íbúðir.

Leiguíbúðir verkafólks og stúdenta í Skerjafirði Samkomulag Dagur B. Eggertsson borgarstjóri, Guðrún Björnsdóttir, framkvæmdastjóri Félagsstofnunar stúdenta, og Gylfi Arnbjörnsson, forseti ASÍ, skrifa undir."

Þannig skirrist þessi valdafíkill Dagur B. Eggertsson ekki við að reyna að hafa áhrif á hagi fólks og þjóðarinnar allrar langt fram eftir öldinni eins og enginn sé morgundagurinn.

Borgarlína, þétting byggðar, skuldafen, drullug borg og  döpur torg.

"Vi alene vider" segja menn staðfastir í illsku sinni.

 

Valur B.Arnarson skýtur breiðsíðum

hverri eftir annarri á ráðlausan flota vinstri manna. Hann rekur svik þeirra með tilvísunum í staðreyndir sem þeir geta í engu svarað. Þeir bara treysta á slagorðavaðalinn eins og Píratar sem yfirleitt aldrei geta sagt satt orð um sjálfa sig hvað þá aðra. Nú ætla þeir að gera allt fyrir alla bara ef þeir komast í kjötkatlana. Þvílíkt og annað eins er að lesa loforðalistana þeirra!

Valur skrifar m.a. á sitt blogg:

"Nú þegar innan við 2 vikur eru til kosninga, eru Dagur B. og félagar hans í meirihlutanum í Reykjavík orðnir stressaðir, því helsti keppinautur þeirra – Sjálfstæðisflokkurinn – kemur með hverja aðra snilldarhugmyndina sem leysa myndi bæði húsnæðis- og samgönguvandann í borginni.

Dæmi um upphlaup meirihlutans, er þegar Sjálfstæðisflokkurinn lýsti því yfir að bíllaus byggð í Örfirisey væri sniðug hugmynd sem vert væri að vinna lengra. Dagur B. og félagar hófu samstundis stórskotahríð að hugmyndinni og gera þar með lítið úr vinnu nemenda í skipulagsfræðum sem hugmyndin er grundvölluð á.

Annað dæmi er þegar Sjálfstæðisflokkurinn lýsti því yfir að stefnan væri að friða Elliðaárdalinn en Samfylkingin hefur gefið vilyrði fyrir 13.000 m2 lóð undir atvinnuhúsnæði þar – með aðstoð frá umhverfisflokknum VG.

Það sem er þó mest athyglisvert af öllu er að Samfylkingarfólk er ekki í meirihluta þeirra sem leggjast á árnar með Degi B.. Þar í hópi eru mest Píratar og VG-liðar – litla, litla, nice, nice, krúttí, krúttí liðið. Augljóst er að Dagur B. hefur einhverskonar skoðunarvald; ekki bara meðal sinna flokksmanna, heldur virðast VG-liðar ásamt Pírötum elta hann í einu og öllu. Enda ætla þessir 3 flokkar að vinna saman að kosningum loknum fái þeir til þess umboð. Viðreisn á svo að henda inn ef með þarf.

Það er mikilvægt að kjósendur átti sig á þessu.

Þessi umræða leiðir hugann svo að öðru máli, og það eru afsakanir Dags B. um húsnæðismálin – og hvers vegna gengið hefur jafn hægt og raun ber vitni með afhendingu tilbúinna íbúða í Reykjavík. Hér á þessari bloggsíðu hefur það verið ítarlega reifað hvernig núverandi meirihluti hefur vanrækt skyldur sínar í þessum málaflokki.

Dagur B. heldur því annars vegar fram að hæg uppbygging skýrist af samstarfsörðugleikum við Sjálfstæðisflokkinn í ríkisstjórn, og hins vegar af skorti á verktökum í byggingavinnu.

Hvorugt stenst skoðun – en Viðreisn og Píratar hafa verið áberandi með undirtektir undir þessi sjónarmið.

Kjartan Magnússon, borgarfulltrúi Sjálfstæðisflokksins, hafði þetta að segja um meint ósætti milli Bjarna Benediktssonar og Dags B. Eggertssonar:

Það er með ólíkindum að Píratar í borgarstjórn reyni að breiða yfir eigið getuleysi með því að kenna sjálfstæðismönnum í ríkisstjórn um húsnæðisvandann í Reykjavík. Þann vanda má fyrst og fremst rekja til húsnæðisstefnu Samfylkingar, Bjartrar framtíðar, Pírata og Vinstri grænna. Borgin ræður sjálf yfir nægu landi til að leysa húsnæðisvandann ef réttri stefnu væri fylgt. En það eru hrein ósannindi að ráðherrar Sjálfstæðisflokksins hafi ekki viljað afhenda borginni ríkislóðir til uppbyggingar eins og eftirtalin dæmi sýna:

Árið 2014 afsalaði ríkið sér fasteignum og leigulóðarréttindum á svokölluðum Sementsverksmiðjureit til Reykjavíkurborgar svo borgin gæti hafið uppbyggingu þar. Bjarni Benediktsson var þá fjármálaráðherra.

Árið 2015 náðist samkomulag milli ríkisins og Reykjavíkurborgar um mikla uppbyggingu á reit Ríkisútvarpsins við Efstaleiti. Bjarni Benediktsson var þá fjármálaráðherra og Illugi Gunnarsson menntamálaráðherra. Framkvæmdir standa nú yfir á reitnum.

Í júní árið 2017 samþykkti ríkisstjórn undir forsæti Bjarna Benediktssonar viljayfirlýsingu um íbúðauppbyggingu á ríkislóðum í borginni. Á grundvelli þeirrar yfirlýsingar er nú verið að ganga frá samkomulagi milli ríkis og borgar um Veðurstofureit og Sjómannaskólareit. Fleiri lóðir eru í skoðun.

Ríkið hefur um árabil verið reiðubúið að selja borginni stórar lóðir við Ánanaust (Landhelgisgæslureitinn) og Þorragötu, sem henta vel til íbúðauppbyggingar. Verðmat sameiginlegra matsmanna ríkis og borgar á lóðunum liggur fyrir en borgin hefur ekki enn viljað ganga til samninga á grundvelli þess.

Ríkið hefur um árabil verið reiðubúið að selja borginni land sitt við Keldur og Keldnaholt á grundvelli ábataskiptasamnings. Ekki hefur enn orðið af þeirri sölu þar sem núverandi meirihluti hyggst ekki byggja upp á þessum svæðum í nánustu framtíð.

Um hina ástæðuna sem Dagur B. gefur upp, þ.e. um meintan skort á verktökum, hef ég þetta að segja:

Ef skortur á verktökum er þannig að ekki er hægt að halda eðlilegri uppbyggingu húsnæðis gangandi, hvernig á þá að ráðast í framkvæmdir við borgarlínu og Miklubraut í stokk á kjörstímabilinu ? En báðar þessar framkvæmdir eru mannfrekar í meira lagi.

Ef menn ætla að koma með afsakanir, þar sem öðrum er kennt um þeirra eigin vangetu, er æskilegt að þær séu trúverðugar. Það er ekki raunin hér.

Viðreisn og Píratar mega svo eiga mikla skömm fyrir að taka þátt í aumkunarverðum blekkingaleik Dags B. Eggertssonar – og því greinilegt að greitt atkvæði til þeirra er ekkert annað en beinn stuðningur við Dag B. og það sama gildir um VG."

Dagur reyndi líka að koma með það sem skýringu að byggingakranar væru ófáanlegir um þessar mundir, þess vegna hefði hann byggt minna en hann lofaði.

Verði Reykvíkingum að góðu ef þeir kjósa þetta vinstra lið yfir sig aftur. Það verður hinsvegar afleitt fyrir nágrannabyggðirnar að sitja upp i stórt núll í miðju höfuðborgarsvæðisins.