Merkilegur er Mogginn

Fyrst djöflast hann á Pírataflokknum fyrir að skrópa á Alþingi, jafnvel án verðurgs hýrudráttar, item svívirðingar og dónaskap sem þeir sýni þingi og þjóð, Steingrímur Jóhann meðtalinn.

Svo láta þeir erki-Píratan Björn Leví skrifa enn eina heimskugreinina á miðopnu þar sem hann lýsir því að hann ætli að gera svona ávörp erlendra Pía ólögleg fái hann því ráðið.

Og Mogginni brosir merkilega blítt við þessari þversögn.

Ábúandi skákar jarðeiganda

í svo miklu mæli að eigandinn er nánast réttlaus og varnarlaus.

Það er mikið veður gert úr því að ríkismaður breskur eigi margar jarðir. Er helst að skilja á mönnum að Ísland sé tapað og landið verið selt til útlendinga, fullveldið farið til fjandans og fósturjörðin glötuð landsmönnum.

Menn hafa væntanlega ekki kynnt sér 

Ábúðarlög

2004 nr. 80 9. júní

 

Þar kemur fram hversu varnarleysi jarðeiganda er nánast algert gagnvart þeim sem lætur Jarðanefnd sýslunnar byggja sér jörðina. Það gerir hún hvað sem einhver jarðeigandi vill eða ekki. Sá sem tekur ábúð er í rauninni orðinn alvaldur á jörðinni burtséð hvar á hana. Mörg dæmi eru um að eigendur hafi farið flatt á ábúðarslitum þegar þeir þurfa að leysa til sín framkvæmdir ábúandans þegar hann vill hætta að búa.

Það er eins gott að jarðareigandi sé stöndugur þegar ábúandi skákar eftir lögunum.

Landspítalinn kostar ekki krónu

frekar en Seðlabankabyggingin á sínum tíma ef grannt er skoðað.

Ríkið borgar bara með ávísunum á sjálft sig sem eru prentaðar á marglitan pappír. Verðlausar þá aðeins ef við neitum að taka þær gildar. Sem við gerum ekki.

Við byggjum svo bara annan spítala á Vífilsstöðum sem heldur kostar ekki neitt ef við pössum upp á þensluna.

Landspítalinn nýi kostar ekki krónu.

Bréf frá Gísla

Holgerssyni sem ég ætla að leyfa mér að birta sem dæmi upp á hvernig föðurlanssinnaður eldri borgari þessa lands hugsar. Ég er honum sammála um mörg grunnatriði.

Gísli segir:

"Fyrir um 100 árum vorum við brúa og vegalaus með hlaðnar grjótvörður á gönguleiðum og kindagötur til viðbótar. Þá voru baráttumenn, sem börðust fyrir frelsi og sjálfstæði á ÍSLANDI. 

Ég man rigningardaginn á Þingvöllum 17. júní 1944. Ég var 8 ára og sat á vörubílspalli í litlum kaffiskúr, sem var í eigu Verslunar Halldórs Jónssonar frá Vík í Mýrdal ásamt foreldrum mínum.  Bjarni Sæmundsson frændi minn frá Vík ók vörubílnum.  Dagurinn var ógleymanlegur öllum, sem fóru til Þingvalla til að hlusta á hátíðarræður Alþingismanna og karlakórsöng  Fóstbræðra.  Þarna töluðu talsmenn þjóðarinnar og Gísli Sveinsson sýslumaður og forsetaframbjóðandi frá Vík í Mýrdal.    Á Þingvöllum voru  erlendir gestir. Bandaríkin voru fyrstir til að óska ÍSLANDI til hamingju með lýðveldis daginn.

Fámennur hópur Alþingismanna eiga sér enn óskir, um að koma fámenni okkar endanlega inn til óróleika ESB landa.  Þar eru hundruð miljóna ólíkra íbúa frá mörgum ólíkum löndum.  Fámennt ÍSLAND kallar varla eftir þessum skipulagða innflutningi ólíkra landa, sem illa þrífast á Vesturlöndum og í Evrópu.  Margir spyrja, hvort búið sé að fórna lífsmáta Evrópu, Norðurlanda og Kristnum siðum?.

FÖÐURLANDSSINNAÐUR  þjóðarleiðtogi  óskast fyrir fámennt LANDIÐ okkar. Víkingar, Sjósókn, Landafundir og Ritstörf er sýn erlendra manna á ÍSLANDI, sem heimurinn þekkir okkur best af.  Minnumst á langlífi ÍSLENDINGA samkvæmt erlendum ransóknum.  Við eigum sterkasta MANN í heimi og sterkustu KONU í heimi.  Ég þakka Landinu OKKAR, hreina blávatninu, BÆNDUM og SJÁVARÚTVEGI.  ÍSLAND er einstakt Land hlaðið orku frá fjöru til fjalla með sterka heimssýn fyrir sölu á ómenguðum matvælum.

TROMP ÍSLENDINGA er að kynna og selja framleiðslu Bænda, Sjávarútvegs og Garðyrkjubænda frá „einum stað“.  LAVA center í Hvolsvelli, eða sambærilegur staður á suðurlandinu frá fegurstu Landnámsbyggð með Heklu í baksýn og Vestmannaeyjar til suðurs.  Áður nefndur flugvöllur við sjávarsíðuna, einn og hálfan klukkutíma frá Reykjavík mundi breyta vöru og farþegaflutningum frá og til Landsins. 

Íslendingar eru rétt um 300 þúsund, sem verða að gæta sín í eyðslunni fyrir alheim.  Loftslagsmál eru „stjórnmál“ þar sem einstaklingar safna miklum auð í „bankann sinn“?.  Hugsanlega eru Loftslagsmál hluti af sköpuninni?. 

Styrkjum BLÁA-HERINN, sem vinnur að hreynsun plasts úr hafinu og af strandlengjunni umhverfis Landið OKKAR,  sem er „loftslagsmál“ ÍSLENDINGA.

Landið okkar hefur fyllst af „ólíku fólki“ samkvæmt óskum og skipunum ESB landa.  Er fámenni Íslendinga illa stjórnað „innan“ ESB reglufargans?.

Hægjum á „fjármála sprellinu í “ FERÐAMÁLUM.  Stöðvum sölu Bújarða og Eyðijarða til erlendra auðkýfinga.  Við erum orðnir HÚSKARLAR í EIGIN Landi, því við  munum aldrei hafa efni á að kaupa jarðirnar að nýju.  Þær verða áfram seldar erlendum auðkýfingum og við verðum áfram HÚSKARLAR í Landinu OKKAR.  Eyjan VIGUR er nú til sölu?.  NÚ ræða menn  Suðurlandið og HJÖRLEIFSHÖFÐA?.

MUNUM að ELSKA DÝRMÆTT Landið OKKAR og fiskveiðilögsögu.  Verjum OKKAR hagsmuni með ÖRUGGUM  Landamærum, sterkri Vegabréfaskoðun og Lögreglu.

HEIMURINN og „USA“ er markaðssvæði ÍSLENDINGA.  Sterkir BÆNDUR og SJÁVARÚTVEGUR °og stækkandi Gróðurhús er nauðsyn OKKAR einstaka Landi.

Tökum Kr.5000. í tryggingargjald fyrir ÍSLAND af erlendum ferðamönnum, sem leggst á farmiðann erlendis.  Þetta gjald eykur straum erlendra farþega til ÍSLANDS vegna þess ÖRYGGIS, sem fylgir Landinu okkar og gestrisni Íslendinga.  Börn til 12 ára og ÍSLENDINGAR greiða ekkert tryggingargjald. Þetta gjald gefur ríkinu um 12 miljarða á ári.  Hættum að rukka í móum og mýrum?. 

Ferðabransinn hefur ekki bætt hag almennings.  Fiskur/cod, kostaði kr. 4.400. á hringveginum árið 2015,  sem vissulega var hátt verð fyrir „venjulegan“Íslending, sem varla hafa efni á að heimsækja sveitina sína og æskuslóðir.  

Slítum öllu reglufargani við ESB lönd og styrkjum okkur heima við. ÍSLAND og FISKVEIÐIRÉTTINDI eru EKKI til sölu ERLENDRA ÞJÓÐA og erlendra auðkýfinga.  Leitum EKKI SVARA og SKIPANA  frá ESB löndum varðandi landsmál ÍSLENDINGA.          Gísli Holgersson."

Ég vona að mér fyrirgefist  þjófnaðurinn á tilskrifinu en mér finnst allt í lagi að fleiri lesi en bara ég, þetta skellegga bréf frá honum Gísla.

Skynsemisraddir

í tilefni af millispili í ljósmæðradeilunni:

Ómar Ragnarsson skrifar:

"Í ljósmæðradeilunni hefur verið tekist á við það álitamál, hvort og þá hve mikið hefur verið aukið við menntun ljósmæðranna miðað við sambærilegar stéttir, að það eitt réttlæti kjarabót umfram þessar viðmiðunarstéttir. 

Nú hefur verið samþykkt eins konar millibilsástand á meðan þetta viðfangsefni er krufið þannig til mergjar að ekki verði deilt um niðurstöðuna þegar þar að kemur. 

Eftir situr í kjaramálum launþega, að launahæstu stéttirnar, (að undanteknum forseta Íslands sem sjálfviljugur afsalaði sér hluta launanna, sem kjaradómur úthlutaði honum,) fari að fordæmi forsetans og afsali sér þeirri launahækkun, sem stefnir í að sprengja allt launakerfi í landinu.  

Þessi þjóðfélagshópur hafði á sínum tíma vald til að skipa málum þannig, að það setti allt launakerfið á hliðina, og hefur að sama skapi vald til að koma þessu í það horf, að sátt náist um laun í landinu. 

Þetta fólk hefur líka vald til að láta linna þeirri aðför sem stunduð er gegn lífeyrisþegum, að áfram verði minnst 40 prósent þeirra undir fátæktarmörkum 300 þúsund króna á mánuði. 

Það er miskunnarlaust gert með því að reyna að koma í veg fyrir að þessi hópur minnki með öllu tiltækum ráðum. 

Því að það að taka til baka "oftekinn" lífeyri er reynt að koma sem flestum í þessa fátæktargildru. 

Á sama tíma og mokað er erlendu vinnuafli inn í landið eru í raun tekin allt að 83 prósent af þeim launum, sem gamla fólkið reyndir að bæta við lúsarlaun sín. "

Gunnar Heiðarsson skrifar:

"Kjaradeila ljósmæðra er einungis sýnishorn af því sem kemur næsta vetur, ef stjórnvöld girða sig ekki í brók og afnema þær hækkanir sem kjararáð hefur úrskurðað síðustu misseri. Verði þær látnar standa mun myndast mikil harka í komandi kjaraviðræðum. Niðurstaða ljósmæðradeilunnar skiptir þar engu máli.

Þeir sem ekki átta sig á þessu hafa einstaklega litla innsýn í kjaramál og kjaradeilur."

Svo horfi menn framan í formenn Eflingar, Akranesfélagsins  og V.R og spyrji sig hvort þeir séu yfirleitt til viðtals um skynsemi?

Ég viðurkenni að mig skortir enn næga skynsemi til ásættanlegrar málamiðlunar.

 

Lúpínan lifi!

Þessi innflytjandi frá Alaska er löngu orðin að þjóðargersemi Íslendinga.

Sannkallað þjóðarblóm sem bylgjast í blænum um holt, heiðar og sanda þar sem áður ríkti auðnin ein.

Svo segir í Morgunblaðinu í dag:

 

"Íslensk náttúra uppsker fyrir tilstilli lúpínunnar, að því er fram kemur á heimasíðu Skógræktarinnar. Grös, súrur og ýmsar blómplöntur spretta upp á lúpínubreiðunum á Haukadalsheiði. Til stendur að planta þar um 25-30 þúsund birkitrjám.

Trausti Jóhannsson, skógarvörður á Suðurlandi, segir lúpínuna hafa myndað mikinn jarðveg á svæðinu, frjósamt land og skjól. „Hún hefur breitt úr sér undanfarna áratugi og lokað þessu landi sem var mjög illa farið áður fyrr. Mikil landeyðing hefur verið þarna undanfarnar aldir en lúpínan kom og náði að loka þessum sárum aftur á Haukadalsheiðinni. Hún sáir sér sjálf á þessu svæði þar sem enginn gróður er fyrir. Svo fer hún að hopa og gefa eftir fyrir öðrum gróðri sem sáir sér sjálfur á svæðinu,“ segir Trausti.

Hann bætir við að lúpínan verði aldrei á sama stað að eilífu. „Hún vinnur sínar jarðvegsbætur og svo mun hún gefa eftir.

“ Á heimasíðu Skógræktarinnar segir að lúpínan sé ekki einráð á svæðinu heldur miðli af næringarforðanum sem hún kemur upp í sandinum. Uppgræðslustarfið á Haukadalsheiði hefur verið unnið án útgjalda, fyrir utan dreifingu á fræjum lúpínunnar. Nú hentar svæðið vel til skógræktar en áður fyrr voru skilyrðin verri og landið þakið grjóti og klöppum. Spurður hvort lúpínan flækist fyrir ræktuninni segir Trausti: „Við erum með tæki sem rótar lúpínunni aðeins frá og svo ræktum við plönturnar á svokölluðum rásum.“

Jurtin er umdeild og að sögn Hreins Óskarssonar, sviðsstjóra samhæfingarsviðs, breytir hún gróðurfari þar sem hún vex. „Hún breytir gróðurfarinu varanlega. Hún breytir þessum lágvaxna gróðri yfir í frjósamt land þar sem kemur stærri gróður eins og hvönn og kerfill sem er útlendur.

“ Skýr merki eru um vaxandi grósku á Haukadalsheiði. Brönugrös og blágresi eru áberandi á lúpínubreiðunum. „Í lúpínubreiðum er að sjá t.d. grös, hvítmöðru, gulmöðru, hrútaberjalyng og stundum jarðarberjalyng,“ segir Hreinn. Alls staðar þar sem lúpínunni hefur verið sáð í gamla daga fyllist allt af birki og víði, að sögn Hreins.

„Á sumum svæðum verður ofsalega mikil frostlyfting á veturna og enginn íslenskur gróður vex þar. Mikil hreyfing verður á veturna og erfitt verður fyrir gróður að lifa af. Lúpínan nær því hins vegar með sterkum rótum sínum og myndar skjól fyrir annan gróður og stuðlar að auknum vexti.

“ Hreinn segir þó lúpínuna umdeilda vegna þess að hún geti ýtt öðrum gróðri frá. „Hún fer yfir land þar sem gróðurlandið er rýrt, og þar er gjarnan berjalyng, og breytir því algerlega.“ 

Sá sem hér heldur um penna var löngum í æsku sinni í Haukadal. Í þurrviðrum og norðanvindi varð oft myrkur um miðjan dag þegar uppblásturinn lagði af Haukadalsheiði. Þar uppfrá var ofboðsleg eyðimörk sem myndaðist að hluta eftir að Árni Magnússon fór þarna um en þá benti hann á að sandur væri að ganga mjög á land jarðarinnar og myndi til stórra vandræða verða ef ekkert yrði að gert.

Nú hefur verið að gert og er það lúpínunni að þakka að landeyðing hefur verið stöðvuð að miklu leyti. Nú rísa ekki uppblástursbólstrarnir til himins í sama mæli og áður.

Um allt land hefur lúpínan stórbætt landgæði og gróðurþekja komið í stað auðnarinnar.

Það var auðvitað að kommeríið sérstaklega hatast við lúpínuna og kerfilinn og vilja endurvekja eyðimörkina í þjóðlegum stíl þar sem því verður við komið.

En þjóðin fagnar lúpínunni og hún verður ekki stöðvuð í landgræðslustarfi úr þessu.

Lúpínan lif!

Góður Geir

Ágústsson kollega í Mogganum í dag.

Geri segir í skarplegri athugun sinni á geðklofa Íslendinga:

"Íslendingar elska einokun, hata hana og elska að hata hana um leið og þeir biðja um hana.

Þannig vilja Íslendingar að ljósmæður séu ríkisstarfsmenn en bara á meðan þær sætta sig við kjör sín og halda áfram að taka á móti börnum. Hins vegar hefur enginn beðið um ríkisvæðingu smiða, rafvirkja og pípara því allir vita að það er ávísun á biðraðakerfi og verkföll meðal þeirra.

Þannig vilja Íslendingar að ríkið eitt megi selja áfengi þótt það þýði dauða hverfiskaupmannanna á kostnað stórmarkaða með bílastæði nálægt næstu áfengis- og tóbaksverslun ríkisins. Um leið sakna margir hverfiskaupmannanna og kvarta yfir löngum bílferðum í næstu verslun

Þannig vilja Íslendingar að ríkið eitt eigi vegina og haldi áfram að vanrækja þá en að flugsamgöngur í umsjón einkaaðila haldi áfram að kosta minna og þægindin í fluginu að aukast.

Þannig vilja Íslendingar að bankakerfið fái að starfa undir verndarvæng ríkisstofnunar sem hefur beinlínis það markmið að rýra kaupmátt peninga okkar og láta innistæður liggja undir skemmdum á bankareikningum. Fatahreinsanir, sem taka líka við verðmætum okkar, eiga hins vegar að passa óaðfinnanlega vel upp á flíkurnar sem þær fá inn og helst að skila þeim af sér í betra ástandi en áður.

Þannig sætta Íslendingar sig við rándýrar sjúkratryggingar sem bjóða upp á biðraðir, sumarlokanir, vinnutap, lélegan húsakost og stressað starfsfólk á tvöfaldri vakt. Um leið verða þeir brjálaðir ef bílatryggingin hækkar örlítið í verði og skipta hiklaust um tryggingafélag til að spara þúsundkall á mánuði.

Þessi geðklofi er að sumu leyti skiljanlegur. Stanslaus áróður um ágæti hins opinbera dynur á okkur frá stjórnmálamönnum, ríkisfjölmiðlum og klappstýrum ríkiseinokunar.

Um leið er geðklofinn óskiljanlegur því einkaframtakið er svo áberandi miklu betra að mæta kröfum okkar um þjónustu, gæði og verðlag. Starfsmenn gleraugnaverslana, farsímafyrirtækja, bifreiðaverkstæða og stórmarkaða fara ekki í verkföll. Samt sækir fólk um vinnu hjá þessum fyrirtækjum og þiggur fyrir hana laun, og viðskiptavinir streyma að til að kaupa og gera verðsamanburð og kvarta hiklaust ef þeir rekast á útrunna skyrdós í kælinum.

Það er engin ástæða fyrir ríkið til að vasast í rekstri af neinu tagi. Það er hægt að tryggja aðstoð við fatlaða, umönnun sjúklinga og kennslu á krökkum með öðrum hætti en rekstri fjárfreks, miðstýrðs, þumbalegs og ósveigjanlegs opinbers kerfis.

Öll fyrirtæki þurfa ræstingaþjónustu en flest bjóða þá þjónustu út til sérhæfðra aðila. Öll þurfum við lækna og kennara á lífsleiðinni og eigum að fá að kaupa þjónustu þessara fagstétta og annarra á frjálsum markaði.

Geðklofi veldur þeim sem þjást af honum miklum og alvarlegum óþægindum og það er erfitt að lifa eðlilegu lífi með þann geðsjúkdóm. Í samhengi stjórnmálanna er geðklofi hins vegar áunnið ástand sem má losa sig við með einfaldri hugarfarsbreytingu.

Eigum við ekki að leyfa okkur þann lúxus?"

Hér er fjallað um þá tvíhyggju sem þjakar okkur Íslendinga.Við viljum fá allt fyrir það sem við höldum að aðrir borgi. En skiljum ekki að við erum í hlutverki hundsins sem étur rófuna sem húsbóndinn var að enda við að skera af honum sjalfum eins og ein mynd Storm P.sýnir eftirminnilega.

Kratakjaftæðið um hina nauðsynlegu samfélagsþjónustu lemur niður alla vitræna umræðu um einkavæðingu.Eins og til dæmis ljósmæðraþjónustuna. Sem liggur beint við að einkavæða í miklum mæli.Dæmi eru fyrir því að slík þjónusta verður oft mun persónulegri en ella.Þá gýs alltaf upp kommeríið sem neitar aukinni greiðsluþátttöku sjúklinga.Sem gjaldþrota kerfið sýnir þó glögglega að er ekki að ganga upp.

Hægri menn láta vinstrimenn vaða yfir sig í allri umræðu. Enda er forystu-og hugsjónaleysi hægri manna orðið æpandi. Það er eins og enginn nenni lengur að munnhöggvast við krata og kommeríið.  Skyldu margir í forystusveit Sjálfstæðisflokksins geta farið með Sjálfstæðisstefnuna reiprennandi utanbókar? Sé svo, þá heyrist sjaldan nú orðið vitnað í grunnatriði hennar en meira talað um EES, Orkupakka og  Persónuvernd.

Þess vegna var grein Geirs eins og ferskur andblær í kalkaðri gröf.

Skattbyrðin vex

á vakt okkar Sjálfstæðismanna vekur athygli Óla Björns Kárasonar. Að vísu helmingi hægar en hjá vinstri stjórn Jóhönnu og Steingríms Jóhanns. En vex samt verulega.

Vill fólk að skattar hækki áfram?

Við Sjálfstæðismenn héldum að skattalækkanir væru stefna flokksins. Trúum því meira að segja ennþá einhverjir með Óla Birni.

En veruleikinn er annar.

Nægar útskýringar fyrir hendi auðvitað. Eftirgjöf hér, aukinn kostnaður þar.

Ef ganga á að kröfum opinberra starfsmanna til dæmis í heilbrigðisstéttunum þá er ekki hægt að lækka skatt heldur þarf að hækka þá.

Er einhver sem þorir að krefjast aukinnar þátttöku sjúklinga í heilbrigðisþjónustu eins og til dæmis fæðingum? Eru það ekki aðallega útlenskar konur sem eiga börn á Íslandi í dag? Nútímakonur vilja allt annað en fjölskyldulíf. Ungt fólk nennir ekki að binda sig á skuldaklafa vegna hérlendra húsnæðiskaupa.

Hefur ekki þjóðfélagið breytt gildismati sínu?  Hefur Sjálfstæðisflokkurinn áttað sig á því? 

Vilja  kjósendur raunverulega aukna ríkisforsjá og hærri skatta en ekki lægri skatta?

Bendir staðnað kjörfylgi Sjálfstæðisflokksins en vaxandi fylgi hverskyns tætingsflokka ekki í þá átt? Er þessi tafla að sýna nokkuð annað en það sem er að gerast í þjóðfélaginu með auknum opinberum rekstri og kröfugerðarforystu opinberra starfsmanna á öllum sviðum?

Víst er að Óli Björn hefur rétt fyrir sér.

Skattbyrðin hefur vaxið með Sjálfstæðisflokkinn í ríkisstjórn

Helga Vala sýnir skutinn

á sér til að svívirða Alþingi og Píu Kærsgaard forseta danska Þjóðþingsins.

Helga Vala hælisleitendasleikja úr Samfylkingunni er sami dóninn og Pí(H)ratar sem mættu ekki í sama svívirðaingartilgangi. Logi má þó eiga það að hann sat kyrr þó maður hefði getað búist við ýmsu af þessum  æðsta Strumpi Samylkingarinnar og Betelsböðli.

Helga Vala,sérhæfður hælisleitendalögfræðingur, gæti líka hafa þurft aðkallandi að fara frá til að að skrifa reikninga á ríkið vegna lifibrauðsins.

Helga Vala sýnir skutinn. 

Ljósmæður eru yfirmenntaðar

Það má líklega þjálfa upp yfirsetukonur með skemmri skírn sem geta alveg gegnt móttöku barna. Margir slökkviliðsmenn og lögreglumenn hafa tekið á móti  börnum í neyðartilvikum.

Ljósmæður eru bara búnar að prísa sig út af markaðnum með menntahroka og heimtufrekju.Fólk er búið að missa samúðina með fólki sem er ekki lengur í nauðvörn heldur beitir fantabrögðum í fjárpkógsstarfsemi.

Það skildist mér að minnsta kosti  af grein Helga laxdal vélstjóra í Morgunblaðinu í dag.

Hvenær koma læknar? Sjúkraliðar? Geislafræðingar?Flugumferðarstjórar? Barnakennarar? Framhaldskólakennarar Ein allsherjar gíslataka virðist vera framundan sem allir eiga að styðja fyrir framan Alþingishúsið. Enda byrjaði skömmin þar með Kjararáðsfíflaríinu og algeru aðgerðaleysi þingmanna í framhaldi af því.Þeir bara sleikja út um og meina greinilega lítið með einhverju þusi sínu. 

Hvar eru einkareknu fæðingarheimilin sem voru til hér áður fyrr? Heimilið hennar Hrafnfjörð í Kópavoginum var aldeilis frábært.Af hverju er fæðingarþjónusta ekki einkavædd?

Má ekki flytja inn tæilenskar yfirsetukonur eins og verkfræðinga? Ein ljósmóðir og 10 Tæjur geta kannski opnað fæðingarheimili?

Eru Ljósmæður  ekki bara yfirmenntaðar fyrir þau störf sem þær vinna?