Þingfundurinn á Þingvöllum

fór hið besta fram tæknilega.Sviðsetningin var óaðfinnanleg, ræðumenn voru ágætir og kórinn söng vel.Verst hvað henni Katrínu var kalt. Það hefðu mátt vera einhverjir geislahitarar í rjáfrinu til þess að konan fái ekki kvef. 

Ekki veit ég hvort margir söknuðu þess að hafa ekki Píratafésin fyrir augunum á þingpallinum. En það voru 57 þingmenn mættir til að samþykkja fyrirliggjandi mál þannig að þetta slapp allt án þeirra. Vonandi var Braga Guðbrandssyni boðið í almenn sæti með Ólafi Ragnari og öðru stórmenni þó ég hafi ekki komið auga á hann karlgreyið frekar en Styrmi Gunnarsson.

Ekki virtist þetta kveikja sérstakan neista meðal þjóðarinnar sem lét mest ekki sjá sig. En einhverjir túristar á Lögbergi prýddu samkunduna og koma vonandi með einhvern gjaldeyri í nýja Bjarna Sæmundsson þegar búið er að borga reikninginn fyrir þetta allt saman.

Hugsanlega eru svona uppákomur eins og þessi þingfundur á Þingvöllum  ekki lengur í tísku meðal þjóðarinnar.

Lög á ljósmæður

eru líklega  eina leiðin út úr vandanum sem við blasir.

Ef skrifað er undir við Ljósmæður og gengið að þeirra þvingunum þá blasir við hvað kemur næst.Sömu hækkanir verða látnar ganga yfir alla kröfugerðarhópa í haust og óspart vitnað í kauphækkanir hjá forystustéttunum í hópi opinberra starfsmanna eins og þær feli í sér einhverja röksemdafærslu.

Taxtamálin á Íslandi eru komin í öngþveiti sem ekki verður séð að komist verði út úr. Það væri því biðleikur að taka frest í málið og freista þess hvort einhver leið sé að koma heildarböndum á þessi mál.

En bæði eru sjálfsagt ekki margir bjartsýnir  á að hægt verði að ræða málin af einhverri skynsemi við svo einbeittan harðlínuhóp sem ljósmæður eru og svo hitt að einhver pólitísk samstaða náist meðal þingmanna, þar sem líklega helmingur þeirra eru efnahagslegir vanvitar og  reiðubúnir að skrifa undir hvað sem er fyrir stundarvinsældir. Mótbárur og skynsemi eiga sér formælendur fáa og hafa lítinn pólitískan styrk meðal þjóðarinnar vegna rógsdælu fjölmiðlanna  sem gengur dag og nátt. 

RÚV og hinir "víðsýnu" fjölmiðlar  kynda undir ófriðinn með sínum fréttaflutningi. Nýir verkalýðsforingjar þrá að fá að setja verkföll á svið og láta taka eftir sér.

Útflutningsfyrirtæki  þrá upphátt  ekkert heitar en duglegt gengisfall. Allir segjast vera komnir að þolmörkum og ríflega það þó almenn velsæld hafi sjaldan verið sýnilegri en nú öðrum en Flokki Fólksins.

Kindakjötsframleiðslan virðist vera búin að vera vegna offramleiðslunnar og bændur að gefast upp. Fátt virðist borga sig lengur á þessu landi nema bréfaútgáfa og vaxtareikningur vegna samruna í atvinnulífinu.

Nýjar kosningar myndu ekki leysa eitt né neitt, þær munu aðeins auka á glundroðann eins og tískuþingmennirnir og allsherjarspekingarnir um allt þjóðfélagið   bera órækast vitni.

Er ekki bara lýðræðið á Íslandi að komast að fótum fram í þessu landi á fullveldisafmælinu þrátt fyrir skrautsýningar á Þingvöllum meðan þessi hrunadansinn dunar?

Getur ekki verið að tími allsherjar stjórnleysis og upplausnar í efnahagsmálum sé framundan á þessu landi?  Að dollarinn verði kominn í 200 krónur innan skamms ef þá ekki  Venezúeliskt ástand muni halda innreið sína hérlendis? Er ekki nægt framboð er af íslenskum stjórnmálamönnum sem passa inn í það hlutverk?

Er ekki einna líkast því að helmingur þjóðarinnar hatist við alla hófsemi eða skynsemi? Vilji þjóðin endilega fremja efnahagslegt sjálfsmorð er þá eitthvað sem getur aftrað því?

Lög á Ljósmæður væru tilraun til undirbúnings undir næstu hópa.

 

Skuldir Kína

þessa risaveldis sem allir vinstri menn lofsyngja sem veldið sem að kaffærir Trump og Bandaríkin.

Er þetta afskaplega traustur efnahagur?

Hver tapar meiru á tollastríði Xi eða  Trump?

 

 

Skuldir Kína eru talsverðar.

 

 

 

Hver situr uppi með afleiðingarnar?

ef manntjón verður vegna aðgerða ljósmæðra?

Er allt í lagi þó að þær orsaki líftjón?   Fámennt félag beitir ógnun um líftjón  til að pína stjórnvöld til að ganga að kröfum sínum?

Er þetta eitthvað öðruvísi en gíslatala hryðjuverkamanna? Þeim er alltaf sama sama þó einhver láti lífið ef svo ber undir?

Vesgú næsti. Sama hverjar afleiðingarnar verða þá er þetta viðurkennd aðferð við gíslatöku.

Ljósmæður bera enga ábyrgð á afleiðingum af kjarabaráttu sinni en heimta sérstaka samúð af öllum öðrum af því þær séu svo góðar.

 

RÚV brást ekki

í fréttaflutningnum af fundi Pútíns og Trump.

Tíundað var nákvæmlega hvernig Trump hefði látið Pútín mokka sig og allt að því framið föðurlandssvik í augum hatursmanna sinna.

Hinsvegar var ekki minnst einu orði að Pútín upplýsti að 400 milljónir dollara af þýfi frá Rússlandi hefði runnið í kosningasjóði Hillary Clinton.

Þetta er auðvitað ekki fréttnæmt á þeim bæ og RÚV brást ekki í fréttamatinu.

 

Bindi ég von við eitthvað

í pólitík þá er það við þann fund sem nú fer fram í Helsinki.

Mannkynið allt á mikið undir því að þeir tveir alvörupólitíkusar sem þar sitja á fundi nái góðu sambandi.Það er nóg af allskyns minni spámönnum í heiminum sem tala mikið um minni hluti en þessir tveir geta rætt.

Við bindum vonir okkar við þessa tvo menn.

Skilvirk leið

til að greiða fyrir gjaldtöku í umferðinni er einfaldlega að lækka öxulþungann. Hann er hvort sem allt of hár á vegunum eins og til Gullfoss og Geysis þar sem rúturnar þemba daga og nótt án þess að borga.

Þegar gjaldtakan er komin á verður hægt að hækka öxulþu8ngann aftur.

Þetta er skilvirk leið til að koma gjaldtöku af umferðinni á.

Persónuverndarskrímslið

er smám saman að birtast mönnum í allri sinni skelfingu. Forstöðumaðurinn Helga Þórsdóttir iðar í skinninu eftir að fara að geta beitt sektum og kvartar sáran yfir að sig vanti fleira starfsfólk til þess.Allir framkvæmdaaðilar virðast ekki vita sitt rjúkandi ráð og vita ekki í hvorn fótinn þeir eiga að stíga.

Allur almenningur sér hverslags asanaspark Alþingi gerði sig sekt um með samþykkt laganna. Það kallar á nýtt stjórnmálaafla á Íslandi til að fara að vinda ofan af  allri þeirri vitleysu sem EES er búið að færa okkur.Hér eru aðeins starfandi steingeldir kerfisflokkar sem eru fastlímdir við ESB og samþykktir þess.

Ísland og fullveldið vantar málsvara sem geta varið okkur gegn persónuverndarskrímslinu og 3. orkupakkanum sem stjórnvöld ætla greinilega að demba yfir okkur.

25.september 2135

með líkunum 1:2700 rekst Bennu á jörðina eftir því sem Lawrence Livermore LLNL heldur fram.

Hnötturinn er 79 milljón tonn á þyngd og hálfur kílómetri í þvermál og er með hraða upp á 100.000 kílómetra á klukkustund.

Hann hlýtur nú að verða sprengdur í spað áður en þetta gerist eða hvað?

En geimurinn er samt ófyrirséður og ýmislegt flýgur víst  fram hjá jörðinni nær en margur heldur.

En það er nú langt þangað til 2135.

Yankee go home!

er gamalkunnugt kommaslagorð frá Evrópu.

Skoðanakönnun sem gerð var af DPA fann út að 42 % af svarendum vildu að bandarískt herlið færi frá Þýskalandi meðan 37 % vildu að það færi ekki. Vikmörk voru talin plús/mínus 5% .

Könnunin var gerð nokkrum dögum fyrir NATO fundinn í Brussel fann líka út að 75 % fólks er á móti því að hækka framlögin til NATO  í 2% af gross domestic product – það sem Donald Trump hefur sagt að þýði að bandalagsríkin reiði sig um of á Bandaríkin.

Trump skammaði Þýskaland á miðvikudag fyrir að vera ókeypis meðreiðarsveinn í öryggismálum sem ekki leggi nóg fram í varnarmálum sem reiði sig bara á Bandaríkin.

Á SKY-News voru framreiddar fréttir sem Trump hefði orð yfir. En þar var gert mikið úr því að þúsundir hefðu mótmælt Trump á götum Edinborgar. Loftmynd sýndi mér miklu fremur að þetta hefði verið svona rúmlega 1.maí ganga niður Laugaveg á Íslandi fremur en massamótmæli.

Yankee Go home ! Fake-news.