Fyrir Bigga og Gulla að skýra

hversvegna þetta mál ESB gegn Belgíu er öðruvísi en okkar mál:

Brussels, 25 July 2019

Today, the European Commission has decided to refer Belgium to the Court of Justice of the EU for failure to ensure the correct implementation of EU electricity market rules (Electricity Directive, Directive 2009/72/EC) and of the EU gas market rules (Gas Directive, Directive 2009/73/EC). Both Directives are part of the Third Energy Package and contain key provisions for the proper functioning of energy markets.

Belgium did not correctly transpose certain rules on the powers of the national regulator. In particular, the Belgian regulator has not been given the powers to take decisions that are binding on electricity and gas undertakings, and can only make proposals to the government to take such decisions. Likewise, the conditions for connection to the electricity and gas networks are set by the government rather than by the regulator, as required by EU law. Finally, Belgian law does not ensure that transmission system operators actually control the whole of the electricity or gas network for which they are responsible, so they may not be in a position to fully ensure non-discriminatory access of electricity or gas suppliers to the grid.

The Commission decided to open EU infringement proceedings against Belgium in October 2014 by sending a letter of formal notice, followed by a reasoned opinion in February 2016. Since Belgium has not addressed all the issues raised, the Commission decided to refer the case to the Court of Justice of the EU."

Er það af því að þessi texti frá ESB er á ensku en ekki íslensku að hann kemur Íslendingum ekkert við?

Það hlýtur að líða að því að Biggi fari að tala við okkur Sjálfstæðismenn um að það sem stendur þarna standi í rauninni ekki þarna og eigi ekki við okkur.

Eru veggjöld í Norðfjarðargöngum?

ekki frekar innheimt en í Héðinsfjarðargöngum?

Ef svo er ekki og ekki á dagskrá að  leggja þau á, þá spyr maður af hverju svo sé ekki?

Af hverju eru ekki innheimt veggjöld í Hvalfjarðargöngum lengur? 

Eru einhver atkvæðakaup í gangi með niðurfellingu gjalda?

Er gert út á okkar velferð?

þegar 35 % atvinnulausra eru útlendingar?

Svo segir i Mogga:

"Tölur benda til þess að atvinnuleysi sé enn mest á Suðurnesjum en næst á höfuðborgarsvæðinu, þar sem það er um 3 prósent.

 Í Hagsjá Landsbankans segir að langtímaatvinnuleysi hafi minnkað stöðugt frá árunum 2012-2013 þegar það var mest. Á þeim tíma hafði allt að 40% atvinnulausra verið án vinnu í eitt ár eða lengur.

Á síðustu mánuðum hefur innan við 20% atvinnulausra verið án vinnu í ár eða lengur. Töluverðar sveiflur eru í þessum hlutföllum innan ársins, en nú í júní höfðu að meðaltali 19% atvinnulausra verið án atvinnu í ár eða lengur á síðustu 12 mánuðum."

Er betra að vera atvinnulaus og á velferð á Íslandi en annarsstaðar?
 

Kjarnorka á komandi tímum

á  bloggi Ágústar frænda míns H. Bjarnason rafmagnsverkfræðings frá 2008, alnafna afa síns, sótti ég upplýsingar um bók sem afi okkar, prófessor doktor Ágúst H. Bjarnason, þýddi á sínum tíma.

Kveikjan að þessum hugrenningatengslum mínum eru þær sveiflur í kjánaumræðunni um CO2 mengun sem allt ætli að drepa í hamfarhlýnun, hatur á nýjum virkjunum og kjarnorkuverum, sem græningjar í Þýzkalandi krefjast að sé lokað, sem er auðvitað bein ávísun a meiri brúnkolabrennslu og meira CO2.

En græningjar þessir þar í landi, sem eru álíka furðuflokkur og íslenskir Píratar, að maður tali ekki um fyrirbrigðið Vinstri Græna flokkinn sem fæstir skilja nú orðið.

 

 

Alþýðufræðarinn Ágúst H. Bjarnason

 

Frakkar byggja hinsvegar kjarnorkuver ótrauðir og selja Þjóðverjum rafmagn

 

úr þeim yfir landamærin. Við seljum svo upprunaábyrgðir fyrir rafmagn til Þjóðverja sem vottfesta að þeir noti hreina orku sem er allt annað en kjarnorka eða kolabrennsla.

“If climate protection really matters to us, the nuclear power plants need to run longer,” Herbert Diess, the VW chief executive, told Tagesspiegel newspaper.

“The priorities are the wrong way round: first we need to get out of coal, and then out of nuclear power.”

Germany is among world leaders in developing renewable energy, and currently generates 47 per cent of its energy from renewable sources.

 But it also generates 30 per cent from coal, and experts warn renewable sources are not yet ready to replace the 13 per cent currently generated by nuclear power.

 

“Nuclear energy should continue to be part of our energy policy because only it can meet the baseload, and is cheap and carbon-free,” Wolfgang Reitzle, the chairman of Continental and the multinational Linde industrial group, said recently.

“Anyone who is in favor of low-carbon energy generation and guaranteed energy supply security cannot avoid nuclear energy,” Klaus-Peter Willsch, an MP from Mrs Merkel’s Christian Democrat party (CDU), told Bild newspaper.

“In terms of climate protection, nuclear energy is the cleanest way of generating energy.”

But the German Green Party, which made sweeping gains in the European elections and recently overtook Mrs Merkel’s party to take first place in the German opinion polls, remains implacably opposed.

“We are for a world without nuclear energy,” the party’s manifesto says. “We want the dangerous reactors around Europe and across the world to be shut down immediately.”

 

 

Bullukollar á borð við umhverfisráðherra okkar sem enginn kaus snúast í hringi og vita ekki í hvorn fótinn þeir eiga að stíga í baráttu sinni við boðaða hamfarahlýnun andrúmsloftsins vegna útblásturs CO2.

Þeir hatast á sama tíma við virkjanir og orkuvinnslu. Vilja ekki vindmyllur af því þær séu svo  ljótar, vilja ekki kjarnorku þó að hún sé minnst mengandi af allri orkuvinnslu annarri en vatnsorku,  en heimta um leið bætt lífskjör fyrir fátæka og aukinn innfluttan fólksfjölda.

Það vantar sárlega aukna skynsemi í þjóðmálaumræðuna. En til hennar sjást því miður fá merki þegar maður lítur yfir stjórnmálavettvanginn þar sem heimaaldir fáráðlingar eru fyrirferðarmestir auk þess að vera háværastir.

Íslendingar ættu í alvöru að fara að ræða að nota kjarnorku sem virkjanavalkost og nota Atlanzhafið til kælingar. Við þurfum að venja fáráðlingana okkar við tilhugsunina um þennan valkost sem ætti ekki að ráðast af tilfinningum eða upphrópunum heldur rökhyggju.

Bókin hans Davíðs Dietz , Kjarnorka á komandi tímum, getur verið þörf áminning um raunsæi í orkumálum sem getur auk þess farið vel saman við baráttuna við minni útblástur CO2 sem sumir trúa að eiga að vera sem minnstur. 

 

Hamfarahlýnun

af  mannvöldum og útblæstri?

Greta litla Thunberg og allir heimsendaspámenn.

Hvað finnst mönnum líklegt?

Að sólin hefi ekkert að gera með hitastig á jörðinni?

Hvert sýnast manni línurnar stefna? Á hamfarahlýnun eða hugsanlega í hina áttina?

 

Hugsanlegur hatursglæpur?

að myrða tugi manna?

Hvað er svona glæpir annað en glórulaust mannhatur?

Á að setja svona skepnur á? Af hverju er verið að geyma svona kvikindi eins og þetta og önnur slík eins og til dæmis Breivik við sús og dús á kostnað skattgreiðenda?

Hvað eiga þeir eftir að gera fyrir mannkynið?

Eru glæpir þeirra eitthvað annað en hatursglæpir?

Flugafrek

á heimsmælikvarða:

https://www.bbc.com/news/world-europe-49225001?ns_mchannel=social&ns_source=twitter&ns_linkname=news_central&ns_campaign=bbc_breaking

Hreint ótrúlegt flugafrek.

 

Einar G.E.Sæmundsen

skógarvörður var ógleymanlegur maður öllum þeim sem kynntust honum. Hann var svo kátur og einstaklega skemmtilegur í orðræðum, góður yfirmaður og verkstjóri og vandaður til orðs og æðis. Hestamaður mikill og forystumaður í þeim hópi og hagyrðingur og skáld gott sem verið hafði faðir hans Einar Sæmundsen skógarmaður sem kallaður var.

Ég man aðeins Einar eldri þá er hann var orðinn gamall og slitinn. En hann hafði verið léttleikamaður á yngri árum. Guðmundur Pálsson frá Hjálmsstöðum spurði hann að því hvort satt væri að hann hefði runnið skeið þegar gossúlan úr Geysi féll niður og stokkið þvert yfir gospípuna sem fer víst beint niður eina 70 metra. Hann sagði að Einar hefði hrist sig og sagst ekki mega til þess hugsa.

En kvæði hans Einars Sæmundsen skógarmanns lifa með þjóðinni eins og snilldarverk þeirra Inga T. Lárussonar sem þeir gerðu saman um nótt "það er svo margt að minnast á..."

Einar yngri G. E. Sæmundsson og faðir minn Jón Á.Bjarnason rafmagnsverkfræðingur, Birgir Kristjánsson járnsmíðameistari og skeifnasmiður, Grímur Guðmundsson kenndur við Íspan og synir þeirra voru ferðafélagar um fjöll á hestum. 

Eftir einn slíkan túr komu þeir Einar og Birgir í Haukadal og gistu í skemmu pabba. Þeir vöknuðu um morgun og þreif þá Einar panelfjöl eina sem er meira en metri á lengd og hóf að yrkja á enda hennar og hætti ekki fyrr en hann hafði ort á alla fjölina. Þennan brag náði ég að skrifa niður af fjölinni sem er orðin dálítið máð og lúin:

Birgis-Raunir:

Þegar loksins Birgir brá

blundi á þessum degi,

í kveisusting og kvölum lá

karlinn vörpulegi.

 

Keifaði hann á kamarsfund

keikur allavega.

Settist þar um stutta stund

og stundi óskaplega.

 

Ýlda, fýla og iðradót

ofan af honum gengu.

Það voru beysin blíðuhót

sem Biskupstungur fengu.

 

En kannski loksins fæ ég frið

fyrir skotum þínum

og við ljúfan lækjarnið

að loka augum mínum.

 

Þá skal sofið sætt og rótt

uns sólin roðar fjöllin

og endurvakin vökunótt

með vizku og hlátrasköllin.

 

Birgis Von:

 

Augu Birgis upp á þil

í ástaþorsta mæna.

Hann mun líka langa til 

að leggjast hjá þér væna.

 

Matarást:

 

Jón í margri fjallaferð

fyllti á manni svanginn.

Ennþá snillings grautargerð

gleður ferðalanginn.

 

Sumarlok:

 

Nú skín sól á Suðurland

sumarið er á förum.

Eins og báran upp við sand

eða koss á vörum.

 

Viðarþurrð:

 

Þrýtur óðum við og vit

um vínið lítt ég hirði,

og allt er þetta andans stritA

ósköp lítils virði.

 

Þetta voru kátir kallar á sinni tíð og manni finnst að varla finnist þeirra margir jafningjar á nýrri öld flatneskjunnar og sérvisku.

Einar G. E. Sæmundsen var okkur öllum sem þekktum hann mikill harmdauði þegar hann beið bana í hörmulegu bílslysi árið 1969 á leið í Biskupstungur.  

 

 

Þessi mynd var tekin þegar Einar var að steypa undir sumarbústað sinn á Bergstöðum síðsumars 1968.

Aðrir á Myndinni eru frá vinstri. Líklega Ólafur sonur Einars,mér óþekktur(Birgir?) , Þórarinn Benedikz skógfræðngur, Einar G. E. Sæmundsen, bloggarinn með Pétur Hákon son sinn ársgamlan á háhesti, Gunnar Skaptason tannlæknir, Þorsteinn Halldórsson og Grímur Guðmundsson kenndur við Íspan

 

Sýnisbók í stjórnmálum

Íslands mætti semja ef maður nennti að halda saman allri þeirri dellu og geðsýki sem vellur upp úr íslenskum vinstrimönnum og ESB sinnum.

Mér dettur að tilfæra hér nokkur sýnishorn af þessu:

Prófessor doktor Þorvaldur Gylfason er eitt fyrirbrigðið sem sóðar út síður Fréttablaðsins reglulega. Hvursu margir lesa þetta er ekki vitað og enn síður hvaða skoðanir menn hafa á ritsmíðum doktorsins, sem þó er langt frá því að vera alvitlaus á stundum þegar hann tínir saman hagtölur og fróðleik.

Hvað getur maður sagt þegar maður les texta eins og þennan:

"Hér eru tilfærð sýnishorn af orðbragðinu sem Háskólamaðurinn telur sér sæma að nota um Donald J. Trump:

" Ég lýsti því hér fyrir viku hversu komið er fyrir tveim sögufrægum flokkum, bandaríska Repúblikanaflokknum sem situr nú og stendur eins og víðræmdur rasisti, hálfgildingsfasisti og hreint fífl – „stabílt séní“ kallar hann sjálfan sig – býður mönnum sínum og einnig fyrir brezka Íhaldsflokknum sem bíður þess að gera sams konar trúð að forsætisráðherra Bretlands. Við skulum nefna hlutina réttum nöfnum. Skófla heitir skófla eins og kaninn segir..."

Hvaðan kemur þessum Þorvaldi öll þessi óhenju vizka og sjálfsupphafning? Og þolinmæði til að hamra lygina um stjórnarskrármálið seint og snemma með útúrsnúningum.

Enn segir þessi Þorvaldur:

Það kom í hlut kommanna og AGS að reisa landið við. Þriðji flokkurinn Í miðju hruni reyndu sjálfstæðismenn að selja Ísland í hendur Rússa til að komast hjá neyðarhjálp frá AGS. Bandamenn Íslands í Nató – og kommarnir! – supu hveljur.

Af þeim sjö mönnum sem Rannsóknarnefnd Alþingis taldi hafa sýnt af sér vanrækslu í skilningi laga voru fjórir hátt settir sjálfstæðismenn. Enginn þeirra var þó látinn sæta ábyrgð, öðru nær.

Sá þeirra sem keyrði Seðlabankann í kaf heldur áfram að láta ljós sitt skína í Morgunblaðinu, fjármagnaður af útvegsmönnum. Sjálfstæðismenn hafa reitt sig á réttarkerfi sem þeir hafa mannað að miklu leyti sjálfir, refsileysi og fyrningu brota, eins og t.d. þegar álitlegur hluti gjaldeyrisforða Seðlabankans var sendur til Tortólu 6. október 2008 og bankinn komst í þrot."..

Þorvaldur snýr auðvitað öllu á haus. Vinstri stjórnin setti landið á hvolf, sló skjalborg um fjármálafyrirtækin,  skar upp herör gegn fjölskyldunum heimilunum svo að tíuþúsund manns missti heimili sín, mokaði milljörðum af skattfé í þjófa-og asnaveislur hjá Sjóvá, Byr,SPK og fleiri félögum. Og svo halda þeir kommarnir því fram að þeir hafi bjargað öllu?

Steingrímur gaf sér ekki tíma til að éta svo upptekinn var hann í montinu og því að halda það sjálfur að andi hans í fjármálum væri heilflaska meðan efnahagsvitið hans myndi ekki fylla meðalaglas af minnstu sort og hafi aldrei orðið stærra.

Kommarnir uppskáru eins og þeir  sáðu þegar þjóðin fékk loks tækifæri að segja sitt álit eftir Icesave svikin.

Þessi umtalaði leiðarhöfundur Morgunblaðsins lýsir þessu svo:

 

 

 

"...Skyndiinnganga í ESB var hástig dómgreindarleysis þeirrar ríkisstjórnar. Ríkisstjórn sundrungarleiðtoganna missti starfhæfan meirihluta sinn þegar kjörtímabilið var rétt hálfnað en hékk löskuð áfram og tafði endurreisnina sem því nam.

Fólkinu í landinu ofbauð og með tvöföldum Icesave-gerningi magnaðist fyrirlitningin. Í kosningum vorið 2013 átti fólkið loks leik.

Vinstristjórnin sem fengið hafði hreinan meirihluta 2009 fékk þá verstu útreið sem ríkisstjórn hefur fengið.

Fastagestir stjórnmálafræðinnar á „RÚV“ forðast eins og eldinn að rifja upp þennan sögulega hápunkt.

Ríkisstjórn hafði látið sjálfshólið ganga í fjögur ár og forkólfarnir þóttust þeir fyrstu sem tekið hefðu á því í ríkisstjórnarsögu landsins.

Gengið var með 34 þingmenn til kosninga en meira en helmingur þeirra tapaðist.

Átján þingmenn féllu og aðeins sextán lifðu nóttina af!

Hið innistæðulausa sjálfshól fann hvergi samastað nema hjá montrössunum sjálfum. Aðalástæða einstæðrar rassskellingar var ákvörðunin um að sundra þjóðinni þegar samheldni, samvinna og samhjálp hlutu að verða kjörorð hvers dags..."

 

 

Þorgerður Katrín Gunnarsdóttir formaður Viðreisnar, skrifar langt mál og lítt skiljanlegt til að hakka niður hugsjónir Óla Björns Kárasonar sem reynir af veikum mætti asð synda gegn straumnum og berjast fyrir lækkun skatta og gjalda.

Ekki er nein leið að fá nokkurn botn eða boðskap í grein þessa formanns frekar en skrif formanns Samfylkingarinnar Loga Más m orkumál nema að Logi segir:

"...Sífellt fleiri og sterkari raddir heyrast sem leggjast gegn gegndarlausum fórnum á landinu í þágu rafmagnsframleiðslu. Ekki er nóg með að slíkar fórnir séu oft óafturkræfar, þá spilla þær þeirri auðlind sem ósnortin náttúra er.

Þessar raddir tala fyrir mikilvægum sjónarmiðum. Við þurfum því að bregðast hratt við – ekki láta lögmálið um framboð og eftirspurn ráða alfarið. Það mun sundra þjóðinni og getur valdið óbætanlegu tjóni á íslenskri náttúru..."

Logi Már vill engar frekari hefðbundnar virkjanir. Logi er því heldur greinilegra afturhald en Þorgerður Katrín sem mælir nú  með inngöngu í ESB að vanda og dýrkun EES-samstarfsins með svohljóðandi skrúðmælgi:

"...Þó að þingmaðurinn tali ekki skýrt um hvað hann meinar með þessu má ætla að hann sé að tala gegn fjölþjóðasamvinnu en fyrir tvíhliða viðskiptasamningum í anda Brexit og Trumps.

Flestar þjóðir drógu þann lærdóm af kreppunni á fyrri hluta síðustu aldar að fjölþjóðasamvinna yrði að leysa tvíhliða viðskiptasamninga af hólmi til að tryggja sem mest viðskiptafrelsi..".

Það væri auðvelt að halda svona áfram og tilfæra speki sem vellur upp úr sumum háttvirtum þingmönnum eins og Birni Leví, Smára McCarthy og Þórhildi Sunnu og Ingu Sæland en ég hreinlega nenni því ekki. Miðað við það margt er fylleríisröfl Bergþórs og Gunnars Braga á Klaustrinu saklaust og grínagtugt.

Það er erfitt að ímynda sér að frá Alþingi sem inniheldur þvílíka hjörð af þessu sundurlynda afturhaldsfólki geti komið eitthvað sem til framfara horfir á atvinnusviði landsins, virkjanir sem annað. 

Enda fer tíminn þar í salnum í meiningarlaust karp og málþóf sem engu skilar nema samræmdu pólitísku sjálfsmorði þeirra sem ætla að samþykkja Orkupakka 3 þann 3. september.Almenningur er löngu hættur að botna í málum og verklagi á þeim bæ.

Hvernig skildi landslagið líta út eftir næstu kosningar? Verður þetta lið endurkosið? Virkilega?

Sýnisbók spekinnar í íslenskum stjórnmálum þarf kannski að semja fyrir þann viðburð ef kjósendur eru þá yfirleitt ályktunarfærir.

Af hverju ekki úðakerfi?

í byggingar?

Íslendingar eru haldnir einhverri fælingu þegar maður nefnir úðakerfi sem brunavarnir? Þetta getur fari að leka segja þeir og allt verður ónýtt undir lekanum. Eða bara þeir segja að maður bara tryggi vel og þá megi draslið brenna sem komi þá út sem hagvöxtur.

Maður fer að hugsa eftir þessa síðustu stórbruna af hverju menn vilji ekki setja upp sprinkler. Fólk er að deyja í íbúðum í nýlegum steinhúsum og hundruða milljóna tjón verða reglulega í atvinnuhúsum. Við eigum menningarhús sem myndu fútta af eins og NotreDame ef kviknaði í þeim. Það er eins og við séum fatalistar, que sera sera?

Sprinkler er sáraeinfaldur. Yfirvöldin i Scottsdale Arizona stóðu frammi fyrir rándýrri beiðni slökkviliðsins um nýja brunabíla. Þau ákváðu að kaupa enga en fyrirskipa sprinkler í allar nýbyggingar. Eftir einhvern áratug gerðu þeir upp dæmið og þá hafði enginn dáið í eldsvoða og alvarlegum brunum fækkað mikið. Reynslan var ótvíræð úðakerfunum í hag og bæjarsjóður stórþénaði.

Ein sönn saga er af glæpamönnum sem ætluðu að drepa félaga sinn.  Helltu hann fullan og helltu svo bensíni yfir hann drykkjudauðan og kveiktu í. Þeim yfirsást að það var sprinkler í loftinu og furturinn bara lifði af til að fingra þá kónana.Sprinklerinn er svo ótrúlega skilvirkur að slökkva elda sem kvikna að enginn deyr í bruna þar sem hann er uppsettur.

Af hverju er þessi tregða og hræðsla við vatnstjón? Er ekki vatnstjón alltaf betra en brunatjón?

Af hverju ekki úðakerfi í allar nýbyggingar sem lækka  iðgjöldin hjá tryggingafélögunum sem bæta tjónin ef ekki er búið að stela bótasjóðunum eins og glæpamennirnir gerðu hjá Sjóvá á sínum tíma.