Ný von?

fyrir krabbameinssjúklinga.

Vísindamenn við Walter and Eliza Hall Institute í Ástralíu gerðu þá uppgötvun síðasta ár að finna lyf sem stöðvar og snýr við krabbameini í lungum, sem nú drepur 5. hvern af öllum sem fá krabbamein.

Mér skilst að þetta hafi virkað á fleiri gerðir krabbameins í músum og þetta sé í klíniskum rannsóknum sem stendur. Lyfið virkar þannig að það  umlykur krabbafrumurnar og hindrar þær í að vaxa. Svæfir þær en drepur þær ekki en þetta gerir sjúklingnum kleyft að lifa með sjúkdómnum.

Myndin er af Dr.Clare Weeden og Dr.Marie-Liesse Asselin sem ásamt Casey Ah-Cann leiddu þessa rannsókn.

Hugsanlega er þarna að skapast ný von fyrir okkur sem höfðum minni áður?

Flokkstryggðin

er merkilegt fyrirbrigði sem þekkist bara í gömlu flokkunum Framsókn og Sjálfstæðisflokknum. Smáflokkarnir á Alþingi eru ekki stjórnmálaflokkar í þeim skilningi heldur hagsmunaklúbbar sem miða við að komast á betri laun, en hugsjónir eða heimspeki eru engar fyrir hendi. 

Forysta Sjálfstæðisflokksins  veit þetta og er þess vegna harðákveðin í því að afgreiða orkupakkann með henni Sunnu, Þorgerði Katrínu, Loga  og Katrínu Jakobs.

Ég hef hitt nokkra Sjálfstæðismenn sem segja að Flokkurinn sé genginn úr þeim núna sem stendur þar sem þeir eru upp á kant við þingflokkinn.

En eins og allir vita þá eru allir aðrir flokkar svo hræðilegir að enginn genetískur Sjálfstæðismaður getur kosið neitt annað en Sjálfstæðisflokkinn.

Það er nefnilega eins og bóndinn sem sagði á framboðsfundi: "Ég á  hest sem er bæði slægur, hrekkjóttur og latur. En það er hestur sem ég þekki og það er ekki víst að ég fái betri hest þó ég reyni að fara í hestakaup við einhvern. Eins er þetta með þingmennina okkar."

Þess vegna geta þessir þingmenn yfirleitt treyst á endurkjör hvern fjandann sem þeir gera. Þeir ljúga hverju sem er og segja svart hvítt fyrir kosningar og við kjósendur látum slag standa því hinir eru svo hræðilegir.Sjálfstæðisflokkurinn hefur þó grunnstefnu sem okkur líkar þó forystan fari sínu fram og komist upp með hvað sem er.

Þetta er flokkstryggðin sem við þekkjum sem hefur ekkert með hrifningu eða virðingu á persónum að gera, enda er þingmennska bara bísness sem við erum bara fegin að einhver nennir að standa í og við kjósum því frekar illskásta kostinn.

Leiðtogi minn

skyndilegur í orkumálum sem varða afgreidd sem stefna Íslands þann 3. september fyrir klukkan átta um kvöldið er þessi fríða kona hún Þórhildur Sunna Ævarsdóttir. 

Því lofar þessi allt í einu leiðtogi minn Þórhildur Sunna Ævarsdóttir eftir að hafa talað við  Gulla og fleiri þingmenn sem eru jafngáfaðir og hann og skilja Orkupakka 3 alveg eins og hún Þórhildur Sunna sem bregst ekki frekar en bandamennirnir í Viðreisn og V.G. Og Steingrímur Jóhann er víst með líka sem auðvitað spillir ekki heildasvipnum á liði bandamanna.

Samtaka allir nú. Ein órofa fylking orkupakkamanna á Alþingi Íslendinga. 

Hugsanalega mætir þessi nýi leiðtogi minn hún Þórhildur Sunna á næsta Landsfund Sjálfstæðisflokksins og nær kjöri í miðstjórn sem mér tókst aldrei þar sem hugsjónirnar í orkumálunum  falla svona vel saman við stefnu Sjálfstæðisflokksins. Þar verður hugsanlega líka  fagnað afmæli viðskiptastríðsins við Rússana.

Lifi Evrópuhugsjónir leiðtoganna minna sem hvergi hopa í erfiðum málum

OPEC er búið að vera

það er Kaninn sem er búinn að taka yfir olíuverð í heiminum. 

Öll viðleitni OPEC að keyra upp olíuverðið er ekki að takast.

Olían lækkar því að Kaninn er búinn að taka yfir framleiðsluna sem stýrir verðinu til ómældrar blessunar fyrir alla heimsbyggðina, sem nú getur brennt meiri olíu og framleitt meira af hinu lífsnauðsynlega CO2 sem er undirstaða lífs á  jörðinni.

Svona fór fyrir olíuverðinu í morgun þrátt fyrir aðgerðir Arabanna.

 

 

 

Verðið dúndrar niður. Lof sé Trump fyrir þessa lífskjarabót eins og fleira sem sá maður hefur gert fyrir fátæka Íslendinga.AlGore gerði rétt að fjárfesta tekjurnar af CO2 áróðri sínum í olíuiðnaði Bandaríkjanna.Fylgjum AlGore í þessu með lífeyrissjóði okkar sem leita trausts og halds.

OPEC er búið að vera.

Bréf frá Örnólfi Hall

barst mér með skarplegum athygasemdum arkitektsins um umferðarmálin við Hörpu.

"UMFERÐARKAOSIÐ & T- TENGING GEIRSGÖTU, KALKOFNSVEGAR og SÆBRAUTAR :
Vegagerðin sá um gatnahönnun þarna og hafði sveigju á Geirsgötu yfir til Sæbautar. 
Umferðarverkfræðingur þar á bæ sagði undirrituðum að Vegagerðin hefði ekki verið hrifin 
að þurfa að breyta Geirsgötu-sveigjunni yfir í T-tengingu að ósk ráðandi afla. 
-En auðvitað þrýsti Mammonsveldi Landsbankans á stækkun lóðar fyrir framan auðjöfrahótelið 
(sem er nú komið óralangt fram úr áætlun í tíma og kostnaði (sbr.Mbl/ses)).
-Vegna sérerinda fer undirritaður þarna um í taxa vikulega og er farinn að kynnast ástandinu. 
Aðspurðir taxabílstjórar fara ófögrunum orðum um umferðarteppuna á álagstímum.
Þeir segja hvað stangist á annars horn: van-og illa stillt umferðarljós, illa áttaðir ökumenn,
 strætisvagnar á sérmerktum leiðum og svo vegvilltir, hikandi og skelfdir túristar og aðrir 
vegfarendur. 
Nb: Svo ekki sé talað um umsögn taxafarþega á gráu byggingarbáknunum sem voma þarna yfir.

 

UMFERÐARSÉRFRÆÐINGUR GAGNRÝNIR ÚTFÆRSLU GATNAMÓTANNA :

Í fjölmiðli nýverið átaldi hann aðstandendur (borgin) um mistök í útfærslu gatnamótanna. - 
Sérfræðingar höfðu bent á að best væri að leggja Sæbraut og Geirsgötu neðanjarðarstokk (ma. sjá í Hörpusamkeppni) 
vegna gífurlegrar aukningar umferðar til vesturs og uppbyggingar þar. -Það má bæta því við að Seltirningar kvarta nú sáran um teppuna.

-Sá ágæti sérfræðingur segir svo að allar stokkalausnir séu dauðadæmdar með bílakjöllurum undir götunum.

SAMGÖNGUSTJÓRI BORGARINNAR SVARAR GAGNRÝNI ÁÐURNEFNDS:

Geirsgatan var ekki lögð í stokk og unnið er með hana á yfirborði segir sá ágæti forsvarandi. 

Getur ekki sagt til um hvort vænlegt hefði verið að setja hana í stokk á sínum tíma. - Allt verði gert til að laga málin. -Segir tæknilega alveg hægt að breyta bílakjallara í stokk sem er þvert á að sem áðurnefndur sérfræðingur sagði ??

Es: Það má geta þess að Páll Torfi Önundarson var með sveigða Geirsgötu í stokk með sinni grænu fallegu
lausn neðan Arnarhóls.

Es: Hvað verður um hina margrómuðu ´borgarlínu' þarna í vesturátt ?

Es: Hér kemur svo hin mjúka sveigjutenging Geirsgötu eins og Vegagerðin vildi helst hafa.- Landsbankabáknið var minna (mynd til vinstri) --

En svo (mynd til hægri) er T-tengingin sem skapar öll vandræðin -og Vegagerðin vildi helst ekki hafa. :( En Landsbankabáknið vildi meira pláss og auðvitað fékk ´Chef' -arkitekt Mammon að ráða !!

 

 

 

 

 

 

 

 

 

 

 

Enn bréf frá Gísla

Holgerssyni sem mér finnst lýsa mörgum þeim tilfinningum sem margir óbreyttir Sjálfstæðismenn hafa gagnvart O3 og þeim fyrirætlunum Bjarna Benediktssonar og þingflokks Sjálfstæðisflokksins að samþykkja pakkann með V.G. og Framsóknarflokki þegar þing kemur saman í septemberbyrjun. Þeir virðast staðráðnir í að fara sínu fram hvað svo sem okkur í grasrótinni kann að finnast. 

En Gísli lýsir sínum tilfinningum svo:

"

ERU ÍSLENDINGAR MEÐ HLUTVERK?

Hvað táknar nafnið Ísland.  ÍSLAND var skógi vaxið við landnám frá fjöru til fjalla.   

ÍSLAND og ÍSRAEL skrifast með 6 stöfum.  Reykjavík og Jerúsalem höfuðborgin í Ísrael skrifast með 9 stöfum.  Það er nú bara tilviljun?.  Thor Ó Thors fulltrúi Íslands hjá Sameinuðu Þjóðunum sýndu hugrekki  með að ganga í forsvari fyrir sjálfstæði Ísraela  14. maí 1948.  Er það skrýtið,  að Íslendingar skíra börnin sín eftir fyrsta nafni föðurins, en það gera Gyðingar líka. 

Við eigum að hafa skoðanir á ESB Evrópu skrifurum og því „mútufé“, sem berst frá ESB sjóðum til fjármögnunar einstaklinga, sem búa „erlendis“ og á ÍSLANDI og segja „ósannar“ sögur um „ágæti“ inngöngu fámennrar þjóðar ÍSLENDINGA. 

ÍSLENSKIR ESB starfsmenn í BRUSSEL, borgaðir af skattfé almennings og „siðlausra“ stjórnmála flokka á ÍSLANDI, sem fara geyst í skrifum um „gróðann“ af inngöngu í reglufarganið hjá „logandi“ ESB löndum, sem EKKI ráða NEITT við innflutning FJÖLÞJÓÐA frá stjórnlausri Arabíu og Afriku.

Keltarnir, BREXIT, ENGLAND er á útleið frá ESB 31. október.   ÍSLAND með 300 þúsund ÍSLENDINGA  hefur EKKERT að gera í þessari ráðlausu „hít“.

Finnst Íslendingum ekki nóg að greiða skuldir í eigin landi?.  Viljum við taka þátt í uppbyggingu ESB landa þar,  sem  mörg  þeirra eru við „hrunmörk“.   Atvinnuleysi er víða um 50%.  Almenn afkoma mjög léleg.  Evran er í hættu, en haldið uppi af Þjóðverjum.

Vilja ÍSLENDINGAR greiða tugi miljarða á hverju ári fyrir „vistina“  með ESB.    NEI svara 85%  ÍSLENDINGA?.   Burt frá ESB-EES og SCHENGEN, en landamæri Íslands eru nú við Miðjarðarhafið.   

NATO, USA og Vestræn Samvinna eru OKKAR mál og KOSTAR EKKERT.  ÍSLAND  er eyja Norður í Atlantshafi,  sem býr við örugg landamæri  og  fullt sjálfstæði  með 200 mílna fiskveiði-lögsögu.  ÍSLENDINGAR  hafna  skipulögðum  fjölþjóða  hugmyndum  ESB landa.

 Munum Keflavíkurflugvöll, besta flugvöll norðan Alpafjalla, sem Bandaríkjamenn borguðu að fullu, en við eigum í dag.  Við sjáum breytta og betri  AMERÍKU  eftir forsetaskiptin  í nóvember árið 2016. 

Undirstrikum grunnstoðir Íslendinga,  bændur og sjávarútveg.  Þeir hafa sannað okkur heilbrigði, hollustu og langlífi Íslendinga.  Við verndum íslensk auðævi og biðjum um náð og fjárhagslega bjarta framtíð utan ESB landa.

ESB sinnaðir stjórnmálaflokkar verða ÍSLANDI ekki til framdráttar á næstu árum með óskir um inngöngu við ESB lönd.  

 Tímar  „ævintýramanna“  skulu ekki gleymast  og er vonandi liðin tíð í okkar Helga ÍSLANDI, eins og Dr.Adam Rutherford skrifaði um Ísland árið 1937.

ÍSLAND hafði mikil áhrif á Lávarð DUFFERIN, sem kom hér á eigin skipi 1856.  Hann keypti 26 reiðhesta og reið með góðu föruneyti til Gullfoss og Geysis og endaði á ÞINGVÖLLUM.

ÞAR TÁRAÐIST HANN AF „ALMÆTTINU OG FEGURÐINNI“, Á ÞINGVÖLLUM, SEM GREYP HANN Í JÚNÍ MÁNUÐI 1856.

Þessi atvik skulum við muna, þegar ALÞINGISMENN ganga um gólf á virtu,ELSTA ALÞINGI HEIMS og efast um sameiginleg AUÐÆFI ÍSLANDS varðandi ORKUNA, BLÁVATNIÐ og VIRKJANIR.

GLEYMUM EKKI SÆFERÐUM OG LANDAFUNDUM VÍKINGANA, SEM STANDA FYRIR „VIÐSKIPTI“ , RITSTÖRF OG BÓKMENNTIR.  KJÓSUM UM ORKU PAKKANN og sameiginleg AUÐÆFI á ÍSLANDI.  Þetta er hin rétta kynning á ÖRUGGU ÍSLANDI varðandi ferðamálin og alla heilnæma framleiðslu BÆNDA, SJÁVARÚTVEGS og ofur GRÓÐURHÚSA. CARGO-Flugið í Norðurljósa litum, er hugsanlega spennandi framtíð.

„Regnbogalitir og frjálsar ástir“ auglýst einu sinni á ári, er ekki sú framtíð, sem við óskum eftir í náinni framtíð til að auglýsa framleiðsluvörur og ferðaiðnað á ÍSLANDI.  Gamla ÍSLAND, Sagan og Ritstörf virka best til Landkynningar.

ÍSLAND ER EINSTAKT LAND, SEM BANNAÐ ER AÐ SELJA TIL ERLENDRA AUÐKÝFINGA OG ERLENDRA ÞJÓÐA SAMKVÆMT LANDSLÖGUM.  ÍSLENSKA RÍKIÐ SKAL KAUPA ALLAR JARÐIR AF BÆNDUM Á HÆSTU VERÐUM, EN EKKI Á „OKUR“ VERÐUM.   

Gísli Holgersson.  "

Ég get ekki annað en tekið ofan fyrir svona hreinni ættjarðarást eins og birtist oft í skrifum hans Gísla. Ég get ekki flokkað svona afstöðu eins og þröngsýni og einangrunarhyggju eins og sumir forystumenn Sjálfstæðisflokksins hreyta í okkur efasemdarmenn um O3.  

Hittumst á Kili sagði Sugga-Sveinn í kveðjuskyni við fjandmenn fjandmenn sína. Það kemur að prófkjörum þar sem ekki er víst að mál séu gleymd fremur en geymd hjá fólki eins og Gísla og mér.

Bjarni brilléraði

á fundinum í Valhöll. Ég endaði með að sjá ekkert eftir að hafa mætt með vel á annað hundrað öðrum Sjálfstæðismönnum.

Bjarni flutti klukkutíma inngangsræðu um stjórnmálaástandið.

Hann rakti þau stefnumál flokksins að lækka skatta og draga úr íþyngjandi reglugerðum. Hann sagði að samstarfsflokkarnir í núverandi 3.ríkisstjórn síðan 2013 hefði báðir verið með hugmyndir um skattahækkanir sem hefðu verið framkvæmdar ef Sjálfstæðisflokkurinn hefði ekki farið með í þessa  ríkisstjórn. En á Alþingi hefði enginn kostur verið að mynda tveggja flokka stjórn eftir síðustu kosningar.

Bjarni fór vandlega yfir skipan orkumála allt frá innleiðingu orkupakka 1 og upptöku EES samningsins. Hvaða öfl vildu hafa áhrif á afstöðu Íslendinga í Noregi og Lichtensetin. Hann hvað það vekja nokkra furðu hversu Sigmundur Davíð berðist gegn O3 núna eftir að hafa verið helsti málsvari hans í þeirri síðustu ríkisstjórn sem hann sat í.

Hann sagði að þingflokkur hefði farið vandlega yfir hvaða skuldbindingar um sæstrengi, skaðabætur og fullveldisframsal fælust í upptöku O3 og að á þinginu væru sannfæring fyrir því að ekkert slíkt fælist í þingsályktuninni eða orkupakkanum sjálfum.  

Þrátt fyrir að vera alger andstæðingur upptöku O3 gat ég ekki annað en dáðst að skipulögðum málflutningi Bjarna og röksemdafærslum hans. Án þess samt að láta hann turna mér. Enda er ég búinn að skrifa undir hvað sem verður.

 Bjarni sagði frá því að menn hefðu komið til hans og krafist tafarlausrar 1 % lækkunar á tryggingagjaldi sem væri hreint að sliga fyrirtækin. Hann sagðist hafa spurt þann sama hversvegna hann hefði þá skrifað undir 8 % kauphækkun  árið áður ef  þetta eina prósent skipti núna öllu máli? Menn mættu ekki fara fram úr sér í kröfum til stjórnmálamanna.

Hann birti línurit yfir hvernig kaupmáttur allra aldurshópa í þjóðfélaginu hefði vaxið í stjórnartíð Sjálfstæðisflokksins. Hann sagði að skattalækkunarstefna flokksins hefði ráðið úrslitum um það að átökum á vinnumarkaði hefði verið forðað og gert lífskjarasamningana  mögulega.

Hann sagði líka að honum væri til efa að annað stjórnarmunstur en það sem náðst hefði getað náð aðilum vinnumarkaðarins til þeirra farsælu samninga sem náðst hefðu fyrr á árinu og forðað þjóðinni frá skaða verkfalla. Þetta væri sögulegt stjórnarmunstur þar sem Sjálfstæðisflokkurinn leggði áherslu á að vinna af heilindum að öllu því sem í stjórnarsáttmálanum væri að finna og hann tryði því að þetta myndi takast öllum landsmönnum til heilla.

Þessi fundur í dag væri fyrsti fundurinn sem Sjálfstæðisflokkurinn myndi halda um landið þvert og endilangt til að kynna stjórnmálastöðuna. Hver sem endanleg niðurstaða af orkupakkamálinu yrði myndum við vinna úr þegar þar að kæmi.

Bjarni fékk fjölda fyrirspurna sem hann svaraði vel og greinilega. Hann tók undir orð Jónasar Elíassonar  um það að menn gætu óttast að andstaða við EES samninginn í heild myndi geta aukist ef O3 yrði samþykktur þar eð mikil andstaða væri í landinu við það mál. En  forystan heyrði vel það sem almennir flokksmenn væru að segja þó að honum fyndist margt ekki hafa komist rétt til skila í því máli.

Bjarni sagði aðspurður að Sigríður Andersen kæmi vissulega til greina að taka á ný við embætti ráðherra þegar mál hefðu skýrst.

Bjarni sagði að hann vildi að íslenskar bújarðir og auðlindir yrðu fyrst og fremst notaðar í þágu landsmanna.Sama gilti um orkuna og ekkert garantí væri fyrir því að álverin hér myndu starfa um aldur og ævi. Ekkert álver hefði verið reist í Evrópu í 15 ár nema hérlendis og sérstöðu landsins þyrfti að varðveita.

Það er hinsvegar gömul saga og ný fyrir bloggaranum að PR-mál Sjálfstæðisflokksins hafa aldrei verið í sérstöku lagi að hans viti. Hugmyndum hans um sérstakt flokksblað fyrir grasrótina hafa hinsvegar aldrei verið tekið öðruvísi en með þögninni og hið yngra fólk heldur því fram að blaðaútgáfa sé gamaldags og fésbókin leysi öll mál. Svo að ekkert breytist í því máli svo séð verður.

Fyrir fundarbyrjun voru menn að ræða það hvort margir myndu yfirgefa flokkinn vegna O3. Bloggari spurði þá viðstadda   borðfélaga hvert þeir sömu  gætu yfirleitt farið? Væri einhver annar flokkur sem þeir gætu hugsað  sér að kjósa?  Menn höfðu ekki svör við þeirri spurningu enda skiljanlegt þegar skyggnst er yfir Alþingi og það erkilið sem þar er að finna í mörgum sætum.

Fellur það ekki líka saman við það sem Bjarni Ben eldri sagði eitt sinn við reiða flokksmenn niðri við Austurvöll í gamla Sjálfstæðishúsinu þar sem hann og Jóhann Hafstein stóðu í ströngu við verslunarmenn: "En munið það piltar að þótt við séum vondir, þá eru aðrir verri."

Og það er einmitt sannleikurinn. Við Sjálfstæðismenn munum leysa okkar mál innanflokks en ekki með því að rjúka á dyr í fússi eins og Evrópusinnarnir  sem ruku út þegar þeir voru ofurliði bornir á lýðræðislegan hátt á landsfundi.  Slíkt mun engan vanda leysa og mun sannast við næstu kosningar.

Bjarni sagði að vissulega væru menn ekki ánægðir með útkomuna í skoðanakönnunum en stefnufesta flokksins í grundvallarmálum myndi verða það sem kjósendur myndu hugsa um á endanum. 

Ekki er þetta tæmandi yfirlit yfir það sem mér fannst ég heyra á þessum fundi enda minnið ekki sérfstakt orðið.  Hvað sem öðru líður og hvernig sem þetta O3 mál endar nú þá verð ég að viðurkenna að Bjarni formaður brilléraði í sinni frammistöðu á fundinum þannig að ekki væri auðvelt að flytja erindi um þingmálin og stjórnmálin  öllu betur. 

 

Merkileg tímamót

eru hugsanlega að verða í íslenskum stjórnmálum.

Nú auglýsir þingflokkur Sjálfstæðismanna fund með flokksmönnum í Valhöll. Ég hef sjaldan verið eins efins í því hvort ég eigi að mæta á svona fund eða ekki.

Hef ég eitthvað við þetta lið að tala? Þarf ég að hlusta á Bigga eða Gulla skýra út hversvegna O3 sé svona nauðsynlegur, hvað þá skaðlaus?

Þórdís Kolbrún Reykfjörð Gylfadóttir skrifar í dag í Mogga um ágæti pakkans og þröngsýni mína og skort á frelsisskilningi ef ég er á móti O3. 

Halldór Blöndal skammar svo Davíð ritstjóra fyrir einstefnu í O3 og að hann sé að hindra rétta umræðu um O3.

Ég er nokkuð viss um að Davíð kemur ekki á þennan fund í Valhöll.Á ég þá nokkuð að fara?

Hvað er þessi Sjálfstæðisflokkur yfirleitt að gera um þessar mundir í pólitíkinni nema að vera traustasti samstarfsaðili Katrínar Jakobsdóttur og styðja við vaxandi gegni dýralækna í þjóðfélaginu með Sigurði Inga?

Sjálfstæðismenn hafa margir áhyggjur af fallandi gengi síns flokks, sem margir telja að tengist uppreisninni gegn orkupakka3. Og áhyggjum af þeim 4.sem er handan við hornið.Og af fullveldi landsins í frekara gagnrýnislausu samstarfi við ESB.

Þingflokkurinn er greinilega harður í andstöðu sinni við andóf almennra flokksmanna gegn samþykkt O3.

Nú er farið að safna undirskriftum gegn stefnu þingflokksins sem kallar sig flokksforystuna og krefst undirgefni en ekki uppreisnar. Ég er búinn að skrifa undir.

Á ég þá að mæta á þennan fund í Valhöll þar sem á að keyra Orkupakkamálið ofan í almenna flokksmenn? 

En þó við Sjálfstæðismenn höfum vandamál þá er vinstra liðið í enn meiri vandræðum.

Þau birtast m.a. í lítt umtalaðri grein Sighvatar Björgvinssonar á Kjarnanum. Þar segir þessi gamli erkikrati  eftirfarandi:

"Um marga ára­tugi voru vinstri menn klofnir í tvær fylk­ing­ar. Í komm­ún­ista, sem síðar nefndu sig sós­í­alista. Og í sós­í­alde­mókrata – jafn­að­ar­menn.

Þessi tví­skipt­ing kom í veg fyr­ir, að annar hvor næði svip­uðum áhrifum og syst­ur­sam­tök náðu í nálægum lönd­um. Þessi sjálf­helda ríkti til síð­asta ára­tugar síð­ustu ald­ar. Þá hrundi Berlín­ar­múr­inn. Þá hrundu komm­ún­ista­stjórnir Aust­ur-­Evr­ópu­landa. Þá þögn­uðu allra þær radd­ir, sem mestu ábyrgð­ina báru á ára­tuga langri sundr­ungu. Þá hurfu deilu­mál­in, sem skipt höfðu sköpum nær alla öld­ina. Loks­ins þá sköp­uð­ust tæki­færi til þess að leita sam­stöðu þeirra, sem sundraðir höfðu ver­ið. Til hand­taks í stað hnefa. Til árang­urs í stað árang­urs­leys­is. Ástæðum sundr­ungar var blásið burtu.

 

Horft um öxl ...

Þáver­andi for­ysta Alþýðu­flokks­ins var sér með­vituð um þetta tæki­færi. Þáver­andi for­ysta Alþýðu­banda­lags­ins var það líka. Báðar vildu þær taka höndum saman til þess að grafa gamlan ágrein­ing og ná þeirri víg­stöðu á hinum póli­tíska vett­vangi, sem svo sárt var sakn­að. Báðar lögðu sig fram þar um.

Ágrein­ingur varð þó ekki að fullu leyst­ur. Sá ágrein­ingur stóð ekki um neitt, sem áður olli deil­um. Ekki um neitt, sem hrundi með Berlín­ar­múr­n­um. Hann stóð um þrennt:

1. Um arf­leifð Alþýðu­flokks­ins um sam­starf við íhaldið , sem hófst með rík­is­stjórn­inni, sem kennd var við Stefán Jóhann Stref­áns­son for­mann Alþýðu­flokks­ins og mynduð var árið 1947. Undir for­ystu Alþýðu­flokks­ins voru íhalds­öflin þar leidd til valda. Sá atburður hafði afleið­ing­ar, var ítrek­aður og end­ur­tek­inn. Ótt­ast var, að sú atburða­rás gæti end­ur­vak­ist. Enda var sá leikur end­ur­tek­inn árið 2007 að til­hlutan þáver­andi for­manns Sam­fylk­ing­ar­inn­ar, sem raunar hafði engan þátt tekið í stofnun Sam­fylk­ing­ar­inn­ar. Afleið­ingin varð sú, að í stað þess að njóta allt að 30% stuðn­ings meðal þjóð­ar­innar eins og var fyrir daga hruns­stjórn­ar­innar féllu allir fram­bjóð­endur flokks­ins í öllum kjör­dæmum árið 2016 nema einn – fram­bjóð­and­inn á Norð­ur­landi eystra. Núver­andi for­maður Sam­fylk­ing­ar­inn­ar. Á atkvæðum hans hélt flokk­ur­inn lífi. Ann­ars hefði Sam­fylk­ingin horfið af þjóð­mála­vett­vangi.
2. Um þegar Ísland fyrir til­stilli Alþýðu­flokks­ins og með stuðn­ingi hluta Sjálf­stæð­is­flokks­ins sam­þykkti aðild­ina að EES árið 1994 í and­stöðu við bæði hluta Fram­sókn­ar­flokks­ins og þing­menn Alþýðu­banda­lags­ins. Til­tek­inn hluti fylg­is­manna Alþýðu­banda­lags­ins var svo mikið and­stæður þeirri ákvörðun sem og öllu sam­neyti við Evr­ópu­sam­bandið að þeir gátu ekki hugsað sér að ganga til minnstu sam­vinnu við þá, sem aðhyllst höfðu Evr­ópu­hug­sjón­ina.
3. Um aðild­ina að NATO og að varn­ar­sam­starfi vest­rænna ríkja. Hrun Berlín­ar­múrs­ins hafði engin áhrif hér á. Allt „hern­að­ar­brölt” og öll lin­kind íslenskra stjórn­valda á þeim vett­vangi var slíkt bann­orð, að aldrei skyl­di ljáð máls á nokkru minnsta við­fangs­efni af því tagi. Þess vegna var engin sam­vinna hugs­an­leg – eða svo sögðu stofn­endur VG.

... og horft í spegil

Að horfa í spegil er að horfast í augu við sam­tíð­ina. Og hvaða sam­tíma­mynd sjáum við í spegl­in­um?

1. Þeir, sem ekki gátu hugsað sér sam­vinnu sós­í­alista og sós­í­alde­mókrata leiða nú íhalds­stjórn líkt og Stefán Jóhann Stef­áns­son, for­maður Alþýðu­flokks­ins gerði árið 1947. Íhalds­stjórn sömu flokka og Stefán Jóhann leiddi til valda árið 1947. Sama for­dæmi hefur verið skap­að. Það hefur VG sjálft gert – og telst ekki lengur til tíð­inda.
2. Sér­hver for­ystu­maður Vinstri grænna, sem lætur í sér heyra um Orku­pakka 3, segir mál allra mála vera að verja þurfi EES samn­ing­inn og ekk­ert það megi ger­ast, sem geti stefnt honum í hættu eða valdið upp­námi í Evr­ópu­sam­band­inu. “Það, sem helst hann var­ast vann/varð að koma yfir hann”.
3. Stuðn­ings­menn VG – sem ekki gátu hugsað sér sam­starf sós­í­alista og sós­í­alde­mókrata – eru í for­ystu rík­is­stjórn­ar, sem sam­þykkt hefur 40 þús­und millj­óna króna fram­lag erlendis frá til upp­bygg­ingar hern­að­ar­mann­virkja NATO á Kefla­vík­ur­flug­velli ásamt því að leggja sjálf fram hund­ruði millj­óna króna til sama verk­efn­is. Hún hefur jafn­framt sam­þykkt upp­bygg­ingu gisti- og dval­ar­að­stöðu fyrir 1.000 banda­ríska her­menn á sama svæði og opnað þannig aftur íslenskt land til búsetu fyrir banda­ríska her­menn.

Sam­fylk­ingin og VG eru eins og áður en þau urðu til – tveir áhrifa­litlir flokk­ar, sem eiga fáa aðra val­kosti en að velj­ast sem sam­verka­menn í sam­steypum með íhalds­öfl­un­um. Jafn­vel nú – í hörm­ung­unum miðjum – væru þeir þó for­ystu­aflið í íslenskum stjórn­málum bæru þeir gæfu til þess að standa sam­an. Það segja skoð­ana­kann­anir um fylgi flokk­anna? Hvað er þá, sem stendur í veg­in­um? Hver er mein­ing­ar­mun­ur­inn um heil­brigð­is­stefnu Svan­dísar Svav­ars­dótt­ur? Nákvæm­lega eng­inn! Hver er mein­ing­ar­mun­ur­inn um umhverf­is­stefnu Guð­mundar Inga Guð­brands­son­ar? Nákvæm­lega eng­inn! Hver er mein­ing­ar­mun­ur­inn eftir að hafa horft í speg­il­inn – eftir að hafa horfst í augu við sam­tíð sína og borið þá sam­tíð­ar­mynd saman við það sem sjá má ef litið er um öxl? Nákvæm­lega eng­inn! Er þá ekki kom­inn tími til, að gam­all draumur for­ystu­manna bæði sós­í­alista og sós­í­alde­mókrata fái loks­ins að rætast? Þegar öllum leyfum ágrein­ingsins hefur loks­ins verið eytt! Sá draumur lifir – á meðan hann fæst ekki deydd­ur. Hver vill skipa aftöku­sveit­ina? VG?!? Katrín, Svan­dís og Guð­mund­ur???"

Það er bitur sannleikur í þessum orðum Sighvatar. Margir hafa sagt að allir flokkar bíði skaða af því að starfa með Sjálfstæðisflokknum.

Vinstrið er sundurtætt í ringulreiðaraflokka sem enginn skilur.

Píratar eru flokkur sem er stofnaður bara um eitthvað annað sem er andstaða við þá glórulausu spillingu sem sumt fólk sér í öllum hornum samfélags okkar.  Sem er svo bara lítt fyrir hendi þegar til stykkisins kemur eins og störf þess flokks á Alþingi hefur leitt í  ljós og viðkomandi frambjóðendur hafa tryggt sér kauphækkun með kjöri til þings.

Þeir hafa ekki fundið neitt nema að snúast í hringi og ásaka einn þingmann um þjófnað á bílapeningum. Annað er bara skvaldur og óskiljanlegt og hlægilegt fyrirspurna þvaður um að fá skrifleg svör um óskráðar reglur svo eitthvað sé nefnt. Engar tillögur um neitt sem máli skiptir enda einangraður flokkur um ekki neitt það en sem ekkert kemur frá nema fréttir um innbyrðis hjaðningavíg og pólitíska aftöku á stofnandanum.

Flokkur fólksins klofnaði auðvitað þar sem hann var ekki stofnaður um neitt nema upphrópanir og grenjur formannsins um fátækt á Ísland. Sem virtist bara vera persónuleg fátækt þingmannanna því allt hugsjónatal þagnaði um leið og þingmennirnir komust á launaskrá sjálfir.

Miðflokkurinn stal svo senunni með því að fá O3 í fangið og kynnti sig sem hugsjónaflokk mótsett hinum gamla spillta móðurflokki dýralæknanna. 

Vinstri menn og sveitakommar á Íslandi eru þannig sundraðir  til  framtíðar að ekki mun gróa yfir í næstu framtíð sem er slæmt þar sem það fjölgar litlum flokkum.

Og svo kemur það sem máli skiptir. Það eru komnir tveir Samfylkingarflokkar í stað eins áður. Og það er ekki útlit fyrir að þeir muni renna saman um eina Evrópuhugsjón sem er þó algerlega samfallandi einstefnumál þeirra beggja.

Og þetta mál er líklega pólitískt dautt meðal þjóðarinnar sem hefur ekki lengur neinn áhuga á að ganga í Evrópusamband sem logar í óeiningu stafna á milli.Auk þess sem við blasir að það hefur beðið  lægri hlut fyrir Trump og hans aðferðum. Atvinnuleysi og enginn hagvöxtur í ESB en allt í blóma vestanhafs.

V.G. er núna haft að háði og spotti meðal almennings enda stefnulaus flokkur hvernig sem á er litið. Búinn að glata andstöðunni gegn NATO sem einu sinni hélt kommunum saman.

Eftir stendur ekki neitt nema ófyrirsjáanleg bros Katrínar út í allar áttir og Steingrímur sem hefur látið steingelda sig af íhaldinu  með því að tylla undir hann hégómanum í fundarstjóraembættinu sem hann heldur að skipti einhverju máli fyrir þjóðina en gerir það auðvitað lítið miðað við hversu oft afleysingamenn sitja í stólnum.

Fyrir bragðið skiptir hann sér lítið af pólitík og V.G.er  orðið að litlum saumaklúbb, ef marka má ljósmyndir af fundum,  utan um ekki neitt, en blessar yfir aukin hernaðarumsvif NATO í landinu. Ömurlegra getur ekki hlutskipti gamla kommaflokksins orðið.

Svo eru bara ekki merkileg tímamót runnin upp þar sem óbreyttir flokksmenn eru farnir að rífa meiri kjaft við forystusveitirnar og heimta samráð?

 

Hver gaf stjórnvöldum heimild ?

að skrifa upp á Parísarsamkomuilag hinna 40 þúsund fífla um útblástursmál?

Gersamlega ósannað bull um hluti sem er ekki minnsti vísindalegur fótur fyrir.

Síðan vaða uppi allskyns gervivísindamenn eins og Greta litla Thunberg sem vita akkúrat ekkert um staðreyndir málsins og heimta aðgerðir í þessu og hinu.

Einn í viðbót er Július Valberg Auðunsson sem birtir trúarritgerð sína  á netinu með því að greinilega að vita ekki neitt um vísindalegar forsendur málsins:

" Rátt fyrir lúðraþyt og stórar yfirlýsingar um kolefnishlutlaust Ísland árið 2040 er fátt sem bendir til þess að okkur takist að standa við okkar hluta Parísarsamkomulagsins. Oft er bent á að vegasamgöngur eru ekki nema 7% af heildarútblæstri landsins og því sé lítið hægt að aðhafast á því sviði. Er þetta rétt?

Útblástur á Íslandi árið 2017 var um það bil 14.000 kílótonn af CO2 ígildi.

... þar af landnotkun: 9.321 kílótonn.
... þar af útblástursleyfi innan ETS-viðskiptakerfi Evrópusambandsins: 1.800 kílótonn.

Ísland hefur skuldbundið sig til að fylgja Parísarsáttmálanum, en hann tekur hvorki til ETS viðskiptakerfisins né útblásturs sem hlýst af landnotkun. Kíkjum á það sem eftir situr: 2.954 kílótonn og þar af eru 975 kílótonn sem tengjast vegasamgöngum. Þriðjungur af umræddum útblæstri er vegna orkunotkunar í vegasamgöngum. 

Sérfræðingar eru sammála um að þessi hluti af útblæstri okkar þurfi að fara niður í 500 kílótonn á landsvísu fyrir árið 2030 til að samræmast markmiðum Parísarsáttmálans sem er 40% minni útblástur en árið 1990. Með öðrum orðum: útblástur sem er rakinn til vegasamgangna þarf að öðru óbreyttu að helmingast á 11 árum.

 

Ef litið er til loftslagsaðgerðaráætlunar ríkisstjórnarinnar er gulltryggt að þetta markmið næst ekki í tæka tíð. Án frekari aðgerða mun rafbílavæðing aðeins hafa náð til 30% af bílaflota árið 2030 samkvæmt spálíkönum. Ferðavenjur munu ekki hafa breyst nægilega mikið og höfuðborgarsvæðið verður ennþá með bílinn í forgangi þó stefnubreyting sveitarfélaganna sé farin að hafa jákvæð áhrif.

SJÁ EINNIG

Tölum mannamál um loftslagsmál

Ríkisstjórnin hefur veðjað á að öflugar ívilnanir fyrir raf- og tengiltvinnbíla skili sér í grænni bílaflota. Stefnt er að banni á nýskráningum dísel- og bensínbifreiða, þó með undanþágum, árið 2030. Á hverju ári bætast við 3-4.000 grænar fólksbifreiðir sem styðjast fyrst og fremst við vistvæna og innlenda orkugjafa. Vöxtur í nýskráningum þessa flokks bíla var 21% frá árinu 2017 til 2018, en til viðmiðunar telur bílaflotinn um 270 þúsund fólksbifreiðir. Langflestir nýir fólksbílar eru knúnir innfluttu eldsneyti og verða ef til vill ennþá í umferð þegar örlagaárið 2030 gengur í garð. Samkvæmt Samgöngustofu voru í fyrra 18 þúsund dísel- og bensínbílar nýskráðir en rafbílar aðeins 617. Árið áður voru nýskráðir dísel- og bensínbílar tæplega 20 þúsund, á meðan rafbílar voru 415. Þó að hver einasta nýskráning væri græn væri bílaflotinn ekki fyllilega endurnýjaður árið 2030. Slíkur er fjöldi dísel- og bensínbíla sem hefur bæst við umferðina á síðustu árum með tilheyrandi metum í umferðarmagni á höfuðborgarsvæðinu. Framboð á rafknúnum og langdregnum fólksbílum er takmarkað enn um sinn og því hafa ívilnanir ekki haft meiri áhrif en raun ber vitni.

Miðað við fólksfjölgun, sparneytni nýrra bíla og hærra hlutfall raf- og tengiltvinnbíla þá verðum við einnig að minnka akstur á höfuðborgarsvæðinu um 50% samkvæmt rannsóknarhópi Hagfræðistofnunar Háskóla Íslands. Það er því deginum ljósara að það þarf að stöðva allar áætlanir um nýjar gatnaframkvæmdir nema í allra brýnustu tilfellum til að tryggja öryggi og þá með því að hægja á umferð. Við þurfum að þétta byggð með öllum ráðum til að draga úr fjölda og lengd bílferða sem og hagræða eins og mögulegt er í vöruflutningum. Ný byggð verður að myndast fyrst og fremst miðsvæðis og á samgönguásum þar sem áherslan er á almenningssamgöngur, ekki í jaðri byggðar — hvað þá í sveitarfélögum þar sem íbúar sækja þjónustu og ferðast til vinnu með einkabílum til höfuðborgarsvæðisins. 

Ferðavenjur breytast ekki einungis með því að fleiri og fleiri séu haldnir loftslagskvíða. Almenningur lifir og hrærist í manngerðu skipulagi. Loftslagskvíði- og skömm getur ekki verið hluti af aðgerðaráætlun ríkisstjórnarinnar heldur verðum við að gera stórtækar breytingar á umhverfinu og dreifa þeim gæðum sem náttúran má við jafnt á hendur allra. Þessi áætlun um rafvæðingu bílaflota er ekki sannfærandi sem helsta framlag ríkisins í því neyðarástandi sem ríkir nú þegar í loftslagsmálum. Eins eru áform um umferðaraukandi framkvæmdir á við Sundabraut ekki til að auka á trúverðugleika ríkisstjórnar eða aðgerðaráætlunar hennar í loftslagsmálum. "

 

SJÁ EINNIG

Sjálfkeyrandi vagnar hafa ekkert í Borgarlínu

Orkuskipti, orðið sjálft, hefur orðið að pólitísku tískuorði. Ráðherrar keppast um að tilkynna nýjar hleðslustöðvar. Á sama tíma er ekki enn búið að semja um aðkomu ríkisins að Borgarlínu og bílafloti sem gengur að mestu fyrir innfluttu jarðefnaeldsneyti stækkar á hverju ári. 

Sannleikurinn er sá að þessi orkuskipti nægja ekki þegar litið er til útblásturs sem tengist ferðavenjum okkar. Þau komast ekki einu sinni nálægt því. Sé ætlunin að ná hinu háleita markmiði um 500 kílótonn árið 2030 þarf að draga úr akstri sem nemur 6,4% á hverju ári og annaðhvort sleppa þeim ferðum eða styðjast við annað en einkabíl.

Til að það gerist höfum við tvo valkosti. Við gætum skammtað eldsneyti eins og gert var á styrjaldartímum síðustu aldar. Hinn kosturinn er að laga manngert umhverfi þannig að fólk finni einfaldlega ekki ástæður til að keyra eins mikið, með fjárfestingum í innviðum fyrir gangandi og hjólandi sem og forgangi almenningssamgangna. Seinni valkosturinn hlýtur að vera sá sem við lítum til."

Ætla svona bullukollar að gera Ísland óbyggilegt með aðstoð einhverra bjálfa sem fóru umboðslausir til Parísar að skrifa undir bull um hnattræna hlýnun sem enginn fótur er fyrir?

Íslendingar þurfa orku til að standa undir lífkjarasókn sinni og lífskjarasamningum . Ef við viljum ekki kjarnorku  þá verðum við að brenna jarðefnaeldsneyti eða drekkja landinu í uppistöðulónum. Aðrir valkostir eru ekki fyrir hendi.

Hver gaf  íslenskum stjórnvöldum heilmild til að skrifa undir ósannað bull með fjörtíuþúsund fiflunum í París um hamfarahlýnun vegna CO2? Ekki ég.

Við þurfum að fylgja fordæmi Trump og segja Ísland frá þessari Parísarvitleysu sem fyrst þar sem hlutur okkar í heimsútblæstrinum er örsmæðarstærð af heild.

 

Frjálslynd alþjóðahyggja

opin landamæri og yfirþjóleg völd eru það sem gáfaðri hluti okkar þjóðar aðhyllist sem rétthugsun.

Benedikt Jóhannesson er gott dæmi um hversu mjög hann vorkennir okkur hinum fyrir að vera eins vitlaus og við erum.

Hann skrifar í Mogga:

"Vofa leikur nú ljósum logum um hinn vestræna heim – vofa einangrunarstefnunnar.

Í kreppunni miklu árið 1930 reyndu margar þjóðir að bregðast við atvinnuleysi með því að einangra sig efnahagslega og pólitískt. Stjórnmálamenn skiptu heiminum í okkur og hina. Hinir voru óvinirnir. Sjálfstæði fólst í því að vera sjálfum sér nógur um allt, engum öðrum háður.

Tortryggnin leiddi smám saman til algjörrar firringar. Sumt gott fólk sannfærðist um að ákveðnir hópar væru óæskilegir og sætu á svikráðum. Jafnvel þeir, sem hvorki hötuðu né fordæmdu þá ofsóttu, töldu vissara að þegja þunnu hljóði meðan ofstækið jókst stig af stigi.

Eftir hörmungar heimsstyrjaldarinnar náði skynsemin um hríð yfirhöndinni á Vesturlöndum. Samvinna þjóða jókst á ýmsum sviðum. Íslendingar báru gæfu til þess að taka þátt í fjölþjóðlegum stofnunum sem unnu að því að allir sætu við sama borð, notuðu sömu reglur og hefðu sama rétt. Stundum náði þjóðin samstöðu um aðild, um önnur framfaraskref urðu deilur.

Oftast snerust sósíalistar og arftakar þeirra á móti aðild, ekki síst vegna samstöðu með Sovétríkjunum sem þá voru óskalandið. Þeir eru enn á móti af gömlum vana.

Alþjóðahyggja fyrstu kommúnistanna týndist hér á landi. Framsóknarmenn gátu líka verið þversum, en oftast sáu einhverjir í þeirra röðum út fyrir asklokið.

Halldór Laxness segir í Sjálfstæðu fólki frá Bjarti bónda sem býr í ríki sínu í Sumarhúsum, afskekktu koti upp til fjalla. Allt hans líf gekk út á að verða öðrum óháður.

Vilhjálmur Bjarnason, sem hefur orðið undir í alþjóðahyggjunni í sínum flokki, rifjaði um daginn upp lífsskoðun Bjarts: „Maður er þó ævinlega sjálfstæður heima í koti sínu. Hvort maður lifir eða drepst, þá kemur það aungvum við utan manni sjálfum. Og einmitt í því álít ég að sjálfstæðið sé fólgið.“

Í bókinni lendir Bjartur í hverju áfallinu á fætur öðru. Hann neitar að viðurkenna að heimurinn hafi breyst og að bóndabýlið sé ekki sjálfstætt ríki. Staðreyndir skipta engu máli, heimurinn er eins og Bjartur sjálfur ákvað á sínum tíma. Á endanum missir hann allt og alla. En er alltaf sjálfstæður. Í bókinni var Bjartur fáskiptinn, en við heyrum í Sumarhúsabændum samtímans á hverjum degi. Þeir tala í símatímum útvarpsstöðva, skammast á samfélagsmiðlum, rausa á börum og skrifa í Morgunblaðið. Sífellt vara þeir okkur við hættunum af öllu útlendu og lýsa hamingjunni sem fylgir því að sigla einn sinn sjó, búa sjálfstæður í koti sínu. Hættan fylgir þó ekki bara Bjarti sjálfum, drykkjusystkinum hans og sálufélögum. Hinir sem þegja og láta ruglið yfir sig ganga bera líka mikla ábyrgð. Leiðum þess vegna þvæluna ekki hjá okkur heldur mótmælum þeim sem vilja stela framtíðinni.

Og umfram allt: Frjálslyndir allra flokka, sameinist!"

Gunnar Rögnvaldsson Borgfirðingur setur þessar línur á blað sem eru allgóð andstæða við Samfylkingarboðskapinn sem bunar upp úr Benedikt.

 

"Þetta eru einmitt alþjóðalögin sem hneppa minni lönd og smærri þjóðir í hús fjötranna, sem hér eru til umræðu. Öll fjöl- og alþjóðaheimsveldi mannkynssögunnar hafa virkað þannig: þ.e. sem hús fjötrana.

Egyptaland hið forna - Assýríuveldi - Rómarveldi - Napóleonsveldið - Sovétríkin - Þriðja ríkið - Evrópusambandið og allur alþjóðaismi. Allt saman fædd og uppalin misfóstur hins Gamla heims á landmassa EvrAsíu.

Ekki skaltu tilbiðja djöfla á borð við alþjóða-hitt og alþjóða-þetta. Slíkt hefur ávallt reynst sem hús fjötranna fyrir þjóðir heimsins, sérstaklega þær smáu, og komið af stað stöðnun, afturförum, hnignun, slátrun manna og afnáms þjóðfrelsis og sjálfsákvörðunarréttar þjóða.

Lönd og þjóðir eiga að keppa sín á milli, þau eiga ekki að renna saman í eitt alþjóðlegt sovétríki og lagaverk.

Allar þjóðir eru einstakar og hafa eitthvað sérstakt og einstakt fram að færa. Þær og þjóðríki þeirra ber að varðveita."

Menn geta tileinkað sér mismunandi lífsskoðanir og það blasir við í báðum þessum tilvitnunum. Hvort verður ofan á á Íslandi veit ég ekki.

Bjartur í Sumarhúsum var frjáls maður en lét frelsi sitt  kannski bitna á öðrum. En burtséð frá því þá ég bágt með aðhyllast þessa frjálslynda alþjóðahyggju eins og stendur upp úr þessum Samfylkingarflokkum en hallast frekar að Gunnari Borgfirðingi sem vill frelsi þjóðarinnar efst.