Sannleikurinn um Reykjavíkurumferð

kemur allur fram í afburðagrein Jónasar Elíassonar í Morgunblaðinu í dag. Þar kemur hinn einfaldi sannleikur um umferðarvandamálin í Reykjavík.

Þau eru í einfaldleika þannig:

96 % fólk hefur valið sér einkabílinn sem faraskjóta. 4 % vill fara með strætó. Borgarstjórn krefst þess að 4 % borgarbúa hætti við einkabílinn og fari að ferðast með ofurstrætó sem á að kosta hundruð milljarða.

Engar nýjar akreinar sem bara fyllast af einkabílum og að tími mislægra gatanamóta sé liðinn í Reykjavík svo vitnað sé orðrétt í spakmæli vitringanna.

En gefum prófessornum orðið:

"Sundabraut og stokkur fyrir Miklubraut eru óþarflega dýrar framkvæmdir og ótímabærar, en Reykjavík þarf ljóslausa aðalbraut í gegnum þéttbýlið. Jákvæð viðbrögð við grein í Morgunblaðinu 14. maí eftir sama höfund sýna að fólk gerir sér almennt ljóst hvílík fjarstæða áform Reykjavíkurborgar um Borgarlínu eru, bæði í umhverfislegu og fjárhagslegu tilliti.

En eru þá engar umhverfisvænar lausnir í samgöngumálum Reykjavíkur?

Þær eru til: Halda áfram með áformin frá því 1965 um ljóslausa leið gegnum höfuðborgina.

Hún heitir Miklabraut og umferðartafir eru þar svo miklar í dag að hægt er að reikna út að samanlagðar tafir nema um 100 ársverkum á dag og óþarfa bensíneyðsla er um 10 tonn daglega, sem er frekar slæmt fyrir loftslagið sem allir vilja laga, skipulagsfrömuðir Reykjavíkur einna mest.

Til að bæta úr þessu þarf ein stutt jarðgöng í gegnum Háaleitið, tvær brýr í framhaldinu, aðra yfir Grensásveg og hina yfir Kringlumýrarbraut, og þá er hægt að rífa burt umferðarljósin og auka umferðarrýmd um 50%.

Til þess þarf viðbótarráðstafanir, við Lönguhlíð og Njarðargötu, en þær eru minna mál.

En skipulagshöfðingjar Reykjavíkur vilja þetta ekki, slíkt væri þjónkun við einkabílinn.

Í staðinn vilja þeir Sundabraut, sem hefur enga tengingu við stofnbrautakerfi Reykjavíkur utan Elliðaáa nema eftir Gufunesafleggjaranum.

Framkvæmd sem gerir eiginlega ekkert gagn fyrir umferðarstíflurnar en er miklu dýrari. En hún hentar sem einkaframkvæmd, sem hægt er að rukka fyrir, er það ástæðan? Þá má kalla hana framhald af Vaðlaheiðargöngunum.

Þá vill Reykjavík setja Miklubraut í stokk, þ.e. grafa hana niður í jörðina, bersýnilega í þeim tilgangi að geta úthlutað lóðum ofan á stokknum.

Þarna hefur borgarstjórn greinilega fengið eitursnjalla hugmynd, láta ríkið borga stokkinn og selja síðan lóðirnar. Það telja þeir væntanlega tómum peningakassanum til framdráttar.

Eða er það? Þessi framkvæmd minnir á aðra, svokallaða Boston Big Dig, (https://en.wikipedia.org/ wiki/Big_Dig), sem var að grafa niður aðalveg, 1,5 mílna langan, það átti að kosta þrjá milljarða dollara en tók 15 ár og fór upp í níu milljarða.Um 1.500 milljarða króna.

Langar menn í svona ævintýri?

Það þarf enginn að efast um að kostnaðaráætlunin fyrir stokkinn á eftir að þrefaldast, ef ekki tífaldast, þegar byrjað verður að hjakka sig niður í gegn um alla leiðslusúpuna, niður í grágrýtið og lenda þar í vatnsaganum.

Menn þekkja flestir nóg til sögu Reykjavíkur í skipulagsmálum undanfarin 25 ár til að vita að þar verður óhamingjunni allt að vopni.

Tökum lítið dæmi um það hvað kemur út þegar menn lesa of mikið af bókum. Dæmið um Vatnsmýrina og flugvöllinn sem borgarstjórnin endilega vill losna við. Hrifningin fyrir þessu lýsti sér í skipulagssamkeppni fyrir Vatnsmýrarsvæðið árið 2008.

Tillagan sem fékk fyrstu verðlaun var nánast kópía af Barcelona, með carré-byggingum (stórir ferkantar), diagonal og öllu saman.

Hvað er diagonal? spyrja menn. Evrópskar borgar voru flestar byggðar á miðöldum, í einni kös innan við borgarmúra til að forðast fallbyssur óvinanna.

Skipulagið var yfirleitt götur í rétthyrndu kerfi, ef þær voru í einhverju kerfi yfirleitt. Hjá bestu skipulagsmönnunum lá ein gata eins og hornalína í rétthyrningnum, yfirleitt kölluð Diagonal.

Ef óvinirnir skutu niður borgarhliðið við annan endann var þetta gatan sem allir áttu að flýja eftir, út um hinn endann. Myndir af svona borgum eru í öllum bókum, og þetta fékk fyrstu verðlaun í Vatnsmýrarsamkeppninni.

Svona götur eru reyndar líka í amerískum borgum. Það sem Íslendingar þekkja best eru Broadway í New York og Embarcadero í San Francisco, þær eru í dag notaðar sem aðalumferðargötur fyrir bíla, ef einhver hefði nú tíma til að lesa amerískar bækur líka.

Önnur björt hugmynd sem bókaormarnir fengu líka var hringtorg. Um miðja 19. öld var París orðin slík þvaga af þröngum götum að ekki þurfti nema nokkur borð og stóla til að byggja götuvirki, enda lágu vinstrimenn Parísar í endalausum byltingum og kommúnustandi.

Þetta hætti þegar Napóleon III lét barón Haussman ryðja burt draslinu og byggja hringtorg með búlevördum á milli. Þetta fékk mikið hól í bókum sem mikilvæg skipulagsvísindi og fær enn.

Tilgangur Haussman var reyndar ekki framlag til skipulagsvísinda, heldur sá að keyra fallbyssur sínar út á hringtorgin og hafa þaðan beinar stefnur til að skjóta niður götuvirkin. Enda steinhættu Parísarbúar öllu byltingarbrölti.

En þetta hafði þau áhrif, þegar menn fóru að lesa bækur hér uppi á Íslandi, að hringtorgum í úthverfunum snarfjölgaði þótt engar væru fallbyssurnar.

Því miður er ekki útlit fyrir neina breytingu hjá Reykjavíkurborg. Hún mun standa gegn öllum endurbótum á Miklubrautinni og halda áfram að hlaða niður umferðarljósum og öðrum samgönguhindrunum, hér eftir sem hingað til.

Hún hefur t.d. harðneitað í mörg ár að leyfa brú í framhaldi af Bústaðavegi yfir Reykjanesbraut. Ekkert útlit er fyrir neina breytingu á þessari stöðu.

Auðvitað má hugsa sér að Alþingi taki skipulagsvaldið varðandi þjóðvegi í þéttbýli af Reykjavík með sérstökum lögum. En pólitískt séð yrði slíkt neyðarbrauð, sem varla fer í gegnum Alþingi.

En önnur pólitísk lausn; að skipta um borgarstjórnarmeirihluta í Reykjavík? Tæplega raunhæft.

Hatur annarra flokka á „gamla íhaldinu“ er slíkt að þótt núverandi meirihluti falli mynda þeir bara nýtt hræðslubandalag gegn Sjálfstæðisflokknum.

Hann var við völd 1965 þegar grunnurinn var lagður að því aðalskipulagi sem nú gildir og er væntanlega einn flokka til í breytingar, ef hann þá er það. Allavega; sú tillaga um Miklubrautina sem hér er lögð fram hefur hvergi sést áður þótt hún liggi algerlega beint við sem lausn á núverandi vandamálum.

Það sem til þarf að koma hreyfingu á hlutina er kröftug borgaraleg hreyfing sem pólitíkusar geta ekki sniðgengið. Slíkt hefur skeð áður, minna má á borgarahreyfingu til stuðnings vestrænni samvinnu, Icesave-málið o.fl. Reykjavíkurborg mun dorma áfram í sínu útfjólubláa umhverfisljósi ef ekkert slíkt kemur til.

Biðraðirnar hrannast upp svo enginn kemst áfram. Ekki einu sinni strætó."

Þetta eru staðreyndirnar um umferðarvandann í Reykjavík. Hann er manngerður að öllu leyti og að honum standa hrærigrautur litlu ljótu flokkanna í Borgarstjórn eftir að Borgarbúar stigu það óheillaskref að hafna forystu Sjálfstæðisflokksins sem hafði haft alla forystu um Borgarmálin um langan aldur.

Þá gátu Borgarbúar talað beint við Borgarstjórann sem hafði einn eða tvo aðstoðarmenn. Nú hefur Dagur B. Eggertsson 50 aðstoðarmenn og enginn getur fengið viðtal við almættið.

Jónas Elíasson á mínar þakkir fyrir að hreyfa við þessu þjóðþrifamáli sem er lausn á umferðarvandanum í Reykjavík sem blasir við hverjum sem reynir að hugsa hlutlægt um málið.

Gervilistin

finnst mér ríða húsum í menningarlífi Íslendinga um þessar mundir. Ríkisútvarpið er stöðugt að sýna okkur myndskeið af allskyns fólki sem er að fetta sig og bretta í afkáraskap.Miðillinn flokkar þetta til listviðburða.

Það er sýnt úr sýningarsölum hvermig uppröðuð skilerí hanga á veggjum sem hvaða 6 ára barn gæti búið til. Þetta kalla spyrlarnir list og hafa langar viðræður við framleiðendurnar.

Mér finnst að þetta fólk hafi mig að háði og spotti. Séu að framleiða nýju fötin keisarans fyrir mig í því skyni að ná í pening úr opinberum lúkum út á listastimpil.

Gersamlega hæfileikalaust fólk spriklar um svið og hristir  sig í einhverskonar gjörningum sem ég sé ekkert út úr. Það er eiginlega aldrei sem ég sé neitt verk við þessi tækifæri sem hvaða krakki sem er gæti ekki búið til á skömmum tíma. Alvöru málverk hef ég ekki séð lengi.

Dr. Josef Göbbels sagði eitt sinn við Söru Leander söngkonu:

"Listin kemur ekki af því að vilja heldur að geta."

Ég held að þetta sé kjarni málsins.

Listaheimurinn er fullur af gersamlega getulausu fólki sem vill sýna sig og láta sjá sig af sýniþörfinni einni saman.  Vill vera listafólk en er það ekki langt í frá.

Hvað er langt síðan að einhver hefur séð vel gert málverk? Ekki klessuverk eins og Jónas frá Hriflu talaði um 1942 og sýndi í Gefjunarglugganum. Heldur alvöru list.

Ég hef ekkert slíkt listaverk séð árum saman. Ásgrímur, Kjarval, Eyfells og og slíkir kallar hafa bara ekki fæðst í seinni tíð að því að mér sýnist. Heldur eru fettur og brettur svokallaðra lístamanna í forgangi í fréttum. Kúnstir og gjörningar með gömlum nærbuxum eru nú kölluð textilverk.

Gervilistin hefur yfirtekið menninguna og treystir á að heimska okkar almennings sé meiri en gamla Göbbelsar

 

VG svari efnislega en ekki með afþvíbara!

fyrir því að að stöðva æskilegar framkvæmdir við varnir landsins  sem bandamenn  okkar telja nauðsynlegar fyrir heildina sem við tilheyrum.

G.Tómas Gunnarsson skrifar skynsamlega um þetta mál:

"Hver er sviðsmynd Vinstri grænna?

"Það hefði verið frábært að fá þessi störf hingað", segir bæjarstjórinn í Reykjanesbæ.  Það má vissulega taka undir það.  Ekki einungis hefðu umrædd störf skapað umsvif, eins og öll störf gera, heldur hefðu þau að stórum hluta verið unnin fyrir "erlendan gjaldeyri", og þannig verið margfalt verðmætari þjóðarbúinu en allra handa átaksverkefni unnin fyrir skattfé.

En lítum fram hjá efnahagsáhrifunum. 

Ég hef lengi velt fyrir mér hvernig sviðsmynd Vinstri grænna í varnarmálum Íslendinga lítur út.

Telur flokkurinn að það sé bábilja að Ísland sé staðsett á hernaðarmikilvægum bletti ef til hernaðarátaka kemur eða stjórnar eitthvað annað ákvörðunum þeirra?

Í síðasta "alheimsófriði" vonuðust Íslendingar og Íslensk stjórnvöld eftir því að þau gætu staðið utan þeirra og lýstu yfir hlutleysi.

Það kom að þó littlu gagni, enda vita líklega flestir að Ísland var hernumið fyrir 80. árum.

Það sama gerðist í Færeyjum.

Það sama gerðist í Noregi.

Það sama gerðist í Danmörku.

Það sama gerðist í Belgíu og Hollandi.

Telja Vinstri græn að meiri líkur séu nú á því að hlutleysi myndi virka ef til umsvifamikilla hernaðarátaka kæmi?

Kæmi sér best fyrir Íslendinga að "standa við höfnina" og velta því fyrir sér hver ætti skipin sem stefndu að landi?

Eða vill flokkurinn einfaldlega ekki "skipa sér í sveit"?

Eins og staðan er í dag er Ísland "í sveit" með vinaþjóðum, s.s. Noregi, Danmörku, Eystrasaltslöndunum, Bandaríkjunum, Þýskalandi, Bretlandi, Frakklandi svo að nokkur NATO ríki séu talin upp.

Er það tilviljun að að löndin sem nefnd eru hér að ofan og voru hernumin eru aðilar að NATO?

Hafa Vinstri græn ekkert frekar fram að færa um hvernig flokkurinn vill tryggja öryggi Íslendinga á hugsanlegum ófriðartímum, en það sem kemur fram í "Alþjóðastefnu" flokksins?

Á Íslandi er í dag enginn her, en hersveitir vinaþjóða hafa skipst á að dvelja á landinu í nokkrar vikur í senn við eftirlit og æfingar. 

En til að slíkt fyrirkomulag virki til lengri tíma, þarf viðhald og uppbyggingu á mannvirkjum sem tengjast vörnum landsins. 

Hjá slíku verður líklega ekki komist á næstu árum, það er að segja ef vilji er til að "Þjóðaröryggisstefna" Íslands haldi áfram á þeirri braut sem henni hefur verið mörkuð.

En auðvitað má hugsa sér að stjórnarandstaðan leggi fram tillögu á Alþingi um framkvæmdir til að treysta varnarviðbúnað landsins.

Hún gæti í það minnsta skemmt sér og landsmönnum öllum við að fylgjast með viðbrögðum þingmanna Sjálfstæðisflokks og Framsóknar."

Að afgreiða svona má sem einhverja Aronsku heldur ekki vatni sem röksemdafærsla . Af hverju eru þetta óþarfar framkvæmdir sem NATÓ telur nauðsynlegar að ráðast í?

Vilja þau  Andrés Ingi eða Katrín ekki gjöra svo vel fyrir þjóðina  að svara þessu efnislega en ekki með afþvíbara?

 

Frábær þáttur

Friðriks Þórs og Regínu Óskar á RÚV  þar sem þau sungu júróvisjónlög.

Þarna var á ferðinni listafólk allt saman á heimsmælikvarða, hljóðfæraleikur, dans,söngur og sviðsetning.

Fyrir mig er þessi frábæri þáttur nógur skammtur af Júróvisjón í ár sem ég segi takk fyrir öll þið sem að honum stóðu.

Innrás Norðmanna

í íslenzka náttúru heldur áfram.

Þegar er hafið mikið sjókvíaeldi í fjörðum okkar sem mun færa björg í bú.

Nú eru kynntar til sögunnar stórar áætlanir um gríðarlega vindmyllugarða á fjöllum Íslands. Skyldu Norðmenn ekki vera að ýta vandamálum frá sér sem almenningur ekki vill leyfa á norsku landi?

En hvað með samnýtingu í fjörðunum í stað sjónmengunar á fjöllum og firnindum?

Vindmyllur eru ekkert augnayndi hvar sem þær eru. Þær eru því skárri úti í sjó. 

Gætu ekki verið þarna norskar vindmyllur í sambýli við norskar fiskeldisstöðvar?

 

Ég veit ekkert hvað mikinn sjógang þær þola en varpa spurningunni fram þegar innrás Norðmanna í Ísland er hafin aftur.

Drífa Snædal

og dr. Benedikt Jóhannesson voru í Silfrinu hjá Fanneyju áðan. Þar komu málefni Icelandair til umræðu og hvernig ætti að taka á því máli.

Frú Drífa kom fram sem gersamlega botnfrosin verkalýðshetja af gamla skólanum sem engu tauti verður við komið. Ólíklegt er að hægt sé að rökræða við slíka manneskju með nokkru móti um eitt eða neitt þegar vandamálin vofa yfir sem víðast í þjóðfélaginu.

 

Þarna í Silfrinu  voru þau Drífa og Benedikt beðin að velta því  fyrir sér hvað hægt væri að gera í máefnum Flugleiða. Hvort ætti að moka fé í félagið sem fyrir er með öllum sínum skuldbindingum eða byrja á nýju félagi með hreint borð? 

Svar Drífu er að ófávíkjanleg krafa ASÍ sé að allir starfsmenn verði ráðnir inn á ný með starfsaldurslista og réttindum. Hún krafðist banns við verktöku við ýmis störf í þjóðfélaginu. Þó eru mörg störf í þjóðfélaginu eins og til dæmis  ferðamennsku þannig að vandséð væri að geti verið til nema á því formi svo sem leiðsögn við breytilegar aðstæður og fleira slíkt má telja.

Í ljósi svona eintrjáningsmennsku eins og forseti ASÍ opinberarar er allt tal um nauðsyn og möguleika íslenskra flugferða út í bláinn.Ekkert verður samið nema ég ráði ein öllu eru skilaboðin.

Mér sagt að Icelandair skuldi starfsmönnum tuga flugferða alls flotans á frímiðum  og gríðarlegt magn af útistandandi vildarpunktum sem það hefur sett út í auglýsingaskyni.

Kjarasamningar þessa félags eru sagðir hafa þróast til þessarar niðurstöðu í gegnum áratugina með tilheyrandi verkfallaaðgerðum og einhliða kúgunar.  Slíkt félag með fortíðarklyfjar á erfitt með að standa í samkeppni við ný félög með hrein borð. Þau fara bara reglulega á hausinn og nýir kraftaverkamenn koma til sögunnar og segja woff og pleij.

Innan Icelandair er gríðarleg þekking og reynsla samankomin. Heil auðlind þjóðar.Það er skelfilegt ef ekki verður hægt að nýta þetta áfram innan íslensks félags. Sama hvort eru flugvirkjar, flugmenn eða flugfreyjur. Það er slæmt ef menn velja frekar ekkert flug heldur en að slaka til eins og mér skilst að flugmenn hafi gert.

Mér sýnist að eigi að endurreisa rekstur Icelandair verði að strika yfir margt úr fortíðinni sem myndi sliga reksturinn. Það verður sjálfsagt erfitt að kyngja til að byrja með en ef þetta tosast í gang þá breytist margt undraskjótt eins og við upplifðum eftir hrunið.

Miklu máli skiptir fyrir endurreisn flugsins og atvinnulífs heimsins hvernig til tekst í þróun bóluefna gegn pestum sem á okkur herja. Því eins og áður er bara eitt sem máli skiptir í lífi hvers manns: Heilsan. En svo mælti vinur minn Ingimar K.Sveinbjörnsson þegar hans heilsa hafði kvatt.

Öreindalíffræðin má því vel vera að verði sú vísindagrein sem mesta athygli muni fá á næstu árum.

En með einstefnu og verkalýðkröfuhörku fornaldar eins og fram koma hjá frú  Drífu Snædal tefjast allar ráðstafanir mun lengur en ella hefði verið.

 

 

 

Aronskan

var notuð af vinstrimönnum sem skammaryrði yfir þá stuðningsmenn varnarsamstarfsins við Vesturlönd sem hefðu aðeins gróðann að leiðarljósi.

Þetta hafði þau áhrif að margar framkvæmdir hér innanlands frestuðust um áratugi vegna upphlaupa þeirra sem kölluðu sig hernámsandstæðinga. Sem er auðvitað fáránleg nafngift hjá lýðræðisþjóð sem með löglegu hætti gerðist aðili að alþjóðlegu samstarfi

Styrmir enn fróði skrifar í dag þetta:

"Fram hefur komið að tillögum um verulegar framkvæmdir á Suðurnesjum í þágu öryggismála hafi verið hafnað í ríkisstjórn (væntanlega af VG)en að slíkar framkvæmdir hefðu getað bætt mjög úr atvinnuástandi þar.

Af þessu tilefni er ástæða til að undirstrika eitt grundvallaratriði, sem stöku sinnum hefur komið til umræðu frá lýðveldisstofnun og það er þetta:

Ísland gekk ekki í Atlantshafsbandalagið vegna hugsanlegra fjárframlaga þaðan til framkvæmda hér. Varnarsamningurinn við Bandaríkin var ekki gerður vegna þess, að hann mundi hafa í för með sér tekjuauka fyrir Ísland.

Þessar ákvarðanir voru teknar vegna þess að á víðsjárverðum tímum í alþjóðamálum skipaði Ísland sér í sveit með frjálsum þjóðum heims í baráttu gegn kúgunaröflum kommúnismans.

Það eru ekki rök fyrir framkvæmdum í þágu öryggismála á Suðurnesjum, að þær framkvæmdir skapi atvinnu og tekjur.

Slíkar ákvarðanir á einungis að taka á forsendum öryggismála.

Nú beinist athyglin á ný að Norðurslóðum. Rússar láta fyrir sér fara í okkar heimshluta og það gera Kínverjar líka í vaxandi mæli.

Þess vegna má vel vera, að umræddar framkvæmdir séu nauðsynlegar vegna öryggismála á þessu svæði.

Á þeim forsendum er sjálfsagt að ræða slíkar framkvæmdir fyrir opnum tjöldum og gera grein fyrir þeim efnislegu rökum, sem liggja þeim til grundvallar.

Slíkar umræður geta leitt í ljós, að þær séu mikilvægar á forsendum öryggismála okkar sjálfra, Íslendinga, og annarra þjóða í okkar heimshluta.

Og komi það í ljós er það mjög alvarlegt mál að þeim hafi verið hafnað. 

"Aronskan" á ekki frekar við nú en áður. 

En þau rök sem snúa að öryggismálum okkar og annarra þjóða hér á Norðurslóðum skipta öllu máli.

Um umræður og skoðanamun innan Sjálfstæðisflokksins um "Aronskuna" má lesa í bók minni Í köldu stríði - Barátta og vinátta á átakatímum, sem út kom hjá Veröld 2014, á bls 229-233"

 

Engin umræða hefur farið fram í Utanríkismálanefnd um hverjar af þessum framkvæmdum séu nauðsynlegastar fyrir framkvæmd varnarsamningsins. Hvað þá að opinberlega hafi ráðamenn útskýrt fyrir þjóðinni hvað sé hér á ferð og hver séu rökin fyrir nauðsyn framkvæmdanna.

Flestallar framkvæmdir hérlendis hafa verið framkvæmdar af Íslendingum ef slíks er kostur. Ég get ekki séð að það tengist gömlum skammaryrðum um Aronsku hið minnsta. 

Þú Katrín Jakobssdóttir

forsætisráðherra í lýðveldinu Íslandi ert löglegur félagi í varnarbandalagi Íslands og hinna frjálsu ríkjanna í Nato.

Meðan þú ert löglegur félagi í þessu bandalagi ber þér gera allt sem í þinu valdi til að greiða götu þess, hvað sem þínum prívatskoðunum líður.Íslendingar hafa undirgengist þessa kvöð á lýðræðislegan hátt.

Þú ert prívat og persónulega skuldbundin með mér og öðrum þegnum Íslands að virða þann samning sem Ísland hefur gert við hinar þjóðirnar í bandalaginu.

Þú getur ekki skemmt samstöðuna meðan við erum lögformlegir aðilar að bandalaginu,Þjóðin hefur marglýst því yfir að hún vill vera áfram í þessu bandalagi.Þú getur ekki sem forsætisráðherra í ríkisstjórn Íslands staðið fyrir skemmdarverkum í tengslum við aðildarsamning Íslands að NATÓ.Til þess verður Ísland fyrst að hafa gengið úr þessu bandalagi.

Það er alger ósvinna að leggja steina í götu bandalagsins með þessum hætti. Þetta er nauðsynleg innviðauppbygging mannvirkja fyrir starfsemi NATO.

Hvorki þú né Sjálfstæðisflokkurinn getur látið eins og ekkert sé.

Ríkisstjórninni ber skylda til að standa við samningana og leyfa þessar framkvæmdir sem NATO telur nauðsynlegar vegna skuldbindinga NATO gagnvart bandalagsþjóðunum sem hafa undirgengist að standa saman allar sem einn.Árás á eitt þeirra jafngildir árás á þau öll.Þú krefst þess væntanlega að þetta ákvæði gildi fyrir Ísland.eins og hin ríkin.Hvernig getur þú þá opinberað þá afstöðu sem þú og flokkur þinn sýnir með því að koma í veg fyrir nauðsynlegar varnarframkvæmdir bandalagsþjóðanna?.

Þú Katrín Jakobsdóttir formaður í V.G. ert fullgildur félagi í NATÓ með okkur öllum öðrum Íslendingum og þér ber að virða þá skuldbindingu þjóðarinnar án einhverra einkaskoðana á NATO.

Á þetta yfir okkur að ganga?

"Það hefði verið frábært að fá þessi störf hingað.

Við stjórnum hins vegar ekki pólitíkinni þar sem sumt er umsemjanlegt og annað ekki,“ segir Kjartan Már Kjartansson, bæjarstjóri Reykjanesbæjar, um afstöðu Vinstri-grænna til framkvæmda á vegum Atlantshafsbandalagsins á Suðurnesjum.

Eins og fram kom í Morgunblaðinu í gær komu Vinstri-græn í veg fyrir framkvæmdir upp á 12-18 milljarða á svæðinu.

Hefði tilheyrandi starfafjöldi jafnframt reynst mikil innspýting fyrir svæðið.

Að sögn Sigríðar Á. Andersen, formanns utanríkismálanefndar og þingmanns Sjálfstæðisflokks, kallar afstaða Vinstri-grænna á sérstakan rökstuðning. „Það er ábyrgðarhluti ef menn ætla að hverfa frá þjóðaröryggisstefnunni með þessum hætti og hunsa þannig mögulegar þarfir í varnarsamstarfi okkar,“ segir Sigríður, sem furðar sig á afstöðu flokksins.

„Ég er undrandi á því hvernig hægt er að leggjast gegn uppbyggingu á borð við þessa. Þetta er uppbygging borgaralegra innviða, sem varnarsamstarf byggist í síauknum mæli á,“ segir Sigríður.

Óviðeigandi að blanda inn í

„Það hefur ekki verið einhver sérstakur þrýstingur á þetta umfram annað. Afstaða okkar varðandi þessi mál er alveg skýr,“ segir Katrín Jakobsdóttir forsætisráðherra, sem kveðst mótfallin hernaðaruppbyggingu. „Mér finnst óviðeigandi að blanda aukinni hernaðaruppbyggingu inn í efnahagsaðgerðir stjórnvalda.“

Segi upp samningum Thorsil

Á fundi stjórnar Reykjaneshafnar í gær var hafnarstjóra falið að segja upp samningum sem gerðir voru árið 2014 við einkahlutafélagið Thorsil, sem hafði áform uppi um byggingu kísilverksmiðju við Helguvík. Kjartan segir að forsvarsmönnum Thorsil hafi oftsinnis verið veittur frestur á undanförnum misserum til að koma sínum málum á hreint. Ekkert hafi þó þokast áfram. Hafa megi í huga að alltaf sé áhugi á iðnaðarlóðum sem henti hafnsækinni starfsemi, þótt ekkert sé í hendi nú um slíka uppbyggingu."

Ég lenti í viðræðum við upplýsta vinstri manneskju sem sagði ekki sæma að láta vera að byggja upp hernaðarmannvirki á þessum tíma. Við Íslendingar ættum, ekki að taka þátt í slíku.

Ég benti henni að á hún sjálf prívat og persónulega  og ég værum aðilar að NATÓ og Atlantshafsbandalaginu. Þangað til að hún hefði sagt Því lögformlega upp þá yrðum við , ég og hún og Katrín Jakobsdóttir flokksformaður hennar að styðja við bandalagið með ráðum og dáð.

Það er alger ósvinna að leggja steina í götu bandalagsins með þessum hætti. Þetta er nauðsynleg innviðauppbygging mannvirkja fyrir starfsemi NATO.

Sjálfstæðisflokkurinn getur ekki látið eins og hann sjái þetta mál ekki og látið það yfir okkur ganga. 

 

Kári kjörinn !

Dr. " Kári Stef­áns­son for­stjóri Íslenskr­ar erfðagrein­ing­ar, hef­ur verið kjör­inn í banda­rísku vís­inda­aka­demí­una, Nati­onal Aca­demy of Sciences (NAS), fyrst­ur Íslend­inga en það er einn mesti heiður sem vísindamanni getur hlotnast á ferli sínum og viðurkenning á einstæðum vísindaferli.

Mannerfðafræðin getur gerbreytt skilningi okkar á sjúkdómum og enginn hefur gert meira til að stuðla að framförum þar en Kári Stefánsson, segir David Reese, varaforseti Amgen í Bandaríkjunum á sviði rannsókna og þróunar.

NAS er ein rót­grón­asta og virt­asta stofn­un banda­rísks vís­inda­sam­fé­lags, sett á fót í mars 1863 með lög­um sem Abra­ham Lincoln, þáver­andi for­seti, und­ir­ritaði.

Til­kynnt var um kjörið á fimmtu­dag í síðustu viku. Virk­ir fé­lag­ar í NAS í Banda­ríkj­un­um eru nú 2.347 og er­lend­ir sam­starfs­fé­lag­ar eru 487. 190 fé­lag­ar í aka­demí­unni hafa hlotið Nó­bels­verðlaun. Er­lendu fé­lag­arn­ir hafa ekki at­kvæðis­rétt á fund­um aka­demí­unn­ar.

Undir stjórn dr. Kára hafa vísindamenn hjá Íslenskri erfðagreiningu fundið marga bæði sjaldgæfa og algenga erfðabreytileika sem hafa áhrif á sjúkdómsáhættu. Meðal helstu uppgötvana eru erfðabreytileikar sem tengjast Alzheimer, geðklofa, ýmsum krabbameinum og hjartasjúkdómum.

Mestu munar þó um áhrif DeCODE Genetics á aðferðafræði erfðavísinda um allan heim.  Velgengni fyrirtækisins byggir á því að afla upplýsinga um ættfræði og safna saman heilbrigðisupplýsingum um einstaklinga sem eru síðan raðgreindir eða arfgerðargreindir. Þessar upplýsingar eru síðan bornar saman við einstaka sjúklingahópa í vísindarannsóknum.

Þessi aðferðafræði sætti gagnrýni í byrjun en er nú ríkjandi á helstu rannsóknarstofnunum í heiminum. “Það er auðvelt að gleyma því að þegar Kári Stefánsson stofnaði Decode Genetics, þóttu þessar hugmyndir róttækar og ólíklegar til árangurs,” segir Mark Daly, prófessor í erfðafræði við læknadeild Harvard Háskólans og bætir við að hann hafi í raun verið staddur  á eyju í tvennskonar skilningi"

Dr. Kári hefur sætt mörgum árásum á vísindasviðinu hér á Íslandi, sem ég er ekki fær um að greina eða dæma hvort máli skipta.

En það sem ég þykist sjá er að dr. Kára hefur tekist að velta mörgum steinum ofan af þekkingu sem var áður aðeins greinanleg sem galdrar og guðleg forsjá. Sem dæmi er að finna BRCA genið sem hefur varað fjölda kvenna við erfðafræðilegri áhættu á að fá brjóstakrabbamein.

 

Ég gerði nokkrar fremur máttlitlar tilraunir að lesa erfiðustu bók sem ég hef yfir komist sem er DNA eftir James D. Watson. Fyrst í gamalli útgáfu og svo í nýrri frá Amazon sem er auðveldari. Í þeirri bók ver Watson mörgum blaðsíðum í að greina frá aðferðum Kára Stefánssonar með aðdáun. Og ver líka það að hann sé ekki rasisti heldur athugandi staðreynda sem má ekki ræða. 

Bókin er stórkostleg og vel skrifuð og skemmtilega af afburðamanni. Það sem gerir hana erfiða hversu pökkuð af upplýsingum hún er. Maður má ekki helst ekki missa úr setningu til að lenda ekki í vandræðum aftar í bókinni.Og hún fer yfir svo víð svið að maður er eins  og fiskur á þurru landi að berjast við að ná sér í yfirsýnina. 

Þessi maður Watson hefur nú háaldraður verið hakkaður í spað af jafnvel gömlum vinum sínum og sviptur starfstöð fyrir að vera ófylginn við almannaslóð og vara sig ekki á pólitískum fjármagnstekjutengdum glerbrotum í vísindaheimi sem hann heldur sanngjarnan í barnshjarta sínu.

En slíku hjartalagi virðist hann deila með Birni Gunnlaugssyni okkar, sem var nefndur "spekingurinn með barnshjartað" líklega vegna takmarkaðs áhuga landbúnaði og fiskveiða tækni þeira tíma sem var skelfileg.

Watson ver síðustu köflum í nýjustu útgáfunni af bók sinni um orð Páls Postula um kærleikann. Hann gerir þessi sjónarmið að sínum án þess að trúa á Guð eins og Björn virðist gera til að skilja lífið.

Þessi bók Watsons og öll erfðagreining heimsins skilur samt eitt eftir fyrir mér sem óleysta ráðgátu:

Hver munurinn á eiginleikum raðarinnar á grunnpróteinunum Adnín, Thýnmin osfrv.í hinum tvöfalda spíral litnings mannsins, þar sem paraður tvöfaldur litningurinn, gerður af einum slíkum frá hverju foreldrinu stjórna öllu lífi einstaklingsins uppfrá þessu? (sjá ljósmynd Rosalindar  Franklins af litningi einnar frumu af trilljónum slíkra alls í líkama vaxins manns, fyrir og eftir andlát viðkomandi?.

Hver er munur á lambinu fyrir og eftir banaklefann?  En ljósmynd Franklinar  var fyrsta sönnunin á tilgátu Watsons og Cricks um tvöfalda Helix-gerð litningsins.

Við virðum fyrir okkur nýborið barn í Afganistan. Þeta barn ætlar Múslíminn dulklæddi nú að fara að drepa, einhverjum löngu dauðum spekingi til dýrðar. Þetta ætlar hann að gera á fæðingardeildinni í Kabúl.

Hver er líffræðilegi munurinn á litningnum í þessu lifandi barni  þessar síðustu sekúndur þess í þessum illa táradal og litningnum í nýdrepna barninu skömmu síðar? 

Líklega er erfitt að greina neinn mun með bestu rafeindasmásjá og annarri tækni heimsins að svo komnu máli,

Hversvegna myndi allt mannkynið ekki geta blásið lífi aftur í húsfluguna sem ég drap nýverið í því skyni að firra mig óþægindum en ekki í minningu neins spámanns sem ég dýrka? Hún var aðeins hvimleið sem ég flokkaði þannig til  óvina minna? Enda er hún víst óvinur þegar hún ferðast um því hún flytur örverur með sér ómeðvitað og einn þeirra gæti alveg eins verið SARS-2 sem laumufarþegi?

Hefði ég ekki þurft frekar að sjá til þess að hún vaknaði aldrei til þessa lífs í aðstæðum þeim sem ég hafði henni til búið í skúmaskotum sóðaskapar míns sem gerðu henni kleyft að kvikna? Ég geti bara sjálfum mér um kennt?

Var hún kannski bara grannt skoðað hælisleitandi á mínum fjörum?  Móðirin vildi tryggja afkomandanun betra líf en hún sjálf átti með því að færa mér hana? Sá að hún gæti virkjað mig til að hjálpa sér þó ég vildi það alls ekki?

Gaukurinn verpir jú í annarra hreiður. Fór ekki húsflugan eins að og SARS-COV-2  sem þáði einhverskonar tilveru sína og sigurför  þegar við réttum honum aðstæðurnar í á blautmarkaðnum í WUHAN? Markaðurinn þar hefur opnað aftur og er tekinn til við fyrri framleiðslu slíkum vírusum sem geta lagt mannkynið að velli.

En bót í máli er að nú  berast bara engar ljósmyndir þaðan framar að boði "réttra yfirvalda" í vinabæ Kópavogs WUHAN þannig að það sem við ekki sjáum skaðar okkur ekki. 

Vísindin sýna okkur frá Birni Gunnlaugssyni til dr. Watsons og dr.Kára og mannkynsins hvers vegna " Lífið öllu langt af ber..."  Hvernig ekkert getur komið lífi til  baka inn í "frumuklasa(eins og sumir kalla fóstur á 26 viku meðgöngu)  aem hefur "fjarlægður við þungunarrof" niður á Fæðingardeild? 

Hversvegna er svona miklu af hugviti mannsins varið til hins illa og eyðileggingar lífsneistans? Dr. Kári ætlar að fjalla um slík mál á ráðstefnu sem hann ætlar að blása til á sumrinu.

Allir vísindamenn mannskynsins fylla okkur stolti yfir því hvað maðurinn, þetta örlitla kvikindi í alheimi hefur þó náð langt. Hann ljósmyndar óravíddir himingeimsins og veit ótalmargt um gang hans. En ekki endilega uppruna hans. Samt margt um örlög hans, veit um líftíma sólarinnar og þar með möguleika sjálfs síns að komast af þegar útþensla sólarinnar glypir j-jörðina.

Meirihluti fólks eru samt bara fífl eins og einn Tómas okkar greindi. Einstein hefur ekki fæðst í mörgum eintökum og við höfum ekki komist að því hversvegna hann var svona frábrugðinn okkur meðalskussunum, og fleiri honum líkir. Heilinn úr hæonum er í stöðugri rannsókn án nokkurirra niðurstöðu.

Við hinir smíðuðum tunglför og Marsför, Hubble sjónauka og Voyager förin sem sigla um hin rámu regindjúp himingeimsins sem þessir eldstólpar mannvits vörðuðu. Einhverjir þurfa að halda á hömrunum meðan hinir hugsa. 

Við megum samt í heildina vera nokkuð stolt af litningunum sem við höfum og hvað þeir hafa í raun komið okkur áleiðis. En morðinginn á spítalanum í Kabúl og Múhameð er ekki það sem mannkynið vantar. Og gleymum ekki að Einstein sá sig tilneyddan að hvetja Roosewelt í frægu bréfi til að búa til bombuna góðu til að enda stríðið. 

Er náttúran hugsanlega að komast að þeirri niðurstöðu að við mannkynið  séum ekki fær um að vera í sambýli við hana?  Hún þoli okkur ekki lengur?

Þess vegna blossi nú breyttir vírusar upp i nýrri mynd þegar við héldum að við hefðum spjót eitt af skafti höggvið? Við menn séum orðnir sú plága á jörðinni að henni þyki nóg  komið og bylti sér?

Um margt held ég að nóg sé komið að mannkyni. Náttúran vilji ekki fleira af tegundinni og okkur verði betra af að stöðva fjölgunina.

Endimörk vaxtar séu í nánd eða komin. 

Mér fannst Hákon föðurbróðir minn (skógræktarstjóri) Bjarnason stundum tala um "náttúruna" sem einhverskonar æðri mátt sem myndi við öllu sjá gerði maður á hlut hennar. Hann lét mig lesa bók Rachelar Carsons um Raddir Vorsins þegar hún kom út því hann vildi ekki að ég ælist upp sem alger tækniþursi.

En gaf mér líka tæknibækur. Mathematicks för Millioner eftir Högben, Teknikens Vidundre, Heimur á Heljarþröm eftir sig og Kjarnorka á Komandi tímum sem afi þýddi.

Og margt gómsætt gotteríið koma frá honum onkel Hákoni til mín í löngum samvistum sem ég launaði helst með píanógargi á efri hæðinni þegar hann leitaði sér smáhvíldar beint neðanundir 12 cm. steypuplötu eins og þá tíðkuðust í Norðurmýrarhúsunum.  En ég átti það líka til að fara út í garð með honum að ýta sláttuvélinni á meðan hann las inn á mig ýmislegt sem ég gleymi aldrei né honum sjálfum. Hann var svo stórkostlegur maður.

Svipuð hugsun  fannst mér stundum vera hjá Hákoni um náttúruna og Guðmundur Böðvarsson lýsir í Völuvísu sinni um afleiðingar svikanna við sína huldumey. Stundum efast ég um þennan ótakmarkaða hagvöxt og sjálfa  teknokratíuna sem maður lifir með.

Hákon var hinsvegar ekki biflíumaður mikill sem fleiri hans frændur. Hann var líffræðingur sem var síleitandi að nýjum sannindum. 

Sama þó hið andlega ofurmenni sem mér fannst vera, móðir hans Sigríður Jónsdóttir Ólafssonar ritstjóra, tryði á annað líf og þyrði að segja það.

Sem eftir áratuga líkamlegar þjáningar sínar sagðist alveg treysta Drottni til að koma sér til himnaríkis án þess að góðhjartaður prestur sem til þess bauðst færi að rella í honum sín vegna. 

Hún skaut á mig orðum einu sinni á miðilsfundi hjá Hafsteini miðli sem Guðmundur vinur Einarsson verkfræðingur kom mér með Verkfræðingafélaginu á. Þau voru til þess sniðin að sannfæra mig um framhaldslífið.  En ég er víst ekki sá greindasti yfirleitt en hef oft hitt mér fremra fólk sem ég reyni að hugsa um.

Við Íslendingar megum vera þakklátir fyrir allt það sem hann Kári klári er búinn að vinna og gefa í okkar þágu eins og Íslendingabók sem allir sannir Skagfirðingar þekkja sem yndislegu ættina sína hvað sem kvensemi, hestaviti, sönglist og landabruggi þar í sveit líður. 

Dr. Kári Stefánsson er sannarlega vísindamáður á borð við þá bestu sem við Íslendingar eigum að vera virkilega stoltir af við þetta tækifæri.

Til hamingju Kári með kjörið.

Er eitthvað sem Google veit ekki?

Brá í brún þegar Google birti þetta við snuður mitt:(Vona bara að Trump sjái þetta ekki og heimti eitthvað af mér!)

)

 

Er þeim ekkert heilagt? 

Fróðlegt að sjá hvaða áhrif þetta getur haft á Moggabloggið? Vonandi springur það ekki.

 

 

 

 

 

 

Ég man alltaf þegar Davíð Oddsson lét í ljósi í hruninu að sú frægð sem Google þekkti ekki gæti verið vafasöm.

Þingskrípi

er gamli kommaflokkurinn V.G. 

Þeir koma því til leiðar að Utanríkismálanefnd stöðvar tugmilljarða framkvæmdir NATO í Keflavík. En þar er nú þriðji hver maður atvinnulaus.

Utanríkismálanefnd er þannig skipuð:

• Sigríður Á. Andersen formaður, Sjálfstæðisflokkur
• Rósa Björk Brynjólfsdóttir 1. vara­formaður, Vinstrihreyfingin - grænt framboð
• Logi Einarsson 2. vara­formaður, Samfylkingin
• Ari Trausti Guðmundsson, Vinstrihreyfingin - grænt framboð
• Bryndís Haraldsdóttir, Sjálfstæðisflokkur
• Gunnar Bragi Sveinsson, Miðflokkurinn
• Silja Dögg Gunnarsdóttir, Framsóknarflokkur
• Smári McCarthy, Píratar
• Þorgerður K. Gunnarsdóttir, Viðreisn

Áheyrnarfulltrúi

• Inga Sæland, Flokkur fólksins

Varamenn

• Birgir Ármannsson, Sjálfstæðisflokkur
• Bjarkey Olsen Gunnarsdóttir, Vinstrihreyfingin - grænt framboð
• Jón Þór Ólafsson, Píratar
• Jón Steindór Valdimarsson, Viðreisn
• Kolbeinn Óttarsson Proppé, Vinstrihreyfingin - grænt framboð
• Líneik Anna Sævarsdóttir, Framsóknarflokkur
• Oddný G. Harðardóttir, Samfylkingin
• Páll Magnússon, Sjálfstæðisflokkur
• Sigmundur Davíð Gunnlaugsson, Miðflokkurinn 
• Æt

Ætlar Katrín Jakobsdóttir að kynna þetta sjónarmið fyrir þjóðinni hversvegna VG kemur í veg fyrir að ráðist sé gegn atvinnuleysinu á Suðurnesjum  með þessum hætti?

Ekki er vafi á því að V.G. hótar stjórnarslitum ella ef samstarfsflokkarnir kyngja ekki þessum bita. Það er líka vitað með nokkurri vissu að Andrés, Kolbeinn Proppé, Ari Trausti og Rósa Björk eru tilbúin að sprengja stjórnina vegna gömlu kommasannfæringarinnar að Ísland eigi ekki að vera í NATO og her  skuli ekki vera í Landinu né hafa þar aðstöðu. 

Hver skyldi afstaða Ingu Sæland vera til áframhaldandi fátæktar á Suðurnesjum? Megum við fá hennar svar við þessu?

Þó að vitað sé nokkuð vel að Píratar hafa yfirleitt enga skoðun í flestum málum skaðar þó ekki að LeistaBjörn-Leví setji fram einhverjar fyrirspurnir í þessu máli? Þó erfitt sé oft að skilja hvað Smári McCarthy er að meina þegar hann segir eitthvað, þá mætti gera tilraun að spyrja hann?

Skyldu þeir Grjóni og Gunnar Egilssynir ekki skrifa eitthvað fallegt á Miðjuna um Bjarna Benediktsson og Sjálfstæðisflokkinn fyrir að láta þetta yfir Sjálfstæðisflokkinn ganga fram svona við þessar aðstæður í atvinnumálum á Suðurnesjum?  Að maður tali ekki um Miðflokkinn og Sigmund Davíð.

Þetta sitjandi Alþingi er skrípi ef það tekur þetta mál ekki til umræðu sem gæti jafnvel hafist á fyrirspurn frá Birni Leví?