Hver blæs mest?

út af CO2-fíkninefninu þeirra  Katrínar Jakobsdóttur og Grétu Thunberg? Flugið á ráðstefnurnar eða sunnudagsbíltúrinn á fjölskyldubílnum?

Boeing 757 brennir nálægt 5000 pundum á klukkustund. Hún er kannski með 150 farþega. 40 pund á farþega á klukkustund. 100 pund af CO2 á Katrínu eina á klukkustund. Bíll brennir kannski 4 pundum á klukkustund.(https://www.quora.com/How-much-fuel-does-a-Boeing-757-use-per-hour)

Miklu fleiri bílar eru ekki í akstri heldur en flugvélar í flugi af líftíma sínum.  Kæmi mér ekki á óvart að bílarnir eyði helmingi minna en flugvélarnar.

Það styður þetta að innflutningur á þotuflugeldsneyti til Íslands eru einhver 800.000 tonn meðan bíla-og bátaeldsneyti eru einhver 400.000 tonn. Þannig held ég að flugið blási minnst helmingi meira út en allir bílarnir gera.

Það liggur ekkert á að rafvæða bílaflotann. Jarðefnaeldsneyti er orkulind mannkyns og verður lengi enn. Kolefniskjaftæðið er líka bull frá upphafi til enda enda er CO2 byggingarefni lífsins á jörðinni og fæða gróðursins. Án þess deyjum við út.

Kjarnorkan er það sem koma skal sem orkugjafi mannkynsins þegar jarðefnaeldsneytinu sleppir.

 

Af hverju þjóðarsjóð?

fyrir okkur að borga í núna og um ókomin ár?

Allt fyrir það að við göngum í ESB eftir ókomin ár og Sambandið tekur við fiskimiðunum með þeim afleiðingum að tekjur 500.000 Íslendinga hrynja árið 2050 eftir til dæmis ofveiðar Spánverja?

Af hverju eigum við að neita okkur um innviðauppbyggingu til næstu ára til að borga fyrir stjórnmálaaðgerðir Samfylkingar og Viðreisnar eftir ókomin ár? Hvaða þátt átti ég í þeim sem fæ saklaus bara að borga en ekki njóta neinna bjargráða af skiljanlegum ástæðum?

Vegna þessarar rökvillu gengur þjóðarsjóðurinn ekki upp fyrir mér.

Hvar er Gústaf Adolf Skúlason?

Ég finn ekki bloggið hans í dag.

Er búið að loka á hann?

Valdimar varar við

hamförum í náttúrunni á Íslandi. Hann vísar til atburða sem gerðust á landinu á sögulegum tíma í grein sem hann skrifar í Morgunblaðið í dag.

Valdimar segir:

Ásetningur er eflaust góður hjá langflestum sem láta að sér kveða í baráttunni gegn ætlaðri hnattrænni hlýnun af mannavöldum. Hann kann samt að varða veginn til glötunar.

Ógæfulegt er að hlusta ekki á marga meðal fremstu vísindamanna heimsins sem hafna því alfarið að nokkur loftslagsvá sé í gangi eða í vændum. Meira en 500 slíkir víða um lönd sendu aðalritara SÞ bréf þess efnis 23. september sl.

Á sama tíma einblíndu nær allir fjölmiðlar heimsins á 16 ára sænskt stúlkubarn sem fékk enn og aftur áheyrn frammi fyrir öllum heiminum til að flytja sefasjúka heimsendaspá, sem enginn fótur er fyrir.

Heimspressan flytur ekki fréttir af málflutningi vísindamannanna nema í skötulíki heldur dynur áróður um hamfarahlýnun í síbylju á almenningi eins og endanlegur sannleikur.

Sefjunin er komin á slíkt stig að forsætisráðherra þjóðarinnar hvæsir á varaforseta Bandaríkjanna þegar hann bryddar upp á málum sem hann telur varða sameiginlega hagsmuni, að þeir skiptu engu máli, heldur sé stóri vandinn bráðnum jökla heimskautsins, og gefur til kynna að hans eigin stjórnvöld séu hluti vandans!

Vísindamennirnir vara eindregið við skaðlegum og óraunhæfum ásetningi um CO2-hlutlausan heim árið 2050. Þeir neita því að CO2 sé mengunarefni heldur nauðsyn öllu lífi á jörðinni. Ljóstillífun sé blessun og aukið CO2 náttúrunni gagnlegt. Þeir segja veðurfarsmódelin stórgölluð og nálgist ekki að vera nothæf sem stjórntæki. Þeir benda á að Litlu ísöld hafi lokið um miðja 19. öld og því sé tímabil hlýnunar eðlilegt. Hlýnun sé þó meira hægfara en hafi verið spáð.

Engar tölulegar upplýsingar styðja að hlýnun jarðar valdi auknum fellibyljum, flóðum og þurrkum, hvorki að fjölda né styrkleika, en fréttir í þá veru dynja í sífellu á almenningi. Minnkun á losun CO2 er hins vegar jafn skaðleg og hún er kostnaðarsöm.

Smá dæmi: Vindmyllur drepa fugla og skordýr. Pálmolíuekrur skaða fjölbreytileika regnskógarins. Alþjóðastjórnmálin eiga ekki að hindra að næg, örugg og ódýr orka sé fyrir hendi um heim allan. Sérstakur kafli er svo hvernig við erum að fara með börnin okkar með því að innræta þeim hræðslu og kvíða fyrir framtíðinni. Þeim er það ekki hollt veganesti.

Krampakennd miðstýrð þróun í samgöngumálum með miklum fjárútlátum við innviðabyggingu og innleiðingu rafmagnsbíla með mismunun miðað við aðra bíla í stað þess að leyfa eðlilega samkeppni um bestu lausnir er ógæfuleg.

Enginn neitar því að mengun er til skaða. Rétt væri að skoða nánar mengun af NOX, SOX og sóti frá dísilbílum, mengun vegna framleiðslu og eyðingar rafhlaðna hjá rafbílum og aukna svifryksmengun frá þeim vegna 60% meiri þyngdar en annarra sambærilegra bifreiða.

Eðlileg samkeppni á jafnræðisgrundvelli um bestu lausnir stýrir best þróun samgangna en ekki alræðiskennd miðstýring. Eyðilegging á fyrri fjárfestingum í framræstu mýrlendi eða dæling koltvísýrings niður í berglög til að binda CO2, sem er hrein firra og jafnvel til skaða ef þessir 500 vísindamenn hafa lög að mæla.

Íslensk stjórnmál ættu að horfa til íslenskra hagsmuna og þeirrar vár, sem er raunveruleg. Ísland er eitt eldfjallavirkasta land heimsins.

Rúmlega tvær aldir eru liðnar frá síðasta hamfaragosi, Skaftáreldum, sem lagði fimmta hluta þjóðarinnar í gröfina.

Mannskæðast var sprengigos í Öræfajökli á 1362 sem eyddi heilu héraði, fólki, fénaði og bæjum, en gosið í Eldgjá árið 934 var mesta gosið frá landnámi.

Spurningin er ekki hvort heldur hvenær og hvar næsta stórgos verður. Hvernig er Ísland búið undir næsta hamfaragos?

Kannski verður ekkert flug mögulegt í marga mánuði eins og hefði verið í Skaftáreldum. Vonlaust að fá skip vegna þess að aðrar þjóðir væru einnig í vanda vegna hamfaranna. Hvað með matvæli, eldsneyti, lyf, gjöreyddar byggðir, aðhlynningu þúsunda með alvarleg lungnavandamál vegna brennisteinsmengunar, fjölda látinna, hrun í landbúnaði, almennt efnahagshrun sem gerði hrunárin fyrir áratug að gósentíð í samanburðinum? Og kannski engrar hjálpar að vænta að utan því aðrir væru ekki aflögufærir.

Eða raunverulega ísöld um heim allan með þriggja kílómetra þykkum jökli yfir öllu landinu?

Þetta síðasttalda er næsta víst. Ekki hamfarahlýnun.

Hér er strengur á fréttatilkynningu vegna bréfs 500-menninganna: Meira: https://clintel.nl/wp-content/ uploads/2019/09/ED-brochureversieNWA4.pdf"

Þarna er skrifað af þekkingu og raunsæi um hvað getur dunið yfir í náttúru Íslands og annarra landa. Þessi skrif Valdimars Jóhannessonar eru þarft innlegg í þá vitstola  umræðu sem fram fer á öllum rásum um hluti sem fólk gleymir að skoða á rökrænan hátt.

Er Viðreisn valkostur

í stjórnmálum?

Enginn þarf að velkjast í vafa um það að Viðreisn er eins máls flokkur, algerlega hliðstæður við Samfylkinguna,  eftir að hafa lesið eftirfarandi grein Benedikts Guðföðurs í Morgunblaðinu í dag:

" Sjálfstæðisflokkurinn náði lágpunkti árið 2013 þegar landsfundur samþykkti ályktun um að Evrópusambandinu yrði gert að loka upplýsingaskrifstofu sinni hér á landi.

Aldrei áður hafði flokkurinn snúist gegn því að almenningur fengi greiðan aðgang að upplýsingum, enda var tjáningar- og skoðanafrelsi lengi vel samofið stefnu flokksins. Nú skyldi þekkingu, frjálslyndi og umburðarlyndi úthýst.

Dæmin frá Bretlandi og Bandaríkjunum sýna hve hættulegt það er þegar vanþekkingin tekur völdin og herjar á frelsið.

Skýrsla starfshóps utanríkisráðherra um EES-samninginn upplýsir hve mikilvæg aukaaðild Íslands að Evrópusambandinu hefur verið okkur undanfarinn aldarfjórðung. Þar kemur fram að með samningunum opnaðist frelsinu ný braut hér á landi. Breytingarnar hafa verið svo róttækar að vandséð er að það þjóni „nokkrum tilgangi að hverfa til veraldar sem var þegar breytingar eru jafnróttækar og hér er lýst“. Greinileg pilla til andstæðinga samstarfsins innan ríkisstjórnarflokkanna og í Miðflokknum.

Markmið hópsins var að draga fram staðreyndir og láta lesendur sjálfa gera upp hug sinn.

Rökrétt niðurstaða af lestri skýrslunnar er að líta á þann hag sem þjóðin hefur haft af aukaaðildinni og semja svo um fulla Evrópuaðild á jafnréttisgrunni.

Nýlegar deilur um orkupakkann svonefnda sýna hve mikilvægt er að vel upplýstir Íslendingar sitji við borðið þar sem ákvarðanirnar eru teknar en þiggi ekki bara brauðmola sem af því hrynja.

Flokkur forsætisráðherra gekk til skamms tíma lengst íslenskra flokka í andstöðunni við þátttöku Íslands í alþjóðasamstarfi.

Því ber að fagna þegar ráðherrann lýsir nú ánægju með aukaaðildina að Evrópusambandinu sem hafi stuðlað að „velmegun, nýsköpun, samkeppnishæfni og almennri velsæld og gegni lykilhlutverki við að framfylgja ströngum kröfum í félagsmálum, neytendamálum og umhverfismálum“. Allt satt og rétt.

Í skýrslunni kemur fram að „stæðu Íslendingar utan lagasamstarfsins á EES-vettvangi og ætluðu að starfa í krafti heimasmíðaðra reglna yrði mikil hætta á einangrun, stöðnun og afturför í þjóðlífinu öllu. Á það einkum við á sviði efnahags- og atvinnulífs og þeim sviðum þar sem tæknivæðing hefur haft hvað mest áhrif“.

Þetta kallast á við orð Bjarna Benediktssonar eldri árið 1969: „Ef menn vilja einangrun, þá verða þeir að taka afleiðingum hennar og reyna þá hvorki gagnvart sjálfum sér né öðrum að hræsna með því, að þeir séu hinir mestu framfaramenn. Þeir eru þvert á móti menn afturhalds og úrtölu.“

Innan EES njóta Íslendingar hvorki aðildar að tollabandalagi og myntsamstarfi, né þátttöku í landbúnaðar-, byggða- og sjávarútvegsmálum.

Með fullri Evrópuaðild myndi landið eflast á þessum sviðum og frelsi aukast. Göngum því alla leið, þjóðinni til heilla."

Það er lítt skiljanlegt þegar Viðreisn heldur því fram að  víðsýni sé fólgin í því að gera náið stjórnunar og  tollabandalag við 27 þjóðir af 195 þjóðum sem standa fyrir utan þetta bandalag.

Er þetta í átt að viðskiptafrelsi og fullveldi þjóðar í heimsviðskiptum. Eða er þetta þröngsýni og vanmetakennd? Er þetta blinda á eðli ESB sem á í  öllum þessum vandræðum? Ætlar að stofna her með þátttöku allra aðildarríkjanna?

Er Viðreisn valkostur í stjórnmálum fyrir frjálshuga fólk eða fremur fyrir einangrunarhyggju og "menn afturhalds og úrtölu".

Stjórnarskrármálið

gýs upp hjá vinstra liðinu með nokkuð reglubundnum hætti.

Þegar ég las eftirsjá Guðmundar Steingrímssonar í Fréttablaðinu og horfði á myndina af Þorvaldi Gylfasyni í Salsa dansinum um í tilefni stjórnarskráruppkasts hans þá anda ég feginsamlega yfir því að þjóðin skuli hafa frelsast frá bullinu sem þessir menn sendu frá sér á þessum tíma. Langhund þar sem eitt og annað rak sig á annars horn og gæti síst af öllu verið grunnur að þjóðarsátt.

Engum meðalsnotrum mönnum gæti dottið í huga að það eigi að semja stjórnarskrá með þeim hætti að smala saman allskyns liði af götunni og fara að semja ritgerð í gagnfræðaskólastíl. Halda það að slík moðsuða  geti orðið grundvöllur þess að leysa af hólmi hina  þróuðu stjórnarskrá frá 1944 sem þjóðin samþykkti nær samhljóða. 

Ég er þakklátur fyrir að hafa sloppið frá þeim vinstri  bullukollum sem skiluðu þessu úrelta plaggi af sér fyrir sjö árum. Vonandi fer skrifum þessa skúffaða fólks yfir afdrifunum að linna, svo leiðigjarnar endurteknar staðreyndafalsanir þeirra um þjóðaratkvæðagreiðsluna eru.

Könnun meðal þjóðarinnar sýnir glöggt að fólk er ekki andvaka yfir stjórnarskrármálinu eins og þetta andsetta vinstra fólk sem Þorvaldur og Guðmundur eru bestu dæmin um.

Því sem áfátt kanna að vera í okkar stjórnarskrá mætti sjálfsagt breyta í  víðtæku samstarfi meðal þjóðarinnar en ekki bara eftir pípum Samfylkingarinnar og VG. En stjórnarskrá er eitthvað sem virðist ekki vera í forgangi í hugum fólks og því verður sjálfsagt langt í að eitthvað verði gert. Sem betur fer líklega.

Alla vega gæti ég trúað að takmörkuð eftirspurn sé  eftir leiðsögn vinstri spekinga á borð við þá Þorvald og Guðmund  í þessu stjórnarskrármáli þegar óleyst framfaramál bíða hvert sem augað eygir. 

Bílagreyin

eru ekki þeir sem spýja mest út af því sem vísindamennirnir Katrín Jakobsdóttir og Gréta Thunberg óttast mest: CO2

Hér eru gamlar tölur um bílana:

 Allt bílaeldsneytið eru kannski 400.000.000  lítrar á ári og verða að 920.000 tonnum af CO2 sem er ca.15 % af heildalosun Íslendinga fyrir utan Kötlu.En hún er 20 tonn á hvern Íslending plús 10 % persónulega á Katrínu Jakobsdóttur fyrir hverja flugferð hennar á loftslagsráðstefnu.

En öll losun Íslendinga með öllu sínu brölti yfir árið er sama magn og stígur upp úr Kötlu. Og þá eru til dæmis Holuhraunið, Askja, Eyjafjallajökull,Hekla  og Mið Atlantshafshryggurinn eftir.20 tonn x 365.000 Íslendingar eða 7.300.000  tonn eða 0.0073 Gigatonn af heimslosuninni sem er talin 37 Gigatonn. Og Kínverjar gangsetja eitt kolakynt raforkuver á viku sem hvert um sig blæs kannski út álíka miklu CO2 og allir Íslendingar.

Það er óþarfir að leggja bílagrey landsmanna í einelti eins og þeir Hjálmar og Dagur gera í Reykjavík, það eru nefnilega ekki allar syndir Guði að kenna.

 

Burt með Ballarine

og nýtt lággjaldaflugfélag á Íslandi. Það er bara ávísun á vandræði, nýja skuldasöfnun hjá Íslendingum, svik og pretti í gömlum stíl.

Vonum að hægt verði að halda lífi í Icelandair sem er hreint ekki víst. Okkur vantar frekar að eiga eitt vesælt flugfélag en tvö gjaldþrota og gamlar ríkisreddingar  í Flugleiðastíl.

Burt með Ballarine, Roosewelt eða hvað þessi vopnabraskari heitir annars.

Stjórnarskrárumræðan

er úti á túni.

Furðulegar skoðanir eru á sveimi sem halda því fram að eitthvað handahófslið utan úr bæ, kommatittir, sérvitringar, atvinnulygarar og auðtrúa sakleysingjar geti komið saman og soðið upp stjórnarskrá fyrir heila þjóð eins og svona lið gerði á einhverju samsærisþingi sem síðan var dæmt ógilt og ómerkt af Hæstarétti og allt sem því fylgdi.LSG!

Þorvaldur Gylfason er einn af þeim sem eru óþreytandi að halda áfram lygum og rangfærslum um allt þetta mál og afdrif þess. Flestir sem höfðu fyrir því að lesa uppkastið á sínum tíma geta orðið sammála því að það henti engan vegin sem stjórnarskrá svo gallað sem það er. 

Stjórnarskrár eru yfirleitt þróaður texti sem byggir á langri reynslu í mörgum löndum eins og núverandi stjórnarskrá Íslands er. Stjórnarskrá Bandaríkjanna er stuttorð og þess vegna skýr.Stjórnarskrá Bretlands er óskrifuð.

Adolf Hitler notaði stjórnarskrá Þýzkalands til að taka sér alræðisvald löglega. Það eitt ætti að sýna mönnum að Stjórnarskrá er einskis virði ef stjórnmálaskúmar kjósa að fara á svig við hana. Þetta gera Íslendingar sér ljóst og eru þess vegna alveg þokkalega ánægðir með núverandi stjórnarskrá.

Hún brýtur auðvitað sjálfa sig með því að mismuna fólki í atkvæðisrétti eftir búsetu en ekki höfðatölu.

Sjónarmiðin um að ekki megi skilja landssvæði útundan ef atkvæðisréttur fari eftir höfðatölu er lýst í Bandaríkjunum með því að skipta þinginu í Öldungadeild og Fulltrúadeild. Hugsanlega næst meiri friður með svona fyrirkomulagi heldur en sitji þingið í einni deild.

En þetta er tómt mál að tala um svo að það mun  líklega damla svona áfram ár eftir ár án þess að nokkuð gerist í þessu eilífa  stjórnarkrármáli. Enda miklu betra heldur en að Þorvaldur Gylfason og álíka fólk fari að koma að því að setja fólki einhverja stjórnarskrá sem það almennt vill ekki sjá.

Svo við skulum hætta þessari sífelldu umræðu um þessa stjórnarskrá´þar sem hún dugar okkur alveg eins og hún er.

Ulfur,Úlfur!

https://www.klimarealistene.com/wp-content/uploads/2019/10/WCD-16-10-9lr.pdf?fbclid=IwAR3ZuUJ3pJ3ymKDdLH0h2grcrGR6o9Ib59CBMGThGmjRNHIcWlnwufvbtgY

700 vísindamenn segja að engin hamfarahlýnun eigi sér stað.

Af hverju á ég að trúa vísindum Katrínar Jakobsdóttur og Gretu Thunberg frekar en þessu mönnum?

Hvort vill fólk trúa frekar.? Vísindalegum athugunum eða fólki sem æpir Úlfur,Úlfur!, jörðin er að farast!

Jörðin er ekki að farast þó að Landsfundur VG láti að því liggja og að Umhverfisráðherrann sem enginn kaus til þessa ætli að fara á þing til að geta betur mokað ofan í Flóaáveituna til að minnka útstreymi CO2.

Þau á Landsfundi VG  slepptu að ræða hvernig þau ætla að stöðva 20 þúsund tonnin af CO2 sem streyma frá Kötlu á hverjum  sólarhring eða 2 tonnin af CO2 sem þau blása út hvert um sig í hverri flugferð á loftslagsráðstefnurnar sem þykir svo gaman að sækja á kostnað skattborgaranna.

Hvort trúir þú betur Robert Lintzen eða Grétu Thunberg sem æpir bara Úlfur,Úlfur!  

 

Eiga bændur að borga?

 

Kolefnisskatta Katrínar Jakobs fyrir CO2 sem streymir upp úr eldfjöllum á þeirra landi eða afrétti, á landi.

Eða útgerðarmenn og kvótaeigendur fyrir það sem út streymir í þeirra einkaafrétti neðansjávar?

Svipað og eiga vatnsréttindi, námur  og  laxveiði, kvóta og aðrar náttúruauðlindir á bújörðum? 

Eiga eigendur að bera ábyrgð á því sem fram fer á landi þeirra

Ein helsta niðurstaða greinarinnar er að útstreymi CO2 frá Kötlu geti verið á stærðarbilinu 10-20 þúsund tonn á dag.

Þetta eru stórar tölur og setja Kötlu í flokk með þeim eldfjöllum í heiminum þar sem útstreymi CO2 er mest. Talið er að frá Kötlu streymi þannig um 4 % af því sem frá eldfjöllum jarðar streymir..

 

Hvað halda menn að streymi upp úr á öllum Mið-Atlantzhafshryggnum sem er þúsunda kílómetra löng gossprunga sem blandast sjónum?.

Hafið er basískt með sýrustig eða pH um það bil 8,3 og getur ekki súrnað eins og "vísindamenn" eins og Gréta Thunberg og hennar kostunaraðilar eru sammála um að halda fram. Vökvi verður ekki súr fyrr en sýrustigið eða pH er komið niður fyrir 7,0 og auk þess er hafið er öflugur efnafræðilegur buffer, sem þýðir að sýrustig þess helst mjög stöðugt þrátt fyrir áreiti. CO2 á jörðinni hringrásar upp og niður eins og dr. Lintzen lýsir.

 

" Jarðvísindastofnun Háskólans

20. september 2018· 

.

Um Kötlu og útsteymi CO2 skrifar Magnús Tumi Guðmundsson prófessor:

 

Nýleg grein Evgeniu Ilyinskayu og samstarfsfólks í tímaritinu Geophysical Research Letters um útstreymi koldíoxíðs (CO2) frá Kötlu hefur vakið verðskuldaða athygli enda um að ræða mjög áhugaverðar nýjar niðurstöður (https://agupubs.onlinelibrary.wiley.com/…/10.1…/2018GL079096). Ein helsta niðurstaða greinarinnar er að útstreymi CO2 frá Kötlu geti verið á stærðarbilinu 10-20 þúsund tonn á dag. Þetta eru stórar tölur og setja Kötlu í flokk með þeim eldfjöllum í heiminum þar sem útstreymi CO2 er mest…“

 

katla í hvíld blæs út jafnmikið á ári og allir íslendingar eða 20.000tonnx365=7.3megatonn

 

Það er líklegt að bara Katla í hvíld blási út 7.8 Megatonnum af CO2 á ári eða 0.0078 Gigatonnum.Með öðrum eldfjöllum jarðar eru þetta 0.2Gt Það mun svo margfaldast ef þau fara að gjósa.  Hvað kom mikið upp af CO2 í gosinu í Holuhrauni eða Eyjafjallajökli?

Öll losun Íslands af mannavöldum er talin um  0.005%  af þeim 37 Gt.  sem heimsbyggðin er sögð losa af mannavöldum, hvort sem það er rétt eða ekki.

Þar af Bandaríkin ein tæp 7 Gigatonn. Kínverjar enn meira.

Íslendingar losa 20 tonn af CO2 á hvern íbúa. Hver jarðarbúi, allt frá ungabörnum til öldunga, losar þá að meðaltali 37 gigatonn=37x10exp9/7x10exp9 = 5 tonn af CO2.

Við blásum þannig ferfalt út miðað við hvern haus. Bandaríkjamenn losa svipað mikið og við á haus en Kínverjar meira.

 

Íslendingar eru 0.0002 hluti mannkyns.Stoðar eitthvað að við séum að pína okkur þegar aðrar þjóðir  byggja ný kolaorkuver sem losa meira en við gerum? Bara Kínvejar gagsetja eitt kolaorkuver í hverri viku sem hvert um sig er jafnoki Íslands.

Að umhverfisráðherrann okkar sem enginn kaus vilji moka ofan í Flóaáveituna og aða skurði okkar til að kolefnisjafna Kína?

Hvað þá að hætta að framleiða mat á akurlendi jarðar eins og sjá má hér á eftir?

Frásögn  Rebeccu Herher og Allison Aubrey 8. ágúst 2019 af vettvangi S.Þ.:

 

„Mannkynið verður að breyta fæðuframleiðslu sinni til að afstýra hamförum í hlýnun jarðar skv. Nefnd Sameinuðu þjóðanna um loftslagsmál.

....

Þetta er hið nýjasta í skýrslum frá nefnd S.Þ. um loftslagsmál. Þessi skýrsla leggur aukna áherslu á aðvaranir  sömu aðila frá síðasta ári sem lagði áherslu á skort á uppfyllingu skuldbindinga frá síðasta ári um minnkun á losun gróðurhúsalofttegunda.

.....

 

Nefndin sagði að ræktað land yrði að dragast saman og skógar að taka við ef takast ætti að halda hlýnun jarðar minni en 1,5 gráður á Celcius frá því sem lofthitinn var fyrir iðnbyltingu. Heimshitastigið hefur þegar stigið um 1 gráðu á Celcius á síðustu 150 árum, þ.e. frá síðustu áratugum Litlu ísaldarinnar þegar Íslendingar, og fleiri Vesturlandabúar  flúðu land í stórum stíl  til Vesturheims vegna kuldans.

 .... 

Boðar S.Þ. Hungursneyð til þess að halda CO2 niðri?

Eða krefst S.Þ. milljarða fólksfækkunar tafarlaust?

Væri það ekki  skynsamlegra markmið en að halda áfram núverandi fjölgun sveltandi mannkyns?

 World Reources Institute segir eftirfarandi: (https://wrr-food.wri.org/executive-summary-synthesis)

„ Endurreisn skóga þýðir að ræktað land verður að minnka um 80 milljón hektara ef takast á að ná markmiðunum um 4 Gt.losun  af CO2 árið 2050 ef takmörkun hlýnunar á að halda við 2 gráður á Celcius. Mun metnaðarfyllri áætlun um að halda hlýnuninni við 1,5 gráður celsius   þýðir endurreisn skóglendis á  um 585 milljónum hektara á þá minnkun akurlendis landbúnaðar sem myndi krefjast endurmats á útblæstri landbúnaðar til margra ára. Land sem er svipað og öll Brasilía að stærð“

 

Fleira kemur til.

Vilhjálmur Eyþórsson setur fram eftirfarandi hugleiðingar:

„..Þegar jörðin var ung, fyrir um fjórum milljörðum ára, áður en lífs varð vart, virðist koldíoxíð hafa verið yfir 20% gufuhvolfsins. Það hefur streymt úr iðrum jarðar æ síðan og ef lífsins nyti ekki við væri það nú örugglega meginuppistaða gufuhvolfsins eins og á systurplánetu jarðar, Venusi. En á Venusi er ekki fljótandi vatn, svo líf getur ekki þrifist. 

Hér hefur koldíoxíðið, ásamt vatni og með því að tengjast ýmsum frumefnum myndað þær gífurlega flóknu keðjur kolvetnissambanda sem eru lífið sjálft. Það er fráleitt og beinlínis fáránlegt að tala um þessa undirstöðulofttegund í gufuhvolfinu frá upphafi og byggingarefni sjálfs lífsins sem „mengun”, eins og gróðurhúsatrúarmenn gera í ofstæki sínu og fáfræði…“

„…Þetta er að sjálfsögðu vegna þess, að allt kolefnið í öllu sem lifir eða hefur einhvern tíman lifað kemur upprunalega úr koldíoxíði. Það er nú um 0.038% eða ca 400 grömm í tonni andrúmslofts.

Það er rúmlega fimmtíu sinnum meira af því  í  höfunum, (sem eru basísk, með ph- gildið 8,32 að jafnaði og geta því ekki orðið súr)

Af þessum 400 grömmum í tonni andrúmslofts eru kannski 10 grömm manngerð, en vel hugsanlega miklu minna. Raunar mælist koldíoxíð mjög mismikið eftir landsvæðum og árstíðum og tímum sólarhrings, eykst á nóttinni, minnkar á daginn…“

…Jurtirnar þurfa gífurlegt magn koldíoxíðs á hverjum degi til að vaxa og dafna, mynda nýjar frumur og vefi og nýtt súrefni. Þessi hringrás tekur aðeins fáein ár.Þannig hefur þetta verið í milljarða ára, síðan jörðin var ung.Í samanburði við þessa risavöxnu hringrás sem nær til allra jurta og þörunga í öllum löndum og höfum verður brölt mannanna heldur lítilfjörlegt og beinlínis hjákátlegt…“

Lífið á jörðinni

Maðurinn andar út 14.000 sinnum á sólarhring.

Segjum 14000 x 0.0005m3/andardrátt (skv.Google 0.5 l ) x 40.000/1.000.000 (liður 1 í töflunni) x 1,2kg /m3 af CO2 (rúmþyngd CO2)  eða 0,35 kg af CO2 á mann.

8  milljarðar manna anda þá frá sér út 8.000 000.000 x 0.35 kg af CO2 á sólarhring.eða  2.800.000.000 kg. CO2  /24klst eða   0.0028 Gt./24klst, eða  um 1.02 Gt. af CO2 á ári . Flestar aðrar lífverur í veröldinni  anda líka þannig að andardráttur lífsins  gætu verið  einhver 4  Gt. af CO2 á ári.

Hvað markmið er það sem heitir 4 Gt. hjá S.Þ?

 

Jörgen Peder Steffensen hefur fært sönnur á það, að núna lifum við á kaldari tíma heldur en var fyrir mörgum árum á Grænlandi. Hlýnun hefur ekki átt sér stað á þeim slóðum um þúsundir ára.

 https://vimeo.com/14366077

Margir halda, þar á meðal við Trump, að sólin ráði meiru um hitafar og CO2 í andrúmsloftinu á jörðinni heldur en maðurinn.

Nú er þjóðin látin borga fyrir kal í túnum og óáran í sauðfé. Jarðeigendur  eins og Rathcliffe geta fengið borgað fyrir að eiga vatnsréttindi og veiðiréttindi?

Bera bændur þá ekki líka ábyrgð á eldfjallaútblæstri á þeirra landi?

Getum við rukkað Rathcliffe?

Þessa grein sendi ég Mogga fyrir svona tveimur mánuðum. Mogginn hefur á þessu, tíma birt margar loftslagsgreinar meðal annars eftir gamlan kommatitt og loftslagprédikara sem hann greinilega trúir meira á en bullið um gagnsemi og skaðleysi CO2.

Við látum bara þar við sitja og Moggin þjónar því sem hann trúir meira á.

En spurningin er hvort bændur eigi að borga fyrir eldfjöllin á afréttunum og útgerðarmenn fyrir Atlanzhafshrygginn?

Kommatittirnir

sækja fram gegn Sjálfstæðisflokknum sem var lengi eina brjóstvörnin gegn sósíalismanum.

Nú eru komin skörð í borgarmúrana vegna slakrar frammistöðu forystu flokksins í útbreiðslumálum. Þar á bæ virðast menn vera frekar uppteknir við dagleg stjórnarstörf en við hugsjónir og útbreiðslumál. 3.Orkupakkinn varð flokknum  líklega tundurskeyti undir sjólínu sem ekki er búið að bregðast við hvað annað sem menn segja. 

Jón Baldvin velti á sínum tíma fyrir sér hvað væri til bragðs í stjórnmálum ef karlinn í brúnni fiskaði ekki.  Sjálfstæðisflokkurinn fer stöðugt niður á við í skoðanakönnunum en kommatittirnir sækja fram og Samfylkingin af öllum flokkum eykur fylgi sitt við hvern efahagslegan ávinning sem birtist í hagtölum síðustu ára.

Hvað er eiginlega að útbreiðslumálunum í Sjálfstæðisflokknum?

 

Svo segir Björn Bjarnason:

"Undanfarin ár hafa Kristín Þorsteinsdóttir, sem á sínum tíma var blaðafulltrúi Jóns Ásgeirs, og Ólöf dóttir hennar stjórnað fjölmiðlastarfsemi á vegum 365 miðla.

Kristín hvarf frá fyrirtækinu fyrir skömmu og Ólöf lætur af störfum ritstjóra Fréttablaðsins í dag en við tekur Jón Þórisson lögfræðingur. Hann er fyrrverandi forstjóri VBS fjárfestingabanka og aðstoðarforstjóri Íslandsbanka. Hann var í sumarstarfi um tíma á Morgunblaðinu og skrifar dálka í viðskiptablað þess. Davíð Stefánsson er fyrir sem ritstjóri Fréttablaðsins.

Fyrirhugað er að sameina rekstur Torgs og Sjónvarpsstöðvarinnar Hringbrautar, þegar Samkeppniseftirlitið og Fjölmiðlanefnd hafa fjallað um samrunann, sem er háður samþykki þessara stofnanna.

Þetta eru stórtíðindi á íslenskum fjölmiðlamarkaði þar sem prent- og vefmiðlar eru reknir með tapi.

Helgi Magnússon varð 70 ára í ársbyrjun 2019 og gaf þá út ævisögu sína, Lífið í lit, sem Björn Jón Bragason skráði. Þar er rifjað upp að Helgi var einn af stofnendum ESB-flokksins Viðreisnar í maí 2016 og tók sæti í fjáröflunarnefnd flokksins.

Helgi er sannfærður um að unnt sé að semja við ESB með fyrirvörum eða undantekningum af því að Danir fengu slíkan samning fyrir tæpum 40 árum. Í ævisögunni leggur Helgi hvað eftir annað áherslu á að gagnvart ESB hafi skapast fordæmi sem sýni að fært sé að taka upp evru einhliða, það er án þess að ganga í sambandið.

Að ESB-aðildarsinni boði þetta er athyglisvert. Þegar vakin var athygli á þessari leið af Sjálfstæðisflokknum fyrir þingkosningarnar í apríl 2009 blandaði sendiherra ESB á Íslandi sér í kosningabaráttuna og sagði að þetta yrði aldrei liðið."

Mogginn tapar peningum á starfseminni þrátt fyrir ritstjórn Davíðs Oddssonar. Hvernig yrði ástandið ef rödd hans hljóðnaði og Fréttablaðið yrði einrátt?

Ætla Sjálfstæðismenn að láta það gerast að kommatittirnir nái völdum á fjölmiðlamarkaði?