Þá vitum við það

hverjir styðja orkupakkann með sumum Sjálfstæðisþingmönnum.

Svo er í fréttum:

"„Rétt í þessu sendum við Logi Einarsson, formaður Samfylkingarinnar, forsætisráðherra bréf þar sem við minntum á mikilvægi EES-samningsins fyrir íslenskt samfélag, heimili og fyrirtæki – og í því samhengi mikilvægi þess að afgreiða þriðja orkupakkann hið snarasta. Sérstaklega í ljósi þess að ríkisstjórn Katrínar Jakobsdóttur hefur í enn eitt skiptið frestað að leggja fram á Alþingi tillögu til þingsályktunar um staðfestingu á þriðja orkupakkanum. Ítrekað hefur verið fullyrt að tillagan verði lögð fram í síðasta lagi á þingi í lok febrúar 2019. Í dag er 5. mars og enn er talað um að taka þurfi tíma.“

Þorgerður og Logi benda á að erfiðleikar séu innan ríkisstjórnarinnar vegna málsins, en þar eru ekki allir á einu máli hvort innleiða eigi þriðja orkupakkann eður ei:

„Öllum er ljóst að erfiðleikar eru innan ríkisstjórnar við að koma fram með málið. Flest bendir til þess að ekki sé meirihluti fyrir málinu á þingi á meðal ríkisstjórnarflokkanna. Þess vegna vildum við Logi fyrir hönd Viðreisnar og Samfylkingar bjóða forsætisráðherra fram aðstoð okkar og gera það sem í okkar valdi stendur til að tryggja framgang málsins á Alþingi.“

Mikið er annars gott til þess að vita að Þorgerður Katrín verður ekki að þvælast fyrir okkur innan okkar nú litla og huggulega Sjálfstæðisflokks. Nóg verður nú samt eftir að fást við þar innan dyra.

En þá vitum við það hverjir styðja 3.orkupakkann mest og best.

Látum ekki breyta fyrir okkur klukkunni

þegar almenningur vill það ekki:

Þetta er skoðanakönnun á þessari síðu:

Viltu breyta klukkunni?

 

Já 31.1%

 

Nei 68.9%

 

119 hafa svarað.

 

Þó að þetta sé ekki þjóðaratkvæðagreiðsla eins og Icesave þá er þetta samt smávegis skoðanakönnun á þessari síðu. Ekki óyggjandi en gefur samt vísbendingu hvert vilji almennings stefnir í klukkumálum.

 

Það eru öfl í gangi sem vilja prakka þessu inn  á landsmenn í gegn um bakdyrnar.Látum minnihlutanum ekki takast það.

 

Látum ekki breyta fyrir okkur klukkunni sem hefur gefist vel í áratugi.

Gunnar Smári og Sólveig Anna

voru á Útvarpi Sögu núna fyrir hádegið.

Eftir að hlusta á þau þá er ég sannfærður um að við þetta fólk er ekki hægt að semja um kaup og kjör í venjulegum skilningi.

Þau eru að tala um heimspekikerfi þar sem jöfnuður ríkir í samfélagi manna í þjóðfélagi sem ég ekki þekki.  Allt í kring eru óvinirnir í kapítalismanum sem aðeins vilja skaða og skemma hina veiku.Kjörnir fulltrúar teljast til óvinanna og frá þeim mun ekkert koma.

Þetta sýnir fyrir mér hversu gersamlega úrelt skipulag íslensku  verkalýðshreyfingarinnar og kjarasamninga hennar svonefndu er.  Fróðlegt væri að bera saman vinnulagið í Íslandi og í Þýskalandi ef það mætti verða til að opna einhver augu. En það verður ekki núna þar sem þau hafa völdin.

Mér er til efa að Sólveig Anna og Gunnar Smári myndu komast til áhrifa í öðrum löndum með þeim málflutningi sem þau viðhöfðu á Útvarpi Sögu nú fyrir hádegið.

Áhugaverðir tímar

eru framundan.

Eftir síðustu verkfallsboðanir hljóta menn að að spyrja sig hvort afnám stéttarfélagaskyldunnar er ekki forsenda þess að þetta þjóðfélag getir komist af til lengri tíma? Getur það gengið að verkalýðsfélög starfi hér eftir aldargömlum reglum og fyrirkomulagi? Má engu breyta í þeim efnum?

Rétt er ljósmæðrum sjálfsagt að hafa með sér félag. En er nauðsynlegt að allar ljósmæður séu í því félagi eða öðru?

Að kjarafélög skuli hafa einokun á landssvæðum og vera með skylduaðild og miðlæga innheimtu félagsgjalda getur varla  gengið í nútíma samfélagi.

Í Bandaríkjunum hafa hverskyns glæpasamtök iðulega séð sér leik á borði og smogið inn í verkalýðsfélög. Hérlendis er slík þróun hafin með innsmygli hverskyns elementa sem í besta falli verða flokkaðir sem lukkuriddarar eða fjárplógsmenn eins og bandarískar hliðstæður þeirra. 

Þegar Sólveig Anna nær að setja ferðaiðnaðinn í uppnám með einum sendibíl og tíunda hluta félagsmanna þá hljóta menn að sjá að skylduaðild og vinnuforgangssamningur að slíku félagi eins og Eflingu getur ekki gengið lengur. Sama verður uppi á teningnum með opinbera starfsmenn, BHM og slík félög. Verður ekki félagafrelsi að ríkja á sviði starfsgreinafélaga eins og annarra félaga?

Hvað á að gera í því sem í stefnir?  Verða verkalýðsfélög látin einráð um að stjórna aðgerðum eða mun þjóðfélagið  grípa til einverra gagnaðgerða?  Verksvipting er jafn lögleg eins og verkfall en getur orðið mun grimmari.

Menn geta velt fyrir sér hvort kominn sé tími til að sannreyna hversu alvarleg skipulögð verkföll eru. Sér í lagi þegar þau snúast ekki lengur aðeins um kjaramál heldur pólitík og þjóðfélagsbreytingar eins og nú hefur verið boðað af sumum forystumönnum.

Framundan eru áhugaverðir tímar eins og Kínverjar gætu orðað það.

When in doubt

leave it out. Svo kenndi hún amma mín mér kommusetningu í ensku í gamla daga.

Ráðherrar Sjálfstæðisflokksins hafa líklega aldrei lært slíka reglu. 

Frétt af mbl.is

Þing­menn ef­ast um orkupakk­ann

„Ég geri mér fulla grein fyr­ir gagn­rýni á þessa inn­leiðingu, ég hef tekið hana al­var­lega og við höf­um lagst í mikla vinnu við grein­ing­ar, upp­lýs­inga­gjöf og annað og erum enn þá að skoða þetta út frá því, en ég hræðist ekki þetta sam­tal og ég væri aldrei að leggja til að við vær­um að inn­leiða eitt­hvað sem ég teldi skaða hags­muni Íslands eða Íslend­inga,“ seg­ir Þór­dís Kol­brún.

Hún nefndi sér­stak­lega í ávarpi sínu á árs­fundi Lands­virkj­un­ar í dag að hóp­ur fólks hygðist mót­mæla inn­leiðingu orkupakk­ans og nota til þess slag­orðið „Ork­an okk­ar“, en fé­laga­sam­tök með því nafni voru einnig stofnuð í haust, um það leyti er umræður um orkupakk­ann voru í há­mæli, sam­kvæmt því sem fram kem­ur í fyr­ir­tækja­skrá. Ráðherra seg­ist hafa heyrt frá þess­um sam­tök­um.

„Ég hef bara heyrt af þess­um hópi og hitt full­trúa frá hon­um og á nú lyklakippu með þessu slag­orði, en þetta er bara gagn­rýni þeirra. Það er bara eðli­legt að fólk haldi fram gagn­rýni á ein­hver mál og vilji upp­lýsta umræðu um viðamik­il og flók­in mál eins og þetta er í heild sinni, þrátt fyr­ir að akkúrat þriðji orkupakk­inn sé tækni­legt fram­hald á fyrsta og öðrum og áfram­hald á þess­ari veg­ferð,“ seg­ir Þór­dís Kol­brún."

Það skal í ykkur samt. Þetta er nokkurn veginn samhljómur hjá þingmönnum Sjálfstæðisflokksins séu eir spurðir um þennan 3. orkupakka. Þeir svara því til að hann skipti ekki máli því enginn sé sæstrengurinn. 

Þeir svara því hinsvegar aldrei hvort Íslendingar muni ávallt ráða því hvort hingað verði lagður sæstrengur í anda orkupakkans.Sem ýmsir telja að sé ekki í anda samkomulagsins og ACER.

 Forysta án flokks er nýtt hugtak í stjórnmálum when in doubt.

 

Verkleysi

finnst manni stundum einkenna margt í stjórnsýslunni sem maður hefði viljað sjá eitthvað gert í.

Maður hefði haldið að að eitthvað yrði gert í launakjörum í Landsbankanum sem er alfarið á forræði ríkisins. En hefur eitthvað gerst þar frekar en með úrskurði Kjararáðs?

Eða eru menn bara svona ávallt seinþreyttir til vandræða?

Margt er Trump mótdrægt

þessa dagana. 

Kim hegðar sér heimskulegar en hann bjóst við að hann myndi gera.Líklega ofmat hann gáfnafar mannsins.

Það hlýtur að vera sárt þegar gamall vinur og vopnabróður snýst gegn manni með þeim hætti og Cohen gerir. Slíkt er alltaf það erfiðasta sem ég verð vitni að milli tveggja fornvina.Svo sárt í allsleysi allra ráða.

Samúð mín er með Trump. Hann var að reyna að gera heiminn betri fyrir okkur. En Kim kom í veg fyrir það með því að óskynssemi og fær ekki fleiri tækifæri á sáttum við Trump.

Ríkiskjarabaráttan

segir Páll Vilhjálmsson að birtist í svofelldum pistli á RÚV:

"Kjarabarátta verkalýðsins veturinn 2019 snýst í hjarta sínu ekki um hærri laun, heldur er hún pólitísk barátta gegn ríkjandi samfélagsgerð.

Undir henni kraumar tilfinningin fyrir því að þótt Ísland sé gott og öruggt samfélag á yfirborðinu, skárra en mörg önnur, þá sé það engu að síður ógeðslegt og gegnsýrt af misskiptingu og skinhelgi."

Hvaðan kemur Ríkisútvarpinu þessi skilningur og túlkun á kjarabaráttu Sólveigar Önnu og Vilhjálms Birgissonar? Er þjóðfélagi virkilega með þessum hætti? Sundurgrafið af félagslegu óréttlæti og úreltu þjóðskipulagi? Hver er það sem slær þennan tón? Er það útvarpsstjórinn eða Útvarpsráð?

Maður er ekki í vafa um stefnu Gunnars Smára Egilssonar og hans flokks. En maður vissi þetta ekki um Ríkisútvarpið.

Er þetta kjarabarátta ríkisins og þjóðfélagsstefna Ríkisútvarpsins? Hvaða skoðanir megum við yfirleitt hafa í Ríkiskjarabaráttunni?

Skyldu kjörin batna

í bíltúrunum hjá Sólveigu?

Páll Vilhjálmsson veltir þessu fyrir sér:

"að þætti ekki gott lýðræði ef þingmenn leiddu kjósendur inn i kjörklefana eða otuðu að þeim kjörkassa í utankjörstaðaatkvæðagreiðslu.

Sólveig Anna á formannslíf sitt í Eflingu undir því að félagsmenn kjósi ,,rétt". Hún ferðast á milli kjörstaða í beinni útsendingu samfélagsmiðla í leit að uppákomum um leið og hún falast eftir atkvæðum.

Þessi skrípaleikur sýnir að verkalýðshreyfingin er orðin að skopmynd af sjálfri sér."

Fyrir mér er það vafasamur hagnaður að svipta sig tekjunum langt eða stutt skeið til þess eins að auka verðbólgu. Mér finnst allt þetta verkfallsbrölt verða að tapi þegar upp verður staðið. Það er aðeins launaskrið og aukin eftirspurn sem getur raunhækkað kaupið. Ef ekki fæst fólk í störf verður að hækka það sem í boði er. En Stiggenap virkar ekki lengi frekar en í öðrum bófahasörum frá liðinni öld.Kjörin hafa aldrei batnað aldrei þannig.

En Egilssynir verða að andskotasst í stéttahatrinu sínu því þeir bæta eign kjör aðens þannig úr sjóðum Eflingar.

 

Eru "kjaramálin " yfirleitt leysanleg?

Ég er hreint ekki viss um það eins og manni virðist horfa.

Óframkomnar eru kröfurnar um menntunina sem skal metin til launa eða ekki metin til launa eftir því hver talar.  Til hvers er verið að ræða við önnur kjarafélög þegar þetta er ekki komið fram? Verður ekki allt hlutfallslegt nú sem áður?

Ég hef velt því fyrir mér hvort ekki sé vænlegra til árangurs að Efling til dæmis auglýsi einhliða eftir hvaða töxtum hennar fólk muni minnst vinna eftir. Þeir sem eiga að borga kaupið ráði því hvort þeir taki fólk í vinnu á þessum kjörum eða ekki. Ráði fólk eða ráði ekki.Ráði Leikskólakennara  eða ræstitækna eða ráði ekki.Fólk tekur aðeins til starfa á þessum töxtum eða það tekur ekki til starfa.  Starfið leggst af eða leggst ekki af. 

Engir sérstakir kjarasamningar séu þannig í gildi og enginn sé þvingaður til að vinna á ómannsæmandi kjörum.En atvinna verður auðvitað ekki tryggð með þessum hætti. Og hver á að verða framtíð félagafrelsisins? Framboð og eftirspurn ráði meiru um kaupgjald en verið hefur?  

Líklega er þetta samt út í hött og óframkvæmanlegt og auðvitað blasa vandmálin við í heilbrigðiskerfinu sem annarsstaðar þegar maður veltir svona kannski óabyrgt fyrir sér.  En hvað skal gera þegar vandamálin virðast óleysanleg. Eru "kjaramálin" yfirleitt leysanleg eins og nú horfir? 

Sannkallaður soramiðill

er midjan.is undir ritstjórn þeirra Egilssona, Sigurjóns M. og FjögurraBlaðaSmára.

Lítið dæmi um mannhatrið sem veður þarna uppi þegar fjallað er um að reyna að lina þjáningar fólks í Venezuela af völdum kommúnismans sem þeir aðhyllast:

 

"Hjálpargögnin sem eru við landamæri Venesúela og Kólumbíu nú eru að viðlíka verðmæti, dropi við hliðina á þeim verðmætum sem viljugar þjóðir halda frá Venesúela. Nú þekki ég Maduro ekki neitt, en ég þekki til haukanna í Washington. Það er ekki hægt að finna hræsnisfyllra ofbeldispakk í víðri veröld, þetta er sá hópur núlifandi manna sem hefur flest mannslíf á samviskunni og mesta eymd meðal fólks.

Það er ómögulegt að nokkur heiðvirð manneskja taki þátt í leik þeirra, sem ætíð er háður í þágu auðkýfinga í Bandaríkjunum en snýst aldrei nokkurn tímann um mannúð, lýðræði og frelsi. Þetta er pakk sem telur sig hafa rétt til að myrða, pynta, kúga og svelta alla sem hentar þeim hverju sinni; algjörlega ærulaust fólk, sannkallað skítapakk."

Skrif þessara bræðra virðast heldur eiga heima á tímum kaldastríðsins þegar menn hótuð hver öðrum tortímingu í kjarnorkustríðum.

Það er makalaust ef þetta er tónninn sem á að stýra umræðum á Íslandi árið 2019. Það er verið að setja lög gegn hatursáróðri og mönnum bannað að tjá skoðanir sínar ef þær falla ekki í viðurtekið kram.

Þá veður svona soramiðill uppi. 

 

Silfrið

horfði ég á mér til nokkurrar ánægju. Mörður Árnason kom mér nokkuð á óvart með mun þroskaðri afstöðu en ég hafði búist við vegna fyrri stjórnmálaafskipta.

En Styrmir Gunnarsson sagði allt sem segja þurfti um stöðuna í kjaramálunum sem nú er uppi. Þetta er allt fyrirsjáanlegt síðan um mitt ár 2016.

Að þingmenn skuli hafa gert sig seka um þvílíka heimsku að svelgja allar kauphækkanirnar í sig án þess að gera neitt er beinn undirbúningur undir núverandi stöðu. Meira að segja sósíalistaflokkur FjögurraBlaðaSmára sprettur beint upp úr þessum jarðvegi og á sér samsvörun í málflutningi konunnar frá Bretlandi sem vill nýtt hagkerfi.

Verkalýðshreyfingin núna er í rauninni ekki að karpa um krónur og aura heldur vill hún einhverja óúthugsaða  byltingu í þjóðfélagsgerðinni.

Hún vill setja skattalög að sínum hætti.

Hún vill skattleggja eignir og fjármagnstekjur að sínum hætti.Styrmir benti á beint samband þeirrar kröfu við ráðstafanir VG árið 1990 um frjálst framsal kvótans.

Hún vill afnema verðtryggingu og lækka vexti að sínum hætti og hún heimtar ódýra lausn á húsnæðismálum fyrir alla. Samt á hún allt undir varðveislu lífeyrissjóðanna sem gerir þennan málflutning hlægilega þverstæðu.

Hún heimtar eitthvað Shangríla á Íslandi  þó að sýnin sé aðeins draumsýn og að mörgu leyti afsönnuð með staðreyndum úr heimssögunni um að slíkt hagkerfi gangi ekki upp.Kúba, Venezúela,Sovétríkin. 

Sovétríkin þar sem öll framleiðslufyrirtæki voru í sameign eins og konan boðaði  hrundu því það eignarhaldskerfi gekk ekki upp.

Það þýðir ekki að halda því fram að Apple til dæmis hefði orðið svona stórt ef starfsmennirnir einir hefðu átt það og sett stefnuna, Það var aðeins fyrir Steve Jobs sem þetta gerðist. Hann var sjáandinn en ekki liðið á gólfinu. Þannig vinnur kapítalisminn og vinnur sigur á sósíalismanum.Það er framtakið sem öllu breytir og hagsældin breiðist þaðan út til almennings.

Það hefur alltaf verið risaátak að koma yfir sig þaki. Það kostar margra ára laun venjulegs fólks. Nú krefjast draumóramenn þess að þetta verði leyst með því að smella fingri  fyrir allan almenning.

Verktakafyrirtæki spretta upp eins og gorkúlur og nægt framboð er að fínu húsnæði á 800.000 krónur fermetrann.Smáíbúðahverfið var byggt upp af fátæku fólki sem skapaði verðmætin með eign höndum með því að leggja á sig strit.

Ég veit um fullbúið 220 m2 einbýlishús sem stendur á fylltum grunni sem kostaði 8 milljónir. Aðeins hefur verið keypt inn efni fyrir tuttugu milljónir í viðbót. Minna en 130 þúsund krónur á fermetrann. Hitt vann fjölskyldan með eigin höndum.

Engar lóðir eru til fyrir fólk sem vill fara þessa leið. Geldinganesið stendur autt en þéttingarstefna Borgarstjórnarmeirihlutans og Borgarlínan fangar hug allra fjölmiðla auk kjarabaráttunnar sem allir sjá að snýst aðeins um stig verðbólgunnar þegar allt rykið hefur sest.

Ögmundur Jónasson hafði viðrað hugmyndir um að skrúfa niður ofurlaun í þessu landi til að reyna að skapa sátt á vinnumarkaði að því að Styrmir sagði. Þetta er án efa eitthvað sem þyrfti að skoða til að reyna að ná einhverri sátt. En ég er samt efins um að sátt sé ofarlega á blaði hjá ýmsum forystumönnum verkalýðshreyfingarinnar um þessar mundir. Miklu fremur þyrsti þá suma í atburði sem geti leitt til ofbeldis og átaka. 

Svo kemur brátt að því að opinberir starfsmenn krefjist þess að menntun verði metin til launa. Hvernig dettur mönnum í hug að hægt sé að semja við Eflingu og önnur félög um kauptaxta með þetta óframkomið?

Menn gætu velt fyrir ef Alþingi ákvæði núna, að allir launþegar upp að vissu marki fengju tiltekna krónutöluhækkun á mánuði miðað við síðasta ár. Aðrir ekki neitt.

Í staðinn myndi gengið styrkjast og verðlag lækka. Reistar yrðu ódýrar íbúðir sem yrðu til sölu á langtímakjörum.Lóðir yrðu útvegaðar í smáibúðastíl. Bensín og bílar myndu lækka.  Kjararáðshækkanir yrðu spilaðar niður og ofurlaun lækkuð. Eitthvað meira gert í félagslegum umbótum kannski.

Hverjar yrðu afleiðingarnar fyrir krónuna? Hverjar yrðu afleiðingarnar fyrir lífskjörin og kaupmáttinn?

Þetta er víst tómt mál að tala um. Læmingjarnir hafa tekið strikið fram af brúninni og ekki hægt að stöðva strauminn.Fólk vill fá að fara í orrustur sér til frægðar hvað sem það kostar.Enda skal kónga hafa til frægðar en ekki langlífis.

Silfrið var að því leyti gott að Styrmir Gunnarsson kom þar og sagði sannleikann.