FjörgralaufaSmárinn

vill usla og skaða fyrir alla eins og hann sjálfur varð fyrir á egóinu í gjaldþrotum blaða sinna fyrir hrunið. 

Maður hélt samt að sogrörið hans og konunnar beint ofan í sjóði Eflingar myndu friða hann eitthvað en svo er líklega ekki. Hann vill verkföll sem allra fyrst og býr til fréttir til að styðja það.

FjögralaufaSmárar færa fólki ekki einboðna hamingju.

Enn er bullað

á öllum rásum um vilja Eflingar til að fara í verkfall. Bæði Morgunblaðið og Fréttablaðið í dag birta falsfréttina um að 80 % félagsmanna vilji fara í verkfall.

Hið rétta er að 28 % 4768 félagsmanna svarar og af þeim vilja 1080 eða 22.7 % félagsmanna fara í verkfall. Fimmti hver félagsmaður en ekki 80 % félagsmanna.

Er ástæða til að gera hlutina verri en þeir eru með því að bulla svona?

Rekum bankaráðin

og bankastjórana og gáum hvort við getum ekki fengið hagstæð tilboð í að reka þessa ríkisbanka.

Svo segir Ragnar Önundarson:

"

Gamla  bankakerfið, fyrir einkavæðinguna og sjálftökuna, var ekki að öllu leyti til fyrirmyndar. Að sumu leyti þó: Bankastjóralaun voru samræmd og fylgdu launum hæstaréttardómara skv. Kjaradómi, nú um 1.400 þús. á mánuði. Greiddur var að auki jólabónus, sem allir bankastarfsmenn fengu, kallaður 13. mánuðurinn, þannig að raunveruleg mánaðarlaun hafa verið rúm 1.500 þús. Þeir sem sóttust eftir þessum störfum vissu hvað var í boði og að hverju þeir gengu. Annað var ekki umsemjanlegt. Þetta þýddi að löngunin til að auðgast var ekki það sem hvatti þá áfram, græðgin var ekki leidd til hásætis. Menn gerðu það upp við sig hvort þeir vildu una þessu eða leita annað.

Uppástunga mín er sú að störf bankastjóra núverandi ríkisbanka verði auglýst laus til umsóknar á fyrirfram ákveðnum kjörum. Núverandi bankastjórar geta sótt um eins og aðrir."

Hann tekur þarna undir tillögu mína frá því nýlega.

Bankastjóri Aríon banka hefur ekki algóðan feril að baki hvað varðar viðskipti við almenning. En hann er líklega ósnertanlegur með sínar 6 millur á mánuði. Skyldi hann vera svo snjall að enginn finnist honum jafngóður fyrir minni pening?

Hvaða snilld þarf til að vera bankastjóri? Ég hef kynnst þeim mörgum og ekki komið auga á hana.

Rekum þetta lið og fáum nýtt fólk.

Truntuflokkar

stjórna Reykjavík. Laugavegslokanir eru sagðar gerðar vegna ákalls frá kaupmönnum við þann veg. Í viðtölum við kaupmenn kemur fram að ekki eitt einasta samráð hefur verið haft við kaupmenn um lokanir, þrengingar og fækkun bílastæða við Laugaveg. Meirihlutinn lýgur þessu blákalt opinberlega. Þeir eru heldur ekki til viðtals fyrir borgarana nema að úitfylltum löngum biðlista þannig að kaupmenn segjast ekki ná í neinn til að ræða við.

Þetta er allt með endemum og fyrirtæki eru sem óðast að flytjast á brott úr miðbænum.

Svona stjórnunarstíll er sannkallaður truntustíll þar sem valdamenn þursast áfram í upphafinni hugsjónabaráttu sinni sem allt veit best og tala ekki við neinn,  hatast við einkabílinn og heimta reiðhjól og Borgarlínu sem lausnir fyrir mannlífið.

Eyða 7 milljörðum á 7 árum til að auka vægi almenningssamgangna úr 4 % í 12  % með núll árangri í stað nútíma umferðarmannvirkja.

Dagur B(raggi) Eggertsson var kosinn frá í síðustu kosningum. Viðreisn tók að sér að halda honum við völd í óþökk Borgabúa þrátt fyrir borðliggjandi tilraunir hans til kosningasvindls að því að fróðir menn skrifa margir um.

Verði kjósendum að góðu að þurfa að lífa með truntuflokkunum í Borgarstjórn Reykjavíkur í boði Þorgerðar Katrínar Gunnarsdóttur liðhlaupa úr Sjálfstæðisflokknum.

Falsfréttir

frá Fjögralaufasmára:

Tæp 80% félagsmanna Eflingar hlynntir verkfalli

12.02.2019

Í nýrri könnun sem Gallup framkvæmdi meðal félagsmanna Eflingar-stéttarfélags kemur í ljós afdráttarlaus stuðningur við kröfugerð félagsins í kjarasamningum. Tæplega 80% félagsmanna telja hana sanngjarna og sama hlutfall segist hlynnt því að fara verkfall til að knýja á um launakröfur verkalýðsfélaganna.

Það er ekki síst erlendur hluti vinnuaflsins sem að fylkir sér bak við launakröfurnar en samkvæmt niðurstöðum könnunarinnar hefur stuðningur við kröfur og verkfallsaðgerðir auk væntinga um launahækkanir í kjölfar kjarasamninga tilhneigingu til að vera meiri meðal félaga af erlendum uppruna.

Þá leiðir könnunin í ljós mikla aukningu á fjárhagsáhyggjum meðal félagsmanna frá launakönnun sem framkvæmd var í ágúst síðastliðnum. En þær aukast um 16% á milli mælinga úr 47% sem hafa miklar eða mjög miklar áhyggjur í kjarakönnun í ágúst 2018 í 63% í janúar 2019. Þetta eru mestu fjárhagsáhyggjur sem hafa mælst í könnunum Eflingar frá hruni.

Spurningarnar voru lagðar fyrir fullvinnandi félagsmenn Eflingar með netkönnun á tímabilinu 19.-26. janúar. Haft var samband við 4758 félagsmenn og þar af svöruðu 1350. Niðurstöður voru vigtaðar út frá atvinnugrein og uppruna."

Hið rétta er að 28 % 4768 félagsmanna svarar og af þeim vilja 1080 eða 22.7 % félagsmanna fara í verkfall.

Sem sagt alger einhugur að baki Gunnari Smára til að eyðileggja sem mest hann má. Bitur greyið eftir skipbrotin í kapítalismanum og framleiðir því falsfréttir með sogrörið sitt tryggt ofan í sjóðum Eflingar.

 

Mikið var

að formaður Sjálfstæðisflokksins Bjarni Benediktsson minnir á hvað hefur áunnist á vakt flokksins. Hann segir í Fréttablaðinu í dag:

"Við Íslendingar höfum náð framúrskarandi árangri á undanförnum árum. Myndin er skýr þegar við horfum á skuldastöðu heimilanna, sem er betri en hún var á uppgangsárunum fyrir fjármálahrunið, landsframleiðslu sem er sömuleiðis meiri en eins og hún gerðist best fyrir rúmum áratug, fjármálakerfið sem er heilbrigðara og sterkara, skuldir ríkisins sem hafa snarlækkað og stöðu þjóðarbúsins gagnvart útlöndum en við erum nú í fyrsta skipti á lýðveldistímanum með meiri eignir en skuldir í öðrum löndum.

Sennilega hefur fáum dottið í hug að þetta yrði staðan áratug eftir að neyðarlögunum var komið á. Að við hefðum endurheimt allan beinan kostnað af hruninu, losað okkur við höftin og komist í þá stöðu með afnámi tolla og vörugjalda að vera eitt opnasta og frjálsasta hagkerfi heims.

Við höfum notið stöðugleika í verðlagi og lægri raunvaxta húsnæðislána en áður hafa sést. Myndin af efnahagsmálum Íslands í dag sýnir einnig afgang af viðskiptajöfnuði.

Í stuttu máli má segja að okkur hafi nær alla tíð gengið treglega að skapa gjaldeyristekjur fyrir því sem við höfum þurft að sækja til annarra landa. Til að tryggja jafnvægi í utanríkisviðskiptum voru því hér áður fyrr löng haftatímabil.

Gerbreytt staða birtist okkur að þessu leyti í dag. Síðastliðinn áratug eigum við jafn mörg ár með afgang af viðskiptum við útlönd og samtals frá lokum síðari heimsstyrjaldar.

Með þessu hefur orðið til myndarlegur óskuldsettur gjaldeyrisforði.

Auk þess að byggja gjaldeyrissköpunina á öflugum sjávarútvegi og orkufrekum iðnaði hefur ferðaþjónustan nú bæst við sem afar öflug stoð í hagkerfinu og góður vöxtur er í margvíslegu rannsóknar- og þróunarstarfi, hugbúnaðargerð, lyfjaiðnaði og erfðarannsóknum svo dæmi séu nefnd.

Myndin sem við sjáum er því af nýjum efnahagslegum veruleika. Við búum við breytt, sterkara og fjölbreyttara hagkerfi sem við verðum að gefa svigrúm til að halda áfram að vaxa og dafna."

Ég hef haldið því fram að PR-mál Sjálfstæðisflokksins hafi verið í megnasta ólestri. Flokkurinn hafi vanrækt að minna kjósendur á hvað hann hefur til leiðar komið.

Mér hefur fundist að forysta flokksins hafi sinnt áminningum til kjósenda um hvað stefnumál flokksins snúast allt of lítið svo og að halda því á lofti sem flokkurinn hefur áorkað.Hógværð á ekki við í pólitík þegar glamrið er jafn hávært og nú er.

Mér hefur fundist að formaðurinn þyrfti að verja meiri tíma til slíkra hluta sem hann er mjög vel fær um að gera. Hugsanlega eru nú einhverjar breytingar í þessu að verða með ferðalagi hans og  þingmanna um landið.

Engar framfarir hafa orðið á þessu landi öðruvísi en að Sjálfstæðisflokkurinn hafi að þeim komið. Afturfarir hafa hinsvegar orðið reglulega undir stjórn annarra flokka.

Sjálfstæðisflokkurinn er 90 ára á þessu ári. Hann sagði við stofnun sína ætla að vinna í innanlandsmálum að víðsýnni og þjóðlegri umbótastefnu á grundvelli einstaklingsfrelsis og atvinnufrelsis með hagsmuni allra stétta fyrir augum. Nafn flokksins nægir til þess að skýra stöðu flokksins í fullveldismálum.

Þannig var Sjálfstæðisstefnan skilgreind í fáum orðum 1929.

Mikið var að eitthvað gerðist í því að minna fólk á hvað Sjálfstæðisflokkurinn hefur þó nýlega gert fyrir landsmenn.

 

Pósturinn kemur því til skila

svo sannarlega.

Í síðustu viku barst mér jólakort frá vini mínum með póststimlpli 23.12.2018.

Pósturinn kemur því sannarlega til skila.

Lækkun umferðarhraðans leysir ekkert

vandamál á Hringbraut hvað þá Miklubraut.

 Vandamálið eru þeir sem þurfa yfir götuna.

Í stað fíflalegu gangbrautarljósanna á Miklubraut sé ég fyrir mér stálbrýr sem standa á lyftuturnum sitt hvoru megin. Fólk getur farið í 5 manna opinni lyftu upp og niður. Málið dautt og umferðarafköstin hafa aukist að mun.

En auðvitað þýðir ekkert að gera svona tillögur meðan núverandi meirihluti ræður Borginni.

En lækkun umferðarhraðans leysir akkúrat ekkert eins og Ólafur umferðarverkfræðingur útskýrir í Mogganum í dag.

Kjósum um klukkuna

en látum ekki 101 liðið og elítuna prakka hringlinu inn á okkur með samráðsgáttarblekkingum og álíka fúppi.

Ég er nokkuð viss um að meirihlutinn vill ekki byrja á gömlu vitleysunni um klukkuhringlið.

Kjósum bara um klukkuna.

http://www.tilveraniesb.net/greinar/ahlaupidh-a-islensku-kronuna

http://www.tilveraniesb.net/greinar/ahlaupidh-a-islensku-kronuna

er þörf lesning eftir Gunnar Rögnvaldsson hinn margvísa mann um íslensku krónuna og það dýrmæti sem hún er.

Gunnar lýkur þessari ritgerð með þessum orðum:

"Staðan á fjármálamörkuðum heimsins er orðin þannig að fjárfestar vilja helst ekki lengur fjárfesta í löndum sem þurfa alfarið að reiða sig á alþjóðlega fjármálamarkaði hvað varðar líf eða dauða ríkissjóða og bankakerfa landa sinna. Þau lönd sem þurfa að reiða sig alfarið á alþjóðlega fjármálamarkaði eru löndin sem geta ekki prentað sína eigin peninga því að þau eiga ekki þá mynt sem þau nota. Og þau skulda alfarið í mynt sem þau eiga ekki sjálf. Engin evrulönd eiga sína eigin mynt.

Íslendingar ættu ekki að horfa til Evrópusambandsins eftir lausnum í mynt- og efnahagsmálum. Þessa djarflegu staðhæfingu treysti ég mér til að standa við eftir 25 ára samfellda búsetu og atvinnurekstur í Evrópusambandinu. Evrusvæði ESB er að minnsta kosti hálfglatað, svo að ekki sé meira sagt.

Þegar þetta er skrifað er ekki vitað hvort verja þurfi íslensku krónuna mikið lengur gegn evruáhlaupi íslenskra stjórnmálamanna. Enginn veit hvort evran verður enn á lífi við næstu sólarupprás. En eins og áður er sagt, þá virðast nýjar hugdettur íslenskra gjaldmiðlamanna fæðast á hverjum degi. Best er því að standa vörð um krónuna áfram og það fast. Það er gott að búa í landi sem á sína eigin mynt. Íslensk króna er í senn bæði sverð og skjöldur fullveldis íslenska lýðveldisins. Umgöngumst hana því með virðingu.

Skorradal, haustið 2011

© Gunnar Rögnvaldsson"

Þó nær 8 ár séu liðin frá ritun þessa þá er það þess virði að fara yfir þetta efnislega og skoða dæmi Nýfundalands sem missti efnahagslegt sjálfstæðis sitt fyrir margt löngu.

Orð Gunnars um kosti þjóðlegrar myntar tel ég að standi fyllilega fyrir sínu í dag eins og þegar þau voru rituð.

 

Þversögn Corbyns

virðist mikil úr fjarlægð.

Labour says it accepts the referendum result and that Brexit is going to happen. But it opposes Theresa May's Brexit plan, and wants to stop it and force a general election. If, however, it stops the PM's plan and there is no general election it says the option of a new referendum would be on the table.

Leader Jeremy Corbyn says he would negotiate a permanent customs union with the EU after Brexit, which would be very similar to the one it has now. This is the only way to keep trade flowing freely and protect jobs, he says, as well as ensuring there is no return to a "hard border" in Northern Ireland.

He has ruled out staying a member of the single market, as some of his pro-EU MPs want, so he can carry out his plans to nationalise key industries without being hampered by EU competition rules.

He says the UK should have a very close relationship with the single market. Labour accepts that some form of free movement of people might have to continue.

Hann er hindraður í þjóðnýtingaráformum sínum á grundvallariðnaði Bretlands af regluverki ESB. En samt reynir hann að hindra útgönguna Brexit?

Satt að segja hélt ég að þjóðnýtingaráform vinstri manna heyrðu sögunni til. En svo er víst alls ekki í tilviki Corbyns.

Egill Helgason spurði Ed Miliband ekki um þessa grundvallarspurningu Verkamannaflokksins í viðtalinu sem ítrekað snerti álit Milibands á forystuhæfileikum Corbyns sem hann snéri sig jafnharðan fimlega út úr.

Ingibjörg Sólrún

blandar sér í umræður hérlendis í auknum mæli.Hún virðist  til þess bær að skera úr viðkvæmum persónulegum málum nafnkunnra einstaklinga..

Hún hefur unnið mikið erlendis síðan í hruni.

Í því sambandi hafa heyrst spurningar um það hversu mikil laun hún hefur haft á þessum tíma og hversu mikla skatta hún hafi greitt til Íslands á þessum tíma.

Eða eru þetta einkamál vinstrafólks sem engu hægrisinnuðu fólki kemur við?