Hins sigrandi sól

rennur upp yfir fjörtíuþúsund fífl í dag eins og aðra daga. Þau halda að þau geti látið okkur hin stjórna hita á jörðinni og sjávardýpi við Maldívi eyjar og við Mýrdal.

Já þessar Maldívieyjar og fleiri sem núna eru í vandræðum hafa aldrei verið hálendari en það að þær hættu að hækka þegar sjór hætti að pusast yfir þær. Kórallar vaxa ekki nema við þær aðstæður, 2-5 cm á ári.Núna virðast slíkar eyjar standa lítið upp úr sjó. Á þeim er fólk búið að lifa einhverjar aldir við þær aðstæður að verða að hlaða undir sig sem maður gerir með að taka efni af lægra svæði og flytja á hærra. Þá lækkar námusvæðið en annað hækkar. Nú eigum við að borga ef þetta fólk vill flytja eitthvað annað alveg eins og fólk frá Albaníu vill láta aðra borga fyrir sig.

Nú er yfirborð jarðar líka að taka breytingum,upp og niður og út a hlið  vegna flekahreyfinganna. Suðurströnd Íslands færist til hafs 2 cm á ári. Mýrdalur er því að sökkva í sæ sem sést greinilega við Vík þar sem sjór gengur á land eins og þeir segja í Vík. Við getum ekki breytt þróuninni aðeins reynt að púkka undir okkur. Reynisdrangar munu sökkva í sæ þar sem þeir eru á hraðferð þangað sem nemur 2 kílómetrum á 100.000árum. Svo sígur land á jörðinni og rís vegna flekahreyfinganna. Það var í gamla daga hægt að sigla á mkilli Stockolms og Uppsala. En það er ekki hægt lengur vegna landsriss. Allt er breytingum háð á hreyfanlegri jörð.

Eitt sinn lá sjór yfir öllum Flóanum og þar eru skeljalög í talsverðri hæð yfir sjó sem gefa gott steypuefni til blessunar fyrir okkur Flóafíflin sem svo voru oft kölluð í gamla daga.

Það er furðulegt hvernig mönnum dettur í hug að stjórna þessu öllu með takmörkunum á útblæstri þegar sigurvegarinn sjálfur rennur yfir öll fíflin fjörtíuþúsund og fleiri á hverjum degi.

Sólin er hinn mikli máttur alls sem við erum, verðum og verðum ekki. Við erum algerlega á hennar valdi hvað sem við gerum eða gerum ekki. Sólinni er gersamlega sama um okkur og fer sínu fram, hvort sem við samþykkjum eða ekki. Hún stjórnaði ísöldunum og hlýskeiðunum alveg án okkar hjálpar.

Nú erum við stödd á seinni hluta hlýskeiðs jarðar. Hversu langt það verður veit aðeins sólin.  Hinsvegar breyta tvær gráður upp eða tvær gráður niður öllu fyrir Ísland. Niður og landið verður ekki byggilegt. Upp og okkur mun líða miklu betur í gróðursælu landi.Við eigum ekki að taka þátt í aðgerðum til að draga úr hnattrænni hlýnun. Það er beinlínis andstætt okkar hagsmunum þó að þeir Dagur Bé.,EssBjörn og Hjálmar skilji það auðvitað ekki og margir aðrir. 

Edvard Teller bauð mannkyni uppá að kæla jörðina með kóbaltsprengjum. Enginn þáði boðið minnugir þess hvernig fór fyrir risaeðlunum sem dóu með grasið í kjaftinum vegna skyndikælingar þegar loftsteinninn rakst á Mexico og það kom kúla í Kína við gutlið.

Sólin rennur líka sitt skeið. Hennar dagar eru taldir. Fyrr eða síðar verður  að finna  fjörtíuþúsund fífl til að skattleggja einhverja til að afstýra því að hin sigrandi sól gefist upp.

Kevi

er eins og allir vita lítill albanskur drengur sem foreldrar hans komu með hingað beinlínis í þeim tilgangi að koma sér á útveg Íslendinga. Fjölskyldan var ekki að flýja eitt eða neitt. Þau voru bara að leita sér að betra lífi og drengurinn aflar auðvitað samúðar. Sem er auðfengin hjá góða fólkinu. Án veika drengsins sem ekki er vitað hvort á langt líf framundan, fengist ekki landvistarleyfi hérlendis þar sem ekki ríkir styrjöld í Albaníu.

Nú æsir hver annan upp í samúðarbylgju til að heimta þessa fjölskyldu aftur til Íslands. Nú veit ég ekki  hvort drengurinn fær þá betri meðferð hér en heima hjá stórfjölskyldunni í Albaníu sem örugglega vill síðar koma hingað líka. Fáist ekki réttu meðulin handa Kevi í Albaníu gæti góða fólkið strax sent honum þá skammta þangað.  

Því miður er neyð heimsins svo mikil að við getum ekki læknað hana alla Íslendingar. Ef við getum gert eitthvað innan skynsamlegra marka fyrir Keví litla og þjáningabræður hans  þá gerum við það auðvitað. En það er ekki nauðsynlegt að heil stórfjölskylda fylgi hverjum Kevi.

Hvað er IPCC?

Á síðu Þ.J. sem Þorsteinn Jónsson kýs að nota sem síðuheiti eru athyglisverðar upplýsingar sem snerta Parísarráðstefnunnar.

Þar segir Þ.J.:

" Alþjóða veðurstofan WMO = World Meteorological Organisation the UN weather body. Þetta er ekki veðurstofa þetta er einn af örmum sameinuðu þjóðanna, klæddur sem veðurstofa.  Þessi grein virðist vera svona sérpöntuð fyrir loftslagsráðstefnuna eftir viku, als konar tilfærslur á gögnum til að fá réttu stikkorðin, þeir sleppa nóvember, sem var kaldur, en taka nov og des frá síðasta ári (óvenju hlýjir) óg velja síðan hentug viðmiðunnartímabil, 1880-1899 & 1961-1990 (óvenju köld)

 Þetta er nokkuð sem ég hef kosið að kalla Öskubusku-vísindi.  Þú byrjar á því að ákveða niðurstöðuna og klippir svo tærnar og hælana af gögnunum þar til þú getur troðið þeim á sinn stað.  Síðan reynirðu að fá menn til að skuldbinda sig óafturkræft til að hlíta niðurstöðunni áður en einhver tekur eftir öllu blóðinu og fer að skoða gögnin.

 IPCC eða loftslagsráð sameinuðu þjóðanna er oftast, ranglega þýtt loftslagsnefnd, en panel er í þessu tilfelli ráð, ekki nefnd, er skrítið fyrirbæri. Þessu ráði hefur verið beitt mjög stíft í því gríðarlega valda og peningabrölti sem umlykur umræðuna um hnattræna hlýnun, enda til þess stofnað.

 Það er alveg magnað hversu algerlega einhliða alt sem þetta ráð sendir frá sér er, en það á sér þó sínar skýringar. Þegar leggja á mat á hin ýmsu gögn og álit sem frá ráði þessu koma þá er nauðsynlegt að skoða hvernig til þess er stofnað.

Í stofnskrá ráðsins er hlutverk þess afmarkað svo.

"Hlutverk IPCC er að meta vísindalegar, tæknilegar og þjóð-hagsfræðilegar upplýsingar sem nota má til rökstuðnings og skilnings á vísindalegri undirstöðu hættunnar af manngerðum loftslagsbreytingum, mögulegum áföllum vegna þessa og aðferðum til aðlögunar og minnkunar skaða."

 Eða á mannamáli, IPCC á að semja skýrslur um magn og ógn hnattrænnar hlýnunar af mannavöldum og leggja til hvað megi gera til minnka áhrif af því sama.

 Hér er nú býsna þröngt sniðinn stakkurinn. Niðurstaða allra rannsókna er fyrirfram ákveðinn, loftslagsbreytingar skulu vera af mannavöldum, þær skulu jafnframt vera skaðlegar, ef niðurstaðan er önnur þá á hún ekki erindi í skýrslu frá þessari stofnun.  

Og hvernig skyldi nú standa á því?

IPCC er sett á fót af WMO og fyrirrennara sínum hjá SÞ UNEP en sú stofnun laut forræðis Maurice nokkurs Strong, sem var mikill áhrifavaldur innan SÞ um langan tíma.
 Strong átti sér þann draum heitastann að gera SÞ að Heimsvaldi (Global government) með egin skattlagningarvaldi og í raun ónæmt og utan leikreglna lýðræðis, svona nokkursskonar skriffinna einræði sjálfskipaða góða fólksins, og var sífellt að leita leiða til að auka völd SÞ og gera SÞ kleyft að leggja skatta á iðnríkin til að fjármagna ímisskonar SÞ starfsemi í þriðja heiminum.

  Nú er ég ekki að segja að það geti ekki verið neitt bitastætt í skýrslum IPCC en ekki búast við jafnri og hlutlausri umfjöllun um efnið frá þeim, þeir einfaldlega mega það ekki."

Hér sagt frá undirliggjandi staðreyndum um þau öfl sem telja sig handhafa stórasannleika í hlýnun jarðar. Þessi öfl eru heimsumlykjandi og snerta líf allra á Vesturlöndum sem verða að taka á sig skerðingar vegna ósannaðra fullyrðinga  valins hóps manna. Birtingarmynd þessa er IPCC.

 

Ásýnd hins illa

gæti þessi mynd frá bandaríska vegebréfaeftirlitinu heitið.

Þarna er fjöldamorðinginn frá Bernardino að koma til Bandaríkjanna frá Saudí Arabíu með brúði sína í júlí 2014.

Þau stunduðu bæði  skotæfingar á opinberum völlum fyrir atburðina.

 

Byssa er bara verkfæri sem sprengir skothylki alveg eins og naglabyssur.Dauðir hlutir. Það er fólkið en ekki fötin sem frömdu glæpinn verðum við líka að muna.Ásýnd hins illa er af holdi og blóði eins og hinn fríði Breivik. 

 

 

 

Fjörtíuþúsund fífl

snúa til baka eftir loftslagsfundinn í París.

Árangurinn fyrir Íslands hönd mælist í því að Svandís Svavarsdóttir er búin að ákveða að Íslendingar skuli aldrei leita að olíu meira. Sem sagt leggja varanlegan lífskjaraskatt á þjóðina eins og hún gerði með íblönduninni í bensínið sem kemur verst niður á þeim sem hún þóttist elska mest fyrir kosningar. Svandís er því sannur meinvættur í lífi lítilmagnans.

Allir sjá áhrifin frá skrautsýningunni í París á líf Íslendinga. Þeir sem stjórna örsmæðarbroti af losun manna á CO2 eiga að fara að herða mittisólar sínar í framhaldi af skattfjárskostnaði góða fólksins til Parísar.

Niðurstaða ráðstefnunnar fyrir utan timburmenn er nákvæmlega engin fyrir mannkynið en íþyngjandi fyrir Íslendinga. Hún breytir engu um heildarlosun mannkynsins af þessarri nauðsynlegu loftegund þar sem helstu framleiðendur standa utan við. Sá eini sem græðir er Al Gore og þeir gróðapungar sem hann styðja.  

Hnattræn hlýnun væri aðeins  til góðs og eykur matvælaframleiðslu í heiminum. Hún gerir Ísland snöggtum byggilegra. Við getum sent dæluskip til að hækka einhverjar eyjar ef svo ber undir.

En svona til að afhjúpa tvöfeldni Svandísar og góðafólksins hennar sem er sama fólkið og vill gráta albanska drenginn úr Helju því hann á svo bágt meðan gamalt fólk sveltur hérlendis, þá væri gott að fá fram opinberlega hver sé hennar afstaða til:

1.Vindmyllugarða

2.Þórsvirkjana  

Auðvitað steinþegir hún um það hvað mannkyn eigi að gera í orkumálum. Enda er það ekki háttur komma að hafa áhyggjur af því sem ekki er hægt að nota sjálfum sér til framdráttar í áróðursskyni eins og loftslagmál.

Þar á Svandís fjörtíuþúsund sálufélaga að minnsta kosti.

Ótrúlegt !

er það sem maður les í Staksteinum Mogga.

"Lög sem sett voru árið 2013 og gera það að verkum að olíufélögin verða að setja íblöndunarefni í eldsneytið eru vafasöm fyrir margra hluta sakir. 

Fyrir það fyrsta voru vinnubrögðin við lagasetningu stórundarleg, þar sem í ljós kom að tiltekinn hagsmunaaðili hafði samið lögin.

 

Þá hefur verið bent á að lögin, sem sett voru til að mæta tilskipun frá ESB, ganga mun lengra en þörf var á og væru jafnvel alveg óþörf ef stjórnvöld hefðu frekar farið þá leið að sækja um undanþágu, sem ætti að vera sjálfsögð miðað við hve stór hluti orkunýtingar hér á landi er frá umhverfisvænni orku.

  

Einnig hefur komið fram að lögin hafa leitt til þess að miklar fúlgur af dýrmætum erlendum gjaldeyri hafa farið í að kaupa íblöndunarefnið, langt umfram það sem eldsneytið sjálft kostar. Þar við bætist að eldsneytið nýtist verr með íblöndunarefninu í, sem eykur líka kostnað bíleigenda. 

 

Nýjast í þessu máli er svo að Samkeppniseftirlitið bendir á það í nýrri skýrslu sinni um eldsneytismarkaðinn að þessi lagasetning sé samkeppnishamlandi og hafi einnig þannig orðið til að auka kostnað neytenda. 

 

Nú liggur fyrir Alþingi frumvarp Sigríðar Andersen og nokkurra annarra þingmanna um að vinda ofan af þessar vitleysu. Alþingi hlýtur að afgreiða frumvarpið með hagsmuni íslenskra neytenda í huga."

Er þetta afrek hjá Sigríði Andersen eða er þetta vitni um sofandahátt núverandi ríkisstjórnar að hafa valdið neytendum þessum skaða og halda því áfram? 

Hverskonar vinnubrögð eru þarna við Austurvöll? Er þetta fólk að vinna fyrir almenning eða einhverja aðra? Hvar er virðing Alþingis stödd? Er þetta umhyggjan fyrir smælingjunum að láta þá borga meira fyrir bensínið? 

Langafi minn, hann Jón Ólafsson, gekk þaðan út einn góðan veðurdag fyrir margt löngu, sagði af sér þingmennskunni og sagðist ekki geta setið stundinni lengur með þvílíkum mönnum sem þar væru innan dyra. Enda var hann um margt á undan sinni samtíð hann Jón Ólafsson. Hann átti það eftir löngu síðar að segja af sér þingmennsku og öllum eftirlaunum af sömu ástæðum.

Þá voru líklega bæði launin og eftirlaunin ekki eins góð og þau eru í dag sem gera það að verkum að menn hanga á þingmennskunni sinni eins og hundar á roði. Hver skyldu mánaðareftirlaun Steingríms J. Sigfússonar, sem setti lögin um íblöndunina, sem hins þingelsta verða þegar hann loksins hættir? 

Jón Ólafsson barðist fjárhagslega í bökkum til æviloka vegna seinni afsagnarinnar sem hann gerði í bræðikasti vegna þess að vera ekki skipaður í bygginganefnd Safnahússins. Hann hafði nefnilega 8 ára starfsreynslu að baki sem bókavörður í Chicago umfram alla þálifandi Íslendinga. Hann reiddist svona illa þegar Landlæknirinn var tekinn fram yfir hann í nefndina.

 

Jón þessi fékkst við margt um dagana. Hann gaf út stafrófskver handa Íslendingum í meira en 16000 eintökum rétt eftir aldamótin 1900 og kenndi greinilega flestum Íslendingum af þeim kynslóðum að lesa. Hann varð ritstjóri fleiri blaða en nokkur Íslendingur til þessa dags.

Jón Ólafsson kenndi í Verslunarskólanum og samdi eitt fyrsta íslenska fræðiritið í Hagfræði sem afkomandi hans, Ársæll Valfells lektor, hefur endurútgefið.

Hann varð líka þjóðskáld með "Máninn hátt á himni skín." Hann dró að sér konur sem segull stál og þjáðist í hljóði vegna fjarvista við börnin sín mörg og fjarlægu því hann var án efa tilfinningaríkur maður. 

 

Í dagsins önn var Jón Ólafsson höfundur nýyrðanna:

Lindarpenni,strokleður,afbrigðilegur, bandalag, dómgreind, eldmóður, félagslund, fjölbreytni, fjölhæfi, fjölhæfni, formælandi, talsmaður, frumkvæði, frumlegur, frumleiki , hugðarefni, hugnæmur, íhlutun, jákvæður, neikvæður, misbeita, ófremdarástand, ofstækismaður, raunhæfur, raunvísindi, réttmætur , rétttrúaður, rökleiðsla, rökræða, samkeppni, sérlyndi, siðmenning, skilgreina, smásálarskapur, stjórnmálamaður, umburðarleysi, uppeldisáhrif, valdhafi, vanmeta, viðfangsefni, víðtækur, þröngsýnn.

Flest orðin eru  notuð enn í dag. En Jón varð að búa þau til til að geta tjáð hugsun sína fyrir einföldum sálum á þeirri tíð.

Jóni Ólafssyni var hinsvegar ávallt mest í nöp við heimskuna ótrúlegu í fari mannkynsins og reyndi ávallt að kenna og uppfræða alþýðu.

Hann mælti við mann af munni fram daginn áður en hann dó, 67 ára gamall:

"Höndin skelfur, heyrnin þverr,

helst þó sálar kraftur.

Sjónin nokkuð ágæt er

og aldrei bilar kjaftur".

En er ekki gott þegar menn geta með stífri efrivör gert góðlátlegt grín að sjálfum sér að leiðarlokum eins og Jón þessi Ólafsson sem kallaði sjálfan sig ævintýramann? Og hafði nokkuð til síns máls.

Hefði Jón sætt sig við þá íblöndun bensíns sem myndi rýra kjör lítilmagnanna eins og samþykkt Alþingis ber vitni?.Var þetta ekki sama fólkið og snökti af umhyggju fyrir fátæka fólkinu fyrir kosningarnar? Hefði Jón Ólafsson samþykkt svona ótrúlegt "ófremdarástand" í eldsneytismálum fátæks fólks?

 

 

Sámur fóstri

 

Loksins, loksins!  

 

Sámur fóstri er kominn út í 20.000 eintökum. Hann er 44 bls. að stærð og var* prentaður í Landsprenti eftir hádegi í gær. 

 

Verður dreift 14. og 15. desember af Íslandspósti í 19097+ póstkassa milli fjöru og fjalla frá Kirkjubæjarklaustri um allt Suðurlandsundirlendi og Vestmannaeyjar, öll Suðurnes og Reykjanes til Voga á Vatnsleysuströnd.

 

Auglýsendur  mun örugglega finna fyrir talsverðri söluaukningu frá þessum dögum. 

 

Enda hvernig væri hægt að afsanna það?

 

Vonum að allir auglýsendur verði með í næsta tölublaði þar sem Sámur fóstri hefur vaxið mikið á skömmum tíma og fylgir fast sínum vinum sem sá gamli frá Hlíðarenda gerði á dögum Gunnars. En án auglýsenda kemur svona blað ekki út. Þeirra skulu allir lesendur minnast hlýlega, sem hafa gaman af að lesa þetta blað. Sem ég held að sé bara skemmtilegt og fróðlegt. 

 

Ef þið, sem örlögin hafa sett niður til búsetu utan þessara framantöldu svæða sem Ingólfur fór um á leið sinni til Reykjavíkur og svo auðvitað allt dreifbýlis-og sjófólk um allt land, þið þurfið ekki að fara á mis við blaðið og getið skoðað það strax með því að fylgja þessum tengli:

 

              http://issuu.com/radandi_auglysingastofa/docs/samur_fostri_2_tbl_issuu/1

 

Vona að ykkur líki blaðið og megið gjarnan láta álit ykkar í ljósi á hvorn veginn sem er. Því eins og Mark Twain vissi að betra er illt umtal en ekki neitt. 

 

Hver var hann Sámur fóstri? Það veit auðvitað allt Njálufólk. Ekki allir vita samt að hann var trúlega risastór írskur úlfhundur af kyni sem enn í dag er sagt hafa svipað skaplyndi og Ólafur Pá segir Sám hafa þegar hann gefur Gunnari frá Hlíðarenda þennan hund.

 

Hvar verður saga blaðsins Sámur fóstri í framtíðinni, það veltur á móttökum lesenda og stuðningi velunnara. 

Kári í jötunmóð

í Mogga í dag. Afköstin í skurðaðgerðum við gáttatifi ná ekki helmingi af þörf.

Í stað þessa að heimta allt af helfrosnu ríkisvaldinu sem er alltaf eins hverjir sem stjórna finnst mér að svona eldstólpi eins og dr. Kári er ætti að beita sér fyrir því að setja upp prívat klíníkk þar sem þeir sem geta borgað frá afgreiðslu strax. Þá styttist biðlistinn strax um helming.

Svo getur hann boðið einhverjum Visa-raðgreiðslur og einhverjir hlaupa á það. Svo má hafa landssöfnun og happdrætti, 1. viningur aðgerð við gáttatifi. Landspítalasósíallinn klárar þá kannski restina.

Bindum við ekki sem fyrrum vonir við dr.Kára í jötunmóð!

 

Til hvers er fjölmenning?

sem hugtak og markmið?

Íslendingar eru sem óðast að flytja inn fólk sem hefur gerólíka menningu, trúarbrögð og siðu heldur en við sem fyrir eru í landinu.

Við leggjum upphátt kapp á að þetta fólk læri íslensku. Sem allir vita að ber lítinn áramgur. Til hvers skyldi það vera? Ætlar Þetta fólk að samlagast okkur eða halda sínum siðum og venjum? Ætlum við ekki að kenna börnum þeirra á þeirra eigin máli? Ætlum við ekki að láta þetta fólk mynda sín eigin samfélög í fjölmenningarsamfélaginu Ísland? Ætlum við ekki að greiða fyrir því að ættmenni þeirra flytjist hingað og taki þátt í fjölmenningarsamfélaginu hér á landi? Er þessi ráðstefna hugsanlega endurtekning á Rögnunefndarsýningu Dags Bé Eggertssonar í auglýsingaskyni fyrir hann sjálfan?

Við kunnum flest ensku svo við getum gert okkur skiljanleg gagnvart því flóttafólki sem hana talar. Alveg án þess að þetta fólk þurfi að læra íslensku.  Til hvers í veröldinni að vera að áreita það með íslenskukennslu? Sjáum við ekki hvernig mál munu þróast hérlendis í þessu fjölmenningarsamfélagi sem allir ráðamenn góðafólksins stefna pólitískt að hvað sem okkur í kúgaða minnihlutanum finnst.

Er einhver ástæða til annars en að ætla að fjölmenningarsamfélagið hér mun líta eitthvað öðruvísi hér en Sviþjóð, Danmörku, Hollandi, Þýslandi eða Frakklandi? Sem verða Borgarhverfi fjölmenningar þar sem okkar menning er óvelkomin?

Ég fæ ekki skilið til hvers svona ráðstefna er sem á að halda á morgun á vegum Háskóla Íslands nema til þess að gefa opinberum starfsmönnum kost á að taka sér frí úr vinnunni sinni.Niðurstaðan er gefin fyrirfram.

Verða ekki þarna Dagur Bé,háskólarektor Jón Atli Bendeiktsson, Kristrún Sigurjónsdóttir og Hanna Ragnarsdóttir og svo allir velkomnir úr hópi góðafólksins sem vilja lofsyngja fjölmenningu sem andstæðu íslenskrar menningar?  Það á ekki að ræða aðlögun fólks af fyrrnefnda hópnum heldur aðlögun íslensku menningarinnar að fjölmenningunni.

Til hvers er þá þessi fjölmenning í sambandi við móttöku flóttamanna?

Finnagaldur

nýr er í athugun í þúsund vatna landinu. Þeir eru að spá í hver þegn fái 800 evrur á mánuði í peningum og allar bætur Tryggingastofnunar og sveitarfélaga falli niður.

Hugsið ykkur. Loka Kratahreiðrinu við Laugaveg eins og það leggur sig. Bara Mávur Seðla sendir gjaldeyri á hvern einstakling, aldinn sem ungan. Enginn að hringja í Pétur Gunnlaugs eða Arnþrúði  til að kvarta yfir svikum stjórnvalda. Ekkert fyrir Björgvin eða Erling Garðar að skrifa um ranglætið á eldri borgurum sem enginn vorkennir neitt í alvöru hvert sem er.

Mér finnst þetta hreinn brilljans. Það held ég að verði nú skrækur í Samfylkingunni ef Bjarni hreyfir þessu! 

Mér finnst þessi Finnagaldur hinn fremsti sem ég hef heyrt lengi.

Listafasismi?

birtist mér á skjánum hjá RÚV í smámyndramma af allsberum herramanni að runka sér. Ég gat ekki slökkt á þessu án þess að slökkva á þættinum sem ég vildi horfa á.

Hvað er hægt að kalla svona áþvingað "listform" sem góðafólkið myndi líklega kalla þetta. Hvað höfum við,ég og þú, til saka unnið að vera neyddir til að borga fyrir þetta áhorf? Fréttamyndum af flóttamönnunum í Evrópu er hinsvegar haldið frá okkur svo við verðum ekki hræddir.

Skyldi vera hægt að kalla þetta listafasisma?

Ráðningar hjá ríkinu?

 

Í leiðara Morgunblaðsins stendur m.a.:

"....Eftirgjöfin á gjaldahliðinni er áhyggjuefni og hluta vandans lýsti Guðlaugur Þór Þórðarson, varaformaður fjárlaganefndar, í viðtali við Morgunblaðið um helgina, þar sem hann sagði ríkisstofnanir standa gegn sparnaði með öllum tiltækum ráðum: »Það gengur erfiðlega að spara hjá stofnunum. Kerfið ver sig með öllum ráðum. Það skortir skilning á mikilvægi þess að gæta aðhalds í ríkisfjármálum og hafa í þessu tilfelli einfalt og skilvirkt eftirlitskerfi. Þetta er útlagður kostnaður skattgreiðenda og það er líka í þessu fólginn mikill óbeinn kostnaður fyrir atvinnulífið og fólkið í landinu.«

 

Augljóst er af lestri nefndarálits meirihluta fjárlaganefndar að erfiðlega hefur gengið að koma böndum á ríkisútgjöldin og í sumum tilfellum má tala um uppgjöf í því sambandi. Ýmsar skýringar eru á þessu og fæstar nýjar af nálinni. Þrýstingur innan úr kerfinu, líkt og sá sem nefndur er hér að ofan, er ein meginskýringin og veigamikil ástæða þess að hið opinbera ætti að halda fjölda og umsvifum stofnana sinna í lágmarki."

Þegar maður hlustar á viðtöl við ríkisforstjórana er alltaf sama viðkvæðið. Það vantar meiri fjármuni og fleira starfsfólk.Það vantar bæði meira fé og fleiri ríkisstarfsmenn ef á að halda uppi þjónustustiginu eins og það er orðað.

Skyldi vera einhversstaðar til áærlun um starfsmannafjölda ríkisins og hversu margar nýjar stöður verði til næstu ár? Hvað mun starfsmönnum Fiskistofu, Isavia, Samgöngustofu,Landspítala, Vegargerðar,Fjármálaráðuneytis,RÚV, Forsætisráðuneytis,Hagstofu og svo áfram fjölga mikið á næstu 5 árum? Er hægt að ætlast til þess að meirihluti fjárlaganefndar viti þetta?

Ég hef heyrt að sumstaðar hafi menn sett á ráðningarbann. Ekki ráðið inn fólk í stað þeirra sem hætta störfum nema að vandlega íhuguðu máli. Keep the lid on hiring er vel þekkt setning í Bandaríkjunum,-(hafið þak á ráðningunum).

Skyldi vera þak á ráðningum hjá ríkinu?