Allt snýst

í henni verslu sögðu menn í gamla daga.

Eftirtalin orð lýsa nokkuð vel hvernig viðhorf manna var til verðbólgunnar í gamla daga:

“Flestir munu sammála um, að stjórnun peningamála skiptir mjög verulegu máli í sambandi við þróun verðbólgu. Það er kunnara en frá þurfi að segja, að lengst af um áratuga skeið hafa íslendingar búið við neikvæða vexti. Á síðustu áratugum er aðeins árið 1967 undanskilið.Þetta hefur þýtt, að sparifjáreigendur hafa tapað stórkostlegum fjármunum,og almennt hefur þetta einnig þýtt að viljinn til þess að spara hefur verið mjög slævður. Þetta hefur jafnframt þýtt, að auðveldasti vegurinn til þess að verða efnaður hefur verið að skulda fjármagn. Aðgangur að lánastofnunum ræður í raun meiru um það, hvort fólk og fyrirtæki kemst vel af, heldur en útkoma í kjarasamningum eða góður eða slæmur rekstur fyrirtækja.
Staða sparifjáreigenda er sérstaklega hrikaleg sem afleiðing af þessu ástandi. Um síðustu áramót mun láta nærri, að sparifjáreigendur hafi átt á reikningum íbönkum, sparisjóðum og innlánsdeildum tæplega eitt hundrað milljarða króna. Láta mun nærri að verðrýrnun þessara fjármuna nemi um tuttugu milljörðum króna. Með öðrum orðum, þá brunnu nær tuttugu milljarðar af fjármunum sparifjáreigenda á verðbólgubálinu á siðasta ári. Þetta er auðvitað gegndarlaust óréttlæti og vinnur þar að auki gegn sparsemi og ráðdeild í samfélaginu..... að hið neikvæða vaxtakerfi hafi breytt þeim stofnunum, sem eiga að vera til þess að lána fjármagn, úr því að vera útlánastofnanir og í það að vera hafta- og skömmtunarstofnanir, sem þar að auki starfa nær alfarið fyrir luktum dyrum og lúta enn fremur pólitísku valdi að mjög verulegu leyti. Þetta kerfi leiðir óhjákvæmilega til misnotkunar, óhagkvæmrar fjárfestingar og hvers konar misréttis........að ógerlegt sé að sigrast á óðaverðbólgu nema takast megi að sannfæra almenning um, að hann hagnist ekki, heldur tapi, á þessu ástandi. Þetta hefur verið afar erfitt, ekki síst á allra síðustu árum, þegar hraði verðbólgunnar hefur keyrt um þverbak. Það hefur leitt til þess, að allir þeir,sem eiga þess einhvern kost að komast yfir lánsfjármagn, telja sig hagnast á þessu ástandi, jafnvel þó í smáu sé. Þessu verður ekki breytt, jafnvægi verður ekki komið á í peningamálum, og almenningsálitið verður ekki endanlega sannfært um skaðsemi verðbólgu og dýrtíðar, nema raunvaxtastefnu verði komið á í áföngum.”

Skynsmlega talað við þær aðstæður sem þá ríktu í þjóðfélaginu.

Svo líður tíminn og góðæri kemur í kjölfar verðtryggingar inn og útlána. Lífeyrissjóðir landsmanna eflast og skyndilega veriðu framboð á lánsfjármagni þar sem áður var auðnin tóm. Allskyns bréfasölur og pappírstígrísdýr rísa upp, það koma húsbréf á markaðinn sem hægt er að selja. Það er allt í eínu hægt að byggja og fá 70 %,80 % ,90% og hundrað prósent lán þar sem ekkert var áður Og menn byggja og byggja.
Svo kemur kreppa og vinnan dregst saman, Þá fara skynsamir sjórnmálamenn að róa á önnur mið.

“….Það mæla bæði efnahagsleg rök og sanngirni með því að verðtrygging á lánum til heimilanna verði alfarið bönnuð á næstu misserum. …….þó stjórnvöld hafi þegar ákveðið að banna verðtryggingu á sparifé landsmanna frá 1. janúar árið 2000 stendur ekki til að banna verðtryggingu útlána umfram það sem þegar hefur verið ákveðið á skammtímalánum. Það mæla bæði efnahagsleg rök og sanngirni með því að verðtrygging á lánum til heimilanna verði alfarið bönnuð á næstu misserum….. Er nema von að það skilji ekki ástæðurnar, eins og þegar kartöflur hækkuðu tímabundið í sumar, þá leiddi vísitalan og verðtrygging til þess að skuldir heimilanna jukust um 500 milljónir króna. Hækkun á grænmeti á einu ári, sem mörg heimili hafa ekki efni á að kaupa vegna ofurtolla og verndarstefnu ríkisstjórnarinnar, juku engu að síður skuldir heimilanna um 1300 milljónir króna. Skuldir heimila í árslok verða 350 milljarðar króna og hafa aukist á þessu ári um 25 milljarða króna. 90% af lánunum eru verðtryggð, en einungis 10% óverðtryggð. Við viljum ekki endurtaka leikinn frá 1983 að kippa úr sambandi verðtryggingu launa en ekki lána. Ríkisstjórnin kemst ekki hjá því að svara af hverju Ísland, sem býr við svipað efnahagsumhverfi og þjóðir sem við berum okkur saman við, hafi eitt landa verðtryggingu á lá “

Það eru margir núorðið sem muna ekki eins vel og við sem eldri erum hvernig ástandið var á okkar ungu en spennandi dögum þegar allt var nýtt og ferskt og við trúðum á framtíðina hvernig sem valt. Hér geisaði stjórnlaus óðaverðbólga og sparifé manna brann upp ef því var ekki eytt samstundis.

Það voru tekin upp verðbólgureikningsskil fyrirtækja, þar sem verðbólguhagnaður var leiðréttur og hegnt fyrir skuldasöfnun. Illu heilli hefur þetta verið aflagt. En í gamla daga var alþekkt að fyrirtæki urðu gjaldþrota eftir samfelldar tekjuskattsgreiðslur í áratugi. Timbursali fór úr því að eiga milljón fet í að skulda milljón fet og græddi alltaf pappírslega. Verðbólgan fór í lagerana og þeir breyttust úr eignum í skuldir.

Margt hugsandi fólk lét sig þetta varða á þessum tíma, eins og sjá má á tilvitnaða textanum hér að ofan. Svo var brotið blað með Ólafslögum þegar verðtrygging var loksins innleidd sem neyðarráðstöfun til að koma böndum á sparifjárbrunan. Sem þessi sami Ólafur innleiddi að miklu leyti með valdatöku sinni 1971, þegar hann hækkaði kaupið í landinu með pennastriki um 10 % og stytti vinnuvikuna um 10%. Þá byrjaði bálið sem landsmenn börðust við að slökkva tveimur áratugum síðar.

En í Ólafslögum sagði m.a.;

-------------------------------------------------

32. gr.
Við 13. gr. laga nr. 10 29. mars 1961 um Seðlabanka Íslands skal bæta eftirfarandi:
ÁkvæiSi til bráðabirgða.
Vaxtaákvarðanir á árunum 1979 og 1980 skulu við það miðaðar, að fyrir árslok.1980 verði í áföngum komið á verðtryggingu sparifjár og inn- og útlána, sbr. VII.kafla þessara laga um verðtryggingu sparifjár og lánsfjár. Meginreglan verði sú,að höfuðstóll skuldar breytist með verðlagsþróun en jafnframt verði nafnvextir lækkaðir. Afborganir og vextir reiknist af verðhættum höfuðstól. Verðtrygging verði reiknuð í hlutfalli við verðbreytingar. Samhliða verðtryggingu verði lánstími almennt lengdur og skal setja um þetta efni almennar reglur, þar á meðal um heimildir til skuldabréfaskipta af þessu tilefni.
VII. KAFLI
Um verðtryggingu sparifjár og lánsfjár.
33. gr.
Stefna skal að því að verðtryggja sparifé landsmanna og almannasjóða. Í því skyni er heimilt, eins og nánar greinir i þessum kafla, að mynda sparifjárreikninga og stofna til lánsviðskipta í íslenskum krónum eða öðrum verðmæli með ákvæðum þess efnis, að greiðslur, þar með taldir vextir, skuli breytast í hlutfalli við verðvísitölu eða gengi erlends gjaldeyris, sbr. 38. gr.
6
34. gr.
Ákvæði þessa kafla gilda um skriflegar skuldbindingar, þar sem skuldari lofar að að greiða peninga, hvort sem um er að ræða lánað fé, endurgjald eða eftirstöðvar endurgjalds fyrir verðmæti, sem hafa verið seld eða afhent.

---------------------

Þetta gekk svo eftir. En enn eimdi eftir af trú verkalýðsfélaga á tugaprósenta taxtahækkanir sem vörn gegn verðbólgunni. En það fór að renna upp fyrir mönnum að verðbólgan var versti óvinur allra. Þeir Einar Oddur og Guðmundur Jaki náðu svo smám saman samkomulagi um að stöðva kapphlaupið sem varð að veruleika í þjóðarsáttinni. Þá ríkti kreppa þó nokkur ár og lítið var um peninga og vinnu en smátt og smátt sáu allir að tímarnir bötnuðu, gengið hækkaði, verðlag lækkaði í stað þess að hækka stöðugt og launin entust betur.

Enginn bað um að taka upp Evruna þó að þá hefðum við getað það raunverulega vegna stöðugleikans sem þá var. Svo hófst mesta uppgangsskeið í sögu þjóðarinnar og Íslenskir útrásarvíkingar flugu á einkaþotum með Forsetann um allar trissur. Hraðferðin upp var svo mikil að hún datt út um þakgluggann 2008 og allt fór í rusl við brotlendingu á bakgarði helvítis og skuldanna.

Þá kennir hvor öðrum um, verðtryggingunni er bölvað í sand og ösku því menn sem keyptu hús og lífsstíl á 100 % lánum þola ekki tvöföldun á skuldum skiljanlega þegar krónan dúndraði niður og er haldið þar í höftum. Ef ekki væru krónubréfin þá væri gengið löngu búið að jafna sig.

En við núverandi aðstæður koma auðvitað kröfurnar um að fá óverðtryggð lán. Lífeyrissjóðirnir eiga að lán út óverðtryggt til langs tíma án þess að menn hugsi um lífeyririnn. Hringekjan er farin af stað. Allir búnir að gelyma hvernig þetta var hér áður fyrr fyrir verðtrygginguna og hversvegna hún var sett á með samþykki þjóðarinnar.

Þjóðmálaskúmar eru á komnir á fulla ferð og tala fagurt um nýja tíma með ódýru óverðtryggðu fjármagni, burt með vondu verðtrygginguna. Enginn hugsar um hverjir eig að leggja til sparnaðinn.Það er enginn að spara hvort sem er nema lífeyrissjóðirnir. Vondu fjármagnseigendurnir eru víst allir flúnir með aurana sína til Tortólu og Sviss þaðan sem þeir teygja nú fálmara sína til að höndla nýju bankana okkar, vinnufærir menn farnir til Noregs og eftir sitjum við aumingjarnir og atvinnuleysingjarnir í brakinu og bíðum eftir einhverju öðru í grennd við Húsavík og Bakka.

Það er eins og lífið snúist stöugt í hringi hjá Íslendingum. Það sem var grænt í gær hefur gránað í dag eins og Haraldur frá Kambi lýsti því þegar ölið var af könnunni. Og með þessu snúumst vð öll meira og minna, getum aldrei nema gusast áfram, ýmist í ökkla eða eyra,Millar í dag en maðkar á morgun eins og síldargróssér á gamala Siglufirði. Og stjórnmálamennirnir enduróma okkur sjálf og þykjast allt vita hvað sé best fyrir okkur.

Textarnir að framan í gæslöppunum eru ágætlega skrifaðir með mikilli sannfæringu, sá fyrri 1979 og sá seinni eitthvað tveimur áratugum síðar. Að vísu af sama stjórnmálamanninum, sem hefur bara endurskoðað afstöðu sína oggulítið í tímanna rás. Einhverjir hafa kannski gaman af því að geta sér til um höfundinn.

Þ

Vegabréfaskyldu vantar

strax á ferðir til og frá landinu Íslandi.Við getum það alveg eins og eyþjóðin Bretar.

Þetta evrópugengi sem réðist á vin minn hann Franch Michelsen og hans fólk á Laugaveginum um hábjartan morgun með byssum og ræna búðina hans milljónatugum, er áreiðanlega farið úr landi núna og kemur svo aftur seinna til að ná í góssið. Mikið var mér létt að heyra að fólkið var óskaddað líkamlega þó maður geti áreiðanlega ekki ímyndað sér hvernig það er að liggja í gólfinu með byssu við gagnaugað og líflátshótanir.Það er auðveldara um að tala en í að komast.Franch mun hafa verið búinn að þjálfa fólk sitt í viðbrögðum við svona atburðum og allt fór sem betur fer vel.

Þetta er ný vídd í bófaskap á Íslandi.Við verðum að bregðast við svona þróun sem þjóð. Ef við hefðum ekki gengið í þetta Schengen heldur verið eins og Bretar með vegabréfasktldu inná okkar eyju, þá hefðum við getað fylgst með öllum þessum útlendingum frá fyrsta degi. Þetta eru ekki svo margir aðilar að það er minna mál að fara i gegn um það hverjir eru með fjárvistarsönnun og að engin þeirra sleppi úr landi án slíkrar athugunar. Nú höfum við ekki hugmynd um hverjir eru að fara. Með vegabréfaskyldu og skráningu væri líka vitað hverjir hafa farið úr landi síðan í gær og hverjir eru að fara á næstunni. Lögreglan væri örugg með að missa ræningjana ekki úr landinu sem hlýtur að vera kostur.

Hvernig stendur á því úr því að þessi ríkisstjórn getur ekki ónýtt verkið með Schengen, ef henni er ekkert heilagt í því að halda uppá neitt úr tíð fyrri ríkissjórna? Hún fengi prik hjá mér ef hún gerði eitthvað raunhæft til að friða landið úr því að síðasta stjórn eða sú þaráður hleypti Schengen vitleysunni á stað. Af hverju spyr enginn fréttamaður lögregluna álits á vegabréfum? Hvernig væri að fá þá í rannsóknarlögreglunni í viðtal í sjónvarpi? ÍNN úr því að RÚV gerir sem er stjórnvöldum óþægilegt. Ingvi Hrafn, gerðu eitthvað!

Við venjulegir mörlandar förum heldur ekkert í gegnum hliðin á Keflavík, hvorki inn eða út nema framvísa vegabréfi. En lítháískir glæpamenn þurfa engan passa né kollegar þeirra frá löndunum í kring. Af hverju þurfum við Íslendingar alltaf að hegða okkur eins og fífl og yfirganga aðra í vitleysunni?

Það vantar vegabréfaskyldu strax!

Bravó VG !

með frábæran árangur. Álver á Bakka er slegið útaf borðinu og heimsbyggðin fær mengun frá álveri með óendurnýjanlegum orkugjöfum í staðinn. Vissulega gott veganesti fyrir Svandísi Svavarsdóttur inná landsfund flokksins í lok mánaðarins.

Og Steingrímur J. Sigfússon hefur bætt enn einum steini í sigurboga sinn sem hann hleður nætur og daga. Þarna verður hægt að tala langt mál um það happ að losna við álverið og nota orkuna í "eitthvað annað", hvað sem það nú verður. Heimamenn eru að vonum himinlifandi yfir framgöngu þingmannsins sem kemur bráðum með "eitthvað annað".

Svo kemur í ljós að bankarnir fengu húsnæðislán heimilanna með jafnvel þriðjungs afslætti. Það er því auðskilið að hægt hafi gengið að reisa skjaldborgina um heimilin þar sem varla neitt borð er fyrir báru fyrir skuldaaðlögun hjá bönkunum þegar búið er að leiðréta fyrir gengislánunum sem Hæstiréttur dæmdi ólögleg.

Hversu lengi enn mega landsmenn enn njóta siguröngu Steingríms og Svandísar? Bravóin yfir árangrinum á Bakka og bankasnilldinni munu sjá um að botnfrysta buldrið í Hjörleif Guttormssyni yfir Bandalagsaðlöguninni á allsherjar baráttufundi Vinstri Hreyfingarinnar-Græns Framboðs fyrir bættum hag þjóðarinnar.Bravó fyrir VG!

Óþolandi

er að Steingrímur J.Sigfússon fjármálaráðherra lýðveldisins Íslands og formaður VG, sérlegur verndari norrænnar velferðar, komist upp með það að leyna eignarhaldi Aríon Banka.

Það gengur fjöllunum hærra að bankinn sé að komast í hendur íslenskra aðila sem áður höfðu ryksugað Kaupthing-banka innanfrá.. Þetta gerist undir handleiðslu og ábyrgð fjármálaráðherra. Hann einn hefur vald til þess að uppplýsa um eigendalista bankans.

Þetta skiptir almenning í landinu máli. Þessi banki tók við skuldabréfum á alþýðu manna á hrakvirði úr eignasafni Kaupthings-banka. Nú innheimtir Aríon banki þessi skuldabréf á fullu verði á íslenskum hrygglengjum. Það er eiginlega furðulegt að nokkur Íslendingur skuli fara ótilneyddur innfyrir dyr í Aríon banka meðan þetta ástand varir.

Spilin á borðið Steingrímur, Engr vifillengjur. Þjóðnýting bankans er viðkunnanlegri tilhugsun fyrir sjálfstæðismenn en þessi staða sem er óþolandi.

Welcome to Silfur Egils

að vanda til að mæra og tala fyrir Evrópusambandsaðild Íslands.

Egill sækir Sjálfstæðismenn í þennan þátt sinn, sem ég er mikið til hættur að nenna að horfa á, vegna einhæfninnar í því að halda því að fólki að verulegur aðildaráhugi sé meðal flokksmanna Sjálfstæðisflokksins. En þetta fólk er auðvitað til og ekki er að efa að það mun gera atlögu á landsfundi eins og síðast þegar þeir plöntuðu sér skipulega í alla umræðuhópa og sveigðu talið gjarnan þannig frá öðrum málum til Evrópumálsins.Þeir Evrópusinnar eru skipulagðir og þeir virtust þannig vera mun mun fjölmennari í byrjun síðasta landsfundar en síðar reyndist.

Þessi aðferð er enn í gangi og kratar og jafnvel kommar ganga vasklega fram íþví að koma því inn hjá fólki að til sé einhver sérstakur Evrópuarmur innan Sjálfstæðisflokksins sem sé leiddur af fólki eins og Þorsteini Pálssyni, Þorgerði Katrínu og Ragnheiði Ríkharðsdóttur. Þetta fólk hljóti að hafa fjöldann með sér og muni helst velta Bjarna Benediktssyni úr formannsstóli vegna djúpstæðs Evrópuklofnings í flokknum! Ekki er ég bær til þess að kveða endanlega uppúr með fjölda þessa fólks en "það kæmi mér á óvart" svo maður noti orðatiltæki Þorsteins í Silfrinu, ef veruleg tíðindi yrðu á landsfundi af þessum sökum einum. Andstaðan var svo afgerandi síðast þegar hugsanlega 95 % fundarmanna voru einhuga gegn aðildarviðræðum. Sjálfstæðisflokkurinn er þekktari fyrir annað að sveiflast eins og vindhani á burst. Enda eru önnur mál mun brýnni fyrir þjóðina en þetta mál og vonandi verður það ekki látið komast upp með að draga umræðurnar frá aðalatriðunum í innanlandsmálum. En það er hægt að stórskemma svona fund með skipulagðri þrákelkni og málþófi. Vonandi taka landsfundarfulltrúar á þessu máli í byrjun fundar og afgreiða það.

Vinstri elítan, þar sem Egill Helgason er ekki síðastur meðal jafningja, vinnur samt mikið starf við að ráða málum til lykta fyrir Sjálfstæðisflokkinn, bæði hvað varðar forystumál og flokksstefnu. Þeir reyna sem þeir geta að eyðileggja fyrir komandi landsfundi og stýra honum sér í hag.En það verður samt landsfundur sem hefur öll ráð í hendi sér og hann mun vonandi halda ró sinni. Og kvíða mega kommarnir meira fyrir því Að tala um Evrópusambandsmálið á sínum landsfundi í lok mánaðrins, þegar Hjörleifur er búinn að leggja fram knallharða tillögu fyrir Steingrím. Það verður fróðlegt að sjá hvernig VG bregst við að vera beðið um að standa á stefnumálum sínum.

Verði ég meðal landsfundarfulltrúa og verði að greiða atkvæðu um að hætta aðildarviðræðum, þá sé ég ekki ástæðu til annars en að vera samþykkur því. Mér finnst þetta svo mikil ókurteisi, sem við sýnum þessu ágæta fólki í ESB með svona umboðslausu falsi eins og að standa í aðildarviðræðum fyrir þjóð sem allir vita, líka viðsemjendurnir, að er ekki á því að ganga inn eins og mál standa nú. Alvöru viðræðunefnd finnst manni verði að hafa þjóðarvilja á bak við sig. Þau "kíkja í pakka" rök sem kratarnir, og jafnvel sumir velmeinandi Sjálfstæðimenn, halda að okkur standast bara ekki. Það er aðeins verið að kanna með hvaða hætti við treystum okkur til að samlagast Evrópusambandinu, þar sem 27 þjóðir hafa fyrir löngu komið sér saman um sameiginlega stjórnarskrá. Það er útilokað fyrir nokkurn mann hjá okkar smáþjóð að draga þá ályktun að slíkt sé mikilvægi Íslands að rófan muni sveifla hundinum og að þjóðarsannfæring okkar um þessar mundir trúi því. Ég held að þjóðin sé skynsamari en svo.

En "Welcome to Silfur Egils" og byggingar skýjaborga hins alþjóðlega kratisma.

Sannur samfylkingarmaður!

skrifar mér svo í tilefni af fyrra pistli:

"Þú getur drepist á líknardeildinni í Kópavogi, ég sé ekki þörf á tveimur líknadeildum. Líknaradeildin á Landakoti er í raun risastórt elliheimili sem er alltof stórt og dýrt batterí til að láta gamalt fólk liggja þar til að deyja. Það þarf að skera niður í heilbrigðiskerfinu og þá er um að gera að reyna að hagræða eins og hægt er.
Hlgi Rúnar Jónsson, 14.10.2011 kl. 07:56

Ég hvet menn að fara á bloggið hans til að kynnast nýkrötunum.

Ég svaraði með þessum skætingi(eiginlega sé ég eftir því)

Gaman að heyra í eintaki eins og Helga Rúnari. Hann lýsir sér sjálfur svona:

"Er félagshyggju maður og Samfylkingar maður af guðs náð, hef andstyggð á óréttlæti og tækifærismennsku. Þröngsýni er eitur í mínum beinum. Tel að íslendingar hafi alls ekki efni né ástæður fyrir að ganga EKKI í EB."

"Helgi, ég hef þekkt marga eðalkrata og átt þá að vinum. Ég held að þú hljótir að vera seinni tíma viðbót við Alþýðuflokkinn.

Ég geri þá ráð fyrir að þú vitir uppá hár hvar þetta gamla fólk eigi að liggja sem liggur þarna á Líknardeildinni á Landakosti. Það er góð tilhugsun fyrir aðstandendur þess að eiga nótt undir exi þinn."

Þarna sjá menn í hnotskurn hvernig ríkisstjórnin og stuðningsmenn hennar hugsar í raun og veru.

Sannur Samfylkingarmaður.

Hvert á ég að fara til þess að deyja?

er spurning sem einhver verður að svara á næstunni, hvort sem honum líkar betur eða verr. Einhver verður að segja: "Því miður, ég get ekki rálagt þér neitt, Þú verður bara að leysa það sjálfur."

Mikið vorkenndi ég hinum harðduglega forstjóra Landspítalans sem ráðherrahetjan lætur koma fram fyrir alþjóð og tilkynna að allt sem hann hafi gert undanfarin ár hafi verið hrein vitleysa. Hann hafi víst bara bruðlað með fé, verið að veita óþarfa og alltof dýra þjónustu með 700 of mörgum starfsmönnum. Nú ætlar ríkisstjórn norrænnar velferðar að veita fleira fólki heilbrigðisþjónustu með því að loka spítaladeildum og hagræða.Loka St.Jósefsspítala, loka Sogni, loka Arnarholti. Skilja eftir steinsteyptar tóftir í minningu þes sem einu sinni var eins og eyðibýli á Vestfjörðum.

Hvernig er þetta hægt? Jú, það er hægt af því að hér situr norræn og evrópusinnuð hugsjónastjórn sem stendur vörð um verlferðarkerfið og rétt þeirra smáu. Stjórn sem fólkið kaus sér og elskar. Nú er loks kominn maður með viti í ráðuneytið sem hefur sannfært forstjórann um villu hans vegar og beint honum á réttar brautir. Þessi ráðherra er hluti af ríkisstjórn verndara smælingjanna, Jóhönnu Sigurðardóttur og alþýðuvinarins Steingríms J. Sigfússonar, sem hefur af viti sínu séð að velferðin var of mikil og dreifð á óverðuga. Það hafi verð óþarfi að vera að teppa 700 manns yfir því að hjúkra einhverju veiku fólki sem gat verið einhversstaðar annarsstaðar. En þá hafði áður þessu sama fólki verð stórfækkað af fyrri ráðherrum í vondum ríkisstjórnum svo einhver hefur vitleysan verið þá úr því hún er svona núna.Sagan endalausa. Þetta umfram starfsfólk getur bara farið í önnur störf á vinnumarkaðnum, allavega í Noregi ef ekki vill betur.

Það á að loka líknardeild Landakotsdeildar. Hún er eitt af því sem er óþörf. Hann vinur minn á níræðisaldrinum sagðist vera þar umvafinn englum þar sem hann lá á þessari deild og beið dauða síns hughraustur í vor. Hvert skyldi hann eiga að fara núna til þess að deyja ef hann hefði lifað svo lengi? Var hann bara heppinn? Maður sem var búinn að starfa óslitið til síns síðasta lífsárs frá blautu barnsbeini , greiða skatta, ala upp mörg börn. Skulduðum við honum eitthvað? Ég er ekki viss um að hann hafi talið svo sjálfur. En hann var bara og máttfarinn til að geta gengið burt.Og enn liggja þar margir sem svo er ástatt um.

Liggur svarið í heilbrigðismálum íslendinga þá aðeins í orðum Jésúar Krists: " Tak sæng þína og gakk!" Höfum við sem þjóð gefist upp?

Hvert skyldum við hin eiga að að fara núna til að deyja? Varðar okkur nokkuð um það? Eigum við eitthvað slíkt inni hjá þessu samfélagi?

Hversu miklu gáfaðri verður næsti ráðherra ríkisstjórnarinnar, sem verður látinn finna út að það sem forstjórinn er að gera þetta árið sé ennþá tóm vitleysa með alltof mörgu fólki? Nú verði hann að fara í sjónvarpið og tilkynna að gera verði enn betur. Fólk eigi bara að hætta að væla á þessum spítölum. Samfélagið skuldi þeim ekki neitt. Mestur verður sá ráðherrann sem getur sagt forstjórann að fara í sjónvarpið og lýsa yfir gjaldþroti Landspítalans og leggja hann niður? Hætta þessu væli öllu?

En að steypa upp nýjan spítala fyrir 40 milljarða í stað gömlu kumbaldanna,sem hún afasystir mín og stofnandi Sjálfstæðisflokksins barðist hart fyrir að byggja, það er göfugt og gott verkefni. Í það verður hægt að finna fé eins og í gjöfina til Háskólans,þar sem ein deildin hét Landspítali-Háskólasjúkrahús? Þarf slík þjóð einhvern Háskóla til að mennta lækna til útflutnings?

Hversu lengi enn þurfa Íslendingar að horfa uppá þessa gjaldþrota ríkisstjórn sem hugsar þannig um þá sem ekki geta vörn sér veitt? Ríkisstjórn sem getur ekki svarað einfaldri spurningu um það hvert fólk eigi að fara til þess að deyja?

Enn bætir Steingrímur við sig

sem fjármálaséní aldarinnar á Íslandi.

Til viðbótar ríkissjóðshallanum sem fór þrefalt fram úr áætlun síðast, þá koma nú fjáraukalög sem nema öðrum 50 % af fyrstu áætluninni.

Ekki nokkur maður gerir athugasemd við þetta. Bara bísness as usual.

Enn bætir Steingrímur við snilld sína sem var þó orðin ærin fyrir eftir BYR, SpKEF, Sjóvá.

Ólafur stefnir

Eimskp fyrir samkeppni við Samskip 1999-2002.Heimtar fleiri milljarða af þessu fyrrum óskabarni þjóðarinnar.

Ólafur þessi er Ólafsson og býr í Sviss, þaðan sem ekki er hægt að fá sakamenn framselda.Ýmsir telja að íslenska þjóðin eigi sitthvað vantalað við þennan Ólaf út af Kaupthings-málum og fleiar því tengdu. En fyrst á hún sem núverandi eigandi Eimskip að borga honum 3.7 milljarða sem hann ætlar að láta renna til góðgerðamála.

Skyldi ekki vera eitthvað sem betur má fara heima hjá Al-Thani eða á Tortólu? Og hafa gamla og góða stórlitla bankann, Hauck & Aufhäuser sem hjálpaði til með kaupin á Búnaðarbankanum sem millilið?

"Samskip voru færð úr félaginu"

stendur neðanmáls í frétt Morgunblaðsins um athafnir Ólafs Ólafssonar í Samskip, sem var þáttakandi í mestu fjárglæframálum sem upp hafa komið á Íslandi og þótt víðar væri leitað, m.a.eigandi stórkuldaskuldafélagsins Olíufélagsins hf síðar N1, þar sem hann yfirtók hluti annarra hluthafa nauðugra.

Í fréttinni segir m.a.:

"Arion banki eignaðist í gær þriðjung hlutafjár í HB Granda. Bréfin voru áður í eigu Kjalars, sem er að mestu í eigu Ólafs Ólafssonar sem kenndur er við Samskip.... Kjalar skuldaði bankanum 77 milljarða og gerði kröfu um uppgjör á gjaldmiðlaskiptasamningum á mun hærra gengi en bankinn sætti sig við. Málaferli hafa staðið yfir vegna þessa en í gær var fallið frá öllum málaferlum.....

Haraldur Eiðsson hjá samskiptasviði Arion banka segir að skuld Kjalars hafi numið 77 milljörðum, en hluturinn í HB Granda sé ekki svo verðmætur.... Kjalar framseldi Arion banka hlut sinn í HB Granda en miðað var við rúmlega 7,5 milljarða í því uppgjöri. Arion fékk einnig skuldabréf og reiðufé, um sex milljarða.....Kjalar hafði mikið umleikis um tíma. Meðal eigna fyrirtækisins voru Samskip sem voru færð úr félaginu 2009."

Þar hafið þið það. Blessaður öðlingurinn hann Ólafur, uppalningur Sverris Hermannssonar, heldur áfram að flytja okkur varninggn heim með Sverrisgáfunni Samskip í fullu samþykki Arion banka, sem verður að horfa á eftir einhverjum milljarðatugum af því að Ólafur "færði Samskip úr Kjalari 2009".

Hann var áður búinn að færa ýmislegt til og úr lagi í Kaupthing-banka með snillingunum Heiðari Má, nú stórfjárfestis í Luxemburg og Sigurði Einarssyni nú kaupsýslumaður í London, Al-Thani sheik, Tenghuiz og fleiri þekktum valmennum. Skyldi fyrningafresturinn vera akkúrat liðinn núna við þetta uppgjör við Aríon?

Ólafur Ólafsson þessi býr nú ríkmannlega í Sviss. Hann er sagður kaupa kröfur á íslensku bankana á einhver 3 %. Fékk Aríon eitthvað svoleiðis bréf í millgjöf? Því verður ekki svarað því að enginn spyr nema Guðmundur Franklín í grein sinni í Morgunblaðinu í dag. En íslensk yfirvöld hafa líklega annað við sinn tíma að gera en rekast í svona skíteríi..

Í Sviss háttar víst svo einkennilega til að útlendir sakamenn eru ekki færðir til síns heima þótt beðið sé um framsal.

Voru tengsl

milli átakanlegs viðtals við Guðrúnu Ebbu um brot föður hennar gagnvart henni og útkomu bókar hennar sem var samtímis sögð komin í sölu í Eymundsson? Ekki var tímasetning viðtalsins samhæft útkomu bókarinnar? Kom ekki fram að frú Guðrún Ebba hefði ekki fengið bætur eins og önnur fórnarlömb föður hennar? Geta peningar yfirleitt nokkru sinni bætt þjáningar fórnarlamba eins og til dæmis Breiðuvíkurdrengjanna? Eru peningar hið æðsta af öllum náðarmeðölum?

Ég var oft samtímis séra Ólafi biskupi í Sundlaugunum. Hann kom ágætlega fyrir og virtist hinn dagfarsprúðasti maður.Aldrei heyri maður neitt misjafnt um hann, hvorki tengt kvensemi né öðru. Og veit þó potturinn ýmislegt. Og svo komu þessar ásakanir allar og sundferðum hans fækkaði líklega.

Nú er þessi fyrrum sundfélagi látinn og getur engu svarað. Er ekki óvenjulegt að látnir menn fái slíkt fjölmiðlabað hafandi ekki verið fundnir sekir fyrir rétti svona eins og AlCapone og svipaðir kónar? Finnst engum leitt að horfa upp á slíka meðferð á látnum manni? Er nokkur réttarheld sönnun eða játning til um sekt sr. Ólafs? Aðeins orð á móti orðum? Liggur ekki sr. Ólafur óbættur og varnarlaus hjá garði? Úrskurðaður sekur en ekki heldur sannaður saklaus? Sterklega grunaður?

Nú er stöðugt verið að segja þvílíkar sögur af sr.Ólafi að einhver gæti spurt sig hvort slíkur brotamaður eigi skilið leg í vígðri mold? Hvort menn vilji helst grafa hann upp og husla utangarðs? það er eins og allir eigi að liggja yfir þessu máli og fordæma fjórum sinnum á dag í það minnsta? Rennur ekki mikið fé og orka um þjóðfélagið vegna þessa máls sem ekki nýtist til annars? Eða halda menn að fordæmið fæli aðra frá?

Vita venjuegir karlmenn og feður dætra, agndofa yfir svona frásögnum,í hvorn fótinn þeir eiga að stíga? Er óhætt fyrir feður dætra að knúsa þær og kjassa án þess að liggja undir grun þegar einn faðir er sagður svona innréttaður? Hvað með þig og mig?Væri slíkur maður með réttu ráði? Skilur svona maður, óbrjálaður að öðru leyti, trúaður maður með samvisku, alls ekki hvað hann var að gera við barn? Óttaðist hann ekki Guð sinn eða var hann trúlaus? Þekkja mörg okkar menn sem vilja börnum illt? Þekkir fólk nokkurn sem sé svona andsetinn að hugleiða eða gera svona nokkuð? Er ekki svona ólýsanlega hræðileg hegðun barnaníðinga óskiljanleg venjulegu fólki?

Byrjar svo ekki aftur krafan um afsögn núverandi biskups til þess að endurreisa kirkjuna? Setja lög og reglur? Hvernig á að bæta ímynd kirkjunnar ? Hver getur það nema hún sjálf? þarf hún að óttast þá vantrúuðu?

Hvert leiðir þetta allt saman? Lina fjölmiðlar sálarkvalir fórnarlamba? Verður einhver betri maður af því að lesa meira um mannlega harmleiki? Er ekki of seint að afstýra þeim? Tengjast peningar eðlilega við sálarkvalir?

Við getum víst selt Ísland

að því að Valdimar Samúelsson segir í Morgunblaðinu 7.okt. sl. sem ég hafði ekki lesið fyrr en mér var á þetta bent. Valdimar sagði þá:

"Montevideo Convention segir að þú getir stofnað þitt eigið land/þjóð samkvæmt lögum samþykktum 1933 í Montevideo, SA. Þessi Montevideo-samþykkt segir líka að land/þjóð skuli tilkynna hvað þeir vilja og að þeir hafi virt alþjóðleg lög.

Þetta er ekki mikill ferill og þetta hefir ekkert að gera með hvað ríkisstjórnin vill. Eignarréttur er eignarréttur. Hver sem á land hér á Íslandi getur þetta og tökum sem dæmi Vestmannaeyjar og aðra stórlandeigendur. Þeir geta samkvæmt þessum Montevidio-lögum stofnað sína eigin þjóð.

Þegar landeigandi hefir ákveðið þetta þá er næsta skref að senda bréf/umsókn til Sameinuðu þjóðanna sem segir að við (stofnendur) munum virða lög þeirra og nefna nafn á landinu. Þetta bréf/umsókn skal stíla á Secretary General hjá U.N. Síðan fer umsóknin til Öryggisráðsins og þar verða 9 af 15 að kjósa með til þess að umsóknin fari áfram. Eins og við vitum með Palestínu þá ráða stóru þjóðirnar fimm, þ.e. Kína, Frakkland, Rússland, Bretland og USA. Ef ein segir nei þá gengur þetta ekki í gegn af þeirra hálfu, þrátt fyrir það getur umsækjandinn verið ríki áfram með sín eigin lög samkvæmt Montevideo-sáttmálanum.

Það er ekki ólíklegt að Sameinuðu þjóðirnar segi já ef það er mikilvæg þjóð, s.s. Kína sem á í hlut.....

.....Þeir vita líka að þeir gætu hvergi keypt landskika í heiminum svo það er spurning hvað er að okkur að vilja selja þeim og erlendum land frá okkur. Erum við svona einföld eða hvað? ...."

Veltum þessu aðeins fyrir okkur.

Við eru gríðarlega fjölmenningarlega sinnuð þjóð. Segjum svo að 10,000 Kínverjar flytji til Vestmannaeyja með sína siði og venjur. Þeir verða mun fleiri en eyjaskeggjar.Þeir kaupa fasteignir og jarðir þar. Það byrja hugsanlega þjóðernishnippingar, af þeirra hálfu, ekki okkar auðvitað því við erum svo víðsýn og allt öðru vísi en aðrar þjóðir sem slíkt fremja.

Þetta endar með því að Kínverjar una ekki ofríki minnihlutans, Vestmanneyinganna. Kannski bjóða þeir okkur að Landsbankinn megi halda kvótanum þó þeir hirði eyjarnar þegar kemur að því að semja samkvæmt Montevideo-sáttmálanum og stofna sérstaks ríki Kínverja í Vestmannaeyjum. Af hverju skyldi Öryggisráðið ekki samþykkja það? Og Íslendingar líka ef þier fá nógu mikinn gjaldeyri í milligjöf? Lífið hjá okkur snýst jú bara um ríkkissjóðshalla og gjaldeyrisskort eða er ekki svo?

Að öllu gamni slepptu segir þetta ekki, að lítil þjóð eins og Íslendingar eiga að fara með gát bæði jarðeignasölum og innflutningi óskyldra kynstofna? Verðum við ekki að hafa einhverja stjórn á innflytjendastraumnum og láta ekki hávaðaseggi og gáfnafanta okkar stjórna þeim málaflokki einsamla?

Sömuleiðis finnst einhverjum kominn tími til að Ísland nýti allan rétt til að snúa svonefndum hælisleitendum við strax við komu til landsins eins og við eigum rétt á skv.alþjóðalögum og Evrópusambandslögum. En sagt er að þetta mál sé löngu orðið mun umfangsmeira en flesta grunar.

Það er hvorki í okkar þágu né þess að vera að láta hælisleitendur hanga tugum saman á Hótel Fitjum, Keflvíkingum til misjafns gamans. Þetta fólk hefur ekkert að gera nema þvælast um, vill kannski heldur ekki annað. Svo hótar þetta lið stundum sjálfsmorði ef það á að senda það til baka eftir alltof langa dvöl, jafnvel búið að troða sjálfu sér inn í fjölskyldur hér.

Fólk sem hingað kemur pappírslaust á auðvitað ekkert annað skilið umsvifalausa brottvísun með þeim sem flutti það til landsins. Það er ekki eins og þetta sé bátafólk sem þó gæti alveg gerst hér. Hingað kæmi drekkhlaðið skip með þúsundir Sómala. Hvað gerðum við þá?

Svona mál verða verri viðfangs sem lengra dragast eins og þau gera þarna suðurfrá. Auk þessa á hælisleitandi eða ólöglegur innflytjandi ekki rétt á annarri geymslu en að vera í fangabúðum frekar en á Hóteli með peningastyrk, meðan mál hans er rannsakað og afgreitt.

Flóttammenn frá einræðislöndum eða hvaða öðrum löndum sem er, eiga hingað heldur ekkert sérstakt erindi. Ef þeir eiga sökótt við stjórnvöld í sínum löndum er það mál á milli þeirra sem er eins gott að þeir útkljái þar. Við getum ekkert gert að því né viljum við blanda okkur í þau mál. Sakirnar geta verið margar aðrar en pólitískar og fáheyrt að við skulum taka við pappírslausu fólki yfirleitt og trúa öllu sem það segir.

Við þurfum ekkert að trúa því að þeir séu svo miklu gáfaðri og merkilegra en stjórnvöldin sem það segist vera að flýja að það verði bara drepið eða pyntað ef það fari heim. Hver segir okkur það?

Við getum greinilega tæknilega selt Ísland eða hluta þess ef við ekki gætum okkar.Er ekki allavega betra að reyna að stjórna söluferli einstakra aðila áður en til þess kemur að of seint sé?