Af hverju má ekki ræða um Schengen?

og áhrif óheftstflæði glæpamanna til landsins þegar  talað er um glæpi á Íslandi og hvað ´se hægt að gera í þeim?

Jakob, sem áður var í "Stuðmönnum", nú miðborgarstjóri í litlu stuði  segir:

"Síðan erum við búin að óska sérstaklega eftir því að það verði búin til einhvers konar sérstök viðbragðsáætlun við því sem að gerist fyrsta janúar þegar undanþágum Schengen-samkomulagsins þegar þær renna út. Þá opnast gáttirnar fyrir tveimur meginvöggum óaldalýðs og glæpagengja,“ sagði Jakob í viðtali við Fréttastofu RÚV.

Þekkt og skæð glæpagengi
Jakob segist þarna eiga við þekkt og skæð glæpagengi frá Rúmeníu og Búlgaríu. Hann segist sannfærður um að þeir sem framið hafi ránið séu ekki héðan, fagleg vinnubrögð sem þessi þekkist ekki í öðrum ránum á Íslandi. Kaupmenn krefjist því aukinnar löggæslu. 

„Fyrsta króna skattgreiðandans hefur alltaf verið hugsuð og á að vera hugsuð í að verja hann innrásum og árásum. Þá er forgangsröðunin ekki í lagi ef öryggistilfinningin er ekki til staðar,“

 

Það er alveg sama þó maður sé að rayna að impra á vegabréfaleysinu, manni er mætt með þögninni. Þetta eru eins og einhverjar launhelgar, að tala um Schengen. Omerta, þagnarskylda um leyndardóminn eins og hjá Mafíunni.

 Er löggan á móti minnkun viðfangsefna af því að þá minnkar yfirvinnan? Er hagvöxtur fólginn í meiri glæpum? Rúðubísness, spítalar, aukin sala í varnigi eftir þvi sem meira er stolið? Meira dóp, meiri velta, meira fjör?

Kemur maður ekki auga á ástæðuna? Eða er öllum sama ? Þessu verður ekki breytt? Þetta er eins og veðrið eða önnur náttúrulögmál? Velkomnir hingað allir þér sem hvergi eigið höfði yðar að halla og hungrar og þyrstir?

Af hverju má ekki tala um þetta Schengen mál? 

 

Blóðfórn á fundi Samfylkingar!

þegar töfralæknir dansaði stríðdans og rauð blóði á ræðupúltið úr kjúklingi sem hann sleit hausinn af fyrir framan áhorfendur.

Skyldi þessi gerningur styrkja Samfylkinguna og Jóhanna á vegferðinni til ESB? Veitir af að styrkja hugsjónina með töfrum og Wúdú?

Blóð og eldur er kjörorð Hjálpræðishersins. Skyldi Steingrímur toppa þetta með brennifórn á landsfundi VG á næstunni?

Áfram með Schengen!

virðist vera grunnstefna ríkisstjórnarinnar á hverju sem gengur í Bankasýslunni, þar sem Steingrímur stýrði með beinum hætti á fundum með stjórn og nýráðnum manni.

Þetta sendur í Mogga:

...."Lögreglan á höfuðborgarsvæðinu vinnur að viðamikilli rannsókn á þjófnaði úr verslunum. Í gær var verið að yfirheyra fólk og húsleitir gerðar til að leita að þýfi.
Rannsóknin beinist að erlendum aðilum, samkvæmt upplýsingum Morgunblaðsins, vegna gruns um skipulegan og mjög umfangsmikinn þjófnað úr verslunum.
Málið kom upp fyrir helgi og hefur verið unnið að rannsókn þess síðan. Lögreglan gat engar upplýsingar gefið um málið í gærkvöldi, rannsóknin var sögð á viðkvæmu stigi."

Þetta kemur ofaná ránið hjá Michelsen.

Um áramótin opnast allar flóðgáttir fyrir búlgarska og rúmenska þjófa, sígauna og allt það góðgæti sem Schengen færir okkur úr þeirri átt til viðbótar.

Ekkert af þessu er óafstýranlegt. Það er hægt að setja á vegabréfaskyldu á morgun ef vilji væri til. En þessi ríkisstjórn er upptekin af bankasýslunni og kveðja fimm Íslendinga á dag sem flytja úr landi. Um áramótin getur hún snúið fólksjöfnuðinum við með að galopna landamærin til austurs á sama tíma er hún að keyra niður allt bjargræði í landinu sem veldur því að þeir þróttmestu flýja land. .Annað kemst ekki að hjá hinni norrænu velferðarstjórn.

Áfram með Schengen!

Jón Ólafsson Bravó!

segi ég eftir að hlusta á þennan afburða snjalla athafnamann lýsa vatnsævintýrnu sem hann er búinn að töfra fram í Þorlákshöfn. Þessi strákur, sem var kallaður Jón Bæjó í Keflavík og þótti ekki merkilegur, Jón í Skífunni seinna , Bylgjunni, Norðurljósum,Orca hópnum, maður sem átti allstaðar á brattann að sækja hjá þeim fínu og Hannesi Hólmsteini líka. Hann gerði það! Hann gerði það sem allir aðrir höfðu klikkað á. Hann seldi vatnið. Jón Ólafsson af öllum mönnum. Hann gerði það!

Það var ævintýri að hlusta á Jón svona hógværan og prúðan lýsa því að munurinn að honum og hinum væri sá að þeir feðgarnir væru sjálfir í þessu af lífi og sál. (Og ekki spillir Gulli bróðir myndi ég segja þó að Jón hafi sleppt honum.)

Þetta er ævintýri hvernig þessir gaurar hafa byggt þetta upp og hvernig þeir eru hreinlega mílum á undan öllum öðrum. Jón er stórkostlegur fyrir hugmyndaauðgi sína og þrauteigju.

Ég veit ekki einu sinni hvað fyrirtækið heitir en ég óska þeim öllum til hamingju með það sem þeir eru að gera.

Bravó Jón Ólafsson, ég tæki ofan fyrir þér ef ég ætti hatt !

Skýra íslenzku?

Smáfuglarnir eru ljótu illfyglin. Þeir skrifa svona um þegar Helgi Hjörvar þenur sig yfir spillingunni:

"Það er skylda mín að tala skýra íslensku þegar gerð eru alvarleg mistök í fjármálakerfinu á Íslandi, segir Helgi Hjörvar, þingmaður Samfylkingar

Það er einmitt það - skýr íslenska. Smáfuglarnir velta fyrir sér hvers vegna Helgi Hjörvar notaði ekki sömu skýru íslenskuna um skattamál fyrirtækis síns Arnarsson og Hjörvar sf. sem hann rak með Hrannari B. Arnarssyni aðstoðarmanni Jóhönun Sigurðardóttur? Telur Helgi Hjörvar að sá sem slær í gegn með eftirminnilegu hætti í atvinnulífinu sé hæfur til þess að gegna ábyrgðarstöðum á Alþingi?"

Já má ekki alveg rifja upp þegar þeir félagar stefndu guðhræddum konum eftir að hafa sent þeim prufeintak af Þjóðlífi? Þetta eru þvílíkir englabassar að það hálfa væri nóg. Þeir þola vel að vera nefndir í sömu andrá og Finnur Ingólfsson.

Það má alveg tala skýra íslensku um Helga Hjörvar og Hrannar félaga hans, aðstoðarmann Jóhönnu.

Aular?

Frétt í RÚV:

"Fráfarandi stjórnarmenn í Bankasýslunni sögðu í tilkynningu sinni að þeir hefðu ákveðið að biðjast lausnar, meðal annars vegna þess að viðbrögð þingmanna hafi verið með þeim hætti að það gerði Bankasýslu erfitt fyrir að starfa með eðlilegum hætti. Helgi er í hópi þeirra sem gagnrýndu ráðningu Páls hvað harðast og sagði á Alþingi að hún væri hneyksli. „Hlutverk okkar alþingismanna er að veita framkvæmdavaldinu aðhald, tryggja að það sé farið að lögum og ekki gerð alvarleg mistök. Það er skylda mín sem formanns efnahags- og viðskiptanefndar að tala skýrt íslensku þegar gerð eru alvarleg mistök í fjármálakerfinu á Íslandi,“ segir Helgi, aðspurður um þá yfirlýsingu fráfarandi stjórnar að afskipti þingmanna hafi gert þeim erfitt fyrir að starfa áfram"

Hvaða gauð eru þessir bankasýslumenn? Láta þeir þennan Helga komast upp með að rífa kjaft um hluti sem honum koma ekki við?

Eru þetta tómir aular að láta mokka sig svona ? Eða talar Helgi fyrir Jóhönnu?

Hvað klikkaði?

Hver réði því að Langi-Páll er ekki sestur í stólinn úr því að stjórnin í Bankasýslunni var búin að ráða hann? Þurfti einhver að skipa hann? Steingrímur þá? Eða skipar Helgi Hjörvarhann? Eða einhverjir aðrir Framsóknarfóbíumenn sem koma í veg fyrir að allt fari í gang? Auðvitað er það Páli ekki til framdráttar að hafa þekkt Finn Ingólfsson svona náið. En Finnur lifir samt góðu lífi á Frumherja. Á að kenna Páli um það? Ekki getur hann borið ábyrgð á afrekum Finns?

Er þetta ekki stórkostleg sýning? Enn ein birting á algeru getuleysi þessarar ríkisstjórnar?

Hvað klikkar ?

Aðeins valdir menn

skulu ráðnir í Bankasýslu Steingríms. Frekar skal öll stjórnin fjúka áður en Langi- Páll Magnússon verður ráðinn þangað inn.

Voru ekki einhverjir að býsnast yfir Davíð og dómurum í gamla daga?  Þá var nú víst ekki verið að ráða eins faglega og núna með excel-skjölum í einkunnagjöf og allir sammála eins og þegar flokksræðið reið húsum. Þá dugði bara flokksskírteinð sagði Steingrímur við þau tækifæri. Nú eru hinsvegar allir fagaðilar einu sinni  sammála um ráða þann sem stendur efstur í prófunum. En þá er sú ótrúlega staða uppi að maður af röngum lit er efstur umsækjenda. Þá vill ráðherrann bara alls ekki ráða hann þó hann sé bestur af því að hann er ekki með rétt flokksskírteini.  Hvernig geta fagmenn í stjórn bankasýslunnar  farið svona asanalega að þessu og spyrja ekki Steingrím fyrst?  

Nú verður Steingrímur bara að býtta um fagaðila. Ráða nýja stjórn í apparatið á einu bretti. Eða leggja apparatið sem hann hafði fyrir að stofna sjálfur bara niður og stofna nýtt? Þeir stjórnarmenn eru líka búnir að kveðja fyrir sína parta.  Því það er viðblasandi öllum skyni bornum mönnum að Langi-Páll passar raunar alls ekki í embætti bankasýslustjórans. Forstjórastóll Elínar er auðvitað alltof lítill fyrir hann svo einhverra skýringa sé leitað sem Steingrímur getur notað.

Samt þarf Guðríður Arnardóttir endilega að losna við Langa-Pál úr Kópavogi þar sem hann er framsóknarmaður en hún landsþekkt atorkukona og Evrópusinni. En Steingrímur er auðvitað ekki á því að gera henni það til geðs að skipa Pál burt frá henni.  Heldur skal hann  reka bankasýslustjórnina, eða leggja bara bankasýsluna bara niður og stofna nýja þar sem einhver  Vaffgéari getur komið sér fyrir sem passar í stólinn.

Það er auðvitað engin pólitík í þessu. En það verða skiljanlega að vera valdir menn í hverju rúmi hjá VaffGé.

Hvað ef ekki?

verður gengið í Evrópusambandið og tekin upp Evra eins og Samfylkingin setur fram sem sitt grundvallarmál?

Verður þá einhver Samfylking? Verður það betra eða verra?

Landsfundur Samfylkingarinnar

er að baki.

Ég reyndi eftir bestu getu að lesa textann með opnum huga til þess að athuga hvort þarna væri eitthvað sem höfðaði til mín. En því miður, þeim mun lengur sem ég las því mótssagnakenndara fannst mér plaggið.

Raunveruleg stefna og möguleikar hurfu í skrúðmælgi eins og oft vill verða í svona ályktunum sem forystumennirnir láta hnoða saman í aðdraganda svona funda með það fyrir augum væntanlega að geta farið með þetta frjálslega þegar til stykkisins kemur á þingi.

Eitt er þó kýrskýrt í stefnumörkun Samfylkingarinnar, sem hún mun varla geta samið um við aðra flokka:

„Aðild að Evrópusambandinu og upptaka evru er eitt mikilvægasta skrefið í átt til efnahagslegs stöðugleika, hagvaxtar og betri rekstrarskilyrða fyrir heimili og fyrirtæki. Upptaka evru felur í sér afnám gjaldeyrishafta, leiðir af sér lægri viðskiptakostnað og vexti, bætir aðgengi að mörkuðum og eykur traust erlendra fjárfesta og greiðir þannig fyrir fjárfestingum hér á landi. Umgjörð myntbandalagsins mun auka á aga í efnahagsstjórn og stjórn ríkisfjármála og stuðla að stöðugleika í hagkerfinu. Aðild að ESB stuðlar þannig að öflugu og samkeppnishæfu atvinnulífi á Íslandi..
Eitt mikilvægasta verkefni endurreisnarinnar og brýnasta verkefni þjóðarinnar á sviði alþjóðasamvinnu er að Ísland gangi í Evrópusambandið. Aðildarviðræðum Íslands við Evrópusambandið miðar vel áfram og nýleg framvinduskýrsla sýnir að Íslendingar eru ágætlega í stakk búin til að takast á við það metnaðarfulla verkefni að gerast fullgildir aðilar að sambandinu. “

Þarna lýsir Samfylkingin því yfir að hún sér enga aðra leið færa fyrir íslenskt samfélag en þessa leið. Hún hefur þar með lokað nokkuð öllum dyrum að hægt sé að ræða framtíðina við hana útfrá öðrum forsendum.

Hvernig í veröldinni getur þá eftirfarandi rímað við þessa byrjunaryfirlýsingu?:

„Tryggja skal ævarandi sameign þjóðarinnar á auðlindum með breytingum á stjórnarskrá. Heildstæð auðlindastefna byggi á þeim grundvallaratriðum að nýtingarrétti sameiginlegra auðlinda verði ævinlega úthlutað á jafnræðisgrundvelli til hóflegs tíma, gegn fullu gjaldi og með gagnsæjum og hlutlægum hætti þannig að þjóðin öll njóti arðs af auðlindum sínum...“

„.. Nýtt frumvarp til nýrra laga um stjórn fiskveiða verði lagt fram á yfirstandandi þingi í samræmi við heildstæða auðlindastefnu. Brýnt er að tryggja varanlegt eignarhald og forræði þjóðarinnar yfir auðlindum sjávar og að arðurinn af nýtingu þeirra renni til samfélagsins“.

Er sameiginleg fiskveiðistefna Evrópubandalagsins þá eitthvað sem er orðum aukið? Bara svona Alltíplati?

„Skattastefnan stuðli að kjarajöfnun og sanngjarni dreifingu byrða um leið og hún varðveitir hvatann til öflunar atvinnutekna og dragi úr jaðarskattaáhrifum tekjutengdra bóta.“

Hefur Samfylkingin fylgt þessari skattastefnu í ríkisstjórn síðustu ár? Rímar þetta við stórhækkanir á eldsneytisgjaldi til dæmis? Rímar þetta við ný tekjuskattsþrep? Við fjögraprósenta hækkun á vsk?

„Gert verði átak í að laða til landsins erlenda fjárfestingu á grundvelli skýrrar stefnumótunar og lagaramma um hana. Áhersla verði lögð á erlenda fjárfestingu sem byggir upp ný verðmæt atvinnutækifæri, eykur fjölbreytni atvinnulífs og flytur inn nýja þekkingu og tækni.“

Borið saman við endalok viðræðna við Alcoa um álver á Bakka,stöðuna í Helguvík, eitthvað annað stefnu ríkisstjórnarinnar, geta menn séð eitthvað samhengi í þessu?

Og er líklegt að virkjanir í neðri Þjórsá, sem eru einu fullhönnuðu virkjanakostirnir sem við eigum núna, ekki einhvern tímann seinna heldur núna í núverandi atvinnuleysi, sjái dagsins ljós á næsta ári undir gunnfána Samfylkingarinnar efir þessa næstu yfirlýsingu? :

„Gengið verði frá fyrstu rammaáætlun um verndun og nýtingu vatnsafls og jarðvarma á Alþingi svo sátt náist um nauðsynlegar orkuframkvæmdir og vernd mikilvægra svæða. Fleiri lykilsvæði verði friðuð sem fyrst. Næstu skref í friðlýsingu verði suðurhluti eldvirka beltisins og nýr þjóðgarður sem hefur Hofsjökul sem kjarna“.

Suðurhluta eldvirka beltisins er líka að finna við neðri Þjórsá.

Og trúir fólk því, að flokkur sem vill leggja öll mál þjóðarinnar í bandalag með 27 öðrum ríkjum með sameiginlega utanríkisstefnu í hermálum sem öðru tali af sannfæringu þegar fundurinn samþykkir:

„ Ísland verði leiðandi rödd í Norðurslóðasamstarfi og málsvari ábyrgrar auðlindanýtingar, friðar, umhverfis og frumbyggja“..

Hvervegna skyldi ég aðhyllast stjórnmálayfirlýsingu Samfylkingarinnar? Hversvegna á ég að trúa því að þarna sé vegurinn vísaður út úr kreppunni sem þjóðin hefur verð föst í frá hruninu? Og Samfylkingin hefur haft 3 ár til að leysa með ekki meiri árangri en sést?

Forystan hlýtur að vera svo ánægð með þessar loðnu lýsingarorðasamstæður landsfundarályktana Samfylkingarinnar, að hún getur gefið sér tíma til að hugleiða það sem landsfundurinn fól henni svo ákveðið, að taka afstöðu til lokunar líknardeildarinnar á Landakostspítala.

Skyldi hún klára það mál frá Landsfundi Samfylkingarinnar?

Gaddafi

er dauður eftir hetjulega baráttu. Hreint ekki auðvelt að berjast við ofureflið til síðasta manns.Eigi skal höggva var samt hans síðasta orð.

Nú hafa Bretar og Frakkar beitt herstyrk sínum til að drepa þennan harðstjóra undir því yfirskyni að þeir væru að hjálpa fólkinu til að losna við Gaddafi. Ekkert er fjarri sanni, þeir eru aðeins í þjófaferð til Lybíu til að stela olíunni og hefur tekist það. Hinsvegar er lýðurinn í sama uppnáminu og bíður næsta harðstjóra, því þetta fólk getur ekki stjórnað sér öðruvísi vegna menntunarleysis og miðaldamenningarstigs í fjötrum trúarinnar eins og við vorum einusinni.

Þegar maður kynnir sér feril Gaddafi þá var þetta kolbrjálaður maður með skít af peningum sem hann notaði mest til drepa andstæðinga út um allan heim og kaupa sér vini. Og vinir fengust auðvitað allstaðar þar sem nóg var af peningunum, fékk meira að segja að tjalda við Byckingham!

Saddam Hússein var sunnudagaskóladrengur í samanburði við þennan ómenntaða durg og villimann Gaddafi. En Gaddi var alltaf að reyna að verða stór á heimsmælikvarða, kaupa sér atómbombur ofl. góðgæti. Saddam vildi það líka en hann var ekki alvondur. Áreiðanlega betra yfirvald Íraka en þeir fá nokkru sinni aftur.

Saddam byggði þó upp holræsi fyrir stóra hluta landsins á sínum fyrri dögum,Heilbrigðisþjónustu kom hann á fót svo flottri að hann fékk medalíu SÞ fyrir, skólakerfi og hvaðeina enda verkfræðingur og jafnaldri minn.Hann var svo óheppinn að treysta Bandaríkjamönnum til að bakka sig í innrásinni í Íran sem þeir sviku svo og sjá væntanlega ekki eftir öðru eins. Það hefði orðið billegra stríð en þeir eiga eftir að fara í við Íran.

Sterkustu vopn hans Saddams unnu ekki á mannlegum flóðbylgjum klerkanna sem sendu ungu mennina fram á vígvöllin berhenta gegn byssunum, þeir síðustu í bylgjunni rifu hermenn Saddams á hol. Styrjöldin stóð í 8 ár og enginn veit hversu margir drápust, líklega ekki undir 2 milljónum.Þetta fór með kallinn hann Saddam og það síðasta geðfellda við hann. efir þetta var hann bara drápari og djöfull í mannsmynd. Samt leið Írökum betur undir hans stjórn en þeim hefur nokkru sinni liðið og mun líða um langan aldur. Það var eiginlega skaði fyrir þá að svona fór með hann Saddam.

Sá sem heldur að hægt sé að kenna þessum lýð í arabalöndunum og Afríku democrazy er of einfaldur að mínu mati. Þetta fólk getur aðeins búið við harðstjórn og fær hana. Það verða herstjórnir við völd í öllum löndum frá Túnís til Teheran svo lengi sem ég lifi.

En Gaddafi er dauður. Búið að negla olíuna þannig að Gaddafi fær hana ekki lengur til illra verka. En þjóðin fær áreiðanlega skít úr hnefa hjá bresku og frönsku þjófunum með biflíuna í annarri hendi og byssuna í hinni.Það hlutverk kunna þessar gömlu nýlenduþjóðir uppá hár sem við köllum vini okkar. Segið mér annan um þessar forystuþjóðir í Evrópusambandi Samfylkingarinnar! Með þessu liði ætlum við að ganga í Evrópuherinn samkvæmt Lissabonsáttmálanum?

Kannski við fáum hlut í ránsfengum næst þegar við verðum búnir að drepa næstu einræðisherra í þessum löndum þar sem Gaddafi ríkti sem kóngur eitt sumar á landinu gráa?

Hvað er Steingrímur búinn að fá mikið núna?

datt mér í hug þegar ég fíflaðist við að fletta uppi í gömlu bloggi frá mér frá apríl 2009. Þá hraut ég um þessa klausu:

"Það er svo hreinlega ósiðlegt að vekja athygli á því Steingrímur sé búinn að fá 15 milljónir útá eftirlaunafrumvarpið hans Davíðs en Davíð ekki neitt. Þetta skal kært og Sjálfstæðisflokknum skal straffað fyrir að standa á bak við þetta. Steingrími er þetta sannarlega ekki ofgott. Það er bara Sjálfstæðisflokkurinn sem gerspilltur og fíbjakk sem enginn má kjósa á laugardaginn. Allir hinir eru hvítþvegnir englar- eða þannig."

Sóðan þetta var þá hefur Davíð upplýst að það hafi ekki verið hann heldur Steingrímur sem átti upptökin að eftirlaunafrumvarpinu sem svo var hengt á Davíð honum til hnjóðs. En auðvitað fær hann sinn skerf.

Hvaðan í helv...ég hafði þetta þá um Steingrím veit ég ekki. En hitt leikur mér hugur á að vita hversu mikið alþýðuvinurinn er búinn að fá út á þetta frumvarp síðan? Og það mega alveg fylgja með upplýsingar um Davíð.

Hvernig er staðan núna?