Miðflokkurinn á maðkaboxinu

í Mogga dagsins..

Þegar áð sá að Björn Leví, Helga Vala,Þórhildur Sunna,Benedikt Jóhannesson eða Logi Már voru þar ekki fór ég að lesa í fargangi.Og viti menn, þarna er skrifað svo mér líkar að nokkru.

Gunnar Bragi skrifar:

"Umræða um stöðu hælisleitenda verður stöðugt háværari og fyrirferðarmeiri og margt sem knýr á um markvissari vinnubrögð stjórnvalda í þessum málaflokki. Þeir ráðherrar sem farið hafa með málefni hælisleitenda og landamæra Íslands hafa undanfarna áratugi undantekningarlítið komið úr röðum Sjálfstæðismanna sem væntanlega skýrir aðgerðaleysið.

Ráðherrarnir hafa forðast að horfast í augu við vandann, að um alla Evrópu eru einstaklingar að sækja um hæli og eða vernd að tilefnislausu. Því miður hefur umræða um þessa þróun verið lítil og ómálefnaleg og byggst á ónógum gögnum. Ráðherrar málaflokksins hafa fremur verið að elta umræðuna en að stýra stefnumótun sem byggist á staðreyndum.

Margir sem hafa varað við þessari þróun eru sakaðir um öfgar og rangindi. Varla getur nokkur hugsandi maður lagst gegn því að herða reglur svo færri leggi upp í tilgangslausar hættuferðir með smyglurum og verja landið fyrir mögulegum glæpamönnum.

Nú eru margir að vakna upp við vondan draum, að ekki eru allir hælisleitendur í leit að betra lífi. Að glæpahópar lifa því miður góðu lífi af því að selja „ferðir“ til betra lífs en skeyta ekki um hvað verður um fólkið.

Frakklandsforseti hefur síðustu daga leitt umræðu innan Evrópusambandsins um nauðsyn þess að verja betur ytri landamæri Schengen-svæðisins, m.a. vegna vaxandi ógnar en stutt er síðan hryðjuverk voru framin í Frakklandi og Austurríki. Meðal þess sem Macron hefur sagt er að nauðsynlegt sé herða landamæravörslu, eyða skilaboðum hryðjuverkamanna af internetinu fljótt, koma í veg fyrir misnotkun hælisleitendakerfisins o.fl.

Undir orð Macrons hafa fleiri leiðtogar tekið, m.a. Rutte, forsætisráðherra Hollands, Kurz, kanslari Austurríkis, og Angela Merkel, kanslari Þýskalands.

Fréttastofa Reuters vitnar í Merkel: „Það er lífsnauðsynlegt að vita hverjir koma inn á Schengen-svæðið og hverjir fara þaðan.“ Þessi orð sýna að Merkel telur að eftirlitið hafi brugðist og ríkin hafi í raun ekki hugmynd um hverjir hafi fengið hæli.

Fyrir marga eru þetta ekki ný tíðindi. Í Telegraph er vitnað í Macron: „Í öllum okkar löndum sjáum við misnotkun á réttinum til að leita hælis.“

Það er barnaskapur að detta í hug að eingöngu gott fólk í hættu leiti til Íslands. Hvers vegna ættu glæpamenn ekki að leita hingað líkt og til annarra landa?

Því blasir við að herða þarf eftirlit á landamærum, taka þarf upp þá reglu að þeim sem áður hafa fengið dvalarleyfi innan Schengen verði þegar snúið til baka, að þeir sem sannarlega eiga rétt á að þeirra mál séu skoðuð fái niðurstöðu innan 2-4 mánuða, þeir sem fá hæli fái viðeigandi aðstoð, að skilaboðum um nýjar reglur sé komið vel á framfæri o.fl. Við Íslendingar getum ekki setið eftir þegar aðrir bregðast við."

Það er magnað ef ekki er hægt að framkvæma neina skynsmalega heildarstefnu vegna stöðugrar upphlaupa Semu Erlu og safnaðar hennar sem orgar fyrir utan dómsmálaráðuneytið á sérlausnir fyrir þennan og hinn. En viðurkennt er að öll þau vandamál byrja hjá ráðuneytinu og Útlendingastofnun sem beinlíns vinnur gegn íslenskum hagsmunum í erindisrekstri fyrir glæpamannahópana sem selja ferðir híngað á velferðina.

Hvar skyldi staða félagans velstæða úr múslímska bræðralaginu vera stödd í mannúðarferlinu? Hefur upplýsinga um feril mannsins verið aflað? Áreiðanlega bara þöggunin ein sem gildir.

Það er ljóst að Miðflokkurinn mun sækja inn á mið Sjálfstæðisflokksins vegna ræfildóms þess flokks í afstöðutökum til þjóðmála. Það má segja að einu lífsmörkin séu þegar Bjarni Benediktsson hvessir sig á ósvífið bullið og lygaranar í flokksvikaranum Þorgerði Katrinu eins og hann gerði í gær.

Um málefni hælisleitenda þegir flokkurinn sem sfinxinn og skoða ég afstöðu flokksins í ljósi stríðsdansa Áslaugar Örnu á landsfundinum forðum daga. Áframhaldandi trú á kosti innflutnings  hælisleitenda. Sem vissulega eru til en síurnar vantar sárlega.

Mér þóttu þeir Sigmundur og Bjarni taka sig vel út hlið við hlið þegar þeir björguðu okkur með bankaskattinum. Ég vildi sjá þá aftur hlið við hlið sem kreddulausa miðaldra  menn sem væri trúandi til að leysa fjárhagsvandann eftir kófið sem verður að leysa á dramatískan hátt þar sem útgerðin verður að koma að því að borga. Sem virðist vera búin  að leggja talsvert fyrir þegar hún getur keypt óskabarnið bara svona.

Maðkaboxið var aldrei þessu vant í lagi í með Gunnari Braga.

 

Guðmundur Árnason frá Viðborði

smíðaði bústað í portinu bak við verslun Ben.S.Þór.á Laugavegi 7 einhvern tímann í stríðinu.Í portinu seldi Landgræðslu seldi Landgræðslusjóður lengi jólatré og fékk ég stundum vinnu í nokkra daga við það.

En þessi Guðmundur Árnason smíðaði hús þarna og notaði eitthvað af rekavið frá Viðborði í Hornafirði, þaðan sem hann rakti ættir. VB var höggið í einn þakásinn.Hann bjó sjálfur einhvern tíma í  húsinu sem var klætt að utan með töfra-og tískuefninu Asbest sem gat ekki brunnið að sagt var. Húsið brann samt ágætlega einhverjum fjörtíu árum seinna 1978 og hafði þá vel dugað.

En faðir minn keypti það sem sagt af Guðmundi og var það flutt austur í Haukadal innan við Geysi þar sem fjölskyldan á sínar ljúfustu minningar í sambýli við Hákonar-bústað og Sveins-bústað sem stóðu þar líka.En Hákon föðurbróðir fékk  leyfi fyrir tveimur bústöðum þarna í stríðsbyrjun í stríðsbyrjun.Þar voru hverir og hitaveita lögð í húsin, reist gufubað og sundlaugar grafnar framræsluskurð fyrir Svein  B. Valfells sprengdi Árni Odssson verkstjóri í Steypustöðinni með dýnamiti og þótti það makalaust .

Í Hákonar bústað átti gefandi Haukadals til Skógræktar Ríkisins að búa þegar hann kæmi til Íslands í heimsókn.En Kristian Kirk  vann við gerð Reykjavíkurhafnar og í Haukadal stendur súlnabergsdrangur með koparplötu sem á stendur að mig minnir:

" Á 26.ríkisstjórnarár lX

Kristjáns konungs 

keypti danskur Íslandsvinur

direktör cand polyt

Kristian Kirk   

hið forna höfuðból

Haukadal

Girti

græddi

hefti 

sandfok

endurbyggði kirkju

og gaf Skógrækt Ríkisins jörðina

 

En Kristian taugabilaðist þegar Þjóðverjar hernámu Danmörku og framdi sjálfsmorð og kom aldrei í Haukadal. Í þeim bústað bjuggum við oft vinnumenn í Skógræktinni á þeim árum.

Um nokkurra ára skeið fóru útskrifaðir kennaraskólanemar með skólastjórnaum Brodda Jóhannessyni austur í Haukdal og á Þingvöll að planta i sjálfboðavinnu. Ungt fólk sem ég kannaðist við allt lífið þegar það komst til áhrifa.Það var oft kátt á kvöldin og söng og spilaði fallega og stelpurnar voru berbrjósta í gróðursetningunnni í fjallshlíðinni.

Við strákar frá Einari Sæm máluðum kirkjuna seinna græna með rauðu þaki. En hún var hvít áður með rauðu þaki.

Hákon var sagður ekki viss um hvernig sveitamennirnir tækju litarvalinu svo hann sagði við þá fyrstu sem komu eittghvað svona: " Hann Bróðursonur minn valdi þennan lit, ég held að hann geti verið eitthvað litblindur strákurinn. Þessir fyrstu menn sögðu: Nú hún er bara falleg svona.

Við þá næstu sagði Hákon víst: "Finnst ykkur ekki bara góður liturinn hjá mér?"  Og græn er hún enn í dag.  

En Guðmundur þessi Árnason frá Viðborði var mikill ævintýramaður,f.1892, sjálfboðaliði í stóra stríðinu 1914-1918, hafði verið í Bandaríska flughernum og var með sjálfum Jimmy Doolittle,f.1896, á flugskóla, þekkti Lindberg og fleira stórmenni.

Hann bjó hjá okkur á Hringbraut 65 um tíma í kjallaranum, var í einhverjum vandræðum, líklega vegna drykkju, sem ég ekki skildi sem barn. Kannski verið túrakall. "Meiri lætin eru þetta alltaf niður á  Balkan man ég að hann sagði við matborðið útaf einhverju í útvarpinu".Það hefur verið eftir seinna stríðíð líklega úr því að ég man það.

Talaði útlensku þegar hann var í því minnir mig pabbi segja. My name is;: svo komu nöfn á mörgum tungumálum, m.a.Thor Hamlet.

En  ég man að mér þótti maðurinn höfðinglegur í hátt og framkomu. Eitthvað "Military Air" leynir sér yfirleitt ekki.Og smiður vara hann góður.Hann smíðaði annað hús á sama stað eftir pabba hús sem ég man að var klætt svörtum pappa.Ekki man ég hvert það fór. 

Svo hvarf þetta allt úr minningunni og Guðmundur þessi líka þangað til að ég datt ofan á hann í kvöld.

En ég gúgglaði gæjann upp úr  þurru og þá kom þessi síða úr Tímanum  frá 13. júlí 1961 og þá var kallinn sprelllifandi. Pabbi sagði einhvern tímann að þessi Guðmundur hefði marga fjöruna sopið. Búið á Waldorf Astoria sem rithöfundurinn Thor Hamlet, setið í fangelsi á Kúbu, verið í S-Ameríku í byltingum   og fleira og fleira sem ég man ekki. Og víst of seint að spyrja Pabba eða Guðmund.

Í viðtalinu kemur fram að Guðmundur hafði háar hugmyndir um framleiðslu úr biksteini á Viðborði, sá fyrir möguleika á rafmagnssölu til Bretlands frá virkjun fyrir austan og fleiri framfaramálum. Fannst leitt að vera orðinn of gamall til að framkvæma þetta. En hann sótti um styrk til Alþingis fyrir stríð til að gera þakskífur úr biksteini.

 

Pabbi hans Guðmundar hefði verið í flottum  Offísérabúningum amerískum af stráknum í réttunum, jafnvel Class A uniforms, fannst synd að nota ekki svona gott tau.

En ég veit ekkert meira um þennan furðulega mann.

Veit einhver lesandi meira um þennan heimsborgara og landshornasirkil, Guðmund Árnason frá Viðborði sem sjálfsagt sagði ekki allt sem hann vissi? 

Maðkabox Morgunblaðsins

er dálkur vinstramegin á miðopnu þess ágæta blaðs. Þar eru samvaldir andstæðingar frjálsrar hugsunar látnir skrifa dellur sínar. Allskyns Evruspekingar og kerfiskurfar ríða þar húsum. Björn Leví,Helga Vala, Benedikt Jóhannesson, Logi Már svo einhverjir séu nefndir.

Í dag flennir Helga Vala sig þarna með þessum pistli:

"Nú virðist tilraun Katrínar Jakobsdóttur forsætisráðherra um sérvaldar breytingar hennar á stjórnarskránni hafa strandað á skeri Sjálfstæðisflokksins.

Mér finnst óþolandi að segja: kemur þetta einhverjum á óvart, en það er engu að síður sú tilfinning sem kviknar. Á einum af fyrstu fundum nefndar Katrínar Jakobsdóttur, sem skipuð var formönnum allra flokka er sæti eiga á Alþingi, lét formaður Sjálfstæðisflokksins bóka að hann liti ekki svo á að hann væri á nokkurn hátt skuldbundinn niðurstöðum nefndarinnar, yrði hún sú að lagðar yrðu til breytingar á stjórnarskránni. Var því alveg ljóst frá byrjun að ríkisstjórnarflokkarnir þrír voru ekki samstiga í þessum leiðangri og er tilfinningin óneitanlega sú að um sýndarferð hafi verið að ræða.

Ítrekað hefur því verið haldið fram af forsætisráðherra, sem og fulltrúum Sjálfstæðisflokksins, að sem breiðust sátt þurfi að vera um hverja breytingu sem gera á á stjórnarskrá. Til þessa dags hefur slíkt orðalag einskorðast við það að Sjálfstæðisflokkurinn sé sáttur við óbreytt ástand og að málamiðlun sé ekki í boði.

Aðrir þingmenn og almenningur verða þá að lúta því að einn flokkur sé sáttur en aðrir ósáttir.

Hin breiða sátt snýst ekki um þjóðarvilja heldur vilja Sjálfstæðisflokksins. Það að í stjórnarsáttmála standi að gera eigi breytingar á stjórnarskránni en að stjórnarflokkarnir ætli ekki að stuðla að því í sameiningu segir margt, því sá leiðangur sem nú hefur verið stundaður í nærri þrjú ár virðist nú opinberlega strandaður á skeri. Engin breið sátt er til staðar.

Líkur eru á að tveir til þrír þingmenn leggi fram fáein frumvörp til breytinga á stjórnarskrá, að því er virðist ómeðvituð um að fram hafi farið þjóðaratkvæðagreiðsla fyrir rúmum þremur árum um nýju stjórnarskrána eins og hún þá stóð eftir vinnu stjórnlagaráðs.

Það er þyngra en tárum taki að viðurkenna enn einu sinni vanmátt Alþingis til að klára þetta mál. Það virðist ríkja algjör ómöguleiki hjá Alþingi að semja sínar eigin leikreglur um meðferð valds þess.

Þingflokkar Samfylkingar, Pírata, Flokks fólksins auk tveggja þingmanna utan flokka hafa lagt fram heildarfrumvarp til stjórnskipunarlaga, frumvarpið sem byggt er á niðurstöðu stjórnlaganefndar sem þjóðin greiddi atkvæði um 20. október 2012. Frumvarp sem kom inn til Alþingis og var unnið áfram í stjórnskipunar- og eftirlitsnefnd og borið undir merkar stofnanir eins og Feneyjanefndina.

Sú framlagning er tilraun til að fá Alþingi til að viðurkenna vanmátt sinn gagnvart þessu verki. Þarna erum við með vilja þjóðarinnar skýran og Alþingi á einfaldlega að standa með þjóðinni og framkvæma vald hennar. Annað er hneyksli sem ekki má líðast í lýðræðisþjóðfélagi. [e-mail]"

Hvernig dettur þessari konu í hug að breið sátt geti náðst utan um tillögur frá sósíalistaflokkum eins og Samfylkingu og Pírötum og einhverjum litlum og ljótum flokksbrotum sem enginn veit fyrir hvað standa um grundvallaratriði eins og Stjórnarskrá frelsisunnandi fólks?

Hvernig dettur henni í hug að til dæmis Þórhildur Sunna Ævarsdóttir, margvítt fyrir álygar og annan óþverragang Pírata, nái einhverri einhverri sátt við frjálshyggjufólk úr Sjálfstæðisflokknum?

Að gersamlega óhæft plagg að dómi Feneyjanefndarinnar, sem Helga vitnar ranglega í um lofsverða niðurstöðu. eins og þær tillögur Þorvaldar Gylfasonar  og ámóta vinstri ofstækismanna, geti verið fullsköpuð stjórnarskrá frjálsrar þjóðar eins og Íslendinga?

Margur vandi steðjar að okkar þjóð um þessar mundir.Skortur á áþvingaðri stjórnarskrá stjórnlyndra vinstri manna fyrir frjálshyggufólk er ekki einn af þeim mest aðkallandi.

 

Þvílíkt endemis bull og birtist á þessum stað með mest einslitum hætti í annars góðu Morgunblaði er sannkallað maðkabox sem vekur virkilegan viðbjóð þeirra sem nenna að lesa. 

Fleiri múslíma

sem innflytjendur er stefna VG og ekki gera greinarmun á innflytjendum utan evrópska efnahagssvæðisins. 

VG fer fyrir ríkisstjórn Íslands. hefur einhver heyrt um ágreining Sjálfstæðisflokks eða Framsóknarflokks við þetta stefnumið VG?

Hafi menn ekki heyrt neitt um það þá hlýtur innflytjendastefnan að vera samúðarfull í garð stefnunnar um fleiri múslíma á Íslandi.

Dýrkeypt della

reynist þátttaka Íslands í Kyoto bókuninni og síðan Parísarsamkomulagi hinna fjörtíuþúsund fífla sem Trump sá í gegn um en við ekki.

Þessar samanlögðu vitleysur og hlaup eftir  mýrarljósum stefna í að kosta íslenska skattgreiðendur um hundrað milljarða fyrir lok áratugarins.

Hvaða stjórnmálaflokkur ber á þessu höfuðábyrgð? Á ég að kjósa hann í verðlaunaskyni fyrir þessa dýrkeyptu dellu?

Talað til Sjálfstæðismanna?

er grein sem vakti athygli mína í Morgunblaðinu í dag.

Þar skrifar Guðmundur Jónas Kristjánsson um þau mál sem á Sjálfstæðismönnum brenna þessa dagana. Gallin er bara sá að þessi Guðmundur er í einhverjum stjórnmálalegum sértrúarsöfnuði sem vegna fámennis mun engin áhrif hafa í stjórnmálum.Í stað þess gæti slík rödd haft áhrif innan Sjálfstæðisflokksins ef hún þar heyrðist.En stríðadansar og öskur Áslaugar Örnu og Unnar Brár til að hrópa niður umræðu um málefni innflytjenda munu sjálfsagt vega þar þyngra eins og áður með dyggum stuðningi flokksskipaðs fundarstjórans.

Hinsvegar hafa fleiri en einn meðflokksmaður minn sagt við mig að með óbreyttri stefnu í innflytjendamálum muni þeir ekki geta kosið sinn gamla flokk.

Rödd Guðmundar mætti því betur heyrast innan Sjálfstæðisflokksins en bara svona utan hans.

En frá flokknum heyrist hvorki hósti né stuna. Þar ríkir grafarþögn um öll hugsanleg stefnumál sem á fólkinu brenna.

Líklega telur forystan þau ekki skipta máli því við þessi tryggu 20 % munum kjósa flokkinn sem dugar þeim persónulega á grundvelli gömlu kenningarinnar um "að þó við séum vondir þá séu aðrir verri".

Því fer sem fer.

En Guðmundur skrifar svo:

"Við lifum á mestu krepputímum síðustu 100 ára, ekki bara á Íslandi heldur á heimsvísu. Ástæðan er hin illskeytta veira sem kölluð er Covid-19 og ættuð frá Kína.

Fullyrt er að veiran sé búin til af kínverska Kommúnistaflokknum til að auðvelda honum heimsyfirráð. Enda athyglisvert hversu kínversk stjórnvöld reyndu að þagga faraldurinn niður í upphafi og enn hvílir mikil leynd yfir honum í Kína. Og svo virðist sem kínversk stjórnvöld ætli að komast upp með það eins og svo ótal margt annað!

Breytt heimsmynd

Því fyrr sem við gerum okkur grein fyrir breyttri heimsmynd vegna Covid-19, því betra. Þannig hefur t.d. Carmen Richard, yfirhagfræðingur Alþjóðabankans, sagt að Covid-19 sé að „breytast í meiriháttar efnahagskreppu með mjög alvarlegum fjárhagslegum afleiðingum og löng leið fram undan“.

Já, að alvarleg heimskrísa sé í vændum sem kristallist m.a. í átökum fullveldis-/ þjóðríkjasinna annars vegar og glóbalista með stuðningi m.a. kínverskra kommúnista og marxista hins vegar. Átakalínurnar þar hafa verið miklar undanfarið en aldrei eins afgerandi og áberandi og nú, þegar Covid-19 tröllríður heiminum og virkilega harðnar á dalnum, því hin skefjalausa alþjóðavæðing glóbalista á kostnað þjóðríkja og þjóða berskjaldast nú sem aldrei fyrr í vanmætti og nánast getuleysi fjölda þjóða til að takast á við hinn risavaxna efnahagsvanda á eigin forsendum.

Þau hafa einfaldlega eftirlátið alþjóðavæðingunni stóran hluta fullveldis síns, framselt framleiðslugetu sína til ríkja lágra launa, sbr. Kína, og standa nú mun veikari en ella frammi fyrir risavöxnum vandamálum, efnahagslegum og stjórnmálalegum, sem munu enn dýpka kreppu og átök innan þeirra!

Átök sem birtast einna best í forsetakosningum í Bandaríkjunum og í Brexit.

Glóbalisminn skekur líka Ísland

Langt er síðan glóbalisminn náði fótfestu á Íslandi. EES-samningurinn var hvalreki hans, með öllu sínu „fjórfrelsi“ er skóp m.a. bankahrunið 2008 með skelfilegum afleiðingum fyrir íslenska þjóð. En líka siðferðislegum afleiðingum, einkum í seinni tíð þegar glóbalistar og marxistar (sósíalistar) náðu að stilla saman strengi.

ESB er gott dæmi um slíkt erlendis en hérlendis myndun núverandi ríkisstjórnar á Íslandi fyrir rúmum þremur árum, þar sem til að mynda Sjálfstæðisflokkur, sem í upphafi átti að vera brjóstvörn þjóðlegra kristinna borgaralegra gilda, og Vinstri-grænir, afsprengi kommúnista og marxista, tóku saman höndum og mynduðu ríkisstjórn undir forystu hinna síðarnefndu.

Já, náttuðu undir sömu sæng. Og afkvæmin létu svo ekki á sér standa; kynrænt sjálfræði, rústun íslenskrar mannanafnahefðar, róttæk marxísk fóstureyðingarlög og nánast galopin útlendingalög í anda No Borders þar sem allt stefnir í að íslensk þjóð verði orðin minnihlutahópur í eigin landi eftir fáa áratugi með sama áframhaldi (þjóðinni skipt út bara sí svona að henni forspurðri).

Loks endalaus undanlátssemi gagnvart Brussel-valdinu á grundvelli EES, sem nú er orðið aðildarferli að ESB, auk Schengen, enda hefur umsókn Íslands að ESB ekki enn verið afturkölluð á Alþingi, sem segir jú allt í þeim efnum. Þá er þjónkunin gagnvart kínverskum stjórnvöldum kapítuli út af fyrir sig.

Nægir þar að nefna framhjáhorf stjórnvalda við njósnum Kínverja hér á landi og innleiðingu hins kínverska G5-njósnafjarskiptakerfis sem meira að segja Svíar hafa hafnað vegna þjóðaröryggis. Og er þá mikið sagt!

Hvert stefnir Ísland?

Því spyrja margir þjóðhollir Íslendingar í dag: Hvert stefnir Ísland? Hafandi við völd í æðstu embættum þjóðarinnar yfirlýsta og róttæka alþjóðasinnaða sósíalista, s.s. forseta, forsætisráðherra, forseta Alþingis og borgarstjóra.

Með glóbalisma/marxisma í öndvegi á altari alþjóðlegrar heimsskipunar þeirra, þar sem hinn pólitíski rétttrúnaður er í hávegum hafður og heilaþvottur í mennta- og fræðslumálum rækilega ástundaður gegn hvers konar þjóðrækni og fórnum liðinna kynslóða fyrir sjálfstæði og frelsi þjóðarinnar.

Þvert á þá pólitísku þjóðhyggju sem nú er í sókn víðsvegar um heim, ekki síst nú í breyttum heimi.

Fyrir utan svo allan hinn rándýra og brjálaða loftslagsheilaþvott. Sem væri efni í aðra grein."

Er líklegt að þessi sjónarmið  heyrist af vettvangi Sjálfstæðisflokksins? Fyrir hverju skyldi verða klappað á landsfundi í innflytjendamálum?

Um hvað verður yfirleitt talað til Sjálfstæðismanna?

Hvernig datt Hitler í hug?

að hann gæti unnið stríð við Bandaríkin?

 Ferkílómetrar ef bara gmc trukkum og jeppum

 

 

 

 

 

 

 

 

Og svo öllum öðrum hergögnum fyrir Rússa, Breta og bandamenn?

Því miður eru margir stjórnmálamenn ekki raunhæfir eða nægilega vel upplýstir.

Nema að menn hafi viljað upphefja sjálfa sig sem einskonar Masada-hetjur með því verða undir í nógu dýrðlegum bardaga sér til dýrðar? Fórna nógu mörgum með sér í Ragnarökum?

Eru einhverjar skýringar á svona eigingjörnu bulli? 

Ætli hann hefði verið Pírati í dag? Hvernig datt honum Hitler þetta í hug?

Heift og hatur

var drifkraftur sovésku byltingarinnar  Leníns og Stalíns.Þeir trúðu því að með því að drepa nógu marga af andstæðingunum yrði sigur öreiganna(þeirra sjálfra ?) öruggari.

Sólveig Anna er verðugur arftaki þeirra innblásna málflutning. Hún raunverulega hatar okkur öll sem eru fyrir henni. Hún vill beita ofbeldi ef hún fær nokkuð færi á.Lífsreynd kona sem hefur búið árum saman í Bandaríkjunum og alið þar börn eins og Guðríður Þorbjarnardóttir á undan henni.

Vissulega get ég fundið til aðdáunar á svo einbeittri afstöðu sem hún sýnir. Sólveig Anna náði völdum yfir stóru félagi Eflingu og digrum sjóðum með innan við 10 % greiddra atkvæða.Í krafti þessa hefur hún völd til að gera margt eftir eigin geðþótta hvað sem skoðunum annarra minna innblásinna líður.

Í viðtali lýsir hún sér svo:

"

 

 

Staðan er bara þessi: Við erum með fólk sem hefur sannarlega svitnað fyrir hagvöxtinn, svitnað fyrir góðærið og á ekki nokkurn skapaðan hlut. Á ekki þúsund krónur inni á bankareikningum sínum þegar atvinnuleysið kemur. Þetta veldur mér gríðarlegu hugarangri og ef stjórnvöld fara ekki að taka sig á og viðurkenna þessa bláköldu staðreynd, að það getur enginn komist af á svona lágum fjárhæðum, og bregðast við þá sé ég bara fyrir mér hræðilega hluti.“

Þetta segir Sólveig Anna Jónsdóttir, formaður Eflingar, þegar hún er spurð út í þá stöðu sem upp er komin í íslensku samfélagi. 

Þá spyr hún hvort samfélagið sé tilbúið til þess að sætta sig við það að byrðarnar séu lagðar á fólkið sem hefur ekkert til saka unnið. „Ég held ekki. Ég held að við viljum ekki svoleiðis samfélag,“ segir hún. 

 

Þakkar baráttu þeirra sem á undan komu

Sólveig Anna spyr enn fremur hvort nú ekki sé kjörið tækifæri fyrir stjórnvöld að sýna pólitíska og siðferðilega getu og forystu til að leysa það vandamál sem liggur mest á að leysa; að tryggja það að fólk hafi nóg á milli handanna til þess að sjá fyrir sér og sínum. Hún segir að framtíðin muni ráðast af því hvernig Íslendingar muni tækla það ástand sem nú er uppi. 

„Á tímum sem þessum þakka ég mjög fyrir baráttu þeirra sem á undan okkur fóru í verkalýðshreyfingunni og verkalýðsbaráttunni. Ég horfi til baka á síðustu öld og þær stórkostlegu fórnir sem fólk færði og þá ótrúlegu baráttu sem var háð,“ segir hún. 

Þá telur Sólveig Anna það vera mikilvægt að búa í landi þar sem að þegar höggbylgjan fer í gegnum hið kapítalíska kerfi og vinnuaflið byrjar að hristast af skrímslinu þá sé sannarlega eitthvað sem taki á móti því. Að fólk lendi ekki margbrotið á götunni.

Hún segist jafnframt vera þakklát fyrir það á stundum sem þessum að á Íslandi sé stór verkalýðshreyfing sem í krafti stærðar sinnar – og þess gríðarmikla fjölda sem innan hennar er – getur krafist þess að hafa aðkomu að aðgerðum stjórnvalda. Þær aðgerðir sem gagnast hafa vinnandi fólki núna í þessari COVID-kreppu séu aðgerðir sem hreyfingin hafi lagt áherslu á og með því að stíga fram sterk náð að keyra í gegn. 

Á tímum sem þessum þakka ég mjög fyrir baráttu þeirra sem á undan okkur fóru í verkalýðshreyfingunni og verkalýðsbaráttunni.

Sólveig Anna

 BÁRA HULD BECK

Nú er tækifæri til að sýna að erlent vinnuafl sé „sannarlega ekki bara eitthvað einnota drasl“

Sólveig Anna rifjar upp að þúsundir karla og kvenna hafi verið hvattir til að flytjast hingað til lands á góðæristímanum til þess að starfa í ferðamannaiðnaðinum. Nú sé staðan önnur og mun gríðarlegur fjöldi aðflutts fólks verða atvinnulaus. Af þessu hafi hún miklar áhyggjur. „Við búum í hagkerfi sem er knúið áfram með því að leyfa eigendum fjármagnsins og atvinnutækjanna að fara sínu fram með stuðningi ríkissjóðs,“ segir hún og bætir því við að Íslendingar þurfi að viðurkenna að ýmislegt misjafnt hafi gerst í ferðamannabransanum, samanber nýlega skýrslu um aðstæður erlends vinnuafls í ferðaþjónustunni.

Nú hafi stjórnvöld og þeir sem hagnast hafa á vinnu þessa fólks tækifæri til að sýna að það sé mikils metið og „sannarlega ekki bara eitthvað einnota drasl sem hægt er að kasta í ruslið um leið og það hentar íslensku hagkerfi – heldur að það muni fá til baka það sem það á inni hjá ríkissjóði og þessu samfélagi í hækkun bóta, atvinnuskapandi verkefnum og í því að hér verði brugðist við þessu ástandi með uppbyggilegum og skynsömum hætti með þarfir vinnandi fólks í fyrirrúmi.“

Hún segir að ef vinnandi fólk á Íslandi nái að setja fram kröfur sínar með nægilega skýrum og einbeittum hætti í algjörri samstöðu þá hafi stjórnvöld ekki mikið um annað að ræða en að fallast á kröfurnar. Það sé lykilatriðið.

Verkalýðshreyfingin „hreyfiafl fyrir breytingar sem við þurfum að sjá“

Varðandi samstöðu innan verkalýðshreyfingarinnar þá segir Sólveig Anna að hún viti hundrað prósent hvert hlutverk Eflingar sé og hvert hlutverk hennar sjálfrar sé. „Ég veit það að við erum algjörlega sameinuð í því verkefni, það er að berjast fyrir réttindum verka- og láglaunafólks í þessu landi og láta aldrei deigan síga í þeirri baráttu. Sökum stærðar félagsins innan verkalýðshreyfingarinnar þá náttúrulega höfum við mjög mikið vægi.“

Lesa

Stjórnvöld verða að hætta að velja sigurvegara

Framkvæmdastjóri Samtaka iðnaðarins segir að þriðji áratugurinn ætti að geta orðið áratugur nýsköpunar á Íslandi, ef stjórnvöld halda rétt á spöðunum. Hann segir að einblínt hafi verið á ferðaþjónustu eftir hrun og önnur tækifæri hafi farið forgörðum.

Verkalýðshreyfingin, og þá sérstaklega Alþýðusamband Íslands, var gagnrýnd töluvert eftir hrun fyrir að vinna of náið með stjórnvöldum og atvinnulífinu en mikil endurnýjun hefur átt sér stað innan hreyfingarinnar á undanförnum misserum. Aðspurð út í þessa endurnýjun segir Sólveig Anna að hún upplifi ekki meðvirkni hjá forseta ASÍ, Drífu Snædal, með stjórnvöldum. 

„Ég upplifi miklu frekar ríkulegan vilja til þess að hlusta á fólkið inn í hreyfingunni til þess að finna lausnir og miðla málum. En þó ekki einungis til að vera aðhald á aðgerðir stjórnvalda heldur einnig hreyfiafl fyrir breytingar sem við þurfum að sjá,“ segir hún. 

„Fuck you! Ég er meira virði“

Þrátt fyrir að verkalýðshreyfingin sé sterk um þessar mundir þá bendir Sólveig Anna á að þau glími við það risavaxna verkefni að hreyfingin sé að koma undan löngu tímabili þar sem herská stéttabarátta hafi ekki verið í boði. „Það eina sem í boði var fyrir hreyfinguna og fyrir fólk var að starfa eftir einhverjum markmiðum um stöðugleika og þjóðarsátt. Þá var bara búið að reikna fyrirfram út að skúringarkerlingin ætti bara alltaf að fá langminnst og að leikskólakerlingin ætti alltaf líka að fá minnst, alveg sama hvað. Og þá skipti engu máli hvort það var góðæri eða hvort það var kreppa; þessir útreikningar breyttust aldrei,“ bendir hún á. 

Nú sé stórt og mikið verkefni að komast aftur á þann stað að fólk segi bara: „Fuck you! Ég er meira virði og ekki vegna þess að ég sé búin að fara í gegnum eitthvað sjálfstyrkingarnámskeið heldur vegna þess að ég er meira virði sem vinnuafl í þessu kerfi og þess vegna ætla ég að fá meira.“ 

Augnablik sem þessi geta verið hættuleg – en einnig borið með sér von

Efnahagsþrengingarnar voru byrjaðar fyrir faraldurinn en dýpkuðu óvænt og með miklum látum fyrr á þessu ári í kjölfar sóttvarnaaðgerða hér og annars staðar í heiminum. „Allt í einu á sér stað þetta ótrúlega augnablik þegar hin kapítalíska maskína stöðvast – ekki vegna verkfalla vinnuaflsins eða neins slíks heldur vegna einskonar náttúruhamfara. Og af því að við búum í þessu stéttskipta arðránssamfélagi þá skýrast stéttalínurnar og stéttaskiptingin um leið. Afhjúpunin hefur þar af leiðandi verið mjög mikil, bæði á Íslandi og í öllum heiminum. 

Við höfum séð ákveðnar andstæður skerpast. Þá sjáum við annars vegar vinnuaflið algjörlega bjargarlaust, með ekkert á milli handanna, og svo hins vegar auðstéttina algjörlega örvæntingarfulla í því að reyna að finna einhverjar leiðir til að láta viðskiptin fara aftur af stað.“

Svona augnablik geta verið mjög hættuleg, að mati Sólveigar Önnu. „En þau geta líka borið með sér mikla von um breytingar, þannig að ég leyfi sjálfri mér þegar ég horfi yfir sviðið að vera líka bjartsýn.“ 

 

 

Ótrúlegt að framganga SA orsaki ekki meira uppnám

Eitt stærsta áhyggjuefni hennar varðar Samtök atvinnulífsins (SA) og vegferð þeirra í aðkomu að kjarabaráttu á Íslandi. „Allt fólk sem er sæmilega viti borið með sæmilega fúnkerandi siðferðisáttavita hlýtur að vera í áfalli yfir hvernig Samtök atvinnulífsins vinna. Við erum með þennan risastóra aðila á vinnumarkaði sem fer fram með svo svívirðilegum hætti að mér finnst bara ótrúlegt að það orsaki ekki meira uppnám í samfélaginu.“

Hún segir að aðilar innan sambandsins brjóti markvisst lög sem gilda á Íslandi, en þar á hún meðal annars við vinnulöggjöfina frá árinu 1938 og „þetta gera þau vegna þess að þau segja að þessi löggjöf sé úrelt. Þetta er mjög áhugavert og til marks um mjög vanþroskaða lýðræðisumræðu að þetta skuli ekki vekja meiri athygli. Er það þá þannig núna að talsmaður atvinnurekenda, Halldór Benjamín, líti svo á að hann megi bókstaflega velja og hafna lögum sem hann lifir eftir? Þetta er ótrúlegur staður til að vera á,“ segir hún. 

Halldór Benjamín Þorbergsson, framkvæmdastjóri SA, sagði í júlí síðastliðnum að samtökin stæðu með Icelandair að ákvörðun um að slíta viðræðum við Flugfreyjufélag Íslands og leita annað en samtökin fóru með samningsrétt fyrir hönd Icelandair. Hann sagði að sú leið sem farin var væri lögleg en að ef Flugfreyjufélag Íslands sætti sig ekki við hana gæti það farið fyrir dómstóla með málið. „Við getum sagt að íslensk vinnulöggjöf er að mörgu leyti úr sér gengin og fyrir löngu kominn tími til að endurskoða hana, ekki bara að hluta eða í heild. Það getur verið að þessi deila komi til álita þar,“ sagði hann við RÚV í júlí. 

Lesa

Neitar að horfa á vinnumarkaðinn sem stríðsvöll

Kjarninn hitti bæði fulltrúa atvinnulífs og launafólks og fékk sýn þeirra á stöðu mála, í upphafi hausts. Sá þriðji sem rætt er við er Halldór Benjamín Þorbergsson, framkvæmdastjóri Samtaka atvinnulífsins.

Hann sagði enn fremur í viðtali við Kjarnann í byrjun september að hann neitaði að horfa á vinnumarkaðinn sem stríðsvöll. Sólveig Anna hefur margt um Halldór Benjamín og Samtök atvinnulífsins að segja en hún bendir á að SA séu núna í höndunum á „mjög lítilli klíku Sjálfstæðisflokksins“ og sé þetta í raun samband ungra Sjálfstæðismanna fyrir einhverjum áratug síðan. „Og þetta er sama klíka og hefur hreiðrað um sig inn í Icelandair og tengslin þarna á milli eru náttúrulega með ólíkindum. Hugmyndafræðin sem þetta fólk lifir eftir er þessi grimmilega nýfrjálshyggja menntaskólaræðuklúbbsins. Það er ekki hugmyndafræði sem maður sér sem góða til þess að byggja samfélagslega nálgun á,“ áréttar hún. 

Tilbúin að skoða það að fara í allsherjar sniðgöngu á Samtökum atvinnulífsins

Samtök atvinnulífsins njóta þessarar stöðu sem þau hafa sem mikilvægur aðili á vinnumarkaði vegna þess að verkalýðshreyfingin hefur ákveðið að viðurkenna að samtökin hafi lögmæti, að sögn Sólveigar Önnu. „Í löggjöfinni er aftur á móti talað mjög almennt. Þar er talað um samtök atvinnurekenda – með litlu s-i – en þar er ekki minnst á Samtök atvinnulífsins.“

Hún segir að framganga Samtaka atvinnulífsins í málefnum Icelandair sýni það með mjög skýrum hætti að þau líti svo á að íslensk lögsaga nái ekki yfir samtökin. „Og þau ráðleggja og standa með fyrirtæki sem ákveður að brjóta lög. Þau líta svo á að löggjöfin sé úrelt og þá ákveða strákarnir auðvitað að það megi breyta lögunum upp á sitt einsdæmi.“

Sólveig Anna segir að fyrst Samtök atvinnulífsins hagi sér með þessum hætti þá geti verkalýðshreyfingin gert slíkt hið sama. „Ef þetta á að vera svona þá getum við bara sagst ætla að semja við einstök fyrirtæki eða við einhver önnur samtök en Samtök atvinnulífsins. Við skulum líka átta okkur á því að það eru bara fáir atvinnurekendur innan Samtaka atvinnulífsins. Ég get líka sent frá mér – og stjórn Eflingar – einhliða yfirlýsingu um hverjir kauptaxtarnir eigi að vera fyrir aðgang að vinnuafli fólks.“

Hún telur að baráttuvilji íslensks verkafólks sé mikill á þessum tímum og að Efling, undir hennar forystu, sé tilbúin að skoða það að fara í allsherjar sniðgöngu á Samtökum atvinnulífsins. „Ef menn halda að þeir geti farið fram með þessum hætti og að því verði bara tekið þá er það ekki svo. Ég er mjög tilbúin að fara í þá vegferð að sýna þeim fram á það,“ segir hún. 

 

Ég get ekki annað en virt þessa manneskju þó að  ég viti að hún hati mig og allt sem ég stend fyrir af öllu hjarta.  Sjálfstæðisflokkurinn er djöfullinn sjálfur í hennar augum og hún trúir því að okkur öllum sem í þeim flokki séum viljum henni og hennar fólk allt illt. Hún er einbeittari en andskotinn og því stórhættuleg til allra verka.

Illgirnin og hatrið er nóg fyrir hendi eins og var hjá Lenin og Stalín í þá tíð og hún min aldrei þiggja frið sé nokkur kostur á ófriði.

Þannig verðum við að líta á Sólveigu Önnu og hennar afstöðu til þjóðfélagsins. Það er óvinur hennar sem ekkert gott á skilið nema byltingu,  heift og hatur. 

 

Flett ofan af fölsunum Borgarlínu

áróðursins í grein í Morgunblaðinu í dag.

Þar skrifar Ragnar Árnason pófessor glögga greinargerð fyrir hvaða fölsunum er beitt í gyllingu Borgarlínu af leigðum sérfræðingum fyrir kostum hennar.Sem nánar skopðað sýna örlítinn hagnað 4-12% Borgarbúa gegn tapi 88-96 % sama úrtaki fólks.

Venjulegt fólk myndi túlka þetta góðgerðir fyrir 8 % af fólki á móti skaða sem 92 % af sama úrtaki verður fyrir. Niðurstaða Borgarstjórnarmeirihlutans er sem fyrr að minnihlutinn skuli ráða eins og tilviki góðafólksins og heælisleitenda.

Ragnar skrifar:

Í grein minni í Morgunblaðinu 29. október sl ræddi ég þann mikla kostnað sem óþarfa umferðartafir á höfuðborgarsvæðinu leggja á íbúana. Vegna plássleysis nefndi ég þar ekki að þessar umferðartafir rýra einnig skilvirkni atvinnulífsins á svæðinu og leggja þar með enn frekari byrðar á samfélagið. Þessar umferðartafir eru óþarfar vegna þess að fyrir hendi eru og hafa lengi verið margir tiltölulega ódýrir kostir til að bæta umferðarflæðið í Reykjavík svo um munar. Hagfræðilegt mat á þessum kostum bendir til að þjóðhagsleg arðsemi margra þeirra sé mjög mikil og miklu meiri en borgarlínunnar, sem virðist raunar hafa neikvætt núvirði eins og ég benti á í greininni.

Borgarlínan er fyrir fáa

Í stað þess að framkvæma hagkvæmustu valkostina til að draga úr umferðartöfum og bæta með því hag allra borgarbúa hafa borgaryfirvöld í Reykjavík kosið að einblína á borgarlínuna. Samkvæmt nýlegri skýrslu Cowi og Mannvits er fyrsti áfangi borgarlínunnar talinn munu stytta ferðatíma þeirra u.þ.b. 4% sem nú ferðast með strætisvögnum en lengja ferðatíma þeirra sem fara um á venjulegum bifreiðum. Hugmyndin er með öðrum orðum sú að tefja enn frekar för þorra borgarbúa en flýta för lítils minnihluta. Tæpast þarf að taka það fram að sá mikli meirihluti sem á að þola enn frekari umferðartafir vegna borgarlínunnar á einnig að borga kostnaðinn af henni.

Skýrsla um „félagshagfræði“ borgarlínu

Ofangreind skýrsla Cowi og Mannvits um svokallaða „félagshagfræði“ borgarlínunnar er skrifuð í talsverðum véfréttarstíl. Takmörkuð grein er gerð fyrir ýmsum lykilforsendum skýrslunnar og hvernig núvirðisreikningarnir eru framkvæmdir. Tveir af starfsmönnum Cowi og Mannvits, þær Meta Reimer Brödsted og Ólöf Kristjánsdóttir, hafa nú stigið fram og gert nánari grein fyrir vissum forsendum skýrslunnar (Mbl. 6. nóvember). Þær upplýsa m.a. að það sem nefnt er „scrap value“ í skýrslunni og jafnan þýtt sem hrakvirði á íslensku er alls ekki hrakvirði heldur núvirði hreins ábata af væntanlegri notkun borgarlínunnar eftir lokaár núvirðisreikninganna. Sé svo er auðvitað rétt að hafa þetta gildi með í núvirðisreikningunum. Þessar nýju upplýsingar vekja hins vegar fleiri spurningar.

Hvenær lýkur núvirðisreikningum? Hvers vegna er ekki reiknaður út allur líftími framkvæmdarinnar? Fullyrðing um tiltekið núvirði hreins ábata efir lok reikninganna sýnir að einhver hefur haldið áfram að reikna. Hver er þá sá líftími framkvæmdarinnar sem miðað er við? Ólöf og Meta telja einnig að fargjöld nýrra notenda eigi að reikna með í hinum þjóðhagslega ábata af borgarlínunni. Þetta tel ég hins vegar ekki rétt.

Þau fargjöld sem nýir farþegar greiða eru að vísu tekjur fyrir farmiðasalann. Þær eru hins vegar jafnmikið tap fyrir aðra framleiðendur sem hinir nýju farþegar keyptu áður vörur af. Það er ekki hægt að eyða sömu tekjum tvisvar.

Niðurstaðan er því eins og ég sagði í greininni í Morgunblaðinu að fargjaldatekjurnar séu einungis tilfærsla. Nýr viðskiptamaður borgarlínu færir þær frá öðrum framleiðendum í hagkerfinu yfir í kassa borgarlínunnar. Þjóðarkakan vex ekki við þessa tilfærslu. Þess vegna geta fargjaldatekjur ekki talist þjóðhagslegur ábati af borgarlínu.

Óhagkvæmni borgarlínunnar

Borgarlínan kostar stórfé. Hún gagnast tiltölulega fáum, 4% sé miðað við núverandi ferðir með strætisvögnum en e.t.v. 12% ef miðað er við mestu bjartsýnisforsendur talsmanna borgarlínunnar.

Hún veldur hins vegar frekari umferðartöfum fyrir hin 88- 96% vegfarenda.

Augljóst er að meta þarf ábata hinna fáu mjög hátt til að vega upp á móti tapi hinna mörgu og greiða þar að auki fjárfestingar- og rekstrarkostnað borgarlínunnar. Eins og ég benti á í grein minni í Morgunblaðinu (29.10. sl.) er afar langsótt að slíkt sé raunsætt.

Því eru yfirgnæfandi líkur á að núvirði borgarlínu sé neikvætt.

Lokaorð

Það kann ekki góðri lukku að stýra að framkvæma hagkvæmnismat eftir erlendum uppskriftum. Uppskriftir geta hæglega misskilist og þær forsendur sem þær byggjast á gleymst. Um þetta eru mýmörg dæmi. Reynslan sýnir að formúlur og reiknilíkön koma ekki í staðinn fyrir rækilega umhugsun á grundvelli staðgóðrar þekkingar og auðvitað gagnrýna skoðun annarra sérfræðinga."

Það er alkunna að meirihluti Borgarstjórnar Reykjavíkur lýtur öðrum lögmálum rökfræði en venjulegt fólk. Sé eitthvað rökfræðilega rétt ályktun skal framkvæmt  þvert á þá niðurstöðu. Hagsmunir minnihluta skulu ávallt ráða umfram hagsmuna meirihluta. Gott dæmi er hvernig Dagur Borgarstjóri notar fjármuni heildarinnar til að hækka verðmæti einkaeignar sinnar við Óðinstorg.

Sigurborg Ósk Haraldsdóttir og Hjálmar Sveinsson eru góðir fulltrúar þessa hóps.Hún vill útrýma einkabílnum af því að yfirgnæfandi fólks hefur valið hann sem sinn samgöngumáta og hann vill ekki leggja fleiri akreinar af því að þær fyllast bara af  bílum.

Og Dagur Borgarstjóri minnihlutans bætir um betur og staðhæfir að tími mislægra gatnamóta í Reykjavík sé liðinn.

Borgarlínan mun kosta meira en 100 milljarða. Engar tölur hafa verið birtar um árlegan rekstrarkostnað sem fráleitt mun skila hagnaði að því bestu menn hafa áætlað.

Það er því fengur að rödd skynseminnar fái að birtast kjósendum nú þó að slysinu verði ekki afstýrt vegna einbeitts brotavilja meirihluta Borgarstjórnar sem heldur völdum í skjóli persónuhaturstilfinninga Þórdísar Lóu.

Þessi meirihluti beitir fölsunum sem rökfærslu fyrir  Borgarlínubullinu sem prófessor Ragnar flettir ofana af.

Holdgervingur hræsninnar

einn af mörgum er Inga Sæland sem talar í síbylju um ást sína á fátæklingum.

Hún makar krókinn óspart af því að hún er í aðstöðu til þess. Kemur samt fáu til leiðar í yfirlýstri hugsjónabaráttu sinni en bætir eigin hag á hverjum degi 

ekki minna en Steingrímur J. Sigfússon sem hefur verið á húsnæðisstyrk frá íslenska ríkinu í áratugi sem hefur líklega borgað fyrir hann heilt einbýlishús í Breiðholti.Nú boðar hann að hann fari heim á sína sveit.

Er enginn orðinn leiður á þessum yfirlýstu mannkynsfrelsurum sem einskis hag bæta nema sjálfs sín?

Holdgervingar hræsninnar sem fólk virðist gleypa við í hvert sinn og koma kosningar? 

Biden

er nýr forseti Bandaríkjanna.

Það sem aðallega snertir Íslendinga við þessi tímamót er líklega meiri eftirgjöf gagnvart heimsvaldastefnu einræðisríkisins  Kína.  Minni mótstaða við loftslagsofbeldi iðnaðarveldis Kínverja og Indverja og meiri útflutningur starfa frá Bandaríkjunum til þessara landa.

Líklega meiri árásargirni á alþjóðavettvangi og afskiptasemi í mið-Austurlöndum með auknum áhrifnum stríðsæsingakerlingarinnar Hillary Clinton.

Innan Bandaríkjanna þýða þessi úrslit meiri samneyslu og þar með aukin skattheimta. Sem leiðir til væntanlega sigurs Repúblikana eftir 4 ár.

Trump tapaði með fleiri atkvæðum en nokkur frambjóðandi til Biden hefur fengið eða nærri 70 milljónir atkvæða ámóti 73 milljónum Bidens.

Ég hef mikla samúð með Joe Biden sem hefur orðið fyrir þyngri áföllum í sínu einkalífi en flestir menn. Mínar heillaóskir fylgja honum því óhjákvæmilega munu hans stjórnarathafnir hafa áhrif á mitt líf og annarra Íslendinga.

Athafnalíf í Bandaríkjunum mun ekki taka vaxtarkipp við þessi tímamót og olíuiðnaðurinn mun líklega ekki styrkjast þannig að verð á olíu mun líklega hækka á komandi tíð, hlutbréfaverð í Bandaríkjunum hækka og dollarinn lækka en gull og silfur hækka.

Við byrjum nýja tíma með bros á vör og heillaóskum til nýs forseta Joe Biden þegar Trump er að verða þátíð sem ekki tókst  að endurreisa Bandaríkin sem  mikil aftur.

Murder Inc.

var félag sem "mannvinurinn" Albert Anastasia stofnaði á sínum tíma. Starfsvettvangurinn fólst í nafninu. Losa mannkynið við óæskilega borgara.

Nú hefur hópur fólks á Alþingi Íslendinga úr þremur stjórnmálaflokkum aðallega endurvakið grunnhugsjónina. Að losa mannkynið við óæskilegt fólk.

Þetta lið flytur tillögu um að slíkt félag verði stofnað á Íslandi sem  taki við keflinu fyrir sanngjarna greiðslu eins og Albert tók í gamla daga.

Þetta úrval móralista og siðgæðisvarða í málefnum hælisleitenda eru:

Rósa Björk Brynjólfsdóttir, Oddný G. Harðardóttir, Helga Vala Helgadóttir, Þorgerður K. Gunnarsdóttir, Ágúst Ólafur Ágústsson, Albertína Friðbjörg Elíasdóttir, Þorbjörg Sigríður Gunnlaugsdóttir, Andrés Ingi Jónsson, Björn Leví Gunnarsson, Jón Steindór Valdimarsson, Halldóra Mogensen, Þórhildur Sunna Ævarsdóttir, Hanna Katrín Friðriksson, Guðmundur Andri Thorsson, Ólafur Þór Gunnarsson, Helgi Hrafn Gunnarsson, Steinunn Þóra Árnadóttir, Logi Einarsson, Guðjón S. Brjánsson.

Það er gott fyrir kjósendur að leggja þessi nöfn  á minnið á tímum eftirsóttrar nýsköpunar  þegar kemur að næsta harmagráti vegna stöku hælisleitenda.Tvöföld siðgæðiskennd í mannkærleika þessa fólk verður þá enn skýrari.

Í gamla daga var þáttur um Palladín á Kanaútvarpinu í Stuttgart sem hér : "Have Gun will travel".

Clint Eastwood og Lee van Clef gerðu ógleymanlega þætti á svipuðum nótum um mannaveiðara sem söfnuð saman illþýði og drápu fyrir peningaverðlaun þeim til höfuðs.

Gætu Samfylkingin,Viðreisn og Píratar ekki athugað að setja upp slíka þjónustu fyrir heiminn sem næsta skref í mannkærleika? 

Murder Iceland Inc.?