Einmitt það sem mest liggur á

BSRB fundar með ráðherrum

Forsvarsmenn Bandalags starfsmanna ríkis og bæja funda með Jóhönnu Sigurðardóttur forsætisráðherra og Steingrími J. Sigfússyni fjármálaráðherra í fyrramálið. Þar verður ráðherrum kynntar þær kröfur sem bandalagið leggur áherslu á í komandi kjarasamningum.

Það verður að varðveita og byggja upp skattstofna framtíðarinnar. Eru starfsmenn Pennans, Sementsverksmiðjunnar, Steypustöðvarinnar, BM Vallá, BYR, Sparisjórinn í Keflavík, Landsbankans, Íslandsbanka, Aríon banka, Húsasmiðjunnar, Flugumferðarstjórar, ljósmæður, Kennarasambandið  og Guð veit hvað ekki örugglega farnir að greiða félagsgjöld í BSRB?

Hagfræðikenning Steingríms Jóhanns í hnotskurn:

Hærri skattar á opinbera starfsmenn leysa vanda ríkissjóðs.

Einmitt þessvegna liggur mest á þessu!

Baugspressan

hrósar sér af því að ná til 2/3 landsmanna á móti þeim 1/3 sem Morgunblaðið nær til. Sem væri ekki neitt athugavert við ef ekki væri sú staðreynd, að Mogginn er einkafyrirtæki sem var keypt af eigendunum úr gjaldþroti og gerður út á þeirra kostnað. Fréttablaðið er gjaldþrota apparat sem er gert út af Arion Banka til þess að vera málgagn Samfylkingarinnar og Evrópusambandsins. Margir milljarðar af almannafé liggja í líkhúsi blaðsins og enginn veit hvernig rekstur þess er.

Blaðið stundar einhliða áróðursstarfsemi með allskyns leigupennum. Sem betur fer eru flestir þessir skríbentar svo lélegir að margt fólk ypptir öxlum yfir málflutningnum. Maður verður var við að flestir hafa lesið greinar sem koma í í Mogganum en hending er hvort menn hafa lesið greinar í Fréttablaðinu. Sem gefur manni aftur hugmyndir um hversu mikil áhrif blaðsins eru í raun og veru.

Fréttablaðið segist hafa kannað að meirihluti landsmanna vilji núna samþykkja Icesave lll. Meirihluti VG vilji halda áfram aðildarviðræðum að Evrópusambandinu og raunar meirihluti landsmanna allra. Blaðið reynir að sverta Sjálfstæðisflokkinn við öll tækifæri og gera kjósendur hans tortryggilega á sem flestan hátt. Samt hefur fylgisstreymið til þess flokks aldrei verið meira en núna og segir það líka sína sögu. Sjálfstæðismenn virðast líka forðast að skrifa í Fréttablaðið. Fyrir þær sakir er blaðið mjög einhæft og fyrir mig til dæmis hrútleiðinlegt aflestrar.

Dreifingin er langt í frá sú sem blaðið heldur fram, úti á landi er blaðið selt og selst dræmt, stórir haugar af ódreifðum blöðum liggja hingað og þangað, þannig að mér er nær að halda að útbreiðslan sé mjög orðum aukin.

En Baugspressan styður stjórnina til allra óhappaverka. Það er mergurinn málsins.

Tillögur Sjálfstæðismanna

um leiðir út úr kreppunni hafa legið fyrir um langt skeið.

Eftirfarandi upplýsingar er að finna á síðu Tryggva Þórs Herbertssonar:

„ Frá miðju ári 2008 hafa um 22.500 störf tapast á Íslandi. Um 13.000 einstaklingar eru nú atvinnulausir og tæplega 10.000 hafa horfið af vinnumarkaði – sest í helgan stein, farið á örorkubætur eða einfaldlega flutt úr landi og hafið nýtt líf í öðrum löndum. ........

Tillögur Sjálfstæðisflokksins miða að því að hér á landi verði skapað umhverfi þannig að til verði 22.000 störf á næstu tveim til þrem árum. .....

...Við viljum lækka tekjuskatta einstaklinga um 10 milljarða á næsta ári og draga skattahækkanir ríkistjórnarinnar að fullu til baka árið 2012. Við viljum verja 10 milljörðum til að afnema óhagkvæma skatta 2011 og sömu upphæð 2012. Við viljum hverfa frá áætlunum ríkistjórnarinnar að hækka skatta um 11 milljarða á næsta ári.....  "

Hvernig virkar þetta?

 ...“Hvert nýtt starf þar sem einstaklingur fer af atvinnuleysisbótum og í vinnu bætir afkomu ríkissjóðs að meðaltali um 3 milljónir króna. Tillögur okkar gera ráð fyrir að til verði 12.000 ný störf á næsta ári – um 4.000 við uppbyggingu í orku- og stóriðjugeirunum og um 8.000 í litlum og meðalstórum fyrirtækjum en í slíkum fyrirtækjum vinna lang flestir Íslendingar. ...

Í tillögunum er gert ráð fyrir að tekið verði gjald af fjármálastofnunum fyrir yfirlýsingu um ábyrgð ríkisins á bankainnstæðum. Gjaldið gefur um 5 milljarða. Þá er lagt til að inngreiðslur í séreignarsjóði landsmanna verði skattlagðar. Þetta gefur ríkissjóði um 80 milljarða í auknar tekjur fyrsta árið. Samtals eru þetta því 121 milljarður. .....“

Ekki hefur verið hlustað hið minnsta á þessar tillögur af ríkisstjórnarliðinu. Þar kemst helst ekkert annað að en umsóknarferlið að Evrópusambandinu og innflokkadeilur.

Ég held að margt sé gott í þessum tillögum Sjálfstæðismanna. Hinsvegar hef  ég ekki skilið það ennþá hversvegna skrefið er ekki stigið til fulls með lífeyrissjóðsgjöldin. En það er að inngreiðslur verði skattaðar beint og lífeyrisgreiðslur verði því skattfrjálsar. Maður spyr sig hversvegna stjórnir lífeyrissjóða eiga að fara með þetta fé fremur en opinberir aðilar  og hugsanlega tapa hluta þess eins og dæmin sanna.

Þjóðin viðist samt vera farin að sperra eyrun eitthvað ef marka má skoðanakannanir. Enda virðist fátt framundan  hjá ríkisstjórninni nema meira af því sama. Og það er greinilega ekki að virka.

Icesave lll

er nú fyrir þinginu. Þegar félagi Svavar var úti í löndum að semja fyrir okkur Icesave l sagði Steingrímur í viðtali á z-etunni:

"Ég treysti Svavari Gestssyni og ég veit að hann er að gera góða hluti og ég lofa þér því að það er í sjónmáli að hann landi, og hans fólk, glæsilegri niðurstöðu fyrir okkur. Vonandi mun betri en lengi leit út fyrir að gæti orðið."

Félagi Svavar kom með einhvern pakka sem talinn er hafa numið hálfri þjóðarframleiðslu eða svo.

Ég hlustaði á Tryggva Þór Herbertssson í gær tala um Icesvae lll. Hann sagðist meta hann brúttó á minnir mig 47 milljarða með vöxtum. Ef við seldum vel eignirnar úr Landsbankanum færi kostnaðurinn niður í núll eða mínus. Hann sagðist telja sem bísnessmaður að skynsmalegt gæti verið að ganga að þessu til að ná friði við þjóðirnar. Við gætum lent í tapi fyrir dómi. Hann væri hinsvegar ekki á þingi sem bísnessmaður heldur fulltrúi þjóðarinnar og hann vildi vera viss um vilja þjóðarinnar áður en hann greiddi atkvæði.

Er þetta ekki eitthvað sem baráttumenn eins og Jón Valur og ég verðum að velta fyrir okkur? Jafnvel Davíð líka?

Er kannski rétt að brjóta odd af oflætinu og samþykkja Icesave lll í þjóðaratkvæði ?

Stundarfriður

er nú á áhyggjum stofnfjáraðila Sparisjóðs Norðurlands og BYR-sparisjóðs eftir dóm Héraðsdóms í dag. Niðurstaðan er sú að lán Glitnis til stofnfjárkaupa voru aðeins tryggð í bréfunum sjálfum.

Hinn góði Íslandsbanki með fínu auglýsingarnar keypti kröfuna með 40 % afföllum af þrotabúi Glitnis og ætlaði sér að innheimta að fullu í aleigu manna, kvenna, ólögráða barna og skilningssljórra gamalmenni,  sem voru göbbuð til að taka  þátt í stofnfjáraukningunni með lygum og prettum starfsmanna Glitnis. Og lentu síðan í purkunarlausum innheimtumönnum Íslandsbanka sem ætluðu að láta kné fylgja kviði og ganga að skuldurunum.

Nú er stundarhlé að minnsta kosti, þar sem héraðsdómur taldi sannað að forsendubrestur fyrir innheimtu hafi átt sér stað. Væntanlega fer nú málið til Hæstaréttar, þar sem Steingrímur J. leggur línurnar að venju með tilliti til hagsmuna bankakerfisins. Svo ekki er öll nótt úti hjá Íslandsbanka með þá fyrirætlan sína að gera þúsundir heimila gjaldþrota.

Þeir sem seldu sín bréf til skúffufyrirtæksins Exeter Holdings,  Ragnar Z. sparisjóðssjóari BYR, Jón Þorsteinn Jónsson, stjórnarformaður BYR og MP banki,  greiddu  MP-banka með peningum sem þeir tveir  fyrrnefndu hrömsuðu úr sjóðum BYR. Þeir verða hugsanlega að borga eitthvað til baka þar sem þeir hafa verið ákærðir fyrir tiltækið.  En  Birgir Ómar Haraldsson, stjórnarmaður í BYR,  náði á sama hátt að selja sín bréf í gegnum MP banka til Exeter Holdings fyrir 200 milljónir í seinni snúningi á málinu,  sleppur hinsvegar við ákæru og lifir líklega einn fárra stofnfjárfesta í BYR-sparisjóði  við hamingju hér eftir.

 Áætlun samsærismanna gekk útá það að gera Exeter Holdings gjaldþrota og þarmeð væri snjóað í sporin. Slitastjórn BYR situr uppi með verkið þannig að þetta heyri brátt  sögunni til og mál þessi gleymist.

Allavega er núna fenginn stundarfriður fyrir þá sem í gær horfðu fram á gjaldþrot sitt. Hinsvegar á svo Steingrímur J. líklega  eftir að koma og heimta tekjuskatt af niðurfellingunni ef að líkindum lætur. Píslum stofnfjáreigenda er langt í frá lokið þó stundarfriður hafi fengist.

 

Er Steingrímur í endurhverfum

viðskiptum einhverskonar með Mávi Seðla?

Þetta stendur í Mogga:

"Fjármögnun á kaupum eins sjóða Stefnis, dótturfélags Arion banka, á meirihluta í tryggingafélaginu Sjóvá, er ekki lokið."

Auðvitað kemur mér ekkert við frekar en öðrum hverjr eiga eða reka Stefni. En vissi ég ekki að Steingrímur "eigi " Arion banka? 

Eru þá viðskiptin með Sjóvá ekki uppá krít með skilarétti?  Eru það ekki kölluð endurhverf viðskipti?

Guðmundur "bolsévikki"

fer nú um landið og reynir að efna til samstöðu í kjarasamningum á baráttufundum. Það er eins og þessa þjóð vanti mest verkföll þeirra sem hafa einhverja vinnu og hafa á einhvern hátt aðstöðu til að kyrkja almenning eða kvelja börn?

Ætli þetta sé undirbúningur undir nauðsynlegan stöðugleika, ERM, Evrópusambandsaðildina og upptöku evru? Hvar eru nú slökkviliðsmenn, BHM, flugumferðarstjórar, kennarar,ljósmæður? Hafa þessir aðilar ekki dregist aftur úr?

Vantar okkur ekki sárlega fleiri "bolsévikka" í kjarabaráttuna?

The untouchables

í ríkisstjórn og Seðlabanka hafa gert díl aldarinnar fyrir utan Icesave l. Selt 16 milljarða úr ríkissjóði á 5  með ótakmörkuðum skilarétti eftir einhver ár ef 16 milljarðarnir dæmist hafa verið þýfi frá almenningi samkvæmt dómsúrskurði.

Kaupendurnir þjófagóssins mega þangað til blóðmjólka hið selda að vild. Ekki er þó mikið bitastætt í bótasjóðnum þar sem Dalton-bræður voru búnir að stela honum áður og komast upp með það.

Afglapi aldarinnar ásamt  Mávi Seðla standa fyllilega undir væntingum landsmanna. Þeir eru the untouchables.

 

Afglapi aldarinnar

í fjármálum hefur ekki verið útnefndur enn.  Steingrímur J. Sigfússon  flennti grönum og froðufelldi  í ræðustól Alþingis yfir vitleysu íhaldsins í fjármálum 17 ár. Hann  hefur nú verið við völd í 2 ár sjálfur. Heldur því fram sjálfur að hann sé í stöðugri rústabjörgun eftir íhaldið og hann sé að vinna afrek á hverjum degi. Lófatakið er samt orðið dræmt í flokki VG.

Á þessum tíma hefur hann sólundað einum 90 milljörðum fram hjá Alþingi í allskyns bjarganir sem hann segir hafa verið bráðnauðsynlegar.  Hársbreidd munaði að Steingrími þessum tækist að leggja Icesave l samninginn á þjóðina og kalla það glæsilega niðurstöðu. En aðalsamningamaðurinn, félagi Svavar,  er sagður eini maðurinn sem sest hafði á ráðherrastól án tékkheftis. Enda voru þá erfiðir tímar og Svandís í æsku. 

 Fullyrða má að vaxtagreiðslurnar einar af Icesave l  samningi þeirra félaga  hefðu numið mun meira en öllum rekstrarkostnaði Landspítalans. NB. áður en farið væri að tala um að borga niður!  Og enn vill Steingrímur smeygja sykurhúðuðu Icesave lll beislinu upp í þjóðina  með sömu útmálun opins helvítis fyrir Íslendinga ella.

Landspítalinn hefur sagt upp 700 manns og skert þjónustuna af því hann vantar 3 milljarða. Sjóvá fékk 16 milljarða af ríkisfé. Sparisjóður Keflavíkur annað eins og BYR eitthvað álíka, VBS 26 milljarða og Saga  Capital álíka. Steingrímur Jóhann er því í augum einhverra fremur  fjármálalegur örviti og stórhættulegur fyrir þjóðina en bjargvættur.Á sama tíma lætur Steingrímur teikna nýjan hátæknispítala fyrir sig.  Kostnaðurinn sjálfsagt hrein skiptimynt á mælikvarða Steingríms. Stendur þjóðinni virkilega á sama þó þetta haldi áfram á fullu  meðan spítalinn sveltur?   

Nú selur hann með Mávi Seðla Sjóvá með 10 milljarða afslætti til einhverra nafnlausra vina.  Verði  ríkisframlagið dæmt ólöglegt af EES eftir 2 ár,  þá eiga vinirnir nafnlausu að borga mismuninn segir útvarp allra landsmanna. Það þegir um það hvort þeir muni þá eigi fyrir því né hvaða tryggingar þeir bjóði ef til þess kæmi.  Hver skyldi eiga að borga ef þeir geta það ekki ?  Steingrímur eftir Landsdóm ? 

 Verður  Steingrímur útnefndur afglapi aldarinnar?

 

Flauelsbylting

var aðferð sem tékkneskir kommúnistar beittu í undirbúningi valdaránsins eftir stríðið. Þeir voru búnir að nota sér aðstöðu sína til að planta sínu fólki fyrir í lykilstöðum. Þegar tíminn kom brást þetta fólk ekki.

Hverjir eru á bak við Sjóvárkaupin? Hvaða aðilum er verið hægt og rólega verið að afhenda yfirráð yfir lykilfyrirrækjum í okkar þjóðfélagi sem kommúnistar í ráðuneytum og Seðlabanka sjá um?  Allt gert bak við lokuð ógegnsæ tjöld.  Kaupverð eru trúnaðarmál, uppgjör persónulegra ábyrgða, áframhaldandi stjórnarseta er það sem stjórnaðir fjölmiðlar birta sofandi almenningi.  

Drekkið Coca Cola, tryggið hjá Sjóvá, kaupið Scania, Skoda, Nissan og BMW af einhverjum sem þið ekki þekkið. Verða slitastjórnir og lífeyrissjóðir framtíðarfjármálakerfi  Íslands ásamt ríkisbönkunum 5 ? Allt til inngöngu Íslands í Evrópusambandið? 

Vinnur okkar flauelsbylting þannig bak vð huliðstjöldin?