Leita í fréttum mbl.is

Bloggfærslur mánaðarins, apríl 2011

Oft er ljótur draumur fyrir litlu efni.

Þetta datt mér í hug þegar ég les framtíðarsýnir Þorsteins Pálssonar í Vísi.

Hann segir m.a.: 

."Kannanir benda til að um það bil sextíu hundraðshlutar þjóðarinnar vilji ljúka aðildarviðræðunum og um fjörutíu af hundraði styðji aðild nú þegar. Aðeins tæpur helmingur þessara kjósenda fylgir Samfylkingunni að málum. Ívið stærri hluti fylgir öðrum flokkum. Þannig eru stuðningsmenn aðildar og aðildarviðræðna stór minnihluti í kjósendahópi Sjálfstæðisflokksins og Framsóknarflokksins og talsverður hluti kjósenda VG.

 

Eins og sakir standa hafa þessir minnihlutahópar þriggja flokka að mestu frosið úti frá áhrifum á Alþingi með þetta mál. Að öllu óbreyttu verður sama staða uppi á teningnum eftir næstu kosningar. Evrópumálin verða þá enn í uppnámi og stefnuleysi í peningamálum allsráðandi. Að sjálfu leiðir að líklegasta stjórnarmynstrið eftir kosningar er áframhaldandi seta núverandi stjórnarflokka með Framsóknarflokknum.Eigi Alþingi að endurspegla viðhorf þjóðarinnar þarf að finna Evrópusjónarmiðum kjósenda fjögurra flokka eðlilegan farveg til áhrifa þar. Í ljósi þess að aldarfjórðung tók að leiðrétta kjördæmaskipanina má draga í efa að sú lýðræðisumbót sé í augsýn."

 

Hvaðan í veröldinni kemur Þorsteini sú vissa að Evrópusinnar séu stór minnihluti í Sjálfstæðisflokknum?  Ekki sá hann það sama og ég sá á Landsfundinum þegar yfir 95 % fundarmanna lýstu andstöðu við aðild. Enda sá ég ekki Þorstein á þeim fundi. Og hvar er þessi hluti Evrópusinna í hjá stórum hluta kjósenda VG? Hvernig getur Steingrímur haldið þessu svona leyndu?

 

En að mér setur hroll þegar ég les framtíðarsýn Þorsteins Pálssonar um áframhald stjórnarsetu núverandi stjórnarflokka með hjálp Framsóknar. Ekki er þetta uppörfandi nú í páskahretinu.

 

En oft getur ljótur draumur verið fyrir litlu efni.


Hvaða þjóð þarf óvini ?

sem á slíka vini?

Eftirfarandi tilvitnunum er stolið af síðu Gunnars Rögnvaldssonar sem hefur tínt saman eftirtaldar tilvitnanir í ummæli Jóhönnu Sigurðardóttur í erlendum fjölmúlum:

"Johanna Sigurdardottir said the results were disappointing but she would try to prevent political and economic chaos ensuing. She said the repayment dispute would now be settled by a European trade court—which could impose harsher terms on Iceland than those rejected in Saturday's vote | Wall Street Journal
======
Prime Minister Johanna Sigurdardottir called the results disappointing.  She has said a "no" vote would result in political and economic chaos | Voice of America
======
The Icelandic Prime Minister Johanna Sigurdardottir has predicted "political and economic chaos as a result of this outcome", but did not say if the government would resign | Sky News
======
Johanna Sigurdardottir, Iceland's Prime Minister, said the rejection meant "the worst option was chosen" and had split the country in two | BBC
======
“This matter will now be settled in the European Free Trade Association’s court,” Prime Minister Johanna Sigurdardottir said in comments broadcast by RUV, immediately after the first results were published | Bloomberg
======
The worst option was chosen. The vote has split the nation in two,” Jóhanna Sigurdardóttir, prime minister, told state television, saying it was fairly clear the “no” side had won. [. . ] The prime minister, who had predicted a No vote would cause economic uncertainty for at least a year or two, did not say whether the government planned to resign | Financial Times
Um það bil 1000 aðrir fréttamiðlar vitna í orð forsætisráðherra Íslands.  "

Hvaða þjóð þarf óvini sem á slíka forsætisráðherru?

 


Stjórnmálaflokkar

eru aldrei nauðsynlegri en einmitt núna. Þjóðin er sundruð og ráðvillt um þessar mundir. Á Alþingi fer fram einhver farsi sem mun engu frekar skila, hvort sem menn stofna þar fleiri nýja þingflokka eða færri.  Það situr bara allt of mikið af stjórnmálagæfulausu fólki þar inni um þessar mundir. Þetta fólk nær ekki saman um neitt og elur því á sundurlyndi og vonleysi almennings, sem kennir stjórnmálaflokkum um allt illt .

Skemmst er að minnast  flokkaflórunnar á Ítalíu á sínum tíma? Þar var alltaf stjórnarkreppa. Hvernig er það í föðurlandi Evrópusambandsins, Belgíu? Er einhver stjórn þar? Flokkafjöldi og flokkasmæð er ávallt til bölvunar. Því eiga menn að styrkja stóra flokka til áhrifa.

Hvernig sjá menn fyrir sér Alþingi, þar sem svona 10-15 nýir flokkar væru samankomnir? Það þyrftu svona 6 að koma sér saman um að mynda ríkisstjórn. Myndi ekki verða talað eitthvað um hrossakaup þá?

Sumt fólk heldur því fram að stjórnmálaflokkar séu ekki tilbúnir að stjórna Íslandi. Stenst þessi fullyrðing? Sjálfstæðisflokkurinn, Samfylking og Framsóknarflokkurinn  eru ágætlega vel starfhæfir flokkar.  Allt skipulagið er fyrir hendi og getur fúnkérað fyrirvaralaust. Flokkarnir velja sér forystumenn um allt land og þar finnast innanum ágætir menn og konur. Með því er ekki sagt að þetta fólk sé alltaf perfekt, það er langt í frá. En þetta eer fólk sem vill reyna að veita góðum málum lið. En til þess þarf skipulag og sameinað átak. Þar koma stjórnmálaflokkar til sögunnar.

Menn hugsi sér gamlan teinæring. Þýðir nokkuð fyrir einn mann eða tvo að fara á sjó á slíkri fleytu? Eða reyna brimlendingu? Verða menn ekki að stilla saman strengi ef róa þarf lífróður? Stækkið svo teinæringana eins og ykkur lystir og þá erum við komnir með stjórnmálaflokka, þar sem menn geta valið sér skipsrúm. Einhver þvottabali með einn eða tvo kalla innanborðs er ekki líklegur til að fiska mikið þegar skipin halda á sjó.

Ef flokksmenn eru nógu margir saman, þá er minni hætta á sífelldum gíslatökum og blackmail uppi eins og í litlum flokkum. Þá eru meiri líkindi til að eitthvað takist. Sérstaklega ef vel tekst til með skipstjórann eða forystumennina. Menn veljast í flokka eftir grunngildum og eru skuldbundnir til að starfa í anda þeirra meðan þeir eru um borð.  En það er því miður svo að þingmenn og sveitarstjórnarmenn halda stundum eftir kjör sitt, að þeir hafi þegið vald sitt frá Guði og þeir séu engum háðir. Slíkt  þroskaleysi er því miður algengt og verður því algengara sem menn eiga styttri stjórnmálareynslu að baki.

Margir virðast halda að stjórnmál byggist á raketturæðum í púlti Alþingis. Eins og til dæmis   Steingrímur var með hér á árunum áður í ungmennafélagsstíl.  Stjórnmál eru hinsvegar sameiginlegt puð að málefnum og  sameiginlegri grunnstefnu. Rökræður í ró og næði eru líklegri til árangurs  en ekki sífellt "sound and fury" sem eru fremur í ætt við skemmtiatriði fyrir áhorfendur.

Þessi ríkisstjórn sem sem nú situr  hafði fallega grunnstefnu. Hvað er með hana núna? Breytir það einhverju ef hægt er að reka Steingrím og setja Ásmund eða Lilju í staðinn? Gengur þá allt upp? Senda Jóhönnu í frí og setja Össur á spíssinn? Hefur einhver trú að að núverandi Alþingi geti myndað stjórn? Verða ekki hlutföllin að breytast fyrst? 

Það er því áríðandi að menn fari að gera sér dælla við stjórnmálaflokka en áður og reyni þannig að hafa áhrif til hins betra. Hætti  þessari slagorðasíbylju um vonda flokka, flokkseigendur og önnur uppnefni. 

Flokkar eru forsenda fulltrúalýðræðisins.  Þeir þurfa að vera stórir en ekki smáir. Og mönnum þarf að þykja vænt um þá og virða þá ofar sjálfum sér. Sameinaðir stöndum vér, sundraðir föllum vér.

Stjórnmálaflokkar eru nauðsynlegir vilji menn ná árangri. .


Ásmundur Einar

heldur því fram í Mogga að það komi engum við þegar þingmaður segi sig úr þingflokki. Þeir eigi bara að fara eftir sannfæringu sinni samkvæmt stjórnarskrá.

Ég er mjög ósammála þessu sjórnarmiði. Menn fara fram fyrir einhvern ákveðinn stjórnmálaflokk og fá félagsmennina til að kjósa sig útá það. Síðan gefa þeir frat í flokkinn og vinna gegn honum á vettvangi.

 Þetta er ekkert prívatmál þessara liðhlaupa. Þeir eru að svíkja kjósendur sína og eiga að sjá sóma sinn í að hypja sig af þinginu strax. Ásmundur á að hypja sig heim til sín, Lilja Mós, Atli Gísla og Þráinn Bertelsson líka. Og klofningsfólkið úr Hreyfingunni líka. Þetta fólk situr þarna inni með svikum við það fólk sem kaus það.

Burt með flokkssvikara hvort heldur er af Alþingi eða í sveitarstjórnum. Flokksstjórnir eiga í raun og veru að geyma undirritað afsagnarbréf frá hverjum fulltrúa sinna sem hægt er að framvísa fyrirvaralaust ef fulltrúinn rýfur trúnað við flokk sinn.

Ásmundur Einar Daðason og aðrir liðhlaupar: Snautiðið  heim !


Ófullir við ábyrgðarstörf

segir Jón Magnússon í bloggi sínu, að franska óeirðalöggan eigi framvegis að vera. Félagar í henni mega ekki smakka það meðan þeir eru að berja mótmælendur. Þeir létu mynda sig við slíkt athæfi kallarnir og þessvegna er skrúfan sett á þá. Aðrar löggur mega fá sér dropa og dropa meðan það er ekki tiltökumál. Á Íslandi er maður sem drekkur einn sjúss búinn að missa öll mannréttindi og er útlægur með það sama.

Hafa menn nokkurntímann velt því fyrir sér, að flestar þessar reglur um áfengisnotkun eru til komnar vegna minnihlutans sem getur ekki farið með það. Það má enginn drekka bjór og keyra bílinn sinn heim, þó að 96 % fólks geti það alveg. En það eru 4 % fólks sem er klikkað, óabyrgt, illa siðað og óuppdregið og hættulegt öðru fólki hvort sem það er fullt eða edrú. Þetta er bara staðreyndin. Hérna er löggan með allt þetta þeferí af saklausu fólki bara til þess að nappa einhvern af þessum 4 % og öll lög sniðin eftir þeim.

Það er líka bannað að keyra bíl eftir drykk í Ameríku. En löggan þar er ekkert að abbast uppá fólk á heimili sínu, sem er líka bíllinn, meðan það gerir ekkert af sér í umferðinni. Sem gengur alveg þokkalega viðast hvar. En ef þú gerir eitthvað af þér og ert fullur, þá Guð hjálpi þér. Þessvegna tekur fólkið þar yfirleitt ekki sjansinn. Nema 4 % fólkið,sem er líklega þar kannski stærri hópur, sem fer aldrei eftir neinu.

Ábyrgur maður drekkur ekki þegar hann þarf að gera eitthvað sem hætta getur stafað af. Keyra bíl, fljúga flugvél eða þessháttar. 4 % fólksins drekka hvernig sem á stendur og er sumu skítsama þó það drepi einhvern. Þessi hópur stendur fyrir öllu havaríinu í þjóðfélaginu. Hitler tók þenna hóp úr umferð og geymdi þá í búðum. Í þriðja ríkinu gat hvaða kona sem er gengið um hvaða garð sem var án þess að óttast árásir þekktra nauðgara eða þekktra glæpamanna. Gamlir Þjóðverjar minntust þessara tíma sem jákvæðra burtséð frá öðru sem fylgdi.

Ég var að horfa á mynd af Kúbukrísunni. Þar sést að Kennedy og samstarfsmenn fengu sér í glasið meðan þeir voru á fullu að reyna að aftýra heimstyrjöld. Get ég vitað hvenær Bandaríkjaforseti eða Pútín fá sér í glas? Hitler var bindindismaður, Churchill drakk stundum flösku á dag, Truman sló ekki höndinni á móti "a small libation" osfrv. Áhrif drykkjar eru ekki þau sömu á alla menn. Menn eru ekki jafnir, það er staðreyndin.Vín gerir oft góða menn betri en vonda menn verri.

En það á að vera sjálfsagt að menn séu áberandi ófullir í vinnunni, t.d á Alþingi. En það er langur vegur á milli hófs og óhófs við ábyrgðarstörf og jafnvitlaust að vera með einhverja fanatík þegar hún á ekki við alla, hvað þá mikinn meirihlutann.


Riverjet

bátar eru farnir að sigla á Hvítá á svæðinu kringum Brúarhlöð. Þetta eru mikil kraftaskip, knúnir mörg hundruð hestöflum og spýta vatni niðurúr sér til að drífa sig áfram. Einhver munur en að fljóta á einhverjum tuðrum niður ána eins og búið er að gera í mörg ár.

Í Hvítá höfðu bændaskammirnar hérna uppfrá einhverja laxveiði í net hér áður fyrr. En mikið af laxi gengur upp Hvítá allt upp að Gullfossi held ég. Laxinn á víst það erindi eitt í ána að hrygna og til að láta veiða sig.  Hrognin eru líklega einhverstaðar  vel geymd á botninum og verða að stórlöxum í fyllingu tímans.

 Sjálfsagt rótar þessi bátur ekkert í þessu vistkerfi, er algerlega vistvænn og algerlega óviðkomandi búandköllunum á árbökkunum. Allt hafa eigendurnir bátanna sjálfsagt þaulrannsakað áður og látið Veiðifélag Árnesinga vita eða Drífu á Torfastöðum. Því ekki höfðu þeir neitt fyrir því að bera þennan rekstur undir neinn af þeim landeigendum sem að svæðinu liggja enda framangreindir aðilar best til þess bærir að fara með málefni þeirra og laxveiðihagsmuni.

Það er áreiðanlega svaka gaman að fá sér bunu í þessum bátum, kostar bara fjögurþúsund krónur kortérið fyrir hvern af 10 farþegunum borð. Enda fyrirtækið búið að opna nýjar höfuðstöðvar í glæsihúsi í Reykholti.  Bendir þetta til þess að starfsemin gangi vel og er eigendunum óskað til hamingju með þetta.

Er ekki tilvalið að útvíkka þessa starfsemi. Svona bátar gætu orðið mikill yndisauki á Þverá-Kjarrár svæðinu og Norðurá líka. Það er hundleiðinlegt að standa þar með laxastöng fyrir hundraðþúsundkall  og ekkert ber kannski fyrir augun nema ein og ein kría. Þá kæmi svona bátur með boðaföllum og drunum þannig að menn féllu í stafi yfir ósköpunum og lífgaði upp daginn. Þannig gætu líka þeir sem ekki eiga hundraðþúsundkalla fengið að sjá þá dásamlegu hluti af landinu  sem aðeins þeir ríku sjá allajafna á þessu svæði.

Blanda væri líka tilvalin fyrir svona útgerð. Svo má benda á að þetta myndi lyfta öllu umhverfi  Sogsins og svo auðvitað myndi umferð svona báta lyfta öllu vatnasvæði Hvítár og Stóru Laxár  allt til ósa.

Það er gleðilegt þegar framtakssamir menn brytja uppá nýjungum í svona sprotafyrirtækjum í sátt við sjálfa sig,  náttúru landsins og þá sem í landinu byggja.Hér mun ekki þurfa nein umhvervismöt eða önnur leiðindi sem oft er verið að rövla um þegar eitthvað á að gera.

 Allir um borð.  Riverjet, það er kikkið sem þig vantar.


Nýjir vendir

 

óskast þegar í stað,  skildist manni á máli rithöfundanna sem voru í útvarpinu áðan. Allt traust fólks á Alþingismönnum væri farið því að miðjan í þjóðfélaginu hefði skaddast. Ein konan í hópnum lýsti því að þetta væri eins og með manninn sem héldi framhjá konunni sinni. Ef hún fyrirgæfi honum og hann lofaði að hætta framhjáhaldinu væri samt allt í ólagi, konan væri sífellt tortryggin og hann fyndi það greinilega og gæti því hrasað aftur.  Sama væri með drykkjumanninn sem lofaði að hætta en dytti samt í það.

Okkur vantaði því fólk sögðu rithöfundarnir sem við gætum treyst því allir og einhveer nýfrjálshyggja hefðu brugðist okkur. Við yrðum að fá svoleiðis fólk á þing sem við gætum treyst að héldi ekki framhjá og væri ekki sífellt á einhverju fylleríi.  Ekkert hefði breyst í þjóðfélaginu síðan í hruni , þeir ríku væru enn ríkir en þeir fátæku fátækari og öryrkjar hefðu það líka verra. Þetta fólk yrði að fá meiri peninga svo það gæti keypt sér bók og helst miða í Hörpuna líka.

Þarna er þá kominn uppskrift að þingmanni sem hægt er að uppfylla. Ef maður er orðinn svo gamall að maður er orðin jafnfótkaldur og óbrúklegur til kvenna og Egill Skallagrímsson lýsti sjálfum sér í kvæði sínu, orðinn til viðbótar svo leiðinlegur að enginn vill hvort sem er drekka með manni, er maður þá ekki kominn áleiðis með að standast væntingar  rithöfundanna ? Er slíku fólki ekki best treystandi?

Rithöfundarnir sögðust vissir um að Jóhanna og Steingrímur vildu gera vel fyrir þjóðina. Þau bara gætu það ekki. Allt hefði mistekist hjá þeim. Það yrði því  að fá þetta nýja fullkomna  fólk sem væri ekki með þessa svika-eiginleika eins og allir þessir Alþingismenn. Þjóðin væri gersamlega búin að fá nóg af þessu liði og tapa öllu trausti sínu á því. Við yrðum að velja nýtt fólk til forystu.

Bingó, þá vitum við hvernig á að velja Alþingismenn. Helst náttúrulausir bindindismenn koma til greina. Þeim geta rithöfundarnir treyst. Þeir verða ekki með þessi sífelldu svik og framhjáhöld eða vera fullir í vinnunni. "Því flestir eru bara venjuleg svín" eins og Nóbelsskáldið sagði í kvæðinu.

Góður vinur minn Sveinn K. í Völundi sagði eitt sinn þegar upp komst um fjárdrátt hjá þekktum bindindismanni, að menn gættu ekki að því að summa lastanna væri alltaf konstant.  Jón vinur minn sagði líka að  maður ætti alltaf að gjalda varhug við að trúa bindindismönnum fyrir peningum, því þeir treystu ekki sjálfum sér fyrir brennivíni.  Ég man nú ekki hvort hann gaf kvennamönnum sérstaka peningaeinkunn, né  heldur að ég muni hvaða álit hann hafði á fyllibyttum og flögurum þegar þeir eiginleikar mættust í sama manninum. En eru slíkir menn oftar en ekki  í hávegum hafðir með íslenskri þjóð, sérlega  ef þeir eru svo skáld eða stjórnmálamenn til viðbótar?

Guðbrandur Jónsson stakk uppá því að sérstöku salti yrði blandað í fæðu manna sem gerði þá heiðarlega, góðviljaða og vitra. Aðspurður um þetta salt sagði hann að það væri að vísu ekki til ennþá en menn hlytu að geta fundið það upp úr því að menn vissu til hvers ætti að nota það. Líklega verður það seint sem menn fái pottþétt betri pólitíkusa en þá sem maður eru búinn að missa.  Kristinn í Björgun sagðist ekki hafa rekið vélstjórann sem tók negluna  úr skipinu hans svo það sökk næstum því,- „Hann gerir það pottþétt ekki aftur" sagði Kiddi.

Hugsanlega gætu rithöfundarnir skoðað skoðanakönnunina til hægri hérna á síðunni. Eru þeir vissir um að einhverjir nýir frambjóðendur  verði endilega betri en þeir sem flest atkvæðin fá þar?

 Trúum við ekki á nýja leiðtoga þar til að þeir bregðast? Trúum við ekki alltaf á nýju fötin keisarans? 

Sópa ekki nýir vendir alltaf best? 

 


Bananastappa með lýðræðisívafi

er eiginlega það lýðræðisform landsins sem að okkur kjósendum snýr.

Hvar í veröldinni myndi svona ríkisstjórn eins og sú sem hér situr, sem er búin að tapa tveimur þjóðaratkvæðagreiðslum  í röð sitja áfram ? Að maður ekki tali um að hún höktir á hækjum dag fra´degi eins og bandarísk sápuópera  og er í sjálfu sér sundurþykk í hverju máli.  Gersamlega búin að ganga fram af meirihluta landsmanna að því að skoðanakannanir sýna.

 Það er leitun að nokkru stefnumáli sem ríkisstjórn Jóhönnu og Steingríms hefur ekki svikið. Nema það að keyra Íslendinga áleiðis til Brüssel enda virðist annað ekki skipta hana nokkru máli. Tíuþúsund flúnir land og 14.000 atvinnulausir því þolanlegt ástand að hennar dómi. Hingað streyma agentar frá Noregi til að krækja í besta fólkið og halda fjölmenna fundi eins og Vesturfaraagentarnir gerðu á nítjándu öld.. Eftir sitjum við aumingjarnir, aldraðir og öryrkjar. En þeir hópar hafa sýnt mestan vöxt á síðustu árum. Sumir eru farnir að tala um öryrkja sem nýja atvinnugrein vegna gríðarlegrar og furðulegrar  fjölgunar í stéttinni á undanförnum misserum.

Stjórnarfarið á Íslandi um þessar mundir er eiginlega besta falli hrein bananastappa með lýðræðisívafi.


Uffe minn!

hvernig geturðu verið svona leiðinlegur ? Ég sem hef komist næst því að verða Evrópusinni af að hlusta á þig á Hótel Sögu í gamla daga.Þá varstu svo fjandi skemmtilegur. Nú ertu bara fúll á móti þó þú sért ennþá flottur. Segir að við Íslendingar verðum að borga Icesave. Er það svo?

Stofnuðum við ekki Tryggingasjóð Innistæðueigenda löglega? Var ekki greitt í hann samkvæmt lögum? Er nokkur ríkisábyrgð á slíkum sjóðum hjá þér eða í öðrum Evrópuríkjum?

Hvernig getum við þá skuldað annað en það sem er í sjóðnum ? 25 milljarðar eða svo? Við urðum að þykjast hafa ríkisábyrgð á innistæðum á Íslandi af því að Geir Haarde sagði það til að róa okkur niður því við vorum að missa stjórn á okkur.Algerlega Force-Meilleure ábyrgðarlaus yfirlýsing því Alþingi samþykkti svo aldrei neina ríkisábyrgð. Þá eer ekki og hefur aldrei verið nein ríkisábyrgð á innistæðum samkvæmt stjórnarskránni.

Þetta er bara bull í þér Úffi minn. Það ert þú sem ert galinn en ekki hann Óli Forseti. Þú segir að hann sé lýðskrumari þegar hann vísar málinu til þjóðarinnar í andstöðu við Alþingi. En hvað ertu þá sjálfur þegar svo illa horfir í Evrópusambandinu eins og núna ?

Það breytir engu þótt Lykketoft taki undir með þér og segi að Ólafur Ragnar sé galinn. Ólafur bjargaði íslensku þjóðinni frá sjálfsmorði ekki einu sinni heldur tvisvar þegar þingið hafði tapað glórunni. Margrét Þórhildur gæti tæknilega alveg gert það sama hjá ykkur.

Hvernig ætlar þú að taka á því Úffi minn þegar múslímarnir fara að heimta að þú samþykkir sjaríalög ? Ég ætla að sjá hvað þú gerir þá. Samþykkir sjálfsagt eins og sannur krati. Ætli einhver verði ekki feginn að hafa Þórhildi Drottningu þegar að því kemur?

Við Íslendingar borgum ekki Icesave Úffi minn hvað sem þú og Lykketoft talið illa um Óla Forseta og reynið að snúa útúr staðreyndum málsins.

Við endurkjósum hann Ólaf Ragnar sem Forseta. Þó ekki nema væri Úffa og Lykketoft til skapraunar. Þjóðin verður einhuga að baki Ólafi fyrir að bjarga þjóðinni ekki einu sinni heldur tvisvar! Minna má eki vera !


Skrípamyndin af Siv

finnst mér ekki vera þess virði að framsóknarmenn og feminístar séu að æsa sig. Það þarf ekki mikið innsæi til að sjá hana í svona spaugilegu ljósi þar sem hún stendur og veifar til ríkisstjórnarinnar um að taka sig með. Gegn borgun auðvitað, hún fer ekki að styðja Jóhönnu og Steingrím án þess að fá eitthvað fyrir það sjálf.

Í Bandaríkjunum má segja hvað sem er um Forsetann og hann verður að þola það óbætt. Hann má ekki bera hönd fyrir höfuð sér því það fylgir embættinu. Hann getur ekki höfðað meiðyrðamál. Ég hugsa að hann geti ekki einu sinni sent CIA til að berja teiknarann eins og múllarnir senda´leigumorðingja af stað  ef einhver teiknar skrípamynd af spámanninum. Við erum svo hræddir við þá að enginn íslenskur fjölmiðill þorði að birta myndirnar úr Jyllandsposten að því ég best veit. Skaðaðu ekki skálkinn svo hann skemmi þig ekki. 

Mér fannst ekkert að þessari mynd af Siv og hrein hræsni eða heimska að vera að geysa sig yfir þessu. Enda vekur það enn meiri athygli á hvað Siv er í raun að gera. Hún er nefnilega að gera akkúrat þetta, selja sig pólitískt.

Það er engin skrípamynd heldur grafalvarleg staðeynd fyrir alla þjóðina.


« Fyrri síða | Næsta síða »

Höfundur

Halldór Jónsson
Halldór Jónsson

verkfræðingur, flugdellukall, tennis-og badmintonspilari

-ekki góður í neinu af þessu-

Heimsóknir

Flettingar

  • Í dag (28.3.): 5
  • Sl. sólarhring: 5
  • Sl. viku: 52
  • Frá upphafi: 3417960

Annað

  • Innlit í dag: 5
  • Innlit sl. viku: 49
  • Gestir í dag: 5
  • IP-tölur í dag: 5

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband