Tunnurnar bylja !

á Íslandi eftir hrunið. Landslagið breyttist mjög við hrunið.Þá rann upp öld tunnunnar. Þá komu á kreik sérfræðingar eins og Reynir Traustason, Jónas Kristjánsson, Steingrímur J. Sigfússon,Jóhanna Sigurðardóttir, Ólína Þorvarðardóttir, Ólafur Arnarson, Guðmundur Andri Thorsson, Þorvaldur Gylfason,Þór Saari, og haugur af sérfræðingum úr Háskólanum,sem öll verða sérlegir sérfræðingar í skítlegu eðli Sjálfstæðisflokksins og allra sem nálægt málflutningi fyrir hann koma. Bumbuslagarar síbyljunnar sem skiptir vitinu út fyrir hávaðann. End bylur hæst í tómum tunnum.

 

Samananlögð sírenna þessa fólks dynur á Sjálfstæðisflokknum eins og stöðugt öskufall úr eldfjalli. Ekki bara fyrst eftir hrunið heldur viðvarandi síðan. Þessi Sjálfstæðismaður er flæktur í þetta, þessi hitt, þetta eru allt þjófar, þetta er þjófaflokkur, þjófaflokkur,þj........og allt sem honum tengist, endalaust. Guðlaugur Þór er svona, Þorgerður hinsegin,Tryggvi Þór þriðji, Bjarni þannig, og Davíð Guð hjálpi okkur, og þannig bylja tunnurnar áfram. Svo ætlast tunnuslagararnir tl þess að þetta sama fólk komi með töfralausnir sem geti bjargað því frá eigin aumingjaskap ! Ef til vill er skiljanlegt að Sjálfstæðisflokknum vaxi fylgi jafnt og þétt eftir því sem lífdagar þessa Alþingis verða fleiri?

 

Svona er samt þjóðmálaumræðan og hún mótar starfshætti Alþingis og alla þá strauma sem þaðan ættu að koma. Enda líkist árangur þess árangri alþingis götunnar meira með hverjum degi. Gersamlega úr takti við tilveruna og þjóðina eins og sannaðist í tveimur þjóðaratkvæðagreiðslum. En það breytir því ekki í málflutningi framangreinds liðs að hrunið var Sjálfstæðisflokknum að kenna, fall Lehmansbræðra,heimskreppan og allt það líka. Það var Sjálfstæðisflokkurinn sem kom í veg fyrir að Jóhanna Sigurðardóttir og Ingibjörg Sólrún hefðu getað bjargað þjóðinni úr klóm útrásarvíkinganna sem fóðruðu vonda stjórnmálamenn á fé. Krossfestum Geir Haarde og atvinnuleysið lætur undan síga! Stjórnlagaráð gerir líf láglaunafólksins bærilegra! Kvótann til okkar manna er krafa fólksins!

 

Fréttablaðið, DV, RÚV, Silfrið, Stöð2 og háværir bloggarar hamast á Sjálfstæðisflokknum með slagorðum eins og Hitler var tamt þegar kom að Gyðingum. Bara halda íhaldinu frá áhrifum!

 

Hvernig er hægt að reka stjórnmálabaráttu við þessar aðstæður? Hver hlustar á rök þegar tunnurnar bylja?

Braut Ríkið eigin lög?

þegar það endurreisti bankana?

Steingrímur J. leggur 80 bls. skýrslu fyrir Alþingi um hvernig hann hafi af snilld sinni endurreist viðskiptabankana. Skýrslan sem er sjálfsagt skrifuð af einhverjum snjöllum ráðuneytismönnum fyrir Steingrím í því skyni að sýna fram á að Steingrímur hafi af visku sinni valið hina einu réttu leið til að svindla á öllum kröfuhöfum gömlu bankana, láta þá sitja uppi með töpuð lán sín til þeirra gömlu bankanna en láta íslenska ríkið hirða innheimtanlegar eignir þeirra og afhenda nýjum uppvakningum sínum, sem eru nýju bankarnir sem eru óðum að sanna sig sem óvinir fólksins enda upp til hópa mannaðir af sama bónusaliðinu og þar var fyrir hrun. Allur hagnaður þeirra kemur af innheimtum og blóðsogi en enginn af út-eða innlánum.

Á lögmæti þessara gerninga sem lýst er í skýrslunni hanga svo líklega öll neyðarlögin sem við eigum eftir að fá dæmd lögleg. Sem við skulum rétt vona að gangi eftir því annars erum við í dýpri skít en ég á tommustokk til að mæla.

En það getur verið fleira í skýrslunni sem er athygli vert.

Grípum niður í skýrslunni:

"7. Niðurstaða stofnefnahagsreikninga bankanna að samningum loknum varð 2.088
ma.kr. og sýndu þeir grunnmat á yfirfærðum eignum samtals að fjárhæð 1.765 ma.kr. Á þeim grunni yrðu greiðslur til gömlu bankanna samtals 289 ma.kr. en umsamdar skilyrtar viðbótargreiðslur voru 215 ma.kr. Við yfirtöku gömlu bankanna á eignarhaldi í nýju bönkunum lækkaði hámark skilyrtra greiðslna í 135 ma.kr.

8. Niðurstaða samninga varðandi Landsbankann varð að eignir næmu 275 ma.kr. umfram skuldir. Þar af yrðu 28 ma.kr. greiddir með hlutafé en það sem eftir stæði með skuldabréfi til 10 ára.

Var skuldabréfið í erlendum myntum til að mynda mótvægi við
útlán bankans í erlendum myntum.

Auk þess skyldi gefið út skilyrt skuldabréf að fjárhæð
allt að 92 ma.kr. í árslok 2012 ef ákveðnar eignir reyndust verðmætari en samið var um í upphafi. Samhliða tilurð hins skilyrta skuldabréfs myndi hlutabréfaeign gamla bankans renna til ríkisins án endurgjalds. Hlutafjárframlag ríkisins var 122 ma. kr. eða um 81% af
heildarhlutafé.

9. Niðurstaða samninga varðandi Íslandsbanka varð að eignir umfram skuldir væru 52 ma.kr. og skilyrt skuldabréf gæti orðið allt að 80 ma.kr. Hlutafé var ákveðið 65 ma.kr.Glitnir valdi síðan þann kost að nýta skuldabréfið til að kaupa 95% af eignarhlut ríkisins í
Íslandsbanka og féll skilyrta skuldabréfið þar með niður.

Samhliða veitti ríkið bankanum
víkjandi lán í EUR að jafnvirði 25 ma.kr. og lausafjárstuðning.

10. Niðurstaða samninga varðandi Arion banka varð að skuldir umfram eignir væru 38 ma.kr. og að skilyrt viðbótargreiðsla gæti numið allt að 43 ma.kr. Hlutafé var ákveðið 72 ma.kr. Kaupþing valdi síðan að leggja fram eignir til að yfirtaka 87% af hlut ríkisins í Arion banka, en skilyrta greiðslan féll þó ekki niður.

Samhliða veitti ríkið bankanum víkjandi lán
í EUR að jafnvirði um 30 ma.kr. og lausafjárstuðning... "

Úr Lögum um vexti og verðtryggingu
2001 nr. 38 26. Maí 2001

1)L. 151/2010, 2. gr.
[XIII. Ef gengið hefur dómur um kröfu samkvæmt lánssamningi með óheimilli gengistryggingu

skal endurupptaka heimil skv. XXIII. kafla laga um meðferð einkamála, nr. 91/1991, án tillits til þess hvort tímafrestir séu liðnir samkvæmt ákvæðum 137. gr. sömu laga. Sama skal gilda um úrskurði um gjaldþrotaskipti.

Skuldara er jafnframt heimilt að óska eftir endurupptöku fullnustugerða hafi

slíkar gerðir farið fram á grundvelli lánssamninga sem höfðu að geyma ólögmæt ákvæði um gengistryggingu.

Heimildir til endurupptöku samkvæmt þessu ákvæði falla niður að liðnum níu mánuðum frá gildistöku laga þessara"

Þessi lög voru sett til að fyrirbyggja að gerðir væru innlendir lánssamningar
í erlendum myntum.

Fjölmargir dómar hafa fallið og fleiri mál bíða bíða útlausnar, því bankar virðast staðráðnir að fara með hvert einstakt skuldamál einstaklinga og fyrirtækja vegna gengistrygginga, fyrir Hæstarétt.

Er það liður í herferð bankanna gegn almenningi til að hámarka innheimtar kröfur þó þær hafi verið "keyptar" á hrakvirði við stofnun nýju bankanna sem Steingrímur grobbar sig núna af.

En þetta skotleyfi á almenning gáfu þau út Jóhanna og Steingrímur en skjóta sér á bak við erlenda kröfuhafa sem stjórni ferðinni í nýju bönkunum. Sem er hrein lygi eins og margt annað sem frá þessu fólki kemur þar sem öll hlutabréfin eru sögð enn í eigu Steingríms.

Voru ekki þarna innlendar fjárskuldbindingar gengistryggðar hvað sem önnur lög sögðu ?

Spurningin er þá: Braut Ríkið eigin lög? Eða er þetta hvort sem er allt í plati?

Óþekkt persóna

kemur til Keflavíkur með flugi.

Hún veifar vegabréfi sem segir að hún sé drottninginn af Saba eða Dr. Umba Gumba frá Langtburtistan. Löggan finnur út að vegabréfið sé falsað. Viðkomandi eigi að fara umsvifalaust til baka þaðan sem hann kom.

Þá breytir gesturinn um aðferð og æpir "Asyl,Asyl !"

Þá er pantaður bíll og hann sendur á Fit-Hostel. Þar fær hann flott herbergi og peninga, 8000 kall á dag. Og ótakmarkað ferðafrelsi!

Næsta dag mætir lögreglumaðurinn frá því í gær kauða í líkamsræktinni. Og svo áfram vikum og árum saman. Enginn veit hvort gesturinn er með AIDS, berkla eða aðra skæða sjúkdóma. Né heldur hver hann er eða hvaðan hann kemur eða hvað hann hafi á sinni afrekaskrá.

Þó kvartað sé yfir kynferðisáreitni við börn í sundlauginni, þá breytir það litlu um hagi mannsins. Hér eru engar afgirtar búðir fyrir svona fólk eins og erlendis tíðkast enda Íslendingar gestrisnir með afbrigðum.

Allt í boði Rauða-Kross Íslands er manni sagt. Tugir svona fólks hafast við á Suðurnesjum og falla sjálfsagt undir atvinnuskapandi ráðstafanir ríkisstjórnarinnar og bjartsýni Jóhönnu fyrir hönd svæðisins.

Næsti hælisleitandi kemur líklega ekki í kvöld vegna Grímsvatnagossins.
En einverntíman hættir gosið og óþekktar persónur fara að birtast á ný.

Guðlaugur Þór

var góður á fundi Sjálfstæðismanna í Kópavogi í morgun.

Guðlaugur fór yfir endurreikningsaðferðir bankanna á hinum ýmsu lánaformum. Hann hefur látið gera reiknivél sem fólk getur nálgast og notað á heimasíðu sinni. Það getur munað verulegum fjárhæðum á því hvernig bankar eru að reikna upp lán. Komu ýmsar furðulegar sögur upp á fundinum frá fólkinu, sem staðfestu mál Guðlaugs.  Er með ólíkindum hversu svívirðilega bankarnir koma fram gagnvart fólkinu í landinu þannig að munað getur tugum prósenta á útkomunni eftir því hvað á í hlut. Til dæmis taka bankar afborganir ekki inn í reikninga sem greiðslu inná höfuðstól láns heldur bara sem vaxtagreiðslur. Síðan nota þeir vexti til að hækka höfuðstólinn og reikna síðan vaxtavexti ofan á allt saman. Reiknivél Guðlaugs gæti hjálpað fólki til að verjast ofsóknum bankanna og er fólk hvatt til að fara á heimasíðu Guðlaugs Þórs og  notfæra sér hana. 

Guðlaugur Þór sagði það með ólíkindum, að tvær fullkomnustu skurðstofur landsins stæðu nú ónotaðar suður á Keflavíkurflugvelli vegna þess að Ögmundur Jónasson ráðherra kom persónulega í veg fyrir það, að þær yrðu notaðar af íslenskum læknum til gjaldeyrisskapandi verkefna við útlendinga. Svo þykist sami maður hafa áhyggjur af atvinnumálum á Suðurnesjum. Flest viðleitni ríkisstjórnarinnar beinist að því að koma í veg fyrir að eitthvað sé gert, sam hvert litið er.

Guðlaugur benti líka á, hvernig ríkisstjórninni tekst með dyggri aðstoð fjölmiðlaveldis síns, að láta stjórnmálaumræðuna stöðugt snúast um aukaatriði til að draga athyglina frá hinum aðkallandi málum. Nú blaðraði hún um kvótann og sjávarútveginn sem fæstir í stjórnarflokkunum botnuðu nokkuð í meðan bankarnir væru að eyðileggja heimilin og fyrirtækin á skipulagðan hátt. Hættan væri hinsvegar sú að þeim tækist þess vegna að vinna vanhugsað tjón á undirstöðuatvinnuvegi þjóðarinnar og því yrðu menn að halda vöku sinni á Alþingi og berjast gegn breytingunum í sjávarútvegi sem miðast við að færa vald frá útgerðarmönnum til stjórnmálamanna. Ekki var Baldur Halldórsson sammála þessu og lét óspart í ljósi sem engann undrar.

Guðlaugur Þór  fór vítt og breitt yfir hið pólitíska landslag eftir skæðadrífu spurninga frá fjölmörgum fundargestum. Guðlaugur sýndi það að hann er vel heima í öllum málum og bæði vígfimur og skemmtilegur, (allt að því "davíðskur" sic!)  í ræðustól. Hann vildi að stefnumál framtíðarinnar yrðu þau að skapa eign hjá fólki en ekki skuldir eins og allt kerfið snérist núna um.  Aðeins skuldir færðu mönnum vaxtabætur og fleiri félagsmálapakka. En eignir væru minna metnar og stundum gerðar refsiverðar en ekki verðlaunaðar. 

Guðlaugur ræddi skaðsemi gjaldeyrishaftanna og hvernig Árni Páll verði þau núna sem algera nauðsyn. Í hvert sinn sem þú drægir upp kreditkort erlendis þá væri maður niður í Seðlabanka að fylgjast með því hvað þú værir að kaupa.  Gjaldeyrir væri skammtaður til ferðalaga eins og allir vissu. En ekki hefði verið bannað að greiða fyrir vöru og þjónustu með kosrtum.  En samt hvefði sést til Steingríms J. Sigfússonar vera að taka út gjaldeyrir í hraðbanka erlendis.  En auðvitað er ekki sama að vera Jón eða séra Jón. 

 Halldór Ingólfsson verkfræðingur  og verktaki lýsti því á fundinum hvernig bankarnir og skattkerfið virtust vinna saman að  því að skipta um eignarhald á eignum félaga og fjölskyldna. Það væri stöðugt verið að útrýma öllu einkaeignarhaldi í landinu.  Hann sagði frá 400 manna fundi skuldara nú nýverið þar sem þessi vandamál hefðu verið krufin. Var það mál manna að Sjálfstæðisflokkurinn hefði sinnt þessum málum alltof lítið og var skorað á Guðlaug að láta flokkinn bretta upp ermar og láta sig þessi mál meira varða. 

Þetta leiddi í huga áheyrandans þá hugsun að fólk ætti að fara að minnast þess oftar að banki er einskis vinur hvað sem hann auglýsir fallega og liríkt.   Faðmlag bankans er oftar banvænt fyrir þann sem í það fer.  Lán er nefnilega oftast ólán þess sem það tekur . Bankinn á sér engan annan tilgang en að ná af þér fé, til að græða sjálfur.  Nema þú sért nógu stór og tengdur til að fá þín  lán afskrifuð eins og útrásarvíkingunum mörgum hlotnaðist og geta því búið í vellystingum erlendis í friði fyrir hálfónýtu réttarkerfi Íslands.

Steingrímur J. fjármálaráðherra skýtur sér svo á bak við það,  að  bankarnir séu í eigu erlendra kröfuhafa þegar hann er spurður út í hvernig á þessum vanda standi.  Bankarnir rukki þess vegna allt af hörku upp í topp þó þeir hafi fengið lánin á spottprís þegar þau voru yfirtekin útúr þrotabúum gömlu bankanna.  Þess vegna hafi Steingrímur og Jóhanna ekkert getað gert í skjaldborginni sem þau lofuðu að reisa um heimilin og fyrirtækin.  Sem margir telja núorðið að sé auðvitað lygi eins og flest annað sem fram kemur úr þeirri átt.

Eftir því sem ég hef fregnað best í gegnum leyndarþokuna sem yfir grúfir, þá  hefur ekki eitt einasta hlutabréf í bönkunum skipt um eigendur. Eftir því veru þeir  allir í eigu og umsjá Steingríms J. Sigfússonar  sem umboðsmanns fólksins en ekki erlendra kröfuhafa. Allar misgerðir bankanna gagnvart fólkinu eru  því beint á ábyrgð ríkisstjórnarinnar sem sannar með þessu framferði að hún hefur tekið stöðu með "auðvaldinu" gegn hagsmunum" fólksins", eins og venjan var í kommúnistaríkjunum gömlu. Hún hefur gefið bönkunum veiðileyfi á almenning þessa lands. og því er þessi  ríkisstjórn óvinur fólksins númer eitt.

Það þekkja margir,  að kommúnistar og fylgifiskar þeirra hafa ausið Guðlaug Þór miklum auri fyrir það, hversu duglegur hann var að afla fjár í kosningasjóði sína. Þeir reyna að kalla þetta mútur og þaðan af verra til að sverta persónu Guðlaugs Þórs.  Þetta hefur náð langt inn í raðir sjálfstæðismanna sem því eru óduglegir að verja sitt fólk.  Ekkert af þessum ásökunum stenst samt neina  skoðun eða vekja spurningar um einhvern óheiðarleika.  Það var aðeins meiri dugnaður Guðlaugs Þórs sem færði honum meiri árangur á þeim sömu fjármálamiðum sem aðrir stjórnmálamenn  réru líka á.  Það var ekkert bannað að taka við styrkjum til stjórnmálastarfs og á heldur ekki að vera það nema ríkið taki alfarið að sér að kosta stjórnmálabaráttu. Yrði það betra? Og hvar myndi slíkt enda? 

Mér finnst persónulega að stjórnmálaflokkar og stjórnmálamenn eigi að kosta sig sjálfir og fjármál þeirra komi engum við, allra síst andstæðingaflokkunum eða öfundarkommum. En fjölmiðlarnir vilja bara tala um Guðlaug Þór af því hann er sjálfstæðismaður og meðal duglegustu þingmanna meðan hinir eru vinstrimenn.  Hræsnin og tvöfeldnin eru purkunarlaust notuð af fjölmiðlum landsins sem eru allir vinstra megin í pólitíkinni nema Morgunblaðið eitt og svo auðvitað sjónvarpsstöðin  ÍNN, þar sem Guðlaugur Þór er reglulegur gestur.   

Að lokum upplýsti Guðlaugur Þór að miðstjórn Sjálfstæðisflokksins myndi taka ákvörðun um landsfund flokksins á fundi sínum á næsta miðvikudag.

Ég færi Guðlaugi Þór þakkir mínar fyrir góðan fund í Kópavogi í morgun.

Kínverjar eru á kreiki

hér á landi eftir því sem kvisast hefur. Menn sem eru fulltrúar fyrir stærstu fjárfestingarsjóði Kínaveldis.

Í BBC hlustar maður á það, að risavaxinn fæðuskortur blasi við heiminum. Landbúnaði fari aftur allstaðar, því bændur séu arðrændir og mergsognir.Hundruð þúsunda bænda svipta sig lífi árlega um allan heim í örvæntingu sinni. Atvinnugreinin er á undanhaldi. Meðalaldur bandarískra bænda er kominn upp í 58 ár. Allt er þetta uggvænlegt.Matvælaverð er á leiðinni upp.

Í BBC sagði viðmælandinn líka,ég náði ekki nafninu á honum en hann var einhver stórlax, að Kína ætti við risavaxið vatnsvandamál að glíma. Landbúnaðurinn þrifist ekki vegna vatnsskorts.

Kínverjar eiga stærsta pappírsfjall heimsins. Allt úr dollaraseðlum sem okkur sárvantar. Hér rignir mikið. Ég hef oft reynt að vekja atygli á þessu hér á síðunni. En í bloggeimum virðast menn lítið geta hugsað nema í evrum og AGS. Kannski að ófarir Strauss-Kahn ýti við einhverjum?

Hversvegna eru þessir Kínverjar á kreiki á Norðurslóðum?

Strauss-Kahn kjöldreginn

fyrir ótrúlega atburðarás.

Karlinn er á hóteli í New York. Er á leiðinni útá völl að fljúga heim. Stekkur allsber út úr baðinu og neyðir herbergisþernuna, sem maður hefur nú ekki séð mynd af til fróðleiks og samanburðar, sem hann til viðbótar  hefur væntanlega aldrei séð fyrr, til að gefa gefa sér tott og síðan eitthvað anal og svo segir hún að þessu afstöðnu hafi hann ætlað að nauðga sér ! Svo fer kallinn útá völl til að fljúga heim og hramsaður þar í flugvélinni!

Come on! Er maður líklegur í þetta 62 ára gamall?  Og hámenntaður maður til viðbótar og meðvitaður um stöðu sína og aðsteðjandi hættur.  Og búinn að segja við fréttamann áður að hann búist alveg eins við því að andstæðingar hans muni reyna að setja hann upp í einhvern sex-skandala. Þeir  bíða nefnilega í röðum að losna við hann úr AGS og ekki hvað síst að losna við hann úr pólitíkinni, þar sem hann er alvarleg ógnun við Zarkosy. Sami Zarkosy sem var búinn að vara hann við því að fara einusinni aldrei einsamall í lyftu með kvenmanni, eftir að hann væri kominn í embættið hjá AGS. Heldur einhver að Strauss-Kahn sé alger byrjandi?

Muna menn eftir látunum með Hugh Grant? Hann var nú bara peð miðað við Strauss-Kahn. Sú frétt var margra peninga virði en þar var ekkert svindl heldur. Þarf að hætta einhverju þessu líku til ef menn eru á höttunum eftir einhverju svona?

Ég veit ekki mikið um þennan kall nema hann er sagður hægrisinnaður sósíalisti. Þrígiftur. Mér finnst ólíklegt að menn geri svona ófullir um miðjan dag.  Upplýstur maður um AIDS og allt það. Og kortéri fyrir flug heim.Come On!

 Ég held að þetta geti frekar verið  svívirðilegt samsæri háttsettra manna heldur en að svona maður sýni af sér svona tilfæringar. Hefur einhver heyrt  frægðarsögur af honum í Íslandsheimsóknum?

Getur ekki verið að verið sé að  kjöldraga kallinn Kahn?

Áfram kreppa !

er stefna ríkisstjórnarinnar og Seðlabankans.

Páll Harðarson, forstjóri Kauphallarinnar telur afnám gjaldeyrishaftanna líklegri til að ýta undir styrkingu gengisins en hitt.

Páll gagnrýnir harðlega áætlun Seðlabankans og stjórnvalda um afnám gjaldeyrishaftanna og segir skorta á rökstuðning fyrir nauðsyn haftanna. Páll bendir á að hagstærðir ættu fremur að ýta undir styrkingu gengis krónunnar en hitt. Þannig sé raungengi krónu fimmtungi undir meðaltali síðustu þrjátíu ára og helstu hagstærðir sýni að gengi hennar sé vanmetið.Höftin halda genginu óeðlilega lágu um langt skeið og þar með hefur dregið úr kaupmætti almennings segir Páll. Gjaldeyrishöft hækki fjármagnskostnað þjóðarinnar, dragi úr tiltrú á hagkerfinu og takmarki aðgengi þjóðarinnar að fjármagni. Veikt gengi á markaði með aflandskrónur þurfi ekki vera vísbending um gengisþróun krónunnar. Gjaldeyrishöftin halda aflandsgenginu lágu segir Páll enn og telur að afnema megi gjaldeyrishöft á nokkrum mánuðum.

Allt sem Páll segir stefnir í 180 gráður frá þeirri marxísku Kúbuhagspeki sem ræður för þjóðarinnar um þessar mundir.Samkvæmt henni eru markaðslausnir eitur í anda frjálsyggu og þjóðin á að reiða sig á leiðsögn hinna útvöldu sem vita ávallt betur vað fólki er fyrir bestu.Firring stjórnarherranna er alger sem lesa má í grein eftir Steingrím J. í gær í Baugstíðindum. Þar segir hann svart hvítt og hvítt svart á hinn broslegasta átt. Hann fimbulfambar svo mjög um það hvernig hann sjálfur hafi snúið matsfyrirtækjum heimsins til betri vegar í sambandi við mat á lánshæfi Íslands. Þá verði allt gott ef hann geti farið að slá lán aftur.

Allt stefnir þetta því í sömu átt. Hér verður kreppa og landflótti meðan þetta Alþingi situr. Aðeins nýjar kosningar og ný hugsun geta breytt stöðunni. Annars verður hér áfram kreppa.

Snert Hörpu mína himinborna dís !

Einhver sem var ekki boðinn við Hörpuvígsluna stakk niður penna:

Kvæðið um smáfuglana

Snert Hörpu-stjóra, himinborna dís
svo heyri hún mitt bænakvak, ó, plís:
Mig dreymir um að ganga í húsið glæst,
. . . á gestalistann settu nafn mitt næst!

Ég svekktur sit hér sjónvarpstækið við,
í sálu minni finn ég engan frið:
Þeir sýna Dorrit - sú er glæsileg!
Þar situr elítan - en hér sit ég.

Þar situr einn sem setti Hörpu á haus
í heiðursstúku æru- og auralaus,
en ég sem tók í Landsbankanum lán
. . . má lufsast heima í sófa, hvílík smán!

Þau heyra í glerhjúp ljúfan goluþyt,
um gesti leikur gull- og perluglit,
en ég sit heima í flíspeysu með snakk
og sötra bjór og hugsa: Ég er pakk!

Höf. ókunnur

Það er góðs viti að húmorinn hefur ekki yfirgefið okkur venjulegu Íslendinga, sem eiga að borga reikninginn.

Góðverk fyrir annarra fé!

er viðfangsefni Ívars Páls í Morgunblaðinu í dag.Í afbragðsgóðri greiningu á vinstripolitíkusum, þar sem maður getur skrifað Steingrímur allsstaðar inn í textann án þess að skemma hann nokkuð, þá sér maður margt í öðru ljósi.

Til dæmis kvótafrumvarpið. Þar er ekki verið að reyna að fá fram sátt við réttlætistilfinningu landsmanna, sem hafa látið gjafakvótann fara í taugarnar á sér. Þar er bara verið að taka af þeim sem hafa jafnvel keypt sinn kvóta og veðsett til að setja á fimm potta sem sjávarútvegsráðherrann ætlar að úthluta úr að vild. Og banna svo sölu á kvóta milli manna.

Það er að vonum þegar vinstrisinnaðir fjósamenn ætla að fást við viðskipti. Þá skiptist mannkynið í þeirra menn og hina. Þeirra menn eiga að fá en hinir að missa. Ef menn eru sannfærði um að taka eigi kvóta af þeim sem hafa hann í dag, hvernig sem þeir nú fengu hann, þá verður að selja hann á markaði. Nú háttar svo til að það þarf ekki að taka kvóta af neinum. Heldur má auka kvótann. Það má stýra einhverju af aukningunni inní önglaveiðar og sjálfsagt í fiskverndunarskyni. En það á að selja réttinn, jafnvel selja hann svæðisbundið, en ekki gefa pólitískt. Og framsal verður að vera mögulegt eða þá bara skilaréttur eins og á lóðum sveitarfélaga verður að vera fyrir hendi.Verð á kvóta eer orðið allto hátt vegna markaðsmisnotkunar sem þarf að ráðast gegn með auknu framboði. Sóknarstýring er allt annað kerfi sem hefur bæði kosti og galla eins og kvótakerfi en er miklu meira mál að ræða og borgar sig ekki að eyða púðri í á þessu augnabliki.

Allt sem kemur frá þessari ríkisstjórn er sama markinu brennt. Mest af því er kjaftæði og bollaleggingar um hvað þá langar til að gera en geta ekki gert vegna innbyggðs aulaháttar. Fólk sleppur því við margt eins og skjaldborgir og afnám verðtryggingar. Lausnir mála fyrir almenning koma aldrei frá þessu liði því það er ófært um að taka ákvarðanir hvað þá að taka skynsamlegar viðskiptaákvarðanir. Það eins sem það getur er að hækka skatta og halda að það gefi endalaust meiri hlutfallslegar tekjur.

Að gera góðverk fyrir annarra fé er frumhvöt sósíalistans.

Til frambúðar !

er hugsun sem virðist þjaka núverandi ríkisstjórn. Hún setur lög um fiskveiðar sem eiga að gilda til áratuga fram í tímann. Hún setur stjórnlaganefnd sem á að semja stjórnarskrá sem eiga að duga um aldir.Hún stendur í aðildaviðræðum við ESB.

Er þetta ekki í rauninni sprenghlægilegt. Þessi ríkisstjórn sem er rúin öllu trausti og verður að reiða sig á dynti einstakra þingmanna, skuli hamast við að búa til framtíðarmúsíkk sem þjóðin á að dansa við á næstu árum? Hver man Evróvisjón lagið frá því í fyrra?

Öllu þessu verður kastað fyrir borð um leið og búið er að kjósa aftur. Allt sem þessi ríkisstjórn er að gera núna verður fleygt fyrir borð og önnur ráð upptekin.

Til frambúðar !