Alþýðulýðveldið áfram

heyrir maður í útvarpinu þegar maður hlustar á aumingjans ráðherrann Árna Pál.

Hvernig hann útskýrir gjaldeyrishöftin sem nauðsynlega verndaraðgerðir sínar fyrir heimilin í landinu. Þau verði hér því um langan aldur því ef frelsinu yrði hleypt að myndi gengið falla og allt hækka.Auðvitað veit þjóðin þetta. En gef mér frelsið eða dauðann sagði Patrick Henry. Þetta ástand er óbærilegt fyrir nútímafólk. Sérstaklega þegar tilgangur Árna Páls og kratanna blasir við. En hann er að þreyta okkur til að samþykkja ESB.

Þessvegna verði að setja höftin í lög og heimila leitir á fólki við brottför og að fólk sanni að það eigi sjálft peningana sem það kaupi gjaldeyri fyrir. Af hverju eru ferðalög Íslendinga erlendis ekki bara bönnuð nema fyrir sérstakar undantekningar? Annars næst ekki utanum kreditkortaúttektir ferðalanga, því ekki kemst maður langt á verðlagi Evrópusambandsins fyrir 350 þúsund kall. Það er skárra verðlag í USA þar sem verðið er þó miklu lægra en í paradís sósíalismans í litlu Evrópu.

Ríkisstjórnin er ákveðin í því að keyra okkur til fyrirheitna landsins. Undir því yfirskyni leikur ráðherrann þess plötu fyrir okkur, að höftin séu það sem hann ekki vill en verður að hafa til að vernda okkur fyrir vonda kallinum.

Það er ömurlegt að þurfa að upplifa svona ráðstafanir á tuttugustu öld. Honnecker eða Ulbricht hefðu ekki getað hljómað betur en þessi ráðherra Íslands.

Þessi ræfilsráðherra skilur ekki að Ísland er fast í kreppunni meðan hér eru gjaldeyrishöft. Það er engin önnur leið til þess að atvinnulífið taki við sér en að taka tappann úr og láta markaðinn um að jafna sig. Það verður auðvitað hvellur en hann gengur yfir. Það eru ýmsar leiðir hægt að fara en þær koma ekki frá núverandi stjórn Seðlabankans þar sem Kúbuhagfræðin virðist vera í mestum metum.

Alþýðulýðveldið Ísland er komið til að vera ef Árni Páll verður áfram ráðherra efnahagsmála. Við verðum að fá kosningar og skipta út hagstjórnarmódeli ALþýðulýðveldisins sem er stefna skattlagningar og hafta fyrir frjálst Ísland.

Verðum vð ekki að fara að sækja tunnurnar út á Austurvöll og spila fyrir Alþýðulýðveldið lögin frá Hörpuvígslunni? Það er tónlist sem fleiri skilja en flottræflarnir einir.

Er þetta hægt?

að ríkið skuli leyfa fólki utan af götunni að læra flugumferðarstjórn, sem er ekki hægt að læra annarsstaðar eða vinna við annarsstaðar en hjá ríkinu, að taka síðan vinnustaðinn af ríkinu til einnkaeignar?

Setja loftferðasamninga sem ríkið hefur gert við aðrar þjóðir í uppnám og hóta að eyðileggja það sem því sýnist ef það fái ekki það kaup og réttindi sem því sýnist sjálfu. Núna hóta þeir að leggja flugsamgöngur undir ef þeir fái ekki starfsaldurslista. Þannig sé ekki hægt að reka þá sem óhæfir eru vegna þess að þeir gætu hafa með árunum orðið óþolandi af einhverjum ástæðum.

Það er fáránlegt að flugumfeerðarstjórum skuli yfirleitt vera leyft að hafa með sér stéttarfélag með verkfallsrétti. Opinberir starfsmenn eiga ekki að hafa verkfallsrétt því það er algerlega fáránlegt að ríkið geti farið í stríð vð sjálft sig.

Ættu hershöfðingjar í Bandaríkjaher eða hermenn að hafa verkfallsrétt? Eða hvaða her sem væri? Eiga menn að bera virðingu fyrir löglegum stofnunum ríkisins eða gera aðeins það sem þeim sýnist? Er þetta ekki grundvallarspurning um samfélagið?

Hver á að ráða flugmálum á Íslandi? Flugumferðarstjórar?

Tökum verkfallsrétt af opinberum starfsmönnum og stígum það óheillaspor til baka sem stigið var með því að veita þeim það á sinni tíð. Þorir enginn stjórnmálamaður að tala um þessi mál? Vandamálið ætti að blasa við hverjum sem vill sjá.

Það er ekki hægt að hafa þetta svona.

Af hverju getum við ekki neitt?

þegar kemur að undanþágum frá Evrópureglum?

" Innanríkisráðherrar Evrópusambandsins hafa samþykkt tillögur um róttækar breytingar á Schengen-samstarfinu, sem fela í sér að aðildarríkjum verði heimilt að taka upp landamæraeftirlit á ný.

Breska blaðið Guardian greindi frá þessu í kvöld og hafði eftir diplómötum að 15 af þeim tuttugu og tveimur ESB-ríkjum, sem ættu aðild að Schengen-samstarfinu, hefði verið fylgjandi þessum tillögum. Málið verði rætt á leiðtogafundi Evrópusambandsins í næsta mánuði, en breytingarnar þurfa einnig að vera samþykktar á Evrópuþinginu til að þær öðlist gildi. Auk ESB-ríkjanna tuttugu og tveggja eiga Ísland, Noregur, Sviss og Liechtenstein aðild að Schengen-samstarfinu."

Við klufum Rarik niður í Rarik og Orkusöluna af því að okkur datt ekki í hug að sækja um undanþágu. Við getum ómögujlega gert breytingar á Schengen hvað varðar passaskoðun útlendinga.

Af hverju erum við svona kaþólskir þegar páfarnir eru það ekki? Af hverju getum við ekki neitt?

Við förum á hausinn !

ef við ekki lækkum skatta og afnemum gjaldeyrishöftin segir Ragnar Árnason prófessor. Framhald stjórnarstefnunnar jafngildir sjálfsmorði hlýtur maður að álykta útfrá þessu.

Ef við fáum enga starfsemi í gang og fjárfestingar þá erum við dauðir. Það gerist ekkert í gjaldeyrishöftunum. Það ætti að vera fullsannað, að atvinnuleysið hreyfist ekki hjá okkur. Innflutningur útlendinga og landflóttinn heldur því við og gerir það viðvarandi eins og í ESB ef við getum ekki dregið okkar fólk fram á gólfið.

Mikið af Íslendingum er hinsvegar svo lélegt vinnuafl að atvinnuveitendur vilja ekki sjá Íslendinga ef þeir eiga völ á Pólverjum. En við höfum ekki ráð á þeirri linkind af hafa þetta lið heima ef vinna er í boði. Við verðum því tímabundið að takmarka innflutning útlendinga á vinnumarkaðinn. Þetta þýðir upptöku vegabréfa skyldunnar til Íslands fyrir útlendinga líka aftur. Við verðum að stöðva vandamál hælisleitenda og innflutning glæpamanna á landamærunum. Við verðum að stöðva ofbeldi stéttarfélaganna strax. Setja lög á alla sem ætla að vera með uppsteit eins og hálaunaliðið í flugturnunum sem eru að byrja aðför sína að þjóðfélaginu um þessar mundir.Og næstu hópa líka.

Við verðum að fá kosningar strax og koma þessu handónýta Alþingi af höndum okkar. Við verðum að koma einhverju viti í stjórn landsins.

Annars förum við bara á hausinn eins og Ragnar segir!

Hefur einhver gestalistann?

yfir nýfína fólkið sem er að vígja Hörpu núna?

Ég hef af því áhyggjur ef einhverjir velkjast í vafa hverjir teljist nú tíl menningarvita þjóðarinnar. Og hvort einhverjir hafi gleymst sem hefði átt að bjóða, til dæmis fólki úr skilanefndunum, slitaatjórnunum og stjórnum Lífeyrissjóðanna. Einverjir verða jú að útvega þá 50 milljarða sem húsið kostar líklega þegar allt er talið.

Mér persónulega hefði fundist það hneyksli að bjóða til dæmis ekki honum Björgólfi sem ýtti þessu verulega af stað úr því að Steingrímur Alþýðuvinur var þarna mættur og naut sín greinilega út í æsar á nýjum sparikjól. Kannski getur hann látið Indriða reikna hlunnnindamat af þeim sem var boðið á vígsluna?

Kannski getur Assange hjá Wilileaks útvegað þennan lista ef hann fæst ekki greiðlega á þessum tímum gegnsæis og samráðs. Og svo líka hverjir völdu á listann.

Allavega megum við pöpullinn skoða húsið á morgun og mikið verður það gaman. Voanandi eru sögurnar um byggingagallana tómt kjaftæði.Allavega skulum við ekkert vera að kjamsa slíkum fréttum.

En gestalistinn er eiginlega nauðsynlegur til þess að koma á einhverjum virðingarlista og Nomenklatúru í hinu nýja Alþýðulýðveldi Íslandi.

Verið er að skipta um þjóð á Íslandi

samkvæmt tölum um fólksflutninga.

Til landsins fluttu 640 útlendingar á fyrstu þremur mánuðum ársins en 260 frá því á fyrstu 90 dögum ársins. Fjórir útlendingar setjast hér að á degi hverjum.

Frá landinu fluttust 840 Íslendingar á sama tíma en 270 til þess á sama tíma. Það fækkaði um 6 Íslendinga á degi hverjum.

Samsetning íbúanna breytist um 10 manns á degi hverjum. Á hverjum 10 dögum fækkar innfæddum Íslendingum um 60  en útlendingum fjölgar um 40.

Ef þjóðin væri núna 300.000 manns og hér væru 15 % útlendingar samanstendur þjóðin af 255.000 Íslendingum en 45.000 útlendingum..Eftir tíu ár væri þjóðin 233.000 Íslendingar en 60.000 útlendingar. Viðkoma fólksins spilar svo inn í þetta og viðkoma útlendinganna er sögð mun meiri en Íslendinga.  Hlutfallið gæti þess vegna verið orðið 2 af Íslendingum og 1 af útlendingum á einhverjum tíma. Og tíminn líður.

Það er hægt að herða á þessu ef menn vilja. Við getum áreiðanlega fengið tugþúsundir af fólki til dæmis frá Súdan eða Equator til að flytjast hingað með mánaðar fyrirvara. Vildi ekki prófessor Ágúst Einarsson flytja inn milljón manns og setja það niður á Suðurlandi?  

Við erum með háskóla til að mennta lækna ókeypis og auglýsum eftir nemendum í blöðum. Við getum ekki borgað útskrifuðum læknum og því flytja þeir til útlanda. Af hverju erum við að framleiða fólk til útflutnings? Er þetta svipað og að framleiða kindur á leifunum af afréttum landsins? Eru menn ekki að selja kvótann hæstbjóðendum án tillits til þjóðernis? Hvað er ekki til sölu hjá þessari þjóð?

Ég man ekki eftir því að hafa verið spurður um frjálsa för fólks til landsins og afnám vegabréfaskyldunnar.

Varst það þá þú sem ákvaðst að skipta um þjóð í landinu ?  

500.000 kindur í viðbót ?

á afrétti Íslands?

Baugstíðindi greina frá því að Evrópubandalagið vilji kaupa miklu meira kindakjöt en áður.

Hvernig er kindakjöt ræktað?

Þolir afrétturinn svona mikið fé í viðbót? Eða ætla bændur framvegis að rækta 500.000 kindur í viðbót á grónu landi?

Áfram kreppa með Aríon !

segir forstöðumaður greiningardeildar þessa banka Ásdís Krísjánsdóttir. Mikilvægast að draga úr einkaneyslunni."Við megum ekki sjá neysluna fara í gang"er boðskapurinn."Við erum að horfa á of miklar launaækkanir ...kröftugan vöxt í innflutningi...skila afgangi í ríkisrekstri..greiða niður skuldir.."

Í öðru blaði fagna fasteignasalar því að Arion banki hafi rennt sér fótskriðu inná íbúðalánamarkaðinn með allt að 80 % lánshlutfalli.Rifjað er upp hvernig sami banki lífgaði upp fasteignamarkaðinn 2004,þegar bankinn ætlaði að eyðileggja íbúðalánasjóð og sprengdi um leið þjóðfélagið í loft upp til dýrðar nokkrum handvöldum skálkum sem þá réðu flestu í þessum banka.

Nú eru komið nýtt sett af fólki í Aríon banka og gamla gengið sagt farið út.Samt vita fæstir neitt hvaðan þetta fólk kemur eða hveert það er að fara. Þessi banki er samt aftur að verða í augum margra forystuafl nýrrar spillingar í allskyns viðskiptum við gömlu víkingana, sem hafa fengið fyrirtækin sín afhent aftur með miklum afskriftum af því að þeir eru svo flinkir að reka sjoppur alveg eins og LÍÚ er svo gott að gera út báta. Þótt hvorutveggja sé kúnst sem hefur frekar krafist réttra sambanda fremur en hæfileika á síðustu árum. "Úrlausn skuldamála.." er lokið segir Höskuldur bankastjóri og því er farið ..."á íbúðalánamarkaðinn af ábyrgð....."

Nú er bankinn orðinn aftur sá Dr.Jekyll og Mr. Hyde sem hann var á sinum dýrðardögum. Farinn að reka eigin efnahagsstefnu enda segist Steingrímur J. ekkert vita hverjir stjórni þessum banka né eigi hann. Og segir þá væntanlega álíka satt og í öðrum málum sem honum efur verið til trúað. Hann á þó stuðningsmann aukinna skatta og mittisólaþrenginga þar innan dyra svona til að hugga sig við. Spurningin hvaða öfl mega sín meira innan þessa mikla banka sem enginn á.

Er góðærið farið að gæjast upp aftur úr freranum eða fær Steingrímur að sóla sig áfram í sultarstefnu sósíalismans?

Er Aríon að vinna að áframhaldi kreppunnar með Ásdísi eða endurlífgun íbúðalánaævintýrisins og aukinnar einkaneyslu?

Virðing handa Alþingi óskast!

segja nokkrar þingkonur í miklum móð. Orðbragð þingmanna um hvorn annan, hvað þá karlmanna um konur, er ekki til að auka virðingu Alþingismanna almennt segja þær.

Ég skal nú alveg viðurkenna það að mín virðing fyrir Alþingi fékk ekki afgerandi mikinn skell við þetta eitt. Hann var kominn eftir síðustu kosningar. Í þeirri hersingu sem þá strunsaði á þing og valdastóla voru ýmsir sem mér fannst ekki mikil virðing að, með eða án slifsis.

Þetta fólk fannst mér ekki hafa fengið neina þá vitrun eða skyndivisku sem ætti skyndilega að fleyta því til æðstu metorða. Frekar sýndist mér vonsvikin þjóð vera að sparka þeim þangað inn í hefndarskyni fyrir einhver svik eða getuleysi gömlu fulltrúanna í kraftaverkakúnstum við að afstýra hruninu og falli Lehmansbræðra.

Nú hefur þetta nýja lið sem sagt fengið að dvelja um stund í þokkalega launaðri innivinnu.Það er meira segja farið að tala eins og það trúi því að það hafi verið kosið þarna inn vegna sérstakra hæfileika sinna ef marka má leikræna tjáningu sumra í ræðustól.

En þjóðin er langt komin með að láta sér renna reiðina og farin að spá í að það sé hugsanlega kominn tími til að fá einhverja aðra áhöfn í brúna í veikri von um að það gæti breytt einhverju. Það virðist nefnilega harla lítið hafa komið frá þessu liði sem einhverju máli skiptir fyrir kjósendurna. Hinsvegar finnst mörgum upplyfting í því þegar það vekur stundum á sér athygli fyrir ýmiskonar strigakjaft eða missannar svívirðingar, þegar það fær ekki öllu sínu framgengt í sandkassanum. Þá eru jafnvel fundin upp ný kúakyn og ríkisstyrkt orðsins kyngi gíruð í botn.

Dr. Josef Göbbels sagði eitt sinn við söngkonuna sænsku hana Söru Leander: "Kunst kommt nicht vom wollen sondern können." (List kemur ekki af því að vilja heldur af því að geta.)Líklega væri þetta ekki alvitlaust þó þessu væri snúið upp á ýmsa núverandi Alþingismenn.

Það geta ekki allir alltaf þó þeir vilji ættu blessaðar þingkonurnar að meta til mildingar. Hugsanlega getur það gengið betur næst!

Það er hinsvegar erfitt að búa til virðingu handa þeim sem ekki vilja vinna fyrir henni.

Hælisleitendur

eru koomnir í tísku hjá okkur. Hingað koma hinir ýmsustu einstaklingar í regnbogans litum og segjast vera ofsóttir í sínum heimalöndum og vilja komast á okkar sósíal.

Við komum þeim fyrir á hóteli til margra ára jafnvel meðan við gerum ekkert í málum þeirra. Þó er okkur heimilt að senda þá umsvifalaust til baka frá því landi sem þeir komu síðast frá.En gerum það ekki af því að til dæmis Grikkir vilja þá ekki til baka.

Hversvegna er maður ofsóttur í eigin landi? Ég var tekinn fyrir að keyra á nagladekkjum í fyrradsg þrátt fyrir að nýlega hafi verið flughálka. Nágrannar mínir og margir á götunum eru enn á nagladekkjum án þess að vera teknir. Er ég ekki ofsóttur í eigin landi?

Kennitala mín er orðin eitruð vegna aldurs. Ég er orðinn gamall en vill vinna. Kennitölu minni er hent út í fyrsta umgangi ef ég sæki um vinnu. Í Bandaríkjunum sér maður aðra miklu eldri vera að puða. Þar er bannað að mismuna fólki á grundvelli aldurs og litarháttar. Hérna?

Hvað hefur háttvirtur hælisleitandi gert í heimalandi sínu til að verðskulda ofsóknir? Eru yfirvöld þar eitthvað verri við hann en hinar milljónirnar? Eru þau bara ekki jafnvond við alla eins og Vinstri Grænir hérna? Getur pólitískur ssmekkur minn á Steingrími J.eða Jóönnu Sigurðardóttur ráðið því hvort Bandaríkjamenn eigi að veita mér græna kortið? Eru þessi skötujú samt ekki búin að gera landið mitt óbyggilegt fyrir þær þúsundir sem hafa flúið til Noregs?

Eiga íslenskir landhlaupar að verða skráðir sem hælisleitendur í Noregi og fara þar á hótel á kostnað norskra skattgreiðenda? Eru þeir ekki að flýja það sama og fólkið sem vill fá hæli hérlendis?