Lífeyrissjóðirnir leysa málið

með skuldir ríkissjóðs.

Þeir bólgna af fé í hverjum mánuði sem þeir geta ekkert gert við nema kaupa upp fyrirtæki innanlands. Þeir eiga og ráða öðruhvoru fyrirtæki hérlendis og ástandið versnar með hverjum mánuði.

Þetta er hreinn kommúnismi sem hér  er verið að koma upp á Íslandi. Og er þá óskalandið Sovét-Ísland ekki lengur opinberlega skilgreint sem markmið. Hér er risið olígarkí pólitískra pótintáta sem hafa þar fyrir utan ekki hundsvit á bísness eins og dæmin sanna eftir öll þau töp sem þeir eru búnir að búa okkur eigendunum. 

Ríkið á sinn hluta í inngreiðslunum sem eru skattskyldar í síðasta lagi við töku lífeyris. Af hverju leysum við ekki vanda ríkissjóðs með að sækja þessa peninga strax. 90 milljarðar bara í vexti af ríkisskuldum, sem hægt er að spara sér, sýna glöggt í hvaða óefni þetta lífeyrissjóðafyrirkomulag er komið.

Nú er komið að því að lífeyrissjóðirinir leysi málið fyrir ríkissjóð með því að inna skattskylduna af hendi.  

 

 

 

 

Hver á hver?

inn Geysi? Strokk og Blesa?

Stórhöfðinginn Sigurður Jónasson, sá sami og gaf ríkinu Bessastaði gerði eftirfarandi gjörning: 

", Sigurður Jónasson fram-kvæmdarstjóri, Reykjavík, geri kunnugt að ég fyrir hönd
hr. Hugh Charles Innes Rogers í Beechcroft, Nitton, Bristol,samkvæmt umboði dagsettu
15. ágúst þ. á., sel og afsala Ríkisstjórn íslands til fullrar
eignar, hverina Geysi, Strokk,Blesa og Litla-Geysi, sem öðru
nafni nefnist Óþerrishola, allir liggjandi í Biskupstungna-
hreppi í Árnessýslu, ásamtlandspildu þeirri, sem takmark-
ast þannig: að vestan afbeinni línu frá Litla-Geysi 50falðma í norður, norður fyrir
Blesa, að sunnan af beinni línu frá Litla-Geysi sunnanverðum og 130 faðma í austur, þaðan 50
faðma beint norður, en að n o r ð a n ræður bein lína það-
an og í landamerkin að vestan-verðu, norðanvert við Blesa,allt eins og umbjóðanda mín-
um var afhent það með afsals-bréfi dags. 19. desember ,1925.
Salan er þó bundin þessum skilyrðum: í fyrsta lagi, að bóndinn í Haukadal hafi rétt

til að hafa á hendi umsjón yfir hverunum fyrir hæfilega borg- un, þegar eigandinn sjálfur eða

nienn hans eru fjarverandi. 1 öðru lagi, að bóndinn í Hauka-dal sjtji fyrir allri hestapössun,
Með því að RSkisstjórn Is-lands hefir greitt mér fyrir hönd umbjóðanda míns hið
umsamda kaupverð kr. 8000,00 — átta þúsund krónur — að
iullu, lýsi ég hann réttan eig-anda að ofannefndum hverum og landspildum.

Þessu til staðfestu er undir-ritað nafn mitt í viðurvist tveggja tilkvaddra vitundar-
votta.

Reykjavík, 30. ágúst 1935.

Sigurður Jónasson 
skv. umboði.

Vitundarvottar:
Jón Árnason
Valtýr Blöndal.  

Nú er mér sagt að einhverjir prívataðilar séu með Landeigendafélag um Geysisvæðið.

Hvenær fór svæðið úr eigu ríkisins?  Eru Bessastaðir kannski líka farnir?

Ofbýður engum?

einelti RÚV á vesalingnum Karli kynóða dag eftir dag?

Við horfum á fréttir RÚV þegar  skýrt er frá viðbjóðslegu ofbeldi geðtruflaðra ofbeldismanna sem sé til umfjöllunar í réttarsölum. Alltaf eru þessir aðilar með hettu yfir andlitinu eða RÚV skeytir 40 watta mattperu fyrir andlitið á þeim svo að enginn fái að sjá framan í þá.

En Karl Vignir? Allir vita um sekt hans.

En hann má þola kvöld eftir kvöld að birtar séu af honum myndir í réttarsölum eða handteknum. Mikið er réttvísin góð að taka þenna gamla mann og hrekja hann svona fyrir alþjóð og spotta? Er þetta jafnræðið í stjórnarskránni? Er þetta ekki maður sem á fjölskyldu og fólk sem er ekki sama um hann þrátt fyrir allt.

Fannst engum konurnar sem settu hann upp  mjög lítt trúverðugar  þegar málið kom upp?  Hafi hann líka játað eitt og annað þá er það annað mál. Margar sögur vitna líka gegn honum og um hann leikur vafi.Hann þurfti ekki að játa neitt og gat sem best þrætt fyrir allt.  Kannski hefur hann einhverja samvisku? Eftirsjá? Hver á að dæma um það?

Hvað hefur þessi vesalingur fram yfir ofbeldismenn og nauðgara sem fá hettu eða ljósaperu til að skýla sér á bak við í endurteknum fréttum RÚV ?

Ofbýður engum? 

Hífa, slaka !

sagði Óli Maggadon í uppskipunarvinnunni.Og svo LAGGO!

Síðustu fréttir af samningum um fjárlög minna mann á þetta. Það er slegið af sparnaðaráformum vegna markmiðsins um hallalaus fjárlög í anda Sigríðar Ingibjargar Ingadóttur og trúarhetju hennar Karls Marx um að greiða eftir getu og þiggja eftir þörfum.

Það hefur verið hart lagt að sveitarstjórnum  að hækka ekki þjónustu í þágu stöðugleikans. Það var frestað að hækka bensínið með lífeldsneytisíblöndun frá völdu fyrirtæki. Það er þráttað um hvort 3 % hækkun á "lægstu launin" ógni ekki stöðugleikanum og setji yfirstandandi "kjaraviðræður í uppnám".  Á þessum tíma boðar ríkisstjórnin smávegis prósentuhækkanir á áfengi og tóbak um áramótin eins og þær séu bara  sjálfsagðar. 

Nautnahækkanirnar og veiðigjald á makrílinn redda svo tilslökunum við stjórnarandstöðuna, sem flestar ganga út á sama kratismann og verið hefur hér við lýði síðasta kjörtímabil. Það er skattað hér og bætt upp þar."Tax and spend" stefna bandarískra Demokrata eins og Obama.  Alveg eins og apinn fór að sem átti að skipta osti í tvennt og beit sífellt í stykkin til að jafna þau þar til ekkert varð eftir.

Jólin eru að bresta á og þingfríið byrjað. LAGGO!

Kratisminn er hvort sem er kenningin um hinni apalegu hífa-slaka-stefnu í stjórnmálum.

 

 

40 kærur á lögregluna !

fyrir harðræði við handtökur vistola drukkins eða dópaðs skríls ganga fram af mér.

Sá sem ekki vill sæta handtöku hefur ekkert leyfi til að verjast henni. Ekki með neinum hætti. Hann skal hlýða fyrirmælum lögreglu. Hann má ekki svara handtöku með ofbeldi eða kjafthætti. Lögreglan á að yfirbuga óróaseggi. Með illu ef ekki gengur með góðu.

Ég man í Þýskalandi að Íslendingar sem ég þekkti fóru eitt sinn fullir að brúka kjaft við lögguna. Þeir hættu því snarlega þegar pólarnir drógu upp skammbyssurnar. Viðvörunarskot í gegnum höfuðið var ekki óþekkt fyrirsögn í Bild til að ófrægja lögregluna og birta myndir af "dauðaskyttum". 

Ef að sú stefna á að verða hér uppi að lögreglumenn megi ekki taka á skrílnum sem allstaðar veður uppi blindfullur og vitlaus þá verður afleiðingin sú að við fáum ekki hæfa lögreglumenn. Þá verðum kannski að ráða pakistanska löggæslusveitir eins og emírarnir hafa í Mið-Austrinu. Það vita þar allir menn að þeim körlum er nákvæmlega sama hverja þeir drepa eða slasa. Tala ekki einu sinni mál innfæddra hvað þá að þeir hlusti  á viðfangsefnin. Þeir bara framfylgja skipunum sínum.

Lögreglumaður á að vera friðhelgur við skyldustörf. Það er fáránlegt þegar gula pressan okkar veltir sér upp úr því að einhver fyllibyttan verði fyrir hnjaski þegar almannaheill krefst þess að hún sé fjarlægð. Ofbeldi gegn lögreglu á að kosta skilyrðislaust fangelsi. Strax.

40 kærur á lögregluna er fáránleg misnotkun á réttarkerfinu. 

 

Enn af ofstopa Dagsins

því hann ætlar að keyra deiliskipulagið í auglýsingu með hraði.

Hagsmunafélag almannaflugs og eigenda einkabygginga á Reykjavíkurflugvelli(BYGGáBIRK) hafa kynnt ofstopaliðinu  eftirfarandi staðreyndir í málinu: 

 

"..... Forsvarsmenn félagsins fréttu í upphafi mánaðarins af    

     kynningarfundi sem til stæði af halda um hið fyrirhugaða     

deiliskipulag. Voru fulltrúar félagsins með öðrum orðum ekki boðaðir á umræddan fund. Þurfti formaður félagsins að beita sér sérstaka til að félagið mætti senda fulltrúa á fundinn.

 

...Var þar upplýst að hið fyrirhugaða deiliskipulag gerði ráð fyrir að einkabyggingar í Fluggörðum ættum að víkja af vellinum í síðasta lagi 2015 !!

 

Þá var upplýst að borgin hefði ekki í hyggju að útvega eigendum flugskýla í Fluggörðum aðra sambærilega aðstöðu. Það er því ljóst að hin fyrirhugaða deiliskipulagstillaga miðar að stórkostlegri eignaupptöku mannvirkja.

 

...... ekki eitt einasta samráð við eigendur viðkomandi mannvirkja áður en tillagan yrði sett í auglýsingu.

 

......... Er þess krafist að málinu verði frestað og borgin hafi í kjölfarið virkt samráð við eigendur umræddra mannvirkja.

 

Húsin í Fluggörðum eru 17 talsins. Það segir þó ekki alla söguna því eignarhlutarnir (básarnir) eru hátt í 60.  Elstu skýlín hafa staðið þar vel á fjórða áratug en flest skýlin voru þó byggð fyrir um 30 árum.

 

Í ljósi niðurstöðu Hæstaréttar í máli 482/2002ætti að vera hafið yfir vafa að nær öllum flugskýlum á svæðinu fylgja lóðaréttindi. Skiptir þar engu máli þótt formlegir lóðaleigusamningar hafi ekki verið gerðir enda hefðast lóðaréttindi á 20 árum.

 

Standi borgin í þeirri trú að hægt sé að þvinga eigendur skýlanna í burtu bótalaust þá er rétt að embættismenn borgarinnar kynni sér tilvitnaðan dóm. Minnt er á að eignarrétturinn er friðhelgur og hann má aðeins skerða að uppfyllt sé skilyrði 72. gr...."

 

 Þetta sýnir hversu purkunarlaust tillitsleysi og ofstopi er viðhafður af meirihlutanum í Reykjavík í Hofsvalla-og Borgartúnsstíl. Það er gusast í verkin gersamlega án þess að tala við kóng né prest né þá íbúa sem fyrir verða. Vi alene Vider! sögðu dönsku kóngarnir í gamla daga,

Það yrði landhreisun ef þessu liði yrði sýndur puttinn í komandi borgarstjórnarkosningum og Dagur yrði sendur í hérað til læknisstarfa og klára kandidatsárið sitt frekar en að svakka í sveitarstjórnarmálum, því það er honum gersamlega ofviða.  

 

Ofstopi Dags B

í Borgarstjórn Reykjavíkur er með endemum,

Út er komið deiliskipulag um Reykjavíkurflugvöll. Þar gátu til dæmis eigendur fasteignar að Þorragötu 21 lesið að heimilt væri að rífa það hús. Aldrei höfðu þeir heyrt neitt um þau áform fyrr en við þennan lestur. En húsið er félagsheimili einkaflugmanna og reist með leyfi réttra yfirvalda.

Sömuleiðis má lesa að að eigendur 66 fastegna skuli sæta því að fjarlæga eignir sínar og að byggðar verði íbúðir á svæðinu. Lögmaður Borgarinnar Magnús Ó. Erlingsson hafði áður tjáð þessum bloggara bréflega að honum bæri að fjarlæga eign sína á svæðinu bótalaust þegar Borginni hentaði.

Nú mega allir aðrir fasteignaeigendur  lesa að Fluggarðar skuli rifnir eftir rúmt ár. Einka-og kennsluflug skuli fara burt án þess að sagt sé hvurt. Bara burt!  Ný nefnd er tekin til starfa við það sem engum hefur áður tekist  að finna nýtt flugvallarstæði innan borgarlandsins. Nema auðvitað Birni Kristinssyni prófessor, sem sýndi fram á vinna mætti gríðarlega mikið nýtt land á ódýran hátt. En það féll ekki í kram brunnklukkufræðinga Samfylkingarinnar.  

Það má segja að það sé valinn maður í hverju rúmi hjá Reykjavíkurborg. Enda slær læknirinn Dagur B. taktinn með ýmsum Borgarfulltrúum Sjálfstæðisflokksins, fyrrverandi og núverandi í því að 60 þúsund undirskriftir með tilvist Reykjavíkurflugvallar, ályktanir íbúafunda og  stjórnarsáttmáli ríkisstjórnarinnar skuli að engu hafðar. Völlurinn skuli burt hvað sem tautar. Enda innanríkisráðherrann nýbúinn að kyssa  Gnarrinn uppá lokun A-V brautar að forsætisráðherra áhorfandi og árétta fyrri svikagjörning Ögmundar Jónassonar við Gnarrinn um sama efni.

Verði ekki stjórnarskipti í Reykjavík að vori komanda er úti um Reykjavíkurflugvöll. Það er því ástæða til að hvetja alla til að kynna sér hið nýja ofstopafulla deiliskipulag  Dags B. Eggeertssonar sem er líklega alveg búinn að gleyma þeim Hippokratesareiði sem hann eiinhverntíman sór.

Ólæsið

er sumu fólki áhyggjuefni. Þriðjungur stráka getur ekkki lesið sér til gagns fimmtán ára.

Kennarar gefa þá skýringau að launin séu svo lág að ekki  að ekki sé hægt að sinna skyldum kennara svo fullnægjandi sé. Ég kaupi þetta ekki. 

Frumorsökina tel ég blasa við. Blöndun í bekki án minnsta tillits til námsgetu. Afleiðingin er fækkun í bekkjum og hægagangur í náminu og að öllum fer að hundleiðast í skólanum. Þeir sem eru búnir að fatta drolla yfir að bíða eftir þeim tregu. Afleiðingin afkastaminnkun.

Ég kom í 9-H í Austurbæjarskólann sem cand-Ís eins og Hákon föðurbróðir nefndi mig við útskrift úr skóla Ísaks Jónssonar í Grænuborg. Ég var þá sá eini í bekknum sem var læs. Hinir voru enn að stafa meðan ég hafði lært hljóðlestur. Við lærðum svo margföldunartöfluna og reikningsbók Elíasar Bjarnasonar sem ég grenjaði yfir því hún reyndist mér erfið og hef ég aldrei sært jafnmiklar þrumur og eldingar að höfði eins manns og Elíasar þessa. Sem ég í heimsku minni kenndi um getuleysi mitt í reikningi. Mitt reikningsvandamál reyndist þá og síðar vera skriftin og krabbið eins og síðar á ævinni og hjálpaði pabbi mér nokkuð í þessu. En krabbið og flumbrugangurinn er mér eðlislægur og ekki auðvelt að ráða við hann enn þann dag í dag. En sá sem ekki skrifar og teiknar tölurnar vel  og setur  dæmin upp skýrt getur ekki reiknað þau.

Nú þarf enginn að kunna margföldunartöfluna af því hann er með reiknivél. Og ef hann hefur ekki reiknivél til að vita hvað sex sinnum níu eru þá er hann með reiknivél í símanum sínum!

Vandamál skólanna er mikið kvennaveldið þar sem karlkyns kennurum hefur stórfækkað. Það liggur yfirleitt ekki fyrir konum að kenna reikning. Þær eru betri á öðrum sviðum eins og að kenna lestur með hljóðaðferðinni og biflíusögur.

Í bekkjunum sem ég var í síðar voru oft yfir 30 þegar kom í Gaggó. Ég var í kynjablönduðum A- bekk þar sem flestir voru svipað fljótir að læra. Minn veikleiki var skriftin og krabbið og er enn. En ég gat lært utanað og hafði sjónminni sem jálpaði mér til að verða miðlungsnemandi. Það voru svo C og D bekkir sem fóru eitthvað hægar en við. En aldrei varð ég var við það að við litum eitthvað niður á þá,þetta voru jafningjar og vinir og þaðan komu margir þekktir borgarar síðar meðan við A-bekkingar entumst misjafnlega. En við vorum öll læs og kunnum margföldunartöfluna 15 ára.

Meira en helmingur kennaranna í Gaggó Aust voru þekktir menntamenn karlkyns, margir cand mag sem ekki væru gjaldgengir í dag án prófs í einhverjum kennslufræðum. Úrvalskennarar, virðulegir og ógleymanlegir margir. Suma dýrkuðum við hreinlega eins og hann Gunngeir reikningskennara. Hann var vinur minn ævilangt. Fáar konur  kenndu og voru yfirleitt minna vinsælar sem kennarar, við sumar voru menn hreinlega skíthræddir.  

Pisa-könnunin segir mér að það sé eitthvað stórkostleg að í menntakerfinu okkar. Eitthvað sem ekki leysist nema með einhverjum róttækum  aðgerðum.

Ólæsið upp úr 10.bekk  er staðreynd sem þarf að bregðast við.

 

Hvor sagði hvað?

Hvor sagði hvað — Össur eða Steingrímur?

Áskorun var í mbl.is sem ég tók þar sem ég hélt að það sem kæmi frá öðrum þessara tveggja væri auðþekkjanlegt af ýmsum sökum.

En ég klikkaði á þessu eins og mörgu öðru. Þessari einkunn var deilt til mín að loknu prófinu: 

 

"Þú fékkst: 10 / 15

 

Umsögn: Nokkuð gott. Þú fylgist prýðilega með umræðunni og lest helstu okkar helstu stjórnmálaskörunga eins og Andrés-blað. Það er ekki ólíklegt að þú hafir kosið Bjarta Framtíð í vor þó að málstaður Pírata hafi líka höfðað til þín."

Ég geld þess líklega að lesa frekar Andrésblöðin en bækurnar eftir þessa höfðingja. Eru þeir ekki bara að reyna að skrifa söguna upp á nýtt til að reyna að berja í bresti fyrir heimskupörin?

Össur og Steingrímur leystu engan vanda þjóðarinnar þó þeir væru að þvælast þetta í fjögur dimm og dáðlaus ár. Hefði Forsetinn ekki bjargað okkur frá því versta sem þeir ætluðu að klína á þjóðina þá værum við enn verr settir.  Ekki dettur mér í hug að fletta þessum bókum þeirra. Aðalatriðið er að þeir eru orðnir áhrifalausir nöldrarar sem fæstir taka minnsta mark á. 

Mig varðar akkúrat ekkert um það sem þeir skrifa eða segja.  Ég hef meiri áhyggjur af rústinni sem þeir skilja eftir sig. Og ég held að hvorki Píratar né þessi nýi próventuhafi Gnarrsins Guðmundur Steingrímsson hafi nokkur ráð sem duga mér.

Hér er bullandi kreppa ennþá. Allt er í hönk hvert sem litið er frá sjónum til þéttbýlisins. Ferðamennska er láglaunaiðnaður þar sem Íslendingar láta útlendinga féfletta sig. Ekki kemur hjálpræðið þaðan. Annar iðnaður er í limbó. Lífeyrissjóðir eru þeir einu sem  kaupa og kaupa allskyns innlent rusl eins og enginn sé morgundagurinn. Ríkið horfir aðgerðalaust á þá fara með skattféið í allskyns brask sem enginn veit hvernig muni enda.

Í stað þess gæti Ríkið hirt eignir sínar út úr þessum lífeyrissjóðum og borgað upp allar skuldir ríkissjóðs. Sem myndi skilja eftir sig 90 milljarða árlegan sparnað sem væri þá hægt að sukka með. Já til dæmis  í Landspítalann og Hörpuna svo eitthvað sé nefnt.

Hverslags linkind er þetta annars í þessum ráðamönnum okkar ? Af hverju sækja þeir ekki þessa réttmætu eign ríkissjóðs í stað þess að láta einhverja spekúlanta sem enginn kaus braska með og kannski tapa henni?

Af hverju erum við að láta ríkissjóð burðast með allar þessar skuldir þegar það á alla þessa peninga inni hjá þessum apparötum? 

Fleiri bílastæði

á íbúð en ekki færri er það sem þarf. Stefna skipulagsfræðinga um færri en 2 bílastæði á íbúð er bull. Við erum bílaþjóð eins og aðrir Ameríkanar. Við viljum hvorki hjóla né fara í strætó.

Það er fáránlegt að þenja út stóra fleti af dýrmætu landi undir bílastæði. Þetta geta menn séð ágætlega til dæmis úr Perlunni með því að horfa yfir Háskólasvæðið. Glórulaus sóun á flugvallarsvæði. Sama gildir um ný hverfi sem er verið að skipuleggja. Næg bílastæði á að tryggja neðanjarðar.

Bíla á að geyma neðanjarðar og láta þá borga fyrir stæðið. Er ekki sjálfsagt mál að það þarf að geyma bílana sem næst ákvörðunarstaðnum?