Einskær tilviljun

hefur það verið að Frumherji komst í eigu Finns Ingólfssonar.

Í frétt í DV 23 okt.2009 segir:

"...Orkuveita Reykjavíkur seldi Frumherja orkusölumæla fyrir 260 milljónir í stjórnarformannstíð Alfreðs Þorsteinssonar árið 2001. Tveir þjónustusamningar Orkuveitunnar við Frumherja eru milljarða virði......

Frumherji hf., fyrirtæki ....fær tæpar 200 milljónir á ári frá Orkuveitu Reykjavíkur. Þetta er fyrir leigu á hitaveitu-, vatns- og raforkusölumælum á heimilum á starfssvæði Orkuveitunnar og þjónustu tengda þeim.Orkuveitan seldi Frumherja mælana árið 2001 fyrir tæpar 260 milljónir króna og gerði þá fimm ára þjónustusamning við fyrirtækið sem færði Frumherja rúmar 182 milljónir króna á ári.

Nýr sjö ára samningur upp á 200 milljónir króna var gerður við Frumherja árið 2007 - sama ár og Finnur Ingólfsson keypti fyrirtækið....

Auðvitað eru engin tengsli milli amtstíðar Alfreðs Þorsteinssonar í Orkuveitunni,mælasölunnar til Frumherja og síðan þess að Finnur kaupir Frumherja með samningunum!

Af hverjum keypti Finnur?  Hann hefur verið plataður blessaður drengurinn úr því að þetta er svona komið í dag. Nú verður Íslandsbanki, þar sem gamall starfsbróðir úr pólitíkinni er andlit í bankans í stað erlendu vogunarsjóðanna, að fegra málin fyrir Finn.

En erlendir hrægammasjóðir eiga Íslandsbanka eftir að Steingrímur J. gaf þeim hann eftir hrunið um leið og hann gaf öðru slíku gengi Aríon-banka. Þetta eru  heittelskaðir viðskiptabankar almennings í dag. Uppfullir af þjónustulund fyrir þig og þína rukka þeir inn hrakvirta samninga sem þeir keyptu á slikk.

Flottur kall hann Steingrímur og stór í slaginu. Það sá maður í Icesave I að hann er ekki uppnæmur fyrir smámunum kallinn sá.

Það er gott að Íslandsbanki slettir þessum peningum í þetta fallítt Frumherja til að losa öðlinginn hann Finn frá þessum leiðindum að bagsa með svona auralaust fyrirtæki.

Kannski  hefur Finnur kunnað alveg jafn mikið á vexti eins og sú nafnbót lýsir sem Sverrir Hermannnson gaf honum eftir að Finnur rak hann úr Landsbankanum. Eftir það hóf Finnur með öðrum einkavæðingarferli bankanna með viðkomu í VÍS sem kúlmíneraði svo í október 2008.

Svona er feðranna frægð, fallin í gleymsku og dá. Menn voru alveg búnir að gleyma þessu öllu saman þegar Finngálknið dúkkar upp eins og draugur úr fortíðinni.

Þetta er auðvitað  einskær tilviljun.

 

Hversu mikið?

er hlutafé í hinum nýja Frumherja?

Morgunblaðið spyr spurninga varðandi tilkynningu Íslandsbanka varðandi "endurskipulagningu" félagsins. Blaðið birtir m.a. samskipti við Íslandsbanka um málið:

"Finnur Ingólfsson, fyrrverandi ráðherra og aðaleigandi Frumherja, hefur misst félagið í hendur Íslandsbanka. Hann keypti félagið árið 2007 ásamt öðrum og átti samtals 80% hlut í félaginu.

 

Í tilkynningu segir að fjárhagslegri endurskipulagningu félagsins sé lokið. Íslandsbanki eignist 80% hlutafjár í Frumherja og Ásgeir Baldurs stjórnarformaður og Orri Hlöðversson, framkvæmdastjóri félagsins, hafi lagt því til nýtt hlutafé og eignist með því 20% hlutafjár.

 

Morgunblaðið spurði Íslandsbanka hvers vegna bankinn seldi 20% hlut til tveggja stjórnenda Frumherja samhliða fjárhagslegri endurskipulagningu. Blaðið benti á í fyrirspurn sinni að stefnt væri að því að selja Frumherja innan árs og það væri því óvíst að nýir eigendur að 80% hlut vildu hafa þessa menn við stjórnvölinn. »Ásgeir Baldurs, stjórnarformaður Frumherja, og Orri Hlöðversson, framkvæmdastjóri félagsins, lögðu félaginu til nýtt hlutafé og eignuðust með því 20% hlut í félaginu en þeir hafa komið að stjórn félagsins undanfarið með góðum árangri,« segir í svari....."

Morgunblaðið spyr hinsvegar ekki um fjárhæðirnar sem um ræðir. Spyr ekki hvort fyrri eigandi hafi verið búinn að taka mikið útúr félaginu? Spyr ekki um orsakir erfiðleikanna? Spyr ekki hvernig 20 % séu fjármögnuð? Spyr ekki hvaða eigið fé kaupendur hafi lagt fram til kaupa á 20 % eða hvaða tryggingar séu lagðar sem venja er í bankaviðskiptum?  Spyr ekki hversvegna Frumherji er ekki látinn fara í þrot eða nauðasamaninga? Skiptir persóna fyrri aðaleiganda máli? Er 20 % hlutur í félaginu til sölu núna og þá á hvað og gegn hvaða tryggingum? Eru viðsemjendur Frumherja um mælasöluna og þjónustuna engir aðeilar að svona máli? Hvað með útboð á samningunum? Var samningurinn til eiífðar?

Mér var auðvitað málið skylt á sínum tíma svona í Mini-Múrbúðarstíl.  Skyldi ég vera einn um að efast um að þetta allt sé með felldu og lögum samkvæmt?.

Hversu mikið? 

Gerum við grunnskólann strax

og röðum í bekkina eftir getu. Stækkum bekkina, borgum betur og fáum árangur.

Það er fáránlegt að vera að þvælast með einhverja nemendur sem ekki tala íslensku í bekkjum eða skilja hana með greindum íslenskum nemendum sem vilja kannski læra.  Slíkt leiðir bara til þess árangurs sem fyrir liggur í PISA.

Gerum eitthvað raunhæft strax í grunnskólanum.

Viðskipti á skrípalandinu góða

eru í fréttum dagsins í Morgunblaðinu.

Það eru bara viðskiptafréttir að Arionbanki  undir þrautreyndri og vís(a)legri  forystu felur fullnustueignir sínar sem honum bæri lögum samkvæmt að losa sig við innan tiltekins frests, sem hlutabréfaeign í virtum fasteignafélögum sem eru að sameinast og verða tútnari þjóþrifafyrirtæki en nokkru sinni fyrr. Er ekki dásamlegt fyrir almenning að horfa upp á þetta allt í verðtryggingarbasli sínu? Merkilegt að enginn skuli æmta nér skræmta. Og þó. Skaðaðu ekki skálkinn svo hann skemmi þig ekki.

Þessi hrægammur er auðvitað hafinn yfir öll lög og reglur eins og aðrir bankar . Hann fær stimpla á skjöl sín hjá Samkeppnisstofnun og Fjármálaeftirliti eftir þörfum. Best gæti maður trúað því að þeir hafi þessa stimpla bara í skúffunum hjá sér til hægðarauka við sameiningar og hlutabréfabýtti í fasteignafélögum þar sem fullnustueignir hafa breyst í hlutabréf sem þarf þá ekki að selja skv. lögum um banka og sparisjóði.  Fjármálajöfrar eru ekki vanir að láta sér neitt fyir brjósti brenna eða smámuni þvælast fyrir sér.

Göngum við í kringum einiberjarunn, einiberjarunn. Þetta eru bara viðskipti eins og venjulega á skrípalandinu góða. 

Skóli án aðgreiningar

er skólastefna sem gildir fyrir grunnskólann. Þetta er einhver ný stefna samþykkt 2008. Áður var önnur stefna sem einn skólamaður lýsir svo að deilt hafi verið um það hvort börn skyldu læra um Snorra Sturluson og íslenska sögu eða um bavínasmfélög í Afríku.

Hverjir setja þessar stefnur? Ekki kennarar sem eru víst ekki ánægðir með hana. Ekki foreldrar. Það virðist vera að pólitíkusar setji skólastenfur eftir sínum smekk hverju sinni. Svo kemur ný stefna með nýju fólki.  

Ég hef ekki mikið vit á þessu. En ég man eftir mengjunum sem gerðu mörgu foreldri ókleyft að vinna heimanámið í reikningi með börnunum. Þetta var þeim framandi.  Afleiðingin var skert reikningsgeta hjá mörgum árgöngum Íslendinga.

Mér finnst svona utan frá séð  hinsvegar hringlið í námsefninu fram og aftur vera áberandi. Í stað þess að tilgangurinn sé að kenna börnum að lesa, skrifa og reikna kemur eitthvað orðskrúð um námsstefnur eins og birtist í Morgunblaðinu í dag. Orðskrúðið sem notað er gerir flestu fólki ómögulegt að botna upp eða niður í námsstefnum sem svo skipt er um reglulega. Ég skil tæplega frásögnina þó ég sé búinn að tvílesa textann.

Helst skilur maður að 19.7 % kennara eru nú karlkyns.  Laun kennara eru óviðunandi  Það er mun erfiðara að hafa 20 nemendur í bekk en að hafa 17 heyrði ég einhversstaðar sagt í útvarpi. Engu má breyta. Ekki má borga bónusa fyrir fleiri í bekk eða hærri einkunnir. Helst á að leggja öll próf af heyrist manni svo.

Ég átti mynd af landsprófsbekknum mínum í Gaggó Aust. Mig minnir að við höfum verið 33 í þeim bekk. Stóðumst öll landsprófið 1953. Þá var ekki búið að finna upp skóla án aðgreiningar og skipt var í A,B,C X og D bekki eftir námsárangri. Meirhluti kennaranna var karlkyns, margir þjóðkunnir menn.(Allir kunnu margföldunartöfluna afturábak og áfram í 12 ára bekk barnaskóla.)  Ég minnist engrar stéttaskiptingar á salnum í frímínútum. Maður leit frekar upp til þeirra í hinum bekkjunum því þeir voru gjarna svalari við stelpurnar og reyktu meira en við þorðum niður í sjoppunni á horninu.

 Svo komum við í busíuna á MR. Þá fengum við sjokk og lækkuðum mörg um meira en einn heilan í aðaleinkun á jólaprófinu. Kröfurnar til hvers og eins höfðu hækkað svo um munaði. Ég man að pabbi gerði mér alveg  ljóst að ég skyldi búa mig undir að fara að læra járnsmíði ef ekki yrði breyting á. Kannski hefði ég bara betur gert það? En þetta er allt liðin tíð og maður veit aldrei hvað hefði veri betra. Í MR var enginn skóli án aðgreiningar. Þar var stelpubekkur sérstakur og svo við.  Betri og slakari námsmenn aðskildir í bekkjum. Svo stærðfræði-og máladeild.

En til hvers er skólinn? Þarf ekki að huga að því að hann fari ekki út um víðan völl eins og orkuveitan í tíð Alfreðs?  Kenni fólki það sem það þarf að kunna og "ikke noget kjaftæde" eins og einn vinur minn kallar það. Fer ekki skólastarfið of mikið út í alls kyns móa og skilgreiningar á aukaatriðum.

Skóli án aðgreiningar? Leiðir hann ekki bara tl að öllum leiðist í skólanum, þeim sem tefja og þeim sem bíða?

 

Enn eru slegnar trumbur

um þjóðaratkvæði vegna áframhalds aðildarviðræðna við Evrópusambandið.

Alveg eins og menn viti ekkert um stjórnarskrá hinna 27 ríkja sem það mynda?  Lissabon sáttmálinn er til í íslenskri þýðingu.Hann kveður meðal annars á um sameiginlegar hervarnir, sameiginlega auðlindastefnu og sameiginlegan markað.

Samt halda málsmetandi menn áfram að tala eins og það þurfi að kíkja í einhvern pakka fyrir Ísland til þess að sjá hvaða kjör séu í boði af sérlausnum fyrir íslenska sérstöðu. Eins og að undanþágur fáist frá stjórnarskránni. Engar herskyldur fyrir Ísland. Engin sameiginleg auðlindastefna fyrir Ísland.

Það sé þýðingarmeira að halda áfram að láta Þorstein Pálsson tala við Evrópusambandið en sú staðreynd að þjóðin vilji ekki ganga í Evrópusambandið. Að það hafi verið kosin hér ný ríkisstjórn sem stefnir ekki á aðild að Evrópusambandinu. Ríkisstjórn með þingmeirihluta sem  ætlar ekki að halda aðildarviðræðum áfram. Hún segir að þær verði ekki hafnar á ný nema að undangenginni þjóðaratkvæðagreiðslu. 

Hjá Þorsteini Pálssyni, formanni vildarviðræðunefndar, verður þetta að kröfu um þjóðaratkvæði um áframhald aðildarviðræðna og vísar í einhverja skoðanakönnun því til stuðnings. Það séu svik ef þjóðaratkvæðagreisla um framhald aðildarviðræðna fari ekki fram. Hann er tilbúinn að bjóða upp á að eyðileggja sveitarstjórnarskoningar landsmanna í vor með því að þvæla svona máli þar inn.

Var þjóðin spurð um það að hefja aðildarviðræður við ESB? Af hverju þarf að spyrja hana nú um hvort þeim skuli haldið áfram þegar þær hafa verið stöðvaðar? Kratar fara hamförum í málinu og Þorsteinn Pálsson tekur undir.

Það eina sem fyrir liggur alveg kýrskýrt er það, að aðildarviðræður verða ekki teknar upp aftur nema að undangenginni þjóðaratkvæðagreiðslu. Um hvað? Áframhald aðildarviðræðna eingöngu? Eða jafnhliða verði þjóðin spurð því hvort hún vilji ganga í Evrópusambandið?  Hvaða vægi hafa aðildarviðræður ef þjóðin vill ekki ganga í Evrópusambandið?  Hvað tilgang hefur þá þessi þrætubók Þorsteins Pálssonar og Árna Páls? 

Enn eru slegnar trumbur um málefni sem hvorki er á dagskrá Alþingis né ríkisstjórnar. 

Af hverju fer Frumherji

ekki í gjaldþrot úr því að hann er kominn á hausinn?

Það kemur bara  tilkynning frá einum hrægammabankanum í hádegisfréttum á RÚV að þeir séu búnir að taka yfir allt hlutféið í félaginu á móti einhverjum gæjum sem leggi fram nýtt hlutafé upp á 20 %. Meira en líklega finnst manni að það sé fengið að láni hjá hrægamminum sjálfum í gamla stílnum frá Kaupþingi í tíð Ólafs í Samskip, Al Thani,Sigurðar Einarssonar, Hreiðars Más og Wernersbræðra.

Hvaða nauðsyn ber til að halda þessu einokunarfyrirtæki Finns Ingólfssonar á floti? Þessu félagi sem sölsaði undir sig orkusölumælamarkaðinn  á öllu Íslandi og ruddi okkur hinum sem vorum að reyna að selja orkusölumæla útaf markaðnum á "einu augabragði " eins einn landsfaðirinn tók til orða með fallegri  handsveiflu. 

þetta var feitur biti og maður hélt að Finnur væri nú fullsaddur. Frumherji hefur líka verið mikilvirkur á bílaskoðunarmarkaði og aðrir hafa lítt komist að vegna fyrirferðar Frumherja. Ekki það að þessar skoðunarstöðvar Frumherja hafi verið eitthvað lélegar. Þvert á móti hefur maður skipt við þær með ánægju því þær voru virkilega flottar. Það hefur ekki dugað til án þess að nokkur skýring sé gefin.Nú er skattgreipðendum gert að borga afsláttinn eins og fyrrum hjá Baugi og í Bónus.

En það er ekki sama og að aðrir geti ekki gert þetta líka og skoðað bíla, fengju markaðsöflin að ráða. Eignir eru seldar úr þrotabúum þegar venjulegt fólk á í hlut. En það er greinilega ekki í þessu tilfelli. Hvað með Aðalskoðun? Hvað með Múrbúðina? Hvað með aðrar bókabúðir en Pennann og Eymundsson?

Lögin segja svo:

".......„ ........   22. gr. Tímabundin starfsemi og yfirtaka eigna.

Viðskiptabönkum, sparisjóðum og lánafyrirtækjum er því aðeins heimilt að stunda aðra starfsemi en þá sem um getur í þessum kafla að það sé tímabundið og í þeim tilgangi að ljúka viðskiptum eða til að endurskipuleggja starfsemi viðskiptaaðila. Tilkynning, ásamt rökstuðningi, hér að lútandi skal send Fjármálaeftirlitinu. Hafi viðskiptabanki, sparisjóður eða lánafyrirtæki, eða dótturfélag þeirra, þurft að grípa til aðgerða skv. 1. málsl. og tekið yfir a.m.k. 40% eignarhlut í viðskiptaaðila sínum skulu ákvæði VII. og VIII. kafla laga um verðbréfaviðskipti, nr. 108/2007, gilda um viðskiptaaðilann eftir því sem við á.

 

Fjármálaeftirlitinu er heimilt að veita undanþágu frá ákvæði 3. málsl. enda sé fjárhagslegri endurskipulagningu lokið innan sex mánaða frá því að viðskiptabanki, sparisjóður eða lánafyrirtæki, eða dótturfélag þeirra, hóf starfsemina. Fjármálaeftirlitið metur hvort fjárhagsleg skilyrði 1. málsl. séu uppfyllt og skal endurskipulagningu lokið áður en 12 mánuðir eru liðnir frá því að starfsemi skv. 1. málsl. hófst. Fjármálaeftirlitið getur framlengt tímafrest skv. 5. málsl. og skal í umsókn rökstutt hvaða atvik hindra sölu.

 

Viðskiptabönkum, sparisjóðum og lánafyrirtækjum er heimilt að yfirtaka eignir til að tryggja fullnustu kröfu. Eignirnar skulu seldar jafnskjótt og hagkvæmt er... "

Það er  nokkuð ljóst að ákvæðið  sem hljóðar svo:   "...skulu seldar jafnskjótt og hagkvæmt er..".  virðist gefa hrægamminum frítt spil til að gera það sem honum sýnist.  Hann tilkynnir að hann ætli að selja fyrirtækið seinna. Einhvern tímann seinna þegar honum passar. Skyldi hann vilja lána mér til að kaupa  80 % ? Eða þér ?

Verður ekki að leita til lífeyrissjóðafurstanna til að koma með skæs í þetta svona "þjóðnauðsynlega" fyrirtæki Frumherja. Sem er komið á hausinn og ætti að fara í gjaldþrot ef sömu reglur giltu fyrir Jóna og séra Jóna.  Hrægammurinn þarf ekki að standa reikningsskil á neinu. Hann bara tilkynnir þetta ganske pent. Flottur stjórnarformaður og hvítskúraður bankastjóri. Allt saman flott og fólkið flykkist í bankann. Sjóva, Landsbankinn, Íslandsbanki, Aríonbanki. Fyrirtæki í þjónustu fólksins.

Spilling, spilling spilling!  Hvert sem auga er litið.

Allt við það sama og ekkert breytt. Frumherji fer ekki á hausinn af því að... 

 

Dagur B er drýldinn

með sig og finnst hann gera flest rétt. Viðurkennir vandamál í skólunum sem hann sameinar án samráðs. Meiri peninga í kennara eru hans lausnir. Það hans betri skóli. Skattleggja og eyða, það er eina sem stýrir heilabúinu í krötum.

Áberandi er hversu Aldís hugsar öðruvísi en kratinn. Fleira skiptir máli en kaup kennara. 

Aðspurður heldur Dagur að hann nái betri árangri en í síðustu kosningum. Hann kvíðir þeim í sjálfu sér segir hann. En það er mikill holhljómur  í röddinni  að mér finnst. Hann talar um átök í öllum málum sem hann vanrækti á síðasta kjörtímabili. Skyldi hann sannfæra kjósendur með þessu?

Ísólfur og Aldís

koma í þáttinn. Aldís erm eð 5 af 7 bæjarfulltrúum í Hveragerði.Trausur meirihluti er snarnauðsynlegur í hverri sveitarstjórn til að hindra gíslatökur. Frændi hennar Ísólfur Gylfi er líka með traustan meirihluta á bak við sig. Þau segja bæði að fólkið skipti líka meira máli en flokksstimpilinn. Sigurjón er edrú segir Ísólfur og búinn að vera það í sautjan ár samfleytt. Gott hjá Sigurjóni, ég hélt að hann hefði aldrei smakkað það.

Aldís hrósar sveitarstjórnum fyrir að hafa siglt í gegnum kreppuna. Þakka skyldi þeim sem geta vaðið í vasa aumingjanna, Ég detta ekki afturyfir mig af hrifningu. Hvað með hina sem ekki ráða neinu um sínar tekjur?  Þetta lið er á furstakaupi sjálfskömmtuðu. Svo er ekki um gjaldendurnar.

Dagur B. kemur í þáttinn. Hann  er auðvtað jafngrobbinn og þau hvernig honum hefur tekist að rýja sauðina með því að okra á orkureikningunum. Þakka skyldi honum. Ekki dett ég afturyfir mig af hrifningu yfir þessu liði Samfylkingarinnar sem ekki kann neitt annað en bara að hækka. gjöldin. Hann hrósar Hönnu Birnu og Þorbjörgu Helgu fyrir collaboratörisma þeirra. Það finnst ekki öllum nú sniðugt ef marka má Reykjavíkurbréfið. Aldís tekur undir með Degi að allir eigi að vinna saman og svo sé í Hveragerði. Ísólfur segir ekki eins gott ástand hjá sér.

 

Hvernig á að ná þeim sem geta borgað

er sagt og vitnað í Vilhjálm Birgisson sem segir þá aflögufæru geta borgað meira.

Þeir em geta borgað meira eru fyrirtæki í sjávarútvegi. Hvernig á að láta þá borga meira?

Það er með því að slökkva á verðbólgunni. Þá styrkist gengið. Fari dollarinn verulega niður lækkar allt verðkag og barnafjölskyldur og einstæðar mæður fá meira í sinn hlut. Þannig fær fólkið meira í hendurnar. Að vísu græða þeir ríku líka sem landbyggðarmaðurinn hefur meiri áhyggjur af. Eigum við ekki að hafa áhyggjur af því seinna?

Einstæðar mæður eru ekki á reiðhjóli, þær vilja ódýrara bensín. Landsbyggðin líka. Þá getur hún keyrt oftar hingað suður þar sem honum finnst svona gott að vera..