Vilji er allt sem þarf

þegar Schengen samningurinn er á dagskrá. En aðgerðaleysi okkar vegna samningsins í landamæravörzlu hefur farið í margra taugar lengi.

ÞAð virðist vera að örfáum stjórnmálamönnum hafi tekist að halda þjóðinni þarna inni í krafti yfirburða þrætubókar sinnar. Það er eins og enginn venjulegur stjórnmálamaður þori lengur að úttala sig um málið  frá eigin sannfæringu. Það er eins og allir bíði eftir einhverju páfabréfi. Samt hefur bryddað aðeins á því hjá Schengen sinnum að hugsanlega megi eitthvað endurskoða í þeim samningi.

Óli Björn veltir þessum málum fyrir sér Morgunblaðsgrein í dag.(Svigar og feitletranir eru bloggarans)

Hann veltir fyrir sér veikingu lögreglunnar vegna fjárskorts og segir meðal annars:

".........Ólíkt flestum öðrum eigum við Íslendingar aðeins borgaralegar stofnanir til tryggja okkar eigið innra öryggi; lögregluna, tollgæsluna og Landhelgisgæsluna. Miðað við hvernig staðið hefur verið að fjárveitingum á síðustu árum er illa hægt að komast að annarri niðurstöðu en að við séum fremur sinnulaus um eigið öryggi. Að raungildi hafa framlög ríkisins til almennrar löggæslu og Landhelgisgæslunnar minnkað. Þau voru 2,7 milljörðum krónum lægri á síðasta ári en árið 2007. En við höfum sett meiri fjármuni í dómstóla og aukið verulega framlög til fangelsismála.

  

Afleiðing lægri fjárveitinga er sú að lögreglumönnum hefur fækkað hlutfallslega. Aldamótaárið var einn lögreglumaður á hverja 418 íbúa. Á síðasta ári voru 483 íbúar á bak við hvern lögreglumann. Með öðrum orðum: Það vantar a.m.k. 104 lögreglumenn í fullt starf og þá aðeins til að halda í við fjölgun íbúa. Þar með er ekki öll sagan sögð. 

Árið 2000 komu tæplega 303 þúsund erlendir ferðamenn til landsins eða 455 á hvern lögreglumann. Á liðnu ári heimsóttu tæplega 998 þúsund útlendingar landið heim eða 1.463 á hvern lögreglumann. 

Með nokkurri einföldun er því hægt að segja: 

Aldamótaárið þurfti hver lögreglumaður að sinna að meðaltali 418 Íslendingum og 455 útlendingum. Alls 873 einstaklingum. 

Árið 2014 sinnti hver lögreglumaður 483 Íslendingum og 1.463 erlendum borgurum. Alls 1.946 einstaklingum........

(Af hverju skoðar hann Óli Björn ekki valdatíma Steingríms sérstaklega í sambandi við niðurskurð til löggæslunnar?)

Frumskylda ríkisvaldsins gagnvart eigin borgurum er að tryggja öryggi þeirra. Voðaverkin í París eru óvægin áminning um að þessari frumskyldu sé sinnt. Þegar fjárveitingarvaldið - Alþingi - gengur frá fjárlögum komandi árs hlýtur forgangurinn að vera augljós. Fyrst skal tryggt að ríkið sinni skyldum sínum en láti léttvægari og á stundum hégómleg verkefni mæta afgangi.

(dómsmál og fangelsi?. Af hverju ekki einkarekin fangelsi hér eins og í Bandaríkjunum? Nóg framboð af vistun og ódýrara en í Hólmsheiðarbruðlinu) 

Endurreisn löggæslunnar ein og sér dugar skammt ef landamærin eru ekki trygg. Þess vegna verður ekki hjá því komist að endurskoða þátttöku Íslands í Schengen-samstarfinu, ekki síst ef ekki verða gerðar grundvallarbreytingar á því. 

Í orði og á blaði eru sameiginlegt landamæraeftirlit Schengen-ríkjanna og afnám innri landamæra skynsamleg og til hagsbóta fyrir borgarana. Á borði hefur reyndin því miður orðið önnur. Aðildarríkjunum hefur reynst um megn að verja ytri landamæri og afleiðingarnar blasa við. 

Í huga Francois Hollandes, forseta Frakklands, er málið einfalt: 

»Ef Evrópa getur ekki stjórnað landamærum sínum við aðrar heimsálfur þarf að snúa aftur til landamæra landanna sjálfra.« 

Orð Frakklandsforseta eru augljós sannindi. Forsenda þess að innri landamæri Schengen-ríkjanna voru þurrkuð út var loforðið um trygg ytri landamæri. Við það loforð hefur ekki tekist að standa. 

Falli Schengen mun það hafa veruleg áhrif á allt samstarf innan Evrópusambandsins og því munu leiðtogar þess leggja mikið á sig svo lausn finnist á þeim vanda sem blasir við öllum. Miklu skiptir að íslensk stjórnvöld fylgist ekki aðeins með heldur leggi fram og hafi áhrif á með hvaða hætti Schengen-samstarfinu verður breytt. Það er síðan sjálfstæð ákvörðun hvort Ísland eigi að halda áfram að vera innan Schengen. Rökin fyrir aðild verða fátæklegri með hverjum mánuðinum...."

Það er einkennilegt svo ekki sé meira sagt að við Íslendingar skulum bíða eftir að  öll mál innri landamæra Schengen verði einhvernveginn að leysa á undan spurningunni um ytri landamærin sem eru núna að vestanverðu hjá okkur á Íslandi.

Ég hlýddi með nokkurri forundran á viðtal við Kolfinnu Baldvinsdóttur sem lýsti Schengen sem því stórkostlegasta sem gerst hefði í mannkynssögunni. Fólk hefði fengið ferðafrelsi í fyrsta sinn. Maður sýnir skilning vegna ætternisins.

Þetta gæti staðist hjá hennni við þau skilyrði að ytri landamærin væru í lagi. Þetta virkaði alveg í byrjun og maður þurfti ekki passa frá Luxemburg til Þýskalands. Eini munurinn frá mínum ungu dögum var sá að þá þurfti maður stundum að sýna passa við stikkprufur á landamærum. En maður hafði alveg ferðafrelsi.

En nú eru þessi ytri landamæri ekki í lagi þarna austur frá. Mörg lönd í Schengen sem við lítum frekar upp til en niður krefjast nú vegabréfa á innri landamærum. En bara ekki við. Það er bara hikað.

Menn geta sjálfsagt veifað vegabréfum og æpt asyl asyl og stoppað hér þess vegna. En þeir koma ekki hingað í land án vegabréfs sem væri á ábyrgð flytjandans. Það myndi létta á straumnum sem er nú orðinn þvílíkur að hann krefst sérstakrar skattlagningar landsmanna sem mörgum þótti ærin fyrir, lántöku eða prentunar.

Mér finnst vera búið að fórna nógu blindandi á altari Shengen þó gert sé hlé. Það er meira segja heimilt að gera tímabundnar unanþágur án þess að hrófla við þessum heilaga samningi samkvæmt Schengen samningnum sjálfum.

"Vilji er allt sem þarf.-og það eina sem vantar" eins og hann Kristján vinur minn orðar það.

 

 

 

Meistarastykki Jóns Björnssonar

eru flutt á Rás 1 sem pistlar.  Sá síðasti sem ég heyrði var fluttur 13.11.og er alveg óborganlegur.

Jón segist þar vera samsettur úr trilljón frumum sem lúta engri stjórn Jóns og hann nær engu sambandi við. Þær vita ekki einu sinni að maðurinn sem þær mynda heitir Jón. Svo deyja þær reglulega og nýjar koma í staðinn alveg án þess að spyrja Jón. Og það sem verra er. Innan í Jóni búa hundrað trilljónir af einskonar hústökubakteríum sem hann kallar svo, því hann hefur aldrei boðið þeim inn, hvað þá séð þær eða heilsað þeim. Sumar gera honum víst gott en aðrar væru betur komnar í baði af sótthreinsandi segir Jón.

Jón spinnur þessar heimspekilegu vangaveltur sínar á hverjum föstudegi á gömlu Gufunni svo unun er að hlusta á.

Hver er þessi Jón eiginlega? Ekki veit ég. En líklega er hann sálfræðingur og rithöfundur um sextugt að því að Google stingur uppá. En það eru margir með þessu ágæta nafni sem Google þekkir líka sem Jóna Björnssyni svo við njótum þess óþekkta á meðan við hlustum á Jón á næsta föstudegi.

 

Shangríla

er land þar sem draumarnir búa. Fæstir draumar manna um frið og farsæld í lífinu rætast. Áföllin dynja yfir, aðstæður breytast, slys, sjúkdómar, hörmungar. Sumar sjálfskaparvíti, önnur óviðráðanleg.

Öll eigum við drauma um langt og farsælt líf. Sumir rætast, sumir rætast í dularlíki. Það sem okkur virðist stundum mikið óhapp reynist síðar hafa verið hið mesta happ sem okkur barst til handa. "Höpp og slys bera dularlíki" segir Einar. Sumir virðast lenda í mun meiri erfiðleikum í lífinu en aðrir sem sigla lygnari sjó, hverju sem slíkt er  að kenna.

Katrín Jakobsdóttir skrifar um drauma sína í Fréttablaðið í dag undir  heitinu Framtiðarsamfélag:

"Um þessar mundir flytja fleiri Íslendingar burt en til landsins. Auðvitað hefur það verið meðvitað markmið okkar í alþjóðlegu samstarfi að Íslendingar geti sótt sér menntun, þekkingu og reynslu um allan heim. Tölur um búferlaflutninga vekja hins vegar ýmsar spurningar um það hvort okkur er að takast að skapa samfélag hér á landi sem fólk vill gera að heimili sínu og auðga með reynslu sinni, þekkingu og menntun.

Líklega var óumflýjanlegt að ungt fólk leitaði út fyrir landsteinana fyrst eftir hrun. Sú þróun snerist hins vegar við enda ríkisstjórn Vinstri-grænna og Samfylkingarinnar meðvituð um að hún væri óviðunandi til lengri tíma. Þess vegna var m.a. ráðist í fjárfestingaáætlun til að fjölga fjölbreyttum atvinnutækifærum. Stefnan var sett á að lengja fæðingarorlof, að hluti námslána myndi breytast í styrk og fleira. Því miður féll núverandi ríkisstjórn frá þessum markmiðum.

Núverandi ríkisstjórn getur hins vegar ekki kosið að líta fram hjá þeirri þróun sem við sjáum núna. Á landsfundi Vinstri-grænna á dögunum var samþykkt sérstök stefna í málefnum ungs fólks. Hún felur m.a. í sér að boðið verði upp á húsnæði á viðráðanlegu verði, menntun verði aðgengileg öllum, námslánakerfi verði þannig að verulegur og vaxandi hluti lánanna verði styrkur, fæðingarorlof verði að minnsta kosti tólf mánuðir og leikskólinn taki við að því loknu án gjaldtöku. Sálfræðiþjónusta verði aðgengileg án endurgjalds á öllum skólastigum og lýðræðisþátttaka verði höfð að leiðarljósi við alla samfélagsþróun. Almenningssamgöngur verði raunverulegur valkostur fyrir alla sem ekki vilja eyða formúum í að eiga bíl. Og síðast en ekki síst verði öflugt netsamband tryggt um allt land.

Ísland hefur alla burði til að verða eftirsóknarverður valkostur fyrir ungt fólk. Við eigum að kappkosta að byggja hér öflugt samfélag, þekkingarsamfélag, jafnaðarsamfélag og skapandi samfélag og snúa þannig vörn í sókn. Þar eigum við í samkeppni við umheiminn en ekki hvert annað og því verðum við að ná saman um markmið sem skila árangri. Við Vinstri-græn erum tilbúin að leggja okkar af mörkum í þá vinnu."

Er þetta ekki fallegt? Er þetta ekki í samræmi við engilfrítt andlitið á myndinni sem fylgir með. Gersamlega án tengsla við veruleikann?

Ef ekki væri fyrir eitt atriði sem vantar, gætu þetta verið valdir kaflar úr landsfundarályktun unga fólksins í Sjálfstæðisflokknum.

Það er ekki gerð nein grein fyrir hvaðan peningarnir eiga að koma til að borga fyrir allt þetta á viðráðanlegu verði. 

Man einhver eftir mynd Storms P. af kallinum sem sneið rófuna af hundinum til að gefa honum að éta. Ríkisstjórn hennar Katrínar Jakobsdóttur sjálfrar gat ekki skaffað peninga fyrir markmiðum sínum og það er þessari ríkisstjórn að kenna að markmiðunum er ekki náð núna.

Það er VG sem boðar framtíðina eins og hún á að verða. Hver á að borga hana eru svo einhverjir aðrir en þeirra eigin flokksmenn sem eru yfirleitt allir blánkir að manni skilst.

Aðeins í Shangríla verða til rófur handa hundunum að éta sem ekki eru skornar af einhverjum þeirra sjálfra.

Baunabyssurnar norsku

er vonandi farnar úr landi. Enda fáránlegt að kaupa eitthvað drasl á útsölu þegar hægt er að fá nýtt á almennilega háu verði.

Lögreglan kallar eftir fleira fólki og búnaði til að fást við hryðjuverkamenn.Ætli það séu handjárn, kylfur og piparúði sem á að kaupa? Og þá aðeins ef að leyfi fæst þá frá VG, Bjartri Framtíð, Pírötum og Samfylkingunni?

Kolfinna Baldvinsdóttir flutti lofræðu um Schengen á Útvarpi Sögu í dag.Fyrir Schengen var ekkert ferðafrelsi í Evrópu að hennar mati. Nú mætti fólk fara um að vild sinni.Þetta væri frelsun frá fornöld vegabréfanna sem Evrópusambandið hefði fært okkur.

Þá veit maður allt um hryðjuverk og óþarfar norskar baunabyssur.

Á hverju nærist hatrið?

"Hryðjuverkamenn íhuga ekki að þeir kunni að hafa rangt fyrir sér og að skoðanir annara kunni að hafa einhverja verðleika. ... Þeir telja að öllum utan eigin hóps gangi illt eitt til.

Sameiginlegt  ... einkenni sálarlega sannfærðs hryðjuverkamanns er sérlega áberandi þörf fyrir að tilheyra hópi. Slíkir einstaklingar skilgreina félagslega stöðu sína með því að tilheyra hópi.

Hryðjuverkahópar með sterkum innri hvötum finnst það stöðugt nauðsynlegt að réttlæta tilveru hópsins. Hryðjuverkahópur verður stöðugt að ógna með einhverju.

Að minnsta kosti [SIC], verður hann að fremja ofbeldisverk til að halda sjálfsáliti  hópsins við og réttlæta tilvist sína. Þannig framkvæma hryðjuverkamenn stundum árásir sem eru óskilvirkar eða jafnvel skaðlegar þeirra eigin markmiðum"-

Rannsóknastöð hryðjuverka, grunnatriði hryðjuverka:. Kafli 2: Hryðjuverkamenn"

Nú er þessi niðurstaða hugsanlega ekki einhlít, sbr. árásir einfara. En samt gefur hún nokkra hugmynd um hugsanagang ofbeldisgengja. Þau þurfa að sanna sig. Hver meðlimur verður að ganga í augun á hinum. Fálagar þurfa innrætingu og sefjun. 

Hatursinnrætingu má skipuleggja. Dr.Göbbels sagði:"Ef þú endurtekur lygina nógu oft þá verður hún að sannleika".

Múgsefjun er þekkt fyrirbrigði og Adolf Hitler skildi manna best hvernig átti að notfæra sér hana. Aðrir minni spámenn eins og Castro, Maó, Kim Il-arnir og Stalín reiddu sig á fyrirvaralaus morð og óttann einan.

Hversvegna hatar hryðjuverkamaðurinn okkur hin svona mikið? Skyldi það vera eigin vanmetakennd sem býr að baki? 

Á hverju nærist annars hatrið?

 

 

Allt nema lýðræði

á dagskrá Samfylkingarinnar. Aldurskvóti á 3 efstu sæti á framboðslistum. Áður var kominn kynjakvóti.

Þetta er boðskapur formannsins Árna Páls frá Akureyri. Sjálfur ætlar hann að sitja sem fastast út næsta ár. Að hann sé sjálfur ekki hluti vandamála flokksins er auðvitað hafið yfir allan vafa með þessu eina atkvæði.

Nú er ljóst að Össur Skarphéðinsson rennir hýru augu til Pírata og hefur útnefnt sjálfan sig heiðurspírata. Þá er það staðfest að Píratar eru enn einn Samfylkingarflokkurinn með hinum ESB flokkunum, Bjartri Framtíð og hinum umsóknarglöðu Vinstri Grænum. Það eru vísbendingar um að Viðreisn muni svo bætast í hópinn þannig að ESB sinnar eru komnir í verulegri sókn.

Allt tal um að velja fólk eftir hæfileikum virðist ekki eiga upp á pallborðið í þjóðfélaginu um þessar mundir þar sem það jaðrar við brot á jafnréttislögum að ráða karl ef kona er í boði. Nú er búið að bæta aldurstakmörkunum til sæta á framboðstum Samfylkingarinnar við kvótakerfin sem fyrir eru.

Það er að verða þröngt fyrir lýðræðisdyrunum hjá karlkyns eldri borgurum.

Íslenskur her?

viltu taka upp herskyldu og stofna íslenskan her? Þetta var skoðanakönnun á Útvarpi Sögu. Þjóðin þar svaraði 77 % nei.

Hver maður er skyldur að taka þátt í störfum við almannavarnir skv. lögum nr.82. Og einhversstaðar finnst mér ég hafa séð í lögum að menn séu herskyldir á Íslandi ef svo ber undir. Og víst er að sem borgarar í Evrópusambandinu þá yrðu Íslendingar herskyldir í Evrópuhernum samkvæmt Lissabon sáttmálanum.Nýji flokkurinn hans Benna útskýrir þetta sjálfsagt fyrir okkur þegar hann fer að bjóða fram.

En hefði verið spurt hvort menn vildu stofna íslenskan her, þá hefði verið fróðlegt að fá fram afstöðu fólks til þess í stað þess að spyrja um herskyldu. Og þá gjarnan með breiðara úrtaki.

Víða eru herir þjóða orðnir atvinnuherir. Allstaðar er herskylda talin sjálfsögð ef svo ber undir. Á Íslandi gætum við haft lítinn fastaher atvinnumanna og síðan varaliða sem mætti kveðja til. Þetta er eitur í beinum kommúnista þar sem þeir vilja lög og reglu feiga. Sást bæði 30.mars 1949 og svo í búsáhaldabyltingunni. Þá hefði einhverjum þótt betra að geta boðið út varaliði embættismanna þjóðarinnar.

En svo höfum við Íslendingar auðvitað ekki efni á að koma upp her. Allt sem kostar peninga til að leysa innanlandsmál er ekki hægt. Aðeins ef útlendingar eiga í hlut er til nóg.

Fróðlegt vaæri að kynnast viðhorfum þjóðarinnar í afstöðunni til stofnunar íslensks hers.

Hælisleitendur til Kópavogs

í Vesturvör 2 þar sem áður var Siglingamálastofnun.

Þetta verður svo til í bakgarðinum hjá bæjarstjóranum og snertispöl frá forseta bæjarstjórnar þannig þau geta fylgst með framvindu mála og heimsótt þessa nýju bæjarbúa. Svo á víst að vera lögregluvörður um húsið allan sólarhringinn. Í hvaða tilgangi sem það er nú. En lögreglan er þegar undirmönnuð í Kópavogi og þjónustan verið dregin saman.

Móttaka þessara svokallaðra hælisleitenda, sem í mörgum tilvikum geta ekki gert grein fyrir sér,geta verið sjúkir smitberar eins og dæmin sanna, hryðjuverkamenn, glæpamenn eða líka grandvart fólk, er löngu orðið að sýningu í afkáraleikhúsinu. Í stað þess að geyma þetta fólk innan öruggrar girðingar af öryggisástæðum einum saman, til þess að hindra það að það angri borgara landsins eins og það gerir, þá er því hleypt til beitar á almenning með peninga í vasanum til að slæpast. Angrandi fólk og börn eins og íbúar í Reykjanesbæ hafa orðið að þola vegna ágangs hælisleitenda um árabil. Nú eiga fleiri að fá að kynnast fagnaðarerindinu í boði bæjarstjórnar Kópavogs.

Ef Íslendingar tækju upp vegabréfaskyldu til landsins hyrfi þessi ágangur hælisleitenda að mestu. Vegabréfalaust fólk kæmi ekki hingað. Af hverju við erum í þessum tilgangslausa skollaleik skilur almenningur ekki. Hver þessu stjórnar er heldur ekki hægt að fá svarað. Það er eitthvað andlitslaust fólk bak við einhverjar luktar dyr. Það eina sem heyrist frá þessari Útlendingastofnun eru ramakvein um meiri fjárveitingar og fleiri lögfræðinga.

Það er ömurlegt að öll pólitíkin hér skuli vera undirlögð af grátkellingum af öllum kynjum. Það er enginn stjórnmálamaður sem þorir að taka svari okkar sem viljum gera eitthvað til að sporna við þessari vitleysu og andvaraleysi sem tröllríður þessu þjóðfélagi í málefnum flóttamanna og hælisleitenda. 

Þessi mál má ekki einu sinni ræða upphátt, hvað þá heldur afgreiða með lýðræðislegum meirihluta.Eins og á Landsfundi Sjálfstæðisflokksins á dögunum. Heldur eiga allskyns sérvitringar og góðafólkið að ráða hér öllu. Reynslan af óförum nágrannaþjóðanna vegna gríðarlegs innflutnings óþjóða er að engu höfð. Bara allt í lagi hérna.

Ætti bæjarstjórn Kópavogs ekki að skreppa til Malmö svona í æfingaskyni?

Til hamingju Kópavogsbúar þegar hælisleitendur í stórum stíl fara að hrúgast til Kópavogs. 

Landamæraeftirlit

er víða verið að herða í ljósi hörmunganna í París.

Við Íslendingar erum víst svo kirfilega í Schengen að við getum okkur hvergi hreyft fyrir paragröffunum í þeim samningi. Það er ekki einu sinni refsivert að framvísa fölsuðum skilríkjum í Keflavík. Og pappíralausir hælisleitendur eru komnir á göturnar án teljandi tafa.

Vonandi eru norsku hríðskotabyssurnar billegu komnar á leiðarenda svo þær trufli ekki okkar vinstrisinnuðu kvenskörunga. Það er um að gera að vera ekki að búast við að eitthvað ljótt geti borist hingað til lands, svo langt frá heimsins vígaslóð.

Hvar eru þessi landamæri Íslands eiginlega? Er einhver ástæða til að líta eftir þeim eitthvað grennra eftir atburðina í París?  

Enga flóttamenn hér

Já þið heyrið rétt. Enga flóttamenn hér.                  

Þannig hljóðar framlag Saudi-Araba til flóttamanna frá Sýrlandi. Sem eru þó Arabar og tala sama mál og Saudar.Og Saudar eiga peninga.

Þessar tjaldbúðir standa í Mina rétt hjá Mekka í Saudi arabíu. Þær eru með fullkomin hita-og loftræsitæki, brunavarnir, og hátalara.Þær rúma 3 milljónir manna.Þær standa tómar.

Nei, þeir taka ekki einn einasta flótamann þessir gestir Forseta vors. Og engar af þessum Arabaþjóðum þarna í kring. Kemur þeim ekki við.

Er þetta ekki svipað og við hefðum sagt við Vestmannaeyingana þegar þeir sigldu til lands vegna eldgossins. Burt með ykkur, við viljum ykkur ekki.Hvað hefði þjóðkirkjan okkar sagt  við svona framkomu? Hvað skyldi Hallgrími Helgasyni finnast? Bara allt í þessu fína?

Þannig er bara kærleikshugsunin í Islam og Kóraninum. Við gerum engar athugasemdir við Sauda. Þessi afstaða er þeirra innanríkismál. Við virðum hana og bjóðum þeim bara á Bessastaði.

Við á Vesturlöndum eigum að sjá um þetta flóttamannavandamál. 

Enga flóttamenn hér segja Saudi Arabar.