Hvað með bankana?

Arajón og Íslands?

Eiga kröfuhafarnir að hafa sjálfdæmi um að raka íslenskan almenning næstu 5 ár? 

Er einhver sérstök ástæða til þess að  minnast Steingríms Jóhanns með þeim hætti að láta kröfuhafana stjórna arðtöku bankanna næstu fimm ár? Hvað eru þeir ekki búnir að þéna á frá hruni?

Er engin kylfa til úr því að þeir vilja ekki gulrótina?

 

Lars Lökke Rasmusen

vill komast til valda í Danmörku. Hann setur innflytjendamálin á oddinn.  og segir í Jyllands-Posten:

 

"Við erum neydd til að velja úr."

Þannig mælir formaður Venstre, Lars Lökke Rasmusen, á nýafstöðnum blaðamannafundi, þar sem útspil flokksins útlendingamálum sem lengi hefur verið beðið eftir,var kynnt.

Fyrir stuttu var útspilið "Danmörk fyrir þá sem geta og vilja", valið af þingflokki Venstre. Einn þingmaður fékk sig þó ekki til að skrifa undir tillöguna um aukna mismunun innflytjenda, nefnilega Eyvind Vesselbo.

En Venstre ætlar að mismuna.

Markmiðið er að fá fleiri af"hinum réttu" innflytjendum til Danmerkur og færri af "hinum röngu"  sagði Lars Løkke Rasmussen. Hvort koma fleiri eða færri innflytjendur hingað er ekki afgerandi fyrir Venstre bætti hann við.

”Brautin til Danmerkur er vinna eða menntun. Komi maður til Danmerkur og hafi þá hæfileika sem við sækjumst eftir þá er hann velkominn. Komi maður til Danmerkur í öðrum tilgangi er maður ekki velkominn"sló formaður Venstre föstu.

"Hinir réttu" eru samkvæmt Venstre borgara frá háþróuðum löndum, sem menningarlega og efnahagslega minna á Danmörku. Þessir innflytjendur skulu hafa greiðara aðgengi en innflytjendur frá löndum sem gæti orðið erfitt að aðlaga, skulu fá ógreiðara aðgengi.

Reglurnar taka til þeirra landa sem eru á lista ESB yfir vísa-frjáls ríki.Kostur einn við þessi lönd er samkvæmt Lars Lökke Rasmusen er trygging fyrir því að Danmörk geti vísað brott eða sent til síns heima þá innflytjendur sem ástæða kann að verða til.

Annað skilyrði Venstre fyrir jákvæðri sérmeðferð er að landið sem um ræðir standi hátt á lista SÞ um Mannræktarvísitölu-lista sem mælir fátækt, lestrar-og skriftarkunnáttu, menntun, heilbrigði og margt fleira.

Borgarar frá þessu löndum skulu fá jákvæða sérmeðferð til að þeir geti fengi atvinnuleyfi ef þeir hafa vinnu sem gefur þeim að minnsta kosti 215,000 Dkr í árslaun. Þar á móti skal borgari frá minna æskilegum löndum hafa 400.000 Dkr í tekjur til að fá samskonar atvinuréttindi. Í dag eru upphæðirnar 375.000 Dkr.fyrir alla.

Þau lönd sem skulu fá jákvæða meðferð eru Andorra, Argentina, Australien, Barbados, Brunei Darussalam, Canada, Chile, Israel, Japan, New Zealand,  Schweiz, Seychellerne, Singapore, Sydkorea og USA.

Jafnhliða þessu vill Venstre fjarlægja Græna-korts-regluna og jákvæðnilistann sem flokkurinn stóð sjálfur fyrir við þúsöldina.

Seinustu vikur hefur útspil Venstre fengið mikla umræðu og vakið miklar deilur.Það má ekki hvað síst rekja til að uppkastinu var lekið til fjölmiðla í síðustu viku. Nú stendur hinsvegar skýrt í leka-útgáfunni að fullunna útgáfan sé nærri eins.

Fleiri Venstre pólitíkusa hafa fyrir fram tekið afstöðu gegn bæði hugsanaganginum, tóninum og skilaboðunum í útspilinu.

Á fimmtudaginn tók fyrrum ráðherra Venstre Eva Kjer-Hansen afstöðu gegn tillögunni.

"Útlendingapólitík Venstre á ekki að skírskota til innri-svínahunds fólks. Við gerum kröfur sem eru eins fyrir alla. Enginn skal vera  sekur að líkum skrifaði hún á Twitter.

Á undan henni höfðu stjórnmálamenn eins og Jens Rohde,Birte Rönn Hornbech og Eyvind Vesselbo mótmælt útleggingu útlendingapólitíkur Venstre sem Inger Stöjberg hafði sett  fram í Berlingske.

Deilurnar fóru ekki heldur  framhjá nefi Lars Lökke Rasmussens. Hann lýsti þeim sem "dálítið ofstopafullum"...

 

Á blaðamannfundinum sem fram fór í flottu umhverfi í Maribo gerði Lökke það þó klárt að Venstre vill aðeins flokka útlendinga útfrá hlutlægu mati sem ekki skal gera greinarmun á trúarbrögðum eða kynþætti. ...

..."Þess vegna getum við að hluta til verið á móti og rökrætt hversu langt samþykktir geti náð og í sérstökum tilvikum velja að vera ekki bundnir af alþjóðlegum skuldbindingum, ef þær leiða til óásættanlegrar niðurstöðu. Þetta felur í sér "uppsögn núverandi samþykkta" stóð í fyrstu drögum.

Í endanlegri útgáfu undirstrikar Venstre að ný útlendingapólitik "muni auðvitað virða alþjóðlegar skuldbindingar Danmerkur". Þó með þeirri undantekningu sem heitir ríksifangslausra- samþykkt SÞ frá 1961. Það skal ekki alltaf fara eftir henni heldur Venstre fram.  

Venstre vill nefnilega ekki gefa ríkisborgararétt í ítrasta-en áþreifanlegu-tilfelli, þar sem ríkisfangslaus persóna samkvæmt uplýsingadeild Lögreglunnar(PET) ógnar dönsku samfélagi. Til þessa þvingar ríkisfangslausra- samþykktin Danmörku til að gera. En eins og Lars Lökke Rasmussen sagði:

"Ég held ekki að að einhver hafi setið og hrópað Húrra!. Nú skulum við gera hryðjuverkamennina að dönskum ríkisborgurum"

Það er auðvitað áberandi hjá Lars Lökke eins og öðrum stjórnmálamönnum á Vesturlöndum að þeir eru skíthræddir að ræða þessi mál þó að almenningur sé ekki í vafa um hvað hann vill. Enginn stjórnmálaður íslenskur segir upphátt að íslenskt ríkisfang sé auðlind og forréttindi sem okkur beri að fara vel með.

 

Lars Lökke Rasmussen má þó eiga það að hann er að hreyfa málum sem brenna á almennu fólki sem sættir sig ekki við óstjórnað flóð framandi útlendinga eins og hinn nýi pólitíski Rauði Kross Íslands er farinn að boða okkur Íslendingum.

 

 

Á virkilega að borga BHM?

kaup allan verkfallstímann?

Það segir sig sjálft að þeir reikna með því sem gefnu. Annars væru þeir farnir að vinna. Tapið af 10 vikna verkfalli næst aldrei inn þó þeir fái 10 % kauphækkun strax. Það tekur þá ár að vinna hvern einn verkfallsmánuð til baka. Og þá á verðbólgan sem þeir ollu eftir að taka sinn toll.

Á að gildir sama um hjúkrunarfræðinga? Þeir hóta að fara úr landi annars. Það er eins og að þeir eigi störfin. Eru kannski fáanlegir hjúkrunarfræðingar erlendis frá? Læknar? 

Á virkilega að borga fólki kaup fyrir að vera í verkfalli?

Strákarnir okkar

eru loksins að gera það.

Sigmundur Davíð,Bjarni Benediktsson hafa núna talað á vel undirbúinn hátt með tveimur hrútshornum við slitastjórnirnar og kröfuhafana.  Þessir aðilar mega vinsamlega samþykkja það sem í boði er. Annars.....Már Guðmundsson og Seðlabankinn mega eiga það sem þeir eiga í góðum undirbúningi aðgerðanna sem kynntar voru í dag. 

Allt málæðið sem skilanefndunum hefur liðist að hafa uppi til lítils gagns nema fyrir þeirra eigin buddur frá 2009, skal taka enda.

Þeirra erindsbréf er núna klippt og skorið. Fáið samþykki kröfuhafanna til að ganga að okkar boði eða ekki. Ríkisstjórnin og löggjafinn hafa ákveðið leikreglurnar. Samþykkið þær ekki bara að hluta til heldur í öllum atriðum. Annars greiðið þið 39 % stöðugleikaskatt eftir áramótin. Áætlað til greiðslu í apríl 2016 850 milljarðar.Það var íslenska þjóðin sem varð fyrir mesta skaðanum. Nú er komið að því greiða bætur fyrir hann.

Ég er bara upp með mér af frammistöðu strákanna okkar í dag. Þeir eru búnir að sýna það að þeir geta látið hendur standa fram úr ermum. Ekkert BS heldur beinharðir peningar.

Alþingi samþykkti þessa áætlun samljóða. 

Er ekki endurheimt bankanna og viðsnúningur afglapa Steingríms Jóhanns næsta mál á dagskrá? Hljóta ekki erlendu kröfuhafarnir að skilja nauðsyn samninga fyrir þá  þegar heil þjóð stendur sameinuð á móti þeim undir einbeittri forystu? 

Hafa strákarnir okkar ekki aldeilis tekið á því?

 

 

 

 

 

750 flóttamenn

frá Afríku og Mið-Austurlöndum á hverju ári er það sem "Guðjón bak við tjöldin" sem flestu ræður hérlendis, virðist vera búinn að ákveða fyrir Íslendinga. Rökin eru þau, að þá verðum við hálfdrættingar á við Svía.

 

Hvað er sýrlenskur flóttamaður?

Er það ekki maður sem vill ekki berjast með öðrum hvorum stríðsaðila í Sýrlandi? Vill ekki ganga í ÍSIS eða her Assads? Vill bara stinga af?

Hvað er lýbískur flóttamður? 

Er það ekki maður sem vill heldur ekki berjast fyrir frelsi lands síns? Vill bara stinga af? Hittir glæpamenn ISIS sem selja honum far í árabát? Sem svo einhverjir bjarga fyrir utan landhelgi og flytja til Ítalíu? 

Hvað er sómalskur flóttamaður?

Er hann ekki bláfátækur og stríðshrjáður? Veit hann ekki að komist hann til Ítalíu þá á hann möguleika á að fá betri lífskjör en hann hefur?

Af hverju erum við Íslendingar farnir að bera ábyrgð á stjórnmálaástandi í öðrum löndum? Berum við ábyrgð á ástandinu innanlands í Sómalíu, Libýu eða Sýrlandi? Af hverju eru flóttamenn þaðan okkar vandamál?

Eiga flóttamenn yfirleitt að vera til? Á að leyfa þeim að flýja til annarra ríkja? Eiga þeir ekki að vera kyrrir innan sinna landamæra og axla sína stjórnmálalegu ábyrgð? Má ekki frekar senda hjálpargögn þangað?

Menntaður innflytjandi eftir löglegum leiðum getur orðið okkar landi til gagns. Ómenntaður múslími af framandi kynstofni er mun líklegri til að valda okkur kostnaði og óþægindum.

Af hverju á að láta "Guðjón bak við tjöldin" ákveða si svona að hingað eigi að koma 750 óflokkaðir flóttamenn á hverju ári?

Eigum við hvergi 750 landvarnamenn?

 

Jafnstöðuafli

var á Íslandsmiðum lengi áður en kvótakerfið var fundið upp.

Svo skrifar Kristinn Pétursson:

"

Erlendar þjóðir veiddu samtals 246 þúsund tonn á ári að meðaltali í 73 ár fyrir utan afla Íslendinga. Aldrei var neitt "hættuástand" skilgreint og allt í fínu lagi.

Landhelgin var svo færð út í 200 sjómílur 1975 og "stjórnun" hófst sem lofaði 500 þúsund tonn jafnstöðuafla í þorski...

8 árum eftir útfærslu landhelginnar í 200 mílur - reiknuðu "sérfræðingarnir" út neyðarástand 1983...

Komið var á "stjórnun" veiða með aflakvótum til að "byggja upp stofninn"....

Allt tímabilið síðan hefur ríkt "neyðarástand" á hverjum áratug - þorskaflinn hefur verið að rokka 35-50% af því sem var í "stjórnleysinu".

Samt eru margir að berja sér á brjóst yfir "gífurlegum árangri" - með aflann 50% af því sem var....

Hvað er að - hjá einhverjum??"

Skyldi Sjálfstæðisflokkurinn hugsa sér að endurheimta fylgi sitt með því að standa vörð um kvótakerfið í óbreyttri mynd til eilífðarnóns? Gefa makrílinn til sægreifanna þrátt fyrir 50 þúsund undirskriftir gegn því?

Hvað skyldu Píratar gera í fiskveiðistjórnunarkerfinu? Skyldi þeim finnast það best í heimi? Hvaða jafnstöðuafla skyldu þeir ákveða?

 

 

Dollaramerki í augun?

fæ ég að minnsta kosti þegar maður les um að bankarnir séu búnir að raka 383 milljarða af íslenskum almenningi frá hruni.

Þó að Murphy segi réttilega að það sé ósiðlegt að láta fífl halda peningum sínum, þá spyr ég mig hvort ekki sé neitt sóknarfæri í stöðunni fyrir þessi sömu fífl?

Íslendingar hafa hingað til umsvifalaust stimplað þá fífl sem selja mjólkukúna sína. Steingrímur J. gerði enn betur þegar hann hreinlega gaf erlendum hrægammasjóðum tvo af þremur mjólkandi þjóðbönkum okkar.

EN!

Það hafa verið leiddar að því líkur að hann hafi verið umboðslaus til að gera þetta. Það kannast enginn við að hann hafi ráðfært sig við þá sem honum bar. Því er dregið í efa að gerningurinn standist nokkur lög.

Sé svo, fer þá ekki að verða spurning um eignarhaldið á milljörðunum sem þegar eru komnir? Og ekki síður á þeim nærri hundrað sem væntanlegir eru á ári hverju héðan af sem hingað til?

Er þetta ekki dýrasta hnoss sem nokkur Krösus heimssögunnar hefur gefið nokkrum nokkurn tímann? Hvaða heiðursmerki getur ein þjóð búið til sem hæfir slíkum afreksmanni?

Sá maður hlýtur að vera fágætur sem getur ekki fengið dollaramerki í augun þegar kostur getur verið á að við þjóðarfíflin eignumst slíka gróðalind?  

Örn Gunnlaugsson

atvinnurekandi skrifar afbragðsgrein í Mbl.um það öngstræti sem íslensk verkfallapólitík er komin í.

Þetta sama ástand ríkti á tímum Margrétar Thatcher í Bretlandi og var búið að draga svo máttinn úr bresku efahagslífi að Bretland var orðið "veiki maðurinn" í Evrópu. Thatcher tókst  með ýmsum ráðum að koma skikki á þessi mál og hefur hagur Breta farið vaxandi eftir það.

Útilokað er að koma þessum málum frá hér á Íslandi á svipaðan hátt vegna smæðar landsins. Hinsvegar ætti öllum sem horfa á þessi mál eins og Örn að vera ljóst að efnahagsleg framtíð landsins er undir því kominn að hér með'gi ráða einhverja bót á.

En gefum Erni orðið:

"Nú er nýlokið atkvæðagreiðslu viljugra félagsmanna í Eflingu um boðun verkfalls. Viljugir félagsmenn sem eru minnihluti meintra félagsmanna eru þar væntanlega sjálfviljugir. Stærsti hlutinn sem sagður er félagsmenn eru það hins vegar vegna þess að þeir eru nauðugir viljugir félagsmenn.

Það er nefnilega svo að almennir launamenn hafa ekkert um það að segja hvort þeir eru í verkalýðsfélagi eða ekki og þetta er lögvarinn réttur félaganna til að þröngva aðild upp á þá sem ekki kæra sig um að vera í slíkum félagsskap. Þessir aðilar vilja almennt ekkert um þennan félagsskap vita og eru því algjörlega óvirkir félagar enda þröngvað til aðildar og látnir greiða félagsgjald til slíkra samtaka.

Þetta kom vel í ljós í nýafstaðinni atkvæðagreiðslu um verkfallsboðun hjá Eflingu og reyndar líka VR. Af þeim tæplega fimmtán þúsund aðilum sem sagðir eru vera í Eflingu, þ.e. bæði viljugir og nauðbeygðir, greiddu rúmlega þrjú þúsund atkvæði með verkfallsboðun eða 22%. Hér er það lítill minnihluti félagsmanna sem ákveður að fara í verkfall og hafa lögvarinn rétt til að neyða stærri hlutann með sér í slíkar aðgerðir.

 

Sjálfur hef ég aldrei verið sjálfviljugur í verkalýðsfélagi þó ég hafi verið neyddur til að greiða félagsgjöld meðan ég var almennur launamaður. En þar sem þessi tilhögun var gegn vilja mínum leit ég svo á að ég væri ekki raunverulegur félagsmaður og skipti mér því ekkert af því starfi sem þar fór fram. Hefði ég skipt mér af starfi þessara félaga á einhvern hátt hefði ég þar með óbeint viðurkennt aðild mína sem sjálfviljugur félagsmaður sem ég var ekki.

Ég er þeirrar skoðunar að það að banna fólki aðild að verkalýðsfélagi sé ofbeldi og nauðung. Hins vegar er það ekki minna ofbeldi og nauðung að skikka fólk með lögum til aðildar að verkalýðsfélagi. Hvers vegna ætti fólk ekki að fá að ráða því sjálft í hvaða félagsskap það er? Það myndu sennilega flestir félaga minna reka upp stór augu ef þeir sæju nafn mitt meðal félaga í einhverjum golfklúbbnum, þó ekki nema fyrir yfirlýsingar mínar um hve vitleysisleg þessi letiíþrótt er að mínu mati. En verkalýðsforystunni þætti sjálfsagt eðlilegt að skikka mig í slíkan félagsskap bara vegna þess að ég hef gaman af að taka nokkrar brautir í minigolfi á góðum sólardegi.

Það er orðið löngu tímabært að breyta lögum um aðild launþega að stéttarfélögum þannig að þeim sem ekki vilja eiga aðild að slíkum félagsskap sé ekki þröngvað til þess. Þá þarf að skilgreina fjölda þátttakenda í mikilvægum málum eins og verkfallsboðun þannig að atkvæðagreiðsla sé einungis gild við ákveðna lágmarksþátttöku félagsmanna í atkvæðagreiðslu, t.d. tvo þriðju.

Þá er alveg galið að stórir vinnustaðir eins og Landspítalinn sé meira og minna óstarfhæfur árið um kring vegna fjölda fámennra stéttarfélaga þar í skæruhernaði - á slíkum vinnustöðum á að vera aðeins einn viðsemjandi og einn vinnustaðarsamningur.

 

Þá er það umhugsunarvert hvers konar samningar það eru þegar fyrirtækin eru nauðbeygð til að semja við einungis einn aðila en eiga ekki val um að snúa sér annað sé sá aðili svo ósveigjanlegur að ekki er nokkru tauti við hann komandi, að ekki sé minnst á ef kröfurnar eru langt út fyrir það sem talist geti raunhæft og sanngjarnt.

Núverandi fyrirkomulag þessara hluta er löngu gengið sér til húðar. Svo væri ágætt að forystumenn verkalýðsfélaganna litu í eigin barm við ákvörðun á töku eigin launa. Áður þótti gott að skipstjórinn hefði tvo hluti á við þann lægsta og ef slíkt fyrirkomulag hefði verið við lýði í þessum efnum þá væru kjör lægstlaunuðu umbjóðenda þeirra e.t.v. eitthvað skárri nú en raun ber vitni."

Örn lýsir því hversu fráleitt það er að ætla yfirvöldum að reka Landspítala með sæg af smáum verkalýðsfélögum innanborðs, sem öll geta stöðvað reksturinn að einhverju leyti.

Er virkilega ekki hægt að fá vitræna umræðum um verkalýðsmál af stað á Íslandi öðru vísi en að hún leysist upp í kapp í uppnefnum og óhljóðum? Vill fólk ekki sjá hvað núverandi lög um stéttarfélög og vinnudeilur eru að gera þjóðinni?

Sjáum við ekki eins og Örn Gunnlaugsson að þetta er óskynsamt að halda svona áfram?

Hversvegna?

er það allt í lagi að Steingrímur J. Sigfússon gefi 2 banka af eigum íslenska ríkisins til erlendra hrægammasjóða sem nota gjafirnar til að þrengja að íslenskum heimilum?  Af hverju er það allt í lagi að sami Steingrímur gefi VBS og Saga Capital tugi milljarða til þess að fara með í gjaldþrot?      

Af hverju er það bara allt í lagi að hann fleygi milljörðum af ríkisfé í gjaldþrota sparisjóði,  BYR og SpKef?

Af hverju getur hann fleygt milljörðum af ríkisfé í tryggingafélag í einkaeign af því að eigendurnir eru búnir að hirða heilagan bótasjóð þess til einkanota sem var myndaður af sérstöku óhöfnu skattfé ríkisins? Já og sluppu víst með það?

Allt þetta  gerir þessi Steingrimur Jóhann án þess að hafa lagaheimildir til? Samflokksmenn hans og samverkamenn,  Dr. Lilja Mósesardóttir, Atli Ingibjargar Gíslason og Jón Bjarnason bera um þetta opinberlega vitni í blöðum í dag.

Allt þetta gerir þessi Steingrímur J. Sigfússon án þess að hafa kynnt aðgerðirnar í ríkisstjórn sinni.

Var ekki Geir H. Haarde forsætisráðherra Sjálfstæðisflokksins dreginn fyrir Landsdóm og krafist fangelsunar hans vegna skorts á samtölum við samráðherra sína, sem sumir voru svo alþekktar lekabyttur að þeim varð ekki treyst fyrir neinu?

 

Á Steingrímur J. Sigfússon bara að hljóta æðstu metorð og medalíur fyrir framgöngu sína? Verða hugsanlega gerður að sendiherra hjá virtu ríki við starfslok á þingi?

 

Var það ekki Forseti Íslands sem kom í veg fyrir að þessi sami Steingrímur hefði hrundið þjóðinni í eilífan Icesave skuldaþrældóm þegar hann vildi framkvæma mesta heimskupar sitt?

Hversvegna dettur engum Landsdómur í hug þar sem stjórnarathafnir Steingrims J. Sigfússonar yrðu vegnar og metnar? Hversvegna eiga aðrir standardar fyrir vinstri menn en hægri menn að gilda í okkar réttarkerfi?

 

 

Stórkostlegar myndir

voru mér sendar af vini mínum í Bandaríkjunum.

WHEN YOU LEFT CLICK ON EACH PICTURE.... HOLD IT -- AND DRAG YOUR MOUSE

GENTLY FROM LEFT TO RIGHT ON THE ORIGINAL PHOTO . . .  ANDIT WILL BECOME

THE EXACT SAME LOCATION IN 2014 ... 70 YEARS LATER.

DRAG IT BACK OVER (FROM RIGHT TO LEFT) AND YOU ARE IN 1944AGAIN.  

ADESCRIPTION OF EACH LOCATION IS AT THE BOTTOM OF EACH PICTURE

The70 year difference is *AMAZING* !!!

 

clickhere:  http://interactive.guim.co.uk/embed/2014/apr/image-opacity-slider-master/index.html?ww2-dday

 

Ef maður fer á slóðina þá koma myndir frá Frakklandi frá 6.júní 1944 og síðar. Ef maður setur músarbendilinn í miðjuna og dregur síðan með hnappinn niðri þá  ÞÁ   birtast undur. Svona týnist tíminn, svona týnist tíminn. 

 

ÓTRÚLEGAR breytingar á stórkostlegum myndum teknum á nákvæmlega sama stað. Tilkomumest er myndin frá Omaha Beach að sjá alla þann gríðarlega massa sem er að fara í land þarna. Og svo friðsældina í dag.