Páll Vilhjálmsson

fyrrum kjósandi VG árið 2009 skrifar svo á blogg sitt:

"Andófsflokkarnir fimm sem þykjast ætla smíða ríkisstjórn eiga eitt sameiginlegt: að vera á móti.

Viðreisn var búin til af fáeinum sjálfstæðismönnum sem urðu undir á landsfundi. Píratar eru mótamælahreyfing eftirhrunsins. Björt framtíð er afgangurinn af brandaraandófi Besta flokksins. Slagorð Samfylkingar er ,,ónýta Ísland". Vinstri grænir urðu til vegna þess að Steingrímur J. og Ögmundur höfnuðu hjónasæng Samfylkingar um aldamótin.

Andófsfólk gengur fyrir mótmælum, samanber uppákomur á Austurvell síðustu tvö kjörtímabil. Ein þau fáfengilegustu voru jæja-mótmælin, sem voru til þess eins að hittast við styttu Jóns Sigurðssonar og sýna fram á ,,áhrifarík mótmæli". Enginn málstaður, aðeins mótmæli.

Mótmælendur kunna ekki að stjórna; innsta eðli þeirra er að vera á móti. Þeir neita málamiðlunum enda sjaldnast hægt að henda reiður á hverju þeir eru fylgjandi. Fúll á móti getur ekki stjórnað, ekki einu sinni sjálfum sér hvað þá öðrum.

Katrín Jakobsdóttir er varla með svo lága pólitíska greindarvísitölu að hún haldi að fimm flokka mótmælastjórn lifi lengur en fáeina mánuði. Líklegast er að fimm flokka sýningin sé leikrit fyrir jæja-fólkið. Mótmælin liggja í loftinu og vinstriflokkarnir verða að gera eitthvað. Bara eitthvað."

Merkilegt ef Katrín Jakobsdóttir áttar sig ekki á því, að fimm flokka stjórn sem springur er hennar pólitíska Requiem. Endir hennar pólitíska trúverðugleika.

Píratar hafa engu að tapa. Þjóðin horfði á Birgittu flissa og veifa Panamaspjaldinu og með flírugangi hennar um að hann væri nú skrítinn þessi þegar Sigurður Ingi fékk orðið. Þjóðin horfði líka á Sigmund Erni tönnlast á því í ræðustól Alþingis að á einu augabragði..osfrv.Sigmundur tók á sínu máli.En Birgitta? Hún er líka sögð vera eftirlýst af FBI í Bandaríkjunum og hún hefur ekki verið hreinsuð af njósnatölvunni á Alþingi þó Össur hafi svæft málið.

Er Birgitta Jónsdóttir sá ráðherra í ríkisstjórn Íslands með Smára McCarthy stærðfræðingi sem þjóðin þráir?

Er Þorgerður Katrín trúverðugur ráðherra viðskiptasiðferðis?

Er Benedikt Jóhannesson úr Nýherja trúverðugur sem vill ekki kannast við aðalstefnumál flokksins síns og það verði að ræða í framhaldi samingaviðræðna við ESB?

Verður þetta sú ríkisstjórn gagnsæis og heiðarleika sem þjóðin talar svo drjúgt um um?

Hverju hefur þetta fólk yfir að ráða sem þá Sigmund Davíð og Bjarna Benediktsson skortir sér til óhelgi?

Maður spyr sig spurninga eins og Páll Vilhjálmsson.

 

 

Útvarp Saga er að missa sig

í djöfulgangi yfir því að Póst-og Fjarskiptastofnun vildi fá 99.4 MHz afhenta sem er gölluð rás því hún heyrist ekki í mörgum amerískum bílum í staðinn fyrir 102.1 MHz. Þeir vilja að ekkert útvarp eigi að hafa fleiri en tvær FM rásir.

Útvarpshjúin á Sögu svara löngum og löngum ekki bréfum frá stofnuninni sem tilkynnir þeim þá að þau megi þá hafa þetta óbreytt áfram sem er að Saga hefur 99.1 MHz  og 99.4. eins og var áður en 102.1 MHz bættist við í tilraunaskyni.

Þá verða þau vitlaus skötuhjúin á Sögu og þruma um ofsóknir gegn sér.

Þetta eru ekki ofsóknir heldur er verið að spyrja þau hvort þau vilji frekar hafa 102.1 eða 99.4. Þau klúðra svörunum og missa sig í vitleysunni. Auðvitað eiga þau að þiggja 102.1 MHz og skila 99.4 MHz þar sem hin tíðnin er miklu betri Nei þá æsa þau sig upp og heimta að halda 99.4 líka til viðbótar við 102.1 af því að Jón Ásgeir og RÚV hafi fleiri tíðnir. Staðreyndin er sú að þeir standa á gömlum merg og þá var ekki þessi núverandi eftirspurn sem takmarkar þær rásir sem í boði eru á FM bandinu sem er á bilinu .

Andavarleysi Arnþrúðar leiðir til þess að þessi ákvörðun er tekin:

Ákvörðun nr. 15/2016 Synjun um úthlutun á aukatíðni fyrir Útvarp Sögu og stöðvun á notkun tíðninnar 102,1 MHz.

Þar segir m.a.:

"FM tíðnisvið er frá 87,5 til 108,0 MHz. Við úthlutun á FM rás/tíðni er yfirleitt haft 400- 500 kHz bil á milli rása, t.d. 91,4 og 91,9 MHz. Þetta er gert til að tryggja að truflanir séu sem minnstar. Almennt er hver dagskrá með eina tíðni fyrir hvert svæði sem getur tryggt viðunandi dreifingu á merkinu. Verið er að útvarpa um 25 dagskrám á Suðvesturlandi, flestum á höfuðborgarsvæðinu. Miðað við núverandi skipulag þar sem þarf að vera a.m.k. 0,4 MHz bil á milli tíðna (e. guard band)) er ljóst að FM-tíðnisviðið væri fljótt að fyllast, ef orðið væri við óskum aðila um aukatíðnir fyrir sérhverja dagskrá. Minnt er á að fyrir hendi þurfa að vera lausar FM-tíðnir fyrir skammtímahljóðvarp, s.s. hljóðvarp sem tengist tilteknum viðburðum á borð við skólahljóðvarp. Auk þess þarf að vera svigrúm fyrir innkomu nýrra aðila á markaðinn."

Þarna er nú samkeppnisandinn afhjúpaður því Útvarp Saga vill bara slást og halda þremur tíðnum sem eru ekki í boði.Hún er ekkert betri en LÍU sem heimtar sífellt meiri kvóta. Hún vill heldur maður helst sölsa undir sig enn fleiri tíðnir til að torvelda samkeppni frá nýjum aðilum? Er þetta nú ekki stormur í vatnsglasi fremur en að verið sé að eyðileggja Útvarp Sögu?

Þið eruð stórkostlegir útvarpsmenn bæði tvö, Arnþrúður og Pétur. Hættið þessu væli og útvarpið á 102.1 og 99.1 eins og í boði var því 99.4 var gölluð frá upphafi og hentar ekki.

Og hættið að missa ykkur svona vegna svona ástæðna.

 

 

Fróðleg afglapasaga

er samantekt yfir viðskipti gamla Glitnis í Morgunblaðinu í dag eftir að hann kemst í vald Jóns Ásgeirs og félaga hans.

Þetta er saga hlutfélags sem var bankinn minn fram að þessu og ég hafði keypt í hlutabréf með súrum sveita.

Þetta samsafn viðskiptajöfra, sem þeir töldu sig vera, náðu hlutafélagsbankanum undir sig. Þannig gátu þeir margfaldað svik sín við hvert fótmál.

Afleiðingin sýnir til hvers áhrif svona kjölfestufjárfesta í almenningshlutafélögum geta leitt. Ef um hefði verið að ræða menn með meðalgripsvit í viðskiptum, þá hefði þetta kannski geta gengið og verið jafnvel enn í gangi. En þessir jólasveinar, áttu það helst sameiginlegt að tapa á svo til öllum fléttum sem þeim datt í hug og voru svo sífellt að selja töpin sín á milli í sýndarviðskiptum. 

Auðvitað er þetta bara sagnfræði og maður fær aldrei bankann sinn né neitt til baka. Þessir kónar ganga hinsvegar að mestu frjálsir um og lifa flott á þeim peningum sem þeim tókst að stela undan í hruninu.

 

Það er fróðleg afglapasagan um fléttur Glitnis í Morgunblaðinu sem fólk ætti að lesa. 

 

Lítil þúfa

 

Jóna Björg Sætran ritar fróðlega grein í Morgunblaðið 18.nóvember 2016. Henni er sjálfsagt ætlað ap vekja athygli á bágum kjörum kennara sem vinna við erfiðar aðstæður fyrir lítið kaup.

En af hverju er vandi grunnskólans svona hroðalegur að þriðjungur nemenda er ólæs og óskrifandi við útskrift. Þetta var ekki svona í gamla daga. Af hverju er þetta svona?

 

Í greininni stendur m.a.:

„Menntastefna landsins leggur áherslu á „skóla án aðgreiningar“ þar sem öll börn eiga rétt á setu í almennum bekkjardeildum. Þetta hefur í för með sér að í nemendahópi geta verið börn sem þurfa mjög mismikla aðstoð í kennslustundum því færni þeirra og þroski getur verið afar mismunandi þó svo að þau séu öll fædd á sama ári. Þess utan geta nemendur átt við samskipta- örðugleika að etja, ýmiss konar hegðunarvandamál og kvíða, auk þess sem einbeitingarskortur, athyglisbrestur og ofvirkni eru algeng verkefni sem almennur kennari þarf að takast á við í fari nemenda sinna í kennslustundum.“

 

Þarna er að finna þá litlu þúfu sem hefur eyðilagt íslenska grunnskólakerfið.

Hver er ábyrgur fyrir þessari þúfu?

Hver viðheldur henni?

Hversvegna er ekki hægt að breyta henni?

 

Jón Björg lýsir afleiðingum þúfunnar í smáatriðum

1. Þetta hefur í för með sér að í nemendahópi geta verið börn sem þurfa mjög mismikla aðstoð í kennslustundum því færni þeirra og þroski getur verið afar mismunandi þó svo að þau séu öll fædd á sama ári
2. Þess utan geta nemendur átt við samskipta- örðugleika að etja, ýmiss konar hegðunarvandamál og kvíða, auk þess sem einbeitingarskortur, athyglisbrestur og ofvirkni eru algeng verkefni sem almennur kennari þarf að takast á við í fari nemenda sinna í kennslustundum.

 

Undirritaður var alla sína skólatíð í kerfi þar sem voru A-bekkir, B-bekkir, C-bekkir og þannig áfram. Í kennslunni miðaðist hraðinn við það meðaltal sem ríkti í bekknum. Þörfum hvers og eins var sinnt eins og kostur var. Ég man ekki annað en að D-bekkingar hafi alveg plummað sig í lífinu þó þeir hafi kannski ekki flestir orðið stúdentar.

 

Finnst einhverjum núverandi kerfi lýsa einhverju almennu verksviti?

Ef þú ættir að leysa það verkefni að kenna sem flestum að lesa, skrifa og reikna, myndir þú fara að eins og Jóna Björg lýsir því að raða í bekkina?

Raða saman upprennandi glæpamönnum með andfélagslega hegðun, útlendingum sem ekki skilja málið og geta ekki lært neitt af þeim sökum, tossum sem þurfa sérstaka aðstoð og svo krökkum með afburða námsgáfur?

 

Allt vegna þess að einhver andlitslaus sérfræðingur fann upp hugtakið skóli án aðgreiningar. Enginn veit hver hann er þessi snillingur. Þetta er bara svona stefna.

Alveg sama hverskonar ríkisstjórn er hér kosin til valda, alveg sama hver er menntamálaráðherra. Bara að stytta áfangann til stúdentsprófs til að spara einn bekk er aðalmálið? Ekki að gera fólk sjálfbjarga eftir grunnskóla?

 

Er það furða þó grunnskólakennari krefjist bara miklu hærri launa vegna þess að þurfa að starfa við svona galnar aðstæður? Vera neyddur til að skila af sér ólæsum nemendum og óreiknandi upp úr grunnskóla, sem nemur þriðjungi nemendafjöldans?  

Maður myndi halda að það þyrfti kraftaverk til að geta þroskað nokkurn hæfan einstakling upp úr þessu umhverfi.

Þetta er því galið umhverfi, galin uppsetning og leiðir til óbærilegs skaða á þjóðinni  og allar æðri menntunar hennar. Með þessu fyrirkomulagi er skipulega verið að vinna að eyðileggingu meirihluta meðalgreindra íslenskra barna og ýta þeim yfir í draumaveröld spjaldtölvuleikja og kláms á netinu í stað þess að kenna þeim að lesa, skrifa og reikna.

Oft veltir lítil þúfa þungu hlassi.

 

Harmleikir

gerast hér með reglulegu millibili vegna verkleysis Útlendingastofnunar í afgreiðslu hælisumsókna.

Af hverju er þetta látið viðgangast að þessi stofnun sé rekin með þessum hætti ár eftir ár?

Það þarf enginn að segja manni að afgreiðsla sem fer eftir verklagsreglum geti ekki gengið hraðar fyrir sig. Það gengur ekki að safna í mannlega harmleiki sem gera þjóðina sturlaða í kærleika sínum. Áður sá hann Árni Sigurjónsson víst um þetta að mestu leyti einn síns liðs að manni skilst. Nú er þetta orðið stofnun undir kvenlegri stjórn sem afgreiðir mest lítið og seint. Eða má kannski ekki tala um þetta?

Af hverju eru Íslendingar að framleiða óþarfa harmleiki með opnum augumsem afleiðing af verkleysi okkar? Sem allir hafa sagt að gangi ekki lengur en gengur samt endalaust lengur og ekkert breytist?  

Olíudraumar Íslendinga

geta verið að fjarlægjast.

Wolfchamp svæðið í vestur Texas er líklega stærsti olíufundur til þessa.Bara liggur þarna og bíður eftir að vera tappað af því. Hagkvæmt að vinna jafnvel þó að olían lækki frá því sem nú er.

Þessi Permíska myndun er talin innihalda 75 billjónir olíufata sem nálgast Ghavarsvæðið Saudi-Arabíska og gríðarlegt gas.

Eru mikil líkindi til að að olíuboranir út í ballarhafi á Drekasvæðinu geti keppt við landvinnslu á þessum stað? Það gæti verið mikil spurning að spyrja.

Lesið meira hér:http://www.star-telegram.com/news/business/article114931993.html#storylink=cpy

Alltaf þegar menn fara að tala um að allt sé að verða uppurið finnst mikið meira af olíu.

Það er varlegra að bíða og sjá hver þróunin verður áður en við látum okkur dreyma mikla olíudrauma fyrir Ísland.

 

Að stíga í takt við þjóðarsálina?

er það það sem búið er að gera í stjórnarmyndunarviðræðunum til þessa?  Eða er verið að mynda stjórnir með útilokunaraðferðum fyrst?

Er stjórnarmyndun Katrínar sem er að stíga á stokk í takt við þjóðarsálina eða fyrst og fremst til að friðþægja öfgaöflunum sem finnast allir aðrir en þeir sjálfir vera fíbjakk?

Óli Björn veltir þessu fyrir sér í Morgunblaðinu í dag.

".... Ein fyrirmyndin er vinstristjórnin 2009 til 2013, þar sem mál sem sundruðu þjóðinni voru sett í forgang; aðild að Evrópusambandinu, umbylting fiskveiðistjórnunar, kollvörpun stjórnarskrár og ítrekaðar tilraunir til að koma Icesave-klyfjunum á herðar þeirra sem ekkert höfðu til saka unnið.

Almenningur sannfærðist um að sundurtætt ríkisstjórnin hugsaði fremur um hagsmuni alþjóðlegra fjármagnsafla og vogunarsjóða en hag íslenskra heimila og fyrirtækja. Þeir voru til sem slógu taktinn fyrir ríkisstjórnina í þeim efnum.

Ný ríkisstjórn forðast fótspor vinstristjórnarinnar eins og heitan eldinn.

Þess í stað vinnur hún að því að tryggja jafnvægi milli dreifbýlis og þéttbýlis, stuðlar að jafnræði atvinnugreina, vinnur að aukinni samkeppni og gagnsæi í allri stjórnsýslu. Heldur áfram endurbótum á almannatryggingakerfinu með innleiðingu starfsgetumats og hlutabótakerfi örorkubóta.

Beitir sér fyrir öflugri og markvissri uppbyggingu heilbrigðiskerfisins sem miðar að því að tryggja bestu heilbrigðisþjónustu sem völ er á fyrir alla landsmenn.

Styrkir menntakerfið, greiðir sérstaklega fyrir verk- og tækninámi og öflugri háskólamenntun. Ýtir undir nýsköpun, ekki aðeins á sviði hátækni heldur ekki síður í matvælaframleiðslu, listum og menningu.

Kemur á jafnræði í lífeyrismálum landsmanna og greiðir um leið fyrir skynsamlegri þróun á vinnumarkaði, auknum sveigjanleika og jöfnuði.

Hrindir í framkvæmd umfangsmikilli fjárfestingu í innviðum samfélagsins, tryggir jafnvægi í búskap ríkisins, greiðslu skulda og stuðlar að lækkun vaxta. Tekur forystu í umhverfismálum og gengst fyrir sátt um nýtingu náttúruauðlinda.

Byggir undir stöðugleika í efnahagsmálum og stjórnsýslu. Vinnur að nauðsynlegum breytingum að stjórnarskrá í víðtækri sátt.

Listinn er lengri.

Eitt þeirra mála sem eiga ekkert erindi á listann er aðild að Evrópusambandinu. Vandi ríkisstjórnar sem beinum eða óbeinum hætti setur aðild eða aðildarviðræður við Evrópusambandið á dagskrá ætti að vera flestum augljós.

Mikill meirihluti þingmanna er andvígur aðild og er samstíga meirihluta landsmanna. Ríkisstjórnin væri því strax í upphafi komin í sérkennilega stöðu (svo ekki sé meira sagt) gagnvart þingi og þjóð. Í kosningunum í lok síðasta mánaðar kölluðu kjósendur ekki eftir að enn einu sinni yrði lagt upp í leiðangur í átt að Brussel. Þvert á móti. Hér skal fullyrt að í hugum yfirgnæfandi meirihluta kjósenda eru önnur verkefni brýnni.

Ríkisstjórnin yrði einnig að glíma við annan vanda. Engar þjóðir geta tekið íslensk stjórnvöld alvarlega á næstu árum þegar og ef óskað er eftir því að hefja viðræður um fríverslunarsamninga eða aðra viðskiptasamninga.

Íslendingum verður kurteislega bent á að ganga fyrst frá sínum málum gagnvart Evrópusambandinu. Gangi Ísland inn í sambandið falla allir samningar niður og þess vegna er tilgangslaust að leggja vinnu í slíka samninga, sem taka nokkur ár. Frost í fjögur ár

Hugmyndir um að efna til þjóðaratkvæðagreiðslu um aðildarviðræður í lok kjörtímabilsins – árið 2020 að öðru óbreyttu – leiða einfaldlega til þess að allar hugmyndir og tilraunir við gerð fríverslunarsamninga við önnur lönd verða settar á ís – frystar í a.m.k. fjögur ár.

Þetta á t.d. við um samninga við bresk stjórnvöld um viðskipti landanna í kjölfar þess að Bretland yfirgefur Evrópusambandið. Bretland er eitt mikilvægasta viðskiptaland okkar Íslendinga og gríðarlegir hagsmunir í húfi að tryggja frjáls viðskipti milli landanna.

Vandséð er hvernig ríkisstjórn sem ákveður að efnt skuli til þjóðaratkvæðis um Evrópusambandið ætlar að tryggja hagsmuni landsins í því millibilsástandi sem búið verður til á kjörtímabilinu. Ísland verður í viðskiptalegu og pólitísku tómarúmi – verður í kyrrstöðu sem dregur úr samkeppnishæfni landsins og leiðir til lakari lífskjara en ella.

Staða efnahagsmála á Íslandi er um flest öfundsverð. Hagvöxtur er sterkur, verðbólga lítil, atvinnuleysi hverfandi, kaupmáttur aldrei meiri og afkoma ríkissjóðs til lengri tíma í jafnvægi.

Tækifærin eru því til staðar. Ný ríkisstjórn getur nýtt meðbyrinn til góðra verka sem almenningur vill og ætlast til að verði unnin. Til þess þarf hins vegar að forðast sundrungargildru áranna eftir hrun fjármálakerfisins."

 

Hversvegna geta þessi könnunarfyrirtæki ekki spurt almenning hvaða flokka hann vilji í stjórn núna?

Mér heyrist að mikið fylgi sé við V.G., D og B með 39 manna meirihluta. Trausta stjórn þar sem allir eru sammála um ESB og svo öll framfaramál þjóðarinnar.

Skyldi þjóðin vilja annað en að unnið verði af krafti að þeim málum sem Óli Björn talar um hér að framan?

Tekur slík stjórn ekki fram öllum öðrum kostum í stöðunni, hvað sem sérvitringar segja um kosti fimmflokka stjórnar? 

Væri þessi stjórn ekki að stíga i takt við þjóðarsálina fremur en þær aðrar sem í boði kunna að vera?

 

 

Grunnskólinn er gallaður

orðinn. Ég var fræddur á því í dag að grunnskólinn sé ónýtur gagnvart bulluspírum sem vaða uppi í tímum og trufla kennslu. Það má ekki fleygja nemendum út úr tímum lengur. Þeir eru þá á ábyrgð skólans úti.

Það má auðvitað ekki gefa á kjaftinn lengur eins og var gert þegar þurfti þegar ég var í barnaskóla yngri en tólf ára. Og vitleysingum var fleygt út með steinbítstaki. Við vorum flest farin að hegða okkur betur í 1. bekk í Gaggó.

Það sem vantar í grunnskólann eru gæsluvarðhaldsklefar fyrir vitfirringana þar sem ekki er alltaf hægt að kalla til foreldra til að vakta þá í skólastofunum þar sem þeir eru oftar en ekki í rugli eða í vinnu.  Þessir aumingja krakkar  eru látnir vera í bekkjum með normal krökkum og eyðileggja allt skólastarf í stað þess að vera settir í sérskóla fyrir þroskahefta. Enn kemur hér hvílík vitleysa það er að blanda í bekki vitleysingum og vandræðabörnum  með skerta námsgetu og normal krökkum.

Það er akki furða þótt ekki sé aðsókn í kennarastarfið þegar þeim er til viðbótar við lágt kaup ætlað að vinna við vonlausar aðstæður. 

Grunnskólinn er gallaður en ekki endilega glataður ennþá.

Skelfing er ég feginn

að þurfa ekki að fá flokk sem siglir undir fölsku flaggi í stjórn með Sjálfstæðisflokknum eins og þessa Viðreisn. Flokkur sem segir ekki sannleikann um aðalstefnumál sitt sem er að ganga í Evrópusambandið. Ég gæti aldrei orðið bandamaður slíks flokks. 

Mér er meinalítiðtil Bjartrar Framtíðar. Það eru glampar í þeim flokki og Óttari. Þeir hafa reynst okkur vel hér í Kópavogi en eru fastir við Dag Bé. í Reykjavík.

Mér finnst það liggja í loftinu að ESB andstæðingar tali saman. Skelfing verð ég feginn.

Sannleikskorn Sigmundar

Davíðs koma fram sem gneistar í grein hans í Morgunblaðinu í dag. Mér finnast sumir vera nokkuð bjartir og lýsa upp í þokunni. Tökum dæmi:

"..Stöðugt er dregið úr valdi kjörinna fulltrúa almennings og það fært annað en ábyrgðin þó skilin eftir hjá pólitíkusunum. Úr því verður hættuleg skekkja, vald án ábyrgðar og ábyrgð án valds. Það sem er þó verst er að með því er valdið tekið af almenningi og fært til ólýðræðislegs kerfis. Kerfisræði tekur við af lýðræði"..

"..Flokkarnir þurfa að bjóða upp á lausnir á því hvernig hægt sé að laga gallað fjármálakerfi, þeir þurfa að þora að ræða viðkvæm en stór mál eins og innflytjendamál. Flokkar þurfa að geta rætt umdeild mál og vera reiðubúnir að verja hagsmuni ólíkra hópa samfélagsins. Þora að ræða bæði kosti og galla stórra breytinga á borð við alþjóðavæðingu, benda á að henni fylgi miklir kostir en líka gallar."..

"...Hvernig má það t.d. vera að enginn flokkur á Íslandi þorir að segja að hann vilji ganga í Evrópusambandið, jafnvel ekki flokkar sem voru stofnaðir út á það eitt? Í staðinn er talað í kringum hlutina með innihaldslausum frösum."..

"..Augljóslega þurfa menn svo oft að geta miðlað málum til að ná meirihluta en svo kölluð samræðustjórnmál eru í raun ekki annað en samsæri stjórnmálamanna gegn kjósendum."..

Mér finnst Sigmundur grípa á málum sem eru sannleikskorn fast og ákveðið.