Fréttaflutningur

af hinu óhugnanlega morðmáli Birnu Brjánsdóttur vekur furðu.

"Aðalmeðferð í máli Birnu Brjánsdóttur gæti verið seinkað fram í lok ágúst. Til stóð að hefja aðalmeðferð málsins á morgun en vegna tafa á matsgerð réttarmeinafræðings er skýrslutökum frestað yfir Thomasi Möller Olsen sem ákærður er fyrir að hafa banað Birnu. 

 

Mál Birnu Brjánsdóttur vakti mikla athygli og óhug meðal þjóðarinnar í byrjun árs. Birna hvarf sporlaust aðfaranótt 14. janúar. Fljótlega bárust böndin að rauðri Kia Rio bifreið, sem Thomas Möller Olsen var með á leigu, og grænlenska togaranum Polar Nanoq sem hafði legið fyrir landfestum við Hafnarfjarðarhöfn. Sérsveit ríkislögreglustjóra fór um borð í togarann og handtók Olsen og annan skipverja vegna gruns um að hafa banað Birnu. Lík Birnu fannst nokkrum dögum síðar í fjörunni rétt vestan við Selvogsvita í Selvogi í Ölfushreppi, eftir umfangsmikla leit.

Olsen hefur ávallt neitað sök. Hann er talinn hafa veist að Birnu í Kia Rio bifreiðinni og varpað henni í sjóinn. Í bílnum fannst mikið blóð sem DNA-rannsókn leiddi í ljós að væri úr Birnu. Þá fannst ökuskírteini Birnu í ruslafötu um borð í Polar Nanoq. Á því voru fingraför Olsens og blóð úr Birnu fannst á úlpu hans."

Það er eins og allt kapp sé á það lagt að trygga silkihanskameðferð á þessum Olsen. Svo yfirgnæfandi líkur eru á sekt hans að varla þarf að efast þó hann þræti. Er hann ekki bara siðlaus skepna sem reynir að gera grín að réttvísinni með tæknibrellum?

Fjölmiðlar ættu að spara sér að flytja fréttir af málsmeðferðinni. Sársaukinn er ærinn fyrir þó ekki sé verið að ýfa upp sárin með vanhugsuðum fréttaflutningi.

Drónatækni

Kínverja er komin á nýtt stig.

Þeir eru reiðubúnir að fjöldaframleiða könnunar/árásar dróna CH-5 fyrir alþjóðamarkað!

Fyrsti fjöldaframleiddi dróninn CH-5 fór í jómfrúarflugið í Hebei héraði á föstudag.

Ou Zhongming, verkefnisstjóri Caihong, eða Rainbow- flokks dróna við Kina-Akademíuna af AerospaceAerodynamics í Peking, sagði eftir tilraunina að þó nokkur ríki sem jafvel þegar eru notendur af CH-5 séu í viðræðum um kaup á þessum drónum,sem eru taldir vera með þeim bestu af ómönnuðum hernaðarflygildum í veröldinni.

"Þetta flug þýðir að hönnun CH-5 er lokið og hægt er að fjöldaframleiða drónann. En hann neitaði að gefa upp mögulega kaupendur.

Kínverska Academían um  Aerospace Aerodynamics er stærsti drónaútflutningsaðili Kína hvað varðar fjölda dróna seldra erlendis í 10 löndum.

Shi Wen, aðalhönnuður CH seríanna, sagði að CH-5 slægi alla kinverska samkeppni út þegar kæmi að langdrægi og arðfarmi. Flygildið er jafngott og hinn bandaríski General Atomics MQ-9 Reaper, veiði-og drápstækið sem er talið hið besta af vestrænum sérfræðingum.

Frumgerðin CH-5 flaug fyrst í August 2015. Dróninn er úr plasti og hefur vænghaf sem er 21 metri. Tvöfalt stærri ern fyrirrennarar hans úr CH fjölskyldunni. Hann getur verið á lofti í 60 klukkustundir eða þrefalt lengur en fyrirrennarar hans. Flugdrægi hans er 10.000 kílómetrar 

Arðfarmur hans er 1-metra-tonn sem leyfir honum að hafa 24 flugskeyti í ferð sem er nóg til að taka út heila herdeild af skriðdrekum.

 

Auk þessa getur  CH-5 numið neðansjávar skotmörk eins og kafbáta þegar slíkur búnaður er viðfestur.

Hvað skyldi nú KimJong Un segja um þetta? Er hann ekki örugglega einn af kaupendunum?  Er þetta ekki einmitt það sem hann vantar til að hóta heiminum með? Hann getur sent svona græjur hvert á land sem er. Hvað getur ekki ISIS gert með svona snilldar apparöt eða arabavillimannaríki eins og SaudiArabía?

Er að verða friðvænlegra í heiminum með þessari drónatækni?

Geta Bandaríkjamenn eða Nato látið  sem ekkert sé? 

 

Þjóðarsorg?

virðist manni að sé yfir innlendum fréttum:

" Samn­ingaviðræðum um kaup Skelj­ungs á Basko hef­ur verið slitið. Er sú ástæða gef­in að kaup­in hafi verið háð for­send­um og skil­yrðum sem ekki hafi gengið eft­ir.

Und­ir Basko heyra m.a. 10-11 versl­an­irn­ar og Dunk­in‘ Donuts kaffi­hús­in og var áætlað kaup­verð allt að 2,2 millj­arðar króna, að því er fram kem­ur í Morg­un­blaðinu í dag.

Fyr­ir­tæk­in munu halda áfram að starfa sam­an en 10-11 versl­an­ir hafa verið rekn­ar á helstu bens­ín­stöðvum Skelj­ungs frá ár­inu 2014."

Íslendingar virðast lítið hafa lesið orð Adams Smith sem sögðu að í hvert sinn sem viðskiptamenn hittust á fundi væru þeir að gera samsæri gegn almenningi. Hér eru fréttir um slíka fundi matreiddar með því að þarna sé verið að koma á hagræðingu og samlegðaráhrifum. Það sé bara þjóðarsorg og meiriháttar áfall ef ekki er hægt að sameina og samræma verðlagningu?

10.5 tonn daglega

eru flutt inn af kruðeríi.

"Agnes Bragadóttir [e-mail]

Innflutningur á brauði, brauðdeigi, kökum og konditorstykkjum eykst frá ári til árs. Fyrir nokkrum árum voru um 6 tonn flutt daglega inn af þessum vörum, en samkvæmt innflutningstölum Hagstofu Íslands var daglegur innflutningur fyrstu fimm mánuði þessa árs um 10,5 tonn, eða 1.580 tonn á þessum fimm mánuðum.

Innflutningurinn árið 2016 var tæp 3.000 tonn, sem jafngilti 8 tonna daglegum innflutningi og árið 2015 var hann tæplega 2.700 tonn sem jafngilti 7,3 tonna daglegum innflutningi. Samkvæmt upplýsingum blaðsins er ýmist um innflutning á frystum hálfbökuðum kökum, konditorstykkjum og brauði að ræða, eða frosið brauðdeig.

Mest til hótela og veitingastaða Jóhannes Felixson (Jói Fel), formaður Landssambands bakarameistara, segir í samtali við Morgunblaðið í dag, að bakarameistarar agnúist ekki út í þennan innflutning. Hann fari að mestu leyti til hótela og veitingastaða úti á landi, en bakaríin úti á landi ráði mörg hver ekki við að þjónusta ört vaxandi ferðaþjónustuna. Jóhannes segir að innflutningurinn komi í mjög litlum mæli í bakarí, þó að hann þekki örfá dæmi þess."

Gætu þessir innflytjendur ekki flutt in nokkur hundruð grömm af English Muffins svo við sérvitringar gætum fengið slíkt keypt í búðum hérlendis? Kæmist ekki smávegis af þessu fyrir í þessum 10.5 tonnum?

Svona falsa menn fréttir

Eftirfarandi er tekið upp úr Fréttablaðinu:

"UTANRÍKISMÁL

47,9% svarenda kváðust andvíg eða mjög andvíg því að Ísland gengi í Evrópusambandið þegar MMR spurði í júní.

Á móti voru 29,0% svarenda sem sögðust hlynnt eða mjög hlynnt því að Ísland gengi í Evrópusambandið. Litlar breytingar hafa verið á afstöðu almennings gagnvart inngöngu Íslands í ESB undanfarin þrjú ár.

Ef litið er hins vegar til samanburðar til seinni hluta ársins 2012 hefur andvígum fækkað um rúmlega 10 prósentustig en þá kváðust milli 60 og 65% Íslendinga andvíg inngöngu Íslands í Evrópusambandið.

Á sama tímabili hefur hlynntum fjölgað um 5 til 10 prósentustig. Könnunin var framkvæmd dagana 15. til 21. júní og fengust 1.017 svör úr spurningavagni MMR. – jhh

Tæplega helmingur á móti inngöngu Litlar breytingar hafa verið á afstöðu almennings til inngöngu í ESB undanfarin þrjú ár.

FRÉTTABLAÐIÐ/STEFÁN

29% sögðust hlynnt eða mjög hlynnt inngöngu í ESB."

 

Svona reyna kratar að lauma því inn hjá þjóðinni að stuðningur við inngöngu í ESB sé miklu meiri en hann er.

Staksteinar Morgunblaðsins í daga skýra þetta hinsvegar svona:

"Í vikunni var sagt frá nýrri könnun sem staðfesti langa röð fyrri kannana um að Íslendingar hefðu ekki áhuga á að ganga í Evrópusambandið. Af þeim sem afstöðu tóku voru 62% andvíg inngöngu. 32% af heildinni voru mjög andvíg inngöngu en aðeins 11% mjög fylgjandi. Það er því óhætt að segja að stærstur hluti þjóðarinnar áttar sig á göllum ESB og kostum fullveldisins"

Menn beri saman fréttir Fréttablaðsins og matreiðslu kratanna þar á staðreyndunum um afstöðu fólks til ESB.

Svona falsa kratar fréttir með hálflygi á lævísan hátt í blekkingaskyni.

 

Hengjum bakarann fyrir smiðinn

er stefnan í loftslagsmálum sem yfirvöld reka víða um heim.Til dæmis í Reykjavík þar sem þrengdar eru götur, settar upp hraðahindranir og hringtorg sem öll lengja þann tíma sem einkabíllinn er í gangi. Þar er þeirri staðreynd afneitað pólitískt að fólk um gervalla jörð hefur valið sér einkabílinn sem faraskjóta umfram hjólhesta eða almenningssamgöngur þar sem því verður við komið.

Tími mislægra gatanamóta er liðinn í Reykjavík segir Borgarstjórinn lokkaprúði. Sem þýðir meiri mengun frá bílunum. En sem betur fer skiptir útblástur bílsins sáralitlu á heimsvísu. Hann er bara ábyrgur fyrir minna en 6 %  af heildarútblæstrinum. 17 gámaskip á heimshöfunum blása út meira en allir bílar jarðarinnar. Hversu mörg eru þessi gámaskip?

Ég les ekki oft Fréttablaðið mér til ánægju. En leiðarinn í því í gær er allrar athygli verður. Þar segir:

"Búfénaður í landbúnaði, sem samanstendur af nautgriparækt, svínarækt, sauðfjárrækt og kjúklingarækt, ber ábyrgð á 18 prósentum af allri losun gróðurhúsalofttegunda í heiminum eða meira en samanlagðri losun allra vélknúinna ökutækja á jörðinni, sem nemur um 13 prósentum af heildarlosun, eins og kemur fram í hinni sláandi heimildarmynd Cowspiracy: The Sustainability Secret.

Tölfræðin byggir á gögnum frá Matvælastofnun Sameinuðu þjóðanna. Hér er um að ræða öll vélknúin ökutæki, loftför og sjóför sem eru í notkun á jörðinni.

Ef hliðarafurðir landbúnaðarins eru teknar með í reikninginn fer hlutfall heildarlosunar upp í 51 prósent.

Það er dálítið merkilegt að þegar öll áherslan í baráttunni gegn loftslagsbreytingum virðist vera á endurnýjanlega orkugjafa í framleiðslu og notkun á öðrum orkugjöfum en jarðefnaeldsneyti, þegar samgöngur eru annars vegar, þá er stærsta vandamálið fyrir framan nefið á okkur í matnum sem við borðum.

Metan er mjög öflug gróðurhúsalofttegund og talið er að metan hafi 86 sinnum meiri áhrif á loftslagsbreytingar á 20 ára tímabili en koltvísýringur. Metanlosun nautgripa er öllu meiri en hjá sambærilegum villtum tegundum vegna fóðurs.

Talið er að það séu 1,5 milljarðar nautgripa á jörðinni en hver og einn losar um 100-500 lítra af metan á sólarhring. Eyðileggingarmáttur metans er 25-100 sinnum meiri en koltví- sýrings á 20 ára tímabili.

Það er algjörlega út úr kú að að hugsa til þess að stærsta mengunarvandamálið á jörðinni sé bókstaflega út úr kú. Talið er að losun landbúnaðarins á gróðurhúsalofttegundum muni vaxa að óbreyttu um 80 prósent fyrir árið 2050. Þetta er skuggalegt þegar haft er í huga hversu miklum tíma og peningum mannfólkið ver í fjárfestingu og þróun á nýrri umhverfisvænni tækni í baráttunni gegn loftslagsbreytingum.

Kjötneysla mannsins og framleiðsluhættir í landbúnaði eru miklu veigameiri þáttur í loftslagsbreytingum en bensínknúin ökutæki.

Fólk gæti þannig haft miklu meiri jákvæð áhrif á baráttuna gegn loftslagsbreytingum með því að sleppa því að borða hamborgara og sniðganga mjólkurvörur en að keyra Nissan Leaf.

Það getur verið mjög erfitt fyrir fólk að breyta neysluvenjum sínum. Sérstaklega ef þær eiga sér margra áratuga sögu. Hér skal heldur ekki fullyrt að fólk eigi að hætta að borða kjöt. Það er auðvitað val hvers og eins. Það er þægilegt að réttlæta kjötneyslu með vísan til þess að kjöt er gott og lífið er stutt. Er eitthvað sem getur komið í staðinn fyrir góðan hamborgara? Það er samt ágætt að vita hvar vandamálið liggur þegar loftslagsbreytingar eru annars vegar.

Það er mikilvægt að skilja afleiðingar eigin neyslu og orsakasambandið á milli landbúnaðar og loftslagsbreytinga."

Þarna er vakin athygli á því hvernig illa upplýstir sjálfskipaðir umhverfissinnar geta vaðið um með boð og bönn og pólitískar ákvarðanir sem hafa íþyngjandi áhrif á lífskjör almennings sem hafa kolrangar áherslur og sneiða hjá rótum útblástursvandans.

Ef hann er þá einhver sem margir draga stórlega í efa eins og við Trump og fleiri sem viljum ekki láta hengja bakara fyrir smiði.

 

Tekst Trump?

að gera Bandaríkin stór aftur?

Sósíalistar heimsins virðast vera sameinaðir í að reyna að eyðileggja allt sem hægt er fyrir Trump Forseta. Hvert hálmstrá er gripið af Evrókrötum jafnt sem bandarískum Demókrötum til að níða Forsetann og skipta þá bandarískir hagsmunir engu í þeirri persónustyrjöld. Þeir geta ekki sætt sig við dóm bandarískra kjósenda að hafa kosið þennan mann sem tilraun til að breyta einhverju fyrir alþýðu manna og hina deyjandi millistétt í Bandaríkjunum sem hefur horft upp á störfin sín hverfa í alþjóðavæðingunni. En J.D Vance lýsir því átakanlega í bók sinni Hillbilly Elegy hvernig er komið fyrir henni í ryðbeltinu þar sem hún sekkur niður í menntunarleysi, ólifnað og vonleysi. Og ´þetta er ekki einsdæmi fyrir þetta svæði í Bandaríkjunum.  

Akkúrat sama munstur er útbreitt að gerast meðal æskufólks á Íslandi. Fólkið okkar dettur út úr skóla því það kemur ólæst og óreiknandi út úr grunnskólunum okkar og fótar sig ekki í lífinu í framhaldi. Kjarabarátta kennara gengur oft fyrir starfsárangri skólanna og því meir sem fleiri byltingarsinnaðar og þjálfaðar skæruliðakonur veljast þar til áhrifa. Ég hallast að því að vöntun á karlkyns kennurum, eins og voru í mínu ungdæmi í skólunum,  hefur slæm áhrif á stöðu og árangur skólanna því að konur geta hreinlega ekki kennt sumar greinar á borð við karlmenn. 

Nú stendur yfir enn ein atlaga kratanna að Trump og er nú hakkað á syninum fyrir að hafa sótt fund til þess að hlusta á einhverjar upplýsingar um Hillary sem gæti verið góðar í kosningabaráttunni.

Gerði drengurinn eitthvað siðferðislega verra heldur en íslenska ríkið þegar það keypti skattupplýsingar af þjófi? Tekur maður ekki við upplýsingum í kosningabaráttu frá hverjum sem er? Hverjir myndu ekki gera það? Sá yðar sem syndlaus er....

Allir eru þeir samstíga sósíalistarnir, hvort heldur eru evrukratar eða bandarískir demókratar  að níða Trump niður með öllum ráðum. Þeir geta ekki fyrirgefið bandarískum kjósendum að hugsa öðruvísi en þeir kröfðust.

Hitt er annað mál hvort Trump takist eitthvað að breyta Bandaríkjunum og gera þau stór aftur. Það er erfitt verk þar sem úrkynjun fyrrum millistéttarinnar er komin á svo hátt stig eins og J.D.Vance lýsir í bók sinni.  En gott skref hjá honum var allavega að segja sig frá Parísarsamkomulaginu um loftslagsmálin sem sparaði Bandaríkjunum og þar með mannkyninu trilljónir dollara.

Gervivísindamennska AlGore og fylgihnatta hans kostar mannkynið ómældar fjárhæðir og veldur hungursneyð í verst settu ríkjunum þegar matvælin eru notuð til að búa til ethanol í bensínblöndun eins og við fíflin á Íslandi erum að gera með ærnum kostnaði. Valda hinum minnstu bræðrum okkar og systrum ómældum skaða með dýrara eldsneyti og valda hörmungum meðal fátækra í Afríku sem fá ekki maís að borða vegna þess að hann fer í þessa útblástursvitleysu.

Tekst Trump að gera Bandaríkin stór aftur?  Það er ekki vitað enn. En eitthvað tekst honum samt sem Demókrötum hefði aldrei tekist.

Brotthvarfið frá Parísarsamkomulaginu tókst hjá Trump.

Ofbýður engum?

þegar Óli Björn skrifar um þá gengdarlausu skemmdarverk með spillingu sem íslenska lífeyrissjóðakerfið er að fremja á íslensku efnahagslífi með því að leggja undir sig og stjórna stærstu fyrirtækjum landsmanna?

 Eignarhald skráðra hlutafélaga-Beinn eignarhlutur lífeyrissjóðanna er í töflu sem Óli birtir með greininni í Mogga í dag. Þeir eiga purkunarlaust í fyrirtækjum sem eiga að vera í samkeppnisrekstri til hagsbóta fyrir neytendur. Forstjóri Samkeppniseftirlitsins mjálmar í gær í sama blaði um það hvernig hans tillögur eru að engu hafðar og allt gengur fram gegn hagsmunum almennings án þess að hann né stjórnvöld í pallborðsumræðum fái rönd við reist.

Lífeyrisjóðakerfið er að gleypa sjöttapart allra útgreiddara launa í landinu. Þetta er sett undir stjórn hjarða af mönnum með enga sannanlega fjármálaþekkingu né rannasakaðs glæpaferilsbakgrunns eins og gert er með öðrum þjóðum.

Þessa stjórnendur kaus enginn þeirra sem þetta fjármagn eiga heldur er þetta handvalið lið af reglugerðarhætti með þröngum og ógagnsæjum pólitískum bakstuðningi.

Launþegar hafa enga tryggingu fyrir því að þetta lið fari með féð með þeim hætti sem líklegastur sé til að tryggt sé að það birtist í fyllingu tímans sem lífeyrir.

Takist það ekki eins og skeði í hruninu þegar hátt í þúsund milljarðar töpuðust vegna vanhæfni þessara stjórnenda, þá er enginn ábyrgur fyrir neinu og það eru aðeins viðskipti eins og venjulega þegar lífeyririnn er lækkaður í framhaldi en ókosnir stjórnendurnir halda áfram eins og ekkert hafi í skorist.

Í staðinn fá þessir stjórnendur að velta sér í lúxus og eyða á milli 10-20 milljörðum ár hvert í sjálfa sig sem endurgjald fyrir að gegna svo ábyrgðarfullu hlutverki að stjórna þessum sjóðum. Í Arizona er það einn maður Edmundson sem stjórnar stærri lífeyrissjóðum en öllum okkar sjóðum í stað okkar þrjúhundruð manna stjórnarteymum.

Edmundson hefur milljón á mánuði fyrir að vina frá 9-5 og étur heimasmurðar samlokur frá konunni sinni í hádeginu og tapar ekki neinu  því hann fjárfestir aðeins í rammgerðum risasjóðum en ekki fallvöltum fyrirtækjum eins og okkar íslensku snillingar. Hann situr auðvitað ekki í neinum stjórnum og keyrir ekki á luxusjeppa heldur á eldgömlum Avensis.

Venjubundin íslensk hegðun er samkvæmt greiningu Nóbelsskáldsins okkar:

".... að Íslendingar beygi sig lítt fyrir skynsamlegum rökum, fjármunarökum varla

hengilshátt og deila um tittlingaskít sem ekki kemur málinu við."

Þannig er nú það og það er tilgangslaust að stinga upp á breytingum því margir hafa svo mikla hagsmuni af því að tína upp í sig úr því aðalbláberjalyngi sem þessir lögþvinguðu lífeyrissjóðir landsmanna eru.

Berjabláir valdafíklar útundir bæði eyru eru ekki til viðtals um neinar breytingar.Og íslenskir orðhenglar finna sér fljótlega annað til að rífast um og láta sér ofbjóða.

heldur og þó enn síður fyrir rökum trúarinnar, en leysi vandræði sín með því að stunda orð

 

 

 

 

 

 

 

 

 

Sannleikurinn um viðbrögð Borgarstjórnar

við mengunarstórslysinu sem vanhönnuð skolpælustöð á Ægissíðu hefur valdið.

Morgunblaðið segir svo í leiðara í dag:(Vinstrimenn og kommatittir lesa ekki Mogga segja þeir en koma oft á þessa síðu til að skamma höfundinn fyrir heimsku sína!)

"Formaður borgarráðs Reykjavíkur tjáði sig seint og illa um viðbjóðinn sem bíað hafði út strandlengjur höfuðborgarinnar vikum saman, án þess að fólkið, borgarbúarnir, væri látið vita og gæti gætt sín og barna sinna. Fjöldi starfsmanna borgarinnar á veitusviði og heilbrigðissviði vissi um vandræðin og um ógnina sem af þeim stafaði.

 

Það eru sumardagar. Margir borgarbúar eru í sumarfríi og strandlengjan fagra heillar. Vikur liðu og engar aðvaranir bárust frá þeim sem ástæða var til að ætla að stæðu vaktina. Loks kvörtuðu borgarbúar í fjölmiðlana. Af hverju ekki við borgaryfiröld? Af því að þeir vissu sem var að borgaryfirvöldin hlutu að hafa vitað af þessu. Ekkert í málinu gert og vísvitandi þagað yfir því við og gjörsamlega brugðist fólkinu sem greiðir þeim launin.

 

Þegar formaður borgarráðs komst ekki undan að standa fyrir málinu, fyrst hvergi náðist í borgarstjórann, sem er þó endranær fjölmiðlaglaðasti maður landsins. þá kom lítið og ónýtt tíst. Hann sagðist telja að það hefði verið »heppilegra« ef borgaryfirvöld og þær mörgu stofnanir borgarinnar sem að komu hefðu látið í sér heyra. Engin iðrun, engin beiðni um forlát og fyrirgefningu. Það hefði verið »heppilegra« var orðið sem sökudólgarnir sjálfir höfðu um alvarleg afglöp sín gagnvart borgarbúum. Það hefði sjálfsagt verið »heppilegra« fyrir þá sjálfa að standa ekki berstrípaðir í áliti gagnvart borgarbúum í stórmáli eins og þessu.

 

Þeir sem sendir voru til svara voru ekki borgaryfirvöldin sem glenna sig meira en góðu hófi gegnir við öll önnur tækifæri. Það voru embættismenn sem enginn kannast við að hafa heyrt eða séð nokkru sinni áður sem voru látnir taka skömmustulegir við hrópandi spurningum. Þeir komust ekki vel frá því. Að mati embættismannanna voru það »verkferlar« sem brugðust vikum saman. Þessir verkferlar hafa ekki sést eða heyrst áður. En embættismennirnir sögðust búnir að gera upp við sig að skoða þessa verkferla. Hvaða óráðshjal er þetta eiginlega?

 

Strendur borgarinnar eru útbíaðar í saur og viðbjóði vikum saman og það eru »verkferlar« sem hafa ákveðið að almenningur sé ekki varaður við! Síðustu árin hefur stjórnkerfi borgarinnar margoft verið splundrað í allar áttir. Sífellt fleiri og óljósari »svið« hafa verið stofnuð um verk sem áður lutu ljósri ábyrgð. Málaflokkar hafa hvað eftir annað verið hlutaðir í sundur og ólíkum þáttum skeytt saman, þótt enginn ávinningur hafi verið af því. Afleiðingin er ekki aðeins sú að borgaryfirvöldin sjálf hafa tapað þræði. Þau máttu ekki við því. Eftir því sem samhengi stjórnsýslunnar hefur orðið óljósara hefur þjónustan við borgarbúa versnað jafnt og þétt um leið og kostnaður við hana hefur farið úr böndum.

 

Embættisheiti sem borgarbúar nauðaþekktu var fargað án skynsamlegra skýringa en tekin upp í staðinn ógagnsæ heiti þar sem verksviðið deildist á svo margar hendur að algjörlega óljóst varð hvar ábyrgðin lá í einstökum tilvikum. Þetta er uppskrift að upplausn. Þetta voru allt óþarfar breytingar, gerðar breytinganna vegna, og fúlgum fjár fórnað í vasa »ráðgjafa« sem lágu yfir hverri löngu vitleysunni af annarri. Jafnvel gömul og gróin götuheiti voru lögð af vegna tilgerðarþarfar meirihluta borgarstjórnar með tilheyrandi óhagræði og útgjöldum fyrir borgarbúa og fyrirtæki þeirra.

 

Í áratugi hitti borgarstjórinn tuttugu æðstu embættismenn sína, sem höfðu þræði um allt borgarkerfið, tvisvar í viku, árið um kring. Stjórnskipulag borgarinnar var öfundarefni, ekki síst fyrir ríkið. Það hefði engum embættismanni dottið í hug að láta stórmál, eins það sem hér var nefnt, ónefnt á fundi með borgarstjóra. Og þeir borgarstjórar sem tóku starf sitt alvarlega hefðu á sama fundi lagt drög að viðbragðsáætlun sem birt hefði verið ekki seinna en strax.

 

Núverandi borgaryfirvöld halda að borgin snúist um þá sjálfa. Reykjavíkurborg á að gæta að því umfram allt annað að veita borgarbúum fullkomna þjónustu með hagkvæmum hætti, tryggja hreinlæti, snyrtimennsku, öryggi og framtíð, svo sem með lóðaframboði og öflugri þjónustu fyrir unga sem aldna. Það tekst ekki á meðan stór hluti fjármunanna sem úr er að spila hverfur í óráðsíu og æðstu menn borgarinnar hafa ekki áhuga á öðru en gervivandamálum sem snerta ekki borgarbúa beint. Hneykslið, sem borgarbúar hafa þurft að horfa upp á og fundið fnykinn af að undanförnu er til komið vegna þess að yfirvöldin í borginni þekkja hvorki verkefni sitt né vitjunartíma og myndu ekki valda því, þótt hin einfalda mynd rynni upp fyrir þeim.

 

Slíka menn þarf að finna í fjöru sem fyrst. Það er ekki kræsilegt en hjá því verður ekki komist."

 

Í stað þess sem leiðarahöfundur lýsir um bein afskipti Borgarstjóra af tæknideildum eru komnar hjarðir af nýjum starfsmönnum á félagsmálasviði í Ráðhúsið. Eitt batteríið er Mannréttindaráð Halldór Auðars Svanssonar Pírata sem honum var mútað með til þess að samþykkja Dag Bergþóruson sem borgarstjóra.

Kannski að Mannréttindaráð gæti ályktað eitthvað um nauðsynleg sannleiksviðbrögð í neyðartilvikum mengunarslysa hugarfarsins sem lýsa sér í opinberum viðbjóði óviðkomandi almennings á klósettúrgangi með eyrnapinnum og túrtöppum í öllum fjörum höfuðborgarsvæðisins?

Skolpdælustöðvar

skyldi maður ætla að hanna þyrfti eftir því sem Kaninn kallar "Fail-Safe" forsendum. Til dæmis er tvöfalt ef ekki þrefalt eða jafnvel fjórfalt  bremsukerfi í öllum bílum.

Bili eitthvað í gangverkinu þá leiðir það ekki til stórslyss eins og þarna gerðist.

Ámátlegt var að hlusta á hinn raunverulega Borgarstjóra Reykjavíkur, Halldór Auðar Svansson verja strengjabrúðuna sína Dag Bergþóruson fyrir að hreyfa ekki legg né lið þegar þetta óþægilega  mál kom upp.  En Dagur þessi er nú frekar  allstaðar á myndum að taka skóflustungur fyrir framtíðarmúsík í húsnæðismálum, jafnvel þrim sinnum í sama  grunninum ef mikið liggur við að því að sagt er.

Dælustöðin er enn biluð og skolpið gubbast upp í fjörurnar. Ekkert varaafl eða björgunarbátur er innbyggt.  Engir útskiptanlegir varahlutir til. Það er bara bilað og það kemur ykkur ekkert við. Hvað eruð þið að rövla?

Það er gott að tunglflauger eru ekki hannaðar eftir sömu forsendum og reykvískar skolpdælustöðvar.