Ingibjörg Sólrún

minnir á sig í DV um helgina.

Ingibjörg á fjölbreytta lífsreynslu að baki,27 ára stjórnamálasögu, erfið veikindi og fjölbreytt störf erlendis. Ég og faðir hennar vorum góðir vinir enda var Gísli frá Haugi með skemmtilegustu mönnum og fyrrum Sjálfstæðismaður sem fylgdi samt skiljanlega dóttur sinni frekar en sínum gamla flokki.

Ég dreg enga dul á það að mér var talsvert uppsigað við Ingibjörgu Sólrúnu sem stjórnmálamann. En ég dáðist líka að henni á vissan hátt fyrir ótrúlega ósvífni hennar, Það er eðlilegt að hún hatist svo við Davíð Oddsson sem glögglega kemur fram að það eiginlega rýkur úr viðtalinu. Ástar-hatur samband finnst mér líklegt. Davíð var nefnilega líka geiglaus og hiklaus í póltík en var hinsvegar líka það sem Ingibjörg náði aldrei en það var að vera líka skemmtilegur húmoristi. Ingibjörg var oftar frekar hundleiðinleg í málflutningi og húmorlaus. Saug að sér langt sog og sagði "En Sjálfstæðismenn..." sem hún komst upp með að nota sem rök fyrir því að hún sviki ekki meira en þeir. Og svo var hin takmarkalausa ósvífni hennar í málflutningi sem henni tókst aldrei að fara með eins og Davíð fór svo léttilega með ef þess þurfti og hún skiljanlega öfundar hann svona af því. Ógleymanlegt er mér að minnsta kosti þegar hún sagði í Ríkisútvarpið að Borgarsjóður væri nú rekinn hallalaus. Það var svo rekið ofan í hana nokkrum dögum seinna að það væri nærri milljarðs halli á Borgarsjóði. Þá svaraði hún bara: Ja það var undirliggjandi halli. Og vinstri pressan lét hana komast upp með þessa skýringu sem sjálfsagða á því bókhaldsfalsi sem hún stóð fyrir í pólitík að þessu sinni.

En það sem vekur athygli mína á þessu viðtali hversu gersamlega sjálfhverf hún er. Hún vorkennir sjálfri sér einhver ósköp fyrir að hafa verið orðuð við það að verða dregin fyrir Landsdóm eins og Geir Haarde sem henni þykir samt svona vænt um. Samúð með Geir er hinsvegar engin. En Geir var sektaður um málamyndaskítaupphæð af pólitískum og lélegum dómurum svo hann gæti ekki áfrýjað. Og hver var sökin? Hann upplýsti ekki Samfylkingarráðherrana um tiltekin viðkvæm ríkisleyndarmál vegna hrunsins sem var að hellast yfir. Sem hann gat ekki vegna svikaeðlis kratanna í ríkisstjórninni sem öllu láku tafarlaust í blöðin. Það dugar einhverjum að minnsta til þess að treysta aldrei krötum framar í pólitík. Við sprengjum og sprengjum sagði einn formaðurinn þeirra og lýsti eðlinu rétt.Enda eru þeir kratar líka að verða útdauðir af sjálfu sér þar sem þeir eru búnir að sanna sig í augum kjósenda að verða aldrei treystandi. 

Nú er Ingibjörg Sólrún komin í feitt, líklega  skattfrítt kratískt embætti á vegum Evrópusambandsins. Það felur henni að elta uppi rangar skoðanir hér uppi á Íslandi. Hér má ekki hafa sterkar skoðanir á hælisleitendum eða múslímum án þess að Ingibjörg geti gripið inn til að stöðva hatursorðræðu. Þá vitum við það að Pétur Gunnlaugsson og útvarp Arnþrúður Saga verður undir smásjá Ingibjargar og aðstoðarmannsins í Póllandi þar sem þar er sá eini vettvangur sem slík mál eru rædd upphátt. Á vettvangi kerfisflokkanna verður væntanlega skipulögð þögn hér eftir sem hingað til. Og  þar hefur henni þó ratast satt á munn um eðli kerfisflokkanna gömlu. "Hjá því kvað Beygur..."

Ég ætla svo að taka fram að hugsanlega ævisögu Ingibjargar Sólrúnar mun ég aldrei lesa þó hún verði skrifuð. 

 

Heldur sjúk til í tjaldi!

Frá tjaldsvæðinu í Laug­ar­dal. Kon­an hef­ur þurft að gista í tjaldi ásamt rúm­lega 20 ára göml­um syni sín­um eft­ir sex ár á biðlista eft­ir fé­lags­legu hús­næði. mbl.is/Ó​feig­ur Lýðsson

 

Mæðgin sem hafa verið hús­næðis­laus síðustu vik­ur halda nú til í tjaldi í Reykja­vík. Kon­an, sem hef­ur verið á biðlista eft­ir fé­lags­legu hús­næði hjá Reykja­vík­ur­borg í sex ár, held­ur nú til í tjaldi ásamt syni sín­um á tjaldsvæðinu í Laug­ar­dal.

Frétta­stofa Rúv ræddi við Lilju Helgu Stein­berg Matth­ías­dótt­ur sem kveðst hafa beðið í sex ár eft­ir fé­lags­legu hús­næði, hún hafi ekki í önn­ur hús að venda og hafi því síðustu tvær næt­ur neyðist til að sofa í tjaldi ásamt rúm­lega tví­tug­um syni sín­um.

„Þetta er bara mjög erfitt fyr­ir veikt fólk. Þetta er mjög erfitt þegar manni er alls staðar illt í skrokkn­um en ég er búin að kaupa alla­vega viku, ég hef eng­in önn­ur úrræði þannig að ég ætla að vera hér,“ seg­ir Lilja í sam­tali við Rúv.

Seg­ir tjaldið vera al­gjört neyðarúr­ræði

Seg­ir hún þjón­ustuaðila sinn hjá hjá fé­lags­lega kerf­inu hafa bundið von­ir við að Lilja fengi fengi íbúð þar sem það lægi fyr­ir að hún færi á göt­una en það hafi ekki gengið eft­ir. Þetta er ekki í fyrsta sinn sem Lilja er á göt­unni en hún seg­ir tjaldið vera neyðarúr­ræði. Hún hafi leitað víða, meðal ann­ars til Konu­kots.

„Það er bara mjög veikt fólk þar, kon­ur sem að eru í mik­illi neyslu. Enda sagði for­stöðukon­an við mig að kona í þinni stöðu ætti ekki að vera hér, af því að ég var ekki eins og hinar kon­urn­ar sem sækja í þetta,“ seg­ir Lilja.

Um ell­efu hundruð manns eru nú á biðlista eft­ir fé­lags­legu hús­næði í Reykja­vík og þurfa ein­stak­ling­ar að jafnaði að bíða leng­ur en fjöl­skyldu­fólk. Flest­ir bíða skem­ur en í tvö ár eft­ir hús­næði en 7,6 pró­sent hafa beðið í fimm ára eða leng­ur að því er fram kem­ur í frétt Rúv.

 

Svo stendur í Mogga.

Þegar ég var ungur var alger neyð í húnsæðismálum á höfuðborgarsvæðinu. Þá hætti blessað stríðið og Kanarnir fóru heim til sín. Þeir skildu eftir sig hundruðir bragga sem húsnæðislausir Íslendingar tóku sem himnasendingu. Þetta voru þó hús en ekki tjöld.

Nú eru sveitarstjórnir á höfuðborgarsvæðinu svo miklir aumingjar að þeir bara glápa á vandamál fólksins en  er um megn að gera nokkurn skapaðan hlut nema emja, væla og veina og býsnast yfir sístækkandi biðlistum. Og meirihlutinn í Reykjavíkurborg er allra verstur undir forystu Dags Bergþórusonar.

Fyrirtæki heitir Stólpi Gámar.Þeir geta búið til íbúðir á mjög lágu verði á skömmum tíma. Betri íbúðir en braggarnir voru nokkru sinni og núna á hitaveitusvæðum. 

Þeir sveitarstjórnir á höfuðborgarsvæðinu sem telja félagslegt húsnæði í sínum verkahring yfirleitt eru hinsvegar svo pasturslitlar að þær geta ekki einu sinni skaffað svæði innan sinna vébanda þar sem mætti koma fyrir gámahúsnæði í stað tjaldanna.

Nei þær vilja heldur væla og þvæla um samræmd félagsleg úrræði framtíðarinnar sem  átti að vera komin fyrir löngu eins og 2500 íbúðir Dags Bergþórusonar fyrir heilu kjörtímabili siðan en koma tæplega ekki þó að eitt kjörtímabil líði til viðbótar. Þá verða örugglega helmingi fleiri á biðlistunum en eru í dag. Þvílík stórmenni og þvílíkt afreksfólk sem ætlar sér ótrautt að sækjast eftir endurkjöri.

Gerum bara ekki neitt. Fólkið skal heldur liggja sjúkt úti í tjöldum þar sem það eru þó allavega til tjaldstæði á vegum sveitarstjórnanna. 

 

Þessa túrista vill ekki Dagur

sem eiga einkaþoturnar sem eru pakkaðar saman á planinu hjá Loftleiðahótelinu. Tugmiljóna dollara gripir.

Hvað skyldu eigendurnir vera að gera hérna. Fara á hjóli í Gullhring? Eða veiða lax? Skyldu þeir eyða einhverjum peningum hérna?

Þetta vill ekki afturhaldið í Borgarstjórninni sjá í Reykjavík. Þess konar túrista vill ekki Dagur B.sjá frekar en Reykjavíkurflugvöll yfirleitt. 

 

Boðberi sannleikans

prófessor doktor Þorvaldur Gylfason drýgir tekjur sínar með því að skrifa pistla í Fréttablaðið á fimmtudögum sem er í sjálfu sér ágætt. 

Fyrir kemur að þessir pistlar séu skemmtilegir þegar doktorinn skrifar um geopólitísk efni og sagnfræðileg. En skrifi hann um stjórnmál slær venjulega út í fyrir honum og þá litast allt af þráhyggju kratismans, óskhyggju og sleggjudómum um menn og málefni.Ég viðurkenni að að ég legg stundum á mig að lesa þessa pistla en misvel að sjálfsögðu eftir því hvert efnið er.

Í dag gengur bullið fram af mér enn einu sinni. Prófessorinn segir til dæmis:

"Stjórnmálamenn hagræða stundum sannleikanum. Þeir ljúga stundum að kjósendum og hver að öðrum. Það liggur fyrir. Sumir beinlínis lifa lífinu ljúgandi, t.d. Trump Bandaríkjaforseti. Samt þykir sannleikurinn jafnan sagna bestur á vettvangi stjórnmálanna á þann hátt að það telst í þingræðisríkjum vera alvarlegt brot og yfirleitt frágangssök að segja þingheimi ósatt. ..."

Hvor skyldi hafa logið meiru um dagana Trump Forseti eða Þorvaldur Gylfason krati?

Þorvaldur hefur slag í slag haldið því fram að þjóðin hafi samþykkt hin arfavitlausu stjórnarskrárdrög sem hann átti þátt í að semja. Þetta plagg sem var svo illa unnið og mótsagnakennt að enginn hefur treyst sér til að taka það til efnislegrar meðferðar. Þorvaldur tyggur þessar ósönnu fullyrðingar sínar æ ofan í æ og það væri að æra óstöðugan að fara að rifja það allt upp. Allavega er ekki hægt að færa þann málflutning prófessorsins undir sannleiksást.

Samt telur þessi krati og margfallið pólitískt smástirni  þess umkominn að viðhafa þessi orð um Forseta Bandaríkjanna:

"...Þar eð forsetinn er alræmdur lygari gæti honum orðið hált á svelli sannleikans í vitnastúku hjá saksóknaranum.

Hver er prófessor doktor Þorvaldur Gylfason eiginlega? Hvar liggja hans augljósu hæfileikar ofar Trump sem bandaríska þjóðin kaus? 

Botnlaus skortur á sjálfsgagnrýni og dómgreindarleysi prófessors við Háaskóla Íslands eru ekki til þess fallin að auka hróður þeirrar stofnunar. En þar  hélt hann afi minn heitinn uppi virðingu vísindanna kjólklæddur á hátíðarstundum."Alþýðufræðarinn" Prófessor doktor Ágúst H. Bjarnason var alla ævi boðberi sannleikans og orðvandur.

Þorvaldur er ekkert af þessu svo að allur pólitískur frami hans er líklega meira fyrirséður en Trumps Forseta.

 

Heimurinn svínar á Bandaríkjunum

eins og hann hefur alltaf gert. Enda verður hann vitlaus þegar Trump forseti segir hingað og ekki lengra.

Wilbur Ross, billionerinn sem  er viðskiptaráðherra Bandaríkjanna (U.S. Secretary of Commerce) sagði að viðskiptafélagar eins og Kína og Evrópusambandið segist vera með frjálsri verslun en séu það ekki. 

“Margar ríkisstjórnir um allan heim hafa rekið pólitík sem er ósanngjörn gagnvart bandarísku verkafólki  og fyrirtækjum,” Ross wrote on opinion page of The Wall Street Journal. “Fyrir þessi stjórnvöld hefur Trump forseti skýr skilaboð.Það er kominn tími til að endurskipuleggja viðskiptastefnu ykkar frjálsa og gagnkvæma.”

Ross sagði að tollar Kína sé hærri en Bandaríkjanna á 20 af 22 sviðum svo sem sykri, fatnaði, bómull, fötum . flutningatækjum og vélum.  Evrópusambandið leggur á hærri tolla en Bandaríkin á 17 af 22 sviðum  eins og dýraafurðum,sykri, vélum og efnavörum.

“ESB leggur +a 10 prósent toll á innfluttar bandarískar bifreiðar meðan Bandaríkin leggja aðeins á 2.5 % á innfluttar bifreiðar frá Evrópu segir Ross. “Í dag flytur ESB 1.14 milljónir evrópskra bíla til Bandaríkjanna nærri fjórum sinni fleiri en Bandaríkin flytja til Evrópu.”

Burtséð frá þessu sláandi misvægi í tollum þá eru líka aðrar viðskiptahindranir sem auka kostnað bandarískra fyrirtækja sem vilja eiga viðskipti við Kína og Evrópu. Þessar hindranir eru  íþyngjandi og ógagnsæjar reglur til að skrá og fá samþykkt leyfi fyrir innflutningi, óvísindalegar heilbrigðisreglur,kröfur um að fyrirtæki byggi innanlands verksmiðjur og áneydd yfirfærsla tækniupplýsinga meðal annars sagði Ross.  

 

“Bæði Kína og Evrópa fjármagna útflutning sinn með styrkjum, lágvaxta lánum,orkustyrkjum,sérstökum skattaendurgreiðslum og fasteigna sölum og leigu fyrir neðan markaðsverð á meðal annars sagði Ross. “Sambærilegir ríkisstyrkir þekkjast ekki í Bandaríkjunum.”

 

Ríkisstjórn Trumps hefur lagt til 54 viðskiptalagfæringar  til að rannsaka ósanngjörn viðskipti. Bandaríkin hafa sett fram 403 kvartanir við 42 ríki sem eru í samræmi við reglur alþjóða viðskiptaráðsins. Því miður túlka meðlimaríkin þetta sem verndarstefnu Bandaríkjanna. En þarna er Trump aðeins að framkvæma það sem hann lofaði í kosningabaráttunni sem venjulegir stjórnmálamenn eins og við þekkjum þá eiga ekki að venjast.

“Alþjóðaviðskiptaráðið á að vernda frjáls og sanngjörn viðskipti milli ríkja, ekki ráðast á þessar viðskiptaleiðréttingar  sem miða að jafnræði" sagði Ross. “Að verja bandaríska verkamenn og fyrirtæki gegn þessum árásum má ekki mistúlka sem verndarstefnu.”

 

 

 

Related Stories:

 

• Germans Pull Plug on Commerce Secretary Wilbur Ross
• Wilbur Ross: Trump Has 'Driven the Stock Market to $4 Trillion' in Gains

 

Hér er verið að tala beint til Íslendinga. Við höldum úti mikilli mismunun gagnvart bandarískum vörum  á mörgum sviðum þar sem við eru taglhnýtingar viðskiptasvínanna í þýska Evrópusambandinu sem þoldu ekki að hlusta á Ross tala og skrúfuðu fyrir hann í sjónvarpinu eftir 20 mínútna lestur hans. Öll mismunum  okkar Íslendinga gagnvart Bandaríkjunum er  til háborinnar skammar gagnvart okkar mestu vinaþjóð sem eru Bandaríkin sem vernduðu okkur fyrir ekki neitt í mörg ár gegn margri vá.

Ef að ríkisstjórn  okkar myndi einu sinni hysja upp um sig buxurnar og gera eitthvað í að leiðrétta þá ósanngirni sem hér ríkir að fyrra bragði og án þess að láta neyða sig til þess þá væri það drengileg gerð og okkur til sóma. En hver býst við einhverju af kratískri ESB-Viðreisn eða þá Óttari Proppé, hvað sem þessi flokkur hans heitir annars.

Sjálfsagt gerir ríkisstjórnin ekkert í þessu og við höldum áfram Íslendingar að svína á Bandaríkjunum eins og heimurinn hefur verið að gera sér til skammar.

 

Kristinn Pétursson

sá þekkti dugnaðarforkur skrifar athyglisverða punkta á Facebook.

Kristinn segir:

"Kristinn Pétursson Myndin hér fyrir neðan - er gerð af Svend Aage Malmberg, haffræðingi Hafró til áratuga - en hann er látinn. Mjög vel unnin gögn - eru til á Hafró eftir þann heiðursmann.

Meðalhitinn í S3 mælipunkti Hafró norðan Siglufjarðar skv myndinni er 5,22°C 1924-1960. 1960-1992 er meðalhiti í sama mælipunkti 2,8°C - mikil niðursveifla í sjávarsskilyrðum fyrir Norðurlandi. Árið 1969 er meðalhitinn í þessum mælipunkti mínus 1,1°C - Snauður - glær pólsjór á hafísárunum var svo glær að það sást til botns á 20 metra dýpi á vorin í Bakkaflóa... Æðarkollurnar verptu stundum annað hvert ár - á hafísárunum. Náttúran kann að laga sig að aðstæðum.

Síldin flúði kuldann "norður og niður" - flotinn elti síldina norður að Svalbarða þar sem hún hvarf... Kaldur polsjór flæddi suður með Austfjörðum og seltuminni pólsjórinn virtist "fljóta" ofan á saltari sjó - Golfstraumnum - og það virðist hafa verið kuldinn sem hrakti síldina burtu - en ekki meint "ofveiði"...

Ég skoðaði öll þessi gögn hjá Svend Aage Malmberg á Hafró - og ennnig á bókassafni Hafró þegar ég var á Alþingi 1988-1992.

Síldin flúði kuldann - inn á Norsku firðna: Meðan Norsk Íslenski síldarstofninn var í lágmarki - árin eftir hafisárin - hrygndi síldin stunfum annað hvert ár (lokaritgerð Péturs Péturssonar fiskifræðings sem nú býr í Seattle/USA Hann stundaði rannsóknir á síldinni í tvo vetur - annan i Tromsö og hinn í Bergen - en stundaði námið í Danmörku)

Kuldi og fæðuskortur - vegna kuldans - virðist hafa verið aðal orsök þess að síldin fór frá Íslandi.

Nú - árið 2017 - er hitaastigig í S3 - LOKSINS að verða svipað og 1924-1960 - og síldin farin að vaða í torfum við Kolbeinsey - nú fyrst árið árið 2017.... Það er eins og síldin sé með "digital hitamæli í rassinum"...

Náttúran kann sitt fag - betur en við mennirnir - en sumir af gerðinni Hómó Shapens - þykjast vita miklu betur - en náttúran sjálf . Við skulum bera fulla virðingu fyrir náttúrunni og ekki ögra almættinu með því að þykjast vita betur ;)

"

 

Ætli gildi ekki sama með loftslagslagsvísindin svokölluðu?  Sólin kann sitt fag þó fjörtíuþúsund fífl Al Gore leggi á okkur drápsklyfjar kostnaðar vegna bullvísinda þeirra  um CO2 og hnattræna hlýnun vegna þess.

 

Kristinn á þakkir skildar fyrir þessa yfirferð. 

Frábært viðtal

var hjá Arnþrúði á Sögu við hana Sveinbjörgu Framsóknarkonu og Flugvallarvin.

Sveinbjörg fór yfir marga málaflokka af mikilli þekkingu og og kom inn á mörg umhugsunarefni.

Eitt sem hún nefndi var hvernig skóli án aðgreiningar hefur breyst í grundvallaratriðum með fjölgun útlendinga. Þessu hefur ekki fylgt fjármagn frá ríkinu sem þá  fylgdi yfirtöku sveitarfélaganna á skólunum. Afleiðingin er að skólakerfið er að skila ómenntuðum einstaklingum sem hvorki eru reiknandi, skrifandi né læsir vegna þess að aðgreiningarleysið veldur því að enginn getur fengið neina kennslu við sitt hæfi.Misþroski nemendanna heldur öllu niðri. Sveinbjörg spurði hvort ekki væri ástæða til að hafa útlendingana í sérskólum sem er áreiðanlega rétt.

Sveinbjörg kom inn á málefni Hellisheiðarvirkjunar. Þar er málum, að því að virðist haldið frá kjörnum fulltrúum. Brennisteinsmengun frá virkjuninni er gríðarleg og þar fyrir utan er óvitað hvaða áhrif brennisteinssýran hefur á lungu mannfólksins sem fyrir verður. Nógu slæmt er að sjá hvernig mengunin fer með háspennumöstrin á Hellisheiði sem áður sá ekki á en eru nú að ryðga niður og enginn segir neitt. Ætli lungu sé minna viðkvæm en galvanisérin á stáli?

Það sem Sveinbjörg virtist ekki vita er hversu fjárhagsstaða virkjunarinnar er algerlega vonlaus.  Hún sagði að virkjunina skorti afl sem er rétt. Orkuveitan þyrfti að kaupa dýra orku að þar sem hún er búin að skuldbinda sig til að afhenda orku til stóriðjunnar á ákveðnu verði. En sú staðreynd er svo hrikaleg að um hana er ekki rætt. Virkjunin þarf að borga 3 kílówött sjálf með hverri kílówattstund sem hún selur eða því sem næst. Og niðurdæling á brennisteini með tilheyrandi landskjálftum  og aukaleg gufuöflun gerir bara að hlaða meiri kostnaði á þessa virkjun sem er tæknilega marggjaldþrota og getur aldrei borið sig. Dýrð sé Framsóknarflokknum meðal annars sem stóð fyrir óraunhæfri byggingu virkjunarinnar á dýrðardögum Alfreðs Þorsteinssonar og Ingibjargar Sólrúnar. 

Sveinbjörg fór einnig fyrir rekstrarvanda Reykjavíkurborgar þar sem flest er í niðurníðslu. Þar ber allt að sama brunni með viðhaldsleysi og vandræðagang. 

Ég fór að hugleiða með mér hversu feginn ég er að vera ekki á kjörskrá í Reykjavík. Þar myndi ég komast í vandræði hvort ég ætti að kjósa minn flokk eða eða frekar Sveinbjörgu og Guðfinnu af lista Framsóknar og Flugvallarvina? Íhaldið í Reykjavík virðist ekki duga til neinnar teljandi stjórnarandstöðu og því finnst mér stefna frekar i að Dagur Bergþóruson verði bara endurkjörinn og allt stefni áfram norður og niður þar á bæ.

Þá minntist ég fyrirbrigðis úr pólitíkinni sem var kallað Hræðslubandalagið í gamla daga. Það var bandalag tveggja stjórnmálaflokka sem náðu til samans meiri áhrifum en sitt í hvoru lagi. Raunsætt mat mitt er það, að íhaldið mitt sé ekki að meika það sem stjórnarandstaða þó allt sé rétt sem það segi. Það er bara ekki sannfærandi í málflutningi sínum og ástríðulaust með öllu. Virðist vanta allan neista.  Það  vantar sannfæringarkraftinn sem hann Davíð hafði á sínum ungu dögum. Framsókn og Flugvallarvinir ná heldur ekki fjöldanum hvað sem glæsilegri frammistöðu þeirra kvennanna Sveinbjargar og Guðfinnu líður.

Er kosningabandalag Framsóknar og Íhalds mögulegt?  Gæti það ekki frekar náð Borginni úr höndum 101-liðsins á þann hátt? Ráðast gegn því sameinað og reynt að sannfæra kjósendur úr hærri póstnúmerum um breytinga sé þörf í Borginni?

Þó nú sé verið að slá og fylla í holur þá verða menn að gera sér ljóst að það er gert í því trausti að ekki verði búið að gera ársreikning Borgarinnar þegar kosningar koma að vori. Hallanum vegna þessara útgjalda núna verður trúlega leynt að hætti Ingibjargar Sólrúnar sem einhverjum undirliggjandi halla í glæsilegum rekstri eins og hún gerði opinberlega að lýsa yfir og komst upp með það vegna ótrúlegrar ósvífni sinnar í málflutningi og svo vinstri slagsíðu RÚV og fleiri fjölmiðla á þeirri tíð. Þetta mun Dagur B. reyna og hugsanlega komast upp með vegna slapps málflutnings stjórnarandstöðunnar í Reykjavík. 

En viðtalið var frábært við hana Sveinbjörgu en dugar ekki til eitt og sér.

"Útvarpskommarnir"

halda úti sérstakri síðu á RÚV sem heitir Forsetatíð Donalds Trump. 

Þar er safnað saman efni sem hefur þann tilgang að gera Forsetann ótrúverðugan með hálflygum og jafnvel ósönnuðum getsökum.

Þar er auðvitað því haldið á lofti að Trump sé að reyna að að fella Obamacare bara til þess að láta fátæka Bandaríkjamenn deyja án læknishjálpar. Þar aldrei minnst á Trumpcare sem er áætlun sem á að koma í staðinn fyrir Obamacare. Það er bara lögð áhersla á að kynna Trump sem fífl og fábjána sem ekkert geri nema vitleysur.

Það er ekki minnst á það hvernig Trump frelsaði Bandaríkin frá Parísarsamkomulaginu sem sparar þeim trilljónir dollara í vitleysu og á vonandi eftir að koma vitinu fyrir heimsbyggðina sem er undir forsæti hinna fjörtíuþúsund fífla Al Gore og kaupahéðnanna sem ætla að græða á þessari ósönnuðu nostalgíu. Kannski að eitthvað fé verði þá eftir í Trumpcare áður en upp er staðið?

"Útvarpskommarnir" bregðast ekki væntingum.

Kindakjötsfárið

er að sliga fjárbændur. Líklega mest vegna milliliðakerfisins og lélegrar verkunar afurðanna.

Þegar maður fer í kjörbúð, jafnvel þar sem er kjötborð, þá kaupir maður kjöt sem maður heldur að sé í lagi. Svo er þetta eldað og þá er þetta eins og gúmmí, þurrt og allt öðruvísi en það var í gamla daga. Sumir segja að þetta sé eldgamalt kjöt, búið að liggja í frystigeymslum lengi. Áreiðanlega er þetta kjöt sem aldrei hefur hangið uppi. Líka af stressuðum kindum og þreyttum eftir flutninga, sem eru drepnar með rafmagnssjokki að hætti EES í stað þessa að vera skotið og skorið eins og í den þegar kjötið var ætt. 

Nú færðu hvergi almennilegt kindakjöt, hvorki hangikjöt, saltkjöt eða nýtt kjöt. Þetta er bara óæti, þurrt eins og gúmmí sem hoppar upp ef þú stingur í það gaffli. Það er alvega sama þó að Baldvin sér að reyna að dásama þetta fyrr útlendingum, þetta er bara ekki vara eins og hún getur verið.

Kjötbirgðirnar hrannast upp því neytandinn vill þetta ekki vegna þess hversu lélegt og dýrt þetta er. Kindakjöt ætti að vera ódýrasta kjötið þar sem það er tilkostnaðarlítið í fóðrun sem gengur á landgæði með ofbeit án þess að eigandinn leggi nokkuð til. Frystigeymslan og slátrunin hleður á þetta kostnaði en bændurnir eru að drepast í fátækt.

Bændur ættu að taka sig saman og slátra heima. Hengja kjötið í gáma og selja beint til neytenda almennilega vöru. Hætta þessari helvítis miðstýringu og EES kjaftæði öllu. Skaffa okkur almennilegt kjöt eins og var í gamla daga þegar var slátrað heima.Verðið myndi lækka við þetta og bændur fá meira í sinn hlut sem þeim veitir ekki af.

Annars vex bara kindakjötsfárið og birgðasöfnunin af ónýtri vöru sem enginn vill kaupa.