Rétt verð á bragganum

og Félagsbústöðunum. Svo segir í Mogga:

"Sam­kvæmt könn­un­inni myndu um þrír af hverj­um tíu, sem tóku af­stöðu, greiða Sjálf­stæðis­flokkn­um at­kvæði sitt en það er svipað og kjör­fylgi flokks­ins í vor. Sam­fylk­ing­in mæl­ist með 21 pró­sent en hlaut tæp 26 pró­sent í kosn­ing­un­um. Pírat­ar bæta nokkru við sig og fengju 12,7 pró­sent at­kvæða sam­an­borið við tæp 8 í vor. Viðreisn mæl­ist með rúm 9 pró­sent nú sam­an­borið við rúm 8 í vor. Vinstri græn mæl­ast með ríf­lega 8 pró­sent og bæt­ir nokkru við sig. Flokk­ur­inn fékk 4,6 pró­sent at­kvæða í borg­ar­stjórn­ar­kosn­ing­un­um.

Séu niður­stöður könn­un­ar­inn­ar mátaðar við stóla borg­ar­full­trúa myndi meiri­hlut­inn halda velli með þrett­án full­trúa en vera öðru­vísi sam­an­sett­ur. Sam­fylk­ing­in myndi tapa tveim­ur mönn­um en Pírat­ar og Vinstri græn bæta við sig ein­um manni hvor flokk­ur. Borg­ar­stjórn­ar­flokk­ur Viðreisn­ar myndi áfram telja tvo menn. Sam­setn­ing borg­ar­full­trúa minni­hlut­ans væri óbreytt."

Það voru bara áætlanirnar sem hljóta hafa verið vitlausar.

Að menn skuli ekki hafa áttað sig á þessu grundvallaratriði. Kjósendur í Reykjavík láta hinsvegar ekki blöffa sig. 

Meirihlutinn stendur traustum fótum. Ekki dettur nokkrum manni í hug að Sjálfatæðisflokkurinn geti eitthvað bætt við þetta.

Er ekki krafa dagsins að Eyþór Arnalds segi af sér fyrir að vera að setja út á hinn mikla Dag B.?

Það er greinilega rétt verð á bragganum og í Félagsbústöðunum að dómi kjósenda.

 

Alger séní

voru á fundi í VR undir forystu hins mikla Ragnars Þórs Ingólfssonar. Þeir ætla að stytta vinnuvikuna um ein 10 % eins og Óli Jóh á sínum tíma, hækka launin skattfrjálst um 40 %. 425.000 krónur eftir 3 ár.

Og þessu á að ná í samningum. Samningum við hverja?

Af hverju tilkynna þeir þetta bara ekki einhliða og svona bara verður þetta.

Allt gengur þetta ljúft upp. Flott.

Eina sem er ekki skilgreint er hvað krónan verður mikils virði eftir 3 ár. Varla búast þeir við því að gengið þá verði á pari við daginn í dag? Sem sagt þetta séu verðtryggðar krónur sem þeir hatast við sem mest alla aðra daga.

Eigum við virkilega ekki að fá að skemmta okkur í löngu verkfalli áður en skrifað er undir þetta? Verður ekki að færa fórnir? Þetta verður að kosta blóð svita og tár eða er það ekki? Verður ekki Halldór Benjamíns að skrifa grátandi undir eins og Árni Oddsson á Kópavogsfundinum? Ragnar Þór að berja sér á brjóst eins og Tarzan þegar hann var búinn að berja apann?

Eru þetta ekki alger séní? 

Kerfisfræði

er atvinnuvegur. Bæði á tölvusviði og svo á almannatryggingasviðinu.

Ég man frá Hollandi fyrir 40 árum að þeir sögðu að það væri lífstíll að vera á bótum og vinna ekki. Þeir sem það gerðu þénuðu 80 meðan fullvinnandi þénuðu 100. Menn bara veldu sér hlutskipti og lífshamingju.

Menn stunda kerfisfræði sér til lífsviðurværis.Þéna 80 og vinna svo kannski svart ef þeir nenna til að hressa sig við.

Ég skil ekki af hverju menn eru hissa á fjölgun ungra öryrkja. Það er kannski ekki svo mikill vandi að koma sér upp geðrænni eða annars konar örorku ef menn bara vilja. "Læknirarnir" spila með og eru vorkunnsamir við þá sem bágt eiga, hjálpa kannski til með blinda auganu.

Sumir eru bara þannig að þeir hata að vinna, mæta í vinnu, fara á fætur eða axla ábyrgð. Sjá engan tilgang í venjulegu lífi eða hafa engar væntingar til lífsins aðrar en að fljóta sofandi eða stunda eigið bull og vitleysu. Þetta er bara lífsstíll sem kerfið býður upp á.

Menn eiga ekki að vera hissa niðri á Alþingi þó að kerfisfræðingar geri grín að kerfinu og noti það fyrir sig.

 

Ástralir hættir í loftslagsbullinu

 

 Scott Morrison forsætisráðherra var spurður hvort Ástralir myndu uppfylla skuldbindingarnar um að minnka útblástur  um 26% til 28 % frá því sem var 2005 , þá segir Morrison "Nei, við náum því ekki... við við erum ekki heldur skuldbundnir til þess. Heldur ekki erum að að setja peninga í stóra loftslagssjóðinn. það gerum við heldur ekki. Ég ætla ekki að eyða peningum í hnattrænar loftslagsráðstefnur og alla þá vitleysu."

 

Ástralía er búin að leggja 200 milljónir í stóra loftslagssjóðinn frá 2016 til 2018, en Bandalagið er undir þrýstingi frá Einni Þjóð til að útiloka frekari framlög. Tilgangur sjóðsins er að hjálpa þróunarríkjum að svara loftslagbreytingum.

Angus Taylor frá Einni Þjóð var spurður hvort Ástralía myndi hætta kolabrennslu 2050 "að lykillinn sé ekki að einblína á iðnaði heldur að einblína á niðurstöðuna." Hann sagði að Ástralía blési aðeins út 1 % af heimsútblæstrinum svo að höfuðatriðið væri að þróunarríkin Kína og Indland drægju úr sinni losun.

Íslendingar eru tilbúnir að leggja á sig píslir alveg án tillits til hversu lítið örsmæðarbrot þeir leggja til heimsútblástursins algerlega án tillits til hvað Kína og Indland gera.

.

Morrison var spurður hvort hann stæði við bann við kjarnorku." Ef ég tryði því að það hefði mikil áhrif á rafmagnsverð í Ástralíu þá geri ég hvað sem er til þess að lækka það."

Enginn þriðji orkupakki þar eða hækkunarsamsæri með öðrum þjóðum.

Hinir örfáu Íslendingar sýnast verulega ruglað lið þegar Ástralir eru hættir í loftslags- og hlýnunarbullinu með sinn óverulega 1 % hluta af heimsvandamálinu

Ruglað lið?

á fundi VG. Hvað finnst fólki um þessa ályktun um varnarmál og samstarf vestrænna þjóða?

..... " hér fari „fram æfingar í að ná völdum yfir og myrða annað fólk. Sömu hermennirnir og koma hingað munu verða sendir til Miðausturlanda þar sem þeir myrða og pynta almenna borgara með tækninni sem þeir æfðu á Íslandi“.

Er þetta bæði ruglað og galið lið eða eitthvað annað?

Rétt verð á bragga?

hefur ekki komið fram ennþá. En hneykslunaröldur hafa risið jafnháar Esjunni að manni finnst.

Þessi braggi sem Flugmálastjórn notaði á sínum tíma sem samkomusal fyrir smærri partí er orðinn mönnum gríðarlegt áhugamál. það er búið að gera hann bara fallegan með fögrum stráum utanhúss. Hvað er eiginlega að þessu öllu? Hvað á hann að kosta að réttu?

Er bragginn orðinn allt of dýr? Gamlar sögulegar stríðsminjar?  Hvað mætti hann kosta? Væri helmingur ásættanlegur og undir sársaukamörkum.

Eða skiptir talan kannski engu máli ef hægt er að kenna einhverjum ákveðnum um eftirlitsleysi. Nú þarf að endurskoða allan byggingarferilinn að manni skilst. 

Heldur einhver að það muni ekki kosta neitt? Ég giska á milljónatugi til viðbótar sem kannski væru betur komnir í að klára klósettið svo hægt sé að leigja húsið út? Ef bara ekki á að afhenda það til brottrekstrarfólksins í H.R. ókeypis?

Svo geta menn talað um Orkuveituhús Alfreðs Þorsteinssonar í framhaldi. Það þarf að skipta um útveggi þar. Hvað skyldi það nú kosta?  Og hvað skyldi nú eftirlitið og endurskoðun á eftirlitinu með því koma til með að kosta? 

Hver veit hvað er rétt verð á bragga og Orkuveituveggjum? 

RÚV hrærir

í stjórnarskrárumræðunni með Samfylkingunni.

Tekur stórt viðtal við Helgu Völu um nauðsyn nýrrar stjórnarskrár í beinu framhaldi af Silfri Egils um sama efni.

Jafnvel Pétur á Sögu er farinn að samsinna því að Íslendingar hafi í raun ágæta stjórnarskrá frá 1944. Hana megi bæta með viðaukum eins og Bandaríkjamenn hafa gert.

En að ætla að bjóða Íslendingum upp á óskapnað Þorvaldar Gylfasonar og félaga í svokölluðu Stjórnlagaráði væri þvílík niðurlæging að ekki kemur til greina af augljósum ástæðum fyrir þeim sem nennt hafa að lesa.

RÚV blandar sér beint í umræður um nauðsyn á nýrri stjórnarskrá fyrir Íslendinga sem við var að búast eftir messu Lawrence Lessig hjá Agli Helgasyni.

 

Lawrence Lessig

var á Silfri Egils sem bregst ekki í því að leiða fram vinstri sinna til að rakka niður vestræn gildi.

Herra Lessig brást ekki í því. Aukinheldur er langt síðan ég hef heyrt eins óþjóðhollt tal Bandaríkjamanns. Hann bókstaflega rakkaði niður lýðræðið í Bandaríkjunum, sakaði yfirvöld um að flytja kjördæmamörk í pólitískum tilgangi. Þegar maður hafði haldið að það væri gert til að jafna atkvæðavægið í lýðræðisríki þá heitir það hjá Lessig að það sé gert í þágu Repúblikana sem reyni allt til að eyðileggja fyrir meirihlutanum sem séu Demókratar eins og hann.

Hann skellti skuldinni á dræma þáttölu kjósenda á aldinum 18-35 ára sem hefði orðið til þess að George Bush og Íraksstríðið hefi átt sér stað og núna að Trump hefði komist að sem væri sýndist manni í hans augum álíka slys.

Að leggja þessa tvo forseta að jöfnu er mikil blinda hjá þessum manni. Hann strikar yfir það sem Trump hefur gert til að gera heiminn friðvænlegri og allt annað auðvitað svo staurblindur Demókrati sem þessi maður er og illyrmislegur gagnvart þjóð sinni að honum virðist fjandans sama um framtíðina meðan til eru Republikanar við völd.Hann gleymir því líka að Trump var Demókrati en þroskaðist frá því sem Mr.Lessig á hugsanlega eftir að gera.

Margt athyglisvert sagði hann samt um þróun menningarinnar í Bandaríkjunum sem á líka við hér á Íslandi eins og útbreiðsla Facebook og vald auglýsendanna og tölvuleikjanna yfir fólkinu og hnignun bóklestrarins. Hann var samt ekki alveg trúaður á gildi beina lýðræðisins sem Pétur á Sögu klifar á og Egill tekur greinilega undir með tali sínum um nauðsyn nýrrar stjórnarskrár. Lessig var ekki bjartsýnn að okkur væri að takast endurbótavinnan en við yrðum að halda fram að reyna þó hann væri ekki endilega sigurviss.

Ef RÚV er talið hlutdrægt í stjórnmálaskoðunum þá er Egill Helgason ekki að draga úr því áliti með sínum silfurpeningum. Viðtalið við Mr.Lawrence lessig skar sig ekki úr með hið venjulega Trump-hatur sem okkar vinstri elíta stendur fyrir.

Ætlar Alþingi að bregðast?

Íslendingum með því að grípa ekki inn í óheftan innflutning á fersku kjöti frá sýktum svæðum?

Hversvegna getur ekki Alþingi fyrirskipað frystingu á kjötinu á grundvelli sóttvarna almennings? Hvað myndi Trump gera í svona máli? Myndi hann hika þegar heilsa bandarísks almennings væru í húfi?

Að hlusta á Loga tala um það í Silfrinu að ferðafrelsi Íslendinga sé í húfi ef við ekki hlýðum öllu?  Við eigum allt undir EES samningnum?

Þvílík fjarstæða. Ég ferðaðist vandræðalaust og stundaði nám í fyrir þennan samning. Hver er svo skyni skroppinn að halda að þjóðir Evrópubandalagsins vilji ekki eiga nein samskipti við Ísland án þessa EES samnings?

Menn gera viðskipti vegna eigin hagsmuna og tollar eru aðeins settir til að hindra frelsi í viðskiptum. Þeir eru bara af hinu illa fyrir allan almenning. ESB er fyrst og fremst tollabandalag gegn umheiminum og því illrar náttúru.

Forsjárhyggja Loga er slíka að hann neitar því grundvallarlega að hafa frelsi í nokkurri mynd. Allt verði að binda í paragröf.Hann getur ekki lifað án forskriftar. Hann vill taka upp Evruna og fær stuðning frá Þórhildi Sunnu og Pírataflokknum. Þá vita menn það að það er enginn munur á þessu landsölufólki hvaða nafn sem það notar á  þessa flokka sína.

Alþingi ber að vernda Ísland gegn stórslysi sem getur stafað af innflutningi fjölónæmra sóttkveikja.

Ætlar Alþingi að bregðast þjóðinni?

Hagspekingurinn Logi

flutti eftirtektarverða tölu á klíkufundi kommanna undir fána Samfylkingar.

Páll Vilhjálmsson bloggkóngur skrifar svo um viðburðinn:

"Noregur, Danmörk og Svíþjóð eru sína þjóðargjaldmiðla. Logi Einarsson formaður Samfylkingar er ekki með þessa staðreynd á hreinu. Í ræðu á flokksstjórnarfundi segir hann þetta:

Vinna að upptöku Evru [sic], eins og meirihluti Íslendinga vill, samkvæmt nýjustu könnunum, – með aðild að Evrópusambandinu.
Með stöðugri gjaldmiðli gætu fjölskyldur sparað sér tugi þúsunda í hverjum mánuði og notið sambærilegra lífskjara og íbúar hinna Norðurlandanna.

Allir með minnsta skynbragð á hagstjórn vita að evran er ekki ástæða velsældar á Norðurlöndum. Danmörk, Noregur og Svíþjóð vilja ekki evru vegna þess að hún skerðir lífskjör.

Formenn Samfylkingar eiga það til að klúðra einföldustu atriðum; Jóhanna sagðiJón Sigurðsson frá Dýrafirði.

Ef einföld atriði vefjast fyrir Loga, gjaldmiðlar á Norðurlöndum, eru allar líkur að hann ráði ekki við flóknari verkefni, eins og landsstjórn."

Ég er nokkuð viss um að Snorri Óskarsson myndi taka undir það með okkur Páli að heldur höfum við lítið álit á Loga Má til landstjórnar, alveg burtséð frá hans hagspeki eða grunnþekkingu.Hún er álíka með Evruna og þegar alþjóðlegi fjárfestirinn gerir þjóðir úr SanMaríno og Andorra og fleiri héruðum.

Þeir eru margir hagspekingarnir sem betur er haldið utan við hagfræðina.