Er bara Trump ósanngjarn?

þegar hann bendir á að Kanadamenn leggi 270 % toll á mjólkurafurðir frá Bandaríkjunum?

Þegar hann bendir á að Þýskaland leggi aðeins 1 % af þjóðarframleiðslu sinni til varnarmála meðan Bandaríkin leggi 4 %?

Af hverju eiga Merkel og Trudeau að búa við tollfrelsi inn til Bandaríkjanna?

Er bara Trump ósanngjarn?

Helga Vala tekur lygakeflið af Þorvaldi

Gylfasyni varðandi þjóðaratkvæðagreiðsluna um tillögur stjórnlagaráðs um nýja stjórnarskrá. 

Það frumvarp Þorvaldar var auðvitað ónothæft með öllu vegna vífillengjustíls hans og ruglandi og auk þess rökvillna þar sem hvað rak sig á annars horn í textanum.

Hann heldur því ítrekað fram að frumvarpið hafi verið samþykkt í þjóðaratkvæðagreiðslu með yfirgnæfandi meirihluta. Það er búið að margreka það ofan í hann að þátttakan var svo léleg að þrír fjórðu landsmanna greiddu ekki atkvæði.Ómerkilegheit prófessorsins eru hinsvegar með þeim hætti að hann hamrar lygina í tíma og ótíma væntanlega í stíl Jósefs Göbbelsar um að einhverjir trúi ef lygin er endurtekin nógu oft.

Það þarf engan  að undra að flokkssystir hans Helga Vala sem er ekki síður þekkt fyrir ómerkilegheit í málflutningi tekur upp flaggið fyrir meistara sinn.

Hún segir:

".... Nýja stjórnarskráin var borin undir þjóðina með þjóðaratkvæðagreiðslu 20. október 2012 hvar 73% kjósenda samþykktu að tillögur stjórnlagaráðs skyldu lagðar til grundvallar frumvarpi að nýrri stjórnarskrá.

Þjóðarviljinn var virtur að vettugi, enn bíðum við. Þegar rætt er um lítið traust á stjórnmálum tel ég fullvíst að þessi vanvirðing við þjóðarvilja eigi þar stærstan þátt. Það er ekki í boði að efna til þjóðaratkvæðagreiðslu og fylgja ekki niðurstöðunni.

Klárum málið og gefum þjóðinni nýja stjórnarskrá í fullveldisafmælisgjöf. Hún á það skilið".

Mér er raun að því að Mogginn minn virðist ekki hafa annað að gera við miðopnu sína en að birta svona endemis bullugreinar eftir þessa Helgu Völu, hvað þá ekki skrif eftir Björn Leví sem varla heldur þræði í skrifum sínum og hefur kostað þjóðina milljónatugi með bullufyrirspurnum sínum á Alþingi eins og til dæmis þá til Steingríms J. Sigfússonar um það hvaða óskráðar hefðir gildi á Alþingi og óskar eftir skriflegu svari.

Mogginn má vanda sig meira í því hvað hann ber á borð fyrir skyni borna lesendur sína.

Meiri sleifaragangur

hjá Útlendingastofnun. Hvaða skýringar gefur Sigríður á Andersen?

Helga Vala kætist við þessar staðreyndir:

"

„Samanlagður fjöldi umsókna um fyrstu dvalarleyfi og endurnýjanir jókst um 25% árið 2016 og önnur 25% árið 2017. Í tölum þýðir þetta fjölgun úr 3.735 í 5.850 umsóknir milli áranna 2015 og 2017. Á sama tíma hefur stofnunin ekki getað fjölgað starfsfólki á leyfasviði eins og nauðsynlegt væri til að viðhalda sama afgreiðsluhraða og áður og fyrir vikið hefur biðtími umsækjenda lengst. Þannig voru 85% allra umsókna árið 2017 afgreiddar innan 90 daga en það sem af er árinu 2018 hefur hlutfallið farið niður í 70%. Umsóknum sem bíða afgreiðslu hefur samhliða fjölgað mjög og eru nú rúmlega 1.700.“

Þá er tekið fram að meðferð umsókna sé aðeins flýtt í undantekningartilfellum, en í næstu línu nefnt að umsóknir um dvalarleyfi  á grundvelli atvinnuþátttöku hafi fengist afgreiddar í flýtimeðferð gegn þjónustugjaldi.

Umsóknum um ríkisborgararétt hefur fjölgað nokkuð samkvæmt vef Útlendingastofnunar:

„Umsóknum um íslenskan ríkisborgararétt hefur fjölgað lítillega undanfarin ár og voru um 1.100 árið 2017. Á fáum árum hefur hlutfall umsókna um íslenskan ríkisborgararétt sem lagðar eru fyrir Alþingi hins vegar hækkað umtalsvert, úr 12% árið 2015 í 28% árið 2017, en þær umsóknir hafa til þessa einnig verið unnar af Útlendingastofnun. Vinnsla umsókna um ríkisborgararétt sem lagðar eru fyrir Alþingi er mun tímafrekari en vinnsla umsókna sem afgreiddar eru af stofnuninni sjálfri og heldur nú starfsmönnum ríkisborgarateymis uppteknum nokkra mánuði á ári. Þetta hefur haft í för með sér að umsóknum um ríkisborgararétt sem bíða afgreiðslu stofnunarinnar hefur fjölgað og biðtími umsækjenda lengst. Þannig bíða nú rúmlega 500 umsóknir um ríkisborgararétt afgreiðslu hjá stofnuninni og þar af eru 155 umsóknir nú þegar eldri en sex mánaða gamlar. Af þessum sökum hefur viðmið um afgreiðslutíma umsókna um íslenskan ríkisborgararétt verið lengt úr sex til átta mánuðum í tólf mánuði.Umsækjendur um íslenskan ríkisborgararétt verða því að gera ráð fyrir að liðið geti allt að tólf mánuðir frá því að umsókn var lögð fram og greidd og þar til hún er tekin til vinnslu.“

Ég hélt að tekin hefðu verið upp ný vinnubrögð?

Þetta virðist stefna í meiri sleifaragang sem var þó talinn ærinn fyrir.

Samúðaröflun?

telja áhugamenn um afdrif Hauks í Sýrlandi það vera samúðaröflun við málstaðinn að heisa tyrkneska fánann á Stjórnarráði Íslands á 17 júní.

Vitund þessa fólks er greinilega beygluð ef það heldur að það sé best til að afla samúðar sé að berja viðmælandann fyrst. Enda sýnir ferill þessa fólks nákvæmlega þessa innstillingu.

Haukur fór til Sýrlands til að að fara í stríð og skjóta eða vera skotinn. Hann bað mig eða íslenska ríkið hvað þá móður sína ekki leyfis.Fór hann þá ekki á eigin vegum og ábyrgð?

Af hverju á ég og íslenska ríkið að bera ábyrgð á því hvar hann sé núna? Var ég eggjaður lögeggjan með tyrkneska fánanum á 17.júní? Er ég upptendraður að gera eitthvað í að leita að Hauki eftir þann atburð?

Var samúðar minnar aflað með þessari sýningu?

Hannes Þór

var stórkostlegur í markinu gegn Argentínu. Þvílík frammistaða. Varði vítið og ótal önnur skot.

Vörnin var líka öll góð en sóknin síðri. Argentínumenn spiluðu ofboðslega vel og nákvæmt en höfðu ekki heppnina með sér.

Frábær árangur hjá strákunum að ná að halda jöfnu móti þessu frábæra liði.

Hannes Þór átti mikinn þátt í niðurstöðunni.

Júróvisjónstemning

ríkir á háu stigi fyrir fyrsta leikinn á morgun.

Erum við ekki að tapa okkur eins og fyrir Júróvisjón þar sem við urðum neðstir?

Alvarlegur bombuskortur

hrjáir Bandaríkjaher. Það vantar 20 billjónir dollara strax til að bæta upp þurrðina. 

Það gengur allt of hratt á brigðirnar í Afgahnistan og hráefni vantar í alla hluti.

http://www.defensenews.com/pentagon/2018/05/22/the-us-is-running-out-of-bombs-and-it-may-soon-struggle-to-make-more/

Hver á að bæta úr því ástandi ef stefnir í alvarlegan bombuskort hjá Bandaríkjaher? 

Spurningar Geirs

Ágússtonar eiga erindi við mig í aðdraganda Drag-drottningar fagnaðar Dags B. Eggertssonar og fylgimanna hans á komanda 17. júní.

Geir segir:

"Erum við kynslóðin sem fórnaði vestrænum gildum um frelsi, jafnrétti og lýðræði á altari misskilinnar góðmennsku sem endaði á að valda bæði okkur og þeim sem við hjálpuðum óendurkræfum skaða?

Erum við kynslóðin sem kastaði eigin gildum fyrir önnur í stað þess að tala fyrir ágæti okkar gilda við þá sem brytja aðra niður í nafni trúar, mannfyrirlitningar og valdaþorsta?

Það mun tíminn leiða í ljós."

Spyr sá er ekki veit.

Framúrstefnulegur meirihluti

í Reykjavíkurborg.

Á 17 júní þegar Íslendingar minnast Jóns Sigurðssonar og afmælis lýðveldisins mun Borgarstjórinn í Reykjavík marséra um göturnar með Drag-Drottningu.

Af hverju ekki að sameina þennan dag Gleðigöngunni og gera þetta almennilega eftirtektarvert?

Þetta eru hinir nýju frjálslyndu fjölmenningarlegu dagar. Hvernig verður Forsteinn klæddur þegar hann flytur ávarpið? Þarf hann ekki að vera í stíl?

Allir á Austurvöll að hylla hinn nýja framúrstefnulega meirihluta.

Hallur á erindi við þig

í grein í Morgunblaðinu í dag. Fyrir þá sem ekki lesa Morgunblaðið er reinin hér:

Hallur segir:

"Laugardaginn 9. júní komu um 50 manns saman fyrir utan sendiráð Stóra-Bretlands í Reykjavík til þess að mótmæla fangelsun breska aðgerðasinnans og fréttamannsins Tommy Robinson þann 25. maí síðastliðinn. Tommy Robinson var handtekinn á götu fyrir utan dómshús í Leeds fyrir að segja fréttir af réttarhöldum yfir 29 pakistönskum múslimum sem á árunum 2004-2011 svívirtu hundruð barnungra stúlkna í Jórvíkurskíri. Tommy Robinson var að streyma fréttum af vettvangi þegar hann var handtekinn. Tommy var eini fréttamaðurinn sem flutti fréttir af vettvangi í Leeds; enginn annar fréttamaður var þar til þess að fjalla um réttarhöldin. Enginn. Tommy var umsvifalaust leiddur fyrir dómara, neitað um lögmann og dæmdur í 13 mánaða fangelsi fyrir að „lítilsvirða réttinn“. Dómarinn setti fréttabann á breska fjölmiðla um dóm Tommy Robinson. Mótmæli hafa verið víða um heim og yfir 500 þúsund manns hafa skrifað undir kröfu um frelsun Tommy. Ljós frelsis slokknaði í Bretlandi.

Grundvallarreglur siðaðs samfélags

Ég ávarpaði samstöðufundinn fyrir utan sendiráðið. Þar var ekki spurt hvort við værum sammála eða ósammála Tommy Robinson. Það var spurt um grundvallareglur siðaðs samfélags. Málfrelsi og leikreglur réttarríkisins voru þverbrotnar í Leeds þann 25. maí. Ég hef sjálfur staðið frammi fyrir dyrum lokaðra réttarhalda og flutt fréttir þar sem ég ekki fékk aðgang að réttarsal. Það var ákvörðun dómara og enginn gerði athugasemdir enda hagsmunir fórnarlamba en ekki gerenda hafðir í huga. Engum datt í hug að varpa mér í fangelsi. Tommy Robinson var ekki að skýra frá inntaki réttarhaldanna heldur skýra frá ákærum sem höfðu birst á opinberum vettvangi. Mál Tommy Robinson varpar ljósi á skipulagt brottnám stúlkna um þvert og endilangt Bretland af múslimskum nauðgunargengjum, fyrst og fremst af pakistönskum uppruna. Svívirðan er kölluð „child grooming scandals“. Níðingarnir eru verndaðir af breskum yfirvöldum; pólitík, félagsmálayfirvöldum, lögreglu og falsmiðlum með ríkisfréttir BBC í broddi fylkingar. Þeir sem vekja athygli á svívirðunni og taka til varna fyrir konur og stúlkur eru hundeltir, ofsóttir og fangelsaðir.

Hryllingur í Rotherham, Rochdale og Telford

Sunday Times hóf í upphafi þessa áratugar að upplýsa um samsæri félagsmálayfirvalda og lögreglu um að hylma yfir glæpi múslima, einkum frá Pakistan. Þúsundum stúlkna undir lögaldri hefur verið rænt; þær gerðar bjargarlausar með fíkniefnum og áfengi; þeim komið fyrir á „eins barns“ barnaheimilum í eigu fasteignafélaga og þaðan ekið til staða þar sem tugir íslamskra karlmanna koma saman og svívirða þær og nauðga. Sunday Times komst yfir gögn sem staðfesta svívirðu yfirvalda í Rotherham og einnig í Rochdale. Sunday Times taldi 40 „einsbarnsbarnaheimili“ í Rochdale. Blaðið var sakað um rasisma og bæjaryfirvöld í Rotherham létu fara fram rannsókn á lekanum en ekki glæpum sem eiga rætur í trúarbrögðum Íslams. The Mirror hefur upplýst um „versta barnaníð Bretlands“ í Telford, 170 þúsund manna bæ. „Hundruðum ungra stúlkna nauðgað, barðar, svívirtar og seldar í kynlífsánauð,“ sagði í fyrirsögn blaðsins. Sama munstur er í Telford, múslimskir karlmenn eru að baki svívirðunni sem staðið hefur yfir í um 40 ár og yfirvöld vitað af í aldarfjórðung án þess að aðhafast. Í Telford eru á annað þúsund fórnarlömb. Barnungar stúlkur hafa týnt lífi sínu. Allt að milljón stúlkur og ungar konur hafa verið svívirtar um þvert og endilangt Stóra-Bretland af múslimskum nauðgunargengjum.

Mesta þjóðarskömm í sögu Breta

Samsæri yfirvalda og barnaníðinganna er mesta þjóðarskömm breskrar sögu og endurspeglar skelfilegt ástand á Bretlandi sem er orðið „semi-íslamskt“ ríki. Í stað þess að takast á við skömmina og vandann þá ræðst bresk kerfis-elíta á þá sem vekja athygli á glæpum múslima og fangelsar saklausa menn. Meginvandi Evrópu er íslamsvæðing álfunnar. Fyrir því lokar bresk kerfis-elíta augunum. Þeir sem spyrna við fótum eru ofsóttir og fangelsaðir. Elítan lætur sig engu skipta örlög þúsunda, hundruð þúsunda stúlkna sem eru fórnarlömb svívirðilegs ofbeldis en á sama tíma ráðast fjölmiðlar miskunnarlaust á æru manna, líkt og söngvarans góðkunna Cliff Richards, raunar fleiri og fleiri. Blaðamenn umkringja slíka menn líkt og hrægammar bráð í andarslitrum en sjást ekki við réttarhöld múslima.

Þegar Churchill stóð einn og af galskap í Reykjavík

Fyrir 80 árum stóð Winston Churchill einn gegn Hitler og níðingum hans. Winston Churchill vissi hvað var í húfi. Sjálft frelsið og vestræn siðmenning voru í húfi. Miðaldamyrkur nazisma var sigrað. Í dag er frelsi Bretlands að veði. Miðaldamyrkur íslams ógnar frelsi, lýðræði og vestrænni siðmenningu. „Mikil er bölvun Múhameðs yfir fylgjendum sínum,“ sagði Churchill. Vestræn siðmenning er í húfi; frelsi, lýðræði og málfrelsi er í húfi. Í Reykjavík bregða valdhafar fæti fyrir samtök sem í bráðum 125 ár hafa unnið með okkar minnstu bræðrum og systrum. Í Reykjavík vísa valdhafar á dyr samtökum sem í 40 ár hafa unnið með útigangsfólki. Í Reykjavík svipta valdhafar börn kærleiksboðskap Krists sem fylgt hefur þjóðinni í þúsund ár. Í Reykjavík hygla valdhafar íslömskum vinum sínum sem hafa heitið að koma hér á íslömskum Sharia-lögum og binda enda á vestræna og íslenska siðmenningu. Þetta er svo galið að tekur út yfir allan þjófabálk: Reykvískir valdhafar grafa undan máttarstoðum íslensks samfélags og vildarvinir þeirra stefna að íslömsku alræði. Stóra Bretland er víti til varnaðar. Það er raunveruleg hætta á að þessi nágranni okkar verði íslamskt alræðisríki. Fólkið fyrir utan breska sendiráðið strengdi þess heit að láta ekki kúga sig til þagnar heldur standa með lýðræði, jafnrétti og málfrelsi; alþýðumanninum Tommy Robinson og heill kvenna og stúlkna, sama hvert gjaldið er.

Þöggun íslenskra fjölmiðla

Enginn fjölmiðill mætti á fundinn til stuðnings Tommy, enginn fremur en fyrir utan dómshúsið í Leeds. Íslenskir blaðamenn taka þátt í þöggun glæpa sem eiga sér ekki fordæmi í sögu vestrænna lýðræðisþjóða. Hurðum er skellt á alþýðufólk. Elítan í hroka sínum hlustar ekki, sviptir alþýðufólk rödd sinni og fangelsar. Skömm Breta er mikil. Þjóðsöngur Breta var leikinn við sendiráðið. „God save the Queen.“ Að því loknu var kyrrðarstund. Hve lengi biðja Bretar um blessun Drottins, þjóðhöfðingja sínum til handa? Syngja Íslendingar „Ó, Guð vors lands“ þegar kemur fram yfir ...."