Miðopna Moggans

heldur áfram að pirra mig.

Þar birtir blaðið skrif pópúlista á Alþingi. Sem þar engu ráða sem betur fer. Björn Leví, Benedikt Jóhannesson, Helga Vala og ámóta mannvitsbrekkur  eru þar fastagestir.

Og í dag toppar þar svo  Inga Sæland.

Hún segir:

"Verkefni kjararáðs var að ákveða laun og starfskjör þjóðkjörinna manna og æðstu embættismanna. Kjararáð tók til starfa 1. júlí 2006 og starfaði þá samkv. lögum nr. 47/2006. Síðar samkvæmt lögum nr. 130/2016 með síðari breytingum, þau lög tóku gildi 1. júlí 2017. Með nýju lögunum var þeim fækkað sem heyrðu undir úrskurðarvald kjararáðs um laun og starfskjör.

Sjaldan hefur almenningur fundið sig eins lítilsvirtan og fótum troðinn og þegar kjararáð birti launahækkanir sínar til þjóðkjörinna manna og æðstu embættismanna á kjördag, 29. okt. 2016. Þar námu launahækkanir allt að 46%. Launahækkanir sem voru afturvirkar í allt að 18 mánuði og skiptu milljónum í kjarabætur til þeirra sem nutu.

Við skulum ekki gleyma því, að stór hluti þjóðarinnar er enn í sárum eftir hrunið, þar sem þúsundir fjölskyldna hafa misst heimili sín og eiga enn um sárt að binda. Það er í raun með hreinum ólíkindum hvernig stjórnvöld geta lokað augunum og látið sem ekkert sé. Stjórnvöld sem firrast ekki við að maka krókinn á kostnað þeirra sem höllustum fæti standa. Kjararáð lagt niður Þann 11. júní sl. var samþykkt af Alþingi að leggja kjararáð niður. Forsætisráðherra sagðist vonast til að með því muni skapast aukin sátt á vinnumarkaði.

Þremur dögum síðar, fimmtudaginn 14. júní, var fundur í kjararáði í Skuggasundi 3 í Reykjavík. Fundurinn var haldinn af Jónasi Þór Guðmundssyni, Huldu Árnadóttur og Svanhildi Kaaber. Fyrir var tekið að ákveða laun og starfskjör fyrir ýmis störf sem heyrðu undir kjararáð. Nánar tiltekið var um að ræða 48 erindi um einstök störf. Já, það var greinilega ekki mikill tími til stefnu.

Þrír dagar frá því að Alþingi ákvað að leggja kjararáð niður og rétt um hálfur mánuður þar til þau lög tækju gildi. Hvað tekur við? Það er eitt að leggja niður kjararáð í þeirri viðleitni að slökkva eldana í samfélaginu sem stjórnvöld ein hafa kveikt, en það er annað að leggja á borðið hvað eigi að koma í staðinn.

Hvernig munu starfskjör þjóðkjörinna manna og æðstu embættismanna verða ákveðin í framhaldinu? Mun sjálftakan blómstra sem aldrei fyrr eða mun eitthvað skárra koma í staðinn?

Við fengum nýverið upplýsingar um, hvernig ofurlaun hafa fengið að hækka um allt að 58%. Tvær ríkisstofnanir hækkuðu laun stjóra sinna um allt að 1,2 milljónum kr. á mánuði. Laun þeirra voru þó, fyrir hækkun, hærri launum forsætisráðherra.

(Landsvirkjun/Landsbanki Íslands).

Það eru um 120 virkir dagar þar til verkafólkið okkar stígur fram og krefst réttlátra kjarabóta. Hvað ætla stjórnvöld að gera í því? Stjórnvöld sem hafa lagt fordæmin að því, sem koma skal. "

Hvað halda menn að Inga Sæland myndi gera í komandi kjarasamningum ef hún réði?

Ég man þegar Ólafur Jóhannesson sagði atvinnurekendum að stinga sér til sunds þó þeir sæju ekki til lands.  Verðbólgan hélt áfram til þjóðarsáttar.

Hvaða sund ætli Inga Sæland myndi synda í haust ef hún væri komin í stjórn? Kafsund, Björgunarsund, Hundasund, Bakksund?

Ekki gerir hún tillögu um neinar breytingar á gerðum hlutum. Ekki ætlar hún að lækka hjá sér enda langsoltin. Ekki gerir hún heldur neinar tillögur til sátta. 

Það birtist fátt sem máli skiptir á þessari Miðopnu Moggans við hliðina á Leiðaranum.

Á hvorri hliðinni á miðopnunni eigum við lesendur að taka meira mark?

 

Vantar okkur ekki Trump?

sem gerir það eftir kosningar sem hann segir fyrir kosningar?

Sjáið hvernig han tekur þá í Brüssel. Borgið þið ykkar hluta ef þið ætlið að vera með í NATO. Ekki eftir mörg ár heldur núna strax!

Nema hvað? 

Eru þjóðverjar í einhverju viðskiptastríði  við Rússa þótt Gulli okkar sé það?

Hvar er gamla platan með Svavari Gests:

"Ísland úr Nato og herinn burt?"

Ekki einu sinni Davíð gat fengið herinn til að vera kjurt.

Ætlar Katrín að kynna nýja útsetningu af gamla sönginum  á fundinum?

Ætlar Gulli að segja Trump fá því hvaða upphæð Íslendingar ætli að borga til NATO og hvernig þá? 

Vantar okkur ekki svona kall eins og Trump í íslenska pólitík sem gerir það eftir kosningar sem hann segist ætla að gera fyrir kosningar?

Bankagrín

er sprenghlægilegt gamanleikrit sem leikið er fyrir sauðheimskan almenning þessa dagana.

Fyrst kemur Már Seðlabankastjóri og tilkynnir að bankarnir verði að bera vaxtakostnaðinn af 750 milljarðar gjaldeyrisvarsjóðinum.

Já, bankar geta ekki greitt meiri kostnað segja viðskiptabankarnir.

Höskuldur í Aríon, (var hann uppvís að samsærum gegn almenningi á fyrri tíð sinni hjá VISA?), tilkynnir um samdrátt í þjónustu til að spara. Bankinn verði óseldur í mörg ár enn.

Landsbankinn hækkaði kaupið hjá sínum bankastjóra um 1.2 milljónir á mánuði.Þetta er þjóðarbanki Íslendinga er okkur sagt.

„Viðskiptabankarnir þurfa að bera hluta af kostnaðinum við að halda úti hátt í 700 milljarða króna gjaldeyrisforða Seðlabanka Íslands samkvæmt nýjum reglum um bindiskyldu bankanna sem tóku gildi í síðasta mánuði."

Bankarnir segja ljóst að reglurnar muni leiða til kostnaðarauka fyrir bankakerfið.

„Bankinn er mjög ósáttur við frekari gjaldtökur af bankakerfinu sem eru nú þegar mun meiri en í nágrannalöndum,“ segir í svari Íslandsbanka við fyrirspurn Fréttablaðsins.

Afkoma Landsbankans var jákvæð um 8,1 milljarð króna eftir skatta fyrstu þrjá mánuði ársins 2018. Hagnaður bankans á sama tímabili árið 2017 nam 7,6 milljörðum króna. Arðsemi eigin fjár var 13,7% á fyrsta ársfjórðungi samanborið við 12,5% á sama tímabili 2017.

• Hagnaður Landsbankans á árinu 2017 nam 19,8 milljörðum króna, eftir skatta.
• Arðsemi eiginfjár Landsbankans var 8,2% á árinu 2017, samanborið við 6,6% árið 2016.

Landsbankinn hefur markað sér stefnu í samfélagslegri ábyrgð með áherslu á fimm lykilstefnur sem allar endurspegla áherslur alþjóðasáttmála og staðla varðandi samfélagslega ábyrgð. 

Siðareglur Landsbankans eru grunnviðmið góðra viðskiptahátta og siðferðis starfsmanna Landsbankans. Viðmiðin gilda um samskipti starfsmanna við viðskiptavini, samstarfsmenn, eftirlitsaðila, hluthafa, samkeppnisaðila og aðra sem eiga hagsmuna að gæta. Siðareglurnar eru einn af hornsteinum stefnu Landsbankans og jafnframt leiðbeinandi um hvernig bregðast skuli við siðferðilegum álitamálum."

" Landsbankinn hefur þegar lækkað innlánsvexti sína til þess að lágmarka áhrif reglnanna“

  Eru það ekki lífeyrisjóðafurstarnir sem spila Matadorinn með bréfin í bankakerfinu?

Trúir almenningur virkilega á að bankakerfið sé rekið fyrir hann þegar svona bankagrín er í gangi og talið til stórfrétta í blöðunum? 

 

Einarsnesið

og fyrirhugaðar byggingar þar eru enn ein rýtingsstungan gegn Reykjavíkurflugvelli.

Sigur núverandi meirihlutaflokka með óþarfri fjölgun Borgarfulltrúa verður Höfuðborginni dýrkeypt. Án fjölgunar Fulltrúa hefði þessi meirihluti ekki getað myndast til alls þess ógagns sem hann á eftir að vinna.

Styrjöldin gegn einkabílnum hefur því enn magnast upp og öllum vötnum skipað að renna upp í móti undir forystu Dags B. Eggertssonar. Flugvöllurinn skal í burtu segir þessi meirihluti líka ótvírætt  og þróunarstjóri hans. Borgarlína, Miklubrautarstokkar  og Öskjuhlíðargöng eru framtíðin. Gangandi og hjólandi talið um ferðamáta sem enginn getur notað ríður húsum og stefnt er að því að trufla og tefja raunumferð borgaranna sem allra mest og drepa umræðunni á dreif með þrugli um deilbílakerfi og hjólaleigur.

Ofan á byggingarumferðina við Landspítalann mun byggingarumferðin vegna Einarsnessins valda breytingum á búsetuskilyrðum fyrir marga sem nú búa í friðsælum Skerjafirðinum.  

Tíu ára gamalt blogg

er þetta:

"Ég hef áður sett fram pí lögmál Halldórs. En það segir að allir hlutir á Íslandi eru yfirleitt pí sinnum dýrari en einhversstaðar gerist erlendis. Nema brennivín, það kostar tvöpí sinnum meira.

Okkur finnst þetta ágætt og við vinnum bara meira til þess að geta borgað þetta. Svo vælum við gamlingjarnir síknt og heilagt að þeir ungu vilji ekki láta okkur fá meiri peninga. Við látum eins og við eigum ekkert og höfum ekkert nema strípaðar bæturnar. Höfum þá drukkið og étið allar ævitekjurnar út fram að því að við vorum rekin heim af vinnumarkaðinum. Mikið er ég orðinn leiður á þessari þvælu allri.

 

Gamlingjarnir eiga hundruðir milljarða á bánkabókum. Sumir af þeim svikust um að borga í lífeyrissjóðina og hirtu bæði 4 og 6 prósentin og eyddu þeim. Þeir fá ekkert úr lífeyrisisjóðum í dag auðvitað fyrr en að Geir ætlar að senda þeim tuttuguogfimmþúsundkall . Að vísu fyrir skatta og skerðingar sem skilja í beztu tilvikum eftir sig mínus hjá viðtakendum.

Auðvitað hafa sumir, sjúklingar, rónar  og dópistar á öllum aldri   ekkert fyrir sig að leggja.  Velferðarfélagið verður auðvitað að að reyna að hjálpa þeim. En ríkisstýrð velferð færir þeim virkilega þurfandi yfirleitt minna heldur en þeir myndu frá ef velferðarmálin væru einkarekin svo skítt sem það nú er.   Af hverju fyrirskipum við ekki öðrum þjóðum að taka upp okkar velferðarþjóðfélag. Ég er ekkert viss um að sá skilnigur sé útbreiddur meðal Kínverja til dæmis eða fátækra þjóða,  að þeim beri að sjá skilyrðislaust um sína minnstu bræður.

 

Ég var að að hlusta á frambjóðendur Sjálfstæðisflokksins núna í morgun sem er glæsilegur hópur ungs og miðaldra fólks. Á fundinum töluðu menn um að við gætum auðvitað ekki gert allt fyrir alla alltaf. Sjálfstæðisflokkurinn gæfi ekki út óábyrga loforðalista sem ekki yrði svo staðið við. Flokkurinn væri hinsvegar lélegur í því að auglýsa að margt sem hinir væru að lofa núna væri þegar búið að gera eða setja í gang.

Þanar bar líka útflöggun íslenzka kaupskipaflotans á góma. En ekkert kaupskip siglir nú undir íslenzkum fána.. Frambjóðandi sagði að þingið  væri búið að breyta skattumhverfinu svo  að þessvegna þyrftu þau ekki að fara.  Skaðinn væri hinsvegar skeður, fyrirtækin væru farin. Og við skyldum átta okkur á því, að það væri ekkert sjálfsagt að Actavis, Marel, Kaupthing osfrv. borguðu sína skatta hér á landi, fyrirtæki sem hefðu meiripart tekna sinna erlendis. Reyni einhver að skýra þetta fyrir vinstrigræna liðinu og evruspekingunum.

 

Þetta tal um skatta  segir ekki alla söguna. Gamall skipstjóri lýsti því þarna hvernig að hann tók við nýju og  tæknivæddu skipi 1966. Verkalýðsfélögin kúguðu 17 manna áhöfn um borð. Rekstur skipsins sligaðist smám saman og félögin daufheyrðust við öllum tilmælum um fækkun á mannskap. Eigandinn gafst upp og seldi skipið. Þá vildu verkalýðsforyngjarnir semja en það var um seint. Þetta skip siglir ennþá um heimsins höf með  7 manna áhöfn.

 

Það er ekki bara skattaumhverfið á Íslandi sem skiptir máli. Við getum verðlagt okkur sjálf útaf markanum. Hvernig ætla til dæmis kennar næst að kúga af okkur kjarabætur umfram þanþol efnahagslífsins  nema stjórnvöld eigi gengisfellingarleiðina á krónunni uppí erminni ? Hvað ætla þessir Evruspekingar eins og Jón Baldvin að gera þegar þeir standa frammi fyrir leiðréttingu kjara umönnunarstéttanna sem eru þegar með alþjóðlegt kaup ?  

 

Ég hef heyrt að á kaupskipi fái hver maður þau laun sem gilda í heimalandi hans. Kínverskur stýrimaður fá kínversk laun osfrv. Þessvegna séu  engir íslenzkir menn lengur um borð í dalli eins og   Wilson Mugabe. Bísness er bara bísness hvort sem eigandinn er íslenzkur ekða ekki. íslenzkum verkalýðsrekendum. Hvað heldur þetta kerfi lengi ?

 

Koma ekki útlendir verkfræðingar hingað og teikna fyrir minna en ég ? Koma ekki ekki útlend byggingafélög og fara að lækka fermetrann í íbúðum til dæmis ?  Pí lögmálið er raunhæf viðmiðun um marga hluti.

 

Miðað við bandarísk verðlag á öllum hlutum og pílögmálið þá er ýmsilegt hægt að gera hér á landi. Það er ekki víst að þeir í Alþjóðahúsi og jafnvel niður á Alþingi átti sig á því, að það verður hægt að fá hæft fólk til að gera hlutina fyrir minna. Skyldi fögnuðurinn yfir innflytjendaflaumnum ekki dvína einhverntímann hjá einhverjum þegar allt kemur til alls . En þá verður bara búið að selja skipið eins og skipstjórinn lýsti.

 Mér datt í hug í framhaldinu hvað óheft aðstreymi útlendinga inná þennan íslenzka vinnumarkað muni leiða til. Hver segir að þeir sætti sig ekki við að fá minna kaup heldur en Íslendingar ? Af hverju verðum við að borga þeim eftir forskrift frá íslenzkum einokunarfélögum, sem við köllum stéttarfélög eða samtök vinnveitenda ? Á samkeppnin og frjáls markaður bara að ríkja á afmörkuðum sviðum ?"

Hefur eitthvað breyst síðan í apríl 2007 þegar þetta tíu ára gamla blogg var skrifað?

Hvenær á að afturkalla?

umsóknina um aðild að ESB?

Styrmir Gunnarsson spyr:

" Þeir þrír flokkar, sem nú eiga aðild að ríkisstjórn eru allir andvígir aðild Íslands að Evrópusambandinu og er þá tekið mið af formlegum samþykktum æðstu stofnana þessara flokka og málflutnings þeirra í þingkosningum hvað eftir annað á undanförnum árum.

Það er ekki til of mikils mælst að þeir standi við þær yfirlýsingar og kosningaloforð.

Nú háttar svo til að aðildarumsókn Íslands að Evrópusambandinu, sem samþykkt var með formlegum hætti á Alþingi sumarið 2009 liggur enn í skúffu í Brussel og telst þar liggja formlega fyrir.

Veturinn 2015 var sett upp sjónarspil af þáverandi ríkisstjórn, sem hélt því fram að umsóknin hefði verið dregin til baka.

Það var og er hrein ósannindi.

Innann Evrópusambandsins er allt á tjá og tundri. Þar er hver höndin upp á móti annarri og allt bendir til að ástandið versni á næstu árum. Á sama tíma berst skrifstofuveldið í Brussel með kjafti og klóm gegn útgöngu Breta og reynir að gera þeim eins erfitt fyrir og það mögulega getur.

Það er tími kominn til að afgreiða þetta mál af okkar hálfu og draga umsókn okkar að ESB formlega til baka með sérstakri samþykkt Alþingis."

Af hverju eru embættismennirnir í ráðuneytunum,  sem sagt er að séu fyrir löngu gengnir í ESB í von um meira fé og frama fyrir sig, látnir komast upp með þetta?

Á ekki þjóðin að ráða því hvort hún vill eða vill ekki afturkalla umsóknina?

"Gangandi og hjólandi"bullið

er hugtak sem ríður húsum hjá afturhaldinu í meirihluta Borgarstjórnar í Reykjavík og smitar meira að segja út frá sér yfir í Kópavog.

Þetta fólk er að reyna að læða því inn að "gangandi og hjólandi" séu einhver verulegur hluti umferðar. Sem er algerlega hlálegt í nútímanum þegar fólk hefur fyrir löngu valið sér einkabílinn sem ferðamáta.

Í Mogga birtist þetta bull:

" Verkefni sem eru nú þegar á dagskrá og eru í stefnumörkun sveitarfélagsins eða ríkisins,“ sagði Þorsteinn R. Hermannsson samgöngustjóri um tillögur um uppbyggingu á samgöngukerfum Vatnsmýrarsvæðisins sem lagðar voru fram í skýrslu í borgarráði í vikunni.

Skýrslan var sett saman af samstarfshópi Reykjavíkurborgar, Háskóla Íslands, Háskólans í Reykjavík og Landspítalans. Ætlunin er að tillögurnar verði lagðar fyrir borgarstjóra, rektora HÍ og HR og forstjóra LSH.

Þorsteinn segir að aðgerðirnar sem eru lagðar til hafi ekki verið verðlagðar.(SIC!!) Í skýrslunni er stungið upp á því að hefja skuli undirbúning að lagningu vegstokks við Miklubraut frá Snorrabraut.

Einnig ætti að hefja greiningarvinnu við Öskjuhlíðargöng. Þó er tekið fram að líklega verði ekki lagt í þessar tilteknu aðgerðir nema þegar íbúðahverfi er komið í Vatnsmýrina í stað flugvallarins.

Meðal annarra tillagan í skýrslunni má nefna smíði brúar milli Vatnsmýrar og Kársness. Brúin væri ætluð bæði fyrir almenningssamgöngur, gangandi og hjólandi vegfarendur. Einnig eru lagðar fram tillögur um umferðarstýringar og minni framkvæmdir til að bæta umferðarflæði, sérreinar og forgang almenningssamgangna til og frá Vatnsmýri, uppbyggingu betri biðstöðva og aðstöðu fyrir deilibíla- og hjólaleigur á vinnustöðum.

Aðgerðirnar til að bæta umferðarflæðið á Vatnsmýrarsvæðinu eru einkum hugsaðar til þess að koma til móts við fjölgun starfa og íbúa sem gert er ráð fyrir vegna byggingar nýs hverfis við Hlíðarenda. Nú þegar eru einstakar ferðir til og frá svæðinu á sólarhring um 25.700 og er áætlað að þær verði orðnar um 45.000 árið 2025.

Um 60% þeirra eru talin vera vegna háskólanna og Landspítalans. „Við höfum horft til þess að það þurfi að grípa bæði til fjárfestinga í innviðum og stuðningsaðgerða á vinnustöðum, vera með samgöngustyrki, skoða bílastæðanýtingu og svo framvegis,“ sagði Þorsteinn."

Nú þegar koma afleiðingar þess að kjósa þetta fólk til valda. Afturhald og forneskja í skipulagsmálum hvert sem auga er litið.

 Hér til hliðar má sjá þörfina á deilihjólum eins og hún er á mánudagsmorgni í góðu veðri í dag  við Sundlaugarnar í Laugardal. 1-2 reiðhjól virðast vera í notkun í það mesta. Hvernig halda menn að þörfin sé þegar öðruvísi viðrar? Fyrir heilt íbúðahverfi í Einarsnesi?

Svo bullar þetta fólk um að byggja niðurgrafin jarðgöng í stað akreina.

Það er stórslys að þetta fólk skuli hafa þessi völd til að vinna skemmdarverk í samgöngumálum sem mun taka langan tíma að vinda ofan af þegar því hefur verið komið frá.

"Gangandi og hjólandi" bullið leysir engan vanda í umferðarmálum. 

GDPR óskapnaðurinn

er viðfangsefni Bjarna Jónssonar á sínu bloggi og vitnar þar til fróðra aðila um EES málin. GDPR, General Data Protection Regulation, er óskapnaður sem er Alþingi til stórs vansa að leggja á Íslendinga að óþörfu með margfalt hærri kostnaði en annars þyrfti.

Yfirvöld hérlendis hafa kastað höndunum til kostnaðaráætlana fyrir þessa innleiðingu og rekstur kerfisins, eins og berlega kom fram í Morgunblaðsgrein Gunnhildar Erlu Kristjánsdóttur, 12. júní 2018, lögfræðingi og sérfræðingi í persónurétti hjá Samtökum fyrirtækja í velferðarþjónustu, SFV,

" GDPR gæti kostað milljarða".

Í úttektinni segir á einum stað:

"Alþingi leiddi efni reglugerðarinnar í íslenzk lög fyrir rúmlega viku, en þar sem vernd persónuupplýsinga er talin [vera] hluti af EES-samninginum, bar Alþingi skylda til að taka GDPR upp í íslenzkan rétt, nánast eins og hún kemur fyrir af skepnunni."

Þetta er útbreiddur misskilningur.  Sameiginlega EES-nefnd EFTA og ESB ræðir upptöku mála í réttarkerfi EFTA-ríkjanna þriggja, sem ESB ætlast til, að spanni allt EES-svæðið.  Þessi nefnd úti í Brüssel getur þó ekki skuldbundið þjóðþingin til eins né neins, en í reynd hefur verið mjög lítið um, að þau synji gjörðum ESB samþykkis. 

Af þeim sökum er eina ráðið til að losna undan lagasetningarvaldi ESB að segja upp EES-samninginum, og það er orðið brýnt af fullveldisástæðum og af kostnaðarástæðum.  Í staðinn koma fríverzlunarsamningar EFTA við ESB og Bretland, eða tvíhliða samningar.  Styrkur yrði að Bretlandi innan EFTA, en Neðri-málstofa brezka þingsins aftók, að Bretland gengi í EES, enda færu Bretar þá úr öskunni í eldinn.  

Það virðist hafa verið fljótaskrift á afgreiðslu Alþingis, sem er ámælisvert.  Undir millifyrirsögninni,

"Alþingi gekk of langt", 

stóð þetta í téðri úttekt:

"GDPR hefur að geyma ýmis ákvæði, sem heimila þjóðþingum aðildarríkja ESB og EES að setja sérreglur ásamt því að takmarka eða útfæra nánar tiltekin ákvæði reglugerðarinnar.  Íslenzka ríkið hafði þannig svigrúm til að ákveða með hversu íþyngjandi hætti GDPR var innleitt.  Davíð  [Þorláksson, forstöðumaður hjá Samtökum atvinnulífsins] segir Alþingi þó hafa gengið lengra í innleiðingu reglugerðarinnar en nauðsyn bar til.  

"Íslenzka ríkið ákvað að innleiða reglugerðina með mjög íþyngjandi hætti fyrir atvinnulífið með setningu sérreglna og takmarkaðri nýtingu á undanþáguheimildum", segir Davíð.  Dæmi um slíkar sérreglur eru vinnsla persónuupplýsinga látinna einstaklinga, leyfisskylda til vinnslu, dagsektir, og að fyrirtæki í landinu standi undir kostnaði við  Eftirlit Persónuverndar.

" Þannig er reglugerðin dýrari fyrir íslenzk fyrirtæki en í flestum öðrum ríkjum.  Þar með hefur Alþingi ákveðið að grafa undan samkeppnishæfni íslenzkra fyrirtækja á alþjóðavettvangi, sem hefur farið versnandi.""

Hér eru firn mikil á ferð.  Embættismannakerfið íslenzka með ráðherra í forystu leggur svimandi byrðar á atvinnulíf og stofnanir án þess að huga nokkurn skapaðan hlut að því að reyna að búa svo um hnútana, að byrðar þessar verði sem léttbærastar.  Ósóminn rennur síðan á leifturhraða gegnum Alþingi.  Hér bregðast þeir, er sízt skyldi.  Þetta eru forkastanleg vinnubrögð, sem sýna svart á hvítu, að íslenzka stjórnkerfið ræður ekki við EES-aðildina.  Eina lausnin á þessu stjórnkerfisvandamáli er að losa Ísland úr hrammi ESB með uppsögn EES-samningsins áður en stjórnkerfið íslenzka í glópsku sinni og vanmætti glutrar niður leifunum af fullveldinu.  "

EES-samningurinn  er þegar búinn að að vinna allt mögulegt gagn á öðrum sviðum sem Íslendingum getur gagnast. Þess vegna er tímabært að endurskoða aðildina með íslenska hagsmuni fyrir augum en hætta að láta teyma fullveldið frá okkur í blindni eins og gert er með innleiðingu GDPR óskapnaðarins.

 

 

Á ekkert að gera á Geysissvæðinu?

Allt óbreytt þótt Ríkið eigi það?

Horfið á Kerið í Grímsnesi. Alltaf pakkað af bílum og túristum. Þar er selt inn.

Er það einhver Ögmundarfóbía sem ræður ferðinni?

Af hverju má ekki selja ódýrt inn á Geysissvæðið eins og á Kerið?

Hvað hugsar okkar fólk?

Er ekkert að breytast hjá okkur hvað varðar þennan EES samning? Á allt að vera óbreytt?

Páll Vilhjálmsson veltir þessu raunsætt fyrir sér:

" Bretar gera tvíhliða samning við Evrópusambandið við úrsögn úr sambandinu, Brexit. Það þýðir að EES-samningur Íslands, Noregs og Liechtenstein við Evrópusambandið er í reynd úr sögunni.

Samningur Breta við ESB mun kveða á um minni afskipti sambandsins af breskum innanríkismálum. Að öðrum kosti hefðu Bretar kosið að ganga inn í EES-samninginn.

Samningur Breta og ESB liggur ekki fyrir. En bæði í London og Brussel er gert ráð fyrir að um tvíhliða samning verði að ræða. Ísland ætti þegar í stað að undirbúa uppsögn EES-samningsins með það í huga að gera tvíhliða samning við ESB. Þegar liggur fyrir að fríverslunarsamningur ESB og Kanada getur orðið fyrirmynd. Eftir Brexit-samninginn er komið annað fordæmi."

Er allt óbreytt hérlendis?

Hugsar okkar fólk ekki neitt nýtt?