Kjaftaskarnir koma aftur

sem betur fer.

Það væri skömm að því að láta þennan spíon og fyrirlitlega karatér  Báru Halldórsdóttur binda enda á störf sem þeir Bergþór og Gunnar Bragi eru réttkjörnir til fyrir land og þjóð. Þeir svara  fyrir þetta i næstu kosningum.

Meðfram öðrum orðum, á þessi Bára virkilega að komast upp með þetta athæfi? Á ekki að lögreglurannsaka svona persónunjósnir til enda? Var hún ein eða er þetta samsæri? Vill enginn vita sannleikann? Er þetta leyfilegt að lögum sem hún gerði?

Það er góð byrjun að kjaftaskarnir koma aftur til að gegna skyldum sínum þó móralskir séu kannski fyrst í stað.

 

Sjálfsmorðsundirbúningurinn á fullu

og heimskan og falsfréttirnar  í vinstri sinnuðu fréttamiðlunum er yfirgengilegur:

"Góður gangur í kjaraviðræðunum" (Opinberir starfsmenn eru alveg eftir að vísu.)Gott útspil ríkisstjórnarinnar en mikið ber í milli. Verkföll framundan að visu.

Raunveruleikinn birtist öðruvísi:

Kollegi Bjarni Jónsson skrifar svo:

"

"Helmut Kohl, þáverandi kanzlari Vestur-Þýzkalands, fórnaði DEM fyrir samþykki Mitterands, þáverandi forseta Frakklands, á endursameiningu Þýzkalands.  "Die Bundesbank" var á móti, en "Bundestag", Sambandsþingið, samþykkti. 

Frakkar eiga í mesta basli við að standast Maastricht-skilmálana, og halli ríkissjóðs miðstýrðasta ríkis Evrópu mun sennilega fara yfir mörkin, 3 % af VLF, á árinu 2019.  Frakkar eru nú sjálfir komnir í þá spennitreyju, sem þeir ætluðu að færa Þjóðverja í.

Það hefur verið lítill hagvöxtur í ESB eftir hrun peningamarkaðanna 2007-2008.  Sum ríki evrusvæðisins fóru hræðilega illa út úr þessu hruni vegna viðbragða framkvæmdastjórnar ESB o.fl., sem tóku meira mið af hagsmunum þeirra, sem hafa efni á að hanga í Berlaymont og reka þar áróður fyrir sínum hagsmunum, en almennings í evru-löndunum.  Þetta er skýringin á vaxandi lýðhylli þjóðræknistefnu í Evrópu og vantrú á bákninu, afætunum, sem unga út reglugerðum og tilskipunum, í Brüssel.

Hagur almennings á Ítalíu hefur ekkert skánað síðan árið 1999.  Þar hefur ríkt stöðnun, og opinberar skuldir aukizt eftir upptöku evrunnar. Núverandi ríkisstjórn Ítalíu ætlaði að örva hagkerfið með ríkisútgjöldum, sem hleypa myndi ríkissjóðshallanum yfir 3 % af VLF, en var gerð afturreka með fjárlagafrumvarpið af búrókrötunum í Brüssel.

Spánn og Írland njóta nú hagvaxtar eftir kerfisbreytingar hjá sér, en máttu þola langt stöðnunartímabil vegna gríðarlegrar skuldayfirtöku ríkisins frá bankakerfinu að kröfu Framkvæmdastjórnarinnar. 

 

Atvinnuleysi ungs fólks á Spáni er nú 35 %, sem vitnar um skelfilegt þjóðfélagsástand. Launahækkanir hafa nánast engar verið á evrusvæðinu frá 2008.  Hvers vegna krefjast verkalýðsfélögin þar ekki launahækkana ?  Það ætti að verða íslenzkum verkalýðsleiðtogum verðugt umhugsunarefni.  

Írland nýtur sérstöðu, því að bandarísk fyrirtæki hafa fjárfest gríðarlega þar, enda njóta þau skattalegs hagræðis á Írlandi, þar sem er aðeins 12 % tekjuskattur á fyrirtæki.  Þessi fyrirtæki öðlast auðvitað tollfrjálst aðgengi að EES-markaðinum, hvað sem tollastríði Bandaríkjaforseta við ESB líður.

Verstu mistök ESB í peningamálum voru 2010, er Framkvæmdastjórnin neitaði að viðurkenna, að gríska ríkið gæti aldrei greitt allar skuldir sínar. 

Þar opinberaðist hið vanheilaga samband búrókratanna í Brüssel og fjármálavafstrara Evrópu.  Í stað þess að afskrifa a.m.k. helming skulda gríska ríkisins, þá voru þær fluttar frá þýzkum og frönskum bönkum o.fl. og til opinberra sjóða. 

Þar með voru skattborgarar lánveitendaríkjanna gerðir ábyrgir fyrir skuldum eins skuldararíkjanna.  Þetta er eitur í beinum sparnaðarsinnaðra skattborgara og mun óhjákvæmilega leiða til gliðnunar í evrusamstarfinu, hvað sem líður Aachen-samningi forseta Frakklands og kanzlara Þýzkalands.  Ríki Karlamagnúsar sundraðist fljótt, og aðeins kirkjan sameinaði Evrópu um tíma, en hún sundraðist líka.  Þjóðverjar þoldu ekki við undir oki Rómar.  

Þegar alvarleg fjármálakreppa ríður yfir næst, mun reyna mjög á greiðsluþol skuldugu ríkjanna vegna vaxtahækkana, sem alltaf verða gagnvart illa stæðum ríkjum við slíkar aðstæður. 

Hvorki evrubankinn né lánadrottnarnir munu hafa bolmagn til að hindra skuldugu ríkin á evru-svæðinu í að fara á hliðina.  Evran verður auðvitað ekki söm eftir.  Myntsvæðum Evrópu gæti fjölgað.  Óvíst er, hvað um Evrópusambandið verður í kjölfarið. Munu Bretar enn einu sinni standa eftir með pálmann í höndunum ?"

 

Aldrei geta kommatittirnir og plattenslagararnir skilið það að það er ekki hægt að gera neitt úr engu. Það verkefni er því óleysanlegt að lyfta þeim lægst launuðu sérstaklega án verðbólgu.

BHM og BSRB eru alveg eftir að koma með kröfurnar um að menntun sé metin til launa þegar búið er að gera allt fyrir alla í VR og Eflingu. Þá leysir verðbólgan dæmið fyrir ykkur sem gerir það að verkum að endarnir eru verri fyrir öreigana í lok þess tíma sem það tók að vinna upp tapið af verkfallinu. Og við skulum gera ráð fyrir 5 vikum án launa sem lágmarki.

Hálfrar aldar reynsla frá því að Gvendur Jaki heimtaði hundraðþúsund króna lágmarkslaun og byggja mislæg gatnamót á Kringlumýrarbraut.Alveg óþarfi að tala um um helvítis frjálshyggjuna í því sambandi.

Það er ekki verkalýðsbaráttan heldur skortur á henni sem hefur fært launþegum fordæmalausa kaupmáttaraukningu það sem nú er að ganga sitt skeið á enda. Það var vinnan og framleiðslan sem gerði þetta.

Framundan er því svartnættið eitt en ekki árangur í verkalýðsmálum.

Frjálshyggjan er ekki vandamálið heldur heimska kommatittanna sem eru í forystu fyrir "kjaraviðræðunum".

"Því verkalýðshreyfingin vill byggja upp, ekki rústa." segir Ómar Geirsson með kveðju að austan. 

Hátimbruð heimska birtist í svona setningu um þessar mundir  ef reynslan er skoðuð.

Sjálfsmorðsundirbúningurinn gengur því alveg prýðilega.

Oxfam

Frétt Guar­di­an

"Auðæfi þeirra 26 rík­ustu í heim­in­um eru svipuð því sem eign­ir 50% þeirra fá­tæk­ustu í heim­in­um, seg­ir í nýrri skýrslu bresku hjálp­ar­sam­tak­anna Oxfam. Sam­tök­in hvetja til þess að lagður verði á 1% auðlegðarskatt­ur og með því væri hægt að tryggja nægj­an­legt fé fyr­ir skóla­göngu allra barna sem ekki ganga í skóla í heim­in­um. Þetta kem­ur fram í frétt Guar­di­an. 

Þar seg­ir að eign­ir 26 ein­stak­linga sam­svari eign­um 3,8 millj­arða jarðarbúa. Oxfam gef­ur skýrsl­una út ár hvert áður en heimsviðskiptaráðstefn­an hefst í Dav­os í Sviss. Í skýrsl­unni nú kem­ur fram að þeir rík­ustu hafi orðið rík­ari og þeir fá­tæku fá­tæk­ari.

Með því að leggja á 1% auðlegðarskatt væri hægt að safna 418 millj­örðum Banda­ríkja­dala sem næg­ir til þess að tryggja skóla­göngu allra barna í heim­in­um og heilsu­gæslu. Það gæti bjargað þrem­ur millj­ón­um frá dauða."

Ekkert væri vitlausara en að dreifa þessum eignum á jarðarbúa. Aðeins samþjöppuð skynsemi þessarra ríku gerir það að verkum að jarðarbúar njóta framfara og hagvaxtar.Ekkert yrði úr þeim ef tómir vitleysingar sem almenningur er upp til hópa fengju of mikið til að sukka með.

Stjórnmálasviptingr eru oft í raun góðar því þær gefa spilin upp á nýtt. New Deal sagði Rossewelt.

Það var gefin stjórnmálaleg skipun um  að brjóta upp ESSO Rockefellers. Það var gert en innan  fárra ára var hvert brotið orðið stærra en það upphaflega stóra. Þannig virkar kapítalisminn, fyrirtækin vaxa og blómgast.

Frjálshyggjan segir að þau eigi að fá að vaxa og líka það að best sé að sem flestir taki þátt í kapphlaupinu um auð og völd.

Hoover byggði stífluna og hún leiddi af sér vöxt í iðnaði.Roosewelt og Hitler byggðu þjóðvegina sem nýttust fólkinu og iðnaðnum. Alveg eins og Afl fyrir Austurland gerði öllum Austfirðingum gott og er því hvergi nærri lokið.Nýju hátækniverksmiðjurnar á Austfjörðum  Eskja osfrv.  eru afleiðingar almennra vaxtarskilyrða sem þá mynduðust.

Eitt sinn voru Síldarverksmiðjur Ríkisins helsta stóriðjan. Sveinn Ben lagði þá grunninn að veldi Engeyinganna sem enn varir. En hann var samt bara ríkisstarfsmaður sem stórefnaðist.Varð ríkur á þeirri aðstöðu í pilsfaldakapítalismanum eða þjóðarrekstri að sovéskum stíl. 

Alli ríki og ýmsir aðrir stórútgerðarmenn eins og Einar Guðfinnsson  voru öðruvísi og hófust af sjálfum sér. Langafabróðir minn Otto Wathne sagði alltaf:"Det kommer nu an på silla."Hann vissi að að það þurfti að afla áður en menn færu að eyða og þannig hugsuðu gömlu kallarnir.

Þetta sem vinstra liðið kallar núna Samfélagssátt er aldrei mikið  annað en viðleitni til að draga alla, sem þeir kalla þá lægst launuðu, niður á lægsta plan þar sem allir hafa það jafnskítt. Kapítalisminn hefur hinsvegar séð um að lyfta planinu þannig að þeir verst settu í dag  hafa það núna miklu betra en þeir höfðu það áður. 

Tæknin og þekkingin og fjármagnið skapa velsældina.Allir mega ekki hafa jafnan aðgang að fjármagni og lágum vöxtum, þá fer allt í vitleysu. Það eru bara þeir sem hafa eitthvað vit í kollinum og framkvæmdavilja sem er treystandi fyrir lánsfé. Þess vegna eru bankastjórar en ekki sjálfsafgreiðslukassar fyrir lán  í bönkunum.

Oxfam er á villigötum ef það heldur að almennt heimskir og fátækir jarðarbúar geti gert eitthvað við meiri peninga en sem duga fyrir nauðþurftum og gleymir því að 100x 1 % eru 100%.

 

 

Íslands óhamingju

verður allt að vopni var eitt sinn kveðið .Langt er um liðið síðan og aðstæður breyttar.

Stjórnmálaleg ógæfa Íslands er núna sú hversu ósamstætt lið er kosið til Alþingis og sá aragrúi ósamstæðra smáflokka situr þar. Síðuskrifara býður í grun að ríkisframfærslan á stjórnmálaflokkum sem nú er viðhöfð eigi sinn þátt í myndun þessa ástands.Fólk fer í framboð til að reyna að krækja sér í peninga.

Þessi hópur á myndinni býðst nú til að setja þjóðinni stjórnarskrá á grunni tillögu vinstrimanna sem hún hefur áður hafnað með hjásetu í þjóðaratkvæðagreiðslu Jóhönnu og Steingrímsstjórnarinnar.En aðeins 34.65% þjóðarinnar vildu sjá þetta uppkast til Stjórnarskrár sem var þar að auki aðeins samin til að geta framselt fullveldi þjóðarinnar til ESB.

Þessi hópur á myndinni er því klúbbur fullveldissala framar öðru sem fullveldissinnar ættu að forðast allt samneyti við. Sama gildir líka um smáflokkinn Viðreisn en enginn annar marktækur munur er á þessum litlu sérvitringahópum á ríkisframfærslunni nema að þeir eru ekki í Samfylkingunni þar sem þeir ættu heima.

Hver treystir svona hópi eins og þessum fyrir slíku máli? Örugglega mikill meirihluti þjóðarinnar treystir þessu fólki ekki fyrir slíku verki. Sem sagt er þessi tillaga þeirra eyðsla á tíma og peningum þar sem hún fær engan framgang á Alþingi.

Það virðist frekar þurfa að hækka þröskuldinn inn á þing til þess að svona smáflokkar komist ekki á ríkisjötuna. Röksemdir um að þá séu svo og svo margir án fulltrúa eiga vart við ef einmenningskjördæmi sem víða tíðkast og eru lofsungin sem lýðræði af mörgum, eiga rétt á sér.

Væru stjórnmálaflokkar teknir af ríkisjötunni myndi vandamálið væntanlega hverfa af sjálfu sér. Og því skyldu stjórnmálaflokkar fá framfærslu frekar en saumaklúbbar sem eru sambærileg frjáls félagasamtök?

Ísland vantar sárlega tvo leiðandi flokka eða þá bara gamla fjórflokkinn sem hámark þingflokka.Annars verður Íslands óhamingju bara áfram allt að vopni.

Klámið fjarlægt

úr Seðlabankanum. Gunnlaugur Blöndal hefur verið læstur niður með Makintosdósinni sem sögð er geyma gullforða Íslendinga.

Langar engan til að fá upplýst hvaða starfskona Seðlabankans varð þessarar aðgerðar valdandi? Eiga þær allar að liggja undir grun?

Höfðu þessar myndir kannski áhrif á það að gengisfellingarnar hjá Jóhannesi urðu stærri en ella? Eða stýrivextirnir urðu hærri hjá Mávi en þörf var á? Hver veit?

En það er loks búið að fjarlægja klámið úr Seðlabankanum.

Er Bára laus allra mála?

vegna Klaustursupptakanna og ráðstöfuninni á einkamálum annarra?

Engin tónlist spiluð meðan á upptökunni stóð? Ekkert grunsamlegt neitt af þessu hjá Báru með gamla símann og margar endurhleðslur?.

Hún Bára er laus allra eftirmála?

Í lagi að ljúga?

meðan maður gegnir opinberri stöðu?

Þórdís Lóa forseti Borgarstjórnar sagði á Silfri Egils að engum gögnum hafi verið eytt í sambandi við Braggamálið. Það liggur fyrir að tölvupóstum var eytt.

Þórdís Lóa laug því greinilega opinberlega og hefur ekki leiðrétt lygina.

Fyrir þetta verður hún sjálfsagt endurkosin.Það er nefnilega greinilega  í lagi að ljúga ef þú ert vinstri maður en ekki hægri.

Drög að sjálfsmorði

á efnahag þjóðarinnar hafa verið lögð. Guðmundur Gunnarsson, sem gárungar í Sundlaugunum kölluðu stundum "Guðmund bolsévikk" í gamla daga þegar hann var róttækur í Rafiðnaðarsambandinu, boðaði valdatöku iðnaðarmanna eftir að allt hefur logað í verkföllum í mars í Silfri Egils rétt áðan.

Guðmundur þessi Gunnarsson hefur fyrir löngu spáð þessu ástamdi sem framundan er og sá ekki ástæðu til að breyta henni í þættinum. Raunsær maður greinilega Guðmundur.

Þórólfur Matthíasson prófessor lýsti ástandinu í kjaramálum sem bútasaumi, þar sem tilraunir til kjarabóta leiðast út í hverskyns sérmál svo sem húsnæðismál, vaxtamál og þvílíkra sératriða.Því væri erfitt að nálgast verkefnið svo vel sé með því að ræða áhrifaþætti eins og skattleysismörk og tengingar þeirra við annað.

Það er ekki furða þó að verkefnið hin íslensku kjaramál séu orðin svo risavaxin að óleysanlegt virðist hverjum þeim sem virðir það fyrir sér úr fjarlægð.  Sú staðreynd sem Vilhjálmur Bjarnason lýsti um 2.4 % raunverulegar kjarabætur á tveimur áratugum  breyta litlu í heimi hinna nýju verkalýðsforingja sem fyrir kröfugerðinni fara núna. Allir hlutir skulu þar nú gjörðir að nýju eftir nýjum hagfræðilögmálum. Bankasala eða ekki breyta litlu í þeim heimi sem í vændum verður.

Margir kjarahópar eiga svo eftir að bætast í hópinn sem nú þingar með allar sínar sérkröfur. Það getur hvarflað að manni að reyna að komast úr landi áður en ballið byrjar því enga lausn eygir maður aðra en snöruniðurskurðinn þegar fólk fer að fá nóg eftir nokkurra vikna verkföll með vorinu. 

Það vill enginn horfast í augu við það að mánaðar verkfall næst aldrei inn aftur þegar verðbólgan hefur étið upp tuga prósenta pappírshækkun kauptaxtanna. Innst inni vita allir að 0 % kauphækkun núna og sáttakauplækkun þeirra sem fengu Kjararáðshækkanirnar myndi skila meiri kjarabótum til allra innan skamms tíma heldur en allar aðrar tillögur sem nú eru uppi. En um slíkt er auðvitað ekki hægt að ræða.

Því hafa drögin verið lögð að efnahagslegu sjálfsmorði þjóðarinnar innan tveggja mánaða.

Af hverju?

er kolefnisgjald 10 krónur á lítra á olíu á fiskiskipin okkar meðan það er 4 krónur í Noregi?

Eru okkar stjórnvöld svo miklu meira höll undir prédikanir AlGore, sem þáði 10 milljónir dollara útbreiðslustyrk frá Georg Sorosi? En hann vill sem kunnugt er greitt sé fyrir innflutningi farandfólks sem okkar fólk tók undir með undirrituninni í Marrakess.

Er okkar ríkisstjórn enn sannfærðari en sú norska um það að CO2 sé eitt mesta vandamál mannkyns. Þetta byggingarefni lífsins sem hefur ekki verið lægra í andrúmslofti jarðar í 600 milljón ár.

Af hverju erum við kaþólskari en Páfinn?

Falsfréttaframleiðsla Þorvaldar

Gylfasonar í Fréttablaðinu þar sem hann fær borgað fyrir að skrifa á hverjum fimmtudegi heldur áfram. Margir af þessum pistlum eru með ágætum og fræðandi.

En það slær ávallt út í fyrir honum þegar hann kemur að ósigri hans í þessu stjórnarskrármáli sem helst enginn nema hann hefur áhuga fyrir. Enda hefur okkar stjórnarskrá dugað ágætlega frá 1944 þegar hún var samþykkt af nær allri þjóðinni.

En hann skal ítrekað falla í þá gryfju sem gamli Göbbels notaði að endurtaka lygina um sitt áhugamál bara nógu oft og þá verði hún að sannleika fyrir að minnsta kosti einhverja.

Í blaði dagsins segir prófessor doktor Þorvaldur m.a. svo:

Reykjavík – Evrópusambandið var stofnað til að standa vörð um nýfenginn frið í álfunni eftir heimsstyrjöldina síðari. Sambandinu var ætlað að girða fyrir árekstra og efla sætti meðal ólíkra þjóða sem búa þröngt á tiltölulega litlu landsvæði og höfðu öldum saman eldað grátt silfur með miklu mannfalli. Fyrsta skrefið var að setja auðlindir Frakklands og Þýzkalands undir einn hatt með stofnun Kola- og stálbandalags Evrópu 1952. Þetta er gamla sagan um að standa saman frekar en að falla. Reynslan sýnir að náttúruauðlindir geta leitt af sér ófrið sé þeim illa stjórnað og sé afrakstrinum misskipt..."

Þarna lofsyngur Þorvaldur einokunarbandalag Frakka og Þjóðverja  og verðsamráð sem auðvitað beindist mest gegn almenningi í þessum löndum þar sem það er alltaf almenningur sem líður fyrir einokun og verðsamráð kapítalistanna.

Þetta hafði ekkert með frið að gera enda voru þessar þjóðir undir eftirliti Bandaríkjanna sem tryggði þeim líf andspænis sovésku ógninni sem var þá mjög raunveruleg. Enda vill hann koma Íslendingum í hið stóra tollabandalag ESB sem beinist gegn afganginum af heiminum. Hann trúir á stjórnlyndið og tollverndina sem situr yfir framförum sem bersýnilegt er að stendur höllum fæti gegn athafnafrelsinu sem Bandaríkin er í brjóstvörn fyrir og sýna framfarir meðan kyrrstaða ríkir í ESB.

Síðan kemur gamla tuggan:

" Alþingi hefur nú í bráðum sjö ár hunzað niðurstöðu þjóðaratkvæðis um nýja stjórnarskrá 2012. Alþingi treystir sér ekki til að halda nýja þjóðaratkvæðagreiðslu um málið því þingmenn vita að stjórnarskrá eins og þeir vilja margir hafa hana, án jafns vægis atkvæða og án virks ákvæðis um auðlindir í þjóðareigu, myndi aldrei hljóta samþykki kjósenda. Valdarán Alþingis er tvíþætt.

Þingið hunzar þjóðaratkvæðagreiðslu sem þegar hefur farið fram án þess að geta haldið aðra líkt og brezka þingið gæti gert. Fólkið í landinu á því ekki annarra kosta völ en að leysa frá störfum við fyrsta tækifæri alla þá menn og flokka sem hafa brugðizt í stjórnarskrármálinu, brýnasta hagsmunamáli þjóðarinnar."

Sannleikurinn er sá að þjóðin kærir sig ekki hót um stjórnarskrárskrípið sem Þorvaldur framleiddi undir Jóhönnu og Steingrímsstjórninni. Gersamlega hrákasmíði þar sem margt rekur sig á annars horn.

Enda sýndi atkvæðagreiðslan að þjóðin kærði sig kollótta um þetta stjórnarskrábrölt sem eingöngu átti að opna Íslandi leið inn í ESB þangað sem Þorvaldur vill ólmur stefna.

Þessi atkvæðagreiðsla sem Þorvaldur tönnlast á fyrir var svo:

Gild atkvæði voru

111.682 eða 47.14% af heild.

Þeir sem samþykktu voru

34.65 %

en ekki

67 % þjóðarinnar

eins og Þorvaldur þylur í þráhyggjunni sem hefur helst gamla Göbbels að leiðarljósi. Gersamlega ómarktæk álitsgjöf sem var auk þess rugluð af spurningum um allt aðra og óskylda hluti.

Þetta er dæmigerð Trumpisk falsfréttaframleiðsla hjá doktornum.