Bannað í Kópavogi

að ræða sjónarmið varðandi sæstrenginn. Fundarstjóri Sjálfstæðisfélagsins, Sigurður Sigurbjörnsson,   öskraði mig niður á opnum fundi á síðasta laugardag  þegar ég vildi skjóta inn athugasemd um 3. orkupakkanna sem fleiri en einn fundarmanna höfðu þegar rætt.

Kolllegi Bjarni Jónsson ritar svo um þau sjónarmið sem ég vildi kynna:

"

Almennt er líka lagt bann við takmörkunum á millilandaviðskiptum með vöru og þjónustu í EES-samninginum.  Með öflugan aflsæstreng á milli Íslands og útlanda, þar sem íslenzk yfirvöld mega ekki grípa í tauma rekstrarins fyrr en allt er komið í óefni, setur allt þjóðlífið í uppnám. Þetta er aðeins eitt af mörgum atriðum, sem gera lögsögu ACER/ESB yfir millilandatengingum orkuríkrar eyjar norður í Atlantshafi gjörsamlega óaðgengilega fyrir eyjarskeggja.

Hvernig verður að rökstyðja höfnun á Ice-Link eða NorthConnect ?:

Það er aðeins hægt, ef kostnaðar- og nytjagreining leiðir til þeirrar niðurstöðu, að verkefnið sé ekki samfélagslega arðsamt, þar sem samfélagið er EES, og ACER viðurkennir, að niðurstaðan sé rétt fengin.   Samkvæmt samræmdri aðferðarfræði kostnaðar- og nytjagreiningar, sem mælt er fyrir um í gerð #347/2013, má ganga út frá því sem vísu, að öll PCI-verkefni, og ofangreind verkefni eru slík forgangsverkefni, séu samfélagslega arðsöm.  

Höfnun er t.d. ekki unnt að rökstyðja með því, að yfirvöld í viðkomandi landi vilji halda tiltölulega lágu orkuverði til almennings.  Frá sjónarhóli ESB jafngildir slíkt ríkisstuðningi og mismunun ESB-borgara og ESB-iðnaðar.  Íslendingar virkjuðu orkulindir og iðnvæddust af takmörkuðum efnum, en samt án þess að láta af hendi stjórn á erfðasilfrinu.  Nú ætla stjórnvöld að glopra þessari stjórn úr höndum sér með endemis klaufagangi og færa hana á silfurfati til ACER og framkvæmdastjórnar ESB. Þetta er í senn hneyksli og sorgarsaga."

Þessi sjónarmið eru ekki leyfð á fundum hjá Sjálfstæðisfélagi Kópavogs og bönnuð þar.

 

 

Skiljanlega sósíalisti

tala ekki um ef aurinn skyldi vera búinn? Páll  Vilhjálmsson veltir fyrir sér stöðu Gunnars Smára Egilssonar í þjóðmálabaráttunni á sinni bloggsíðu og tengslum RÚV við hana.

 Þá er gott að geta eflt sinn hag aftur með nýjum félögum.Svo sagði í Mbl:

"Gunn­ar Smári Eg­ils­son og Alda Lóa Leifs­dótt­ir hafa sett 125 millj­óna ein­býli sitt við Fáfn­is­nes á sölu. Húsið var byggt 1969 og er afar fal­legt og vandað. 

Húsið er teiknað af Þor­valdi S. Þor­valds­syni arki­tekt og var það kosið feg­ursta hús Reykja­vík­ur árið 1973. Í kring­um húsið er stór og mik­ill garður. 

Gunn­ar Smári og Alda Lóa festu kaup á hús­inu síðasta haust en þá var það búið að vera í eigu tveggja aðila síðan það var byggt. 

Af fast­eigna­vef mbl.is: Fáfn­is­nes 3"

 

Maður verður skiljanlega sósíalisti ef vindurinn er í fangið.

Bændablaðið

er til fyrirmyndar núna í febrúar. Troðfullt af fróðleik. Þetta er eitt albesta blað landsins.

Þar í samantekt um hnattrænu hlýnina sem vinstra liðið er heltekið af og Íslendingar ætla að taka miklar fjárhæðir af okkar fátæklingum í einhverja baráttu við þessar vindmyllur sólarinnar sem auðvitað stjórnar öllu lífi á þessari jörð.

Glefsur:

Vetrarhiti í Japan: Meðalhiti í janúar hefur lækkað á síðustu 33 árum – Svipaður meðalhiti sagður nú og fyrir 100 árum

               ----------------

Hitamet í heimshöfunum

Mælingar frá 1950 sýna að hitastig sjávar hefur hækkað jafnt og þétt frá þeim tíma og að hitamet hafa verið slegin síðastliðin fimm ár og að 2018 er það heitasta síðan mælingar hófust.

Hafið bindur meira en 90% af þeim hita sem verður til vegna losun gróðurhúsalofttegunda í heiminum og því einn mælikvarði á hlýnun jarðar að mæla hita sjávar.

Mælingar sýna að hitastig sjávar hefur aldrei verið hærra en síðustu fimm ár og að hlýnun sjávar hefur aukist hratt frá síðustu aldamótum þótt hún hafi verið að mælast allt frá því um miðja þarsíðustu öld.

-------------------------

Samkvæmt mæligögnum Hafrannsóknastofnunar hefur sjávarhiti við strendur Íslands verið að lækka undanfarin 3–5 ár. Það er þvert á tölur um hækkandi hitastig heimshafanna sem birst hafa í erlendum tímaritum og fjölmiðlum.

Sjávarhiti við Íslandsstrendur virðist samkvæmt veflægum gögnum Hafrannsóknastofnunar hafa stigið eftir 2003 og hélst að jafnaði nokkuð hár flest ár til 2014, en hefur síðan farið lækkandi.

Sem dæmi þá fór sumarhiti sjávar við Vestmannaeyjar hæst í 12,44 gráður þann 22. ágúst 2003 en mældist 11,12 gráður þann 22. ágúst 2017. Þá fór vetrarhiti sjávar við Vestmannaeyjar lægst í 5,54 gráður þann 18. febrúar 2018 og er það lægsti sjávarhiti sem þar hefur mælst síðan 12. febrúar 1999 þegar hann var 5,13 gráður.

Svipaða þróun má sjá frá öðrum mælingarstöðum á landinu. Við Æðey í Ísafjarðardjúpi fór sjávarhiti að sumri hæst í 12,02 gráður 24. ágúst 2003. Mældist hann síðan tiltölulega hár og fór aldrei niður fyrir 10 gráður fyrr en 26. ágúst 2018, þegar hann mældist 9,52 gráður. Tók sjávarhitinn reyndar talsverða dýfu sumarið 2015 og fór þá ekki hærra en í 8,5 gráður, en það var 26. júní. Strax sumarið eftir fór hann í 11,44 gráður þann 11. ágúst, en hefur síðan verið á niðurleið.

Í mæligögnum frá 1987 sést að lægsta hitastig sjávar við Æðey mældist -1,4 gráður þann 14. mars 1989. Einungis sex sinnum síðan hefur hann farið niður fyrir 0 gráður og sem dæmi mældist hann 0,87 gráður þann 5. mars 2018.

Sjávarhiti við Reykjavík sýnir svipaða þróun um lækkandi hitastig undanfarin ár eftir metárið 2010 þegar sumarhitinn fór í 14, 02 gráður þann 7. ágúst. Þannig var sjávarhitinn 10,12 gráður þann 5. september 2018 og er lægsti sumarhiti sjávar allavega síðan 2003 sem hægt er að sjá í veflægum gögnum Hafró. /HKr

 

--------------------

Samkvæmt línuriti yfir hitastig lofthjúpsins sem birt er á vef bandarísku geimferðastofnunarinnar NASA, þá virðist loftslag hafa verið að kólna á síðustu árum eftir að hafa náð methæðum í kringum 2014 frá því mælingar hófust um 1880. Eigi að síður er árið 2018 það fjórða heitasta frá því mælingar hófust samkvæmt gögnum NASA. Gerður er línulegur samanburður á gögnum frá Goddard stofnun NASA, NOAA, japönsku veðurstofunni, loftslagsteymi Hadley Center, Cowtan & Way og Berkeley Earth. Eru þessar mælingar nokkuð samstiga, en þó munar nokkru á milli stofnana þar sem tölur Goddard og NASA sýna að jafnaði hæstu gildin.

Er árið 2018 sagt það fjórða heitasta frá því mælingar hófust og var hitinn þá samkvæmt tölum Goddard um 0,83°á Celsíus hærra en meðaltal áranna 1951 til 1980.

Af hverju menn kjósa að nota meðaltal þessara ára skal ósagt látið en hitastigið 1950 var mun lægra en hitinn var í loftslagshlýnuninni á árnum frá 1935 til 1949 og einnig lægri en fjögur ár þar á eftir.

Sömuleiðis var hitastigið fram að 1980 oftast undir meðaltali eða rétt yfir meðaltalinu. Þá er nokkur breytileiki í gögnunum á milli stofnana þótt sveiflurnar séu samsíða.

-----------------

 

jarðeigendur sátu yfir hlut leiguliða.“

Hér er sannarlega nýr tónn sleginn. Lífskjör fólks á Íslandi voru ekki þau aumustu í Evrópu. Sauðkindin ekki það skaðræðisnagdýr og orsakavaldur í íslenskri gróðursögu sem margir hafa haldið fram. Og þó að það komi ekki beint fram í bókinni þá segir dr. Árni Daníel í viðtali í Bændablaðinu 29. nóv. sl.: „Mín skoðun er sú að það fari ekki að bera á áhrifum sauðkindarinnar að verulegu marki fyrr en á tuttugustu öldinni.“

Er ekki komið hér efni í líflegar umræður? Þórarinn Magnússon, Frostastöðum

-----------

Umferð um Hringveg var mun meiri nú í nýliðnum janúarmánuði en í sama mánuði í fyrra. Umferð á þessari leið hefur aldrei verið meiri í janúar en nú. Aukning milli janúar 2019 og 2018 nemur 5,4%

 

--------------

 

Allir eiga Þjóðverjarnir sem hingað fluttust sína sögu. Líka þeir sem hurfu á ný til heimaslóðanna eftir veruna á Íslandi. Hvaða aðstæður voru þeir að yfirgefa ytra? Hvernig gekk þeim að aðlagast á Íslandi? Hvað reyndist þeim erfiðast og hvernig þróuðust tengslin við venslafólkið sem lifði stríðshörmungarnar í Þýskalandi af? Lífssaga Margotar í Borgum er á margan hátt forvitnileg og er skráning hennar þegar hafin, ekki hvað síst vegna þrýstings frá afkomendum hennar.

Í niðurlagsorðum áðurnefndrar greinar Péturs Eiríkssonar sagnfræðings kemur fram að ekki séu heimildir fyrir öðru en að þeir Þjóðverjar sem hér settust að hafi orðið hinir bestu þegnar. Þeir hafi samlagast íslensku þjóðinni svo fullkomlega að þeir týndust í fjöldanum. Mjög líklegt er að þeir hafi flutt með sér ýmis hin bestu einkenni þýsku þjóðarinnar eins og hreinlæti, skipulagshæfileika, stundvísi og áreiðanleika, og smitað þessum einkennum út frá sér. Á þann hátt hafi fólkið á hæglátan hátt haft áhrif án þess að láta mikið fyrir sér fara. Karl Skírnisson

 

---------------------

 

Útbreiðsla sýklalyfjaónæmis er ein helsta heilbrigðisógnin sem steðjar að mönnum og dýrum í dag – Hvað er sýklalyfjaónæmi, hvers vegna verður það til, hvernig dreifist ónæmið og hvernig getum við tekist á við þessa ógn?

 

____________

Timbur notadrýgra en flestir halda, þak- og veggskífur úr tré fúna ekki ef þær eru nógu þunnar:

Dæmi um skífur úr tré sem enst hafa í á annað hundrað ár á húsum á Selfossi

----------------

Talað er um sýklalyfjaónæmi þegar bakteríur geta varist áhrifum lyfja sem áður voru notuð til að meðhöndla sjúkdóma af völdum viðkomandi bakteríu.

Um er að ræða mjög vaxandi vandamál og eina mestu ógn sem mannkynið þarf að glíma við næstu áratugi. Árið 2017 dóu t.d. 33.000 manns í Evrópu einni af völdum baktería sem engin sýklalyf réðu við og hafði sú tala hækkað um 8 þúsund frá árinu áður.

Óþarfi er að nefna að fjárhagslegt tjón er gríðarlegt og fer ört vaxandi. Hvernig mynda bakteríur ónæmi fyrir sýklalyfjum? Náttúrulegar stökkbreytingar í erfðaefni baktería gerast ótt og títt og eru aðalástæðan fyrir því að bakteríur verða ónæmar fyrir sýklalyfjum.

Í nærveru sýklalyfja lifa ónæmar bakteríur af og þannig er hægt að segja að í hvert skipti sem sýklalyf er notað er hætta á að þá sé verið að auka hlut ónæmra baktería í lífríkinu. Vandamálið eykst með óábyrgri notkun sýklalyfja, notkun sýklalyfja í fyrirbyggjandi tilgangi og dreifingu ónæmra baktería milli landa með vaxandi heimsviðskiptum matvæla og auknum straumi ferðamanna.

Enginn er eyland í þessu sambandi. Í nútímaheimi þar sem samskipti á öllum sviðum eru bæði mikil og hröð þarf alþjóðlegt átak til að takast á við þetta vandamál. Staðan er mjög breytileg milli landa og sem betur fer er staða Íslands góð, sýklalyfjanotkun í landbúnaði er með því lægsta sem gerist í heiminum og einnig er tíðni ónæmra stofna baktería lág. Sýklalyfjanotkun hjá mönnum er hins vegar óþægilega mikil á Íslandi, sérstaklega hjá ungum börnum og öldruðum. Okkur ber skylda til að verja stöðu Íslands og bæta okkur þar sem úrbóta er þörf.

Dýralæknafélag Íslands setti fram stefnu um ábyrga notkun sýklalyfja árið 2001, og í lögum um dýralækna nr. 66/1998 stendur: „Dýralækni er einungis heimilt að afhenda eða ávísa lyfseðilsskyldum lyfjum handa dýri þegar hann hefur greint sjúkdóminn“. Þetta hefur leitt til minni og ábyrgrar notkunar sýklalyfja hjá dýrum hérlendis.

Því miður er ekki hægt segja það sama um mörg lönd í Evrópu og ekkert útlit fyrir að það verði mikil breyting á því næstu árin. Sjúkdómsgreiningar þar eru oft á ábyrgð dýraeigenda og þeir hafa í mörgum tilfellum býsna frjálst aðgengi að sýklalyfjum. Þetta leiðir til óhóflegar notkunar sýklalyfja, allt að áttatíufaldrar notkunar samanborið við notkun hérlendis.

Í þessum löndum fylgist líka oft að mikil sýklalyfjanotkun hjá mönnum og ónæmi baktería er mjög mikið bæði hjá mönnum og dýrum. Óhjákvæmilega stafar okkur hætta af því að ónæmar bakteríur berist með mönnum og matvælum frá löndum þar sem sýklalyfjanotkun er mikil.

Spítalarnir þurfa að gæta sérstakrar varúðar þegar sinna þarf ferðamönnum. Einnig er mikilvægt að huga vel að salernismálum ferðamanna til að draga úr hættu á að ónæmir stofnar berist inn í lífríki okkar og smiti dýr og menn.

Þá er innflutningur matvæla frá þessum löndum, menguðum ónæmum bakteríum, bein ógn við lýðheilsu okkar. Í nýlegri skýrslu stofnana Evrópusambandsins sem fjalla um lyfja- og heilbrigðismál (JIACRA report 2017), eru m.a. skoðuð áhrif sýklalyfjanotkunar í landbúnaði á menn. Þar kemur fram að fylgni er á milli ónæmra stofna í matvælum og algengi þeirra í neytendum.

Nú þegar rýmri reglur gilda um innflutning matvæla er mjög mikilvægt að íslenskum neytendum sé gert kleift að forðast slíkar vörur. Þetta er e.t.v. hægt að gera með því að setja ítarlegri reglur um upprunamerkingar matvæla en nú eru, ekki bara í verslunum heldur einnig á veitingastöðum.

Þá er einnig mögulegt að setja strangari reglur um vinnslu innfluttra matvæla og krefjast aðskilnaðar við íslensk matvæli til að tryggja að krossmengun eigi sér ekki stað.

Það er ánægjulegt að ríkisstjórnin hefur nýverið ákveðið að hrinda af stað átaki til að draga úr útbreiðslu sýklalyfjaónæmra baktería á Íslandi. Við þurfum aðgerðir strax til að minnka aðsteðjandi hættu.

Grétar Hrafn Harðarson dýralæknir. 

 

---------

 

Bændablaðið er lifandi blað sem á erindi við allan almenning.

 

Stiggenap

segja verkalýðsbófarnir við ríkisstjórn Íslands. Ef þið gerið ekki eins og við segjum þá drepum við þjóðfélagið með verkföllum. Þau byrja fyrstu viku í mars eða svo.

Skyldi vera hægt að setja lög á Alþingi sem auka varnarmátt þjóðfélagsins gegn byssubófum?

Til varnar Merkel

og hennar innflytjendamisskilningi þá stendur hún frammi fyrir kyndeyfð þjóðverja sem nenna ekki að eiga börn.

Einn góður Þjóðverji og fyrrum barnahermaður, lýsti þessu svo fyrir mér fyrir hálfri öld að hann ætlaði ekki að fara að ala upp fallbyssufóður fyrir einhvern nýjan Hitler.

Sá karl veitti verðlaun fyrir hvern nýjan fæddan Þjóðverja, Mutterkreuz var flott heiðursmerki af þeim ástæðum.

Merkel sá fram á fólksfækkun og að Þjóðverjar eigi ekki fyrir eftirlaununum. Sem kratabjálfi heldur hún að maður sé sama og maður. Það vissi jafnvel Adolf að er ekki rétt. Innfluttur menningarlaus Arabi ekki sama og etnískur Þjóðverji. Merkel heldur að hægt sé að láta hann vinna og borga í eftirlaunin sem er ekki að ganga upp hjá henni því mikið af innflutta pakkinu mun aldrei vinna hætishót heldur bara vera til byrði rétt eins og hér. 

Því fer sem fer í föðurlandinu þar sem allar fornar hugsjónir eru dauðar og svo auðvitað bannaðar sem hatursumræða. Hinsvegar eru fornar dyggðir Þjóðverjaá á lífi eins og  til dæmis ágirndin og  sparsemin.Og þeir virða menningararfleifðina líka sem okkar kratar gera ekki. Það er alið upp í þjóðinni og þar með að skynsemin er líka í heiðri höfð enda hefur þjóðin langa reynslu af tapi að baki. Þess vegna er hægt að stjórna Þýskalandi. Þar komast engar Sólveigar Önnur upp með kjaftæði því þeir hafa söguna fyrir augum og bitra reynslu af stjórnmálafíflum. Þar í liggur grundvallar munurinn á Þjóðverjum og Íslendingum.

Merkel er alls ekki alvitlaus enda hálærður doktor í eðlisfræði og skárri en mörg önnur fífl sem í boði eru í ESB.

Ung er manneskjan fögur

eins og myndin sýnir.

Merkel kom til dyranna eins og hún var klædd þegar hún spurði hinn sannarlega pompósa Pompeo hvort BMW verksmiðjan í S-Karólínu væru ógn við Bandaríkin?

Mannkynið á framtíð sína undir friðsamlegri samvinnu manna að því verkefni að bæta lífskjörin.

Og það er viðfangsefni daganna á Íslandi að finna leiðir til þessa.

Þáttur Gunnars Smára Egilssonar með verkalýðsforingjum Íslands sem var á útvarpi Sögu getur hinsvegar gert mann svartsýnan á það að nokkur vitræn lausn muni geta náðst í yfirstandandi "kjaraviðræðum".  

Fimmti hver félagsmaður Eflingar vill fara í verkfall til að knýja fram einhverja niðurstöðu í þeim hyldjúpa baráttumálflutningi verkalýðsforingjanna sem birtist í þættinum.

Sannarlega voru lýsingarnar á hugarástandi unga fólksins sem ætlar í verkföll ekki fagrar og bötnuðu lítið með hækkandi aldri.

Innlend úrvinnsla orkunnar

er grundvallarspurning til framtíðar.

Verði 3. orkupakkinn samþykktur af Sjálfstæðisflokknum eins og stefna virðist í, þá getur ýmislegt breyst hvað framtíðarorkunotkun landsmanna varðar.Það virðist sem þingmenn flokksins hafi tekið þá ákvörðun að engu skipti hvernig þessi pakki verði afgreiddur. Hvorki það hvort hann færi landsmönnum ávinning eða að hann skaði þá ekki beinlínis.

Undirritaður er hinsvegar þeirrar skoðunar, að taki einkaaðili ákvörðun um að leggja hingað sæstreng á sinn kostnað séum við Íslendingar komnir inn á orkumarkað Evrópusambandsins. Við getum ekki neitað honum að gera tilboð í að kaupa hér orku í samkeppni við landsmenn sem tæplega muni verða til lækkunar innlends orkuverðs.

Nota má raforku sem við framleiðum til að framleiða vetni innanlands. Þetta gerðum við í stórum stíl Aburðarverksmiðjunni sálugu í Gufunesi. 

Nýlega pantaði Strætó  marga vetnisvagna þar sem ný tækni hefur rutt sér til rúms í vetnisnotkun.  Hugsanlega er þetta byrjun á meiru.

Útflutningur á vetni er líklega mun auðveldari en á raforku um sæstreng. Héröð í Bretlandi munu ætla að vetnisvæðast þó Bretland fljóti á gaspolli.

3. orkupakkinn getur þannig skipt meira máli en sumir vilja  viðurkenna sem grundvallarmöguleika. jafnvel haft úrslitaáhrif á innlenda úrvinnslu orkunnar til framtíðar.

Mismunum og synd

er fyrirsögn á athyglisverðri grein Vilhjálms Bjarnasonar í Morgunblaðinu á föstudag. Vilhjálmur segir:

" Fyrir mörgum öldum sagði etasráðið, sem þá var statt í Kaupinhafn, „Æ má ekki einu gilda eftir hvaða lögum þeir íslensku eru dæmdir? Kansellíið hefur heimildir fyrir því að þetta sé úrættað fólk, allir þess betri menn í fyrri daga drápu hverir aðra þartil eftir var þetta samansafn af betlurum, þjófum, líkþráum mönnum, lúsugum persónum og drykkjuhrútum.“

Atkvæðavægi

Það kann vel að vera að etasráðið gangi helst til langt í umsögn sinni en eftir situr þjóð, sem hefur þolað mismunun, misrétti og smánun meira en góðu hófi gegnir. Þannig er það lögfest í kosningalögum að það sé jafnræði með kjördæmum að fjöldi kjósenda í fjölmennum kjördæmum skuli vera tvöfaldur á móti þeim er fámennari eru. Þannig hafa sumir Íslendingar tvöfaldan atkvæðisrétt á móti einföldum atkvæðarétti annarra. Þetta lætur þjóðin sér vel líka, enda eru settar þvílíkar þrautir inn í kosningalög að aðeins hámenntaðir stærðfræðingar geta leyst þær þrautir. Svo segir fólk: „ég skil ekkert í þessum kosningalögum“. Vissulega geta komið undarlegar niðurstöður út úr kosningum. Þannig eru úrslit tvennra forsetakosninga í Bandaríkjunum á þessari öld á þann veg að frambjóðandi sem hlaut færri atkvæði í heild, fékk fleiri kjörmenn í því ráði er kýs forseta endanlega.

Mismunun í alþingiskosningum

Forystumönnum Alþýðuflokks og Framsóknarflokks þótti það ekki tiltökumál að eiga viðskipti með stuðningsmenn sína í brenglaðri kjördæmaskipan í kosningum 1956 í þeim tilgangi að ná meirihluta þingmanna á Alþingi, hið svonefnda Hræðslubandalag. Það er ekki talið neitt merkilegt að í alþingiskosningum árið 1931 fékk Framsóknarflokkur 35% atkvæða og 23 þingmenn af 42 en Sjálfstæðisflokkur fékk 43,3% atkvæða og 15 þingmenn. Mismunun í atkvæðavægi var réttlætt með því að þingmenn væru fulltrúar landsvæða en ekki fólks. Það kann að vera að mismunun af þessu tagi sé verslun með kærleika. Svo er alls ekki, heldur er þetta lítilsvirðing fyrir mannréttindum.

Leiðrétting

Árið 2014 var samþykkt á Alþingi að „leiðrétta“ skyldi húsnæðisskuldir um 4%, en aðeins þeirra sem voru með „verðtryggð“ lán. Þó voru leigufélög sveitarfélaga og námsmannasamtaka undanskilin. Þessi leigufélög leigja viðskiptavinum sínum á sem næst kostnaðarverði. Þannig urðu leigjendur 4% hlutfallslega verr settir en húseigendur eftir þessa æfingar. Þeir sem skulduðu „óverðtryggð“ lán nutu heldur ekki góðs af leiðréttingu, enda þótt lánskjör þeirra hafi verið sambærileg „verðtryggðum“ lánskjörum. Einn stjórnarþingmaður lýsti þessum æfingum stjórnarmeirihlutans á þann veg að um „almenna“ leiðréttingu væri að ræða en ekki „altæka“. Þessa mismunun létu landsmenn yfir sig ganga, enda vanir mismunun og verslun með kærleika.

Erlendir ferðamenn

Erlendir ferðamenn hafa ekki kosið neinn alþingismann. Það hefur heyrst hrökkva upp úr alþingismanni, að hann líti á erlenda ferðamenn fyrst og fremst sem skattstofn. Það er líklegt að erlendir ferðamenn greiði um 38-40 milljarða í virðisaukaskatt hér á landi og um 5 milljarða í eldsneytisgjöld af akstri bílaleigubíla, sem ferðamennirnir leigja. Þannig má segja að töluvert hafi áunnist í því að ferðamenn séu skattstofn. Það er eins með erlenda ferðamenn og innlenda íbúa, þeir telja rétt og eðlilegt að fyrir þessa skatta njóti þeir þjónustu af einhverju tagi. Það eru margir, sem telja það sjálfsagt að erlendir ferðamenn „greiði“ án þess að fá endurgjald í þjónustu og innviðum, enda eru ferðamenn einungs „skattstofn“!

Veggjöld og eldsneytisgjöld

Gjöld á eldsneyti voru fyrst lögð á til að afla fjár til vegagerðar. Hugsunin var sú að notkun á eldsneyti svaraði til notkunar á vegum. Síðar gerðu ráðamenn sér ljóst að eftir meiru var að slægjast í eldsneytisgjöldum en því sem veitt var til vegagerðar. Eldsneytisgjöld urðu þannig hluti af tekjuöflun ríkisins. Bifreiðaeigendur láta það yfir sig ganga að verða sérstakir skattþegnar. Nú eru komnar fram tillögur um það á hvern veg hægt er að skattleggja umferð sérstaklega, einkum og sér í lagi umferð á Suðvesturlandi þar sem mest er ekið. Sveitarstjórnarmenn annars staðar á landinu telja það vænan kost, en þá ekki til endurbóta á innviðum þar sem gjöldin er lögð á, heldur til að leggja vegi með bundnu slitlagi í fámennum sveitum. Þannig sjá sveitarstjórnarmenn skattstofna og kærleika í öðrum hreppum.

Mismunun

Nú er verið að leggja síðustu hönd á smíði ferju til siglinga milli Vestmannaeyja og meginlandsins. Þá ber svo við að það á að hafa sérstök fargjöld fyrir Vestmannaeyringa. Auðvitað er það ekki nema eðlilegt að landsmenn og erlendir ferðamenn sameinist í því að heimsækja ekki Vestmannaeyjar með þessari ferju þegar þeim er ætlað að standa undir „niðurgreiddum“ fargjöldum fyrir þá sem hafa póstnúmer 900. Á sama veg er ætlunin að hafa önnur og lægri flugfargjöld fyrir þá sem búa á landsbyggðinni en flugfargjöld þeirra, sem búa í þéttbýlinu við Faxaflóa. Auðvitað er svarið við því fyrir þéttbýlið að heimsækja ekki landsbyggðina. Þá er alls réttlætis gætt. Ef flugfargjöld eru of há, þá eru þau of há fyrir alla. Mismunun í verðlagningu á þjóðvegum er einungis hægt að réttlæta vegna mismunandi kostnaðar við innheimtu „þjónustugjalda“, en ekki á grundvelli búsetu eða þjóðernis. 30% afsláttur fyrir útvalda kann að leiða til verulegs álags fyrir aðra, ef veggjöld eru grundvölluð á „kostnaði“.

Synd og mismunun

Það er mikil sæla fyrir stjórnmálamenn að finna leiðir til að mismuna og skammta. Merkustu stjórnmálamenn telja skömmtun eðlilega ef skömmtunin er „réttlát“. Réttlæti hverra? Það kann að vera að það réttlæti miði aðeins að því að svipta fátæka menn lífinu. Líklega er þráin eins hjá stjórnmálamönnum og dýrlingum. Stjórnmálamenn þrá að mismuna en dýrlingar þrá að syndga. Stjórnmálamenn láta eftir þrám sínum en dýrlingar halda aftur af þrám sínum. Það er mest sæla í heimi að syndga! Eftir Vilhjálm Bjarnason » Stjórnmálamenn þrá að mismuna en dýrlingar þrá að syndga. Stjórnmálamenn láta eftir þrám sínum en dýrlingar halda aftur af þrám sínum.

Vilhjálmur Bjarnason Höfundur var alþingismaður. "

Vilhjálmur missti sæti sitt á Alþingi í síðustu kosningum þegar úrslit prófkjörs voru höfð að engu. Hann hefur ekki fengið neitt fast starf síðan sem er þjóðarskaði því maðurinn hefur marga hæfileika og reynslu að baki. 

Vilhjálmur hefur yfirgripsmikla þekkingu á fjármálum og einnig reynslu af bankastarfsemi.  Mér hefur dottið í hug að spyrja mætti Vilhjálm að því fyrir hvaða laun hann væri tilbúinn í að taka að sér að stýra ríkisbanka fyrir Alþingi? Ekki er hætta á að fyllerí myndi verða Vilhjálmi til trafala sem algerum reglumanni. Og víst er að hann ber virðingu fyrir reglum og heiðri.

Vilhjálmur veit hvað hann er að tala um þegar hann ræðir mismunun og synd.

 

 

Fundur í Kópavogi

hjá Sjálfstæðisfélagi Kópavogs var nú fyrir hádegi.

Þar flutti Jón Gunnarsson alþingismaður fróðlegt erindi um fyrirhugaðar vegaframkvæmdir og gjaldtöku. Jón sagði líka frá fundaröð Sjálfstæðisþingmanna um landið. Hann sagði að hvergi hafi menn viljað ræða 3. orkupakkann sem virtist því ekki vera sérstakt áhugamál Sjálfstæðisfólks. Sjálfum fyndist honum þetta mál skipta frekar litlu máli.

Júlíus Hafstein varaði við samþykkt 3. orkupakkans í ítarlegu máli  og vildi að við segðum okkur frá 1. og 2. pakkanum líka sem ekki hefðu gert neitt fyrir okkar þjóð. Fundarstjórinn, Sigurður Sigurbjörnsson, gerði ekki athugasemdir við máflutning ambassadorsins Júlíusar.

Undirritaður vildi gera athugasemd við þetta aðeins í þá veru að eftir samþykkt pakkans myndu Íslendingar ekki geta staðið gegn lagningu sæstrengs ef einhver vildi leggja hann til landsins á sinn kostnað. Hann bað því um orðið. Þá brá svo við að fundarstjórinn byrjaði með hávaða að banna honum að ræða 3. orkupakkann. Samskonar uppákoma varð á fundi vikunni áður þegar fundarstjóri byrjaði með samskonar truflanir í ræðu undirritaðs  sem eru auðvitað til þess fallnar að slá lítilfjörlega ræðumenn út af laginu.

Undirritaður gat ekki brugðist öðruvísi við en að hætta máli sínu. Yfirgaf hann fundinn skömmu síðar með þeim ásetningi að biðja ekki framar um orðið hjá þessum fundarstjóra sem þarna truflaði mál hans og ekki í fyrsta skiptið. Skiljanlegt er kannski að þessi fundarstjóri kæri sig lítt um ræðuhöld undirritaðs en hefur samt aldrei áður orðið fyrir slíku skipulögðu áreiti á opnum fundi í Sjálfstæðisflokknum þar sem mönnum er gefinn kostur á að tjá sig.

Af þessu ástæðum getur skrifari ekki skýrt frá endi fundarins en hann var fróðlegur fram að þessu.

Jón Gunnarsson á miklar þakkir skildar fyrir sína framgöngu í samgöngumálum og hvernig honum hefur tekist að vinna gjaldtökuhugmyndum á jafnréttisgrundvelli fylgis meðal þjóðarinnar.

Þessi fundur í Kópavogi var fjölmennur og fróðlegur í alla aðra staði en þessa uppákomu fundarstjórans.

 

RÚV er ekki alvont

eins og maður gæti haldið ef maður tæki allt bókstaflega sem skrifað og skrafað er.

Páll Vilhjálmsson bloggarakóngur skrifar svo:

"Fjölmiðlar munu gera út á ríkisstyrki en ekki þjónustu við almenning, verði að veruleika lög um ríkisframlag til fjölmiðla.

Ríkisstuðningur við fjölmiðla felur í sér forskrift hvernig fjölmiðlar eigi að haga sér til að njóta fjárstuðnings. Fjölmiðlun verður einsleitari og nýsköpun takmarkaðri.

Nú þegar rekur ríkið fjölmiðil, RÚV, sem enginn myndi segja að væri háborg blaðamennsku eða faglegrar þjónustu við almenning.

Ef ríkinu er alvara með stuðningi við frjálsa fjölmiðlun ætti það að loka RÚV. Þeir fjölmiðlar sem ættu erindi við almenning myndu blómstra. "

Ég hlusta talsvert  á Útvarp Sögu. Þó að mér finnist sumir sem tala þar sem fulltrúar þjóðarinnar vera litlar mannsvitsbrekkur og ekki mér til skemmtunar, þá fara þar fram skoðanaskipti og margt dúkkar upp sem vert er að fram komi.

Bæði Arnþrúður og Pétur eru komin til talsverðs þroska í víðsýni og kurteisi sem maður ber virðingu fyrir.Stöðin leitar stíft eftir stuðningi frá hlustendum svipað og NPR gerir í Bandaríkjunum.

Allt gott um það að segja og ekki held ég að það yrði henni til góðs eða blómsturs að fara að taka við opinberum styrkjum frá Lilju. Þvert á móti myndi það rýra trúverðugleikann og mun geðfelldara ef hún gæti haldið sjálfstæði sínu með almannastuðningi og verið engum háð.

RÚV heldur úti frábærri dagskrá alla daga eftir hádegi þar sem margar dagskrárperlur eru sýndar. Ég á bágt með að taka undir kröfur um að stöðinni sé lokað sem einhverri lausn á fjölmiðlamarkaði. Stendur bara ekki fólkið með RÚV með kostum og göllum? Það vill hreinlega auglýsa þar en ekki endilega frekar annarsstaðar. Það er lítil lausn að heimta bara lokun.

Hvað orsakar þá þennan sífellda ófrið um RÚV? Svarið liggur í augum uppi. Það er vinstri slagsíðan á fréttaflutningi stöðvarinnar. Hún virðist vera svo áberandi áberandi pólitísk að hægra fólki, loftslags-og innflytjendavantrúuðum og Trumpistum finnst sér misboðið.

Hver ber þar ábyrgðina? Er það nýframlengdur útvarpsstjórinn eða útvarpsráð? Skyldi ekki vera hægt að fara einhvern milliveg í þessum málum og lægja öldurnar? Yfirleitt láta samt þeir sjaldan völdin af hendi sem búnir eru að ná þeim eins og Maduro er kannski dæmi um. Er hugsanlega hægt að slaka eitthvað til?

Safn RÚV af efni og tækni er ómetanlegt og ekki liggur í augum uppi hver ætti með að fara ef krafa Páls og fleiri væri tekin alvarlega. Vilji fólkið auglýsa á RÚV má það þá ekki gera það. Er einhver á móti samkeppni?  Er RÚV ekki í  samkeppni hvað sem aðrir segja? Ferðastiklur Ómars og Láru eru til dæmis frábærar sem vandséð er hvort aðrir myndu gera betur.

Hringbraut er að gera frábæra hluti og líka N4 eins og Útvarp Saga. Fólk sem vill styrkja þessar stöðvar á að finna það hjá sjálfu sér að gera það. Ríkinu er algerlega ofaukið þar og bara skemmir. Treystum fólkinu og fyrirtækjunum til að velja.

RÚV er langt frá því að vera alvont þrátt fyrir Þorgerði og þjóðarskattinn.