RUV flytur fagnaðarfréttir

það er að koma bóluefni til Evrópusambandsins. Það á að byrja að bólusetja þar bráðum, í næstu viku. 

En hér? Því miður ekki orð. Enda gengur Evrópuhugsjónin fyrir hjá krötunum.

Við skiptum minna máli í því samhengi þar sem Svandís og Kata sjá um málin fyrir okkur. 

RÚV sér um að upplýsa okkur um gang mála og fagnaðarfréttir frá Svandísi.

Frábær Forsetafrú

Elíza Reid birtist okkur í viðtali Skúla Braga Geirdal á N4 í kvöld.

Forsetafrúin brunaði beint inn í hjarta mitt með elskulegheitum sínum og orðkynngi á íslensku máli þannig að ég hef held ég aldrei orðið vitni að öðru eins af útlendingi.

Og dr. Guðni náði mér líka þannig að ég arfleiði hann hér með að þeim stuðningi sem dr. Ólafur Ragnar var búinn að fá frá mér fyrir Icesave frammistöðu sína svo lengi sem hann þyrfti mín með.

Ég var ekki stuðningsmaður dr. Guðna í kosningunum en verð það hér eftir eftir að hann skýrði fyrir mér afstöðu sina til þjóðkirkjunnar og fleiri grundvallarmála sem fara allvel saman við mínar skoðanir sem eru auðvitað ekki merkilegar.

Allt sem hann sagði um þjóðkirkjuna féll mér vel í geð og finnst hann hér eftir  verðugur forseti fyrir mig.

En Elíza Reid Forsetafrú brunaði beint inn í hjarta mitt í þessu viðtali sem frábær Forsetafrú. 

Píratar vilja styðja

minnihlutastjórn Framsóknar og VG.

Þvílík pólitísk séni eru þetta.Þórhildur Sunna hin siðavanda, Malbikarinn húsaleigufróði, Smári McCarthy byssumaður með háskólagráðurnar í stærðfræði og Björn Leví núna stuttskeggja. Akkúrat liðið í trausta minnihlutastjórn í Covid-fárinu.

Gengur þetta Píratafólk á öllum?

Að halda að þjóðin vilji frekar minnihlutastjórn þeirra en meirihlutastjórn Katrínar og Sigurðar Inga þó Bjarni, Þórdis Kolbrún og Áslaug Arna séu innanborðs?

Nýtt kraftaverkalyf?

sem eru mótefni sem vernda þegar í stað gegn sjúkdómnum ef maður smitast af Kínapestinni er verið að prófa í Bretlandi að því að SKY News segir, 

Aldeilis tíðindi ef sönn eru.

Ekkert minna en kraftaverkalyf.

Stóra von mín

og eiginlega sú eina sem kemst að í mínum heimska haus er að okkar bestu mönnum Kára og Þórólfi takist að yfirtala Pfizer á að lát okkur fá 400k í hvelli.

Svo segir á Mogga:

"Þórólf­ur Guðna­son sótt­varna­lækn­ir seg­ist von­ast til þess að lyfja­fram­leiðand­inn Pfizer sjái kost­ina í því að bjóða upp á fleiri skammta af bólu­efni fyr­ir­tæk­is­ins fyr­ir Íslend­inga. Væri þar með hægt að bólu­setja þjóðina fyrr en ella, en á móti fæl­ist í þessu rann­sókn­ar­efni þar sem nán­ari upp­lýs­ing­ar myndu fást um þróun far­ald­urs­ins eft­ir bólu­setn­ingu og með aflétt­ing­um sam­komutak­mark­ana. Þá myndi einnig vera hægt að fylgj­ast nán­ar með mögu­leg­um auka­verk­un­um.

Er þetta hluti af viðræðum yf­ir­valda hér á landi og Kára Stef­áns­son­ar, for­stjóra Íslenskr­ar erfðagrein­ing­ar, við for­svars­menn Pfizer.

Greint var frá því fyr­ir jól að Kári gerði sér von­ir um allt að 400 þúsund skammta frá fyr­ir­tæk­inu, en hann fundaði með full­trú­um Pfizer ásamt Katrínu Jak­obs­dótt­ur for­sæt­is­ráðherra. Í kjöl­farið átti Kári í viðræðum við fyr­ir­tækið.

Frétt af mbl.is

Kári vill um 400.000 skammta

„Alltaf ein­hver sam­skipti í gangi“

Þórólf­ur seg­ir þess­ar viðræður enn ekki komn­ar langt áleiðis og að ekki hafi mik­il sam­skipti verið yfir jól­in. „Það eru samt alltaf ein­hver sam­skipti í gangi, menn að skipt­ast á upp­lýs­ing­um,“ seg­ir hann við mbl.is.

Frétt af mbl.is

Hug­mynd­in ekki frá Kára kom­in

Spurður um for­ræði verk­efn­is­ins seg­ir hann að sam­kvæmt lög­um séu bólu­setn­ing­ar á for­ræði sótt­varna­lækn­is og und­ir heil­brigðisráðuneyt­inu. Seg­ist hann fast­lega gera ráð fyr­ir að það verði áfram þótt skipu­lag og út­færsla, ef af verður, sé í skoðun. „Ef farið er í stærri aðgerðir þurfa fleiri að koma að því,“ seg­ir hann.

Frétt af mbl.is

Seg­ist ekki hafa eignað sér hug­mynd­ir Þórólfs

Eins og Morg­un­blaðið greindi frá á aðfanga­dag er hug­mynd­in að Ísland geti orðið rann­sókn­ar­set­ur fyr­ir fasa IV rann­sókn, en þar væri stærsti hluti þjóðar­inn­ar bólu­sett­ur á stutt­um tíma. Áður hafði Þórólf­ur viðrað þessa hug­mynd í pósti til full­trúa Pfizer 15. des­em­ber.

„Við höf­um alla burði til að gera þetta hér“

„Ég vona að þeir sjái kost­ina í að gera slíka fasa IV rann­sókn,“ seg­ir Þórólf­ur. „Við höf­um alla burði til að gera þetta hér. Við erum að gera þetta alla daga og fylgj­umst með öll­um þeim sem grein­ast,“ seg­ir hann og bæt­ir við að meðal rök­semda sinna í bréf­inu til Pfizer hafi ein­mitt verið að hér á landi væru mjög ákjós­an­leg­ar aðstæður til að fara í rann­sókn sem þessa."

 

Ef Pfizer vill ekki eða getur, þá kannski tala þeir við Moderna eða aðra?

 

En þetta er bara von og trú íslensku þjóðarinnar sem er undir því komin að þetta takist.

 

Hugsið ykkur næstum eðlilegt líf í Janúarlok? Þetta er ofboðsleg tilhugsun um kraftaverk og léttir. Vona að allir bænheitir Íslendingar leggist á árarnar með straumum til þeirra sem eru að fást við þetta.

 

Sjálfur er ég víst vita kraftlaus en ég óska ekki annars meira og heitar en að þetta gangi eftir hjá þeim Þórólfi og Kára er sem mín stóra von.

 

Píratasiðferðið

er á fullu.

Þingmaðurinn á malbikunarjakkanum, Jón Þór  er að rifna af vandlætingu. Sjálfsagt búinn að gleyma viðskiptum sínum við félagsíbúðir stúdenta sem ekki þóttu nú mjög siðsöm.

Þórhildur Sunna vítt af Alþingi fyrir ósvífnar álygar.

Smári McCarthy, er hann ekki sagður hafa borið vopn fyrir erlent stórveldi?

Svona fólk er vel í stakk búið til að krefjast afsagnar fyrir aðra stjórnmálamenn fyrir eitt axarskaft.

Það bregst ekki Píratasiðferðið til að leggja fram vantraust á Bjarna Benediktsson.

Rétta fólkið?

eru þau Þórhildur Sunna sem situr sem fastast á þingi eftir sekt sína sem hefði átt að leiða til afsagnar og Logi Már til að krefjast afsagnar Bjarna Ben vegna yfirsjónar í fjöldatakmörkun.

Nú vantar bara að RÚV taki kröftuglega undir með þessu dáindisfólki sem kunna bara eina tillögu í fjármálum: Hækka útlát og auka tap ríkissjóðs.

Skyldu þessi skötuhjú vera rétta fólkið sem þjóðin treystir betur en Bjarna Benediktssyni til að stjórna þjóðinni?

Reddar Kári ríkisstjórninni?

rétt eina ferðina enn?

Svo segir Moggi:

"Viðræður hafa átt sér stað við bandaríska lyfjarisann Pfizer um að koma um 400 þúsund skömmtum af bóluefni hingað til lands, eða nægilega mörgum skömmtum til að bólusetja 60% fullorðinna hér á landi. Náist samkomulag eru vonir bundnar við að hér skapist nægilegt hjarðónæmi til að kveða kórónuveiruna niður.

 

Það er Kári Stefánsson, forstjóri Íslenskrar erfðagreiningar, sem hefur leitt vinnuna af hálfu Íslands. Hefur hann nýtt tengsl sín við ýmsa stjórnendur Pfizer, en hann skipulagði m.a. fund með fyrirtækinu í fyrradag. Fundinn sátu Katrín Jakobsdóttir forsætisráðherra, Kári og stjórnendur frá lyfjarisanum. Í kjölfarið átti Kári í viðræðum við Pfizer.

Aðspurður segir Kári að verið sé að athuga hvort til séu nægilega margir skammtar hjá Pfizer svo hægt sé að mynda hjarðónæmi hér á landi. Ef af verður er um að ræða tilraunaverkefni þar sem kannað er hvort hægt sé að kveða faraldurinn niður hjá heilli þjóð. Bólusetning ætti ekki að taka nema eina til tvær vikur.

Yfirmaður bóluefnateymis Pfizer kom með tillögu að rannsókninni, en hann hefur jafnframt sagt að verkefnið sé spennandi möguleiki. Óljóst er þó hvort til sé nægilega mikið magn af bóluefni. „Það er verið að kanna hvort til sé bóluefni og það hefur enn ekki verið haft samband. Ég get ekki lofað nokkrum sköpuðum hlut þótt ég sé að reyna, en ég væri ekki að þessu nema ég héldi að þetta væri möguleiki,“ segir Kári.

Ljóst er að hér á landi eru einstakar aðstæður til þess að grípa til svo umfangsmikilla og skjótra aðgerða hjá heilli þjóð. Tilgangur verkefnisins af hálfu Pfizer væri að fá af því reynslu og upplýsingar, sem nýttust við bólusetningu annars staðar í heiminum.

Um allan heim eru nú víðtækar bólusetningaraðgerðir í bígerð, en sjálf bóluefnin eru mjög mislangt á veg komin og eftirspurnin svo mikil, að næsta ár mun tæplega endast til þess að ljúka almennri fjöldabólusetningu í öllum löndum."

Kára Stefánssyni þakkar þessi þjóð seint alla þá aðstoð sem hann hefur veitt henni í faraldrinum. Því miður hafa hans tillögur verið sniðgengnar í sumum tilvikum með illum afleiðingum í hvert sinn. En þjóðin hlustar í hvert sinn sem Kári lætur í sér heyra þar sem reynslan sýnir að það borgar sig.

Nái Kári þessum samningi við Pfizer myndi hann redda ríkisstjórninni út úr klúðrinu sem hún kom þjóðinni í með andvaraleysi sínu í bóluefnismálum.

Umhugsunarefni

fékk ég af að lesa mánaðargamalt blogg Gunnars Heiðarssonar.

Ég hef lengi velt fyrir hverjir muni selja okkur Íslendingum losunarheimildir sem okkar vantar víst eftir að við tókum þátt í fundi hinna fjörtíuþúsund fífla í París.Aðeins Trump sagði sig frá þeirri dellu sem þjóðfjandsamlegri meðan við mændum til himins í trúarhrifningu Grétu Thunberg.

Gunnar Heiðarson skrifar:

"

26.11.2020 | 16:09

Nú um næstu áramót fellur svokallaður Kyoto samningur úr gildi og við tekur svonefndur Parísar sáttmáli. Við þessi tímamót þurfa þjóðir heims að stand skil á sínum "syndum". Svo virðist vera sem um sé að ræða tvennskonar uppgjör, annarsvegar með kaupum á einhverju sem kallast CER eininga og enginn veit hvað er eða hvert það fé fer, eða með kaupum á því sem kallast ETS einingar, en sú upphæð mun renna ósskipt inn í óendurskoðaða reikninga ESB. Sumir halda því fram að þarna sé val á milli, en víst er að bæði ESB og ICE vilja fá sitt.

Nokkur munur virðist vera á hvor leiðin verður valin, ef um val er að ræða. Það mun kosta okkur um 200 milljónir ef keypt eru CER bréf en allt að 20 milljarða ef evrópsku ETS bréfin eru keypt. Þessar tölur eru auðvitað með fyrirvara, þar sem ég veit auðvitað ekki hver "synd" okkar er, ekki frekar en forsætisráðherra. En mismunurinn er þó nokkuð réttur, miðað við verðmun þessara bréfa.

Það er hins vegar nokkuð undarlegt að forsætisráðherra skuli ekki vita hver upphæðin er, einungis mánuði áður en greiðsluseðill er prentaður. Það þætti lélegur heimilisbókari sem ekki vissi útgjöld sín mánuð fram í tímann. Það er ekki eins og þetta sé einhver óvænt uppákoma, hefur víst legið fyrir í nokkur ár, eða frá því Ísland gerðist aðili að samningnum.

200 milljónir eru nokkuð stór upphæð, að ekki sé nú talað um 20 milljarðar. Hvað um þessa peninga verður veit víst enginn, nema auðvitað viðtakandinn, en hann er alltaf til staðar þegar peningar fara á flakk. Ef valin verður dýrari kosturinn, sem umhverfisráðherra hefur talað fyrir, er ljóst að aldrei verður hægt að finna móttakanda fjárins, enda ekki verið hægt að endurskoða reikninga ESB í áratugi, vegna fjármálaóreiðu á þeim bænum. Ef ódýrari kosturinn er valinn, sem formaður loftlagsráðs Gumma vill, mun einnig verða erfitt að rekja slóð peningana. Að vísu munu þeir fara frá okkur í alþjóðlega gjaldeyrismiðsstöð. Hvað svo veit enginn.

En svo er auðvitað stóra spurningin, hvers vegna þurfum við að kasta hundruðum eða þúsundum milljóna króna út í loftið? Hvers vegna var ekki endirinn skoðaður strax í upphafi?

Það er ljóst öllum sem einhverja glóru hafa í kollinum að það var vitlaust gefið til okkar, þegar ákveðið var að gangast að þessum samningi og þeim sem á eftir komu. Viðmiðunarár Kyoto samningsins var 1990. Hvers vegna það ár var valið hefur engum tekist að komast að, en fyrir okkur hér á Íslandi er þetta kolrangt viðmið. Á sjötta áratug síðustu aldar hófust hér á landi markviss orkuskipti í húshitun heimila og var því markmiði að mestu náð fyrir árið 1990, upphafsári Kyoto samningsins. Aðrar þjóðir voru ekki enn farnar að huga að slíkum orkuskiptum þá og margar eiga enn langt í land með það markmið. Hvað heimili varðar er kostnaður við kyndingu heimila einn stærsti útgjaldaliðurinn, sér í lagi ef kynnt er með olíu eða kolum. Ólíkt öðrum þjóðum höfðum við því ekki möguleika á að minnka notkun á jarðefnaeldsneyti í þessum lið, sem aftur leiðir til þess að einkabíllinn er tekinn fyrir af miklum móð. Hvergi í víðri veröld eru lagðir eins miklir skattar á einkabílinn eins og hér á landi. Í strjálbýlu landi er einkabíllinn ekki lúxus, heldur bráð nauðsynlegur. Því er ljóst að upphafsmarkmið Kyoto samningsins er glórulaust fyrir okkur og með ólíkindum að það hafi verið samþykkt.

Ekki ætla ég að fara út á þá braut að ræða sjálfa "loftlagsvána" núna. Læt nægja að tala um þá skattpíningu sem stjórnmálamenn stunda í nafni hennar. Aflátsbréfin, bæði þau sem fyrirtæki versla með sín á milli sem og hin sem þjóðir þurfa að greiða sem syndaaflausn, munu auðvitað alltaf lenda á almúganum, til viðbótar við alla þá skatta sem stjórnmálamenn leggja beint og óbeint á þegna landa sinna í nafni loftlagsvár. Hvernig í andskotanum mun það minnka mengun? Halda menn virkilega að hægt sé að kaupa sig frá vandanum, ef hann er á annað borð til staðar?

Verst er að nú er staðan orðin slík, vegna endalausra og stórkostlegrar skattlagningar í nafni loftlagsvár, að ráðamenn vita hvorki upp né niður hvað er hvað eða hver þurfi að borga hverjum. Andsvar forsætisráðherra við spurningu formanns Miðflokksins, á Alþingi í dag, sannar þetta.

Hræsnin og hálfvitaskapurinn er allsráðandi."

Hvert ætlar Katrín forsætis og Guðmundur umhverfis sem enginn kaus að veita háum fjárhæðum í losunarheimildir? Er öllum bara sama? Finnst engum ástæða til að spyrja einhvers?

Hvaðan á þetta fé að koma? Er það ekki umhugsunarefni?

Hversu mikil fífl erum við?

trúum við því þegar Moggi skrifar í gær að búið sé að tryggja okkur Íslendingum nóg bóluefni með samningi við einhvern Jantzen.

Menn hafa gott af að lesa blogg hjá Gunnari Rögnvaldssyni um hvað honum finnst um frammistöðu ríkisstjórnarinnar.

Moggi skrifar ekki að fyrstu skammtar frá því fyrirtæki berist ekki fyrr en á 3. ársfjórðungi  2021. 

Eru þetta nægar útskýringar á frammistöðu stjórnvalda?

Hversu mikil fífl álíta þau okkur kjósendur vera?