Ofbeldi ef þið ekki makkið rétt

hjá Icelandair. Það eru skilaboðin.

"Lög kveða þó á um fund á tveggja vikna fresti þegar kjara­deil­ur eru komn­ar á borð rík­is­sátta­semj­ara. Icelanda­ir hef­ur gefið út að fé­lagið ætli að skoða „aðra kosti“ en þann að semja við FFÍ. All­ar ís­lensk­ar flug­freyj­ur og all­ir ís­lensk­ir flugþjón­ar eru þó í FFÍ, að sögn Guðlaug­ar og því er erfitt að sjá hvaða aðrar leiðir standi flug­fé­lag­inu til boða. 

„Al­mennt eru stétt­ar­fé­lög fé­lög launa­fólks sem eru var­in í stjórn­ar­skrá og at­vinnu­veit­end­ur eiga ekki að skipta sér af. Við erum líka meðlim­ir í evr­ópsk­um og nor­ræn­um sam­tök­um stétt­ar­fé­laga þannig að við erum með stuðning þaðan líka. Við erum með full­an stuðning bæði ís­lensku verka­lýðshreyf­ing­ar­inn­ar og þeirr­ar er­lendu,“ seg­ir Guðlaug." 

Hvernig getur Atlanta starfað? Hvernig ætlar Play að starfa?  WOW var lággjaldaflugfélag segir flugfreyjufélagið og um slík félög gildir annað hjá okkur en um Icelandair.

Hefur enginn rétt til að standa utan stéttarfélaga? Hvað segir þessi ónýta stjórnarskrá sem Þorvaldi Gylfasyni er sérlega uppsigað við?

Við beitum ofbeldi ef þið ekki makkið rétt.

Pétur Einarsson

lögfræðingur og fyrrum Flugmálastjóri er allur.

Hann leyfði fólki að fylgjast með dauðastríði sínu á Facebook. En þar sem ég er þar lítið fóru veikindi hans fram hjá mér þar til að ég heyrði um lát hans. En kvalir hans voru hræðilegar en hetjuskapur hans því meiri sem þær uxu.

Ég hafði kunningsskap við Pétur í eina fjóra áratugi.Sótti skólann til atvinnuflugprófs-og blindflugs hjá honum 1978 og sat Pétur forstjórinn sjálfur í námskeiðinu með okkur. Opnaði svo heimili sitt fyrir útskriftarpartí  fyrir okkur alla.

Síðar þurfti ég að leita til hans sem Flugmálastjóra þegar ég var að byggja flugskýli í Fluggörðum. Öll voru þessi samskipti á einn veg, röskleg, lipur  og vinsamleg.

Samskipti okkar voru lítil á síðustu áratugum en mér heyrðist að stundum hefði verið á brattann að sækja hjá honum í einkalífi.Enda maðurinn stórbrotinn að allri gerð.

En ég minnist Péturs Einarssonar  með vináttu og virðingu og votta eftirlifendum hans samúð mína. 

Villi Bjarna enn á ferð

og ritar þarfa grein í Morgunblaðið í dag. Hann ræðir þar gildi hófstillingar í orðavali og málflutningi, hvernig stór-og fúkyrði, jafnvel í fylleríi sögð, skemma yfirleitt meira fyrir þeim sem þau nota.  

En Vilhjálmur segir svo í grein sinni:

"„Mannssálin hneigist að hinu ótrúlega en efar hið trúlega.“ Það er hluti af lýðræðinu að skiptast á skoðunum. Í sal Alþingis fer fram lýðræðisleg umræða. Sú umræða er stundum nokkuð merkileg því þess eru dæmi að alþingismenn vandi málflutning sinn með því að afla staðreynda og upplýsinga um það mál sem er til umræðu, þannig að þeir sem á hlýða verða nokkurs vísari eftir umræðuna. Þess eru einnig dæmi að umræðan komist á lágkúrulegt plan, svo lágkúrulegt að það getur varla talist skítkast, miklu fremur mykjudreifing.

Uppeldi í stjórnmálum

Það var árið 1968 að stjórnmálalegt uppeldi mitt hófst. Áður hafði stjórnmálaáhugi mótast af tilfinningu barns. Þá var ég aðeins 16 ára gamall og hafði því ekki kosningarétt. Það ár fóru fram forsetakosningar. Annar frambjóðandinn var mikill vinur föður míns, skólabróðir og spilafélagi. Mér var stranglega bannað að tala illa um hinn frambjóðandann í þessum kosningum. Það var einn frambjóðandi og það var annar frambjóðandi. Það var ekki frambjóðandi gegn öðrum frambjóðanda. Faðir minn stóð með sínum frambjóðanda vegna verðleika hans. Það skyldi aldrei orði hallað á hinn frambjóðandann. Það var minn lærdómur. Ég hef reynt að halda þessa reglu, að fjalla um menn og málefni eftir verðleikum og málstað. Það kann að vera að einhverju sinni hafi misheppnað uppeldi komið í ljós. Málstaður og menn batna aldrei með svívirðingu og mykjudreifingu.

Lágkúra um landráð

Á lýðveldistímanum hafa vinstri menn brigslað öðrum um landsölu, landráð og hvers kyns svik. Dæmi um lágkúrulegt orðfæri má finna í umræðu um aðild Íslands að NATO árið 1949. Formaður Sósíalistaflokksins er í ræðustól og segir við forsætisráðherra, að því er virðist við frammíkall ráðherrans: „Þegi þú, þú hefur ekki orðið. Ég er alþingismaður Íslendinga, kosinn af 7.000 Reykvíkingum og tala hér í umboði þeirra, en þú ert uppbótarþingmannsræfill, sem sveikst þig inn á þing.“ Til upprifjunar skal þess minnst að til mótvægis NATO var stofnað Varsjárbandalag árið 1955. Nú hafa allar aðildarþjóðir þess, utan ein, gengið til liðs við NATO og þær þjóðir telja að frelsi sínu sé best borgið í skjóli NATO og með aðild að Evrópusambandinu. Varsjárbandalagið var leyst upp árið 1991. Þá hafði sovéskur her ráðist inn í tvö aðildarríki á þeim tíma sem Varsjárbandalagið starfaði. Sami formaður Sósíalistaflokksins sagði 10 árum síðar um ritstjóra Morgunblaðsins: „Það er ekki lengra frá Eykon til Eichmann en frá Göbbels til Gyðingamorða.“ Eichmann var þýskur stríðsglæpamaður sem sá um að setja Gyðinga í Ungverjalandi í útrýmingarbúðir. Þessi ummæli formannsins urðu tilefni til málaferla þar sem Eyjólfi Konráð Jónssyni (Eykon) voru dæmdar miskabætur. Nú hafa dómstólar mótað þá reglu, án aðkomu Alþingis, að „opinberar persónur“ þurfa að láta mykjudreifingu af þessu tagi yfir sig ganga. Ummæli af þessu tagi dæma sig að mestu sjálf og sá sem þau flytur dæmir sig úr leik í siðuðum samfélögum.

Orkupakkaumræða

Á liðnu ári fjallaði Alþingi um þingsályktun um orkumál í tengslum við aðild að samningi um Evrópskt efnahagssvæði. Þar sem ég hef kjörbréf upp á að vera varaalþingismaður og hafandi setið í utanríkismálanefnd Alþingis leyfði ég mér að taka þátt í umræðu um þetta málefni utan Alþingis. Þá fékk ég yfir mig í tengslum við það sem ég hafði ritað: „Ruglukollur sem enginn vildi á þing þjóðarinnar.“ Sá er þetta ritaði hefur atvinnu af því að vera formaður Landssambands lögreglumanna, Snorri Magnússon. Þetta ritaði hann skömmu eftir miðnætti aðfaranótt sunnudags. Það skal upplýst að árangur minn í prófkjöri gaf þingsæti en femínísk viðhorf formanns Sjálfstæðisflokksins færðu mig niður um sæti. Þá sá ritstjóri viðskiptablaðs Morgunblaðsins ástæðu til að segja um eina grein mína „langorð lygi“, án þess að nefna hvað væri orðum aukið og hvað væri lygi. Ef það sem ritað er í viðskiptablað Morgunblaðsins er jafn léttvægt og það sem þarna var ritað, þá er það allt marklaus skrif og að engu hafandi.

Forsetablæti

Það þykir enginn maður með mönnum nema að hafa það á ferilskrá að hafa verið í forsetaframboði. Flestir þeir, sem hyggja á framboð, boða breytta stjórnskipan að sínum duttlungum. Það á að hverfa frá þingræði að forsetaræði. Forseti ákveður ekki stjórnskipan. Breyting á stjórnskipan er ákveðin á Alþingi og samþykkt aftur á nýju þingi eftir kosningar. Ellegar í þjóðaratkvæðagreiðslu. Embættisfærslur forseta eru ekki skapandi starf. Þær mótast af lögum og venjum, sem leiða má af lögum. Þegar forseti hagar sér að eigin duttlungum, þá er skammt í stjórnleysi. Í aðdraganda framboða er farið að bera á orðbragði sem sæmir ekki siðuðu fólki. Það kann að vera að umræðuhefð á samfélagsmiðlum hæfi aðeins óuppdregnum dónum. Margt sem þar er sagt hæfir ekki umræðu í forsetaframboði. Sumir vilja halda „orkupakka“-umræðu síðasta árs áfram í aðdraganda forsetakosninga á þessu ári. Vonandi verður það ekki raunin.

Annesjamenn

„Og mikil sálaruppörvun er það fyrir annesjamenn að hugsa til þeirra tíma þegar þjóðin var og hét og lifði í landinu. Nú er aldrei barist á Íslandi framar nema ef ærulausir ræflar og auðnuleysingjar abbast upp á saklaust fólk í drykkjuæði.“ Margt í umræðu á samfélagsmiðlum er ótrúlegt og virðist drykkjuæði um nætur. "

Í framhaldi af þessu las ég viðtal við Bjarna Benediktsson í Mannlífi. Bjarni hefur vaxið mikið á undanförnum árum sem stjórnmálamaður og er vandfundinn hans jafningi ef litið er yfir þingsali.

Ekki er vafi á að prúðmennska hans í framkomu og orðaval á mikinn þátt í þeim yfirburðum hvaða skoðanir sem menn kunna að hafa á einstökum athöfnum hans eða athafnaleysi.

Hann boðar áframhald framboðs síns til formennsku í Sjálfstæðisflokknum á komandi landsfundi. Ekki er auðvelt að koma auga á neinn þann sem við hann er samkeppnisfær til þess embættis.

Kosningar nálgast nú óðfluga og ekki mun Sjálfstæðisflokknum af veita að tjalda sínu besta fram. Villi Bjarna er einn þeirra sem hyggjast fara fram fyrir flokkinn í kosningum til Alþingis sem ég tel góðan kost og styð.

Hinn beiski bikar

Icelandair er greindur í leiðara Harðar Ægissonar í Fréttablaðinu í dag.

Þar fer Hörður yfir þá stöðu sem félagið okkar er statt í. Það er umkringt forynjum gömlu verkalýðsfélaganna sem vilja heldur knésetja félagið en að gefa þumlung eftir af forneskju sinni. Verkalýðsfélög eru heilagar kýr hjá því fyrirferðarmikla fólki í forystu stéttarfélaga  sem ofbeldi beita við öll tækifæri. Ákvæði stjórnarskrár um rétt manna til að standa utan félaga eru fótum troðin í þjóðmálum og hafa lengi svo verið.

Hörður lýkur grein sinni svofellt:

"...Við þessar aðstæður eru allir nauðbeygðir til að taka á sig einhvern skell. Hluthafar hafa nú þegar tapað nánast öllu sínu og flugstéttunum, sem munu áfram njóta betri kjara en almennt þekkist hjá öðrum flugfélögum, er engin vorkunn að samþykkja aukið vinnuframlag.

Önnur flugfélög hafa fyrir margt löngu náð fram sambærilegum breytingum á kjarasamningum við sín stéttarfélög og Icelandair fer nú fram á. Sömu flugfélög, meðal annars Lufthansa, reyna nú að auka enn samkeppnishæfnina með betri nýtingu á flugáhöfnum en þau félög sem gera ekkert munu eiga erfitt um vik að ná viðspyrnu þegar kreppunni lýkur.

Með hliðsjón af slíkum aðgerðum annarra félaga er því ljóst að hugsanlegir fjárfestar að Icelandair munu spyrja sig hvort samkeppnisstaðan verði í raun óbreytt, jafnvel þótt kjarasamningar náist, og félagið enn einu skrefi á eftir sínum helstu keppinautum.

Samninganefnd Flugfreyjufélagsins hefur verið stutt áfram af forystu verkalýðshreyfingarinnar sem nýtir hvert tækifæri fyrir skemmdarverkastarfsemi.

Formaður ASÍ og VR, sem hafa hótað að beita sér gegn því að lífeyrissjóðirnir fjárfesti í Icelandair ef félagið semur við flugliða utan Flugfreyjufélagsins, segja ekki sjóðunum fyrir verkum. Ummælin eru skýrt merki um skuggastjórnun og hljóta að verða til þess að Fjármálaeftirlitið taki málið til skoðunar.

Lífeyrissjóðirnir, sem hafa umboðsskyldur gagnvart sjóðsfélögum, fjárfesta ekki í Icelandair nema á viðskiptalegum forsendum og með arðsemismarkmið að leiðarljósi. Einn liður í því er að styrkja rekstrarhorfur til frambúðar með hagræðingu í launakostnaði. Klukkan tifar."

Sú kúgunarstarfsemi sem ASÍ og verkalýðsfélögin hafa á oddinum gagnvart Icelandair, sem má í raun yfirfæra á íslenska samfélagið allt og heldur því í helgreipum eins og margsinnis hefur sannast, er alvarlegast hindrunin sem við er að eiga í alþjóðlegum samanburði efnhagslífs. Sá tími þegar verkalýðsbarátta var álitin nauðvörn fátæks fólks er löngu liðinn og við hefur tekið hrein ofbeldisstudd fákeppnisstarfsemi sem alþjóðleg orð ná yfir.

Heldur ekki neitt flug heldur en að okkar völd séu rýrð er hinn beiski bikar þjóðar í skugga COVID19.

 

 

Gömul minning

um Geysisgos bernsku minnar lifa í hugskoti mínu frá þeim dögum þegar ég var sem barn iðulega í Haukadal innan við Geysi. Við fórum oft niður að Geysi á sunnudögum þegar gos voru sett af stað með grænsápu sem Sigurður Greipsson mokaði í Geysi með stórri skóflu á tilsettum tíma. Eftir hæfilegan tíma heyrðust dynkir í iðrum jarðar og vatnsborðið í skálinni fór að lyftast og hníga.

Svo hófst gos þegar sjóðandi vatnið þeyttist tugi metra til himins. Þetta stóð yfir einhvern tíma með gusum. Að þessu loknu hófst gufugosið þegar gufan streymdi með heljarafli til hæðanna.Svo var þessu sjónarspil lokið eftir einhvern tíma.

Þetta situr í mínu barnsminni.

Ég fór svo að vinna eitthvað liðugt 14 ára gamall með mér fullorðnari mönnum og þroskaðist mikið af mörgum þeirra því þetta voru allt smana sannir höfðingjar og ábyrgir uppalendur lítt þroskaðs unglings. 

Einn maður varð á vegi okkar sem hafði verið landskunnur maður á mörgum sviðum andlega og líkamlega en nú farinn að heilsu og máttfarinn af sjúkdómum. 

Okkur barst til eyrna að þessi maður hefði eitt sinn verið staddur við Geysisgos og staðið við skálarbarminn vindmegin. Þegar gosið féll niður í pípuna í miðri skálinni var sagt eð þessi maður hafi runnið skeið niður skálin og stokkið fyrir pípuna og hlaupið upp barminn hinu megin með gosið á hælunum.

Vinnufélagi minn fékk færi á gamla manninum og spurði hann hreint út hvort satt væri. Öldungurinn leit undan og sagði aðeins : "Ég má ekki til þessa hugsa."

Þetta er gömul minning um Geysisgos fyrri tíða.

 

Margt að gerast hjá Moderna

með bóluefnið.

https://investors.modernatx.com/news-releases/news-release-details/moderna-announces-positive-interim-phase-1-data-its-mrna-vaccine

Líklega betri fjárfestingarkostur í Moderna en í Flugleiðum?

Fasismi Forseta ASÍ

og forneskja birtist frábærlega vel í skrifi frú Drífu Snædal.

Hún ræðst hiklaust gegn Stjórnarskrá Íslands sem kveður á um félagafrelsi. Það er svo sem ekki einsdæmi að Íslendingar fara með það plagg af fullkominni fyrirlitningu eins og kvótakerfið ber með sér.Í ljósi þess er síbylja sumra spámanna  um nýja stjórnarskrá meira en fyndin.

Drífa skrifar:

„Það er ekki ein­ung­is ógn við þau sem stétt held­ur ógn við skipu­lag vinnu­markaðar­ins og launa­fólk sem sæk­ir kjör sín í sam­stöðu stétt­ar­fé­laga,“ seg­ir Drífa Snæ­dal í nýj­um for­setap­istli sín­um. 

Fyrr í dag sendi ASÍ frá sér til­kynn­ingu þar sem seg­ir að Icelanda­ir hafi ekki staðfest svo óyggj­andi sé að fyr­ir­tækið hygg­ist ekki ganga fram hjá Flug­freyju­fé­lagi Íslands. 

Frétt af mbl.is

Óyggj­andi staðfest­ing frá Icelanda­ir ekki til staðar

„Enn og aft­ur sýn­ir sig mik­il­vægi stétt­ar­fé­laga fyr­ir ein­stak­linga ekki síður en heilu starfs­stétt­irn­ar,“ seg­ir Drífa í pistli sín­um og teng­ir við áhyggj­ur af at­vinnu­ástandi og ekki síst sál­ar­ástandi fólks sem er mikið til umræðu þessa stund­ina. 

Þá þakk­ar hún fyr­ir þær viðtök­ur sem framtíðar­sýn ASÍ „Rétta leiðin – frá kreppu til lífs­gæða og ör­ygg­is fyr­ir okk­ur öll“ hef­ur fengið hjá al­menn­ingi, öðrum al­manna­heilla­sam­tök­um og fé­lög­um í aðild­ar­fé­lög­um ASÍ. 

Frétt af mbl.is

Ísland verði fyr­ir­mynd í end­ur­reisn­inni

Sam­bandið mun í fram­hald­inu kynna bet­ur áhersl­ur og sýn á hin fjöl­mörgu viðfangs­efni með veffund­um á næst­unni. „Hvar sem við hitt­um fé­laga þá er verið að ræða spenn­andi hug­mynd­ir til framtíðar þótt vissu­lega sé þungt fyr­ir fæti víða. Áhyggj­ur af at­vinnu­ástandi og ekki síst sál­ar­ástandi fólks eru mikið til umræðu og oft er starfs­fólk stétt­ar­fé­laga í þeirri stöðu að hlusta og hug­hreysta og aðstoða ein­stak­linga við að finna leiðir út úr erfiðleik­um,“ skrif­ar Drífa.

Af hverju þarf Icelandair að semja við stéttarfélög innan ASÍ? 

Hvernig á að vera hægt að reka þjóðfélag þegar misstórar mafíur fá fullkomið frelsi til fantaskapar? 

Af því bara og annars gripur ASÍ til fasísk ofbeldis. 

 

 

Er Midjan búin að loka?

Ef svo er þá blessuð sé minning hennar sem rætnasta skrifaða málgagn á íslensku síðan Mánugdagsblaðið sáluga hætti að koma út.

Hvar skyldi skolpið brjótast út næst ef Miðjan er búin að loka kjallaranum áður en Lilja kemur til bjargar með ríkispeninga?

Félagafrelsi

er það í túlkun ASÍ að allir verða að semja við verkalýðsfélög um forgang til vinnu.

Er það allt bara eðlilegt félagafrelsi samkvæmt stjórnarskrá?

Þorsteinn Már er þjóðhöfðingi Íslands

með sambærilega stöðu og Elísabet Engladrottnig.

Þorsteinsfjölskyldan á einhver 12 % í fiskveiðiauðlind Íslands sem hann fer með í umboði þjóðarinnar. Nú fór fram erfðaframsal á þessari eign til krónprinsa og prinsessa hans. Þorsteinn hefur séð um óbreytt ástand í fiskveiðimálum um aldur og ævi.

Ég mun aldrei hafa neitt um það að segja.

Elísabet framselur þjóðhöfðingjadóminn til Karls Krónprins sem tekur við ríkinu. Ekkert fær breytt því.

Er einhver munur?

Elísabet er þjóðhöfðingi Breta og sameingartákn bresku krúnunnar yfir heimsveldinu og er vinsæl. 

Þorsteinn Már er þjóðhöfðingi Íslands og handhafi Samherjakrúnunnar yfir auðlindum landsins og fer bara vel með.

So what Lilja Rafney?