Er Kópavogur óvinur lúpínunnar?

Mér var sagt að krakkar í vinnuskóla Kópavogs hafi verið sendir upp á heiði að rífa upp lúpínur.

Ef það er svo að Kópavogur sé orðinn óvinur Lúpínunnar kýs ég ekki ég ekki þann meirihluta serm að slíku stendur? 

Sturlaður maður skrifar um sturlað kerfi

 

 Gunnar Smári Egilsson Þann 27. maí 2020 

 

 

 

 

             Ásýnd hins illa 

"Gunnar Smári skrifar:

Sturlaður maður skrifar um sturlað kerfi og kemst náttúrlega að því að kerfið sé fagurt og frítt, að frelsishetjurnar góðu hafi barist fyrir sjálfstæði lands og yfirráðum yfir auðlindum hafsins svo við mættum færa bjargir okkar fáeinum, sem síðan arfleiða börnin sín að landinu, miðunum og íbúunum. Þannig er komið fyrir starfi okkar í mörg hundruð sumur, baráttu kynslóðanna við að byggja hér upp sjávarútveg og samfélag, leit þeirra að réttlæti og sanngirni. Þau sem ekki sætta sig við þessa niðurstöðu eru sturluð af öfund, segir hinn sturlaði. Sem án efa hefði afgreitt sjálfstæðiskröfur Íslendinga fyrr á öldum sem öfund út í Dani og þorskastríðin sem öfund út í breskar útgerðir.

Öfga-hægrið á Fréttablaðinu hefur ekki aðeins snúist gegn þjóðinni með nýfrjálshyggju sinni heldur hefur það snúist gegn Íslandssögunni, vill skrúfa ofan af sigrum alþýðunnar og draga hana á eyrunum aftur inn í ófrjálsa vinnumennsku í verbúð erfingjanna af Samherja. Það er sturlað að fólk skuli opna bréfalúgur sínar fyrir þessum blaði, hleypa þessu eitri inn á heimili sín."

 

Mér finnst að enginn slái Gunnari Smára Egilssyni við í illsku og mannvonzku skrifum gegn sínum fyrri húsbændum.  Hvernig hanna hamast gegn kapítalistunum og fyrrum fóðurmeisturum sínum.

Það var sagt að hundur bíti ekki í höndina sem fóðrar hann. En það virðist fljótt að snúast við þegar uppihald verður í fóðurgjöfinni. Þá  fyllist maður réttlætiskennd og stofnar  jafnvel heilan stjórnmálaflokk til að hefna sín duglega á helvítunum. 

Ef á að rífa niður styttuna á Arnarhóli af þrælahaldaranum Ingólfi Arnarsyni þarf eitthvað að koma í staðinn. Kannski er bara nóg að skipta um haus á styttunni.

Getur maður ekki alveg séð fyrir sér hvaða andlit réttlætisins gæti komið þar í staðinn?

 

Píratar

óprýða Alþingi. Draga virðingu þess niður.

Það er ömurlegt að mínu viti að þetta lið, forstokkað, siðlaust, stefnulaust, illa klætt, á sokkaleistunum og malbikunarjakkanum skuli óprýða Alþingi sem er lýðveldið sjálft.

Ekki er prýði að Pírötum. 

Ekki er punt að Pírötum.

Jón Haraldsson

arkitekt og tannlæknir var einn af þeim litríku mönnum sem ég kynntist sem ungur maður. Hann var kvæntur frænku minni og þau bjuggu rausnarlega á Berstaðastræti í húsi föður hans Haraldar Björnsson leikarasnillings.

Ég var svo lánsamur sem nýútskrifaður verkfræðingur að komast í háskóla Bárðar Daníelssonar sem þá rak arkitekta-og verkfræðistofu við Hlemmtorg. þar voru fleiri nýsveinar í byggingariðnaði, Stefán Jónsson og Jón Haraldsson nýlegir arkitektar.

Við krupum allir við fótskör meistarans Bárðar sem veitti okkur tilsögn í hinum æðri  og praktísku hlutum byggingarlistarinnar. Ég verð ævinlega þakklátur fyrir þann tíma sem ég fékk að vera þarna með Bárði, þeim fluggáfaða snillingi. Að vísu ekki á pólitíska sviðinu  þar sem ég var víst annarsstaðar sem genetískt íhald.

En í þá daga var unnið á laugardögum. Við Jón urðum stundum samferða í góðu veðri upp Snorrabraut og töluðum margt. Hann var leiftrandi gáfaður maður og fljótur að hugsa, með tvær fullar háskólagráður að baki. Það teygðist stundum á hádeginu við hliðið á Snorrabraut 65 og ég missti af grautnum.

Seinna áttum við samleið í hönnun fyrir Ólaf Jónsson frænda á Lækjartúni þar sem reis hið fegursta hús á fögrum stað.

Síðan fórum við víða aðrar slóðir.

Einn laugardag fer ég í Ríkið á Snorrabrautinni litlu fyrir hádegi. Þar er margfaldur mannhringur fyrir framan afgreiðsluborðið og lítt gengur. Ég er við útidyrnar og hugsa með mér að ég nenni þessu bara ekki. Ég hætti við að fá mér flösku. 

Þá er mér litið til hliðar og stendur þá ekki Jónsi Haralds þar í þrönginni. Ég segi honum mínar hugrenningar.

Þá segir Jónsi og leggur hönd á arm minn."Þú sérð eftir þessu vinur. Mundu það að það eru bara svo og svo margir laugardagar eftir."

Þessu hef ég aldrei gleymt síðan. Jónsi átti sjálfur ekki marga laugardaga eftir að þetta var. 

Það skiptir máli i þessu lífi að nota tímann sem manni er gefinn. Það vissi Jónsi Haralds, arkitekt og tannlæknir,  vinur minn manna best.

 

Hneykslanlegt viðtal

við Þorgerði Katrínu Gunnarsdóttur var á RÚV í kastljósi rétt áðan.

Þar lét spyrillinn Þorgerði Katrínu komast upp með að vaða elginn um allt og ekki neitt sem máli skipti. Hún þvældi almenna frasa um nauðsyn aukinnar atvinnu, lækkun tryggingagjalds og önnur smáatriði án þess að koma að kjarna málsins nema í blálokin og þá í framhjáhlaupi sem engu skilaði fyrir neinn sem í vafa kann að vera um stefnumið flokksins Viðreisnar.

Viðreisn vill nefnilega íslensku krónuna feiga og vill ganga í ESB og taka upp Evru.  Stöðugleiki með krónunni er ekki inni í myndinni hjá Þorgerði sem hún kom að síðast í framhjáhlaupi og í flýti sem drekkti spurningunum.

Spyrillinn gleymdi auðvitað alveg að spyrja hana um hvernig yrði með sjávarauðlindina eftir inngöngu í ESB? 

Yrði sameiginleg sjávarútvegsstefna hornsteinninn sem opnaði aðgang allra ESB ríkjanna að Íslandsmiðum rétt eins og Bretar þurftu að þola á sínum fiskimiðum árum saman sem  lögðu breskan fiskiðnað í rúst.

Þorgerði er hlíft við að svara svona grundvallarspurningum um auðlindir Íslands en er leyft að vaða elginn um allt og ekki neitt sem máli skiptir.

Hún er ekki spurð um orkusamstarfið og sæstreng heldur fær hún að setja á ræðuhöld í slagorðum og óskalistum sem ekkert koma málunum við.

 

Ómerkilegt blaður og orðaflaumur Þorgerðar Katrínar  skilaði áhorfanda nákvæmlega engu um fyrir hvað Viðreisn standi eða hver væri stefna flokksins í efnahagsmálum.

Ekkert slíkt kom  fram hjá formanninum heldur bara almennt mælgiflóð um áhyggjur hennar  af einhverri ókominni framtíð Íslands sem hún veit greinilega minnst um  hver verður eftir COVID19 faraldurinn. 

Ræfildómur skeggjaða spyrilsins var alger og til skammar fyrir menn sem eiga að taka viðtöl til stjórnmálalegrar greiningar til að hjálpa kjósendum að greina hismið frá kjarnanum. Sjálf er  Þorgerður Katrín ekki kjarninn.

Þetta viðtal var hneykslanlega lélegt og greinilega vilhallt fyrir formann flokksins Viðreisn sem hann hefði  átti að spyrja spjörunum úr til upplýsinga fyrir kjósendur  til Alþingis en gerði ekki. 

 

Hápúnktur heimskunnar

hlýtur þaðp að vera að við látum snjóa hér inn hælisleitendum sem við tökum við til efnislegrar meðferðar.

Ákvarðanir um umsóknir um vernd árið 2020, eftir ríkisfangi og niðurstöðu

                                             222  samtals sem við tökum að okkur að því að ég skil töflu útlendingastofnunar:

 

Hvað er að okkur í miðjum COVID19 faraldri í öllum hremmingunum sem þjóðfélagið er að upplifa?

 

Ég held að þarna sé náð nýjum hápunkti heimskunnar í stjórnsýslunni.

www.Fréttatiminn.is

er með óvæntar fréttir af viðskiptamálum forsetafrúar Íslands.

Eftir lestur https://frettatiminn.is/med-yfir-hundrad-milljonir-i-styrki-og-tekjur/er ég litlu nær um hvað þessi forsetfrú er að bauka með.

Auðvitað var Dorrit eiginlona Ólafs Ragnars í stórviðskiptum svo að fordæmið er fyrir hendi. En Eliza Reid er að reka fyrirtæki sem ég vissi ekkert um þar til núna.

Gúndi var hótelstjóri á Borgundarhólmi síðast þegar ég vissi. Þar áður í einhverjum Burnham Securities og Handsali sem ég veit ekkert um.

Þurfa ekki kjósendur ekki að vita eitthvað um viðskiptasögu þessarra frambjóðenda til Forseta Íslands áður en kosið er?

Það má byrja á að lesa www.frettamininn.is og svo getur Gúndi tekið til máls svo að við vitum eitthvað um hans bisness.

 

Fullveldisframsal

er á dagskrá tvíburastjórnmálaflokkanna Viðreisnar og Samfylkingar.

Vagn nokkur sem kemur með ýmsar athugasemdir við heimskuleg blogg mín. Í dag hljóðar ein slík svo:

"Vagn: Ef við gefum okkur að Danir, Skotar, Baskar og Bandaríkjamenn séu þjóðir þá er nokkuð ljóst að fullveldi, sjálfstæði, vera í ríkjasambandi og kosning þingmanna kemur þeirri skilgreiningu ekkert við. En að reyna að gera þar einhverja tengingu bendir til þess að sá sem fram setur þá rökleysu hafi veikan málstað að verja."

Einmitt það. Sú rökfærsla að fullveldi Íslendinga sé ekki meira virði en þeir sem Vagn nefnir fellur sem flís að greinum tveggja framsalssinna sem skrifa í Morgunblaðið og Fréttablaðið í dag. Þar fara þeir Benedikt Jóhannesson og Þorsteinn Pálsson með samhliða áróður um kosti þess að framselja fullveldið, ganga í ESB og taka upp Evru. Er þetta tilviljun eða samhæfing á vettvangi Viðreisnar?

Vill þjóðin fara þessa leið? Ef svo er ekki eru þessi sífelldu áróðursskrif svona spekinga í besta falli pirrandi og leiðigjörn. Síbylja um eitthvað sem landsmenn vilja ekki sjá frekar en að opna landhelgina fyrir Spánverjum og öðrum ESB ríkjum eins og Bretar urðu að gera.

Þessir menn eru orðnir einskonar fornaldareðlur sem þvæla um hluti sem enginn hefur áhuga á.Leiðindakurfar sem varla nokkur maður nennir að hlusta á lengur flytja fullveldisframsalsræður sínar.

 

 

Virkilega?

erum við þjóð?

Jón Magnússon lögmaður veltir fyrir sér 17.júní.

Hann segir:

"Margir hafa á undanförnum árum gert lítið úr þjóðmenningu íbúa í norðurhluta Evrópu og hafa Svíar gengið þar fremstir í flokki. Einn forsætisráðherra þeirra, Frederick Rheinfeld, sagði að varla væri hægt að tala um sænska þjóðmenningu og formaður sósíalista,Mona Sahlin,að það eina sem hægt sé að tala um sem sænska menningu sé miðsumarhátíðin. Sjálfstæð tilvera þjóða, sem tala með þeim hætti niður menningu sína til að hygla einhverju sem þeir kalla fjölmenningu er neikvæður áróður gegn eigin þjóð og gildum hennar. Við verðum að varast að ganga þann veg. Telji þjóð, að hún sé svo ómerkileg, að hún eigi enga sjálfstæða menningu, sem sé einhvers virði að varðveita er þeirri þjóð best að hverfa úr þjóðasafninu, sem sjálfstæð þjóð. Slík þjóð á engan tilverugrundvöll. 

Við skulum gæta þess að eiga tilverugrundvöll sem þjóð og geta sagt með stolti að við séum Íslendingar og við skulum gæta þess fjöreggs sem okkur hefur verið falið og gæta vel að hagsmunum þjóðarinnar í viðskiptum við útlönd jafnvel þó að um vinveitt ríki sé að ræða og varast að framselja eða deila um of fullveldi okkar yfir náttúruauðlindum þjóðarinnar sem og öðru því sem íslenskt er. 

Gleðilega þjóðhátíð."

Ég held að að það sé hollt að láta hugann reika að þessu atriði. Af hverju  erum við Íslendingar? Af hverju erum við að kjósa Alþingismenn? Af hverju erum við að bögglast við að vera Íslendingar?

Fyrir mér er það á hreinu að ég vil ekki ganga í Evrópusambandið. Ég fylgi ekki neinum stjórnmálaöflum sem vilja einhverjar málamiðlanir í sjálfstæði Íslands og fullveldi.

Ég tel að við séum þjóð, -virkilega-,  og okkur beri að standa vörð um fullveldi Íslands.

Gúndi eða Guðni?

þar er efinn.

Guðni og frú hans er flott á velli og koma vel fyrir sem staðalforsetahjón. Hún innflytjandi og hann doktor.

Gúndi er víst konulaus, er ekki doktor, en hefur meiri skoðanir en mönnum finnst hann mega hafa. Sumir segja að hann skilji ekki muninn á Alþingi og Forsetamebættinu, á pólitík eða ráðsmennsku. Hann er greinilega hægri sinnaður. Slíkur maður fær aldrei kosningu hjá íslenskum sósíalistum sem eru þjóðin. Davíð Oddsson falleraði á þessu grunvallaratriði þegar honum datt sú della í hug að hann ætti sjans í íslensku kommahjörðina.

Honum Gúnda er ekki spáð mörgum atkvæðum vegna þess að menn átta sig ekki alveg á honum. Guðni gerir engum neitt ef hann ekki gerir þá bara heldur  ekki neitt fyrir neinn. 

Hálfs milljarðs grín er þessi kosning um Gúnda eða Guðna.