Þörf áminning Björns

Bjarnasonar til Morgunblaðsins. Forsíða þess var raunalega að forfa á fyrir okkur Sjálfstæðismenn.Að hampa þessum flokkssvikara Þorgerði Katrínu með þessum hætti en setja Bjarna Benediktsson á 2. síðu jafnast á við að birta skrif Leista-Björns Leví á miðopnu með reglubundnum hætti í niðurlægingu.

Björn Bjarnason segir:

"Morgunblaðið hampar Viðreisn

Vilji Morgunblaðið „stjórnmálavæða“ COVID-19-umræðuna ætti blaðið að velja sér annan bandamann til þess en formann Viðreisnar.

Fimm dálka forsíðufyrirsögnin: Komið að stjórnmálamönnum í Morgunblaðinu í dag (10. ágúst) er sérkennileg í ljósi þess að frá því í febrúar hefur verkefnið sem um er rætt í fréttinni verið eitt helsta viðfangsefni stjórnmálamanna hér á landi og raunar um heim allan.

Hér á landi hafa ráðherrar og ríkisstjórn farið að ráðum sóttvarnafræðinga og jafnan tekist að finna meðalveg til að halda friðinn í þeim hópi og meðal þjóðarinnar.

Þá hefur stjórnvöldum tekist að halda þannig á málum að kaupmáttur er nú meiri hér en nokkru sinni áður eins og Bjarni Benediktsson, fjármála- og efnahagsmálaráðherra, segir í sama tölublaði Morgunblaðsins. Hefði sú frétt frekar átt heima sem fimm dálka á forsíðunni heldur en að gefið skuli til kynna að stjórnmálamenn hafi ekkert komið að COVID-19-gagnaðgerðum.

Með skrýtnu fyrirsögninni er Morgunblaðið að hampa orðum Þorgerðar Katrínar Gunnarsdóttur, formanns Viðreisnar, sem greip á lofti þá skoðun Þórólfs Guðnasonar sóttvarnalæknis að nú væri það í höndum kjörinna fulltrúa að ákveða hvernig ætti að takast á við veiruna til lengdar. Þessi orð eru markverð vegna þess að Þórólfur virðist nú telja unnt að grípa til aðgerða sem dugi til langs tíma, nú gilda aðgerðir til fimmtudagsins 13. ágúst. Þetta er í raun fréttapunkturinn en ekki hitt að komið sé að stjórnmálamönnum!

Í blaðinu er haft eftir Þorgerði Katrínu:

„Ríkisstjórnin getur ekki lengur skýlt sér á bak við almannavarnateymið og sóttvarnaforsendur einar og sér. Ég get ekki ímyndað mér annað en að þau hafi verið að vinna að þessu í sumar og séu tilbúin núna í þessari viku sem er að byrja að sýna á þessi pólitísku spil hvað það er sem er í kortunum. Ríkisstjórnin er að auka óvissuna en ekki eyða henni.“

Á vefsíðunni vardberg.is birtist sunnudaginn 9. ágúst forvitnileg úttekt sérfræðinga í Bretlandi á áhrifamætti framgöngu og ræðumennsku þjóðarleiðtoga. Úttektina má sjá hér. 

Í lok hennar er vikið að tveimur sem mættu bæta sig, Boris Johnson, forsætisráðherra Breta, og Donald Trump, forseta Bandaríkjanna. Um Trump segir:

„Sagt er að Trump hafi jafnan fylgt þeirri stefnu að „hugsa upphátt“ þegar hann taki til máls opinberlega. Þetta hafi ekki breyst eftir að hann varð forseti í janúar 2017. Hann bregðist við spurningum án þess að gefa sér tíma til að hugsa og það bögglist síðan fyrir honum að veita ígrundað, viðeigandi svar.“

Þessi lýsing á nú vel við þegar Þorgerður Katrín gengur fram á völlinn til að koma höggi á pólitíska andstæðinga sína. Það sem hún segir í tilvitnuðum orðum um störf ríkisstjórnarinnar vegna COVID-19-faraldursins styðst ekki við nein rök.

Vilji Morgunblaðið „stjórnmálavæða“ COVID-19-umræðuna ætti blaðið að velja sér annan bandamann til þess en formann Viðreisnar."

Undir þetta er tekið og þetta er þörf áminning til Davíðs.

Ríkisábyrgð fyrir Icelandair?

'eg er ekki sérstakur stuðningsmaður ríkisrekstrar svona yfirleitt.

En sumt er aðeins á færi ríkisins að reka eins og lögguna, skólana,og vegakerfið að mestu.

Hvað er eftir af verðmætum í Icelandair? Þjálfaðar Flugfreyjur, flugmenn og flugvirkjar, viðhaldaaðstaða, reynsla Boga o.þ.h.

Mér finnst fáránlegt að halda að einhverjir strákar utan úr bæ geti leyst þetta af hólmi í einhverjum leikaraskap.

 

Eigum við ekki að sættast á einhverja tölu um hvað hlutaféð sé nú mikils virði og færa það niður í það.

Síðan láni Lífeyrissjóðirnir ríkinu 100 milljarða til 5 ára á því gengi hlutafjár. Ríkið lofar að greiða þeim 20 milljarða á ári í 5 ár. Ríkið skipar félaginu nýja stjórn alvörufólks en ekki pólitískra vitleysinga.

Hverjum landsmanni þá verða send Icelandir hlutabréf fyrir upphæðinni heim hvert ár að 5 árum liðnum fyrir þeirri upphæð sem Icelandair greiðir ekki sjálft til baka.

Engin lífeyrir tapast á þessu.Þjóðin eignast flugfélag eins og mörg önnur lönd. Síðan koma tímar og koma ráð.

Ríkisábyrgð fyrir Icalandair er mín tillaga. 

 

 

Hífa -Slaka

finnst mér megi hugsa. 

" Kári segir ráðamenn standa frammi fyrir mikilvægu vali um framtíð þjóðarinnar. „Valið er milli þess að annars vegar þola faraldra af þessari gerð, hvern á fætur öðrum og koma þannig í veg fyrir að við getum lifað eðlilegu menningarlífi og að skólarnir starfi á eðlilegan hátt. Ef við viljum þola það þá getum við haldið áfram á þeirri braut sem við erum núna. Hins vegar getum við valið að setja skýrari reglur um komur fólks til landsins með því að fólk fari í skimun, sóttkví og aðra skimun við komuna til landsins. Þá getum við lifað því lífi sem við flest viljum lifa“. 

„Þetta er bara val og fyrir mér er valið tiltölulega einfalt,“ segir Kári. „Grundvallaratriðið hlýtur að vera að geta komið börnum í skóla og leyft þeim að vera í félagsskap vina og bekkjarfélaga.“

Lífsskoðun ráðherra góðra gjalda verð en önnur en hans 

Þórdís Kolbrún skrifaði grein í Morgunblaðið á laugardag undir yfirskriftinni „Þetta veltur á okkur“. Þar hélt hún því fram að landsmenn þyrftu að „setja sig í þann gír að „lifa með veirunni““ og að við þyrftum á allri okkar þolinmæði, þrautseigju og árvekni að halda.  

Aðspurður um sjónarmið ráðherrans segir Kári ljóst að það sé ein leið til að líta á þetta. „Hún vill meina að við getum lifað með því að setja hegðun okkar alls konar skorður. Það er hennar mat og það er annað en mitt,“ segir hann. 

Hann segir ákvörðunina ekki lengur tæknilega heldur þurfi að meta hvers konar lífi við viljum lifa, til dæmis hvernig við metum lífsgæðin sem fylgja því að lifa ekki í stöðugum ótta við faraldur.  

Mat ráðherrans á skjön við mat hagfræðinga

Með ummælum sínum brást Þórdís Kolbrún við skrifum og ummælum Gylfa Zoëga, prófessors í hagfræði við Háskóla Íslands, um að ábatinn af því að slaka á ferðatakmörkunum hefði verið ofmetinn og kostnaðurinn vanmetinn. Hann færði rök fyrir því að það hefðu verið mistök að rýmka ferðatakmarkanir vegna þeirra miklu fórna sem samfélagið færir með því að taka áhættuna sem fylgir því að annar faraldur blossi hér upp. Þórólfur Matthíasson, prófessor í hagfræði við Háskóla Íslands, lýsti svipuðu mati sínu í grein á Kjarnanum.

Gylfi svaraði ráðherranum í grein í Morgunblaðinu í morgun þar sem hann ítrekaði mál sitt og skrifaði: „Þegar þjóðfélag okkar stendur frammi fyrir einhverju alvarlegasta vandamáli lýðveldistímans þá er mikilvægt að leyfa mismunandi sjónarmiðum að koma fram og ráðamenn þurfa að sýna ábyrgð með því að bregðast við umræðu í samræmi við embætti þeirra og ábyrgð.“

 

Af hverju er þetta rifrildi? Það er eins og lokun þýði lokun um alla framtíð?

Í gamla daga notuðum við Hífa-Slaka fyrirskipanir á steypukranana. Af hverju ekki að skella í lás eins og Kári segir og slaka svo rólega ef árangur af þessu verður auðsær? Lokun þarf ekki að vera eilíf má ekki heldur bara  Hífa eða Slaka efir aðstæðum?

Landsvirkjun og Rio Tinto

"Rio Tinto kærði í gær Landsvirkjun til Samkeppniseftirlitsins vegna "misnotkunar Landsvirkjunar á yfirburðastöðu fyrirtækisins gagnvart ISAL. Álframleiðandinn segir Landsvirkjun hafa misnotað markaðsráðandi stöðu sína á raforkumarkaði.  Í yfirlýsingu frá Rio Tinto segir, að láti Landsvirkjun "ekki af skaðlegri háttsemi sinni", hafi Rio Tinto ekki annan kost en að íhuga að segja upp orkusamningi sínum og virkja áætlun um lokun. Um 500 manns starfa hjá fyrirtækinu.  Rio Tinto óskar eftir því, að Samkeppniseftirlitið skoði "samkeppnishamlandi háttsemi Landsvirkjunar með mismunandi verðlagningu og langtímaorkusamningum, svo að álver ISAL og önnur íslenzk framleiðsla og fyrirtæki geti keppt á alþjóðavettvangi." 

Alf Barrios, forstjóri Rio Tinto á heimsvísu, segir í tilkynningunni, að ISAL "greiði umtalsvert meira fyrir orku sína en aðrir álframleiðendur á Íslandi, sem grefur undan samkeppnisstöðu fyrirtækisins."  Þá segir Barrios, að ISAL geti ekki haldið álframleiðslu sinni á Íslandi áfram, sé verðlagning orkunnar ekki "gagnsæ, sanngjörn og alþjóðlega samkeppnishæf". "

Er það svo flókið að Landsvirkjun samræmi verð til allra stóriðjufyrirtækja á landinu?

Þarf að fara í einhvern hókus pókus um opnun allra samninga? Má ekki enfaldlega breyta taxtanaum ef hann er hærri á einum en öðrum?

Gæti þessi Hörður í Landsvirkjun bara einfaldlega sagt:

We have fixed this Mr. Barrios.

Er Hörður ekki sá eini sem hefur allar tölurnar hjá sér?   

Er ekki Rio Tinto í Straumsvik of mikilvægt til þess að við megum klúðra því fyrir  mismunun Lansvirkjunar til  álvera á Íslandi?.

Alexander

var kallaður hinn mikli.

Stutt greining er þessi:

Alexander III of Macedon (Greek: Î‘λέξανδρος Γʹ ὁ ΜακεδÏŽν, Aléxandros III ho Makedȏn; 20/21 July 356 BC – 10/11 June 323 BC), commonly known as Alexander the Great (Greek: á¼ˆλέξανδρος ὁ Μέγας, Aléxandros ho Mégas), was a king (basileus) of the ancient Greek kingdom of Macedon^[a] and a member of the Argead dynasty.ple in history.^[7]

^{Þessi lærisveinn Aristotelesar til 16 ára aldurs, Alexander af Makedóníu er svo einstakur að allri gerð að þeir sem kynna sér sögu hans, sem er nokkuð þekkt frá degi til dags verða aldrei samir. Svo furðulegur  var þessi maður að allri gerð.}

^{Fyrstu herdeildir heimsins sem voru deildaskiptar í vélaherdeildir, landmælingamenn, verkfræðingasveitir og jafnvel upplýsinga-sagna og áróðurssveitir,  til viðbótar við bardagasveitir fótgönguliða,riddaraliða,  sjóhers og landkönnuða í hernum hans.}

^{Innan við tvítugt örvæntir hann um framtíð sína að það muni aldrei verða af sér nein saga þar sem að faðir hans Fillipus konungur hafi gert allt sem hægt er að framkvæma af einum dauðlegum manni á valdastóli. Þegar pabbi er myrtur af fyrrum ástmanni sínum breytist allt skyndilega fyrir Alexander sem er ekki tvítugur.}

^{Alexander leggur af stað með her sinn til Persaveldis og verður að komast í orrustu og herfang strax þar sem hann á ekki fyrir kaupi hermannanna þá vikuna.}

^{Parmenio hershöfðingi föður hans tryggir honum sigur og herfang við Gaugamela og hann getur borgað út. Alexander lætur síðar myrða þennan bjargvætt sinn.}

^{Ferðalagið til enda veraldar er hafið sem lýkur ekki fyrr en Alexander er allur rúmum  áratug síðar.}

Ræða hans yfir hernum við Hindu Kush sem vill ekki fara lengra á Indlandi er furðulega einföld en lýsir manninum vel:

^{Af hverju viljið þið fara heim? Sjáið þið ekki að ekkert er dýrðlegra í veröldinni en herförin sjálf?  Ekki til hvers hún leiðir heldur aðeins hversu hún ser dýrðleg sjálfri sér?}

Hann er rétt þrítugur þegar hann segir þessi orð. En er inntakið ekki í raun allt það sem rekur mannkynið áfram til þessa dags? Ekki að snúa til baka heldur halda áfram?

Alexander er fyllibytta,morðingi,sálarkvalinn,hinsegin húmoristi, skjótráður og  óttalaus. 

Allt þetta er þessi maður sem hefur oft verið kallaður mesti herforingi allra tíma.Skiljanlega hefur hann síðar verið kallaður:  Megas Alexander, Vassleiv Macedon. 

^{Alexander mikli varð aðeins 33 ára gamall fyrir 2376 árum.}

 

 

Sjálfstæðisflokkurinn

var stofnaður 1929 af Jóni Þorlákssyni og líka afasystur minni henni Ingibjörgu H.Bjarnason og mörgum fleiri auðvitað, um ákveðna stefnu sem hefur verið kölluð sjálfstæðisstefnan síðan.

Hún hljóðar svo:

"Sjálfstæðisstefnan er tvíþætt.

Annars vegar lofar flokkurinn að standa ávallt vörð um sjálfstæði þjóðarinnar. Það hefur verið reynt oftar en einu sinni að sveigja flokkinn til fylgis við Evrópubandalagið og framselja fullveldið. Því hefur verið hrundið á Landsfundum flokksins.

Hinn þátturinn Sjálfstæðisstefnunnar er að flokkurinn ætlar "að vinna í innanlandsmálum að víðsýnni og þjóðlegri umbótastefnu á grundvelli einstaklingsfrelsis og atvinnufrelsis með hagsmuni allra stétta fyrir augum."

Fyrir nokkrum árum skrifaði undirritaður þetta:

"Svo einfalt er það. Sjálfstæðismenn hafa vissulega orðið að þola það að forystumennirnir hafi reynt að sveigja flokkinn af leið. En það hefur aldrei tekist til lengdar né hefur flokkurinn tekið upp aðra stefnu, þurft að bæta við eða bjaga, mála yfir nafn og númer eins og margir aðrir flokkar hafa gert. Hann hefur staðið af sér alla storma og enginn framámaður hefur hrósað sigri með grundvallarstefnubreytingar frá stofnun flokksins fyrir 88 árum.

Áróður andstæðinganna er á götustrákaplaninu eins og birtist greinilega í orðum Þorvaldar Gylfasonar:

"Ær og kýr Föðurlandssvikabrigzl og valdarán eru ær og kýr fasista enn sem fyrr. Ísland þarf að gæta sín á fárinu sem ríður nú yfir nálæg lönd. Framganga Sjálfstæðisflokksins og taglhnýtinga hans gagnvart nýju stjórnarskránni sem 67% kjósenda lýstu stuðningi við 2012 er skýr viðvörun."

(Ósvífnar endurteknar tölulegar lygar prófessorsins að sjálfsögðu um þáttökulitlar og ómarktækar kosningar.)  

"Flokkur barnaníðinga, skattsvikara, Panamagreifa og þjófa eru svo orð sem heyrast daglega hjá mestu netsóðunum. Ég held samt að fólk muni átta sig á því að flokkar eru byggðir upp af heimspekilegum hugsjónum þar sem fólk sameinast um grunngildi en ekki vindhanasnúningi. Það er það sem sameinar en ekki dægurblaður eða heimskuleg slagorð.

40 % íslenskra kvenna trúir ekki á grunnstefnu flokksins og ætlar að kjósa arftaka ráðstjórnarflokkanna gömlu. Þetta er afleit niðurstaða fyrir talsmenn Sjálfstæðisflokksins og sannar að þá hefur borið af leið. Hagsmunir mæðra og barna þeirra haf vikið til hliðar og flokkurinn nær ekki til þeirra.

Áherslur flokksins í málefnum eldri borgara hafa verið rangar því þeir trúa ekki lengur á flokkinn sinn sem þeir kusu lengst af. Forystumenn flokksins verða að hlusta á gagnrýnina en hætta að berja hausnum við steininn í upphafinni sjálfsánægju."

Það  er ekki vonum seinna að sjálfstæðisflokkurinn þurfi að fara að rifja upp gömul gildi sín þar sem kosningar nálgast nú með degi hverjum. Hann verður að sannfæra fólk um að hann meini það sem hann segir.

Vandamálin sem við blasa núna í þjóðlífinu eru ærin. En að fela til dæmis Leista-Birni Leví, Þórhildi Sunnu´eða Ingu Sæland fremur en Sjálfstæðisflokknum  að leysa þau er ekki mjög vænleg til árangurs.

 

Mikið var!

Koen Kjartan Van de Putte, fulltrúi belgíska raforkufyrirtækisins Bolt, afhenti Katrínu Jakobsdóttur forsætisráðherra í gær þúsund upprunaábyrgðir fyrir græna raforku, íslenskum stjórnvöldum til eignar. Afhendingin var endapunktur samfélagsmiðlaátaks fyrirtækisins í Belgíu, sem gengur út á að vekja fólk til hugsunar um upprunavottanir fyrir græna raforku, og var athyglinni beint að Íslandi.

„Við notum það bara sem dæmi þar sem allir vita að Ísland er eyja og héðan liggur enginn kapall með rafmagn til Evrópu. Þess vegna er augljóst að raforka sem seld er í Evrópu með íslenskum upprunavottunum er eftir sem áður sama óhreina orkan,“ sagði Koen Kjartan í samtali við mbl.is í gær. Benti hann á að úti í Belgíu haldi fjölmargir að þeir séu í raun að kaupa græna raforku, þegar hún sé í raun aðeins dulbúin sem slík með umræddum vottorðum sem ganga kaupum og sölum á evrópskum markaði.

Báðir telja orkuna græna

„Íslenskir orkuframleiðendur fá „upprunaábyrgðir“ sem þeir svo selja belgískum framleiðendum óhreinnar orku. Þeir aftur nota ábyrgðarbréfin til grænþvottar á sölusamningum sínum.Þannig telja bæði Íslendingar og Belgar að orkan sem þeir nota sé græn. En það er vitanlega ómögulegt, kílóvattstundin verður bara notuð einu sinni. Hin kílóvattstundin er óhrein,“ sagði í tilkynningu frá Bolt í gær. Koen Kjartan segir það ljóst að þetta fyrirkomulag gangi ekki upp. Að hans sögn kostar eitt upprunaábyrgðarbréf um tuttugu evrusent, eða sem nemur rúmlega þrjátíu krónum. „Og það þarf einungis þrjú svona bréf fyrir raforkufyrirtæki til að grænþvo orku fyrir eitt heimili í heilt ár. Samt borga heimilin miklu meira fyrir græna orku en þá venjulegu.“ Almenningur sé ekki meðvitaður um þetta, hvorki í Belgíu né hér á Íslandi, hvað þá víðar í Evrópu ef því er að skipta. „Af hverju ættu raforkufyrirtæki erlendis að vilja framleiða græna orku, ef þau geta bara keypt þennan miða, skellt honum á svörtu orkuna sína og þannig grænþvegið hana til viðskiptavina sinna, og selt hana mun dýrara verði?“

Margir Íslendingar hafa haft skömm á sölu Landsvirkjunar á þessum aflátsbréfum þó að drjugar fjárhæðir hafi fengist fyrir þessar falsanir sem öllum eru augljósar.

Við framtaki Kjartans segir maður einfaldlega,Mikið var!

Hver kaupir í Icelandair?

Það er vandséð. Vilt þú leggja þitt sparifé í félagið á þessum óvissutímum?

Ragnar Þór vill ekki að Lífeyrissjóður Verzlunarmanna kaupi.Hverjir aðrir eiga þá peninga sem þeir vilja hætta til?

Verðum við að halda félaginu á floti? Flestir munu halda að það sé nauðsynlegt að halda félaginu saman með alla sína reynslu og þekkingu. Fáir halda því að eitthvað nýtt félag geti fyllt það skarð sem fall félagsins myndi skilja eftir sig.

Hvað er þá til bragðs að taka ef enginn innlendur einkaaðili þorir að taka áhættuna af því að kaupa í Icelandair? 

Góður Hljóðmoggi

er lesinn á mbl.is í dag.Lesarinn er sérlega skýr og áheyrilegur og vil ég ljúka lofsorði á röddina.

Góður Hljóðmoggi er í boði í dag, á 0.75 % hraða eða eðlilegum.

Inga Sæland

er á Útvarpi Sögu.

Hún lýsir því hvernig hún og hennar flokkur ætli að útrýma fátækt á Íslandi.

Ég þekki mann á miðjum aldri.Honum gekk fremur illa í lífinu, var óheppinn og tókst ekki að verða stöndugur.Missti tökin á efnahagnum þrátt fyrir að vinna hörðum höndum fram á miðjan aldur.

Hann gafst upp, sagðist vera búinn að vinna nóg og hætti. Gerðist "kerfisfræðingur" náði sér í bætur og framfærslu.

Hann er virkilega fátækur og á ekkert en er samt snillingur í að komast af við lítil efni.

Hann er líkamlega og andlega vinnufær. Hann er bara kominn með aðra innstillingu en flest fólk hefur og hefur komið sér upp lífsskoðun sem fáir aðrir hafa. 

Honum finnst hann virkilega vera búinn að vinna nóg fyrir þetta samfélag án árangurs fyrir sig  og skattgreiðslna. Hann  sér ekki tilgang í því að vinna meira sem þræll þings og þjóðar og gjalda í ríkissjóð.

Vill hér eftir láta kerfið vinna fyrir sig eins og svo margi gera, til dæmis hælisleitendur sem ríkið ber á höndum sér og greiðir alt fyrir.

Hvað ætlar Inga Sæland að gera fyrir þennan Íslending og hans jafningja til þess að útrýma fátækt á Íslandi?

Setja hann á föst Borgaralaun svo hann sé ekki fátækur? Eða er hún bara pópulisti og slagorðaglamrari?

Megum við heyra lausnina?

Hversu fátækur er fátækur maður?

Can you please tell me how smooth is smooth? spurði Guðmundur Einarsson verkfræðingur ameríska generálinn í Keflavík forðum daga vegna verklýsingarákvæðis en fékk fá svör.

Hvað er fátækt og hvernig verður hún til og hvernig ætlar Inga að útrýma henni?

Er Inga Sæland framtíðin í stjórnmálum? Trúum við á að hún hafi tárvotar lausnirnar til þess að öllum líði vel?