Ríkið er í okkar höndum

segja félagsmenn Eflingar og boða ótímabundnar verkfallsaðgerðir.

Opinberir starfsmenn taka forystuna á vinnumarkaði sem eðlilegt er þar sem þeim fjölgar um sömu þúsundir og störfum á almennum markaði fækkar.

Ég átti því láni að fagna að fá lífsbjörgun úr hendi sjúkraflutningamanna úr röðum slökkviliðsins. Ég fæ ekki séð að þetta fólk sem nú hefur boðað verkfall geti farið mínútu frá án þess að mannslíf muni liggja við. Og svo er raunar um alla hina frábæru  heilbrigðisstarfsmenn sem ég hef kynnst. Við getum ekki án hvers annars verið. Allir eru nauðsynlegir á einhvern hátt nema ég auðvitað úreltur vesalingur sem fátt á annað en minningar um veröld sem var.

Getur nokkur staðið á móti kröfum opinberra starfsmanna um kjaraleiðréttingar? Er Ríkisvaldið nægilega megnugt til að geta tekið af skarið nema eftir langar og strangar hörmungar?

 Eru þessar kjaraaðgerðir þáttur í pólitískri baráttu öðrum þræði? Hvað leggja til dæmis þingmenn Pírata, Samfylkingar og Viðreisnar til? Hvað vilja þeir gera?  

Eru Lífskjarasamningarnir á almennum markaði ekki greinilega fyrir bí og að engu hafandi? Verður þetta ekki  allt að rífa upp og leiðrétta þennan og hinn sem trúir því að tuga prósenta launahækkun á einu bretti séu meiri kjarabót en gengishækkun? Er Ríkisvald okkar  einhvers megnugt ef allt fer í hnút?

1971 tóku stjórnvöld meðvitaða ákvörðun um að hækka allt kaup í landinu um 10 % .Og til viðbótar um um önnur 10 % með stórkostlegri félagslegri aðgerð um styttingu vinnuvikunnar sem auðvitað þá eins og nú var klædd í glanspappír hagræðingar sem ekkert myndi kosta.

Vinnufriður hélst og við tók tveggja áratuga óðaverðbólga, linnulausra kjaraleiðréttingasamninga og gengisfellinga. Þessu linnti ekki fyrr en með þjóðarsáttarsamningum og síðan þá hefur kaupmáttur stöðugt aukist að raungildi í stað þess að minnka.

Er nokkur leið út úr þeim ógöngum sem framundan eru? Er einhver í samningsstöðu þegar miðað er á hann byssu? 

Verður hægt að semja um eitthvað annað en að ganga að öllum kröfum verkalýðshetjanna? Verður Sólveig Anna ekki að  fá fullnægingu í stéttabaráttunni við auðvaldið áður en svo getur orðið. Verkfallsaðgerðir og verkfallsvarsla  eru svo dýrðleg barátta að hún þarf lágmarkstíma fyrir  þúsund blóm að blómstra? 

 Einhverjar vikur verða líklega að líða þangað til að fólk hefur fengið nægju sína. Verður ekki fólk  að fá útrás fyrir upppískaða og réttláta reiði sína og Sósíalistaflokkurinn verður að sanna sig í stéttabaráttunni og koma Gunnari Smára og hans nótum  á þing?  Hvernig getur slíkt orðið öðruvísi án sigra eftir hina góðu baráttu?

Þjóðverjar gleyma ekki verðbólgunni 1929 þegar póstburðargjaldið fór úr hálfu marki í 500 milljónir. Þess vegna er beinum kauphækkunum ávallt haldið í lágmarki í því landi vegna óttans við söguna.Íslendingar læra hinsvegar aldrei af reynslunni því þeir gjöra alla hluti nýja. Við vitum auðvitað hvert stefnir með því að selja þessu fólki sjálfdæmi eða því sem næst.En hvað skal gera?

Höfum við þrek til að setja þjóðfélagið í margra vikna uppnám? Íslendingar hafa aldrei haft úthald í nema nokkurskonar skemmtiverkföll til skamms tíma með mjólkursprelli við Geitháls ef svo ber undir. Er ekki  ávallt látið undan fámennum hópum eins og flugumferðarstjórum og ljósmæðrum og svo æðstu stjórnendum og Alþingismönnum? Allir verða að fá sína leiðréttingu?

Ríkið er í okkar höndum segja Sósíalistarnir. Þannig er það í Venezuela til dæmis þó að  það gildi auðvitað ekki hér. Hér er stéttbaráttan skemmtiskokk þar sem frægir sigrar vinnast áður en næsta leiðréttingalota hefst.

Og Ríkið verður aftur í okkar mislögðu höndum.

Pópúlistinn

Guðmundur Steingrímsson skrifar enn eina furðugreinina í Fréttablaðið þar sem hann kallar alla sem ekki skrifa undir loftslagsskoðun hans pópulista. En hvað er hann sjálfur?

Hann skrifar (og fær væntanlega borgað fyrir hjá Helga Magnússyni):

"Einhvern veginn þykir mér líklegt að í kjölfarið á nýrri skoðanakönnun Capacent Gallup í síðustu viku hafi þingflokkur Miðflokksins farið á duglegt fyllerí og aldeilis látið gamminn geisa, greint pólitíkina með gífuryrðum í drasl á einhverju öldurhúsi í borginni og gleymt fötunum sínum úti um allan bæ. Ég hugsa að þeir hafi jafnvel sett bindin á hausinn, hneppt frá skyrtunum og sturtað yfir sig nokkrum hálfslítersbjórum í flippi og farið svo í karókí og sungið We are the champions með íslenskum texta á Ölveri. Hver var þessi skoðanakönnun og niðurstaða hennar? Jú, þessi: Um 23% landsmanna telja að loftslagsbreytingar séu ekki af manna völdum. Um 23% landsmanna telja jafnframt að of mikið sé gert úr þætti mannsins þegar kemur að hlýnun jarðar. Umtalsverður hluti þjóðarinnar telur allt þetta loftslagstal verulegar ýkjur. Eins og Miðflokkurinn. Þetta er auðvitað dauðafæri fyrir hann.

Höfuð í sand

Nýjasta umhverfiskönnun Capacent er stórmerkileg. Áður en maður fellur í fullkomið þunglyndi yfir því að 23% þjóðarinnar telji sig virkilega vita betur en allt vísindasamfélag veraldarinnar og telur litla ástæðu til að hafa áhyggjur, þó ekki væri nema smá, af mögulegu hruni lífríkisins, þá verður maður að minna sig líka á aðra stóra drætti sem komu fram í sömu könnun. Íslendingar eru almennt að breyta neyslumynstri sínu og hegðun út af loftslagsmálum. Loftslagsmál eru í öðru sæti á eftir heilbrigðismálum yfir mestu áhyggjuefni þjóðarinnar. Og þótt 23% telji náttúrunni um að kenna og 10% segist ekki vita neitt um þau mál, að þá eru þó tæplega 70% þjóðarinnar með það á hreinu að hlýnun andrúmsloftsins er af manna völdum. Það má hugga sig við þetta, en það breytir þó ekki því að það er samt fullkomlega út í hött — miðað við alla umræðuna og allan þann hafsjó óyggjandi vitnisburða sem streyma yfir mannkyn á degi hverjum — að hlutfall þeirra sem halda að hlýnun jarðar sé ekki af manna völdum skuli vaxa milli kannana. Hér kunna einhverjir sálfræðilegir kraftar að búa að baki. Kannski vex afneitun eftir því sem hættuástand verður alvarlegra? Það er kannski freistandi fyrir suma þegar vá er aðsteðjandi að taka strútinn. Þykjast ekki sjá. Stinga höfði í sand. Afturendinn mun þó samt hlýna.

Að spúa lygi

Áður en lengra er haldið: Popúlisti. Hvaða fyrirbrigði er það? Mikið er talað um popúlistaflokka og uppgang þeirra. Hugtök stjórnmálanna eru oft illskilgreinanleg, en popúlisti í mínum huga er þó ekkert annað en siðlaus tækifærissinni. Svo einfalt er það. Popúlisti er reiðubúinn til þess að láta mikilvæg grundvallaratriði eins og sannleikann, gögn, vísindi og réttlæti lönd og leið. Hann er reiðubúinn til að byggja völd sín á atkvæðum þeirra kjósenda sem láta öðru fremur stjórnast af ótta og fáfræði, jafnvel þótt hann sjálfur viti betur. Sjónvarpsþáttaserían The Loudest Voice — með nýjasta vini Daða og Gagnamagnsins, Dauðafæri fyrir popúlista Russel Crowe, í aðalhlutverki — er fyrirtaksgreining á svona hugsunarhætti. Hún fjallar um hugmyndafræðinginn á bak við Fox News. Á einum tímapunkti gerði hann sér grein fyrir eftirfarandi, sem varð síðan grunnurinn að viðskiptaáætlun andskotans: Flestir fjölmiðlar í Bandaríkjunum eru uppteknir við það að segja satt og rétt frá, gæta heimilda og þess háttar. Við ætlum ekki að gera það. Við ætlum að vera rödd þeirra sem tortryggja sannleikann og eru ginnkeyptir fyrir alls konar samsæriskenningum og uppspuna. Og það sem meira er, við ætlum að vera eina rödd þeirra, því enginn annar er reiðubúinn til þess. Hann sagði þetta ekki nákvæmlega svona, en nokkurn veginn. Og þótt ævi Roger Ailes hafi endað smánarlega fyrir hann — hann uppskar eins og hann sáði — þá sýpur heimsbyggðin enn þá seyðið af siðleysinu. Fox News spúir hroðbjóði yfir mannkyn á degi hverjum og uppsker gríðarlegt áhorf og völd.

Næstu alþingiskosningar

Sanniði til. Að 23% landsmanna séu svona þenkjandi eins og könnun Capacent ber vitni um, er ávísun á stóraukið fylgi popúlistaflokks á Íslandi. Afneitunina má færa sér í nyt. Í næstu alþingiskosningum verða umhverfismál lykilmál. Allir flokkar munu leggja áherslu á aðgerðir í loftslagsmálum, vegna þess að það mun blasa við að slíkt verður að gera, og það hratt. Allir flokkar, segi ég, nema einn. Einn flokkur mun segja nei hva. Alveg einsog Roger Ailes. Þetta loftslagstal er rugl. Vísindin eru samsæri. Hviss, pang. Tuttugu og eitthvað prósent í höfn. Gott og vel. Fari það fólk á fyllerí. Aðalatriðið er þetta: Þegar þetta gerist þurfa hin sjötíu og eitthvað prósentin virkilega að standa í lappirnar."

Guðmundur þykist tala fyrir allt vísindasamfélag heimsins og að 70 % fólks trúi á manngert veður. Ekkert er auðvitað fjarri sanni. Æ fleiri hugsa raunsætt. Málið er vægast sagt umdeilt og vísindalegar sannanir á öfgunum eru ekki merkilegar.

Kötlugígur í hvíld blæs út jafnmiklu CO2 og allir Íslendingar gera með flugi, áli og bílum. Það eru margir aðrir eldgígar á Íslandi sem hafa ekki verið mældir. Þetta er ekki kosningamál hjá popúlista eins og Guðmundi Steingrímssyni sem alhæfur útfrá sinni  vizku á kostnað Miðflokksins og allra sem hafa aðra skoðun en hann.

Pólitík í orkukaupum

í Evrópu. Þjóðverjar nota heldur kol en að kaupa vindorku af Dönum. Einingin um orkupakkana heldur ekki gegn hreppapólitík. Messerschmidt skrifar svo:

"

Af Morten Messerschmidt (DF)
Energi- og klimaordfører

Enhver med et træ eller en flagstang inden for synsvidde kan for tiden konstatere, at det blæser.

Det blæser endog rigtig meget, og for tiden kan man blive i tvivl, om det er vindens susen eller de stålsatte klimaforkæmperes selvros og krav om endnu flere vindmøller, der støjer mest.

For møllerne snurrer jo på livet løs og skaber grøn strøm til danskerne – eller gør de? Virkeligheden ser beklageligvis anderledes ud. Vindmøllerne står mange steder stille, selvom det blæser. De bliver simpelthen slukket, fordi vi ikke har nok at bruge strømmen til, og fordi elnettet mod syd ikke kan kapere det. Skal man grine eller grædeDet er rablende galt

Vi kan give vores tyske naboer en stor del af skylden. De vil hellere producere deres egen strøm end at bruge vores og lukker derfor forbindelsen til Danmark. Til gengæld importerer vi flittigt el fra Tyskland – lavet på kul.

Det er blot endnu et eksempel på, at de store lande i EU egenrådigt tryner de små, og med den tyske kommissionsformand Ursula von der Leyens mange skåltaler om en 'European Green Deal' ville det klæde Tyskland at rette ind. Det sker fortsat alt for langsomt.

De stillestående vindmøller viser desværre også, at der er noget rablende galt i Danmark. Vi er alt for langt bagud med at bruge den grønne strøm.

Lige nu sidder et helt Folketing og tripper efter at komme i gang med de forhandlinger, der skal få Danmarks CO2-reduktion til at falde markant frem mod 2030. Dansk Folkeparti er med, og vi venter bare på ministeren.

Vi er med i klimaloven, fordi vi skal undgå, at det bliver socialisterne på den yderste venstrefløj og De Radikale, der får lov til at diktere den grønne politik. Det er sket mange gange tidligere, og ja, det ender netop med noget så molboagtigt som slukkede vindmøller på dage med strid vind.

Danskerne kan med rette spørge sig selv, hvorfor de har betalt for massiv støtte til vindmøller, og hvorfor de skal se på møllerne, hvis vi ikke har tænkt os at bruge dem?

Hovedvejen er grøn strøm
Hovedvejen til at gøre klimaloven til virkelighed går nemlig gennem mere grøn strøm og mindre benzin, gas og olie i vores biler og varme. Hvorfor skal vores fjernvarme laves på kul, når den kan laves på grøn strøm?

Hvorfor vil ministeren tanke vores biler med mere biobrændstof lavet på fødevarer, når de skal køre på el? Hvad skal vi sige til danskerne i de økonomisk mest pressede egne, som overvejer at købe et nyt oliefyr, fordi det fortsat er for dyrt at lave varmen på en varmepumpe?

Jeg troede, at regeringen både var grøn og interesseret i at hjælpe folk i hele landet?

 En molbohistorie lyder, at en stork truede med at trampe kornet ned i sin jagt på frøer i marken. Hyrden skulle ud at jage den væk, men ville hans store fødder ikke gøre samme skade? Jo, så en flok mænd tog markleddet af og bar hyrden på leddet ud i marken. Således blev skaden meget større, da mændene kom trampende.

Elnettet skal have politisk opmærksomhed – det er hele forudsætningen for at føre klimaplanerne ud i livet. Hvis vi fra Christiansborg ikke forstår dét, er vi ikke klogere end mændene i marken"

Sæstrengur er engin trygging gegn því að einstök ESB lönd geri ekki eitthvað allt annað.

Enn ein viðvörun um að treysta ekki fyrst og fremst á fullveldið í orkumálum okkar þar sem pólitíkin getur greinilega hlaupið í orkupakkana og Parísarsamkomulög hinna fjörtíuþúsund fífla.

Fullveldissinnaflokkur

Gunnars Smára Egilssonar, Sósíalistaflokkurinn,sem styðst við Eflingu Sólveigar Önnu,hafði skýra stefnu  fyrir stofnun. Hann vildi að Ísland verði fylki í Noregi.

Svo sagði í fréttum þá:

"Hugmyndir Gunnars Smára Egilssonar um að Ísland verði fylki í Noregi hafa vakið gríðarlega athygli og nú stendur til að stofna stjórnmálaafl um málið. Fylkisflokkurinn verður stofnaður formlega í haust og fólki er nú boðið að skrá sig sem stofnendur."

Gunnar  Smári er nú hugmyndafræðingur í þeirri baráttu Eflingar og opinberra starfsmanna að kollvarpa Lífskjarasamningum sem voru gerðir á almennum vinnumarkaði og koma á nýjum kjarasamningum. Margir  telja að slíkir samningar verði  hinsvegar verðbólgusamningar aðeins sem engar kjarabætur muni færa þar sem lífskjarasamningarnir hafi verið þandir út á yztu nöf.

Vísað er til kjararasamningagerðar í Þýzkalandi til samanburðar þar sem launahækkanir eru mjög varfærnar af ótta og biturri reynslu Þjóðverja af óðaverðbólgu. En 1929 þá fór póstburðargjald úr hálfu marki í fimmhundraðmilljón mörk áður en yfir lauk svo eitthvað sé nefnt.

Sólveig Anna og Gunnar Smári fara ótrauð gegn öllum slíkum mótbárum og ætla að svínbeygja ríkisvaldið undir veld hins nýja Sósíalistaflokks fyrrum auðvaldsþjónsins sem nefndur er fjögurrablaðaSmárinn vegna gjaldþrotasögu sinnar.

En er sá flokkur hans Gunnars Smára fullveldissinnaður fyrir Ísland? 

 

Eldvörp

Af síðu Ómars Ragnarssonar stel ég þessum myndum af Eldvörpum.

Þarna streymir út eitthvað sem er talið lífshættulegt gas sem er ekki reiknað inn í kolefnisfótspor Íslendinga frekar en Kötlugígur sem blæs út jafnmiklu og öll þjóðin gerir á sólarhring.

Hvað þarna er að gerast telur ekki af því að það hefur ekki verið mælt. Guðmundur umhverfis vill heldur moka ofan í Flóaáveituna og aðra skurði fyrst til að kolefnisjafna?

En þarna er að mælast lífshættulegt gas í stöku hellum.Hvaðan kemur það? Hvað kemur upp úr hverjum lengdarmetra í Eldvörpum? Hver ætlar að borga kolefnisskattinn þarna svona til jafnræðis við álverið í Straumsvík? 

Væri það ekki fremur galið að byggja flugvöll þvert ofan á þessa sprungustefnu nú i átt að næstu 4 virku eldfjallakerfum sem liggja þvert á þetta í Hvassahrauni til dæmis?

Þarf ekki fólk úr Borgarstjórnarmeirihlutanum í Reykjavík til að láta sér detta það í hug að íslenska ríkið leggi fram hundruð milljarða til slíkrar framkvæmdar svo þeir geti tekið Reykjavíkurflugvöll til sín og selt hann undir blokkir fyrir eigin reikning.Svona álíka fagrar og Valsmannablokkirnar nýju á neyðarbrautinni?

Eldvörpin eru tignarleg en ógnandi náttúruperlur sem tæplega yrði fórnað fórnað án hávaða umhverfissinna.

 

Byggjum sorpbrennslustöð

í Gufunesi og reynum að bæta fyrir þá skammsýni sem fólst í að byggja þessa bráðabirgðalausn.

Amager-bakke stöðin er fyrirmynd sem við getum notað. Stöð í Gufunesi getur þjónað miklum meirihluta landsmanna strax og öllu landinu með tíð og tíma og flutningakerfi.

Nú þegar efahagslífið kallar á innviðauppbyggingu er þetta framkvæmd sem umhverfissinnar ættu að geta stutt. Til framtíðar er erfitt að sjá nema þjóðarhag í framkvæmdinni.

Byggjum sorpbrennslustöð í Gufunesi.

Nú get ég..

sagði strákurinn í fyrstu siglingunni þegar sá sveitunginn sem kunni málið var búinn að semja við yngismeyna í Köben í den.

Nú eru opinberir starfsmenn búnir að fífla almenna launþega til að semja einhverja lífskjarasamninga sem eiga ekki að verða neikvæðir vegna verðbólguhófstillinar. Nú getum við segja þeir og við ætlum skgu að fá meiri leiðréttingar en þessir asnar skrifuðu undir. Við erum líka með Sólveigu Önnu með okkur og Gunnar Smára nýkomma sem skrifar baráttutextana betur en nokkur annar og skilur stéttabaráttuna á sósíaliskum fræðagrunni.

 

Nú get ég sagði strákurinn.., nema hvað?

Áslaug Hulda

formaður bæjarráðs Garðabæjar flutti gott erindi í Valhöll hjá Sjálfstæðisflokksleifunum í gær. 

Hún talaði og lýsti fyrirtæki sem hún tengist í Hveragerði sem endurvinnur plast úr úrgangi,Pure North Recycling.

En úrgangsplast t.d.utan af heyrúllum er oftar en ekki nú flutt út til brennslu í útlöndum vegna misræmis í flutningskostnaði sem er niðurgreiddur í útflutningi en ekki í innanlandsflutningi til endurvinnslu. Hvergerðisfyrirtækið með þetta langa nafn endurvinnurnúna um fjórðung af íslensku heyrúlluplasti og stefnir á meira.Af hverju ekki Ísplast? Eða Iceplast? En það þarf að verða alþjóðleg vakning á plasti í umhverfinu.

Áslaug rifjaði upp hvað skilagjöld áldósir og plastflöskur hefðu haft góð áhrif á endurvinnslu í landinu þannig að flöskumengun og dósa væri horfin meðfram vegum. Bloggara datt í hug að ekki veitt af svona kerfi í tyggigúmmí þar sem ekki er þverfótað fyrir tyggjóklessum allstaðar á bundnu yfirborði gangstétta og gatna við samkomudyr. Hún nefndi astrónómiskar tölur um afgangsplast í heiminum sem ég náði ekki. Mér skildist að í bígerð væri að endurvinna veiðarfæragarn í endurvinnannlegt plast sem væri auðvitað mjög áhugavert á Íslandi sjávarútvegsins.

Afurðin þeirra í Hveragerði eru einhverskonar plastkúlur skildist mér eða það sem kallast plastpallettur, án þess að ég fengi mynd af því  sem hægt er að nota til að búa til nýja plasthluti. Ekki er hægt að nota allt plast til þessa en mikið af því. 1.8 kg af olíu fara til að búa til 1 kg af plasti þannig að til nokkurs er að vinna í spörun á brennslu og CO2 útblæstri.

Vinstri Grænir 90, sem er einhverskonar aljóðaútgáfa af fyrirbrigði eins og okkar VG fara hamförum við að reyna að gera manngerðu veðri skil og klæða það í vísindalegan búning. Þeir hampa mikið prófessor Harald Lesch sem er fjölfróður vísindamaður í áhrifaþáttum í loftslagsmálum.

Ég er búinn að hlusta á professor  Harald í nokkrum fyrirlestrum hans sem eru á YouTube .Td.einn hér:https://www.youtube.com/watch?v=8cVRA51cK5o&t=40shttps://

Hann færir öll finnanleg rök og mörg ágæt fyrir hitastigshækkun í tengslum við manngert veður.

Hann skautar hinsvegar alveg framhjá sólinni sjálfri og reynir að búa til sjálfbærni í hitabreytingarnar og áhrif þeirra  þannig að þær leggi til að meira CO2 losni um leið og þær vinna sitt verk, (s.s.þegar strandlengjur brotna niður og gefa frá sér CO2), vegna áhrifa þeirra sjálfra  og hitavélin herði þannig sífellt á sér þannig að þeim punkti verði náð að hröðunin verði óviðráðanleg.

Gréta garmurinn Thunberg hendir auðvitað svona kenningar Haraldar á lofti og spáir heimsendi og helvíti útfrá að þær séu QUED og ekkert annað komi til og Katrín og umhverfisráðherrann taka undir sönginn í krökkunum.

Við Trump trúum því hinsvegar frekar að sólin sé aðaláhrifavaldurinn í hitabreytingum jarðar og þessar spekúlasjónir Haraldar Lesch því ekki eingildar.

Það þýðir ekki samt að við séum á móti viðleitni  að minni útblæstri CO2 og Methan en við viljum ekki skipta á því og hungri með eyðileggingu landbúnaðar, atvinnuleysi, lokun álvera eða virkjanabanni. Við erum á móti framleiðslu bíó-dísils úr maís sem þá ekki verður étinn og svoleiðis heimsku.

Við viljum skynsemi en ekki trúarbrögð eins og Áslaug Hulda talaði fyrir í Valhöll í gær þegar hún ræddi stjórnmálaviðhorf sín þar sem plastinu sleppti. Talsverðar um ræður urðu um pólitík á fundinum eftir ræðu Áslaugar Huldu sem ekki verðar raktar hérna.

Hvað með ruslafötuna

sem er plastfata og maður lætur Bónuspoka í sem maður svo hendir með ruslinu.Fatan hrein og tilbúin fyrir næsta poka.

Guðmundur Umhverfis sem enginn kaus er á öðru máli og talar um Falsfréttir af vantrú á hamfarahlýnun:

"Þá sagði ráðherra vilja al­menn­ings til breyt­inga aug­ljós­an, en að flest­ir settu fyr­ir sig skort á um­gjörð og stuðningi stjórn­valda. Þetta vildi rík­is­stjórn­in bæta og nefndi Guðmund­ur Ingi meðal ann­ars að á vorþingi hygðist hann mæla fyr­ir laga­breyt­ing­um um að flokk­un sorps verði sam­ræmd á landsvísu og að heim­ili og fyr­ir­tæki yrðu skylduð til að flokka og að í fram­hald­inu verði bann lagt við urðun líf­ræns úr­gangs.

Þá stytt­ist í að ýms­ar einnota plast­vör­ur verði bannaðar og að á þessu ári og því síðasta yrði fjár­fest í innviðum vegna orku­skipta fyr­ir millj­arð króna til þess að gera það raun­hæf­an kost fyr­ir fólk um allt land að fara öðru­vísi á milli staða en að brenna jarðefna­eldsneyti.

„Atriði sem knýja fólk áfram til að breyta hegðun sinni er löng­un til að hjálpa næstu kyn­slóð og ver­d­un Íslands og nátt­úru til lengri tíma og það eru skila­boð sem all­ir stjórn­mála­menn þurfa að horfa til. Við get­um þetta sam­an.“

Hvað kemur í stað Bónuspokans í ruslafötuna?

Engum þykir vænt um sparifé

fólkið talar aldrei neitt um nema lánskjör og útlánsvexti. Sparifé virðist óþekkt hugtak.

Samt skrifar Hrafn Magnússon svo:

"Eldri borgurum er gert ókleift að geyma sparifé sitt inn á bankareikningum. Skiptir þá engu máli hvort reikningurinn er verðtryggður eða óverðtryggður.
Sparnaður eldra fólks er mikilvægur. Hann er hugsaður til að mæta óvæntum útgjöldum, svo sem vegna viðhalds húsnæðis eða bifreiðar, svo nærtæk dæmi séu tekin.
Einnig vilja eldri borgarar líkt og annað fólk getað lifað innihaldsríku lífi, farið til útlanda, í leikhús og sinnt öðrum menningarviðburðum.
Þá er rík þörf hjá eldri borgurum að eiga í handraðanum sparifé sem grípa má til, ef hjálpa þarf börnum eða barnabörnum vegna óvæntra áfalla, svo sem vegna langvarandi veikinda eða fjárhagsvandræða.
Sparnaður eldra fólks er hins vegar í mörgum tilvikum þrískattlagður.

Í fyrsta lagi eru vextir af óbundnum bankareikningum undir verðbólgustigi.

Í öðru lagi er fjármagnstekjuskatturinn 22% af nafnvöxtum. Skatturinn er því líka tekinn af verðbólgunni, eins furðulegt og það er.

Í þriðja lagi lækka eftirlaunin hjá almannatryggingum um 45% af vaxtatekjunum."

Bankar neita mönnum um óbundna verðtryggða reikninga til skemmri tíma en 3 mánaða. Af hverju má maður ekki leggja inn á verðtryggðan reikning með 0% vöxtum til að geta gripið til síðar? Af hverju þarf að binda peninginn í 3 mánuði? 

Engum virðist þykja vænt um sparifé heldur bara lán,skerðingar  og útlánsvexti.

 

"Og jafnvel Brynleifi brá

er börnin fékk hann að sjá

því upp úr sjöttabekk þau komu barin og blá."

Einhvern veginn þannig var ort í gamla daga um skandala sem skeðu án þess að þeir ættu að geta skeð.

Vilhjálmi Birgissyni hinum púrítanska verkalýðsrekanda af Skipaskaga varð þetta að orði:

 

 

„Ég horfði á Kveiksþáttinn í gær um sölu Landsvirkjunar og annarra orkufyrirtækja á upprunavottorðum til annarra landa. Ég skal fúslega viðurkenna að ég er gjörsamlega orðlaus enda virðist græðgi orkufyrirtækja vera svo taumlaus að þau er nánast tilbúin að selja sálu sína fyrir einhverjar krónur,“

 

„Takið eftir kæru félagar við Íslendingar erum svo gæfurík og heppin að eiga hér hreinustu og grænustu orku í heiminum og við höfum haldið því hátt á lofti að öll okkar orka sé endurnýjanleg og tandurhrein. En nú hefur komið í ljós í þessum Kveiksþætti með afgerandi hætti að Landsvirkjun og önnur orkufyrirtæki eru að selja upprunavottorð á hreinu orkunni okkar til umhverfissóða í öðrum löndum til að hjálpa þeim að halda áfram að knýja sína starfsemi áfram með afar mengandi hætti.

Rétt er að geta þess að Landsvirkjun og önnur íslensk orkufyrirtæki hófu sölu á upprunavottorðum raforku árið 2011. Í gögnum Orkustofnunar kemur fram að það ár hafi 89% raforkunnar á Íslandi verið endurnýjanleg orka. Hins vegar var 5% hlutdeild orkunnar framleidd með kjarnorku og 6% með jarðefnaeldsneyti.

 

Takið eftir þessu, árið 2018 var hreina íslenska raforkan aðeins orðin 11% af heildarsölu raforku á Íslandi samkvæmt tölum Orkustofnunar. Þá var 34% orkunnar framleidd með geislavirku úrani og 55% raforkunnar voru sögð framleidd með jarðefnaeldsneyti, eða kolum, olíu og gasi. Svona er nú komið fyrir hreinorkulandinu Íslandi.

Að hugsa sér Landsvirkjun og önnur orkufyrirtæki er að selja hreinu orku þjóðarinnar til umhverfissóða sem fá í staðinn að segja að þeirra vörur og starfsemi séu framleiddar með vistvænni grænni orku og í staðinn er sagt að við séum að knýja okkar iðnað, heimili og aðra starfsemi með geislavirku úrani, jarðefnaeldsneyti eða kolum og gasi. Ég spyr, hvar eru umhverfissinnarnir núna? Og hvar eru Vinstri grænir? Að láta Landsvirkjun sem eru í eigu íslensku þjóðarinnar selja einhver upprunnavottorð til fyrirtækja og stofnanna í öðrum löndum til þess að geta sagt „okkar vara og starfsemi er framleidd með hreinni orku“, þegar raunin er alls ekki sú.

Með þessu erum við að hjálpa umhverfissóðum um víða veröld að taka ekki á sínum vandamálum heldur leggja þeim lið með því að blekkja neytendur um að þeirra framleiðsla sé unnin með hreinni orku þegar svo er alls ekki. Láta svo íslensku þjóðina líta út eins og örgustu umhverfissóða sem knýja heimili og fyrirtæki t.d. með kolum og geislavirku úrani.

Á græðgi Landsvirkjunar og annarra orkufyrirtækja sér enginn takmörk? En oft hefur verið sagt um gráðuga einstaklinga að þeir myndu selja „ömmu“ sína ef þeir gætu og mér sýnist að græðgi orkufyrirtækja eigi vel við slíkar lýsingar.“

Já jafnvel Brynleifi brá...

 

 

 

 

Í ljósi reynslunnar

af vist sinni hjá auðvaldinu og í ljósi sögunnar af Sovétríkjunum skilur nýsósíalistinn, fjögurrablaðaSmárinn, Gunnar Smári Egilsson  öðru nafni, eftirfarandi grunnsannindi í hinni góðu baráttu sinni í sjóðum Eflingar:

"Verkefni sósíalista er ekki svo mikið að sannfæra fólk um réttmæti krafna sósíalista um jöfnuð, réttlæti, frelsi og mannhelgi. Mikill meirihluti fólks er sammála sósíalistum í öllum megindráttum. Annars væri sósíalismi náttúrlega ekki sósíalismi, sem í grunninn er lítið annað en kröfur hinna kúguðu um betra samfélag.

Verkefni sósíalista er miklu fremur að skrúfa niður áróður auðvaldsins og sendisveina þess, um að almenningur eigi ekki skilið samfélag sem byggt er upp af jöfnuði, réttlæti, frelsi og mannhelgi. Vandi okkar er þannig andlegur fremur en vitsmunalegur.

Til að halda völdum hafa kapítalistar sannfært stóran hluta almennings um að samfélag manna verði alltaf slæmt og löngun fólks til að gera það betra geti gert það enn verra. Því eigi fólk að sætta sig við ójöfnuð, óréttlæti, ófrelsi og kúgun. Verkefni sósíalista er að sannfæra fólk um að það eigi allt gott skilið, líka gott samfélag.

Um leið og fólk vaknar af martröð kapítalismans og öðlast von um betra líf, þá rís sósíalisminn upp svo til af sjálfum sér, vegna þess að sósíalismi er samheiti yfir drauma alþýðunnar um fagurt mannlíf og gott samfélag, trúin á að okkur sé ætlað eitthvað annað en vera þrælar hinna fáu ríku og valdamiklu."

Líklega er Arnarnesmartröð ritsnillingsins á enda með miklum gróða af fasteignabólunni svo hann getur átt góða daga við prédikanir á borð við þessa sem Joyce Meyer gæti ekki gert meira sannfærandi.

Í ljósi reynslunnar hlýtur fólkið að velja sósíalismann enda blasir hann við í Venezúela.