Ögmundur ræðst til atlögu

gegn kvótakerfinu og þar með sínum fyrri flokksmönnum eins og Steingrími Jóhanni sem ber einna mesta höfuðábyrgð á kerfinu eins og það er núna og því sem það hefur leitt til. Mestu eignatilfærslu Íslandssögunnar eins og margir kalla það.

„Ég er al­veg sann­færður um að það er að tak­ast að end­ur­ræsa umræðuna um kvóta­kerfið,“ seg­ir Ögmund­ur Jónas­son, fyrr­ver­andi þingmaður VG og ráðherra, um fund sem hald­inn var í Þjóðmenn­ing­ar­hús­inu á laug­ar­dag um kvóta­kerfið.

Hann seg­ir færri hafa kom­ist eð en vildu og að til­efni fund­ar­ins hafa verið að kvóta­kerfið hafi „brotið á ís­lensku sam­fé­lagi, stuðlað að byggðarösk­un, kjaram­is­rétti og siðspill­ingu.“ Tel­ur hann meðal ann­ars að frétta­flutn­ing­ur af starf­semi Sam­herja í Namib­íu hafi minnt þjóðina á siðspill­ing­una og að umræðan „sé að vakna af meiri krafti en nokkru sinni fyrr.“

Páll Vilhjálmsson bloggkóngur hefur hinsvegar þetta við málflutning Ögmundar að segja:

"Kvótakerfið er fyrirkomulag á fiskveiðistjórnun. Sá sem þetta skrifar var háseti á keflvískum netabát snemma á níunda áratug síðustu aldar - rétt fyrir daga kvótakerfisins. Þá, eins og nú, gekk mönnum misvel í sjósókn.

Landsbyggðin átti erfitt uppdráttar löngu fyrir daga kvótakerfisins.

Kvótakerfinu var komið á 1984. Sannfæringin að baki var að stýra yrði aðgengi að fiskveiðiauðlindinni. Allt frá upphafi er kvótakerfið umdeilt og hefur tekið ýmsum breytingum 36 ár.

Fiskurinn er ekki óþrjótandi auðlind. Aðgengi að auðlindinni þarf að stýra.

Reglur eru ekki andstæðar íslensku samfélagi, Ögmundur, heldur forsenda fyrir sæmilega friðsamri sambúð okkar sem landið byggjum. "

Sé litið til hversu gríðarlega öflug sjávarútvegsfyrirtæki hafa byggst upp á Íslandi í tíð kvótakerfisins og það borið saman við tíma bæjarútgerðanna og allskyns smáútgerða sem voru sífellt á hausnum og þurftu reglubundnar gengisfellingar til að bjarga atvinnunni  og því endalausa basli sem útgerðinni fylgdu á þeim tímum, gúanó-fiskeríi, tímabundinni ofveiði í  sölutregðu, óhentugum sölutúrum, síldarbresti, sífelldum blánkheitum og þar fram eftir götunum,þá hefur óneitanlega margt áunnist með kvótakerfinu.

Íslensk sjávarútvegsfyrirtæki stunda alþjóðleg viðskipti þó við misjafnan orðstír sé jafnvel,þá er mikil breyting á orðin til batnaðar. Útgerðin er ekki á sífelldu ríkisframfæri eins og víða um lönd er á raunin. Afli helst nokkuð stöðugur og ryksuguveiðar eru ekki stundaðar sem sveiflast frá ofgnótt til örbirgðar.

Hvað er þá deiluefnið?

Gjafakvótinn orsakaði eignatilfærslurnar segja Ögmundarnir og þeirra lið.  Samherji er kominn með hundraðmilljarða eiginfé meðan alþýðan sveltur, heilbrigðiskerfið í rúst og aldraðir og öryrkjar eru á vonarvöl, segja þeir líka.

Útgerðin hefur greitt veiðigjöld ofan á aðra skatta. Það má ekki hækka þau segja kvótakallarnir.  Aðrir heimta að þau verði stórhækkuð til að þjóðin fái sinn réttláta skerf og á það spila Öggarnir og öfundarliðið.

Spurði ekki Pílatus: Hvað er sannleikur?

Er ekki hægt að finna einhverja millileið í þessum málum án þess að blása til borgarstyrjaldar um það hverjir eigi að fá þátttöku í spillingunni og mútunum?

 

Manni ofbýður

að skynja hinn óhemjumikla iðnaðarmátt Bandaríkjanna þegar maður horfir á afgangana:https://www.airplaneboneyards.com/davis-monthan-afb-amarg-airplane-boneyard.htm

Þar eru menn að bræða  ferkílómetra breiður af gömlum flugvélum sem stöðugt bætist við.

Þvílíkt magn er víðsvegar að finna að manni hreinlega ofbýður. 

Íran, nýtt nasistaríki

og Khameini er nútíma Hitler sem er tilbúinn í hvaða glæpaverk sem er með byltingaverðinum sem er beinn arftaki SS-sveitanna.

Reiner Heydrich lifir góðu lífi í nýjum yfirlýsingum varnarmálaráðherra stjórnarinnar um að jafna TelAviv og Haifa við jörðu.

Írönsk stjórnvöld eru nasistaríki sem  engin leið er að tjónka við.Af þeim stafar stórhætta fyrir allt mannkyn.  Geðbilað trúarofstæki við stjórn Íran gerir Persneska ríkið að ósnertanlegri einingu meðal þjóða,-Paría ríki.

Ef ekki væri fyrir Trump og Bandaríkin væri mannkyni mikill vandi á höndum gagnvart nútíma nasistaríkinu Íran.

Hættulegur maður

er umhverfisráðherrann sem enginn kaus Gunnar Guðbrandsson.

Hann veður um víðan völl í blindri trú á hamfarahlýnun og nauðsyn kolefnisbindingar. Hann er  mjög athafnasamur í ræðu og riti  að koma á ráðstöfunum sem kosta skattgreiðendur óhemju fé.

Auk þess sem þjóðgarðastefna hans er líkleg til að takmarka lífskjör þjóðarinnar á komandi ´timum með því að torvelda virkjanir á hálendinu sem eru undirstaða undir velferð íslendinga á komandi tímum bæði þeirra sem fyrir eru og þeirra innflytjenda sem hann og hans flokkur vilja fjölga hér sem allra mest.

Nú í dag skrifar hann í Mannlíf:

"Í upphaf nýs árs eru umhverfismálin ofar á baugi en nokkru sinni fyrr. Og ekki seinna vænna, segi ég. Á árinu sem leið vorum við ítrekað minnt á alvarleika loftslagsbreytinga og til að mynda lauk árinu með átakanlegum gróðureldum í Ástralíu, sem enn standa yfir. Áhrif loftslagsbreytinga virðast kannski stundum svolítið fjarlæg okkur Íslendingum.

En við sjáum hvað er að gerast annars staðar og þó að á Íslandi geisi ekki gróðureldar í öllum sýslum, þá hopa og rýrna jöklarnir okkar stöðugt og súrnun sjávar er staðreynd. Við stöndum nú frammi fyrir fordæmalausum áskorunum í loftslagsmálum og eigum engra annarra kosta völ en að takast á við þær af hugrekki og skynsemi..

Við stefnum að 40% samdrætti í losun gróðurhúsalofttegunda árið 2030 og kol - efnishlutleysi árið 2040. Ef þessi markmið eiga að nást fjölgi um 40% á næstunni en það mun auðvelda fólki stórlega að fara leiða sinna á vistvænni hátt. Við höfum komið á fót Loftslagssjóði, sem er ætlað að styðja við nýsköpun og fræðslu á sviði loftslagsmála, og aukið fjármagn til umhverfisfræðslu í skólum með sérstakri áherslu á loftslagsmál. Svo eitthvað sé nefnt. Aðgerðaáætlun í loftslagsmálum þarf að sjálfsögðu að vera í sífelldri endurskoðun og á þessu ári verður gefin út uppfærð og ydduð útgáfa af henni. En við munum líka þurfa að aðlaga okkur að breyttum veruleika í heimi þar sem sjávarborð er hærra, úrkomumynstur breytt og öfgar í veðurfari tíðari.

Þess vegna vinnur Loftslagsráð nú að minni beiðni undirbúningsvinnu fyrir stjórnvöld vegna aðlögunar íslensks samfélags að loftslagsbreytingum og í framhaldinu munu stjórnvöld vinna aðlögunaráætlun líkt og gert hefur verið fyrir mörg ríki. Á þessu ári liggur líka fyrir að ríki heims setji sér ný markmið í lofts - lagsmálum á grundvelli Parísar - samningsins.

Við Íslendingar munum ekki láta okkar eftir liggja. Því það skiptir öllu máli. þurfa allir kimar samfélagsins að róa í sömu átt. Okkur hættir stundum til að benda hvert á annað; einstaklingar benda á fyrirtæki og fyrirtæki benda á stjórnvöld. En svoleiðis samkvæmisleikir stoða lítið. Við þurfum að taka höndum saman og ráðast að vandanum úr öllum áttum. Í sameiningu.

Haustið 2018 setti ríkisstjórnin fram fyrstu fjármögnuðu loftslagsáætlun Íslands og síðan þá hefur hverri aðgerðinni á fætur annarri verið hrint í framkvæmd. Til að mynda er á næstu fjórum árum gert ráð fyrir að kolefnisbinding með landgræðslu og skógrækt tvöfaldist og endurheimt votlendis tífaldist. Við höfum hækkað kolefnisgjald á jarðefnaeldsneyti og sett nýja græna skatta til að draga úr losun gróðurhúsalofttegunda. Við höfum styrkt uppsetningu hraðhleðslustöðva og vonir standa til að þeim fjölgi"

 

Í mínum augum er þessi maður galinn ofstækismaður sem er að teyma þjóðina í ófærur.

Hann skilur ekki að náttúrleg losun kolefnis er miklu meiri en losun af hálfu manna. Bara upp úr Kötlu stíga hvern dag núna 20.000 tonn af CO2 sem er jafn mikið og allir Íslendingar losa á ári með sinni starfsemi. Og Katla er bara eitt eldfjall af mörgum.

Og þá er þessi maður að moka ofan í  framræsluskurði í votlendi og rýra lífsbjörg Íslendinga af ræktuðu landi.

Það sem alvarlegast er þó er að þessi umhverfisráðherra og flokkur hans hann er að teyma okkur í ráðstafanir sem leggja stein í götu framfara í lífskjörum þjóðarinnar eins og virkjana. Hann ætlar að friðlýsa virkjanakosti sem eru í nýtingarflokki og hindra lífskjarasókn með nýiðnaði eins og gerðist á síðustu öld og í byrjun þessarar þegar stórvirkjanir bættu lífskjör íslendinga svo um munaði. 

Ég var stuðningsmaður myndunar þessarar ríkisstjórnar einkum í ljósi ískyggilegra horfa í kjaramálum. Þeim var lent sæmilega með gerð lífskjarasamninganna sem eru að einhverju leyti að baki. En vofa kommúnismans er enn á ferð í gervi hins nýja Kommúnistaflokks Fjögurrablaða-Smárans og Sólveigar Önnu sem reyna hvað þau geta að espa til ófriðar. Óséð er hvort þessi ríkisstjórn er færari en aðrar til að lægja þær öldur. Hún hefur þá runnið sitt skeið á enda og óþarfi að kaupa allar vitleysurnar lengur af umhverfisráðherranum og kolefnisbullið í vinstri grænum öllu lengur.

Umhverfisráðherrann sem enginn kaus er því hættulegur maður fyrir framtíð þjóðarinnar sem ég styð ekki til áframhaldandi veru í ríkisstjórnarembætti, hvorki nú né síðar.

Þjóðaröryggisráð

ætti það ekki að fjalla um lausn á bráðamóttökuvandanum?

Er ráðið ekki fært um að taka slíkt mál fyrir og leysa það? Er ekki einskonar stríðsástand og óöryggi á ferðinni?

Ég þurfti að koma á þessa móttöku á síðasta ári oftar en einu sinni. Mér sýndist talsverður hluti af vandanum vera dópistar sem lágu þarna ælandi í fráhvörfum og dópleysi  og til vandræða fyrir alla aðra.  Ef þeir væru skildir frá öðrum veikindum myndi strax rýmkast til. Setja upp sérstaka gáma fyrir utan fyrir þessa vesalinga sýndist manni koma til greina sem fyrsta bráðabirgðaúrræði. 

Yrði ríkisstjórninni nokkur skotaskuld úr að útvega peninga til að styrkja ferlið í þessari neyð? Er ekki spítali í Hafnarfirði sem hægt er að grípa til í svona stríðsástandi þar sem sjúklingar liggja svefnlausir á Landspítalagöngum? 

Þarf ekki að gera eitthvað í málunum sem varðar þjóðaröryggi sem þetta?

Voðaskot?

í Teheran þegar nýleg Boeing flugvél, nýkomin úr skoðun, skyndilega verður alelda í 8000 fetum 3 mínútum eftir flugtak og flugmennirnir neyta síðustu krafta til að stýra henni frá byggð þegar hún steypist brennandi til jarðar. Var spennan á gikkfingrinum hjá loftvarnasveit Íranska hersins of mikil þegar allt var á suðupunkti milli þeirra og Ameríkananna? Ætli klerkarnir vilji þess vegna ekki hleypa öðrum að rannsókninni á flugritunum?

Ég held að nýleg Boeing 737-800 detti ekki út loftinu alelda  svona fyrirvaralaust undir stjórn þaulreyndra flugmanna. Þarna var eitthvað skelfilegt á ferðinni.

Þetta var skelfilegt slys þar sem allir um borð farast.

Voðaskot?

Dómharka

Kolbrúnar Bergþórsdóttur um Trump Bandaríkjaforseta er makalaus. Hvaðan kemur þessari konu öll þessi vizka?

" Allt frá upphafi forsetatíðar Donalds Trump hafa duttlungar og ofsafengnar tilfinningar stjórnað gjörðum hans. Fólk sem hann valdi til samstarfs við sig hrökklaðist fljótlega hvert á fætur öðru úr Hvíta húsinu. Skynsemi og yfirvegun viku fyrir ringulreið og upplausn. Þannig var staðan strax í byrjun og þannig er hún enn. Það sem helst virðist sýna hvernig vindar blása dag hvern í Hvíta húsinu eru æði skringilegar og ofsafengnar Twitterfærslur forsetans. Ekki verður sagt að þær endurspegli eftirsóknarverða sálarró. Þvert á móti bera þær vott um hvatvísi, móðgunargirni og heiftarhug. Þegar þessar tilfinningar grassera innra með einum valdamesta manni heims þá er ekki von á góðu.

Heimurinn er svo sannarlega fullur af hættum en er nú orðinn enn hættulegri en áður eftir morðið á íranska hershöfðingjanum Qasem Soleimani, sem Trump fyrirskipaði. Soleimani, sem mun ekki hafa verið friðarhöfðingi, varð samstundis að píslarvotti í hugum Írana og morðið á honum gæti kallað hefndaröldur yfir Bandaríkin. Trump er þó vitanlega hvergi banginn og hótaði eyðileggingu menningarverðmæta Írana yrði hefnt fyrir morðið. Einhverjum virðist hafa tekist að útskýra fyrir honum að slíkt flokkast sem stríðsglæpur því nýlega dró hann nokkuð í land, en greinilegt var af orðum hans og fasi að honum þætti stórfurðulegt að slík aðgerð væri talin glæpsamleg. Þetta minnir á orð sem hann viðhafði eitt sinn um Genfarsáttmálann sem hann sagði vera vandamál, því hann fæli í sér alls kyns reglur og reglugerðir sem gerðu að verkum að hermenn væru smeykir við að berjast almennilega.

Það er með ólíkindum að maður eins og Trump skuli hafa orðið forseti Bandaríkjanna og þar með einn valdamesti maður heims.

Það er með enn meiri ólíkindum að hann skuli, eftir skelfilega stjórnartíð, eiga möguleika á endurkjöri.

Hugmyndaheimur hans er afar sérkennilegur. Í hans huga eru konur leikföng, innflytjendur hugsanlegir glæpamenn og múslimar alveg örugglega hryðjuverkamenn.

Það er nokkur raun fyrir friðsamar þjóðir heims að þurfa að eiga samskipti við Donald Trump.

Víst er að langstærsti hluti íslensku þjóðarinnar hefur á honum litlar mætur.

Það breytir þó engu um það að Bandaríkin eru mikilvæg vinaþjóð okkar og þeim samskiptum þarf að sinna. Um leið þarf að gæta að því að leggja ekki blessun sína yfir gjörðir Bandaríkjaforseta, sem er tilbúinn að leggja mannkyn í stórhættu til þess eins að þjóna duttlungum sínum.

Þingmaður Samfylkingar hafði orð á því á dögunum að Ísland ætti jafnvel að íhuga úrsögn úr NATO meðan Bandaríkjamenn væru þar svo fyrirferðarmiklir. Ekki er ástæða til að taka undir þau orð. Slíkt væri alls ekki gæfuspor fyrir Ísland.

Einangrunarhyggja dugar ekki. Ljóst er að flestum NATO-þjóðum hugnast ekki nýjasta útspil Bandaríkjaforseta og vilja halda aftur af honum, en um leið er ljóst að það verður ærið verk. Íslendingar eiga ekki að flýja þann félagsskap heldur taka þátt í því að standa vaktina og sýna ábyrgð."

Ég hef mætur á Donald Trmp og hef stutt hann frá fyrsta degi. Oft hef ég ekki verið bjartsýnn á að hann væri ekki að gera í buxurnar. En alltaf hefur hann kraflað sig upp. Í heildina hefur hann gert margt ótrúlega gott.

Ég myndi eiga erfitt með að taka ákvörðun um að kála manni í drónaárás, ég er andvígur mannvígum ef einhver leið er til að komast hjá þeim.Ég var því ekki mjög hamingjusamur með drápið á Solemanei og er ekki enn og á eftir að sjá langtíma árangurinn.Það eru hinsvegar aðstæður sem dráp eru hugsanlega nauðsynleg í stórveldapólitík sem ég  stjórna ekki sem betur fer eins og að drepa Osama Bin Laden og Bagdadi. Kannski er drápið á Solemanei réttlætt með langtímasjónarmiði Trumps sem ég þarf ekki að skrifa undir sem betur fer.

En dómharka Kolbrúnar Bergþórsdóttur yfirgengur mig. Það er ekki vandfundið slíkt allsherjarséní ef menn eru að leita að forseta  fyrir Ísland, formann í Samfylkingunni fyrir góðafólkið og opin landamæri. Svona dómharka yfir heilli þjóð sem er úrskurðuð allsherjar fífl af því að hún kýs  og endurkýs líklega Donald Trump sem sinn forseta. 

Núna eða seinna?

https://video.foxnews.com/v/6120632772001#sp=show-clips

Pete Hegseth segir núna.

Khameini með kjarnasprengju? Núna eða seinna? Hvað halda menn að hann geri með slíkt leikfang?

Hann heimtar blóð og manndráp núna. Halda menn að hann breytist seinna í friðardúfu verði hann við völd áfram?

Hann segist opinskátt vilja tortíma Ísrael og Bandaríkjunum.

Viljum við lifa í heimi  með þennan mann og álíka í forystuhlutverki?

Hugsanlega er aðeins um að velja núna eða seinna?

 

Jón Valur Jensson

er skyndilega burtkallaður aðeins sjötugur að aldri.

Það er mikill sjónarsviptir að Jóni Vali. Hann var mikill persónuleiki og frjór andi. Hann var rökfastur málafylgjumaður sem alltaf var gefandi að hlusta á eða lesa eftir. Hann hringdi oft á Útvarp Sögu og þá sperrti maður eyrun því Jón Valur fór aldrei með staðlausa stafi heldur var vel heima í hverju sem hann blandaði sér í. Á Moggabloggið kom hann iðulega til mín  og var vinsamlegur í minn garð og jákvæður.

Ég sakna vinar í stað þó að við hefðum aldrei talast við í eigin persónum heldur ávallt á ritvellinum. 

Það er sjónarsviptir af slíkum andans manni.Ég sakna vinar í stað þar sem cand theol Jón Valur Jensson var.

Innflytjendur, blessun eða bölvun?

Ég hef verið að hlusta á Útvarp Sögu talsvert. Þar er oft fjallað um málefni flóttamanna og hælisleitenda.

Það er oft látið liggja að því í daglegri umræðu að hver hælisleitandi og flóttamaður sé aðeins byrði á velferðarkerfi landsmanna og þetta fólk leggi ekkert til samfélagsins. Vissulega eru dæmi um slíkt að þessir flutningar séu aðeins kostnaður sem dragist frá getu samfélagsins til a hjálpa því fólki sem fyrir er. En  varla er þetta algilt.

Ég datt inn á ritgerð eftir Karen Halldórsdóttur og Sigrúnu Erlu Jónsdóttur við Háskólann í Reykjavík. Þær rannsaka möguleg áhrif innflytjenda á efnahagslíf Íslends.

Margt er athyglisvert en hinsvegar eru áhrifin ekki studd neinum raunverulegum tölum um áhrif heldur aðeins getgátur höfunda um þau áhrif sem atvinnuþátttaka þessara innflytjenda gæti haft. Engar tölur eða rannsóknir á raunveruleikanum fylgja þannig að lesendur eru jafnnær um hver raunveruleg áhrif hælisleitenda flóttamannastraumurinn hefur haft á efnahagslíf Íslendinga.

https://skemman.is/bitstream/1946/28228/1/BSC-ritger%C3%B0%20vi%C3%B0skiptafr%C3%A6%C3%B0i.pdf

Fullyrðingar eru hinsvegar margar sem gjarnan má skoða.

"Meira en milljón flóttamenn hafa komið til Evrópu síðastliðin ár vegna stríðsástands og átaka í löndum þeirra. Þeim hefur farið fjölgandi með hverju ári og er flóttafólk orðið eitt af áhyggjuefnum Evrópu í dag.

Í febrúar 2016 kom út skýrsla frá Alþjóðagjaldeyrissjóðnum sem hafði þann tilgang að skoða nýlega aukningu á flóttafólki í Evrópu út frá efnahagslegu sjónarmiði. Þessi skýrsla er undirstaða þessarar ritgerðar og voru útreikningar hennar yfirfærðir á íslenskt hagkerfi. Niðurstöður voru þær að þrátt fyrir að eyða tiltölulega lágum fjárhæðum til málefna flóttamanna og hælisleitenda er Ísland að uppskera aukna verga landsframleiðslu, en hún er að öllum líkindum til komin vegna aukinnar eftirspurnar á vörum og þjónustu. Greining á vinnumarkaðnum sýndi fram á að aukning á störfum hér á landi er mun meiri en aukning á vinnuafli og nauðsynlegt að flytja inn erlent vinnuafl til að viðhalda stöðugleika í efnahagslífinu.

Flóttafólk tekur við störfum sem heimamenn fúlsa við, auka lýðfræðilegan fjölbreytileika samfélagsins og aðstoða við að borga skuldir landsins. Að hjálpa flóttafólki í leit að öruggara og betra lífi er ekki bara góðgerðastarf hjá ríkinu heldur einnig ávinningur fyrir markaðinn og atvinnulífið. Flóttafólk hefur þjáðst nóg og móttökulönd ættu ekki að setja þeim stólinn fyrir dyrnar þegar það hefur nýtt líf. Það er hagur allra að nýta orku þeirra og hæfileika til hins ýtrasta."

"Niðurstöður voru þær að þrátt fyrir að eyða tiltölulega lágum fjárhæðum til málefna flóttamanna og hælisleitenda er Ísland að uppskera aukna verga landsframleiðslu, en hún er að öllum líkindum til komin vegna aukinnar eftirspurnar á vörum og þjónustu. Greining á vinnumarkaðnum sýndi fram á að aukning á störfum hér á landi er mun meiri en aukning á vinnuafli og nauðsynlegt að flytja inn erlent vinnuafl til að viðhalda stöðugleika í efnahagslífinu.

Flóttafólk tekur við störfum sem heimamenn fúlsa við, auka lýðfræðilegan fjölbreytileika samfélagsins og aðstoða við að borga skuldir landsins. Að hjálpa flóttafólki í leit að öruggara og betra lífi er ekki bara góðgerðastarf hjá ríkinu heldur einnig ávinningur fyrir markaðinn og atvinnulífið. Flóttafólk hefur þjáðst nóg og móttökulönd ættu ekki að setja þeim stólinn fyrir dyrnar þegar það hefur nýtt líf. Það er hagur allra að nýta orku þeirra og hæfileika til hins ýtrasta.

Flóttamenn geta ekki aðeins fyllt upp í þau störf sem vantar heldur geta þeir einnig búið til ný störf með því að stofna sín eigin fyrirtæki. Steve Jobs, stofnandi Apple, er sonur flóttamanns frá Sýrlandi sem flutti til New York á sjötta áratugnum (Jary, 2017) og Sergey Brin, einn af stofnendum Google, kom til Bandaríkjanna sem flóttamaður frá Sovétríkjunum þegar hann var sex ára gamall (Legrain, 2016). Samkvæmt skýrslu frá OECD eru innflytjendur líklegri en heimamenn til að stofna fyrirtæki (Desiderio og Mestres-Domènech, 2011) og opinberar tölur frá Ástralíu gefa til kynna að flóttamenn séu líklegastir innflytjenda til að stofna 13 sín eigin fyrirtæki; eftir tíu ára búsetu í Ástralíu hefur að meðaltali þriðjungur flóttamanna stofnað og rekið sitt eigið fyrirtæki (Australian Bureau of Statistics (ABS), 2015)."

"Að hjálpa flóttafólki í leit að öruggara og betra lífi er ekki bara góðgerðastarf hjá ríkinu heldur einnig ávinningur fyrir markaðinn og atvinnulífið. Flóttafólk getur lagt sitt af mörkum til samfélagsins sem starfsmenn, frumkvöðlar, skattþegnar, neytendur og fjárfestar. Tímabært er að hætta að líta á flóttafólk sem byrði fyrir samfélagið og leggja frekar áherslu á þau tækifæri og ávinninga sem skapast með komu þeirra. Með réttum áherslum við móttöku flóttafólks og nægilegu fjármagni ætti móttaka þeirra að uppskera bæði efnahagslega og samfélagslega ávinninga. 

Flóttafólk tekur við störfum sem heimamenn fúlsa við, auka lýðfræðilegan fjölbreytileika samfélagsins og aðstoða við að borga skuldir landsins og uppihald ellilífeyrisþega. Það eykur við menningarlegan fjölbreytileika og sköpunargáfu samfélagsins og margir koma til með að stofna sín eigin fyrirtæki.

Stærsti ávinningurinn er þó sá sem fer til 42 flóttamannsins sjálfs. Flóttafólk sem oft á tíðum kemur frá fátækum ríkjum til þróaðri hagkerfa upplifir margt í fyrsta sinn að búa í stöðugu og friðsælu velferðarsamfélagi, þar sem það sjálft og börn þess sjá fram á mun lengra og heilbrigðara líf. Flóttafólk hefur þjáðst nóg og móttökulönd ættu ekki að setja þeim stólinn fyrir dyrnar þegar það hefur nýtt líf. Það er hagur allra að nýta orku flóttafólks og hæfileika til hins ýtrasta."

 

Ég held að kominn sé timi til að fá tölur á borðið. Eru hælisleitendur að leggja eitthvað til atvinnulífsins á Íslandi eða er kostnaðurinn við móttöku þeirra bara á einn veg? Móttakan kostar okkur milljarða á ári. En kemur eitthvað til baka annað en hagnaður lögfræðiskrifstofanna sem mjólka sér hagnað undir yfirskyni mannkærleika?

Eru innflytjendur til Íslands raunveruleg blessun eða bölvun?

 

Verða fleiri hross úti?

í næsta manndrápsveðri?

Þá hafa hrosseigendur enga afsökun fyrir dýraníði. Útigangur hrossa er bara andstyggð og það á að draga menn til ábyrgðar fyrir slíka illa meðferð á málleysingjum.

Fylgjumst vel með hvort hross falla á útigangi.

Kverkatak klerkanna

á Írönskum almenningi? Hefur það herst við aftöku Solemaneis?

Khameini er illþýði af fyrsta klassa og blóðhundur. Klerkastjórnin er fasistastjórn sem kúgar allt með morðum og ofsóknum í Hitlerskum og Stalínskum stíl. Hundraðþúsund syrgjendur á torgi segja ekkert um það hvað almenningur er að hugsa. Mér er nær að halda að fýsin til að deyja fyrir klerkastjórnina sé kannski ekki dýpri en aðdáunin var á Hitler í Hamborg. Maður bara veit ekkert með internetið í Íran lokað og allar sannar fréttir kyrktar.

Verður bylting í Íran eða geta þeir klerkarnir og þjóðvörðurinn drepið nógu marga andstæðinga nógu hratt til að halda lokinu á suðupottinum? 

Ég finn til algers vanmáttar í upplýsingaleysi að skilja ástandið sem ríkir í Íran. Hver getur leiðbeint manni? RÚV? Helga Vala?

En klerkarnir hafa kverkatak sem stendur.