Furðupenni

Mogunblaðisins er Árni Matthíasson.

Ég hef lengi reynt að botna í skrifum hans en án árangurs. Þegar hann skrifar um græjur er hann flottur. En þegar hann fer í elítugírinn þá skilur með okkur.

Í dag skrifar hann furðupistil um okkur alla sem eru á öðru máli en hann. Pistillin er svona:(bloggari feitletrar að vild sinni)

"Nú má vel vera, kæri lesandi, að þú sért andvígur því að Ísland gangi í Evrópusambandið og líklegt reyndar í ljósi þess að drjúgur meirihluti Íslendinga hefur engan áhuga á að fara þar inn.

Ég geri engan ágreining við þig með það en hitt þykir mér forvitnilegra að fylgjast með því hvernig andúð á því sambandi er að þjappa saman öfgasinnum um álfuna alla og þá aðallega þeirri gerð öfgamanna sem nærist á þjóðernisöfgum og andúð á mannréttindum.

Dæmi um þetta eru legíó, til að mynda í austurhluta álfunnar, en líka í vesturhlutanum ótrúlegt en satt: Þriðjungur Pólverja og Ungverja lítur gyðinga hornauga, en þriðjungur Breta og 70% Ítala (!) hafa illan bifur á múslimum.

Víst hafa öfgahægrimenn (en svo nefnum við rasíska hægrimenn sem berjast fyrir „kristnum gildum“ og gegn fjölmenningu og vilja skerða borgaraleg réttindi) verið áberandi í Ungverjalandi og Póllandi, til að mynda, en þeir eru líka til í Bretlandi og Frakklandi og til að mynda er stærsti flokkur öfgahægrimanna í Evrópu franskur.

Nú hefur það kannski ekki farið framhjá þér að Bretar hyggjast kjósa fljótlega um veru sína í Evrópusambandinu. Sem áhugamanni um stjórnmál víða um heim, og ekki síst í Bretlandi, hefur mér þótt skemmtilegt að fylgjast með umræðu þar í landi um kosti og galla þess að vera í Evrópusambandinu, ekki síst eftir því sem meiri harka færist í leikinn og andófið tekur á sig æ meiri blæ þjóðernishyggju, útlendingaandúðar og rasisma.

Það kemur ekki á óvart í ljósi þess sem ég nefndi að ofan, enda virðast þeir sem mesta óbeit hafa á Evrópusambandinu þar í landi einmitt vera þeir sem eru í minnstu sambandi við umheiminn yfirleitt.

Þetta birtist til að mynda einkar vel í því bandalagi sem berst gegn sambandsaðildinni, svonefndum Vote Leave-samtökum, þar sem furðufuglinn Nigel Farage er innsti koppur í búri með sinn undirfurðulega sjálfstæðisflokk.

Annar furðufugl, Boris Johnson, borgarstjóri Lundúna og framámaður í baráttunni gegn Evrópusambandsaðild, hneykslaði svo allmarga með afskaplega heimskulegum, og í raun rasískum, ummælum um Bandaríkjaforseta um daginn. Þriðji furðufuglinn, Jean Marie Le Pen, formaður stærsta öfgahægrimannaflokks Frakklands, er svo á leið til Bretlands að taka þátt í baráttunni.

Þvílík þrenning!

Nú vill svo til að fylkingar í Bretlandi eru svo til jafnar, stundum eru þeir sem yfirgefa vilja Evrópusambandið aðeins fleiri, stundum hafa þeir sem vilja vera þar áfram yfirhöndina.

Mér finnst aftur á móti líklegt að eftir því sem þeir Já-menn verða vanstilltari í málflutningi sínum muni fjara undan þeim að sama skapi, enda ólíklegt að þeir sem eru á báðum vilji vera í slíkum félagsskap, eða hver vill stilla sér upp með öðrum eins liðssöfnuði?"

Eru svona krataskrif til áróðurs fyrir Evrópusambandið, svona sleggjudómar um fimmtung Breta sem kjósa Nigel Farage, Boris Johnson og LePen til þess að skemmta lesendum Moggans? Ef ekki skemmta þá til að æsa þá upp.

Allavega tókst honum alveg að ganga fram af mér í hrokafullri hreykni sinni.

Haninn á menningarhaug Moggans  galar svo hátt að einhverjir heyra og furðupenninn skráir fullyrðingarnar svo hver geti hirt sitt.

Trump er að toppa

 

 

 

 

 

 

 

 

 

 

 

 

Karlinn er kominn með 950 kjörmenn af 1237 sem hann þarf til að vinna. Hann fær hugsanlega 150 í dag.

Hér keppist kratastóðið við að kalla þennan mann fífl. Aðallega 101 liðið og góðafólkið sem allt þykist vita.

Hvað veit þetta lið sem Trump veit ekki ?

Hvað vita þeir Bandaríkjamenn sem eru sem óðast að vilja kjósa hann? Hvílíkt steigurlæti er í þessu liði þegar Trump er að toppa?

Það er árás

í gangi á íslenska menningu, þjóð og gildi.

Ég var að hlusta á Arnþrúði Karlsdóttur á Útvarpi Sögu halda þessu fram.

Þau Pétur minntust líka á kommúnistann Hugo Chavez sem tókst að eyðileggja efnahag Venezuela. Alveg eins Steingrímur J. Sigfússon setti þjóðina aftur um mörg ár með skattfrekju og afglöpum sínum á fjármálasviðinu.

Þangað kom líka  Viðar Gudjohnsen og talaði um þá skipulögðu afsiðun sem væri í gangi á Ísland. Það væri verið að grafa undan virðingu á stjórnkerfi okkar.

Það væri verið að grafa undan möguleikum unga fólksins til að komast yfir hús til að búa í. Þetta væri vegna þess að það væri búið að herða svo skattheimtuna að hún væri komin úr 35 % í yfir 50 % af vergri þjóðarframleiðslu.

Þetta væri Evrópskt vandamál og það væri hvað þó hvað skást hjá okkur þar sem alir hagvísar væru upp. Viðar sagði að það væri regluverkið frá Evrópusambandinu sem væri að gera okkur mesta óskundann sem gerði allt svo dýrt og eyðilegði þannig möguleika unga fólksins til að byrja á eignamyndun. Þetta vil ég taka heilshugar undir. EES samningurinn, og raunar Schengen til viðbótar,  er búinn að gera þessari þjóð meiri óskunda en flest annað. Við ættum að losa okkur við hann sem allra fyrst og einhliða ef ekki vill betur. Við þurfum ekkert af honum sem við viljum ekki sjálfir. 

Þau ræddu svo um hvort kosningar yrðu í haust Hvort Steingrímur J. Sigfússon klæmi aftur til valda með tilstyrk einhverra annarra. Hvernig hann myndi herða skattheimtuna á öllum sviðum eins og í Venezuela.

Ég viðurkenni að það setur að mér hroll þegar ég hugsa til þess að þetta geti gerst.  Að andlegur bróðir Hugo Chavezar í mynd Steingríms J. Sigfússonar komi hér til valda í haust eða síðar.Studdur af þessu andstyggðar regluverki EES sem er orðinn hreinn bölvaldur í íslensku þjóðlífi. EES er búið að stórauka hér skriffinnsku, innflæði hælisleitenda og hverskyns óþjóðalýðs á grundvelli Schengen samningsins.

Lýður sem hér veður uppi með leiðindi, ofbeldi og glæpaverk sem ríkisfjölmiðlarnir reyna eftir megni að þagga niður umræður um.

Þessi lýður tröllríður heilbrigðiskerfinu þar sem Íslendingar komast ekki að á slysó vegna mállausra útlendinga með fjóra túlka hver. Íslendingur á Höfn getur ekki fengið að tala við lækninn í næsta húsi nema að panta viðtal við hann í gegn um Hvolsvöll. Læknarnir á heilsugæslunni vinna  aukavinnu á Læknavaktinni þar sem maður getur hitt þá nema að þar mega þeir ekki skrifa tilvísun til sérfræðings. Til þess verður þú að hitta þá á heilsugæslunni.

Ég tek undir með Arnþrúði. Það er árás í gangi í allt sem íslenskt er.  Þetta er magnað upp af fámennri fantískri kratískri menningarelítu sem allt þykist vita og skilja umfram alla aðra. 101 Reykjavík öðru nafni.Holdgerfð í góða fólkinu.Sérstakur fulltrúi er Árni Matthíasson a Morgunblaðinu. Reynið að lesa bullgrein hans á Moganum í á míðopnu í dag 27.apríl.

 Þessi moldvörpustarfsemi er langt til komin með að eyðileggja það góða þjóðfélag sem við áður höfðum hér. Það er kominn tími til að segja þessari niðurrifsstarfsemi stríð á hendur og endurreisa okkar samfélag með því að minnka misrétti og yfirgang pólitíska peningaveldisins og lífeyrissjóðakerfisins eins og við erum búin að horfa upp á síðustu vikur. Stinga út fjósið eins og Jón Sigurðsson sagði að Framsóknarflokkurinn þyrfti að gera.

Hrindum árásinni.

Já miklir menn erum vér

 

Hrólfur minn.

Það var þá framkvæmdastjóri Framsóknarflokksins, Hrólfur Ölvisson sem þótti vænlegastur til að stjórna BM Vallá, Sementsverksmiðjunni, Björgun og Jarðborunum þegar dauðalistanum sleppti.Fjölþætt snilli og tækniþekking er mikill kostur þegar kemur að fyrirtækjarekstri. Auk þess að vera sáttasemjari í Framsóknarflokknum sem Höskuldur Þórhallsson myndi þekkja manna best.

Er ekki annars merkilegt hversu margir af helstu viðskiptajöfrum landsmanna tengjast þessum virðulega stjórnmálaflokki margra helstu ráðherra okkar í áratugi?

"Öl ber mér því Ölvi, öl gerir nú fölvan..."orti Skallegrimsen.  

Já miklir menn erum vér Hrólfur minn.

Varð einhver hissa?

þegar nöfn ýmissa stórlaxa tengdum stjórnmálasviðinu birtust í Panamaskjölunum?

Höfðu ekki margir fyrir löngu myndað sér þá prívatskoðun á þessum mönnum að þeir hefðu bara verið harðsoðnir eiginhagsmunaplógar sem hefðu fyrst og fremst notfært sér pólitíkina í eiginhagsmunaþágu fremur en hugsjónalega?

Þó þeir væru hættir í pólitík þá væru þeir enn með flokkstimpilinn á enninu?

Varð nokkur í rauninni hissa?

Flugumferðarstjórar

eru merkilegt fyrirbrigði.

Ég veit ekki betur en að vinnuveitandi þeirra, íslenska ríkið(finnst einhverjum þetta vera honum sjálfum skylt eða í eigu einhverra annarra?) sjái um menntun þeirra alfarið og greiði þeim kaup á meðan. Síðan er íslenska ríkið eini vinnuveitandi þeirra og semur við þá um kaup og kjör.

Nema að svo mynduðu útskrifaðir stjórar með sér stéttarfélag. Allt í einu eru þeir konir með völd til að ákveða hversu marga megi mennta til starfa og hverja.  Einhverja gæti grunað að þessi fjöldi sé ákveðinn með tilliti til þess hversu mikla yfirvinnu félagið telji hæfilega fyrir hvern félagsmann.

Þetta hefur svo gengið með áhrifamiklum verkföllum þannig að flugumferðarstjórar eru með hæst launuðu starfsmönnum ríkisins.

Eitthvað svona kerfi var við lýði í Bandaríkjunum á sínum tíma. Félagið hét Patco.  Þegar þeir höfðu gengið fram af Reagan forseta í heimtufrekju rak hann alla félagsmennina og lagði blátt bann við því að nokkur þeirra fengi aftur starf hjá alríkinu. Hann setti herinn til bráðabirgða inn og hraðsauð svo nýtt fólk til starfa.

Hérna virðist þessi söfnuður eiga allskostar við íslenska ríkið. Þeir stjórna ríkinu hvað flugumferðarstjórn áhrærir. Ef Humpfreyarnir vilja ekki makka þá gera þeir skrúfu og hrella almenning og fyrirtæki í flugrekstri sem æpa og skrækja þangað til gengið er að kröfum þeirra.

Er einhver munur á þessu og starfsemi skipulagðra bófaflokka? Jú, þetta er kallað stéttarfélag með heilagan samningsrétt. Enginn virðist vita hvaðan það kemur, fyrir hvern það vinnur og á hvaða forsendum. Það er engan hægt að reka, það er engan hægt að ráða nema þá sjálfa.

Þetta er bara Ísland í dag. Flugumferðarstjórar eru ósnertanlegir.

 

Heyr á endemi Ólína Kérúlf

hvaðan í veröldinni kemur þér sú viska að ríkisstjórnin okkar sé komin á enda og eigi að fara frá? Um þetta bullar þú á Sprengisandi rétt í þessu.

Veistu ekki að hún hefur 38 Alþingsimenn á móti ykkur tætingsliðinu sem vitið ekki hvert þið eigið að horfa til að finna hvaðan vindurinn blæs? 

Mér finnast það svik við mig sem átti þátt í því að koma þér sem lengst frá völdum að fá ekki lengra frí frá þér og þinni visku. Ég krefst þess að stjórnin sitji út kjörtímabilið bara til þess að halda þér áhrifalausri sem allra lengst.

Heyr á endemi Ólína Kérúlf.

Engum manni er Trump líkur

"at hvatleik sínum og áræði."

-og þó.

Nú segir hann flokksstjórn Republikanaflokksins míns að hann ætli að hafa hamskipti-Metamorhosis. Verða Forsetalegur í tali hér eftir og segja skilið við stórkarlalega fortíð framboðsins síns. Hann sér sigurinn í augsýn og skiptir um gír. Enginn frýr honum vits fremur en Hvamm-Sturlu.

Einn sem einhverjir þekktu tók sér tvö kjörtímabil í það að breyta sér úr kommúnista og andstyggð góðra manna yfir í landsföður. Og svo aftur í eftirlætisgoð millanna. Og svo aftur í landvætti sem sumir barnslegir sóru eiða á hættustundu. Engu breytir þó vissulega hafi komið timar sem í lífi Hrafnkels Freysgoða. Þeir eru skuldbundnir sjálfum sér og eið sínum og geta hvergi flúið sjálfa sig fremur en Hrafnkell gat.

Því er fróun í því fólgin að fylgja líka erlendum kappa í anda og hvika hvergi fremur í trúnaði við hann.

Því engum manni er Trump líkur þar westanhafs að "hvatleik sínum og áræði".

Friðkaupastefna

var á sínum tíma búið til sem heiti á undansláttarpólitík Neville Chamberlain við ágangi Adolf Hitlers. Friður um okkar daga sagði Chamberlain heimkominn af Münchenarfundinum með Adolfi og Bretar fögnuðu honum skiljanlega heilshugar. Alltof margir mundu hryllinginn í forinni í Flanders. Hann var kallaður urrandi stríðsæsingamaður úti í horni hann Winston Churchill, þessi "hálfameríska fyllibytta" eins og Hitler kallaði hann.

Það er merkilegt að í stjórnmálum verða menn alltaf að taka út sársauka á sjálfum sér áður en þeir hverfa frá trúnaði við þá sem segja að allt reddist þetta blessunarlega eins og Chamberlain virkilega vildi. Núna upplifum við svipaða tíma gagnvart ágangi Islam. Við kaupum frið af þeim en þeir láta ekki staðar numið frekar en Adolf. Þeir eru einbeittir í illsku sinni eins og hann. Við hrekjumst undan frá einni skotgröf í aðra.

Jón Magnússon gerir hina nýju friðkaupastefnu leiðtoga Vesturland að umtalsefni í grein í Morgunblaðinu í dag.

Fyrir  þá sem ekki lesa Morgunblaðið set ég greinina hér í þeirra von að einn og einn sérvitringur slysist á að að lesa hana hér. Jón segir:(Bloggari beitir feitletrunum að eigin vali)

"Þann 31. október 1934 kvað Hæstiréttur Íslands upp dóm í máli valdstjórnarinnar gegn Þórbergi Þórðarsyni rithöfundi og dæmdi hann í 200 króna sekt fyrir þá landráðasök að hafa móðgað kanslara Þýskalands, Adolf Hitler, með því að kalla hann blóðhund. Þáverandi dómsmálaráðherra höfðaði málið að kröfu þýskra stjórnvalda.

Þann 15. apríl 2016 ákvað Angela Merkel Þýskalandskanslari að höfða mál á hendur grínistanum Jan Böhmermann að kröfu tyrkneskra stjórnvalda fyrir að móðga forseta Tyrklands með því að segja að hann kúgaði minnihlutahópa, kristið fólk og Kúrda.

Þann 26. september 2015 var ráðstefna í danska þinghúsinu í Kaupmannahöfn. Fjallað var um Múhameðsteikningarnar í Jótlandspóstinum og tjáningarfrelsið. Liðin voru 10 ár frá birtingu þeirra. Rithöfundurinn og blaðamaðurinn Henryk Broder flutti þar erindið „Say goodbye to Europe“. Spurður eftir erindi Broders hvernig mér hefði fundist það svaraði ég að þetta hefði nú verið meira svartagallsrausið. Í erindi sínu vék Broder að takmörkun tjáningarfrelsis í Evrópu, sérstaklega þegar vikið væri að íslam. Hann sagði m.a. að Evrópa hefði framið sjálfsmorð á grundvelli hugmynda um frið, umburðarlyndi og fjölmenningu. Heigulsháttur og hugmyndafræðileg uppgjöf Evrópu væri í dularklæðum umburðarlyndis.

Þann 25. október 2015 sá ég að Broder hafði rétt fyrir sér. Þá virti Sjálfstæðisflokkurinn ekki tjáningarfrelsið og kom í veg fyrir málefnalega umræðu um málefni flóttamanna og hælisleitenda. Þegar flokkur sem kennir sig við einstaklingsfrelsi og einstaklingshyggju virðir ekki tjáningarfrelsið stendur hann ekki lengur fyrir þær hugsjónir sem hann var stofnaður til að standa vörð um. Heigulsháttur og hugmyndafræðileg uppgjöf birtist þar í dularklæðum umburðarlyndis.

Angela Merkel hefur ákveðið að ríkisstjórn Þýskalands skuli ráðast gegn tjáningarfrelsinu og ákæra listamann fyrir grín um Recep Tayyip Erdogan Tyrklandsforseta að ósk hans. Erdogan hefur fangelsað alla blaða- og fréttamenn Tyrklands sem hafa vogað sér að gagnrýna hann og benda á staðreyndir um stjórnarfarið í Tyrklandi. Ákvörðun Merkel um að ríkið ákæri listamann að kröfu Erdogans er tekin þrátt fyrir að Erdogan hafi sjálfur höfðað mál gegn listamanninum fyrir saksóknara í Mainz. Frægasti sonur Mainz er Johannes Gutenberg, sem fann upp prentvélina, sem varð upphaf nútímalegrar tjáningar. Óneitanlega sérstæð tilviljun. Það er dapurlegt að svo skuli komið fyrir Kristilegum demókrötum í Þýskalandi, flokki Konrads Adenauer, sem nasistar sviptu embætti og komu í útlegð, að hann skuli standa fyrir aðför að tjáningarfrelsinu.

Á sama tíma fordæma Græningjar í Þýskalandi Merkel og segja að hún hefði átt að gera Erdogan það ljóst að það sé tjáningarfrelsi í Þýskalandi og segja honum að virða tjáningarfrelsið heima hjá sér. Formaður Sósíaldemókrata í Þýskalandi fordæmir ákvörðunina, hún samrýmist ekki nútímalýðræði. Flokkar hægrimanna í Evrópu stóðu vörð um tjáningarfrelsið þegar sótt var að frelsi og mannréttindum á grundvelli heildarhyggju kommúnismans.

Nú er sótt að frelsi og mannréttindum á grundvelli heildarhyggju íslam. Þá bregðast helstu flokkar hægrimanna í Þýskalandi og Íslandi. Hlutlægar, málefnalegar umræður um íslam og málefni innflytjenda eru ekki heimilaðar og Kristilegi demókrataflokkurinn í Þýskalandi stendur fyrir pólitískri ákæru á hendur listamanni að kröfu blóðhundsins Erdogans Tyrklandsforseta. Hugmyndafræðileg uppgjöf stjórnenda þessara flokka er alger.

Fyrir tíu árum vísaði Anders Fogh Rassmusen, þá forsætisráð- herra Dana, sendimönnum íslams út þegar þeir kröfðust þess að hann bannaði Múhameðsteikningarnar í Jótlandspóstinum og þeim yrði refsað sem bæru ábyrgð á gerð þeirra og útgáfu. Anders Fogh benti þessum kauðum á að í Danmörku væri tjáningarfrelsi og ríkisstjórnir legðu ekki hömlur á það.

Tjáningarfrelsið er mikilvægustu mannréttindi á hugmyndafræðilegu markaðstorgi lýðræðisþjóðfélaga. Reynt er að vega að því með margvíslegum hætti. Íslamistar og taglhnýtingar þeirra ákæra fólk eins og Oriönu Fallaci, sem nú er látin, Mark Steyn, Geert Wilders o.fl. o.fl., sem staðið hafa fyrir málefnalegri umfjöllun um íslam. Ruglaðasti hópur stjórnmála- og háskólaelítunnar úthýsir málefnalegri umræðu m.a. með því að rugla hugtakið hatursumræða og banna eða útvísa umræðu um mikilvæg þjóð- félagsmál.

Innanríkisráðherra Sjálfstæðisflokksins skipar sérstakan lögreglufulltrúa til að koma í veg fyrir málefnalega umræðu fari hún yfir þau geðþóttamörk sem þöggunarsinnar telja heimila. Skoðanalögregla Reykjavíkurborgar lúsles skrif borgarstarfsmanna að næturþeli og veitir þeim tiltal að geðþótta.

Lýðræðissinnar, hvar í flokki sem þeir standa, verða að rísa upp gegn þeirri ógn sem sóknin gegn tjáningarfrelsinu er. Sókn sem vegur að mikilvægustu mannréttindum og lýðfrelsi. Það verður að gera á sama grundvelli og lýðræðissinnar brugðust við heimsyfirráðastefnu kommúnismans. Nú snýst málið um heimsyfirráðastefnu öfga íslam."

Skaðaðu ekki skálkinn svo hann skemmi þig ekki var góð og gild aðvörun til þeirra sem vildu forðast slagsmál. Hin nýja friðkaupastefna þess liðs sem nú tranar sér mest fram á leiksviði stjórnmálanna reynir að þagga alla gagnrýna umræðu niður með upphrópunum um rasisma og nasisma.

Munu þeir tímar koma að menn iðrist þeirra friðkaupa sem nú standa yfir?

 

Gleymið ekki öllu

því sem Ólafur Arnarson skrifaði 15.nóvember 2011 á Pressunni um þátt þáverandi fjármálaráðherra Steingríms J. Sigfússonar um innheimtur skulda íslenskra heimila eftir hrun.

Þá voru einnig völdum skuldakóngum gefnar upp sakir samkvæmt sérstökum dauðalista stjórnvalda sem voru Norræna Velferðarstjórnin þeirra Jóhönnu Sigurðardóttur og Steingríms J. Sigfússonar. Sú stjórn átti það eina hreina stefnumál eftir að troða Íslandi í ESB með illu fremur en góðu.En sú stjórn var látin lifa sjálfa sig átölulaust og umboðslaus í hálft kjörtímabil án þess að tunnur væru barðar og eldar kveiktir.

 

Ólafur skrifar m.a. svo:

"Þetta vekur stórar spurningar. Hvenær vissi FME að vogunarsjóðir ættu miklu meira en helming krafna í gömlu bankana? Alþjóðlegir fjármálamarkaðir hafa vitað þetta frá því á árinu 2009 og ég benti á það í pistli í maí 2009 að upphaflegir lánveitendur íslensku bankanna væru búnir að selja skuldabréfin í þeim á hrakvirði en fjármálaráðherra seldi ekki bankana í hendur kröfuhafa fyrr en árið 2010, með samþykki FME. En hvenær vissu fjármálaráðherra og forstjóri FME af þessu? Vissu þeir kannski aldrei neitt í sinn haus?

Fjármálaráðherra og forstjóri FME skulda skýringar á því hvers vegna þeir færðu hrægammasjóðum íslenska bankakerfið á silfurfati. Ráðherrann hafði enga lagaheimild til að selja hlut ríkisins í nýju bönkunum og FME virðist hafa gefið blessun sína þrátt fyrir það og þrátt fyrir að kaupendurnir væru alræmdustu spákaupmenn samtímans – þeir hinir sömu og áður höfðu hagnast á því að taka stöðu gegn Íslandi á afleiðumörkuðum í aðdraganda hruns.

Íslenska þjóðin hlýtur að geta krafist skýringa á því hvers vegna fjármálaráðherra seldi vogunarsjóðum bankana og skotleyfi á skuldara án lagaheimildar og komst upp með það. Myndum við ekki krefjast rannsóknar ef yfirvöld gerðu samning við dæmda barnaníðinga um dagvistun barna?"

Þetta er sami fjármálaráðherrann og ætlaði að leggja Icesave á herðar íslenskra skattgreiðenda með Svavars(Gestssonar)samningunum "glæsilegu". Þeir samningar hefðu þýtt að 280 milljarðar hefðu verið á gjalddaga núna sem vextir af skuldinni sem væri öll eftir ógreidd.

Þessi maður var formaður Vinstri Hreyfingarinnar,-Græns Framboðs, skammstafað VG. Hann setti svo Katrínu Júlíusdóttur fyrir sig af klókindum til að hafa fallegri framhlið út á við þar sem hann hafði sjálfur hlotið nokkuð blendið rygti eftir sínar lækningatilraunir efnahagsmeina.

Enginn velktist þá í vafa hver þó réði mestu um för VG frá fámennum leiktjaldasýningum félagsins, hver legði öll ráð, hver hefði hin raunverulegu völd. Þetta virkaði svo vel að sakleysingjar íslenskir í skoðanakönnunum hafa mest traust á Katrínu þessari Júlíusardóttur til allra stjórnmálastarfa. Það virðist engar spurningar hvarfla að þeim hvort hún sé hinn engifríði holdgervingur traustsins eða aðeins strengjabrúða hins reynda stjórnmálarefs sem hefur setið 33 ár á Alþingi?

Svo blessaði Guð Ísland eftir hrunið og fyrirsjáanleg svik Samfylkingarinnar sem allir núverandi forystumenn þess félags stóðu að, að þessi kaleikur var frá íslenskri þjóð tekinn. Í heimi fjölmiðlanna var Samfylkingin ekki einu sinni í hrunstjórninni heldur bara Geir H. Haarde og Sjálfstæðisflokkurinn einn og óstuddur.

Almenningur er hinsvegar aldrei minntur á það að þessi stjórn bjargaði þjóðinni með neyðarlögunum svo langt sem hún náði áður en hún var barin út með trumbuslætti og brennum Austurvallarindíánanna.Heljartök þessa liðs á meirihluta fjölmiðlunar landsmanna hræra samt steypuna allar götur síðan með rangupplýsingum, rógi og hálflygum, svo að stór hluti hennar trúir því að tunnubarsmíðar fárra þúsunda eigi að ráða stjórnsýslu lýðveldisins.

 

Frá dögum Brunos virðist alltaf hægt að finna heilaga einfeldninga til að leggja sprek í bálkesti feigðarinnar. Það er það verkefni sem Steingrímur heldur að sínu sporgöngufólki með stuðningi meirihluta fjölmiðlanna,  því hvenær sem upp kemur álitamál er hann eða Katrín spurð fyrst um álit.

Það væri óskandi að einhverjir myndu ekki gleyma sögunni þegar Austurvallarsöfnuðurinn er búinn að berja styttingu kjörtímabilsins og núverandi hagvaxtartímabils inn í stjórnskipunina. Búið að ná fram skaða á efnahag þjóðarinnar og lífskjörum  með því að koma henni hálfu ári  fyrr í hendur fákunnáttu og draumlyndis. Andri Snær Magnason, Hallgrímur Helgason,Birgitta Jónsdóttir, Katrín Júlíusdóttir og Árni Páll Árnason skipa framvarðasveit hins nýja Íslands. Ráðgjafarnir verða Steingrímur J. Sigfússon, Magnús Orri Schram og Helgi Hrafn Gunnlaugsson.

"Íslands ógæfu verður allt að vopni" sagði maðurinn. Það væri æskilegt að þið kjósendur gleymið samt ekki öllu strax og hoppið í kanálinn þó að ykkur sé daglega sagt að gera það af RÚV, Fréttablaðinu, Stöð2 og 101 liðinu.

Hversvegna er ég snuðaður?

um fríið frá því að hafa vinstri villingana yfir mér í landstjórninni? Það átti að standa í full fjögur ár. En nú heimta þeir afslátt og fá hann hjá mínum mönnum sem ég kaus.

Ég kaus þá frá því þeir gerðu mér ekkert nema óleiki og andstyggilegheit á alla enda og kanta og sátu heilt kjörtímabil siðferðilega og tæknilega steinrotaðir.Þeir sátu og sátu og kvöldu land og lýð. Enginn barði tunnur þess vegna.Aumingjar sem við erum alltaf íhaldið.Að .þora ekki að berja þetta lið sundur og saman á Alþingi.

Af hverju er verið að taka af mér nærri þrjá fjórðu úr ári sem ég á inni af fríi frá þeim? Af hverju á að hugsanlega að dæma mig til vistar undir landsstjórn Birgittu Jónsdóttur sem ég vantreysti mjög til þeirra verka. Ég gæti meira að segja endað með þessa mánuði undir Steingrími J. Sigfússyni sem ég þoli alls ekki vegna fyrri reynslu.

Af hverju á að snuða mig um fríið af því að einhver háttsettur Tortólugaur úr Samfylkingunni lemur olíutunnur á Austurvelli? Eru það Framsóknarmennirnir sem bregðast svona við alltaf til vinstri ef á reynir?

Vilhjálmur Bjarnason skrifar góða grein um snuðarahátt Framsóknar í Moggann í dag sem allir ættu að lesa. Þeir eru líklega gerendurnir í friðkaupastefnunni.

Þroskaður frambjóðandi

er kominn fram og býður fram þjónustu sína.

Þannig lýsir Forsetaframbjóðandi sjálfum sér og Íslendingum: 

„Að vera Íslendingur er eins og að eiga þroskaheftan síamstvíbura,“ segir Andri Snær Magnason rithöfundur á Facebook síðu sinni í kvöld. Þar lýsir hann óánægju sinni með kjósendur Framsóknarflokksins á satírískan máta en formaður flokksins tilkynnti í dag að hann hefji formlegar viðræður með Sjálfstæðisflokknum um stjórnarmyndun.

Svohljóðandi er satíra Andra Snæs: „Ég kaus Framsókn vegna þess að mér var lofað 100% láni og hlustaði ekki á viðvaranir um ofþenslu á sama tíma og Kárahnjúkar voru í byggingu en þegar kerfið hrundi kaus ég Framsókn til að lækka lánið sem ég tók þrátt fyrir aðvaranir því það á að sækja 300 milljarða til útlendra sílamáfa og láta mig fá þá beint í vasann í staðinn fyrir að borga skuldir ríkissjóðs þótt viðskiptahallinn aukist þegar ég sólunda aurnum núna fyrirfram en það má sprengja upp krónuna tímabundið með ati í Helguvík og ef ég missi húsið í því hruni þá get ég kosið Framsókn út á lolololoforð um 100% lán og ... ehh að vera Íslendingur er eins og að eiga þroskaheftan síamstvíbura."

Mikið rosalega er gott að vita af því að þjóðin skuli eiga og framfæra svona snillinga með 18 milljónum fyrir eina bók  til að sækjast eftir Forsetaembættinu.Já, það er orðin breyting á frá dögum Bólu-Hjálmars.

Hvað er eiginlega að mér sjálfum að virða íslenskt þjóðerni, tungu og sögu og vilja varðveita þetta?

Ég hlýt að vera þessi þroskahefti bróðir rithöfundarins.