Ó þú dýrðlega Samfylkingarsumar

sem blasir við í beinni útsendingu frá flokksfundum fylkingarinnar um land allt. 

Þar kenna þeir forystunni um ófarir flokksins í skoðanakönnunum. Ekki gerum við Sjálfstæðismenn það.Oj bara. Gleðin er heilust og dýpst við það smáa.

Þeir kratar halda að Sigríður Ingibjörg geti öllu reddað bara ef þeir gráskjóni og móskjóni fari frá, gangi úr flokknum og láti aldrei sjá sig þar aftur. Þá sigli flokkurinn hraðbyri upp á stjörnuhimininn með nýja og ferska stefnu sem fólkið fellur fyrir.

Nú verður það aðild að Evrópusambandinu, aðild að Evrópusambandinu og aðild að Evrópusambandinu sem blífur.Og svo og ný stjórnarskrá með nægilegum fullveldisframsalsheimildum fyrir alþjóðahyggju og aðild að Evrópusambandinu, meira beinu lýðræði og minni kratisma á öllum sviðum nema þar sem regluverk Evrópusambandsins kemur í veg fyrir sjálfstjórnarslys.

Svo koma fleiri flóttamenn, meiri vaxtabætur, barnabætur, húsaleigubætur, framfærslubætur, meiri jöfnuður meðal fátæks fólks sem verði ávallt sem jafnfátækast. Hærri laun komi fyrir embættismennina, meiri styrki fyrir listir og aðrar ölmusur. Meiri skatta og fleiri skatta, hærra bensínverð, minni útblástur, þrengri götur, færri bíla og fleiri reiðhjól.Og niður með Ísrael.  

Mikið er gott að þeim dettur aldrei í hug að það sé eitthvað að stefnunni sem gangi bara ekki upp hjá kjósendum? Kjósendur vilji þetta bara ekki?

Kaldhæðni kjósenda kemur svo í ljós þegar Bjarta framtíðin hans Guðmundar Steingrímssonar verður helsvört nótt og sá möguleiki að eftir tvö ár muni enginn nema nákomnir muna eftir nafni hans né Marshalls meðreiðarsveinsins.

Ekkert af þessu gildir um VG, þar verður áfram boðið upp á Steingrím J. og fjármálaspeki hans, Hjörleif  Gutt og félaga Svavar. Sá flokkur þarf ekki að liggja yfir stefnumálum þar sem hann hefur bara eins klára stefnu í öllum málum. Sú stefna heitir heitir hentistefna. Hún gildir við öll tækifæri sem Steingrími J. bjóðast til eigin frama. Á henni klikkar þetta kompaníi ekki.

Ó þú dýrðlega vinstra vor.

Dýrasta skipið

sem Íslendingar hafa byggt til þessa var sagt að væri Polarsyssel sem Fafnir Offshore lét byggja.

Ég fór að lesa Orkublogg Ketils Sigurjónssonar sem ég geri greinilega of sjaldan. Þetta er vandað blogg og skrifað af þekkingu.

Því þarna sé ég leiðinlegar fréttir  af útgerð skipsins Polarsyssel sem ég fylgdist með dálítið þegar það var í smíðum. Þá fannst mér það vera mikil gleðitíðindi að íslenskt útrásarfyrirtæki Fáfnir Offshore sem Steingrímur Erlingsson útgerðarmaður var frumkvöðull að, stæði í slikri útrás.

Félag sem hann stofnaði, Fafnir Offshore, fékk nefnilega margra ára þjónustusamning við norska sýslumanninn á Svalbarða um að þjónusta eyjuna og skeggjana þar á. Skipið átti svo að harka á olíumarkaði hina mánuðina, en þá var mikið búmm í öllu sem olíu tengdist og allir sem vetlingi gátu valdið þustu tl Noregs að vinna. Ég gat ekki farið með vegna aldurs né heldur fékk ég tilboð að gerast hluthafi í Fáfni enda líklega kominn á tíma.

Það breytir því ekki að ég gladdist að sjá þetta verða til. Það streymdu þarna að öflugir hluthafar og stórmenni og ég vissi ekki betur en allt væri á réttri leið.

Nú segir Ketill 21.1.2016 :(þessi Bloggari feitletrar)

„Fyrir um tveimur árum ákváðu íslenskir bankar að gerast bæði lánveitendur og fjárfestar í þessari þjónustuskipaútgerð. Tímasetningin hjá bönkunum íslensku gat vart verið óheppilegri. Því með fallandi olíuverði hefur stór hluti af verðmæti bæði Havila og Havyard á hlutabréfamarkaði gufað upp. Havyard er í verulegum vandræðum og Havila er á barmi gjaldþrots. Augljóst er að helsta ástæða þess að skipaútgerð Sævik nálgaðist fé hjá íslenskum bönkum er að þeir bankar voru tilbúnir í meiri áhættu en norskir bankar. Íslenskir bankar komu einnig að fjármögnun Fáfnis Offshore. Þar er skipið Polarsyssel með ónóg verkefni og engin verkefni hafa verið tryggð fyrir hitt skipið;Fáfni Viking. Sem Fáfnir Offshore á að fá afhent frá Havyard á næsta ári; 2017.

Þarna er þó tækifæri til að bjarga verðmætum. Þar skiptir miklu að félagið gæti sín á því að uppfylla skilyrði í samningi sínum við Sýslumanninn á Svalbarða, en þar hefur stjórn fyrirtækisins undanfarið verið á mjög hálum ís. Ekki síður skiptir miklu að fyrirtækið nái að finna farsæla lausn vegna Fáfnis Viking. Þar er sennilega besta tækifærið fólgið í því að nýta eftirspurn vindorkuiðnaðarins eftir þjónustuskipum.

 

Í Norðursjó, þ.e. við strönd landa eins og Bretlands, Danmerkur og Hollands, hefur verið góður vöxtur í byggingu stórra vindrafstöðva. Þessi vindorkuver í hafinu þurfa talsverða þjónustu og til þess eru smíðuð sérstök þjónustuskip sem kallastService Operation Vessels (SOV). Það væri vafalítið skynsamlegast fyrir Fáfni Offshore að breyta hönnun Fáfnis Viking úr PSV í SOV og um leið tryggja skipinu samning í vindorkuiðnaðinum í Norðursjó. Þar er t.a.m. þýska Siemens umsvifamikið og hefur undanfarin misseri verið að leita eftir aukinni þjónustu SOV í tengslum við sinn rekstur. 

Helsti ókosturinn við að breyta hönnum Fáfnis Viking úr PSV í SOV er sá að það væri nokkuð kostnaðarsamt. Á móti kemur að skipasmíðar sem flokkast undir SOV eiga mun greiðari aðgang að fjármögnun, þar sem lánatíminn er lengri en ef um er að ræða PSV. Þar að auki bjóðast svona skipum mjög langir þjónustusamningar. Þess vegna er rekstur slíkra skipa augljóslega áhættuminni en gerist í PSV-bransanum. Þetta væri því farsælasta leiðin fyrir Fáfni Offshore vegna Fáfnis Viking.“

Ekki er mér ljós hver sé aðkoma Ketils að Fafnir Offshore en hann virðist býsna vel inni í atburðum sem þar gerast. Í fréttum var að Steingrími Erlingssyni var sagt upp störfum hjá félaginu, en ekki hef ég spurnir af því af hverju.  

Nú er ég með þér sem sé orðinn eigandi að þessu með öðrum landsmönnum í gegn um tvo íslenska ríkisbanka. Þetta mál kemur mér þá líklega við. Auk þess sem ég hef grun um að Lífeyrissjóðurinn minn hafi lagt í þetta fé og muni mögulega lækka lífeyrinn minn ef snillingarnir sem ég kaus aldrei og ekki til að stjórna sjóðnum mínum,  tapa fé úr honum einu sinni enn. Hvaðan kemur mönnum svona meðfædd snilld til að stjórna lífeyrissjóðum án þess að hafa lært grunnatriði í fjármálum eða hvað annað en að kunna á bíl?

Hvað er að gerast þarna? Ég hef úr fjölmiðlum upplýsingar um að eitthvað sé sé þess valdandi að mjög svo hagstæður samningur við Sýslumann um Polarsyssel og Svalbarða sé jafnvel í uppnámi og framlenging sem boðin var á honum um 3 mánuði árlega sé í vindinum líka. Steingrímur vinur minn er fámáll og vísar á stjórnina í Fafnir Offshore og stjórnarformanninn nýja Jóhannes sem kom í stað Bjarna nokkurs Ármannssonar sem landsmenn þekkja fyrir ýmsar tiltektir í fjármálum.

En ég þóttist skynja af öllu þessu að ekki er allt í lagi eins og Ketill Sigurjónsson staðfestir núna með skrifum sínum og ræðir um opinskátt.

Nú er mér sagt utan úr bæ að jafnvel standi til að endurskipuleggja  félagið eins og það er kallað  í þeim tilgangi að útiloka einstaka hluthafa. Ég get upp á því að það sé Steingrímur Erlingsson frekar en Bjarni Ármannsson.  Svona er  gert með því að færa gamla hlutaféið niður í núll og afhenda félagið svo þeim sem geta komið með eitthvað nýtt fé. Og hverjir eiga alltaf nóg fé þegar eitthvað á að gera? Það eru þeir sem eiga endalausa uppsprettulindir frá striti almennings sem á allt en ræður engu.Jú, lífeyrissjóðurinn minn ves frá viku til viku. Hann getur borgað endalaust á minn kostnað.

Hvers konar makk er þarna á ferðinni? Mér finnst að þarna þurfi allar upplýsingar að koma á borð almennings sem tengist þessu máli óbeint. Almenningur á undir því  að hagsmunir lífeyrissjóða séu ekki fyrir borð bornir.  Almenningi á ekki heldur að vera sama hvernig farið er með eigur hans í ríkisbönkunum.  Lífeyrisþegum og eigendum lífeyrissjóða er ekki sama um það hvort er verið að tapa fé þeirra að nauðsynjalausu.  

Á ekki  núverandi stjórn Fáfnis Offshore að gera almenningi grein fyrir gangi mála, og hvað veldur því að ekki er hægt að fá upplýsingar um framtíðarhorfur félagsins og stöðu samningsins við Sýslumanninn á Svalbarða?

Ég fullyrði að fleiri en ég urðu stoltir þegar fréttir sem bárust af því að smíðin á Polarsyssel sem dýrasta skipi Íslendinga væri hafin. Svona framtak er auðvitað fréttnæmt og fólk vill fylgjast með.

Fjölmiðlar virðast ekki hafa haft mikinn áhuga á að fylgja þessu máli eftir sem ekki virðist nú vanþörf á þegar dýrasta skip Íslendinga á í hlut.

.

 

Piratar eru vinstriflokkur

eins og þeir gerast bestir.

Samfylkingarmenn eins og Össur eru farnir að hugleiða að hlaupa frá borði sökkvandi skips. Óli Björn skrifar að vanda prýðilega grein í Morgunblaðið og fer í gegn um málið. Í lok greinarinnar tilfærir hann beint eftir Össuri hvernig mál Pírata falla saman við þau stefnumið sem Össur segist alltaf hafa haft þó svo að hann hafi ekki framkvæmt þau á síum velmektarárum í vinstri stjórninni með Steingrími J.

Óli Björn segir:

" í störfum sínum á þingi og í meirihluta borgarstjórnar hafa Píratar tekið upp siði hinna hefðbundnu stjórnmálamanna. Borgarbúar eiga erfitt með að átta sig á því hver munurinn er á Pírötum og Samfylkingunni og mörkin milli Vinstri grænna og Pírata eru enn óskýrari. Munurinn á Pírötum og Bjartri framtíð virðist fyrst og fremst liggja í því að síðarnefndi flokkurinn er orðinn að engu.

 

Á þingi stíga Píratar í takt við stjórnarandstöðuna. Þeir taka þátt í málþófi í náinni samvinnu við aðra vinstri flokka og gerast meðflutningsmenn frumvarpa sem gera ráð fyrir aukinni skattheimtu og auknum útgjöldum ríkissjóðs.

 

Jafnvel forseti lýðveldisins fer fyrir brjóstið á flokkseigendum Pírata sem sverja sig þannig í bræðralag með gömlum flokkseigendum Alþýðubandalagsins. Við setningu Alþingis á liðnu hausti varaði Ólafur Ragnar Grímsson við vanhugsuðum breytingum á stjórnarskrá lýðveldisins. Þá var Birgittu nóg boðið og sakaði forseta að hafa »fært sig inn á háskalegar og gerræðislegar brautir gagnvart þingræðinu«.

 

Össur Skarphéðinsson, sem kallar sjálfan sig heiðurspírata, hefur gert hosur sínar grænar fyrir Birgittu og félögum. Miðað við fylgi Samfylkingarinnar er skiljanlegt að Össur leiti skjóls hjá Pírötum sem hann lítur »á sem pólitíska frændur og frænkur«, en ekki hægri flokk. »Ég man varla eftir þingmáli frá þeim sem ég gat ekki stutt og þeir hafa stutt mörg mál okkar í Samfylkingunni,« sagði Össur í viðtali við Fréttablaðið 13. nóvember á síðasta ári.

 

Draumur Össurar er að mynduð verði »breiðfylking« til að breyta stjórnarskránni, kjósa um aðildarumsókn að Evrópusambandinu og »leysa deilur um fiskveiðistjórnun og hálendið í eitt skipti fyrir öll í þjóðaratkvæðagreiðslu«:

 

»Ég get vel hugsað mér að starfa með sjóræningja fyrir borðsendanum í stjórnarráðinu.«

 

Össur vill að næsta vinstri stjórn verði undir forsæti Birgittu Jónsdóttur en sjálfur fékk hann rúmlega fjögur ár til að hrinda hugmyndum sínum í framkvæmd en varð lítið úr verki, annað en að senda inn aðildarumsókn til Brussel og koma í veg fyrir þjóðaratkvæðagreiðslu. Nú leitar hann á náðir pólitískra skyldmenna sem geta vart annað en tekið honum vel. Össur, líkt og Píratar, vill að kosningarnar á komandi ári snúist um breytingar á stjórnarskrá.

 

Það er skiljanlegt að vinstri menn vilji ekki láta kjósa um efnahagsmál og bætt lífskjör. Þess vegna hafa þeir sérstaka hagsmuni af því að ekki náist samstaða í stjórnarskrárnefnd þannig að hægt sé að breyta stjórnarskrá í þjóðaratkvæðagreiðslu á sumri komandi - löngu fyrir kosningar."

Þetta er skörp greining á því sem framundan er í íslenskum stjórnmálum, takist flokkseigendafélagi Píratanna ætlunarverk sitt. Sem er að halda sjálf áfram þingmennsku og halda um stjórnartaumana. Sem er að mynda stjórn með Össuri og hans sálufélögum þar sem þeir standa svo nálægt þeirra stefnumálum að sögn Össurar. Sem er að setja Íslendingum nýja stjórnarskrá á grundvelli tillagna stjórnlagaráðs sem prófessor dr.Þorvaldur Gylfason hefur verið óþreytandi að útskýra í Fréttablaðinu til margra ára. Sem er að gerbylta sjávarútvegskerfinu. Sem er að hafa þjóðaratkvæðagreiðslur oft. Sem er að kjafta frá öllu sem gerist skilmerkilega svo ekkert dyljist þeim vinstri mönnum.

Píratar eru hreinn vinstri flokkur sem gefur gamla Alþýðubandalaginu hvergi eftir og gerir bæði Samfylkinguna og VG óþarfa með öllu.

 

Hvað eruð þið að rífa ykkur?

Elín Hirst eða Vigdís Hauksdóttir?

Skiljið þið ekki að við embættismennirnir í Landsbanka og ráðuneytum erum búnir að gera ákveðna hluti sem ykkur koma best ekkert við. Þið fáið þau skjöl sem okkur þykja hæfileg fyrir ykkur.

Hvað eruð þið að rífa ykkur yfir því sem við embættismenn gerum eftir því sem okkur þóknast?

BSRB(Bandalag stórmenna ríkis og bæja)

Arabiska vorið

gefur að líta á þessari mynd. Þarna marsérar sýrlenst fólk á flótta. Móðirin ber tvö börn og dregur það þriðja. Vopnfærir karlmenn fylgja henni fast eftir.

Hvernig í veröldinni ætlumst við til að þetta fólk samlagist okkur við það eitt að flytja hingað? 

Það mun taka heila kynslóð fyrir þetta fólk að fóta sig meða kristinna þjóða og taka upp þeirra gildismat. Þetta er fornaldarfólk með óyfirstíganlega erfiðleika þess vegna.

Þarna erum við að horfa á arabiska vorið leysast upp í kulda og trekki.

 

Piratar skipuleggja sig

öfugt við það sem margir halda. 

 Hér getur að líta viðburðalistann í febrúar. 

Að vísu er erfitt að átta sig á hvort einhver forystumaður hefur verið kosinn eða eru þetta sjálfkjörnir stýrimenn í grasrótinni sem reka trippin.

Hvað hefur Birgitta Jónsdóttir annars mörg atkvæði á bak við sig þegar hún segist vera kapteinn allra Pírata? Hvað hefur hún sjálf séð marga Pírata?

En ég dáist að dugnaðinum. Þarna er virkilega verið að gera eitthvað. 

Pólitík er vinna og strit. Ef menn kæra sig um að sjá hvernig flokkar verða stórir þá má kynna sér hvernig Adolf sálugi vann sinn flokk upp úr 8 manns þegar hann gekk í þýska verkamannaflokk þjóðernissinnaðra sósíalista og kom honum upp í kom upp í það að verða með þriðjung þjóðarinnar á bak við sig.

Það var ekkert smávegis sem á gekk hjá kallinum og flokksmönnum fra 1929 til 1933. Ferðuðust borg úr borg og öskruðu linnulaust. Þeir náðu til fólksins nasarni eins þeir fóru svo að kallast. Flokkurinn hjá þeim var alveg eins skipulagður að grunni til og íslenskir flokkar, með hverfafélögum upp í kjördæmaráð, kvenfélög, ungramannafélög, landssamtök og sérsambönd. Formenn fulltrúaráða hétu Gauleiters hjá þeim osfrv.

Ég held að engir verði miklir spámenn í pólitík sem eru ekki reiðubúnir að gefa sig alla í svona starf og skilja gildi áróðurs. Það þýðir það að hafa pólitík sem  áhugamál og rækja það af ástríðu. Svo þarf eðliskosti sem færri hafa en vilja. Forystumaður í stjórnmálaflokki þarf að vera fyndinn fjörkálfur og myndarleg typa, mælskur, skrifandi, brennandi í andanum, djúpur og grunnur eftir því sem við á, slægur eða einfaldur eða jafnvel tvöfaldur en  segja alltaf bara satt vísvitandi þó menn geti látið plata sig og fengið gott fyrir.

Hið pólitíska landslag mun verða gjörbreytt eftir næstu kosningar frá því sem við þekktum það.Píratar eru nefnilega að skipuleggja sig. 

Sjálfstæðisflokksfundur í Kópavogi

var að vanda kl 10:00 í dag. Fundarefni var ekkert sérstakt að þessu sinni heldur var skírskotað til fundarmanna um að viðra skoðanir sínar á líðandi stundu.

Sem þeir gerðu.

Margt var sagt sem ekki verður fært til nokkurs sérstaks fundarmanns. En rauður þráður í máli manna var að það er mikil óánægja með störf ráðherra flokksins og baráttumál hans sum, sem ekki eru talin vænleg til fylgisaukningar. Ennfremur er gríðarleg óánægja með að þingsköpum sé ekki breytt svo að Alþingi geti starfað og afgreitt mál. Líklega er öll þjóðin utan þings forviða á þessu atriði sem horfir á málþófið dag eftir dag.  

Af vondum málum flokksins stóð fremst áfengisfumvarpið. Þetta væri ómerkilegt mál sem breytti engu fyrir almenning. En sem mál væri það að skaða fylgi flokksins gríðarlega og skyggði á önnur mál betri. Þótti fundarmönnum það vægast sagt léleg herkænska að vera að dvelja svona við svo umdeilt málefni og urðu býsna harðorðir í garð flokksforystunnar.

Annað mál var frumvarp um lögverndun starfsheitisins leiðsögumaður. Þessu erindi Félags Leiðsögumanna frá hafnað afgerandi á landsfundi flokksins. Nú flytur flokkurinn þetta á þingi eins og landsfundur hafi ekki farið fram? 

Þessi bloggari hafði samband við Félag leiðsögumanna fyrir þeirra aðalfund og vildi að þeir tækju okkur próflausa en reynda leiðsögumenn inn í sitt félag sem einskonar B-meðlimi eða Junior-Guides. Þannig væru allir leiðsögumenn sameinaðir undir einum hatti og merki og stæðu þar með betur að vígi. En forystumenn félagsins hundsuðu þetta með öllu og vilja líklega einokun fyrir sig að hætti kvótakerfis LÍÚ, sem er enn eitt mál sem fylgir Sjálfstæðisflokknum eins og skugginn hans.

Þá er greiðasta leiðin fyrir Félag leiðsögumanna til einokunar fundin í gegn um þingflokk Sjálfstæðisflokksins sem fer þvert á Landsfundarsamþykktir til að þjónka undir þetta sérstaka mál. Enn dæmi um litla herkænsku og lélega framgöngu þingflokks og ráðherra flokksins.

Fjármál flokksins bar einnig á góma. Það væri eytt umfram aflafé í kosningum víðast hvar. Flokksfélög um landið væru mörg með hala af óreiðuskuldum frá liðnum kosningum. Fram kom athyglisverð tillaga frá einum fundarmanna. En hún var sú að frambjóðendur flokksins mynduðu hlutafélag fyrir kosningabaráttu þar sem efstu menn væru stjórnarmenn og oddvitinn formaður. Þetta hlutafélag annaðist alfarið fjármögnun og rekstur kosningabaráttunnar. Safnaði styrkjum frá Sjálfstæðisfélögum og almenningi til allra framkvænda og greiddi fyrir þær. Þeir kæmust ekki frá þessu nema ljúka dæminu í stað þess að stökkva frá borði ábyrgðarlausir eftir kosningar, hvort sem þær ynnust eða töpuðust.Gerðu þeir gjaldþrot yrðu þeir óhæfir til frekari stjórnarsetu í félögum.

Fundurinn var einhuga um að það væri ekki góð pólitík að draga ekki áfengisfumvarpið til baka áður en það veldur flokknum meiri skaða en orðið er. Það væri óskynsamlegt hjá flokki í vörn að vera reita suma flokksmenn sína, sérstaklega þá eldri og tryggustu, til reiði  með þarflausum ásteytingarsteinum eins og þessu brennivínsfrumvarpi. Flokkurinn uppsker það eitt og vera kallaður sérhagsmunaplógur heildsalanna og HAGA þegar okkar gömlu slagorð væru stétt með stétt og gjör rétt þol ei órétt.  

Það var álit fundarmanna að dráttur flokksins á því að leiðrétta kjör ellilífeyrisþega hafi valið flokknum fylgishruni í röðum tryggustu fylgismannanna sem væru eldri borgarar. Þetta hefði valdið ómældum skaða á fylgi flokksins.  Á sama  tíma var verið aðleiðrétta kjör ráðherra og dómara.Ungur maður sagði að fylgishrunið núna væri ekki einungis á aldursbilinu 18-29 ára heldur væri það aldursflokkurinn frá 18 til 49 eins og hann legði sig. Því í þeim hópi væru foreldrar þessa fólks sem lægi óbætt hjá garði.

Það eru fráleitt friðvænlegir tímar í vændum innan Sjálfstæðisflokksins. Né geta ráðherrar flokksins vænst þess að geta setið á friðstólum sínum eins og þeir séu fegurðardísir á palli í einhverri  MissMinister keppni.

Það kraumar greinilega þung undiralda í Sjálfstæðisflokknum sem er ekki dauður úr öllum æðum hafi einhver haldið það og ráðherrum er því vænst að taka vara á sér.

Sjálfstæðisflokkurinn á þessum laugardagsfundi var ekki á þeim buxum að gefast upp fyrir  einhverri óstofnaðri Viðreisn né einhverjum hulduher Pírata enda leyfir saga hans og hugsjónir slíkt ekki.

Stöðugleika-framlag eða skattur

það er vafinn sem okkar þjóðar-Hamlet þarf að svara.

Það er langur vegur á milli þeirra sem meta fyrra afbrigðið á móti því síðara. Munar hugsanlega helmingi.Og út úr því koma engir peningar heldur einhverjir efnisgripir. Eins og skuldir Reykjanesbæjar, máls-og launakostnaður skilanefndarinnar sem eru hluti af efnahag Íslandsbanka. Og margt fleira er til nefnt.

Þegar stöðugleikaskatturinn var kynntur af stjórnarforystunni í Hörpu þá leist mönnum vel á. Síðan er eins og ríkisstjórnin sé hætt að trúa á hæfni íslenska fullveldisins til þess að leggja á þá skatta innanlands sem enginn getur dregið í efa.

Stjórnarþingmaður hélt þessu  sem áhættu mjög fram á fundi í Kópavogi gegn mikilli andspyrnu fundarmanna.Þá sagðist bloggara svo frá:"Fundurinn fór eiginlega úr böndunum svo hart var sótt að Sigríði og missti fundarstjórinn nokkuð stjórn á honum vegna æsinga fundarmanna sem hótuðu að ganga úr flokknum og hætta að kjósa hann ef stjórnvöld ætluðu að lyppast svona niður í því að halda á hagsmunum almennings." 

Ríkisstjórnin verður að gera sér ljóst að trúverðugleiki hennar hjá almenningi er allur undir ef fólk telur að hún hafi glutrað þessu máli niður. Og trúverðugleiki flokkanna líka.

Flestir ólöglærðir telja að íslenska fullvalda ríkið geti lagt á skatta á Íslendinga og innlenda lögaðila eins og því sýnist. Ef einhverjum mislíkar þá getur hann skotið lagatextanum til Hæstaréttar sem verður að dæma eftir lögum aðeins.  

Er ekki allt annað hjóm og hræðsluáróður eins og að Evrópudómstóll eða Mannréttindadómstóll geti eitthvað breytt lögum á Íslandi?  Getum við ekki bara sagt okkur frá slíku ef með þarf? Til hvers eigum við að vera að hika við stöðugleikaskattinn?

850 milljarða stöðugleikaskattur var góð tillaga þó að sumum finndist hún vera of lág. Að fara að taka eitthvað rýrara í staðinn er fráleitt. Leggjum stöðuleikaskattinn á og innheimtum hann með fullri hörku og hættum að vera hrædd við að vera eða vera ekki. 

 

 

 

 

Hræsnin uppmáluð

lítur út eins og konan á myndinni:

" Ég held að hátt­virt­ir þing­menn verði að hlusta eft­ir þess­ari kröfu lands­manna, meira en 50 þúsund lands­manna, um að for­gangsraða í þágu heil­brigðis­kerf­is­ins,“ sagði Katrín Jak­obs­dótt­ir, formaður Vinstri­hreyf­ing­ar­inn­ar - græns fram­boðs, á Alþingi í dag og vísaði þar til und­ir­skrifta­söfn­un­ar Kára Stef­áns­son­ar, for­stjóra Íslenskr­ar erfðagrein­ing­ar, þar sem þess er kraf­ist að 11% af lands­fram­leiðslu verði varið til heil­brigðis­kerf­is­ins.

Hins veg­ar vöknuðu upp spurn­ing­ar þegar þing­menn stjórn­ar­meiri­hlut­ans spyrðu að því hvar taka ætti pen­ing­ana. „Þarna kom­um við að grund­vall­ar­spurn­ing­ar í ís­lensk­um stjórn­mál­um sem snýst um það hver á um­fang sam­neysl­unn­ar að vera og hvernig ná­kvæm­lega ætl­um við að fjár­magna hana,“ sagði Katrín. Sakaði hún stjórn­ar­meiri­hlut­ann um að hafa unnið mark­visst að því að veikja tekju­stofna rík­is­ins. Meðal ann­ars með lækk­un veiðigjalda og breyt­ing­um á skatt­kerf­inu. VG hefði lagt til fyr­ir síðustu kosn­ing­ar að tekj­ur­stofn­ar rík­is­ins yrðu óbreytt­ir.

„Ég held að þessi und­ir­skrifta­söfn­un, sem snýst fyrst og fremst um þetta, um það hvert um­fang sam­neysl­unn­ar eigi að vera og hvernig ná­kvæm­lega þurfa þá stjórn­mála­menn að svara því eigi að fjár­magna hana, sýni að al­menn­ing­ur vill setja þessi mál á dag­skrá. Og ég held að hátt­virt­ir þing­menn megi ekki dauf­heyr­ast við því held­ur taka al­var­lega þann ríka vilja sem þarna birt­ist í að efla innviði sam­fé­lags­ins okk­ar og þá þarf auðvitað að horfa til tekju­öfl­un­ar­inn­ar herra for­seti og það þarf nýja hugs­un í þeim mál­um.“

Á sama tíma gefur sama Katrín ekkert fyrir undirskriftir 70.000 Íslendinga  sem þeir Friðrik Pálsson og Njáll Trausti Friðbertsson söfnuðu undir yfirskriftinni Hjartað í Vatnsmýrinni til stuðnings áframhaldandi veru Reykjavíkurflugvallar í Vatnsmýri.

Í Borgarstjórn samþykkir hún áframhaldandi stefnu flugvallarfénda og skipulagstudda gegn vilja nærri 83 % þjóðarinnar ef marka má skoðanakönnun mína sem nú hefur staðið árum saman hér á síðunni og nærri tólf þúsund manns hafa tekið þátt í til þessa.

Hvernig skyldi um fleiri mál ef Katrín Jakobsdóttir sést vera bara hræsnin uppmáluð í flugvallarmálinu?  

Donald Trump

heldur áfram að rúlla þeim upp andstæðingunum.

Honum tekst alltaf að komast út á toppnum og lendir alltaf á öllum fjórum eins og fimasti köttur.

Hann vann kappræðurnar án þess að taka þátt í þeim.

Ég styð Donald Trump umfram hina þó ekki nema væri vegna þess hvað Sigríði Ingibjörgu Ingadóttur líst illa á hann og ekki get ég stutt Hillary af sömu ástæðu. 

Orsök hrunsins

liggur Frosta Sigurjónssyni í augum uppi. Hann skrifað þetta í greinargerð með tillögum sínum um stjórnskipun Lýðveldisins í desember 12.12.2012. Spurning er hvort þessu máli er nægilegur gaumur gefinn.

Bankarnir vaða hér um eftirlitslaust og prenta peninga. Sumir segja að þeir stefni þjóðinni ótrauðir til annars hruns undir forystu Seðlabankans sem leyfir þeim að hækka vexti og laða þannig að aflandskrónur sem blási upp hrunbóluna.

" Umsögn til stjórnskipunar- og eftirlitsnefndar 12. 12 2012: 

Peningavaldið - Umsögn um frumvarp til stjórnarskipunarlaga um stjórnarskrá lýðveldisins Íslands. Þingskjal 510 - Mál nr. 415.

Með peningavaldi er átt við valdið til að búa til peninga, eða ígildi peninga, og setja í umferð.

Ógætileg meðferð peningavaldsins er vafalítið ein af höfuðástæðum hrunsins og má færa rök fyrir því að ný stjórnarskrá fjalli um peningavaldið og hvernig skuli koma í veg fyrir að því verði misbeitt.

Stjórnarskrá þarf einnig að gera greinarmun á valdi til útgáfu og úthlutunar nýrra peninga en þessi tvö valdsvið mega ekki vera á sömu hendi.

Það hlýtur að teljast alvarlegur galli á stjórnarskrárfrumvarpinu að í því sé ekki gerð tilraun til að koma böndum á peningavaldið.

GREINARGERÐ

Taumlaus peningamyndun er meginorsök hrunsins
Við einkavæðingu viðskiptabankanna árið 2002 færðist peningavaldið að mestu leiti frá ríkinu til eigenda bankanna. Á næstu fimm árum ríflega fimmfölduðu einkabankarnir peningamagn í umferð. Sú aukning var gersamlega úr samhengi við vöxt þjóðartekna og afleiðingin var hrun gjaldmiðilsins.

Enn hefur ekkert verið gert til að koma peningavaldinu í skjól fyrir sérhagsmunum. Enn hafa einkabankarnir aðstöðu til að búa til peninga og ákveða hver skuli fá nýja peninga. Verði þessu ekki breytt, mun það halda áfram að bitna á landsmönnum með verðbólgu, vaxtabyrði, óstöðugleika og skuldsetningu.

Viðskiptabankar búa til ígildi peninga með útlánum
Viðskiptabankar eru í aðstöðu til að skapa ígildi peninga með útlánum. Viðskiptabanki skapar ígildi peninga með því að veita lán og afhenda lántakanda innstæðu í stað seðla. Innstæðuna býr bankinn til úr engu. Innstæðan er í raun loforð bankans um að afhenda seðla hvenær sem óskað er. Innstæðan er handhægari en seðlar og lántaki og allir aðrir líta á innstæðu í banka sem ígildi peninga, enda er hægt að nota þær til að greiða skuldir og jafnvel skatta.

Peningamyndun er skattheimta
Bankinn hagnast mjög á því að búa til ígildi peninga, því hann greiðir litla sem enga vexti á innstæðuna en innheimtir hins vegar markaðsvexti á útlánið. Íslenskir bankar hafa búið til 1.000 milljarða með þessum hætti og nema tekjur banka af vaxtamun inn- og útlána tugum milljarða árlega.

Banki sem eykur eigið fé sitt um 2 milljarða getur búið til 25 milljarða af nýjum innstæðum og lánað þær út (miðað við 8% eiginfjárkröfu). Þegar veitt eru ný lán myndast innlán sem eru nýir peningar og rýra verðgildi þeirra peninga sem fyrir eru. Innstæður í bönkum eru í minna mæli óverðtryggðar en útlán og bankar græða því á rýrnun þeirra.

Fái bankar að beita peningavaldinu í eigin þágu, er ekki við öðru að búast en þeir leggi sig alla fram um að auka gróða sinn af vaxtamun og verðbólgu, þótt það verði á kostnað alls almennings.

Alþjóðlegt vandamál
Sama fyrirkomulag peningamála er við lýði í nær öllum löndum. Peningavaldið er víðast hvar komið í hendur einkaaðila. Afleiðingin er nánast taumlaus peningaprentun. Vaxtabyrði þjóða af því að hafa gjaldmiðil sinn að láni frá einkabönkum þyngir í sífellu skuldabyrði þeirra. Svo er komið að alvarleg skuldakreppa ríkir í heiminum og á torgum stórborga safnast almenningur saman til að mótmæla ráðaleysi stjórnvalda.

Peningavaldið tilheyrir þjóðinni
Taka þarf peningavaldið frá viðskiptabönkunum og skipta því upp milli seðlabanka og ríkisstjórnar landsins.

En það nægir ekki að koma peningavaldinu til ríkisins, einnig þarf að tryggja tvískiptingu valdsins til að draga úr freistnivanda.

Seðlabanki fari með útgáfuvald peninga
Seðlabankinn gefur í dag út seðla og mynt, en þessir miðlar eru sáralítið notaðir í viðskiptum. Bankainnstæður (rafrænir peningar) búnar til af einkabönkum eru uppistaðan í peningamagni landsins. Bankar skapa peninga með útlánum og nær allt fé í landinu er myndað með þessum hætti og ber vexti sem greiðast bönkum. Þessu þarf að breyta.

Aðeins Seðlabanki ætti að hafa leyfi til að búa til peninga fyrir  fyrir hagkerfið og hann getur gert það án skuldsetningar.

Seðlabanki á að meta og stýra því hve mikið peningamagn er í hagkerfinu á hverjum tíma, út frá þjóðhagslegum markmiðum eins og verðbólgu, sjálfbærum hagvexti, atvinnuleysi og fleiri þáttum.

Ríkisstjórn fari með úthlutunarvald peninga
Í dag ákveða bankar hverjum skuli afhenda nýtt fé og til hvers það skal notað. Hagsmunir bankans ráða þar för, þótt nýir peningar rýri alla peninga sem fyrir eru í kerfinu.

Þar sem nýir peningar valda kostnaði hjá öllum almenningi, er eðlileg krafa að nýjum peningum sé ráðstafað með lýðræðislegum hætti. Ríkisstjórn er best til þess fallin og getur gert það með fjárlögum.

Nánari upplýsingar um peningavald og skiptingu þess má finna áwww.betrapeningakerfi.is

Virðingarfyllst


Frosti Sigurjónsson
rekstrarhagfræðingur"

 

Er einhver þess umkominn að segja að þetta sé rangt hjá hagfræðingnum Frosta? Ég get ekki séð að svo sé þó hugsanlega séu fleiri þættir sem ráða peningaskortinum sem er viðvarandi í þessu þjóðfélagi.

Hér eru til nógir peningar til að byggja hótel á öðru hverju götuhorni. En það er útilokað að finna peninga til að borga nýjan spítala? Það er ekki hægt að hjálpa fátæku fólki? Hvaða þá ellibelgjum? Eiga þeir síðastnefndu nokkra framfærslukröfu á núverandi samfélag þó annað sé sagt á tyllidögum? Röklega er það hæpið.

Kári heimtar nýja skatta til þess að moka 80 milljörðum ótilgreint meira í heilbrigðiskerfið. Hærri laun og meira flotterí? Hvenær mun þurfa enn meira? Því hefur Kári ekki svarað. Af hverju á að byggja flatan spítala við Hringbraut þegar betra er að byggja turn? Engin svör?

Orsök hrunsins var hélt ég að bönkunum leyfðist að slá ótakmarkað í útlöndum og lána íslenskum almenningi prentpeninga sem lögum samkvæmt mátti ekki og var dæmt ólöglegt af Hæstarétti stundum en stundum ekki. Svo var lánað ótryggt allskyns skálkum sem fóru út í heim með aurana og borguðu ekki til baka vagna vankunnáttu bankastjóranna í grunnatriðum bankafræði.Sumir þeirra eru nú látnir gjalda fyrir vanþekkinguna.

Seðlabankinn gat bundið þessar erlendu lántökur bankanna en gerði ekki. Hann er því beinlínis ábyrgur fyrir því að banksterarnir gátu komið sér og landinu á hausinn.

Þannig tapaði ég mínum 4 bönkum, Icesave og allr þeirri gargandi snilld sem það var ef rétt hefði verið að staðið. Nú eru einhverjir að reka þessa gömlu banka mína í sömu húsum, með sömu málverkin á veggjunum, sömu tölvurnar, sama starfsfólkið. Eini munurinn að ég er úti en þjófarnir, ríkið og vogunarsjóðirnir sem Steingrímur J. fyrir hönd ríkisins, skenkti Íslands-og Arajón-bankana, eru inni.

Hefðu kratarnir ekki rekið sinn venjulega svikarýting í bak Geirs H. Haarde eins og þeir gerðu fyrr við Þorstein Pálsson hefði Steingrímur J. aldrei komist til að valda þjóðarslysinu í bankamálunum.

Varla verður rýtingsstungum krata gleymt í stjórnmálasögunni. Enda telja þeir slíkt sitt aðalsmerki eins og Benedikt Gröndal lýsti flokknum. Kratar hafa yfirleitt verið vanhæfastir til vináttu í íslenskum stjórnmálum. Hviklyndið virðist samgróið kratismanum eins og við blasir í Samfylkingunni.  

Orsakir hrunsins eru sjálfsagt fleiri en Frosti tilgreinir en stjórnlaus innlend peningaprentun er áreiðanlega ein þeirra.

 

9 581 593

þeirra sem töldust Svíar um síðustu áramót ætla að reka 80.000 hælisleitendur úr landi hið bráðasta.

Íslendingar töldust vera 329.607 um síðustu áramót. Það gerir 3.44 % af Svíum. Við getum því rekið  2.752 hælisleitendur úr landi á næstunni án þess að vera taldir vondir "miðað við þær þjóðir sem við helst berum okkur saman við" svo orðaval GGF sé notað.

Nú gildir að passa upp á norrænt samstarf og fylgja þeim fast á eftir. Hætta að kvelja þetta fólk sem er að bíða eftir hæli hér.Bara reka það út eins og 9.581.593 Svíar ætla að gera.