Við borgum ekki erlendar skuldir óreiðumanna !

sem kallast Icesave. Nú reynir á staðfestuna og við segjum blákalt:

Við borgum ekki erlendar skuldir óreiðumanna.

Bretar og Hollendingar  skipa dóminn sjálfir með einhverjum ráðum.  Auðvitað dæma þeir okkur seka og til að borga þeim ítrustu kröfur.

Við segjum hinsvegar nei. Við leggjum allt undir, við látum frekar reka okkur úr EES(enda líklega ekki fært okkur neitt nema vandræði og vitleysu þegar allt er talið), NATO, SÞ, Hvalveiðiráðinu og hvaða klabbi sem er og Bretar og Bandaríkjamenn stjórna. Látum Frakka og Þjóðverja taka afstöðu gegn okkur ef þeir þora. Og þær skandínavísku vinaþjóðirnar sem vilja. En Færeyingar munu ekki bregðast oikkur og varla Kína né Pútín heldur.

Samfylkingin og VG lyppast auðvitað niður og væntanlega ýmsir þingmenn aðrir sem vildu samþykkja Icesave lll. Þeir segja auðvitað núna, við sögðum ykkur þetta!

Nú hjóla Tjallarnir og Tréskórnir  í okkur. Sannir Íslendingar taka nú á móti með Ólaf Ragnar og Davíð sem talsmenn.

Við borgum ekki erlendar skuldir óreiðumanna ! 

 

Árás Íslands

og meðreiðarsveina þess á Lýbíu gengur á fullu án teljandi afskipta né ályktana Alþingis Íslendinga. Gaddafi kallinn verst hetjulega með sínum mönnum. En skiljanlega hallar á hann fyrir yfirburða herstyrk Íslands og bandamanna þeirra í Evrópusambandinu og tapar því unnu stríði sínu.Manni er sem maður heyri Egil Skallagrímsson kveða vð raust í haugi sínum, slíkur er okkar hetjuskapur við erlenda herkónga og ribbalda.

Hvað bíður Lýbíumanna eftir að við höfum rústað Gaddafi og stolið olíunni af honum? Var einhver önnur lógísk skýring á hernaði okkar þar suðurfrá önnur en olía? Alveg eins og þegar við réðumst á hann kollega minn og jafnaldra, Saddam Hússein, ekki einu sinni heldur aftur.Nú erum við Íslendingar búnir að láta hann Saddam bíta í gras fyrir sameinuðum herstyrk okkar og viljugra vina okkar. Við erum búnir að tryggja flæði olíunnar frá Írak um langa framtíð og sýna Írönum í leiðinni hvað bíður þeirra ef þeir makka ekki rétt eins og Mossadek reyndi einu sinni og fékk til tevatnsins hjá okkurá Vesturlöndum.

En sögur fara af því, að þessum þjóðum sem við erum að dusta til í nafni lýðræðisástar gangi illa með democrazyið okkar.Bæði í Íran og Afghanistan þer sem Talíbanastláturtíðin hefur gengið með afbrigðum illa og þeir eru því sífellt að færa sig uppá skaftið. Nú eru allar horfur á því að þeirra verði ríkið von bráðar þegar við förum heim þaðan. Og í stað lýðræðis og takmörkunar trúarofstækis talíbana komi andhverfa þess. Þó er samt tryggt betra heróinframboð á Vesturlöndum til lengri tíma, sem er þó áþreifanlegur árangur af herhlaupinu okkar. Því hvað eiga fátækir bændur í fjöllum Tora-Bora að gera annað en rækta það sem markaðurinn vill?

Hvað gefur í rauninni skeð hjá þessum þjóðum eftir hernað okkar? Hafa þær höndlað Herrann eins og Jón Kadett í Hernum sínum?

Jú Saddam er farinn, sem var hreint ekki alvondur ef menn vilja kynna sér það. Í stað styrkarar stjórnar, þar sem hann færði þjóð sinni margvíslegar framfarir í menntun og heilsugæslu meðal annars, mun líklega taka við stjórn vígamanna og óeirðaseggja.Þeir bara bíða eftir því að við förum af svæðinu.

Sama verður uppi á teningnum í Lýbíu. Framfarirnar sem urðu undir traustri stjórn Gaddafís offursta hverfa sem dögg fyrir sólu og upplausn og agaleysið tekur völdin. Langvinn borgarstyrjöld blasir við í þessum löndum þangað til að nýir einvaldar, jafnokar þeirra fyrri, birtast sem geta friðað löndin aftur. Annað stjórnarfar en menntað einveldi virðist bara ekki henta í löndum múslíma eins og dæmin sanna.

Gaddafi og Saddam voru í sjálfu sér alveg eins vond-góðir og Fidel Kastró á Kúbu. Menn sem komu með framfarir til landslýðsins í formi menntunar, heilbrigðisþjónustu og friðar. Kaldrifjaðir morðingjar auðvitað þegar þess þurfti með en létu fólk yfirleitt í friði meðan það þagði og hlýddi. Við höfum bara ekki ráðist á Kastró af því hann á enga olíu þannig að þangað er ekkert að sækja og lýðræðisástin aðeins upptekin annarsstaðar . En hann er ekkert öðruvísi pappír en hinir skálkarnir þannig lagað.Blóðugur upp að öxlum eins og þeir, góður vinum sínum en röggsamur við illþýði og ófriðarmenn.

Kúbverjar búa við frið og fátækt, sem lætur þó heldur undan síga með aukinni ferðamannagengd. En þjóðir Lýbíu, Íraks og Afghanistan eiga langt í land með að fá rólegan nætursvefn Kúbverja. Þeirra bíða rán og rupl vígamanna og stríðsherra um leið og við drögum herstyrk okkar til baka.
Vesturlönd hafa með samstilltu átaki séð til þess að margir enn munu snýta rauðu í fjandmannaríkjum þeirra áður en friður kemst þar á.

Árásarríkið Ísland hefur ekki atuðlað að hækkun meðalaldurs í þessum löndum hvað sem öðrum árangri líður.

Bretinn ekki auðsóttur

þó að Steingrímur bjóði upp á það sem grunn fyrir málsókn að íslensk fyrirtæki hafi orðið fyrir einhverju óskilgreindu tjóni. Slíkt mál er ekki hægt að sækja í skaðabótamálum sem ganga ekki út á almennt kjaftæði.

En það er hinsvegar lokun bankanna, Heritable og Singer og Friedlander eða hvað þeir hétu, sem eru afmarkaðar stærðir. Sömuleiðis allar kyrrsetningar peningalegra eigna í Englandsbanka, vaxtalausar að ég hef heyrt. Vaxtakostnaður neyðarlána frá AGS. Álag ríkisskulda vegna lækkun matsflokka. Afmörkuð mál sem góða lögfræðinga þarf til að formúlera og færustu bankamenn til að finna.

Þar gætu þeir gömlu bankastgjórarnir kannski orðið hjálplegir að finna efni. Best væri að Bretar sæju að sér og byðu uppá samkomulag utan réttar fyrir þá svívirðu sem þeir gerðu okkur. En það þýðir varla að senda þau Jóhönnu og Steingrím með félaga Svavari þangað í þeim erindum held ég. Líklega verður þetta að bíða betri tíma og annarra fulltrúa úr Stjórnarráðinu..

En það er betra að að fara að safna sakarefnum í tíma því Bretinn er aldrei auðsóttur.

Upphlaup og offors

eru einkenni forsætisráðherra þegar kemur að stjórnarathöfnum.

Hún rauk til að sagði að hér vantaði stjórnarskrá öðru fremur.Hún reyndi að fá slíkt frumvarp fram með flumbrugangi. Hún datt á andlitið í forina, gerði allt vitlaust sem hægt var að gera og afleiðingin er sú að allt bröltið verður að engu haft.Nær enginn hefur áhuga á að lesa frumvarpið hvað þá meira.

Hún eyðilagði septemberþingið með því að truntast á frumvarpi um nokkuð einræðisleg völd til hennar að laga ráðuneytin að sínum sérþörfum og stórauka kostnað við rekstur þeirra.Þau eru nú búin að virka nægilega vel í áratugi svo ekki virtist liggja á þessu.En hún skal setja sín spor í söguna og því skal öllu til tjaldað.

Hún lagði ofuráherslu á að framlengja gjaldeyrishöftin og tókst það að hluta. Grunnurinn er þá lagður að áframhaldi kreppu og hagvaxtarleysi það sem eftir lifir hennar valdatíð. En hagvöxtur er neikvæður öll hennar ár á valdastóli og hvergi sést bjarma fyrir betri tíð því útilokað er að hagvöxtur náist á næsta ári.

Nú kemur hún næst með fjárlagafrumvarp sem verður sjálfsagt álíka ómarktækt og það síðasta, þar sem hallinn jókst um helming frá áætlun. Næsta frumvarp verður sjálfsagt í sama stíl, uppfullt af óskhyggju útfrá forsendum sem ekki eru til.

Evrópusambandsaðildin er sett ofar öllu. Sambandið sjálft er hinsvegar búið að setja skák á okkur með landbúnaðarskilyrðunum. Eiginlega eru viðræðurnar sigldar í strand en það mun Jóhanna aldrei viðurkenna heldur böðlast áfram á sinni hátt án tillits við alla synsemi eða þjóðarhag.

Stjórnin hennar er rúin trausti. Fjörbrot hennar eru hinsvegar allt of langdregin og lítil verður frægð þeirra Þráins Bertelssonar og Guðmundar Steingrímssonar af því að láta smala sér í slíka kattatilveru.

Það er ekki bjart framundan þó nóg verði um upphlaup og offorsþegar skynsemina vantar.

Getnaðarmálaráðuneytið?

er hugsanlega lausin sem leitað hefur verið að?

Maður hefur haldið að getnaður og barnsmeðganga væri málefni sem einstaklingar hefðu séð um frekar óskipulagt þessa og komið þjóðinni á þann stað sem hún er nú stödd á? Barnsmeðganga konu höfum við haldið til þessa að væri hennar nokkuð einkamál? Getur hún ekki farið í fóstureyðingu nokkuð að eigin vali? hefur hún ekki nokkuð með fæðinguna að gera? Getur hún ekki gefið annarri konu barnið?

Hefði maður ekki freistast til að álykta að staðgöngumæðrun væri einkamál tveggja kvenna, hugsanlega með aðkomu sæðisgjafa að einhverju leyti? Nei, ekki aldeilis er það svo. Alþingi Íslendinga vill hafa hér aðkomu? Skyndilega eru ótal siðferðismál uppi á löggjafarsamkundunni þegar kemur að málefnum slíkra barna.

Ef nú á að fara að skoða þessi þýðingarmiklu fjölgunarmál á löggjafarþinginu, er þá ekki rétt að fara að taka þetta föstum tökum? Verður ekki að fara að vanda meira til verka? Láta ekki mannfjölgunarmálefnin vera svona algerlega stjórnlaus? Gera ekki hitt og þetta í málflokknum án nauðsynlegra leyfa sem hugsanlega má veita eftir innlögn umsóknar eða útdrætti? Verður ekki að vanda til mannfjölgunarmála þjóðarinnar?

Er ekki sérstakt getnaðarmálaráðuneyti best til þessa fallið að afgreiða slík mál?

Á bara að þegja?

Steingrímur J?

Í Mogga sér maður að Guðlaugur Þór hefur beðið fjármálaráðherra um mat á tjóninu sem varð þegar Gordon Brown beitti okkur hryðjuverkalögum:

"Tjón fyrirtækja vegna hryðjuverkalaganna sem Bretar beittu gegn Ísland haustið 2008 er metið á um 5,2 milljarða króna. Langmestan hluta þess tjóns má rekja til niðurfelldra gjaldfresta.
Þetta kemur fram í skýrslu fjármálaráðherra um mat á áhrifum af beitingu Breta á hryðjuverkalögunum og lögð var fram á Alþingi fyrir stundu. Það var Guðlaugur Þór Þórðarson og fleiri þingmenn sem fóru fram á skýrsluna...."

Flest bendir þó til þess að óbeint tjón af hryðjuverkalögunum sé mun hærra og líklegt sé að laskað orðspor íslensks efnahagslífs, og þar með íslenskra fyrirtækja, hafi langmest tjón í för með sér...."

Er ekki hægt að formúlera kröfu á þetta fólk? Eigum við bara að borga þeim vexti og skaðabætur?

Á bara að þegja?

Hraðakstur

er eitthvað sem allir vilja fá að framkvæma og flestir gera einhvern tímann. Í öllum akstri verða slys,hugsanlega fleiri og alvarlegri eftir því sem hraðar er ekið.

Louis Hamiltom og Michael Schumacher eru ímynd gladiatoranna í hugum okkar, karlar í krapinu. Við viljum stundum keyra eins og þeir. Þá er það helst löggan með radarinn sem maður þarf að óttast.

Það er átakanlegt að horfa á og hlusta á móður drengs sem lét lífið í umferðarslysi. það þýðir hinsvegar ekki fyrir okkur að vera að reyna að endurlifa einstakan atburð eða gömul slys. Slysið varð og slys verða. Spurningin er er hægt að gera ráðstafanir til þess að það verði lengra í næsta slys?

Lögreglan er mis-töff eftir stöðum á hnettinum. Refsingar eru misjafnar. Maður kærir sig ekki um að missa teinið eða borga háa sekt fyrir að fá að kitla pinnann á súperbíl, eins og ég var að prófa í gær. Góðhest, trylltan gæðing. Maður varð bara ungur aftur. Það lá við að ég lenti í háfnum fyrir spyrnu en ég slapp.

Ég fór að hugsa á meðan, hvort þetta væri góður byrjendabíll? Hvort ég hefði haft gott af að fá svona bíl í hendur með nýtt próf 17 ára. Ég held að það hefði ekki breytt neinu. Pabbi átti áttagata tryllitæki þegar ég fékk prófið og ég var kaldur við að gefa í og sýna öðrum að ég hefði í fullu tré við þá. Ég gerði vitleysur en slapp bara með það.Var heppinn, sanngjarnt eða ekki. Ég var bara strákur eins og þeir voru og verða alltaf, vildi sýnast og vera kall í krapinu. Auðvitað var maður alltof kaldur, ábyrgðarlaus og hugsaði ekkert um mömmu eða pabba eða systkinin, hvað þá lífið, hjólastóla eða örkuml. Bílslys sem voru þó ekkert óalgeng þá frekar en nú. En maður þekkti enga lamaða í hjólastólum. Maður var ósæranlegur sjálfur og slysin hentu auðvitað bara aðra.

Hefði maður geta lifað við að fá ökuskírteini 17 ára bundið við 60 hestöfl? Verða að keyra með stórt L á bílnum ? Hefði maður geta lifað við reglur um sviptingu ökuleyfis fyrir 17 ára við 55 km hraða, 18 ára 60 km, 19 ára 65 ,20 ára 70 km? Geta farið á kvartmíluna til að spyrna? Keypt tíma á formúlubíl og fengið tilsögn? Maður fór að vinna á stórum vörubílum þá fyrir tvítugt þar sem gamla prófið var þá í gildi. Nú er þetta allt í einhverjum Eevrópureglum og ekkert má.

Hugsanlega hefðu einhver svona ákvæði einhver áhrif. En samt held ég að einfaldlega eitt hefði áþreifanlegustu áhrifin: Töff lögga. Maður er til dæmis skíthræddur við lögguna í Ameríku. Hún er allstaðar og er vægðarlaus ef maður brýtur af sér. Hún lætur mann í friði ef maðir keyrir eins og maður og gerir allt rétt.Hún er yfirleitt ekki með óþarfa áreiti eins og þefaraganginn sem er svo vinsæll hér. Í Ameríku er bíllinn framhald af heimili þínu þar sem þú ert húsbóndinn og því friðhelgur meðan þú ert ábyrgur og fylgir reglunum. En ef þú gerir eitthvað sem er hættulegt öðrum þá er emgin elsku mamma...

Bíll er hættulegt verkfæri eins og allt sem hægt er að nota líka sem vopn. Hvort sem það eru byssur, hnífar eða barefli, getur allt valdið skaða við beitingu. Það er hinsvegar ekki verkfærið sem veldur, það er sá sem á heldur. Maður verður líka að spyrja sig með hverjum viltu aka? Treystirðu bílstjóranum? Ég fer ekki upp í flugvél hjá hverjum sem er. Unglingur verður að hugsa svoleiðis líka áður en hann sest uppí.

Það er síðast og síst maðurinn sjálfur, rækt hugans, uppeldið sem máli skiptir þegar forðast skal hraðakstur. Og að fylgja bönnum vægðarlaust eftir af opinberri hálfu.

Bankaleynd

er hugtak sem Mávi Seðla þykir hentugt að grípa til þegar spurt er um seljendur aflandskróna.

Meðal siðara þjóða eru leyndarmálin sklgreind sem þrjú.Bréfaleyndarmál, ríkisleyndarmál og bankaleyndarmál.Á Íslandi er ekkert af þessum leyndarmálum í gildi.

Á Íslandi er bréfum og tölvupóstum stolið og þau birt í hagnaðarskyni.

Ríisleyndarmálum er lekið óátalið og þau seld á sama hátt. Eina leiðin er að neita að svara og gefa ekki upplýsingar eins og Jóhanna gerir.

Ríkiskerfið afnam bankaleyndina þegar það fékk að beintengja skattkerfið við reikninga bankanna. Á þann hátt getur kerfið hundelt gamlingja sem á sparisjóðsbók og fær vexti til þess að draga af honum bæturnar.

Þessu lugu kerfiskurfarnir úr öllum flokkum inná þjóðina undir því yfirskyni að það væri svo gott að geta forprentað skattframtölin.Afleiðingin er sú að ríkið veit allt um alla og enginn getur átt pening inni í banka án þess að setja sig í hættu.Peningurinn hverfur því ofan í holur og í neðanjarðarhagkerfið eins og í Frakklandi.

Enginn gamlingi á Íslandi getur átt bankareikning án þess að líða fyrir það fjárhagslega.En kerfið heimtar að hann eigi bankareining til að leggja bæturnar inn og þá koma vextir og skattur á verðbólguhagnaðinn sem er notaður til að lækka bæturnar. Catch 22.

Svo tala kommarnir um bankaleynd þegar það passar þeim. Það hljómar bara eins og brandari í því þjóðfélagi haturs og tortryggni á þessu landi sem unnið er við að búa til.Enginn getur treyst neinum nema til ills.

Útsendari stóra bróðurs er allstaðar. Nema auðvitað í svarta hagkerfinu, þar hafa báðir hag af því að halda kjafti. Þar eru leikreglur virtar og handsalið enn ennþá einhvers virði. Öfugt við hið opinbera kerfi landsins, stjórnsýsluna, Alþingi eða hinn opinbera vettvang, þar sem allt er til sölu, ekkert er heilagt, sannleikurinn einskis virði, hver situr um annan og sá er mestur sem lýgur best.

Er það ekki ömurlegt ef það er mál margra manna að í svarta hagkerfi lýðveldisins Íslands séu núorðið einu staðina að finna þar sem heiður, sannleikurinn og hin gömlu gildi eru í einhvejum heiðri höfð? Þar sé hann Íslendingurinn eins og við þekkjum hann frá í gamla daga, hjálpfús, almennilegur og orðheldinn? Heiðarlegur svindlari?

Bankaleynd? Kunnið þið annan þarna niðri í Seðlabanka?

Ragnar Gunnlaugsson

er maður úti á landi, fyrrverandi bóndi að eigin sögn, sem skrifar skemmtilegan pistil á blogg sitt. Mér finnst hann eiga erindi við fleiri og set hann hér inn í leyfisleysi;

"Reynt að skyggnast í hugarheim Jóhönnu Sigurðardóttur.

Aldrei að velja frið ef ófriður er í boði.

Ef fólk er ósammála mér sína þá hroka og fyrirlitningu ef það dugar ekki þá er að beita hótunum og það síðasta er að boða samráð sem auðvitað er engin meining með bara vinna tíma.

Atvinnuleysi er ágætt,það fólk styður mig og mænir upp til mín og vonar að molar falli úr hendi minni,ég held að atvinnureksturinn sé ekki of góður að greiða þessu fólki bætur.

Sjávarútvegur þar er uppspretta als hins illa þar sem ég á þar fáa stuðningsmenn, þar vil ég færa aflaheimildir frá þeim sem hafa verið að kaupa kvóta og stunda öfluga útgerð til þeirra sem eru búnir að selja sinn nýtingarrétt vegna gróðahyggju eða voru við það að fara á hausinn. Skítt með þó bankarnir fái vænan skell með þessari ráðstöfun,það er betra en að þeir séu að bjarga fólki í vanda.   Fátækt fyrir alla er mitt kjörorð.

Ef ég á að velja á milli útgerðarmanna eða þeirra sem gengu út úr bönkum og fyrirtækjum með miljarðatugi þá er ekki spurning að ég stend með þeim síðar nefndu enda gáfu þeir vel í kosningasjóði Samfylkingarinnar það man ég vel.

Síðast en ekki síst skal mér takast að koma þjóðinni inn í ESB áður en ég hætti þar sem nokkuð öruggt er að þá mun það ástand sem ég hef skapað mun viðhaldast, þá mun verða erfitt fyrir helv.... Íhaldið að skapa hér atvinnu og hagvöxt ef það kæmist nú til valda.

Svei bændum."

Þetta er auðvitað skrifað af hinum mesta húmorista í Spaugstofu stíl. En það er gaman að þessu samt hjá Ragnari Gunnlaugssyni þó að upptalningin hans sé engan vegin tæmandi um það sem Jóhanna hefur ekki gert. 

Ábyrgðarleysi að lesa ekki

Morgunblaðið en bara Fréttablaðið.

Berum saman miðopnur blaðanna, Morgunblaðsins og Fréttablaðsins í dag.

Fréttablaðið skartar leiðara sem gyllir Evrópusambandið á allan hátt og dregur úr öllum efasemdum sem menn kynnu að hafa.

Svandís Svavarsdóttir skrifar um umhverfisstefnu sína sem er samstofna við að nýta ekki náttúruauðlindir og fria landið fyrir búsetu.

Þorvaldur Gylfason lofsyngur Stjórnlagaráðið og gáfur þeirra 552 sem buðu sig fram og hvernig þetta hefði allt verið stórkostlegt og að bestu manna yfirsýn.

Valgerður Bjarnadóttir rakkar nður landbúnað á Íslandi og lofsyngur Brüssel.

Skrípamynd sem ég skil ekki þekur fjórðung opnunnar og svo auglýsingar fjórðung.

Allt er þetta einhliða trúboð, innræting og afvegaleiðing(Disinformation).

Morgunblaðið ræðir í leiðara sínum tvennt.

Sá fyrri er um skemmdarverk ríkisstjórnarinnar á þingstörfum og stjórnkerfinu.

Í seinni leiðara er rætt er um Forsetann og ríkisstjórnina og samksipti þessara aðila. Svo er rætt um aðildar viðræðurnar og sett er útá frammistöðu fulltrúa Íslands.

Kolbrún Bergþórsdóttir skammar stjórnarandstöðuna fyrir að gefa ríkisstjórninni ekki góð ráð og leiðbeiningar svo hún gæti gert eitthvað því ríkisstjórninni detti sjálfri ekkert í hug.

Grein um áfengisúrræði fyrir fanga og endurhæfingarúrræði kynferðisafbrotamanna, sem virðast bera árangur.Allt mjög brennandi mál.

Hjörleifur Sveinbjörnsson skrifar ítarlega stóra grein um Huan á Grímsstöðum og dregur fram kosti og galla og upplýsir um manninn frá Kína.Mál sem hlýtur að varða hvern einasta Íslending

Svo er íþróttamynd mynd yfir fimmtung opnunnar um brimbrettasiglingu, sem er lítið útbreitt hérlendis.

Allt eru þetta málefni dagsins þar sem upplýsingar og rökræður um málefni koma fram sem hjálpa fólki til að skyggnast um sviðið.Atriði sem kjósendur verða að mynda sér afstöðu til.

Baugstíðindin býsna sig af því að vera lesið af helmingi fleirum en Mogginn. Dæmt eftir fjölda póstlúga sem því er troðið inn í.Sem þarf ekki að vera lestur mótsett við Moggan, sem menn kaupa til að lesa. Er ekki í upplagstölum Fréttablaðsins bara að leita skýringa á slöku gengi þjóðarinnar? Og auðvitað með stuðningi annarra Baugsmiðla. Sem allt leiðir til skorts á upplýsingum í stað innrætingar? Skýringanna á því að aðeins 50 % þjóðarinnar ætlar að kjósa Sjálfstæðisflokkinn eftir tveggja ára afmæli vinstristjórnar Jóhönnu Sigurðardóttur og Steingríms J. Sigfússonar?

Er ekki bara hreint ábyrgarleysi af fólki að lesa ekki Morgunblaðið?

Rógsherferðin gegn Bjarna

Benediktssyni herðir ferðina. Nú hefur Capacent bæst í hópinn með því að gera skoðankönnun um hversu margir vilja fá Davíð aftur í formennsku í Sjálfstæðisflokknum.Auðvitað verður niðurstaðan notuð til að klekkja á Bjarna Benediktssyni. Það verðu galað :Bjarni nýtur ekki trausts, fólkið vill Davíð eða Hönnu Birnu !Bjarni verður felldur á landsfundi!

Þetta er svo greinilega maskínerað af hatursöflum Sjálfstæðisflokksins úr Samfylkingunni og Baugsmiðlunum, að það dylst engum sem vill sjá. Auðvitað liggur það fyrir, hér á síðunni til dæmis, að Davíð nýtur meira en þrefalds trausts á við nokkurn annan íslenskan stjórnmálamann. Þó hann sé hættur ! Það er því algerlega lúalegt af þessu Capavent fyrirtæki að láta nota sig til þess að rægja núverandi formann Sjálfstæðisflokksins með þesum hætti.

Af hverju spyr ekki Capacent líka um það hversu margir treysti Davíð Oddssyni betur en Jóhönnu eða Steingrími J.? Hvað þýddi niðurstaðan fyrir þau? Jú, fylgi við áframhaldandi forystu þeirra í sínum flokkum myndi snarminnka og er þó ekki beysið fyrir. Þetta verður túlkað með því að flokksfólkið þeirra vill ekki sjá þau ef kostur er að fá einhvern annan. Þau eru búin að vera, niður með þau!

Auðvitað væri Davíð aftur til forystu fyrir þjóðinni tíu sinnum betri kostur fyrir þjóðina en að hafa þau Jóhönnu og Steingrím áfram í Stjórnarráðinu.Það yrði örugglega niðurstaða samkvæmt könnunum Capacent. Eini gallinn við þetta er bara sá, að það eru ekki kosningar og Davíð hefur ekki boðið sig fram. Sem sagt tilgangslaus spurning en auðvitað hægt að nota niðurstöðuna í pólitískri refskák.

Gæti ekki þetta fyrirtæki ekki alveg eins spurt hvort menn vilji ekki fá Ólaf Thors eða Bjarna Benediktsson eldri aftur til valda? RÚV stóð sig að vonum vel í því kvöld, að fá einhvern mann til að ráðast á Bjarna Benediktsson eldri, sem var líka formaður Sjálfstæðisflokksins, og láta þennan einhvern í viðtali velta honum upp úr því að hann hafi beðið Bandaríkin um að eyðileggja Kiljan? Birta mynd af J.Edgar Hoover og Johnson til að sýna tengingu skuggabladrannna við Sjálfstæðisflokkinn.

Enn eitt sprekið í bálköst Bjarna Benediktssonar núverandi formanns Sjálfstæðisflokksins!

Af hverju spyr ekki Capacent um hvort landsmenn vlji ekki bara fá Jesús Krist í Stjórnarráðið frekar en heilaga Jóhönnu, Steingrím. Hafa kannski Davíð með? Hver skyldi verða númer eitt? Það væri ljótan ef Davíð yrði númer tvö?

Vinstri öflin tefla nú öllum rógi og undirferli fram til að reyna að draga úr vaxandi trausti fólks á Sjálfstæðisflokknum sem er komið yfir helming landsmanna undir formennsku Bjarna Benediktssonar núverandi fomanns. Þeir snúast til varnar með því að gripa til rógsins og villandi upplýsinga.

Er ekki rökréttur leikur þessa rottuhóps í stöðunni er að grafa undan formanni Sjálfstæðisflokksins með síbylju um hver eigi að taka við formennskunni af Bjarna á landsfundinum næsta?

Af hverju svörum við ekki Sjálfstæðismenn ekki sem um munar? Látum okkur það varða að Jóhanna ætlar að halda áfram í Samfylkingunni? Getum við ekki fundið nóg á hana? Eigum við ekki að finna kandídata á móti henni? Eða væri þetta okkur ekki sæmandi?

Af hverju stöndum við þá ekki upp og verjum flokkinn okkar og formann hans? Kommana og kratana varðar ekkert um innri mál Sjálfstæðisflokksins. Það er okkar flokksmanna að ráða fram úr þeim.

Sjálfstæðsimenn ! Tökum ekki meðvirkan þátt í þessari skipulögðu rógsherferð á hendur núverandi formanni Sjálfstæðisflokksins, Bjarna Benediktssyni.

Ræfilstuskan

hann Björn Valur að lenda í því að segja ljótt í ræðustól þingsins.Ég er viss um að hann ætlaði ekki að segja þetta en missti þetta út úr sér í hita leiksins. No big deal í mínum augum.

En þetta smáatriði er ekki það alvarlega við hann Björn Val Gíslason. Það er það hvernig að kommúnisminn bannar honum allra bjargir annað en að brjótast um í bræði sinni yfir gengi Sjálfstæðisflokksins. Hvernig kommúnistar bregðast við gagnrýni yfirleitt. Alveg eins og Steingrímur J. sem er alltaf brjálaður ef einhver segir eitthvað sem honum líkar ekki.

Kommarnir virðast trúa því beinlínis að það þurfi ekki neina stjórnarandstöðu ef stefnan er rétt eins og einn komminn sagði við mig í gamladaga á dögum Ulbrichts þegar við ræddum ástandið í A-Þýskalandi.

Björn Valur sagði á Eyjunni:

..."Það vekur því furðu að nú rúmum tveim árum eftir að Rannsóknarnefnd Alþingis skilaði skýrslu sinni á orsökum og aðdraganda efnahagshrunsins, skuli sjálfstæðisflokkurinn nú vera með hátt í 40% fylgi meðal þjóðarinnar.
Kannski verður einhverntímann sett á fót rannsóknarnefnd til rannsaka hvernig það getur gerst að jafn dauðasekur stjórnmálaflokkur og sjálfstæðisflokkurinn er getur öðlast slíkt fylgi meðal þjóðar sem hann hefur kvalið jafn mikið og þá íslensku...."

Makalaust er það með skipstjóra og þingmann eins og hann Björn Val
að vera svona lokaður fyrir pólitík. Hvað er að, hvað er að ! æpir Björn í örvæntingu sinni. Hversvegna vill fólkið mig ekki, sem er svo góður og göfugur? Af hverju vill fólkið Sjálfstæðisflokkinn?.

Skyldi Björn aldrei hafa lesið sjálfstæðisstefnuna ? Hún er búin að vera óbreytt síðan 1929 og enginn hefur séð ástæðu til að breyta henni.

En hún er svona: Flokkurinn ætlar að... "vinna í inannlandsmálum að þjóðlegri og víðsýnni umbótastefnu, á grundvelli atvinnufrelsis og einstaklingsfrelsi, með hagsmuni allra stétta fyrir augum." Til viðbótar vill Sjálfstæðisflokkurinn "standa vörð um sjálfstæði landsins" eins og nafnið gefur til kynna. En Björn Valur styður ríkisstjórn sem hefur þá stefnu að selja sjálfstæðið með fiskveiðiforræðinu til Brüssel. Og aðrar auðlindir með. Hvað skyldi Björn Valur annars vera búinn að vera í mörgum kommaflokkum með jafnmargar stefnuskrár? Hvað hétu þeira allir, Kommúnistaflokkur Íslands, Sameigingarflokkur Alþýðu, Sósíalistaflokkurinn, Æskulýðsfylkingin, Alþýðubandalagið, Vinstri hreyfingin-grænt framboð.

Vill hann ekki vera svo vænn að skrifa upp fyrir okkur stefnuskrá VG sem hann er þingmaður fyrir? Ef hann hefur hana í númeruðum liðum þá er auðveldar fyrir okkur að haka við og bera saman orð og efndir. Hann er þá búinn að vinna einhverja forvinnu fyrir kosningarnar næstu, því þá verður þetta allt rifjað upp. Björn Valur, hvað hefurðu efnt?

Þá getum við kannski séð ástæðuna fyrir fýlu Björns útí Forsetann? Menn geta bara orðið svona svekktir á gengisleysinu hjá ríkisstjórninni, ræfilstuskunni þeirri, að aðfinnslur fari í taugarnar á manni.