Leigja en ekki selja

var boðskapur Péturs Blöndal varðadni orkufyrirtækin. Ögmundur Jónasson rifjar upp hvernig hann sem ungur fréttamaður og frammámaður í BSRB tók þátt í að loka Rikisútvarpinu 1984, eins og rifjað var rækilega upp í Reykjavíkurbréfi Morgunblaðsins. Ögmundur reyndist síðar á ævinni ómetanlegur fyrir þjóð sína þegar hann kom í veg fyrir að Kínverjar keyptu stóran hluta Íslands. Það var því til að happs að hann var ekki hengdur á fyrri byltingartímum.

Einar Benediktsson sá margfróði maður um alþjóðamál  áréttar sjónarmiðin um það að halda Íslandi  óskiptu í þjóðareigu í ítarlegri grein í Morgunblaðinu í dag. Þar segir hann að miklivægt sé að tryggt verði að Kínverjar nái hér aldrei fótfestu sem þeir geta notað til áhrifa á Norðusheimskautasvæðunum. Einar er mikill Evrópusambandssinni og því vakti það athygli mína að hann talar aðeins um Kínverja en ekki Brussel eða aðra útlendinga. Að mínu viti á að gilda sama gagnvart öllum útlendingum varðandi fasteigna og landakaup á Íslandi. Það á aðeins að leigja til langs tíma en ekki selja. Sala skerðir fullveldisréttinn verulega en leiga gerir kaupanda og viðskiptum  sama gagn eins og Pétur Blöndal gerir grein fyrir.

Við Íslendingar eigum aldrei að gefa útlendum kóngi Grímsey né nokkuð annað sem íslenskt er.  Heldur ekki kynstofninn með innflutningi óþjóða til blöndunar og spillingar þess menningararfs sem við teljum íslenskan. Já, já . Gargi þeir alþjóða-og fjölmenningarsinnar sem vilja rasisti, fasisti og nasisti. Þetta er mín skoðun og tel dæmin sanna frá öðrum löndum að íslenskur ríkisborgararéttur sé auðlind sem við eigum að fara sparlega með.

Við eigum að leigja en ekki selja þegar kemur að viðskiptum við útlendinga, hælisleitendur sem aðra. 

Auðólfur læknir

Gunnarsson skrifar yfirvegaða og skynsama grein í Morgunblaðið í dag. 

Þó að Auðólfur sé að nálgast þanna aldur að vera dæmdur óhæfur læknir vegna langrar reynslu sinnar þá er vert að velta því fyrir sér sem hann segir. M.a.þetta:

 "......Ég minnist margra einstaklinga sem bjargað var frá bana vegna þess hve fljótt sjúklingarnir komust á spítalann þar sem sérhæft teymi brást hratt og rétt við ástandi þeirra og fáeinar mínútur skildu oft á milli feigs og ófeigs. .....

 

 .... Í umræðunni um flutning sjúkraflugs til Keflavíkur gleymist oft að þótt aksturstími frá Keflavík til Reykjavíkur sé ekki mjög langur við bestu skilyrði getur bæst við hann veruleg töf vegna veðurs og slæmra akstursskilyrða og umferðaröngþveitis í nágrenni Lsp. á álagstímum.

 

 Því hefur verið haldið fram að Vatnsmýrin sé svo dýrmætt byggingarland fyrir Rvk. að flugvöllurinn verði að víkja þótt vitað sé að jarðvegur mýrarinnar sé óheppilegur fyrir byggingar. Það vekur furðu mína sem gamals umhverfissinna að núverandi framverðir umhverfisverndar virðast láta sig litlu skipta þótt lífríki og friðland fugla í mýrinni eyðist og vatnsbúskapur væntanlega breytast þannig að Tjörnin laskist eða hverfi og þar með það lífríki og augnayndi, sem henni fylgir. Meira virðist skipta að koma í veg fyrir lagningu háspennulínu um Sprengisand vegna sjónmengunar þótt þar sé um að ræða afturkræfa framkvæmd sem fáir berja augum miðað við Tjörnina í Reykjavík.

 

 Ég hef áður talað fyrir því að í stað þess að tjasla við gamlar og úreltar byggingar á Landspítalalóðinni og byggja dreift í lágreistu plani, verði nýjum spítala fundinn staður þar sem yrði greiðari aðgangur og unnt að byggja færri en háreistari byggingar en á núverandi stað. Slíkt mundi auðvelda öll samskipti starfsfólks og gera flutninga sjúklinga og vista í lyftum mögulega, í stað þess að aka þeim á vögnum eftir löngum göngum. Nauðsynlegt er að bráðaspítali hafi gott aðgengi og umferðartafir mega ekki hindra komu mikið veikra sjúklinga á spítalann í tæka tíð.

 

Ég tel því að nýr spítali yrði betur staðsettur annars staðar en á núverandi lóð, t.d. í Fossvogi, á Vífilsstöðum eða Keldum. Sennilega yrði viðbygging við spítalann í Fossvogi raunhæfasti kosturinn til að leysa bráðavanda Landspítalans. Í stað þess að taka Vatnsmýrina undir byggingar og fórna þar með lífríki hennar og flugvellinum, mætti við flutning Landspítalans nýta það land sem losnaði og sumar byggingar, sem þar eru, fyrir aðra starfsemi tengda háskólunum og miðbæ Reykjavíkur, t.d. stúdentagarða og hótel. Þaðan gætu stúdentar gengið í skólann og aðrir sótt sér þjónustu í miðbæinn.

 

 Þótt Landspítalinn sé stór vinnustaður er fátítt að starfsfólk hans eigi erindi í miðbæinn. Ýmis önnur starfsemi styður betur við blómlegan miðbæ.

Í mínum huga má líkja skipulagi og umferðaræðum borga við hjarta- og æðakerfi mannslíkamans. Ef æðar þrengjast eða lokast, koma fyrst kvalir og síðan drep í viðkomandi líkamshluta. Ef hjartað stöðvast deyr allur líkaminn. Miðborgar, sem er án miðlægs samgöngukerfis og greiðra umferðaræða, geta beðið svipuð örlög.."

 

Þarna kemur fram verkfræðileg hugsun í logistics sem menn mættu taka eftir þar sem þetta kemur frá gömlum lækni með reynslu. Þetta sem Auðólfur nefnir með lárétta og lóðrétta flutninga innan spítala er auðskilið öllum öðrum en borgaryfirvöldum  í Reykjavík.

 

Ég fullyrði samt fyrir ólæknandi Kvosarsinna að að sambýli 20 hæða turns á Landspítalalóðinni  og aðflugs að norður- suður brautinni verður hið ágætasta og ekkert öðruvísi en að fljúga ekki á Hallgrímskirkju. Og að fljúga á Alþingishúsið er ekkert öðruvísi slys en að fljúga á eitthvað annað hús eða að jafnvel fá loftstein eða sprengjubrot  í hausinn í Austurstræti. Lífið er hættulegt hvernig sem á það er litið þó maður reyni sitt besta til að forðast hættur.

 

Það er fengur í svo frábærri grein sem Auðólfur Gunnarsson skrifar. Við flugumst á ungir strákar í skógræktinni í gamla daga og vorum samverkamenn og perluvinir í mörg ár. Það má treysta Auðólfi Gunnarssyni til að hafa vit á því sem hann talar um, hvort sem það er flugvallarmál, spítalabyggingar eða náttúruvernd. Hann fer ekki með fleipur karlinn sá.

 

Aldraðir eru ofsóttur minnihluti

 

í þessu þjóðfélagi þvert á tal ráðamanna úr öllu flokkum. Þeir meina yfirleitt ekkert með bulli sínu um væntumþykju þeirra til aldraðra. Kjör þeirra eru oft með þeim hætti að gamlingjar neyðast til að vinna sem þeir mega til að geta til dæmis greitt auðlegðarskattinn sem á að borga áfram á næsta ári. Gamlingjar fóru til dæmis ekkert betur út úr hruninu en þeir yngri. Þeir verða sumir að selja eignir sínar til að geta borgað auðlegðarskattinn.

 

 [e-mail] á Morgunblaðinu skrifar svo:

„»Það væri hægt að mæta ákveðnum þáttum læknaskortsins með því að leyfa læknum að vinna lengur.“« Svo mælir Sigurður E. Þorvaldsson læknir en hann er ósáttur við ný lög um heilbrigðisstarfsmenn sem tóku gildi í ársbyrjun. Samkvæmt þeim er læknum óheimilt að reka eigin starfstofu eftir að þeir ná 70 ára aldri. Landlækni er þó heimilt, að fenginni umsókn viðkomandi, að framlengja leyfið til tveggja ára í senn, þó aldrei oftar en þrisvar. Læknar mega því ekki starfa eftir að hafa náð 76 ára aldri.

 

»Áður en þessu nýju lög voru sett gat læknir starfað sjálfstætt á sinni eigin starfsstöð til 75 ára aldurs. Þegar hann náði þeim aldri gat landlæknir veitt honum framlengingu, eitt ár í senn, um óákveðinn tíma. Nú er það 76 ára og skellt í lás,« segir Sigurður og bætir við að það sé ekki sjálfgefið að læknar missi alla líkamlega og andlega færni við þann aldur.

 

»Það er skortur á læknum og það eru engir læknar að koma heim til að taka við af þessum mönnum. Það liggur í augum uppi að það er mikill mannauður og reynsla sem fer forgörðum þegar ekki er leyfilegt að vinna nema til 76 ára aldurs. Það sem líka er á skjön við rökræna hugsun er að þetta á bara við um eigin starfstöð, þú getur hinsvegar unnið hjá öðrum.«

 

Sigurður segir að þeim sem eru fullfrískir, haldi sér við og hafi áhuga á að starfa lengur, finnist hart að vera sviptir réttindunum svona. Hann veit til þess að læknar hafi þurft að hætta störfum eftir að nýju lögin tóku gildi. Sjálfur er Sigurður að verða 77 ára og hættir að vinna eftir tíu daga. »Ég er ósköp sáttur með langan og tiltölulega farsælan feril en mér finnst að það hefði ekki þurft að þvinga mig til þess að hætta. Þetta eru óréttlát lög og ég vil að þeim verði breytt.«

 

Í upplýsingum frá embætti landlæknis segir að þeir læknar sem voru orðnir sjötugir 1. janúar 2013, þegar nýju lögin tóku gildi, hafi heimildir til að reka stofur sínar áfram til 75 ára aldurs, eins og eldri læknalög mæltu fyrir. Þeir þurfa ekki að sækja um sérstaka framlengingu til landlæknis fyrr en við 75 ára aldur. Þá getur landlæknir aðeins veitt leyfi til eins árs, því læknum er skylt að hætta 76 ára.

Síðan nýju lögin tóku gildi hafa þrjátíu umsóknir um framlengingu komið inn á borð landlæknis, frá öllum heilbrigðisstéttum sem eru með eigin rekstur. Allar umsóknirnar þrjátíu hafa verið samþykktar. Þá veitti landlæknir heilbrigðisstarfsmönnum sem náð höfðu 76 ára aldri þegar nýju lögin tóku gildi svigrúm til 1. ágúst 2013 til að hætta rekstri. Annars miðast lokun á eigin starfstofu við 76 ára afmælisdaginn.

 

Ákvæðið um aldursmörk hefur ekki áhrif á starfsleyfi viðkomandi sem getur áfram starfað t.d. sem launþegi hjá öðrum, það nær aðeins til reksturs eigin starfsstofu.

»Samkvæmt rekstraraðilaskrá embættisins voru 25 læknar 70 ára og eldri með rekstur stofu þegar lögin tóku gildi 1. janúar 2013. Fimm þeirra voru eldri en 75 ára, þeim hefur verið gert að loka eigin starfstöð. Hinir 20 falla undir læknalög nr. 53/1988 og þurfa því ekki að sækja um framlengingu til landlæknis fyrr en þeir ná 75 ára aldri,« segir í upplýsingum frá embætti landlæknis.“

 

Þá hafa menn það. Ungir læknar flýja land nýútskrifaðir. Til hvers gáfum við þeim menntunina? Ég tók mitt nám allt erlendis. Ég skulda íslenska ríkinu ekki neitt. Er gamall læknir ónothæfur ef enginn ungur fæst?

Ég get tekið dæmi af sjálfum mér af eigin raun. Ég hannaði nokkur verk fyrir Kópavogbæ fyrir hrun á árunum 2002-2007. Ekkert tjón varð mér vitanlega af þessum störfum  og hef ég starfað á hönnunarmarkaði síðan óslitið án áfalla. Framvæmdir í byggingum á vegum Kópavogs féllu mikið niður við hrunið. Fasteignagjöld hafa hinsvegar ekki fallið niður og hefur félag mitt fengið að greiða þau til jafns við alla aðra.

 Það bar því vel í veiði þegar ég frétti að bjóða ætti í hönnun á íbúðum fyrir aldraða. Hliðstætt verki sem ég vann fyrir nokkrum árum fyrir sömu aðila sem eru svipað margar íbúðir fyrir geðfatlaða sem standa við Hörðukór. Ég og mitt fyrirtæki sá um alla tæknivinnu við þá framkvæmd í nánu samstarfi við hinn ágæta arkitekt og nú líka sagnfræðinginn, Gunnar S. Óskarsson. Ég sé ekki betur en þau hús standi alveg prýðilega enn í dag. Einmitt vegna þess hafði ég farið létt með nýju byggingarnar sem eru nauðalíkar. Jafnvel hefðum við aðeins þurft að breyta teikningunum óverulega til að búa til íbúðir fyrir aldraða. Nei, þeir á Tæknideildinni þurfa ekki að spara.

En nú ber svo við að ég fæ þau skilaboð frá Tæknideild Kópavogs  að ég fái ekki að bjóða í verkið því ég sé orðinn of gamall. Hugsanlega eru þeir að lýsa líka persónulegu vantrausti sinni á mér sem hönnuði vegna fyrri reynslu. Og ekki blönduðu flokkssystkyni mín  í bæjarstjórn sér í þetta enda lítið tæknisinnuð flest. Svo ekki verður Sjálfstæðisflokkurinn sakaður um spillingu í þessu tilviki að minnsta kosti.

Hvort ég hefði getað unni þetta verk? Þeirri spurningu get best svarað með því að benda á fyrri verk. Og veifa gildu flugskírteini til vitnis um heilsufarið. 

Þeir á Tæknideild Kópavogs handvelja síðan nokkra hönnuði sem sumir eru nú dálítið gráhærðir líka.  Helmingur þeirra eru ekki einu sinni bæjarbúar. Ég tek það fram að þetta eru flestir kunningjar mínir og sumir gamlir samstarfsmenn. Og allir eru þeir sjálfsagt færari en ég, hver á sínu sviði sínu. En ég hef þá stöðu á hönnunarmarkaði að hafa alhliða hönnunarréttindi sem allir hafa ekki endilega. Og ég hef langa óflekkaða hönnunarreynslu. 

 En þarna var bara verið að spyrja um verð á þjónustu til ráðstöfunar skattfjár. Það er verið að ráðstafa mínum fasteignagjöldum meðal annars.Með að neita mér um að bjóða í er verið að segja að ég sé svo lélegur að það borgi sig aldrei að nota mig hvað sem í boði er. Takk fyrir það. 

Þegar ég svo skoða það ágæta verk sem frá þeim kom sem valdir voru og verðin frá þeim, þá get ég fullyrt að minnst einn einstakan þátt hefði ég gert meira en tveimur milljónum ódýrara en sá sem það verk hlaut. Verðið frá mér hefði dugað fyrir fasteignagjöldunum sem ég stend skil á til heimabæjar míns Kópavogs. Ég ætla ekki að fara lengra út í samanburð en þetta. En ég hefði léttilega getað boðið í allt verkið. Líka arkitektinn sem þeir handvöldu án útboðs.  Ég get lagt fram nýgerða hönnun mína á sambærilegu verki þessu til sönnunar og reikninginn fyrir hana.

Sem betur fer spurðu þeir viðskiptavinir mig  ekki um aldur þannig að þeir greiddu verkið umyrðalaust og verkinu er lokið farsællega.  Mér sýnist sumir viðskiptamenn mínir líka líta líka til reynslu minnar sem er orðin til margra áratuga auk nýlegra byggingastjóraréttinda.  Ennþá hefur enginn kvartað við mig yfir hönnunarviðskiptum við mig nema einhverjir sögðu við mig í gamla daga að ég væri dálítið járnaglaður. Enda hefur ekkert hús hrunið eða plötur sigið sem sjást nú hér í Kópavogi.  Engar lagnir bilað. Þrátt fyrir Suðurlandsskjálftann 2000. Verkin sanna því merkin.

Ég myndi sjálfur heldur fara til læknis sem ég veit að hefur langa starfsævi að baki heldur en ungs kandidats sem á eftir að safna að sér starfsreynslunni. Mér sýnist að Bandaríkjamenn spyrji ekki um aldur sérfræðinga heldur hvað þeir geti.

En í Kópavogi má ég bara borga gjöld. Ekki vinna við mitt fag. Samt er ég í starfi á minni verkfræðistofu, stálhress og með kjaftinn í ágætu lagi eins og langafi minn hann Jón Ólafsson. Og kann bara hitt og þetta að ég held sjálfur.

En svona er þetta bara. Maður sem er orðinn 65 ára eða jafnvel yngri fær  hvergi vinnu missi hann atvinnu sína. Í Bandaríkjunum er bannað að mismuna fólki eftir aldri. Hér er bara spáð í kynfærin. 

Ég held því fram eftir þetta að aldraðir verkfræðingar séu ofsóttur minnihluti  á Íslandi, og þá sérstaklega við Tæknideild Kópavogsbæjar. Þar er ég í Berufsverbot að hætti þýskra með Gyðingana.

Það gildir einu hvort um er að ræða lækna eða verkfræðinga. Aldraðir eru ofsóttur minnihluti .

Og hananú!

Yfir kaldan eyðisand...

er vísa sem flestir Íslendingar hafa  sungið á góðri stund.

Á Sprengisandi Sigurjóns er spaki maður Benedikt Jóhannesson ásamt Salvöru Nordal. Ég held að Benedikt telji enn sem fyrr að öll vandamál okkar muni leysast með inngöngu í Evrópubandalagið og upptöku evrunnar sem hann kallar annan gjaldmiðil sem leysi gatslitna krónuna okkar af.Þau voru sammála um að virðiingu Alþingis hefði hrakað og nefndi Benedikt afnám bindisskyldunnar. þar hefði virðingarhrunið byrjað og munu margir samsinna því. Viss formfesta væri nauðsynleg.

Ekki svarar Benedikt því á hvaða gegni hann vilji skipta sínum krónueignum yfir í evrur. Um þetta eru allir evrufræðingarnir samtaka um að svara ekki neinu. Bara það að evran sé allra meina bót nema í tilfellum sólarlandanna sem hana tóku. 

Síðar í þættinum koma þeir Bjarni Benediktsson og Steingrímur J. Sigfússon. Bjarni virðist hafa þau áhrif á Steingrím að þar fer breyttur maður. Í stað stálhnefans  er kominn maður sem viðurkennir að vandinn sé ærinn og hann þurfi að leysa. Þess hafi bara ekki verið kostur á hans amtstíð.  Núna er það Bjarni sem á að leysa vandann.

Steingrímur svarar auðvitað engu þegar Bjarni skýrir frá því að bara vegna uppsafnaðs ríkissjóðshalla ríkisstjórnar Steingríms og Jóhönnu þurfi að greiða um 30  milljarða í vexti á næsta ári.  Steingrímur samsinnti því að á  braut skuldasöfnunar ríkissjóðs mætti ekki lengra halda. Öll ræða Steingríms var á svo  ljúfum nótum að mann rak í rogastans. Hann virðist skilja að honum tókst ekki að leysa vandann sem við blasir verri en  hann nokkru sinni áður var Steingrími verður tíðrætt um að óvissa ríki með þjóðinni. Bjarni taldi að ástandið væri ekki verra en það hefði verið og tók dæmi frá fyrri árum. Steingrími verður tíðrætt um að hann hafi viljað styrkja sprotafyrirtæki á sinni tíð. Þessi ríkisstjórn ætli ekki að gera það. Bjarni segir á móti að samkeppnissjóðir hafi verið styrktir en því miður með lántökum. Framlögin á næsta ári séu því ekki verri an verið hefur. Steingrímur hefur áhyggjur af fallandi eftirspurn á markaði og telur það teikn um svartsýni almennings.

Bjarni er bjartsýnni og telur horfur ekki verri nú en áður. Bjarni telur málin leysanleg gagnvart kröfuhöfunum og mikið af þeirra kröfum hafa þeir eignast eftir hrunið. 14 falt eigið fé Landsbankans. Þeir tapa 30 milljörðum á mánuði meðan málin ekki leysast. Þeim er mikið í mun að semja og það munum við nýta okkur. Við getum knúð fram lausn sem sjálfstæð þjóð. Steingrímur segir að hamarinn sé ekki ókleifur og þakkar sér flutning eigna inn fyrir okkar lögsögu með lögum frá 2010. Bjarni lýsti því hvað myndi gerast ef höftin væru afnumin á einni nóttu. Því verði að fara með gát til þess að ná fram afskriftum af krónueignum útlendinga.

Steingrímur fer mikinn í tali um sprotafyrirtæki sem þessi ríkisstjórn vanræki öfugt við það sem var hjá honum. Allt tal hans er sjálfsagt í góðum tilgangi gert.  En ný fyrirtæki fara ekki alltaf að skila hagnaði strax eða þannig er mín reynsla. Uppbygging fyrirtækja tekur oft langan tima. Sprotafyrirtæki Steingríms eru líka óskilgreind og í slagorðastíl eins og fyrirætlanir hans um draumórafyrirtæki á Bakka munu líklega reynast.  En þangað mokaði hann undirbúningsfjárhæðum meðan hann gat í án þess að raunhæf áætlun hafi séð dagsins ljós. Hans leiðir eru sem fyrr, hækkun skatta, hækkun gjalda. Aðra sýn hefur þessi sósíalisti ekki. Bjarni boðar betri tíð með auknum vexti framleiðslunnar og hóflegum sköttum. 

Allt skattatal Steingríms leiðir mann að þeirri ályktun að takist þeim Bjarna og Sigmundi Davíð ekki ætlunaverk sitt kem ég ekki auga á þá stjórnmálamenn sem eru líklegir til að bæta um betur.

Þjóðin vonar því sannarlega að þessir ungu menn, Bjarni og Sigmundur Davíð,  leiði hana yfir kaldan eyðisand frá hinni dauðu hönd sósialisma Steingríms J Sigfússonar.  

Ef 200 milljónir finnast?

Svo segir í  fréttum Morgunblaðsins:

„Mikið hefur verið rætt um heilbrigðismálin, sem er eðlilegt. Þar er niðurskurðinum lokið, þar er ekki verið að skera niður, eins og gert hefur verið ár eftir ár. Það getur vel verið að í fjárlagavinnunni finnist leiðir til að forgangsraða enn frekar í þágu heilbrigðisþjónustunnar.

Legugjöldum er ætlað að skila Landspítalanum um 200 milljónum og ef menn finna 200 milljónir einhvers staðar annars staðar, þá ætti að vera hægt að skipta þeim fjármunum út. Ég á allt eins von á því að fjárlaganefndinni takist að finna út úr þessu,“ sagði Sigmundur Davíð á kjördæmisþinginu, sem haldið er í Háskólanum á Akureyri."

Ég held að ég þekki mann sem er tilbúinn að útvega ríkinu þessa peninga án þess að auka útgjöld okkar frá því sem nú er.

Á heiðarlegan hátt að öllu leyti skal tekið fram. 200 milljónir í nýjum tekjum.

Óargadýr?

 Svo segir í Mbl í dag:

 "»Við teljum að ekki þurfi að tilkynna sveitarfélögunum sérstaklega ef við leigjum íbúðir fyrir hælisleitendur í þeim sveitarfélögum,« segir Árni Sigfússon, bæjarstjóri Reykjanesbæjar.

 Bæði félagsmálaráð og bæjarráð Kópavogsbæjar hafa sent frá sér bókanir þar sem m.a. er spurt af hverju Kópavogsbær hafi ekki verið upplýstur um að hælisleitendur hefðust við í leiguíbúðum í bænum sem Reykjanesbær hefði tekið á leigu.

 

Lögreglan á höfuðborgarsvæðinu réðst inn í umrætt húsnæði fyrir viku.

 

Þar voru fimmtán karlmenn handteknir í aðgerðunum. Þeir eru allir af erlendu bergi brotnir og eru enn fremur með stöðu hælisleitenda.

 

Hælisleitendurnir eru allir í umsjá Reykjanesbæjar þrátt fyrir að leigt hafi verið undir þá húsnæði í Kópavogi. Þá sé algengt að Reykjanesbær leigi íbúðir fyrir hælisleitendur í öðrum sveitarfélögum....

 

....Í bæjarráði fór Ólafur Þór Gunnarsson, fulltrúi Vinstri grænna, fram á greinargerð frá bæjarstjóra vegna málsins. Spurði hann einnig um réttarstöðu bæjarins og hvort bæjaryfirvöld hefðu óskað eftir viðræðum við bæjaryfirvöld í Reykjanesbæ eða innanríkisráðuneytið.

 

Árni ítrekar að þessir einstaklingar séu frjálsir ferða sinna hér á landi á meðan þeir bíða eftir úrskurði Útlendingastofnunar. Þá bendir hann á að umræðan sé vandmeðfarin og »ekki megi gera úr þessum hóp einhver óargadýr. Það eru ýmsar ógnir sem steðja að þessu fólki og það kemur hingað til að leita að friði.«[e-mail] "

Hvernig getur Árni fullyrt að þessi hópur sé ekki endilega óargadýr?

Það er nokkuð ljóst eftir atburðina í Kópavogi að íslenskum almenningi stafar mögulega stórhætta af þessu fólki.

Það er rangt að hleypa skilríkjalausu og órannsökuðu fólki á íslenskan almenning. Kópavogshandttakan sannaði minnst 15 af hundraði hælisleitenda reyndust vera óargadýr sem komu hingað til að gera samfélaginu óskunda.

Það er röng stefna að dreifa þeim til beitar í samfélaginu. Þeir eiga að bíða afgreiðslu í búðum á Keflavíkurflugvelli þangað sem þeir koma. Sú aðgerð ein myndi spyrjast út og draga úr aðstreyminu.

Óargadýr þekkjast ekki endilega á útlitinu einu saman. 

Ráðningarbann er rétta lausnin

við ofvexti apparatanna hjá ríki og bæjum.

Það þarf engum að segja upp með tilheyrandi sársauka. Aðeins að ráða ekki í stöður sem losna. Þetta var gert hjá Reykjavíkurborg fyrir löngu síðan og virkaði vel á þeim tíma.

Ráðningabann hjá ríki og bæ er rétta lausnin í rekstrarvandanum. 

Ritskoðun á Netið?

er það sem SMÁÍS fer fram á við fjarskiptafyrirtækin. Spyrja má sig hvort tölvurisar standi þarna á bak við til þess að verja stöður sína á PC-markaðnum?

Um langan aldur hafa Torrent-síður verið bjarghringur litlamannsins til að komast í kynni við risaforrit heimsins og læra á þau.Þarna er yfirleitt gömul módel á ferð en þjóna menntunarhlutverkinu ágætlega. Nýjustu útgáfur sem atvinnumenn nota eru yfirleitt lengra undan. Menningarhlutverk Torrent-síðanna  er því ótvírætt og stuðla frekar að útbreiðslu afurða þekkingarfyrirtækjanna. Enda vita þau það sjálf og því eru þau með sífelldar uppfærslur sem gera gömlu útgáfurnar úreltar og óbrúklegar í alvöru viðskiptum. Eyðing ólöglegs efnis af tölvu hefur engan tilgang því það er hægt að endurheimta það með lítilli fyrirhöfn.Það er alveg eins hægt að banna mönnum að sjá eða heyra vissa hluti með lagaboði. Hvernig og hver á að greina á milli? Hið stóreflda umhverfiseftirlit Svandísar Svavarsdóttur? 

Annað efni svo sem tónlist og bíómyndir, klám og ofbeldisefni, leikir osfrv. er þarna auðvitað líka og svo eru auglýsingar frá innlendum og erlendum vændisiðnaði í boði. Áður en þetta varð almennt þá voru mikil hugbúnaðarheildsöluhús starfandi, mikið í A-Evrópu, sem seldu þetta allt með niðurhali eða sendu fólki geisladiska gegn vægu gjaldi. Tillögur um lokun á Torrent-síðum er svona álíka vænleg tl árangurs og að segja vatni að renna upp í móti. Eiginlega sprenghlægileg ef hún væri ekki svona raunalega óupplýst um netið. Á að loka á klámiðnaðinn? Eða gjaldeyrismarkaðinn? Á að banna allt niðurhal?  Hvar sér SMÁÍS endirinn?

Það er sama hvort menn séu brenndir á báli fyrir þekkinguna eins og kaþólska kirkjan beitti Bruno eða SMÁÍS haldi að þeir geti bannað þetta eða hitt, þá er sú barátta dæmd til að mistakast. Wikipedia segir sannleikann um menn og málefni ókeypis. Öll þekking er komin í almannaeigu á Internetinu. Kínverski kommúnistaflokkurinn er í sömu stöðu og SMÁÍS því hann getur ekki stöðvað Internetið hvað sem hann reynir. Internetið kemur í veg fyrir að andlýðræðisleg öfl geti blekkt fólk í stórum stíl. Menn hugsi andartak til Hitlers og helfararinnar sem hefði ekki geta orðið á tíma þvílíkra samkipta og nú eru uppi. 

Lifi frjáls fjölmiðlun! Lifi Netið! Niður með heimsku og fáfræði! Niður með óvini mannkyns!

Ritskoðun Netsins er sem betur fer óframkvæmanlega tilgangslaus rétt eins eins og galdrabrennurnar gengu sér til húðar á sinni tíð. 

 

Endurritun sögunnar

er viðfangsefnið sem stjórnarandstaðan fæst við um þessar mundir.

Hver eftir annan komu jafnt gamalreyndir  prammar og nýliðar úr fyrri stjórnarflokkum sem eiga ekki aðild að stjórnarsamstarfinu og fóru að segja okkur sögur af frægðarverkum fyrri ríkisstjórnar, þar sem ekki var þverfótað fyrir afrekum á öllum sviðum.  Allt það mikla verk væri nú rifið til grunna af þessari ríkisstjórn, sem hefur þó vart slitið barnsskónum.

Árnarnir Páll og Sigurðsson yfirbuðu hvor annan í lýsingum á þeirri afturför sem nú væri hafin. Kosningar höfðu greinilega ekki átt sér stað þar sem þeirra stjórnarstefnu hafði verið afgerandi hafnað. Enn er aðildin að ESB mál brennandi málanna hjá Árna Samfylkingar og meiri skattlagning hugðarefni Árna VG.Ég fór að hugsa hvaða álit þessir menn hafi á mér og mínu heilabúi þegar þeir kalla mig kæra landsmann og segja mér að ég eigi að trúa þeim svona skömmu eftir kosningar. Það er líklega ekki upp á marga fiska.

Satt að segja verkjaði mig í minn heimska haus eftir að hafa hlýtt á þetta fólk lesa upp stíla sína sem það heldur að sé sama og að flytja ræður til að sannfæra áheyrendur. Einn nýliðanna í málfundafélaginu lýsti því í upplestri sínum hvað Adolf Hitler hefði verið vitlaus og lítill ræðumaður. Það væri líklega munur á þeim viðvaningi og honum sjálfum. Ég reyndi en tókst ekki að skilja samhengið.Það leiddi hugann svo að því að það var haft eftir dr. Jósef Göbbels held ég, að ef maður endurtæki lygina nógu oft þá yrði hún smám saman að sannleika.

Eftir að hlusta á upplesturinn hjá mörgum þingmönnum jókst virðing mín fyrir Alþingi og væntingar ekki mælanlega held ég. Ég vona bara að stjórnin láti standa hendur fram úr ermum og geri eitthvað en eyði ekki tímanum í að pexa við þessa endurskrifara nýliðinnar sögu.

 

 

 

Fegurri fjárlög

framlögð?  Hugsanlega er þar ýmislegt til bóta. En margt er þar sem mætti vera öðruvísi að mínum smekk.

Fyrst er þar til að taka að ríkisbankarnir 3 stunda blóðmjólkun á almenningi. Þeira hafa rakað saman 6 milljónum á hverri einustu klukkustund síðan 2009. Þessir aular og óvinir almennings eru á framfæri almennings og skulda Seðlabankanum hundruð milljarða frá tíð Steingríms Jóhanns. Þeir stela beint af 71 reikningi af 158 sem þeir þykjast bjóða sem þjónustu við fólkið.

Þar sitja skilanefndir og ráðgera að henda fjöreggjum þjóðarinnar í gin erlendra vogunarsjóða úr skuldsettum  gjaldeyrisforða. Það má þó bolsévikkinn í Seðlabankanum eiga að hann lét þær ekki mokka sig og sagði þeim að steinþegja á kuldalegan og kursteisilegan hátt. Þar líkaði mér við hann loksins.

Fjárlögin fögru ætla að sækja brot af 223 milljarða gróða bankanna, eitthvað um 7 %, til að stoppa í tapshliðina, spítalana og allt það. Af hverju þessi hæverska? Ef ég réði myndi ég tvöfalda þennan skatt í það minnsta og leysa vandamálin sem við blasa.

Ég myndi heldur lækka tryggingagjaldið meira og hætta við að hækka bensínið.Efnahagsvélin gengur fyrir bensíni og bílum. Einstæðar mæður keyra börnin í leikskólann.Bíll er ekki lúxus heldur vinnutæki þjóðarinnar. Það þarf að lækka álögur á bíla en ekki hækka. Svona forneskja í hugsun veldur mér miklum vonbrigðum. Það á að ákveða veggjöld í Norfjarðargöng og öll önnur jarðgöng.

Svo er önnur leið til að hraða niðurfellingu haftanna og borga skuldir ríkissjóðs. Það er að sækja staðgreiðsluna strax í lífeyrisiðgjöldin. Þar nást svona 50 milljarðar á ári til viðbótar.

Lífeyrissjóðirnir hafa sýnt það og sannað að þeir geta tapað þessum ríkispeningum í allskyns framtaki og taka það svo út á lífeyrisþegum með lækkun í fyllingu tímans. Í raun og veru ættu stjórnendur lífeyrissjóða að fara í fangelsi fyrir stuld á vörslusköttum eins og alþýða gerir við slík brot. Þarna er gullið tækifæri til að laga ríkissjóð myndarlega án sjúklingaskatta og slíkum ámóta óvinsælum aðgerðum.

Fjárlögin gætu orðið fegurri ef djörfung og dug frelsuðu okkur fári frá í ríkara mæli.