Lax eða lífsafkoma?

þjóðarinnar? Hvað er verið að bera saman?

Í grein Harðar Arnarsonar í mbl. í dag stendur þetta:

"Mikilvægi þessarar varfærnu uppbyggingar er undirstrikað í grein Sigurðar Guðjónssonar forstjóra Veiðimálastofnunar sem birtist í Fréttablaðinu 31. mars 2012 en þar segir:

"  Landsvirkjun hyggst fyrst reisa efstu virkjunina í Þjórsá, Hvammsvirkjun, og síðan halda niður ána og síðast yrði Urriðafossvirkjun reist.

Það gefur því ágæta möguleika á að prófa lausnir til að koma fiski lifandi upp og niður fyrir virkjun í Hvammsvirkjun og láta þær sanna gildi sitt.

Að því fengnu ætti áhættan að vera minni þegar kemur að byggingu Urriðafossvirkjunar. Ef illa tækist til með Hvammsvirkjun er hægt að bíða með frekari virkjanir í Þjórsá uns viðunandi árangur næst í Hvammsvirkjun.  "

 Menn lesi þetta í samhengi við lýsingu Ásgerðar Jónu Flosadóttur á ástandinu i þjóðfélaginu í sama blaði.

Það er hungursneyð í landinu hjá fjölda fólks á okkar eigin Íslandi!

Á laxveiðisport fárra að stjórna lífsafkomu þjóðar? Vantar lax í túristamatinn  á Geysi?  

Mér finnst þetta út í Hróa.

Okkur vantar virkjanir meira en laxveiðisport.  Ef það þarf að velja  þá vel ég virkjunina. Allt í lagi að fleyta seiðunum framhjá ef það er hægt. En ef það er ekki hægt, Sorry Stína.

Ef það er laxveiðisport eða lífsafkoma þjóðar þá veit ég hvað ég vel.

 

 

 

Þór Saari-frelsa þú oss!

frá því limbói sem mér finnst ég vera að lenda í. Ég hreinlega finn ekkert lengur til að rífa kjaft yfir á þessu bloggi.

Finnst mér  ekki bara svona ákveðið að Steingrímur J. sé  búinn að ljúga því sem hann getur logið á kjörtímabilinu og svíkja allt sem hann getur svikið og gera öll þau heimskupör í bókinni sem hægt er að gera? 

Finnst mér ekki þetta sama  um Jóhönnu ræfilinn?  Eða þá Össur ?.........- Herre-GUD! Ég nenni ekki einu sinni lengur að segja það sem mér finnst um þetta fólk. 

Mér finnst öðru máli gegna um Ögmund. Það örlar stundum fyrir skynsemi í hans tali. Hina sem gegnt hafa ráðherraembættum í mislanga tíma nenni ég ekki einu sinni að tala um meira um, blómaskreytingar meðtaldar.

Það gengur ekkert meira upp þarna niður við Austurvöll. Hvorki kvótafrumvarpið, stjórnarskráin, ESB málið. EKKERT! EKKERT sem getur lyft þessu héðan af.

Fer þetta Alþingi ekki að pakka saman svo maður sé laus við það tilgangslausa pex og Limbó sem þetta fólk stendur þar fyrir? Það er eins og það sé bara að láta tímann líða. Þetta er orðin svona Búnkerstemning í  hálfkæringi.

Ég held bara að ég sé kominn í eitthvað limbó með að skammast í pólitíkinni.

Þór Saari. Frelsa þú oss! 

Snjóhengjan

er sögð ógna víst Íslandi meira en nokkuð annað?

Hrægammasjóðirnir sem Steingrímur gaf bankana tvo, Íslands og Aríon og landsmenn skipta við eins og ekkert sé sjálfsagðara, vilja fá greitt í gjaldeyri bæði vexti og afborganir. Skilanefndirnar strita fyrir hundruðir milljóna við reikna og útdeila þessu til þeirra með velvild Seðlabankans sem horfir á  lækkun brúttóforðans á hverjum degi.

Hvað er eiginlega hægt að gera?  Í máttvana reiði og heimsku sinni segir maður úti í bæ, að við Íslendingar bara borgum ekki erlendar skuldir óreiðumanna. Við gerum bara gömlu bankana gjaldþrota, hirðum af þeim gjaldeyrisreikningana og skiptum við þrotabúin á þeim og íslenskum krónum. Ef einhverjir vilja fá eitthvað þá fá þeir krónur sem við prentum sjálf.  En þetta segir þessi  maður af því að hann veit ekki neitt, kann öngva mannasiði síðan í Icesave og skilur ekki bísnessvenjur. Hann Adolf heitinn var kannski svona maður sem hefði gert eitthvað svona á hnefanum og komist upp með það. Allavega tímabundið. Það gekki samt ekki upp endalaust hjá honum þó hann hristi duglega upp í kerfinu meðan hann gat. En við gerum ekkert svona sussu nei, við erum svo góð og dönnuð. Við bara borgum og brosum. Allavega þegar við erum búin að klára stjórnarskrána fyrir Þór Saari á morgun eða hinn.

Og svo eru það hjúkrunarfræðingarnir sem ætla að færa okkur öllum kauphækkanir. Varanlegar kjarabætur með stórhækkuðum launum. Björn sem varð kyrr Zoega ætlaði líka að fara en fór ekki af því hann vorkenndi Batta greyinu svo mikið. Hjúkrunarfræðingar og læknar sjá hinsvegar að það er til nóg af seðlum sem það er. Til dæmis má hætta við Hörpu, ESB viðræðurnar, stjórnarskrána og fleira og nota allan afganginn. Við eigum bjarta framtíð með Guðmundi Steingrímss sem bráðum kemur með stefnuskrá og þá verður allt svo voða gott með honum Árnautanstjórnar. En hvað skyldu þeir ætla að gera blessaðir? Eiga þeir ekki að sjá um þetta?

Getur maður ekki lent á spítala við að lenda undir snjóhengju ?  

Stefnuskrár flokkanna

eru sem óðast að taka á sig myndir.

Ef maður dundar sér við að lesa í stefnuskrám stjórnarandstöðuflokkanna eins og Dögunar,Hægri Grænna, Framsóknarflokksins og Sjálfstæðisflokksins rekur maður sig fljótt á að margar hugmyndir virðast vera að kristallast í hugum fólks sem eru af svipuðum toga. Ég ætlaði að fara að flokka þetta saman en gafst upp í bili vegna tæknilegra örðugleika í ritvinnslu minni. Geri hugsanlega aðra atrennu síðar.

En mín tilfinning er að mörg sjónarmið séu uppi í þjóðfélaginu sem fólk geti náð samstöðu um. Þá skiptir auðvitað meginmáli að skoða fyrst þá flokka sem helst geta náð einhverjum fjölda fólk á þing. Þar get ég gjarnan nefnt að margt hjá Framsóknarflokknum get ég sem Sjálfstæðismaður betur fellt mig við en sumt af því sem ég les málefnadrögum á www.xd.is, m.a. mögulega sölu á Landsvirkjun sem er eitur  í mínum beinum og vekur sömu tilfinningar og þegar Síminn og Bankarnir voru seldir.

Framsóknarþingið  og tillögur Sjálfstæðismanna eru einhuga um að Reykjavíkurflugvöllur verði áfram í Vatnsmýri. Þeir vilja báðir fækka einbreiðum brúm á þjóðvegum sem eru í mínum huga minna aðkallandi mál en að fá slitlag á þá kafla sem eru enn bara möl. Fullyrða má að virkjunarmál í Þjórsá eiga fylgi að fagna innan flokkanna og andúð á núverandi rammáætlun ríkisstjórnarinnar. Framsókn vill skoða brotaforðakerfið í bankamálum og aukið vægi Seðlabanka eins og Dögun vill líka. Sjávarútvegsmálin eru svo lítt unnin ennþá hjá Sjálfstæðisflokknum að þau verða að bíða landsfundar.En trúlega verða þau flokknum erfið. ESB vilja hvorugir flokkarnir.

Ég hreinlega nenni ekki að lesa stefnuskrá VG eða Samfylkingarinnar. Þar hefur til þessa allt verið svikið sem svíkja má og því enginn tilgangur í að vera að lesa né hlusta á það fólk. Hugsanlega eru fleiri mér sammála um það, að maður eigi ekki að flækja málin fyrir sér ef maður kemst hjá því. 

En ég hvet alla til að lesa stefnuskrár flokkanna á netinu  í þeim atriðum þar sem ekki stendur "  efla ber, styðja ber,styrkja ber ", heldur það sem eru knallharðar tillögur. Það er eitt að marka en ekki almennt kjaftæði sem flokkarnir hafa allt of lengi komist upp með að skjóta sér á bak við. 

Það eiga að vera stefnuskrár flokkanna og reynslan af orðum og efndum sem ráða atkvæðunum þegar núverandi Alþingisfarsa lýkur.

Framsókn segir SKÁK !

á Sjálfstæðisflokkinn með ályktunum frá flokksþingi sínu.

Ályktanirnir þingsins eru margar mjög áhugaverðar og eru Sjálfstæðsflokknum hvatning til þess að reyna ekki að koma með neina moðsuðu frá væntanlegum Landsfundi. Því miður virðist margt vera í þeim dúr í drögum að ályktunum sem sjá má á heimasíðu flokksins sem án efa eiga eftir að slípast.

Það er greinilegt að Sjálfstæðisflokkurinn mun eiga í beinni samkeppni við Framsóknarflokkinn um nýjar og ferskar hugmyndir nema um einbreiðar brýr í strjálbýli í stað slitlags.

Grípum niður í ályktunum Framsóknarflokksins:

„  * **Framsóknarmenn vita að velferð grundvallast á atvinnu. Því svíður sú alvarlega sóun á mannauði og verðmætum að tæplega 15.000 manns gangi atvinnulausir. Að vinnabug á atvinnuleysinu er forgangsverkefni næstu missera.

 

*** Framsóknarflokkurinn leggur því til að íslensk stjórnvöld beiti sér nú þegar fyrir olíurannsóknum  á Drekasvæðinu

 

•Veita auknu fjármagni til kennslu í raun- og verkfræðigreinum í háskólum Landsins

•Lagður verði meiri kraftur í kornrækt í landinu til fóðurframleiðslu og manneldis.

• Framsóknarflokkurinn standi vörð um skógrækt í landinu sem vaxandi atvinnugrein.

• Fjölga þarf tækifærum matvælaframleiðenda til að vinna úr og þróa eigin afurðir. 

 

***Framsóknarflokkurinn hafnar fyrningarleiðinni sem fiskveiðistjórnunartæki.

       2. Stjórnun fiskveiða verði blönduð leið, annars vegar á grunni aflahlutdeildar á skip

og hinsvegar úthlutun veiðileyfa sem taki mið af sértækum byggðaaðgerðum, auk

hvatningar til nýsköpunar og til þess að auðvelda aðgengi nýrra aðila að útgerð.

Pottur 1

 þar sem gerður verði nýtingarsamningur til u.þ.b. 20 ára, á grunni aflahlutdeildar á hvern bát. Samningurinn verði á milli ríkisins og íslensks aðila sem haft hafa búsetu á Íslandi að minnsta kosti síðustu 5 ár.

 Pottur 2

 þar sem veiðileyfum verði úthlutað til:

a.  Fiskvinnslu. – Um er að ræða byggðaívilnun þar sem að aflaheimildum verði fyrst og fremst úthlutað til fiskverkenda þar semþað á við. Fiskvinnslurnar semji við einstaka útgerðir um veiðar.

b.  Ferðaþjónustuveiða. – Þar sem þessum aðilum verði tryggð aflahlutdeild með því að landa aflanum til Hafrannsóknastofnunar –

VS-afli . Setja þarf sérstakar reglur um úthlutunina.

c.  Nýsköpunar. – Stuðningur við nýsköpun m.a. með leyfum í meðafla og til sérstakra verkefna auk beins fjárstuðnings.

d.  Strandveiða – nýliðunarpottur. – Megin tilgangur strandveiða er að auðvelda nýjum aðilum að hefja útgerð og má hver aðili einungis fá úthlutað einu strandveiðileyfi.

* Undirbúa byggingu áburðarverksmiðju.

 * Framsóknarflokkurinn telur að stefnt skuli að því að tekjuskattsprósenta fyrirtækja á Íslandi sé ávallt með þeim allra lægstu í löndum Vestur og Norður Evrópu. Lág tekjuskattsprósenta er mun líklegri til að draga að erlenda fjárfesta, auka innlendar fjárfestingar og auka skatttekjur.

 *Framsóknarflokkurinn telur að nú þegar þurfi að hefja sérstakt átak í opinberum framkvæmdum.

* Mikilvægt er að stuðlað verði að meiri  sparnaðarhneigð almennings, t.d. með aðgerðum í skattakerfinu. Í því sambandi leggur Framsóknarflokkurinn m.a. til að breytingar verði gerðar á fjármagnstekjuskatti,  þannig að í stað skattlagningar nafnvaxtatekna verði raunvaxtatekjur skattlagðar. Núverandi skattlagningaraðferð, samfara þeirri staðreynd að álagsprósenta fjármagnstekjuskatts hefur tvöfaldast í tið núverandi ríkisstjórnar getur auðveldlega leitt til neikvæðra raunvaxta á innistæðum fólks í bönkum og þar með stórlega dregið úr sparnaðarvilja almennings. Þá telur Framsóknarflokkurinn mikilvægt að aftur verði tekinn upp sérstakur skattaafsláttur vegna hlutabréfakaupa.

****Framsóknarflokkurinn hefur lagt fram ítarlegar tillögur til lausnar skuldavanda heimila og fyrirtækja. Enn vantar mikið upp á að bankar og önnur fjármálafyrirtæki hafi unniðúr þeim gríðarlega flóknu og erfiðu skuldamálum sem einstaklingar, fjölskyldur ogfyrirtæki eiga við að glíma, ekki síst vegna lagalegrar óvissu um ýmis mikilvæg mál,doða og ráðaleysi stjórnvalda. 

 

*Framsóknarflokkurinn er hlynntur persónukjöri.

 **** Við viljum að vægi atkvæða verði jafnað eins og kostur er.

 * Við höfnum því alfarið að landið verði gert að einu kjördæmi.

***** Miða skal við að erlendir ríkisborgarar afpláni íslenska refsidóma sína í heimalandinu þegar við á.

* Áfram verði haldið uppbyggingu og viðhaldi vegakerfisins  þrátt fyrir efnahagsþrengingar.

* Auka þarf umferðaröryggi og útrýma einbreiðum brúm í þjóð- og stofnvegakerfinu.

 

**** Flugvöllurinn í Reykjavík verði áfram í Vatnsmýrinni, sem hornsteinn fyrir samgöngur

landsmanna, vegna almenningsþarfa.

 

*****Við viljum tryggja að grunnnet fjarskipta og raforku verði í opinberri eigu og haldið verði áfram að byggja upp gott dreifikerfi fjarskipta og raforku til lands og sjávar.

 

*Íslendingar skulu áfram leita eftir samstarfi við þjóðir innan og utan Evrópusambandsins á grundvelli frjálsra og sanngjarnra samninga og samvinnu sem byggir á jöfnuði og ábata allra aðila. Með slíkum samskiptum geta íslensk stjórnvöld tryggt hagsmuni Íslands best á hverjum tíma.

 

**** Framsóknarflokkurinn telur hag lands  og þjóðar best borgið utan Evrópusambandsins. Nú sem fyrr standa auðlindir þjóðarinnar undir velferð hennar og fullt og óskorað forræði á þeim er forsenda farsældar til framtíðar. Framsóknarflokkurinn telur að þjóðin skuli ætíð eiga beina aðkomu með þjóðaratkvæðagreiðslu að ákvörðunum um stórmál eins og aðild að Evrópusambandinu og mun flokkurinn berjast fyrir þeim rétti.

 

****Nýta skal möguleikana sem felast í fríverslunarsamningi Kanada og EFTA- þjóðanna auk þess að gera fleiri fríverslunarsamninga við ríki utan EES-svæðisins. Í ljósi fyrirsjáanlegrar þróunar loftslags á næstu áratugum skal leggja áherslu á að styrkja og auka innlenda matvælaframleiðslu. Mikilvægi auðlinda eins og endurnýjanlegrar orku, landbúnaðar, sjávarútvegs og drykkjarvatns mun aukast mjög á næstu áratugum. Yfirráð og úrvinnslu auðlinda lands og þjóðar þarf því að efla.

 

***Aðild Íslands að Atlantshafsbandalaginu ásamt þátttöku í varnarsamstarfi við aðrar þjóðir á jafnréttisgrundvelli, tryggir best öryggi  borgaranna og ríkisins enda séu mannréttindi og lýðræði leiðarljós slíks varnarsamstarfs...."

Ég er virkilega ánægður með ályktanir flokksþings Framsóknarflokksins. Ég tel að þær   stefni til aukins hags íslenskrar þjóðar og eru gróðarskúr í eyðimörk Steingríms og Jóhönnu sem við höfum nú ráfað um í fjögur glötuð ár.  

Nú bjarmar fyrir nýjum degi og vinstri fnykinn og Móðuharðindin af mannavöldum fer að leggja frá landinu .

Um þessi mál öll sem Framsóknarmenn hafa sett fram þarf að verða hægt að semja við Sjálfstæðismenn þegar þeir komafrá sínum Landsfundi nú eftir tvær vikur.

Sjálfstæðismenn! Brettum upp ermar:

Framsókn hefur sagt SKÁK! 

 

 

 

Fjarlægðin og fjöllin blá

"  Stalín er látinn.

Meö honum hafa allir hinir fjórir miklu brautryöjendur og lærifeöur sósíalismans: Marx Engels, Lenín, Stalín, kvatt oss. Einhverri stórbrotnustu ævi, sem lifaö hefur verið, er lokið.

, Með klökkum hug og djúpri virðingu hugsa allir þeir,sem berjast fyrir sósíalisma á jörðinhi til hins ógleymanlega, látna leiötoga. Vér minnumst hins unga eldhuga, sem vakti undirokaða þjóð sín til baráttu fyrir frelsi, og tendraði neista sósíalismans í brjósti kúgaðs verkalýðs Kakasuslandanna.Vér hugisum til baráttumannsins, sem í banni 'keisara 'og kúgunarvalds skipulagði verkalýðshreyfinguna í hinu víðlenda Rússaveldi, þoldi fangelsanir og pyntingar haröstjórnarinnar,var sjö sinnum sendur í útlegð til Síberíu og lét aldrei bilbug á sér finna.Vér minnumst flokksforingjans, sem við hlið Léníns,skóp Bolshevikkaflokkinn og skipulagði hann til að vinna það stórvirki, isem mestum aldahvörfum veldur í veraldarsögunni. Vér minnumst hugsuðarins, sem, sjálfur fæddur af smárri þjóð, auðgaði sósíalismann með kenningunni um óafsalanlegan rétt þjóðanna til sjálfstæöis.Vér minnumst byltingarleiðtogans, sem við hlið Leníns, stjórnaði uppreisn alpýðunnar og leiddi hana fram til sigurs byltingarinnar miklu 7. nóvember 1917.Vér minnumst þess læriföður sósíalismans, sem á úrslitastund í þróun mannkynsins mótar kenninguna um uppbyggingu sósíalismans í einu landi og gerir þarmeð Sovétríkin að því óvinnandi vígi verkalýðsins, sem þau eru.

Vér hugsum til þess framsýna, stórhuga þjóðaleiðtoga,sem stjórnaði því stórvirki að gerbreyta niðurníddri,tæknilega frumstæðri, ættjörð sinni í sósíalistískt þjóöfélag mikilfenglegrar tækni og stórfengustu skipulagningar,sem sagan þekkir.Vér minnumst hetjunnar, er stóð mitt meðal blæðandi þjóðar sinnar á grafhýsi Leníns í Moskvu 7. nóvember 1941, elskaöur og dáöur af öllum frelsisunnandi mönnum heims, og sncri vörn sinnar hraustu þjóðar gegn ósigruðum nasistaher, er þá stóð 35 kílómetra frá Moskvu, upp í þann sigur, sem molaði ófreskju fasismans og forðaði öllum heimi frá harðstjórn hans. Vér fögnum því að h a n n lifði það, að sjá landið sitt aftur grætt af þeim sárum, er það hlaut þá, — að sjá húgsjóniria og stefnuna, sem h a n n ungur helgaði líf sitt,svo sterka og volduga í veröldinni, að engin auðvaldsöflfá hana framar bugað.Vér minnumst þess að fram á síðustu stund hélt hann áfram að vísa veginn — þjóðum sínum brautina til kommúnismans, mannkyninu öllu leiðina til friðar.Vér minnumst mannsins Stalíns, sem hefur verið elskaður og dáður meir en flestir menn í mannkynssögunni áður og naut slíks trúnaðartrausts. sem fáir menn nokkru sinni hafa notið, — en lét sér aldrei stíga þá ást og aðdáun til höfuðs, heldur var til síðustu stundar sami góði félaginh, sem m a t manngildið ofar öllu öðru, eins og þá er h a n n fyrst hóf starf sitt.Gagnvart mannlegum mikilleik þessa látna baráttufélaga drúpum við höfði, — í þökk fyrir allt, sem hann vann fyrir verkarýðshreyfirjguna og sósíalismann, — í djúpri samúð við flokk h a n s og alþýðu Sovétríkjanna."

Þannif skrifaði Einar Olgeirsson þegar Jósef Stalin féll frá. Mikill hugsjónaeldur er þarna að baki og innblástur. Mér er til efs að nokkurn tímann verði menn svo hafnir upp af fylgismönnum sínum sem var þessum tímum. Eða sjá menn einhvern skrifa svona eftirmæli um Steingrím J. Sigfússon í fyllingu tímans?

Vinur minn hann Hörður í Sundlaugunum sagði við mig skömmu áður en hann lést: " Veistu það Halldór að þeir hafa verið að tala um það fyrir austan að  gera hann Stalín að dýrðlingi. " Svo þagði hann við og sagði svo með fallegu brosi hins einlæga hugsjónamanns:" Það þarf ekki" 

Íslenskur málsháttur segir að fjarlægðin geri fjöllin blá og mennina mikla. Hugsanlega gleymum við þessu stundum í umræðunni. Við erum bara dauðlegt fólk en fjöllin eru blá og fjarlæg.

 

Styrmir stumrar

yfir Sjálfstæðisflokknum að vanda í laugardagsblaðinu.

Ritstjórinn lætur sér fátt óviðkomandi sem varðar þennan ágæta stjórnmálaflokk. Styrmir hefur í gegn um tíðina  lagt fram mjög merkilegan skerf til stjórnmálaumræðu í landinu, skrifað margar bækur og haldið úti Evrópuvaktinni ásamt Birni Bjarnasyni,  öðrum ekki minni kappa á vettvangi stjórnmálaumræðunnar.

Mér finnst Styrmir stundum upplifa sjálfan sig sem einn af megingerendum á pólitískri vegferð þjóðarinnar. Má líka til nokkurs vegar færa þar sem Morgunblaðið hefur lengi verið meginvettvangur skoðanaskipta í stórnmálum. En ritstjórar sjá sjálfa sig kannski fullsterkt sterkt í því hlutverki að vísa veginn fram. Og þá í framhaldi að þeir séu afgerandi í því hlutverki að leggja línurnar í stefnu Sjálfstæðisflokksins hverju sinni. Einhverjir minnast skrifa Styrmis um söglegar sættir þegar hann sá fyrir sér samstjórn Sjáflstæðisflokksins og Alþýðubandalagsins.

Nú er það Landsfundur Sjálfstæðisflokksins sem er framundan sem verður Styrmir að yrkisefni í Morgunblaðinu á laugardaginn. Hann er búinn að ákveða að Hanna Birna skuli vera varaformaður að búa sig undir framtíðarhlutverk sitt, Kristján Þór skuli vera 2. varaformaður og standa þétt að baki Bjarna Benediktssyni sem formanni.  Annað sé ávísun á tap flokksins.

Allt orkar tvímælis þá gert er. En Sjálfstæðisflokkurinn er ekki að í þeirri sókn sem flokksmenn telja að hann þurfi að vera og því eru óánægjuraddir háværar að eitthvað verði að gera. Skoðanakannanir sýna meira að segja að Sjálfstæðisflokkurinn sé sá flokkur sem fólk vill síst sjá í næstu ríkisstjórn. Það er eðllegt að fólk spyrji sig hvað valdi. Er það fortíðin? Er það stefnan? Er það samkeppnin? Er það traustið?

Bjarni Benediktsson er með glæsilegri mönnum á velli. Hann hefur líka virðingu og traust vegna framgöngu sinnar og málflutnings. Hann hefur sýnt fram á góða hæfni í málsmeðferð, rökfesti og fylgni. Hvað er þá að?

Bjarni tók ákvörðun um það á sitt eindæmi að skila löglegum framlögum til flokksins til þrotabúa þeirra sem gáfu. Samfylkingin gerði ekkert í sambærilegri stöðu. Hann réði umdeildan mann sem framkvæmdastjóra flokksins á sitt eindæmi og nú er búið að veðsetja Valhöll. Hann samþykkti Icesave lll neð meirihluta þingflokks með ísköldu mati sem kallað var. Það er langt í frá að flokksmenn hafi sætt sig við þetta almennt.

Það er staðreynd að Bjarni tengist viðskiptamálum  fjölskyldu sinnar og honum hefur ekki tekist að sannfæra allan almenning um það að hann hafi ekki verið þar sér til persónulegs ávinnings. Hann er sakaður um að hafa selt bréf sín í Glitni í mars 2008 og forðast tjón einsog Baldur Guðlagsson var dæmdur fyrir að gera. Hann var stjórnarformaður í N1 á tímum sem leiddu síðar til milljarða afskrifta á það félag. Það kemst ekki í gegn að fjölskylda Bjarna tapaði líklega hlutfallslega mestu fé á þessu félagi og að Bjarni gekk ekki eigin erinda. Vafningsmálið heldur áfram að vera endurtekið af andstæðingum flokksins í síbylju. Bjarni hefur gert grein fyrir sínum afskiptum af þessum málum með opnum hætti oftar en tölu verður á komið.

Þrátt fyrir að enginn opinber aðili hafi gert athugasemdir við neitt hvað varðar aðkomu Bjarna þá harpa andstæðingarnir þessi gömlu mál endalaust. Allt þetta hefur áhrif á gengi Sjálfstæðisflokksins, Ég hefði kosið að sjá Bjarna að leggja þessi mál enn einu sinni af krafti fram fyrir  almenning til þess að reyna að opna augu einhverra sem kynnu að vilja sjá. Ég hefði talið  þýðingarmikið að umræða sé tekin um þessi mál nú fyrir Landsfundinn til þess að eyða ekki tíma í þessi mál þar lika. Aðkoma hins reynda blaðamanns og lögfræðings Styrmis Gunnarssonar  að slíkum umræðum myndi skipta máli í því sambandi og styðja við framsetta hugljómun hans um niðurstöðu Landsfundar varðandi forystumálin.

Þjóðarinnar vegna. Sjálfstæðisflokksins vegna. Og líka Bjarna vegna. Því ég trúi því með mörgum flokksmönnum að Bjarni hafi ekkert að fela, hafi engu leynt og hafi hreinan skjöld. Slíkan mann hef ég stutt. En það er ekki nóg ef kjósendur setja þetta fyrir sig.

Það er gott að Styrmir skuli stumra yfir Sjálfstæðisflokknum okkar með svo ljósmóðurlegum hætti. En í kosningum er spurt um hvernig eigi að sækja fylgi og atkvæði.

Yfir því mun Landsfundur Sjálfstæðisflokksins líklega  stumra með Styrmi.

Er ekki sjúklingaskattur?

það helsta úrræði sem eftir er til að reka heilbrigðisþjónustu á Íslandi? Getum við rekið þann lúxus sem er heilbrigðisþjónusta sem er kostuð af þeim sem heilbrigðir eru hverju sinni en ekki af þeim sem er notendur þjónustunnar?

Verðum við líklega ekki að taka upp sjúkratryggingar að bandarískri fyrirmynd? Lágmark og valmöguleikar? Burt með jöfnuðinn? Verður þetta ekki að gera með beinni skylduaðild eins og hvernig við erum neydd inn í lífeyrissjóðakerfið?  Á móti  komi valmöguleikar og samkeppni í spítala og hjúkrunarheimilarekstri og færa þann rekstur sem mest yfir á frjálsan markað?

Gengur þetta lengur að varnarlaus aðili eins og íslenska ríkið sé eitt að véla um þessi mál? Getur það varið sig í kjarabaráttunni, pólitískri eða ópólitískri, því það hefur engan áhuga né raunverulega hagsmuni ?Getur það nokkuð nema bara samþykkt hvaðeina sem heimtað er af því eftir mismunandi skrautsýningar sem tilfallandi ráðherraræfill stendur fyrir að guðbjörtskum hætti?

Ei hægt að vefja raunverukegar aðstæður í leyndarhjúp eins og gert er, til dæmis hvað varðar greiðslur til fólks sem segist kvalið í töxtum umfram aðra? 

Höfum við lengur ráð á að mennta heilbrigðisfólk og fleiri stéttir ókeypis til útflutnings án þess að til komi samkeppni erlendis frá? Geta enskumælandi læknar og hjúkrunarfólk  ekki sem best starfað hérlendis? Getum við endalaust látið ríkið byggja yfir þjónustuna sem hefur engar tekjur til að standa undir ? Getum við  lengur hlustað á ábyrgðarlaust kjaftæði þjóðmálaskúma um norræna velferð og annað blablabla sem þjóðin stendur ótilneydd ekki undir?

Verð ég ekki í elli minni að horfast í augu við það að fá ekki þau fríðindi og forréttindi sem mínir foreldrar fengu? Er ekki sjúklingaskattur því miður orðin kerfisnauðsyn?

LFTR- Afl Ása-Þórs!

er fljótandi flúór-thorium samband sem má brenna i kjarnaofni geislavirkum úrgangi má lesa um á bloggsíðu Ágústar H. Bjarnason verkfræðings. www.agbjarn.blog.is. Þar vísar hann á www.thoriumenergyalliance.com til frekari upplýsinga.

Ágúst sér fyrir sér tífalda Kárahnjúkavirkjun sem orkuver sem noti Atlantshafið sem eimsvala sem aftur getur staðið undir stórkostlegri ylrækt til manneldis. Þetta er hrein kjarnorkuvirkjun sem framleiðir ekki úrgang og getur líka eytt úrgangi auk þess að framleiða nauðsynleg frumefni fyrir læknavísindin.

Það er klofningur þessa efnis sem kyndir ofninn undir jarðhitanum okkar. Við erum ekki að gera neitt annað en herma eftir upprunavarmanum. 

Væri það ekki flott á Skeiðarársandi?

Engin sjónmegnun af háspennulínum ef við seljum rafmagnið í endann á sæstreng til ESB. 

Þóríum-afl. Afl Ása- Þórs. LFTR öðru nafni. 

Stjórnarskráin og Jóhanna

Sigurðardóttir leiðtogi vor eru ósammála um lögmæti auðlegðarskatts þeirra Steingríms og Indriða.

 

Svo sagði í frétt: 

"    Garðar Valdimarsson hrl. segir auðlegðarskattinn, sem lagður er á hreina eign einstaklinga yfir 75 milljónum og hjóna yfir 100 milljónum, fara gegn stjórnarskrá, einkum ákvæðum um eignarrétt. Hann telur Hæstarétt hafa gefið leiðgsögn í þessum efnum í dómsmáli árið 1958, þar sem deilt var um stóreignaskattinn svonefnda.

Auðlegðarskatturinn nemur 1,5 prósentum á hreina eign umfram 75 milljónir hjá einstaklingum, og tveimur prósentum á eign umfram 150 milljónir. Hjá hjónum nemur hann 1,5 prósentum á hreina eign umfram 100 milljónir og tveimur prósentum á hreina eign umfram 200 milljónir. Til viðbótar er síðan auðlegðarskattur sem lagður er á hlutafjáreign í fyrirtækjum, en þar er miðað við eignarhluti sem hlutfall af eigin fé.

Garðar sagði í erindi sínu að reglurnar um auðlegðarskattinn, sem lagður var á árið 2009 og þá tímabundið, væru þær sömu eða sambærilegar þeim, sem Hæstiréttur hefði fjallað um í málinu árið 1958, og dæmt ósamræmanlegar stjórnarskrá.

Ríflega 5.200 einstaklingar greiddu auðlegðarskatt 2011, samtals 8,3 milljarða króna í ríkissjóð. "

Það eru til dæmi um aldrað fólk sem verður að selja eignir sínar til að greiða skattinn.

Vill Jóhanna nýja stjórnarskrá til þess að þetta verði löglegt ?