Sílamávurinn mættur

á svæðið.

Þetta er flottur fugl og hæfur með gula fætur. En má ekki of mikið af öllu gera?

Hann eyðileggur ánægju fólks við Tjarnirnar í Reykjavík og Kópavogi með yfirnæfandi aðgangi sínum.Hann rakar móana í uppsveitunum og annar fugl á í vök að verjast.Ruglum honum ekki saman við svartbakinn sem er stærri með bleika fætur en nú orðið miklu færri vegna sílamávsins.

Hvernig væri að steypa undan honum hérna í hlíðum Kópavogs og Mosfellsbæjar? Og fá menn úr skotveiðifélögum til að fækka honum á nóttunni með ábyrgum hætti? 

Of mikið! 

Hver er boðskapur Framsóknar?

spyr maður sig eftir lestur fréttar frá næstum því formanni flokksins. 

 

Þingmaður Höskuldur Þór Þórhallsson þingmaður Framsóknar. 

 

..."Ég hef nú sagt á einhverjum fundum að við eigum að vera opnir fyrir vinstra samstarfi en um leið eigum við ekki að útiloka eitt eða neitt,« segir Höskuldur Þórhallsson, þingmaður Framsóknarflokksins, aðspurður út í ummæli sem hann lét falla á kosningafundi á Grenivík á dögunum þess efnis að Framsóknarflokkurinn ætti að vera opinn fyrir samstarfi á vinstri vængnum. »Ég held að það sé einstakt tækifæri til þess að mynda miðju- og velferðarstjórn.«

 

Halda öllu opnu

 

Höskuldur bendir á að það sem skipti öllu máli sé að Framsóknarflokkurinn starfi með fólki sem er reiðubúið til að stíga þau skref sem flokkurinn hefur lagt áherslu á í kosningabaráttu sinni. »En hvort sem það er til vinstri, á miðjunni eða til hægri, það verður bara að koma í ljós eftir kosningar,« bætir Höskuldur við. Aðspurður hvort þetta sé einungis hans afstaða eða opinber afstaða flokksins segir Höskuldur þetta vera sína afstöðu. »Afstaða formannsins hefur verið, og ég styð það, að halda öllu opnu og vilja ræða við þá sem treysta sér í verkefnin framundan,« segir Höskuldur."

Á heimasíðu flokksins er þessi skilgreining:

"Framsóknarflokkurinn er frjálslyndur félagshyggjuflokkur sem vinnur að stöðugum umbótum á samfélaginu og lausn sameiginlegra viðfangsefna þjóðfélagsins á grunni samvinnu og jafnaðar. Hann stendur vörð um stjórnarfarslegt, efnahagslegt og menningarlegt sjálfstæði Íslendinga, byggt á lýðræði, þingræði og réttaröryggi. Framsóknarstefnan setur manninn og velferð hans í öndvegi. "

Sterk staða Framsóknarflokksins hefur  löngum byggst á misvægi atkvæða. Þeirra sterkustu vígi er fámenn kjördæmi með mikið vægi.

Félagshyggja er rauður þráður í stefnu flokksins. Fyrri forystumenn höfðu gjarnan yfir máltækið:"Allt er betra en íhaldið"  Þetta réði löngum  afstöðu flokksins við stjórnarmyndanir og sögðu að hjarta flokksins slægi ávallt til vinstri. Samvinnuhreyfinigin var hið mikla lím sem flokkurinn byggðist á. Á því byggðist fjármálaveldi flokksins sem nú er sagan ein.

Opið í báða enda og segjum bæði JÁ JÁ og NEI NEI. Man einhver eftir þeim árum Framsóknar?  Ólafur Jóhannesson var árum saman foringi Framsóknar. Hann hleypti verðbólgudraugnum lausum árið 1971 með því að hækka öll laun í landinu um 20 % með taxtahækkunum og styttingu vinnuvikunnar.

Þeir Sjálfstæðismenn sem ætla að kjósa Framsóknarflokkinn að þessu sinni hafa sjálfsagt gert þennan möguleika upp við sig. Er vinstri stjórn svipuð þeirri núverandi þeirra óskastjórn? 

Er Framsóknarflokkurinn heill í því að ganga ekki í ESB? Á hann ef til vill auðveldara með að ná sameiginlegum fleti við Samfylkinguna í því máli en Sjálfstæðisflokkurinn? Framsóknarflokkurinn er um margt traustur flokkur góðra manna sem sækja vinsældir langt út fyrir flokksgirðingar. Þeim fannst  hugsanlega að þeir ættu undir högg að sækja í stjórn með aðild Davíðs sem er litríkur persónuleiki.  Sjálfstæðisflokkurinn sjálfur ætti hugsanlega auðveldara með að semja um málefni við Framsóknarflokkinn en ýmsa aðra flokka sem munu verða á þingi. Tilhugsunin um aðra vinstristjórn í líkingu við það sem enn situr er hinsvegar nokkuð hrollvekjandi fyrir marga Sjálfstæðismenn. En greinilega ekki alla. Ekki er líklegt að slík stjórn sitji út kjörtímabilið að fenginni fyrri reynslu af vinstristjórnum Framsóknarflokksins.

En allir ganga óbundnir til kosninga eins og þeir segja. Því verða kjósendur glöggt að hlusta og reyna að túlka boðskapinn sem út gengur frá áhrifamönnum flokkanna. 

Af hverju engin svör?

Á vef Jóns Magnússonar koma þessar upplýsingar:

"   .... september 2010 bárust tvö tilboð í FIH bankann annað tilboðið frá ATP,PFA(danskir lífeyrissjóðir) og sænska tryggingarfélaginu Folksam tryggði fulla endurgreiðslu lánsins upp á 500 milljarða Evra. Hitt tilboðið var lægra og af einhverjum ástæðum var ákveðið að taka lægra tilboðinu og um það véluðu þeir Gylfi þáverandi viðskiptaráðherra og Már Guðmundsson seðlbankastjóri ásamt skilanefnd Kaupþings.

Hægt var að tryggja fullar endurheimtur láns Seðlabankans í september 2010 en Már Guðmundsson og Gylfi Magnússon vildu fara aðra leið. Samkvæmt því sem Gylfi Magnússon upplýsti munu þessi mistök hans og Más kosta skattgreiðendur álíka mikið og það sem um var deilt á lokasprettinum varðandi Icesave.

Kúbu Gylfi hefur verið skattgreiðendum dýr. Í fyrsta lagi ber hann ábyrgð á Sp/Kef máilnu þar sem milljörðum var hent út um gluggann. Í öðru lagi vildi hann leggja hundraða milljarða skuld á skattgreiðendur með því að samþykkja Icesave 1. Loks ber hann ásamt Má Guðmundssyni ábyrgð á því að hafa klúðrað sölu FIH þannig að skattgreiðendur verða fyrir verulegu tjóni að sögn hans sjálfs. 

Rannsóknarnefndir hafa verið skipaðar af minna tilefni og gefnar út Landsdómsákærur. Skoða verður náið embættisfærslur þeirra Más Guðmundssonar seðlabankastjóra og Gylfa Magnússonar fyrrum viðskitparáðherra, varðandi klúðrið við sölu FIH bankans...."

Davíð Oddsson er úthrópaður af kommaklíkunni fyrir að hafa sett Seðlabankann á hausinn. Gersamlega út í hött eins og annað sem frá klíkunni kemur.

Íslandsbanki, sem þá gekk undir nafninu Glitnir,  fór á  hausinn vegna þess að Jón Ásgeir gat ekki sett veð. Landsbankinn virðist hafa verið settur á hausinn á röngum forsendum að líklega að pólitísku undirlagi Steingríms J. páfa kommaklíkunnar. Straumur var drepinn af sama manni. Byr og Spkef á sama hátt af sama manni.

Af hverju er salan á FIH bankanum  ekki upplýst?

Af hvergi fást engin svör?

 

 

Er allt sem sýnist?

 

 

 

 

 

 

 

 

 

Þegar menn hafa þennan mikla kærleika til þeirra sem eru á hausnum?

Eru menn skýrir á því hvernig á að framkvæma þetta? Almennt eða sértækt?

Mér fannst alltaf sanngjarnt að öll verðtryggð fasteignalán í landinu yrðu reiknuð til baka til 2007.Sú vísitala yrði sett einhversstaðar inn sem gildandi á öðrum tíma, 2009?  eða 2010? og síðan yrði lánið reiknað frá þeim punkti til dato. Þeir sem ekki geti staðið undir þessu megi skila lyklunum.

Hvað á að gera við þá sem eru búnir að missa allt.? Reikna lánið sem varð þeim að falli og fá þeim mismuninn í gegnum skattkerfið ?

Er ekki rétt að sleppa verðtryggðum lánum vegna eyðslu, bílakaupa og öðrum viðskiptum en einblína á íbúðalán?

Er eitthvað svona ásættanlegt?

Það er kannski ekki allt sem sýnist þegar menn segjast ætla að leiðrétta verðtryggð lán óskilgreint og banna verðtryggingu. Af hverju er sparandinn aldrei nefndur? Má hann ekki njóta verðtryggingar í ólgusjó gengisfalla?  Er hann ekki  bara yfirleitt gamlingi eða sauður og skal þessvegna reyktur og steiktur?

Það er lántakandinn sem öllu máli skiptir fyrir hið nýja Ísland.

Er lífið bara lántaka en aldrei ráðdeild? Eiga sparendurnir að borga fyrir þá sem ekki spara?

Er allt sem sýnist  í kosningaloforðum?

Af hverju ekki þjónusta

 

         

 

 

í íslenskum kjörbúðum? Í WalMart sem er mesti kaupmaður í heimi er varan sett í svona ókeypis poka. Svona er þetta í öllum kjörbúðum vestanhafs. Hvað eigið þið með að neyða okkur til að kaupa einhverja pokasjóðspoka af ykkur fyrir utan þann skort á þjónustulund að setja í pokana fyrir okkur.  

Starfsfólkið er augnablik að setja vöruna í ókeypis poka  og rétta manni. Oft eru gamlingjar og fatlaðir í þessu hjá WalMart sem hefur þó stórmerkilegu stefnu að hafa fleira starfsfólk á staðnum en þarf og starfsmennirnir ráða því  hvenær þeir eru fram í búð og hvenær í starfsmannaaðstöðunni að slappa af. Tölvan sér um að greiða fyrir unnin tíma og fylgist með vinnuframlagi. Þeir kunna þetta. 

Fýluleg spurningin" Hvamargapoga" hérna  er ávísun á útgjöld  sem ég held Jói í Bónus notaði til að ná til sín verðmætum af kúnnunum. Sem hann svo gat notað til að auglýsa sjálfan sig við góðverkagerð úr pokasjóði sem enginn hefur yfirsýn yfir.

Vestanhafs er varan látin í þunna pokana ókeypis fyrir mann.Maður er ekki féflettur sem þökk fyrir viðskiptin. Nóg er okrið hérna á öllu samt sem ég hef áður greint frá. Allt kostar hér pí-sinnum meira en í Florida. Nema það sem kostar 2xpíxverðið hérna eins og áfengi.

Súllenberger í Kosti: Ertu ekki amerískur og öðruvísi? Af hverju ekki hérna?

 Af hverju ekki þjónusta?

 

 

Bankarán um bjartan dag?

eða viðskiptasnilld?

 

Ég hef verið að velta fyrir mér hver eigi þessa 50 milljarða sem ríkið segist hafa grætt á fyrirbrigðinu Nýji Landsbankinn og Gamli Landsbankinn?

Hvað eru þessi fyrirbrigði. Hver skapaði þau? Steingrímur J. Sigfússon?

 

Við hluthafar áttum Landsbanka íslands, the National Bank of Iceland, nafnið og fyrirtækið  sem ríkið af gæsku sinni seldi Björgólfunum ef því að þeir þóttust eiga peninga. Þeir fengu svo lánað fyrir bankanum í Búnaðarbankanum þar sem þeir áttu enga aura. Svo lánuðu þeir S-hópnum í staðinn til að kaupa Búnaðrbankann eftir að Ólafur Ólafsson og kumpánar hans byggðu upp lygaleikrit með þýska microbankanum Hauch& Aufhauser m.a. Eða þannig? 

Landsbankinn undir þeirra stjórn byrjaði strax að nota bankamargfaldarann til að framleiða peninga.Kaupverðið voru baunir í samanburði við það. Dæmigert minnismerki um fjármálavit íslenskra stjórnmálamanna?

 

Villan varð bara sú að nýji bankinn lánaði eigendum sínum bróðurrpartinn af aurnum og þeir voru svo lélegir bísnesssmenn að þeir  töpuðu á flestöllu sem þeir komu nálægt.

 

Svo var fundin upp gargandi snilldin sem var Icesave af Halldóri bankastjóra, nú víst í Canada. Þessi snilld gerði það að verkum að ég og fleiri fórum að kaupa bréf í bankanum því að við kunnum ekki á smáaletrið.

Svo kemst bankinn í tímabundið lausafjárþrot. Lánveitandi til þrautavara finnst ekki.  Þá tekur ríkið bankann yfir með ofbeldi og heldur áfram rekstri í stað þess að hann sé lýstur gjaldþrota og afhentur skiptaráðanda. Síðan tekur ríkið að deila og drottna að hætti Steingríms J., bankasýslunnar, Elínar bankastjóra,  Ásmundar  og svo veit maður ekki neitt meira.

 

Fyrr en allt í einu er bankinn borgunarmaður fyrir öllu sínu, Icesave og hvaðeina  og farinn að græða fimmtíu milljarða í gegnu um einhvern Nýjan Landsbanka.  Og svo væntanlega áfram eins og vera ber með góð fyrirtæki.

Hvað er á seyði? Hvað hefur raunverulega gerst þarna? Eru þetta ekki bara sjónhverfingar og hókus pókusar? Er þetta ekki allt grætt í eignum gamla bankans okkar og með eignum hans? Er ekki bara einfaldlega búið að stela eignunum af gömlu hluthöfunum í bankanum af því að gjaldþrotaskipti fóru aldrei fram? Er of seint að taka þetta upp aftur?

Af hverju á ríkið þessa 50 milljarða en ekki ég?

 

Er þetta ekki bara bankarán um bjartan dag?

Sigurður Kári

er ekki lengur á þingi. Það breytir ekki því að hann hefur mjög skýra sýn yfir sviðið.

Hann segir stjórnarmyndun ráðast af því um hvaða mál flokkar geti tekið höndum saman eftir kosningar. Hann segir ljóst að Framsóknarflokkurinn muni ekki geta staðið  við öll sín fyrirheit. Samstarfsflokkur hans muni þurfa að axla meðábyrgð af vonbrigðunum sem af hljótist. Þetta muni allt hafa áhrif í fyllingu tímans.

Þetta er mjög rétt. Það verða erfið mál að leysa við stjórnarmyndun. Samstarfsflokkur Framsóknar mun verða að horfast í augu við hvað fylgir með í stjórnarsáttmála. Það væri auðveldar fyrir Framsókn að taka sæti í ríkisstjórna Sjáflstæðisflokksins og geta svo kennt honum um að allt gengi ekki upp heldur an að verða að axla alla sögulega ábyrgð sjálfir.

Ég sakna Sigurðar Kára af þingi. En hann telur lífi sínu betur varið annarsstaðar og sjálfsagt skiljanlega. En ég vildi óska að við heyrðum oftar í honum og hans skoðanir geta áreiðalega hjálpað þjóðinni þegar þess þarf með.  

John Fitzgerald Kennedy

var sonur föður síns Josephs Kennedy. Joseph þessi hafði meðal annars hagnast gífurlega á banninu í Bandaríkjunum með því að leggja viskískipi utan landhelgi og senda þaðan smyglgóss til pamfíla eins og AlCapone, Lucky Luciano, Meyer Lansky og álíka kóna sem Eliot Ness svo barðist við á meginlandinu.  Aldrei var hann sakfelldur fyrir af yfirvöldum.  En almenningur vissi allt um hann og hélt hann eftir því. En ríkur var og það eitt dugar mörgum vel. Tengsl hans við Lucy Luciano komu Bandaríkjunum vel í sambandi við innrásina á Silkiley sem leiddu til brottvísunar Lucky frá USA sem var skárra en tugthúsið sem hann sat í.

John Fitzgerald og bróðir hans Robert lærðu báðir lögfræði og hafa sjálfsagt komið að því að hjálpa föður sínum við stjórn á fjölskylduauðnum.  Jóseph var sagður  hafa  keypti sér sendiherrastöðu til að hressa upp á ímynd sína. En hann var alltaf litinn hálfgerðu hornauga  vegna viðskiptafortíðar sinnar að ég held. En auðvitað veit ég ekkert mikið um þetta fólk allt og best því að segja ekki of mikið.

John F. var kafteinn á PT bát og drýgði hetjudáðir í stríði. Hann var nokkuð alræmdur kennamaður og átti meðal annars vingott við Marilyn Monroe en það fór ekki hátt og þjóðin sætti sig við það. Robert var ekki heldur við eina fjöl felldur. Báðir svimuðu í fé föðursins og þótti engum neitt að því. 

Synir hans Josephs, þeir  John Fitzgerald og Robert dóu báðir píslarvættisdauða en höfðu þjónað þjóð sinni dyggilega áður. Fjölskyldunni þykir hafa fylgt mikil ógæfa og hafa á henni dunið margar raunir í mannalátum.

Johns Fitzgeralds  er minnst sem mikilmennis. Hann færði eitt sinn yfir okkur samt meiri hættu en við höfðum áður séð.  Hann dró línu og sagði að Bandarikjamenn myndu þola hvaða hörmungar sem væri áður en hvikað yrði frá því að Sovétmenn fengju ekki að hafa kjarnavopn í heimsálfunni Ameríku.

"Ich bin ein Berliner"  eru fjögur orð sem ég upplifði í Þýskalandi að snéru afstöðu þýsku þjóðarinnar til Bandaríkjanna  yfir nótt. Í stað opinnar óvildar almennings kom slökun og viðurkenning. Maður þarf að hafa upplifað þetta til að geta skilið það til fulls.

Hér höfum við einn ungan lögfræðing, Bjarna Benediktsson að nafni,  sem fer með skjöl fyrir ættarveldi sitt til veðsetningar. Veðið glatast  og ættarauðurinn fýkur í veður og vind. Allur er þessi auður svipur hjá sjón við Kennedy auðinn og heldur ekki aflað með neinum þeim vafasömum hætti að vitað sé. 

Þessi ungi maður má þola endalausan róg fyrir þessa gerð án þess að nokkur tenging finnst við neitt misjafnt. Hann má ekki starfa fyrir land og þjóð þó að ásetningur hans sé sá sami og Johns F.  sem sagði: "Samlandi minn, spyrðu ekki hvað landið þitt geti gert fyrir þig. Spyrðu heldur hvað þú getir gert fyrir landið þitt."

Voru ekki neinar skúnkadeildir andstöðuflokkannna í Bandaríkjunum  sem gátu ófrægt þessi orð og reynt að sverta John F. á allan hátt?. Jú, þeir reyndu af öllum kröftum, En fólkið og frjálsir fjölmiðlarnir í Bandaríkjunum létu forsetann njóta sannmælis því hann var að reyna að bæta heiminn af öllum kröftum.

Þannig er það oft meðal Íslendinga. Ólafur Thors var dreginn sundur og saman af andstæðingunum. En vinir hans hvikuðu ekki frá hlið hans þó kommarnir reyndu að uppnefna hann Óla fígúru. Ólafur raunar svo mikill æringi að hann snéri flestu háði á andstæðingana áður en þeir vissu sjálfir til og lágu í því. 

Bjarni Benediktsson eldri sat undir gerningaveðri kommúnista um landráð í sambandi við komu Varnarliðsins. Kommarnir reyndu að uppnefna hann  Bingó Bjarna.

Davíð Oddsson hefur setið undir atsókn sömu afla allan sinn feril og er ennþá með þeim mönnum sem þeim stendur mestur stuggur af fyrir þær sakir að hafa aldrei sagt ósatt og aldrei leynt neinu.Uppnefndur stundum  Bubbi kóngur því hann þótti stjórnsamur stundum.

Bjarna Benediktsson yngra segja þeir jafnharðan ljúga og hann segir frá sannleikanum. Hann skal aldrei fá frið meðan hann er formaður Sjálfstæðisflokksins. Þeir hafa ekki einu sinni getað uppnefnt hann því hann er flekklaus fjölskyldumaður í einkalífi  og ólíkur John F. að því leyti.

Allar rógsveitur landsins geta samt velt sér upp úr hverju smælki sem hægt er að tína til frá lögmannsárum hans Bjarna og umsvifum í viðskiptalífi.  Frá áratugs þingmannsferli finna þeir hinsvegar ekkert. Bjarni hefur ávallt satt satt, hann hefur aldrei leynt neinu, aldrei neitað að ræða málin, unnð vel og dyggilega á Alþingi. Þeir hafa reynt að uppnefna hann Bjarna Vafning en það virðist lítt festast við hann.

En það dugar aldrei lastaranum í skóginum. Því verður hann bara að fá að bulla áfram. Heiðvirðir menn verða að meta hverja þeir vilja marka meira, DV eða Morgunblaðið. Og víst er að það eru heilir hópar í þjóðfélaginu sem starfa þannig að reyna að gera sér fé úr lygum og hálfsannleik.

Annar ungur maður, Sigmundur Davíð,  fer mikinn í íslenskum stjórnmálum. Hann á líka föður sem hefur efnast gríðarlega  á viðskiptum við ríkið og ekki ríkir almenn ánægja með. Ekki verður mikið vart við atsókn að þesssum unga manni þó að sterkefnaður sé. Sem betur fer enda málefnalegur og prúður svo af ber.Þjóðin virðist meta hann að kostum sönnum. En hann er bara formaður Í Framsóknarflokknum meðan Bjarni er formaður í Sjálfstæðisflokknum. Flokknum sem er ávallt brjóstvörn gegn sósíalsima og málsvari frelsisins sem er eitur í beinum allra félagshyggjuflokka, sem Framsókn líka segist vera með ívafi af.

Bjarni Benediktsson hefur í dag  fengið einróma umboð til að leiða flokk sin í komandi kosningum. Skyldi það duga skúnkadeildum vinstri flokkanna. Áreiðanlega geta þeir DV-feðgar og ámóta pennar eitthvað lagt útaf þessu til að selja. Það hefur bara sinn gang,

En spurning er um hvort fólk almennt vill horfast í augu við staðreyndir. Bara spurning hverjir kaupa róg og lastmæli og sjá ekki skóginn fyrir laufblöðum. Satt að segja vil ég ekki vera í flokki með slíku fólki og bið það vel  að lifa þó að það kosti minni Sjáflstæðisflokk tímabundið. Sannleikurinn skilar sér alltaf á endanum og menn skammast sín fyrir vingulsháttinn.

En hvert stefna stjórnmál sem byggja á einelti og rógi fremur en málefnum? Þau geta tafið fyfir framþróun heillar þjóðar eins og raunin varð síðasta kjörtímabil. Eftir fjögur glötuð ár tækifæra þá er það aðeins almenningur sem getur tekið af skarið og sagt hingað og ekki lengra. Hér stöndum við Sjálfstæðismenn saman um málstað okkar sem við trúum á. Við munum ekki láta sundurlyndið kljúfa okkar raðir. 

Vonandi berum við gæfu til þess að meta menn og málefni eins og John F, Kennedy gerði.

Spyrjum eins og John Fitzgerald : Hvað við getum gert fyrir land og þjóð áður en við leggjumst í lágkúru niðurrifs, eineltis og persónuníðs?

Ölgerðin eflir verðbólguna

með því að hækka alla sykurlausa drykki sína um 10 % í tilefni af álganingu sykurskattsins.

Ölgerðin skýtur sér á bak viið Steingrím  til að lauma inn svona smáskítlegri hækkun á svona vöru til almennings. 

 Lágkúruleg kveðja til heimilanna. Hættum að kaupa pepsimax og aðrar sykurlausar vörur af þeim nema þeir geri grein fyrir þessu. Sem þeir gera auðvitað ekki.  

Svei þeim aftan og framan. 

Bíddu Bjarni !

þó þér sé þungt.

Eftir sjónvarpsþáttinn í gærkvöldi settist ég niður með sjálfum mér og reyndi að hugsa skýrt sem er ekki mín sterka hlið. Miklu fremur er ég stemnings-og kvikasilfursvera og sveiflast oft í hringi. Ég hef margoft rætt það við fólk í kringum mig hvort flokknum yrði það fyrir bestu að Bjarni segði af sér núna. Enga afgerandi niðurstöðu hef ég fengið og því haldið áfram að snúast.

En sem sagt í gærkvöldi ákvað ég að skrifa Bjarna póst svohljóðandi:

"Sæll Bjarni

Ég fylgdist með sjónvarpi og þínum einarða og hreinskilna málflutningi.

Ég hef auðvitað efast margoft eins og þú sjálfur hvort við værum á
réttri leið. Hvort væri búið að rægja þig svo mikið að það væri
orsökin fyrir því að fylgismenn fara. Hvort afsögn þín yrði til heilla
fyrir flokkinn?

En nú er ég kominn að niðurstöðu.

Þeir Sjálfstæðismenn sem hlaupa til annarra flokka þegar á móti blæs
verða þá að vera þar. Þeir munu varla  hollráðir verða í næstu framtíð
hvort eð er. Við breytum þeim seint ekki í trausta Sjálfstæðismenn ef
þeir gerast það ekki sjálfir.

Nafni þinn og forveri sagði eitt sinn að formennska í
Sjálfstæðisflokknum væri miskunnarlaust starf. Það er áreiðanlega
rétt. Starfið er eitt það flóknasta sem í boði er, sérstaklega  þegar
menn geta ekki áttað sig á því hvaðan atsóknin kemur.Og að formanni
Sjálfstæðisflokksins er ávallt sótt.

Ég held að við eigum ekki að láta skoðanakannir og það fjölbreytilega
fólk sem þeim stjórna hafa áhrif á okkur.

Það verða áreiðanlega einhver vatnaskil áður en  kosið er. Við skulum
ekki gefast upp. Við eigum engan betri talsmann um þessar mundir en
þig. Við getum ekki verið án þín í baráttunni núna.

Ég styð nú þig til áframhaldandi starfa eins og ég hef raunar gert
allar götur síðan þú fyrst baðst um mitt atkvæði til
stjórnmálastarfs.Berstu með okkur og við berjumst með þér.

Saman getum við náð lengra.

Áfram Bjarni!

Eigi víkja!"

Ég held þessvegna að það muni bæði skaða Sjálfstæðisflokkinn og þá þjóðina til lengri tíma að hlaupa til vegna yfirlýsinga frá því lausafylgi Framsóknarflokksins sem segist annars myndi snúa til baka.Hver segir að það gangi eftir?

Skoðanakönnun Viðskiptablaðsins verðu hiklaust rakin til Hönnu Birnu og ekki myndi það lagast ástandið innan flokksins. Bjarni á mikla sveit harðsnúinna stuðningamanna sem ekki láta sveifla sér.  Hún myndi þurfa lengri tíma en í boði er til að róa öldurnar niður. 

Og dettur nokkrum í hug, að næði þetta hlaupafylgi þeim árangri að hrekja Bjarna frá, að þar yrði látið staðar numið? Yrði ekki farið að tala um restina af þingflokknum sem studdi Icesave, Sjóð 9,  stóra styrki og uppgjör einstakra manna við Hrunið? Núna, hálfum mánuði fyrir kosningar?

Nei, við verðum að halda til orrustunnar eins og við erum klædd.

Það er þjóðin sem dæmir og þar við situr.