Tökum upp vegabréfaeftirlit

á landamærum Íslands. Við þurfum ekki að spyrja neinn um leyfi. Það er heimilt samkvæmt Schengen. Fordæmin blasa líka við.

Hvað vinnst?

Hælisleitendavandinn snarminnkar.

Er ekki gott að fá aðeins frí frá því vandamáli með því að taka upp almenna vegabréfaskyldu á landamærunum?

Erum við fjölmenningarsamfélag?

eða eigum við að verða það? 

Ef svo er hver ákvað það? Kom það af sjálfu sér þegar við fórum að flytja inn flóttamenn í stórum stíl?

Ef það er það sem stefnt er að, af hverju þarf að vera að deila um hvað sé næst? Skipta um þjóð í landinu eins og Þjóðverjar eru að gera. Frjósemi þeirra er komin niður fyrir fjölgunarmöguleika?

Merkel vantar hendur til að vinna skítverkin. Hún heldur hinsvegar að hönd sé sama og hönd. Það sé fjöldinn sem ráði.Svo er bara ekki. Hversu margar af Kólumbíukonunum á Akranesi eru í vinnu? Hversu margar af þeim og þeim sem þeim tengjast eru yfirleitt í vinnu?  Hversu hátt hlutfall af Vietnömunum sem komu sem flóttamenn og eru hér enn eru í vinnu?Hversu hátt hlutfall af þúsundum Pólverja á Íslandi eru í vinnu? Hversu hátt hlutfall útlendinga er í matargjafabiðröðunum?  Er það enginn grundvöllur fyrir fjölmenningarumræðunni? Af hverju má ekki spyrja að þessu?

Erum við fjölmenningarsamfélag eða erum við á leiðinni þangað? Munu þeir hinir nýju Íslendingar lesa Njálu eða sögurnar af honum Skallesmækkersen eins og Danskurinn kallaði Egil?

 

"Öryggi og ótti?

ÍSLENDINGA er mikill gagnvart flótta Araba frá eigin löndum  til Kristinnar Vestur Evrópu, Norðurlanda og ÍSLANDS.... " er upphaf pistils sem Gísli Holgersson sendi mér sem hann segist skrifa sjálfum sér til hugarhægðar mestan part.

En mér finnast hugleiðingar Gísla falla nokkuð vel að því sem ég heyri fólk segja á Útvarpi Sögu sem þangað hringir. Nú svo og það sem maður heyrir í fólki á förnum vegi. Þessar skoðanir eru svo gersamlega úr takti við hvað ráðamenn eru að segja, hvað þá "góða fólkið" sem fer hamförum á öllum rásum.

Gísli Holgersson heldur áfram:

"Margir eru óttaslegnir  og spyrja um þjóðernissinnaða Leiðtoga þjóðarinnar og Valdsmenn Kirkjunnar  til varnar Evrópu og ÍSLANDI.  Það  furðulegasta gerist, að Saudi Arabía hafnar þessum múslemsku „vinum sínum“  sem eru Arabar.  Lífið á jörðinni er vissulega undarlegt?

Íslendingar leita EKKI eftir innflutningi á trúarofstæki múslima til ÍSLANDS og þá síst að óskum ESB landa.  Ég hélt við værum hættir í vistinni?

Allt, sem er glórulaust, öfugt og siðlaust virðist ganga vel á Íslandi?.  Þessi góðmennska og blinda Íslendinga krefst nánari skoðunar meðal Þjóðarinnar.  Íslendingar og aðrir sem búa hér óska EKKI eftir innflutningi á „trúarofstæki“ til ÍSLANDS.  Ástin ein ræður för varðandi fjölmenningu  hjá fámenni ÍSLENDINGA á ÍSLANDI hér norður í höfum.   

Erum við að drepa alla ferðamennsku til ÍSLANDS með aðstoð vinstri kvenna og karla utan og „innan“ ríkisstjórnar ?.  Sumir kalla þennan hóp  hættulegan og andsnúinn ÍSLANDI.    

Ekki lagar Reykjavíkurborg hlutina með banni á vörukaupum frá ÍSRAEL.  Þeir  sem blóta Ísrael fá dóm af og þjóðin okkar ÍSLAND.  Við höfum sannanir?  

Margir í Evrópu og Ameriku eru hlyntir því að styrkja Araba lönd með mat og hervörnum í ákveðnu landi Araba eins og Sýrlandi.  Fjöldi  landflótta Araba óska þess heitast að fara heim aftur samkvæmt viðtölum í sjónvarpinu.  Við skulum virða óskir þeirra, þótt það sé ekki skylda okkar.   Evrópa og Norðurlönd eiga að hafna þessari „yfirtöku skegglausra múslima“ í Evrópu. 

Verður  Afríka næst í röðini með miljónir manna á leið til Evrópu og Ameríku? 

Evrópa, Norðurlönd og Bandaríkin ráða ekki við þessa stórflutninga til Kristinns Vesturheims.  Evrópa og Norðurlöndin eru full ÓTTA og HUGLEYSIS af ofstæki Araba í Evrópu.  Evrópa er HUGLAUS við að taka réttar ákvarðanir.  Eyðileggjum ekki 300 þúsund manna fámenni okkar á ÍSLANDI.  Styrkjum Útlendingaeftirlitið og Lögregluna á ÍSLANDI.

Mr. Pútín forseti Rússlands hafnar þessari „göngu“ Araba.  Mr. Donald Trump, verði hann forseti Bandaríkjanna, ætlar að skila gönguliðinu heim aftur til Arabalanda.  USA hefur ekkert fjármagn í þessa eyðsluhít.  Engin veit hvaðan þeir koma, en gæti vissulega verið dulbúin innrás til Kristinnar Evrópu?. 

Endurtökum  nafnið ÍSLAND, frelsi og fámenni okkar.  Við erum ríkir af verðmætum til sjávar og sveita með hæstan líftíma á jörðinni?.  Biðjum og blessum Landið  okkar og þökkum þá náð að hafa fengið að fæðast á ÍSLANDI. 

ERLENDIR ferðamenn finna fyrir ÖRYGGI og GESTRISNI ÍSLENDINGA.  Stöndum fast með Kristnum Heimi, blessum og biðjum fyrir Landinu okkar.  Innheimtum kr.5000. ferðamannaskatt og tryggingar fyrir Landið okkar.  Börnin ferðast frítt til 12 ára aldurs.  Þetta gefur RÍKINU 5-6000 milj.á ári fyrir alla álagsstaði á Landinu.  

Gísli Holgersson."

Gísli leyfði mér góðfúslega að birta bréfið á síðunni sem ég þigg með þökkum.

Gísli er að segja það sem er að krauma innra með hinum þögla meirihluta fólks.Þetta fólk vill verja landið sitt, Það vill ekki ganga í ESB. Það vill takmarka straum fólks af framandi siðum og kynstofnum. Það vill Ísland eins og við eigum að venjast.

Við viljum einsleitt, íslenskt, kristið samfélag þó innan um séu margir lítt trúaðir. Við höfum kristna siði, við höfum jól, skírnir, fermingar, giftingar og jarðarfarir. Við óskum ekki eftir breytingum á þessu.

Evangelíska kirkjan er okkar ríkiskirkja sem meirihlutinn fylgir þó kómmúnistar haldi uppi stöðugum árásum á hana. Við viljum helst ekki moskur eða önnur trúarhof.

 Við óttumst slíkt því við viljum vera örugg íslensk þjóð í okkar gamla landi.

Málefni útlendinga

eru kafli í frumvarpi til ályktunar fyrir Landsfund Sjálfstæðisflokksins.

Þar segir:

"Í fjölmenningarsamfélagi felst mannauður og fjölbreytt reynsla sem er til þess fallin að auðga samskipti einstaklinga.

Taka skal vel á móti fólki sem hingað vill flytja og tryggja að það njóti  jafnra tækifæra á við aðra.

Hafa skal mannúðarsjónarmið og skilvirkni að leiðarljósi í umræðu um hælisleitendur.

Móttaka flóttamanna er sjálfsögð. Sjálfstæðisflokkurinn fagnar ákvörðun ríkisstjórnarinnar  um að auka fjármagn til flóttamannaaðstoðar í kjölfar neyðar sem skapast hefur í Evrópu  undanfarin misseri

Tryggja þarf samkeppnishæfni landsins, með því að einfalda veitingu  atvinnuleyfa, meta menntun þeirra sem hingað leita að verðleikum og tryggja að aðbúnaður á Íslandi geri landið eftirsóknarvert til framtíðar. Alltaf skal hafa að leiðarljósi að aðstoð við flóttamenn leiði til tækifæra til sjálfsbjargar." 

Hvað finnst fólki um þetta? Er þetta söluvænt? Er fjölmenning æskilegri en það sem við höfum? Er móttaka flóttamanna sjálfsögð? Er mikilsvert að tryggja aðbúnað þeirra sem hingað leita umfram innlent útigangsfólk?

Á ég að hrópa húrra fyrir þessu öllu óbreyttu um málefni útlendinga??

Loftur Altice

Þorsteinsson verkfræðingur skrifar ágæta grein um afleiðingar þess þegar hræsninnar og fljótfærnin fá að ráða ferðinni í opinberri umræðu. Loftur skrifar:

"Helför gyðinga veldur því, að á meðal siðaðs fólks þykir gyðingahatur vera afleitt hugarástand. Samt blómstrar gyðingahatur hérlendis og hefur gert allt frá tíð Steingríms Hermannssonar. Löngum hafa gyðingahatarar ekki svalað svívirðilegum kenndum sínum á opinberum vettvangi. Nú er öldin önnur og öfgarnar gerðar opinberar, jafnvel undir merkjum mannkærleika.

 

Björk »abdallah« leggur fram tillögu fyrir hönd Fatah

 

Flestum á óvart ákvað meirihluti borgarstjórnar Reykjavíkur 15. september 2015, að sniðganga vörur frá Ísrael, föðurlandi gyðinga. Yfirlýstur óvinur Ísraels lagði fram tillöguna og samþykkt hennar var sögð vera kveðjusending til hryðjuverkasamtakanna Fatah, sem aðsetur hafa á Bakkanum (vesturbakka Jórdanár).

 

Víðtæk mótmæli hófust strax við þessu augljósa gyðingahatri, bæði hérlendis og utanlands. Ljóst var að viðskiptahagsmunum Íslands var stefnt í hættu og fjölmörg dæmi voru nefnd um fjárhagstjón sem sniðgangan hafði valdið. Ísland hafi orðið fyrir verulegum álitshnekki og umheimurinn hefur komist að því að gyðingahatur dafnar á Íslandi.

 

Þáttur utanríkisráðherrans »hugumstóra«

 

Ríkisstjórn landsins vaknaði með andfælum við tíðindin og »hugumstórum« utanríkisráðherra var falið að senda frá sér yfirlýsingu um sniðgönguna, sem vonast var til að varpað gæti hulu á sannleikann. Til að forðast misskilning skal þess getið, að ráðherrann »hugumstóri« er alls óskyldur »Don Quijote de la Mancha«. Þetta er hins vegar ráðherrann sem kom Íslandi í viðskiptastríð við Rússland, að boðskipun ESB.

 

Ráðherrann sendi frá sér yfirlýsingu 18. september, þar sem í lokin segir: »Utanríkisráðuneytið áréttar að ákvörðun borgarstjórnar Reykjavíkur er ekki í samræmi við utanríkisstefnu Íslands«. Hver er þá utanríkisstefna Íslands gagnvart Ísrael? Er hún í samræmi við stefnu þjóðarinnar frá 1947, þegar Ísland var í forustu hjá SÞ (Sameinuðu þjóðunum), að tryggja stofnun þjóðríkis gyðinga í Ísrael? Sendiherra Íslands, Thor Thors, var framsögumaður málsins á alherjarþingi SÞ, sem hlaut yfir 70% fylgi og varð þannig alþjóðalög.

 

Í lok heimsstyrjaldarinnar fyrri 1922, fól Þjóðabandalagið Bretlandi að stjórna svæðinu »British Mandate for Palestine«, sem tekið hafði verið af Tyrklandi. Á meðal gyðinga vakti þessi ákvörðun mikinn fögnuð, því að þeir höfðu loforð Bretlands um að »Konungsríki Davíðs og Solomons« yrði endurreist. Loforðið gaf Bretland með svonefndri »Balfour-yfirlýsingu« frá 2. nóvember 1917. »Balfour-yfirlýsingin« hlaut einnig samþykki Þjóðabandalagsins og var þar með orðin skuldbinding alþjóðasamfélagsins.

 

Alþingi tekur upp stuðning

 

við hryðjuverkamenn

 

Hægt er að staðhæfa, að gyðingahatur blómstrar á Íslandi. Skilaboð borgarstjórnar til vina okkar í Ísrael staðfesta það. Hatursmenn Ísraels í borgarstjórn móta samt ekki stefnu landsins í utanríkismálum. Alþingi ætti að hafna stuðningi við hryðjuverkasamtök og fordæma gyðingahatur. Nýjasta ályktun Alþingis varðandi Ísrael er frá 29. nóvember 2011 og taki menn nú eftir: »Alþingi ályktar að fela ríkisstjórninni að viðurkenna Palestínu sem sjálfstætt og fullvalda ríki innan landamæranna frá því fyrir sex daga stríðið árið 1967. Alþingi áréttar að PLO, Frelsissamtök Palestínu, eru hinn lögmæti fulltrúi allrar palestínsku þjóðarinnar.«

 

Þessi hræðilega ályktun var samþykkt með 38 atkvæðum og þar á meðal var hinn »hugumstóri« utanríkisráðherra. Þetta er auðvitað gróft dæmi um gyðingahatur, því að PLO er samnefni fyrir hryðjuverkasamtökin Hamas á Gaza og Fatah á Bakkanum. Svo má spyrja sig hvaða umboð Alþingi hefur til að úthluta yfirráðum á umdeildu landi, til skrifborðsskúffunnar PLO. Alþingi var að taka undir markmið þessara múslima um að fremja þjóðarmorð á gyðingum og tortíma föðurlandi þeirra.

 

Viðbrögðin verði trúverðug

 

Borgarstjórn Reykjavíkur kom saman til neyðarfundar 22. september og felldi úr gildi hina alræmdu sniðgöngu á Ísrael. Sumir hafa af ókunnugleika talið að yfirlýsing utanríkisráðherrans »hugumstóra« hafi haft hér nokkur áhrif. Svo var þó ekki, heldur réðust afdrif sniðgöngunnar, við skrifborð hryðjuverkaforingjans Mahmoud Abbas.

 

Hatursmenn Ísraels hafa áratugum saman reynt að vinna gyðingum sem mest tjón og hafa beitt viðskiptaþvingunum í þeim tilgangi, meira að segja áður en Ísrael var stofnað. Hryðjuverkasamtökin Hamas á Gaza og Fatah á Bakkanum hafa mismunandi stefnu í öllum málum, þar á meðal viðskiptaþvingunum gegn Ísrael. Fatah samdi upphaflega tillögu, en Hamas dró hana til baka. Fatah er vinnuveitandi Bjarkar »abdallah«, en Hamas stjórnar gerðum Dags »abdallah«.

 

Ítök hryðjuverkasamtaka múslima á Íslandi eru yfirþyrmandi og bregðast verður hart við. Dagur »abdallah« og hinn »hugumstóri« utanríkisráðherra verða báðir að víkja úr opinberum störfum. Brotthvarf þessara einstaklinga mun þó ekki nægja til að bæta orðspor landsins. Bjóða mætti Jerúsalem höfuðborg Ísraels að verða vinaborg Reykjavíkur. Svo væri einnig til bóta að ríkisstjórn og Alþingi bæðust afsökunar, að hætti siðaðra manna."

Hér eru orð að sönnu. Flumbrugangur og hroðvirkni eru yfirleitt aðalsmerki "góða fólksins" sem ekki hugsar nein mál til enda. Þar eru bara orðin til alls fyrst og ekkert rýnt í afleiðingar góðmennskunnar.

Loftur Altice á mínar þakkir fyrir þessi skrif.

Vonda fólkið

 er flokkur sem Stefanía Jónasdóttir frá Sauðárkróki býðst til að fylla ef það er skilyrðið fyrir því að málefni þjóðfélagsins séu rædd á rökrænum nótum án upphrópana "Góða fólksins". Stefanía rita grein í Morgunblaðið í dag er tæpitungulausa að vanda. Hún skirfar svo(Góða fólkið les ekki hugsanlega ekki Mogga):

"Undarleg er umræðan um gott og vont fólk. Er líf og skoðanir dekurkynslóðar svona svarthvítar? Sé fólk ekki sammála þeirra skoðunum, þá er fólkið vont. Þessi dekurkynslóð sem ekkert hefur skort og bullar núna um að fátækir og aldraðir Íslendingar, sem eiga ekki í sig og á, né fyrir lyfjum, eigi bara að vera sáttir við sitt, því að raunir þeirra séu ekki viðlíka og neyð flóttafólks, - einmitt, - við þessar fáu hræður hér skulum nú axla ábyrgð á heimsbölinu, við erum svo vel undir það búin, andlega og fjárhagslega, eða hitt þó heldur. Hef tekið eftir því að góða fólkið, innan gæsalappa, er mjög svo orðljótt, - hvernig stendur á því ? Hafa þau engin rök í máli sínu, og fara þá bara í frekjukast og kalla rasistar og vont fólk ? Góða fólkið virðist ekki hafa áhyggjur af fátækum löndum sínum, hvorki börnum né öldruðum, þó fólk eigi ekki fyrir lyfjum sínum, og ekki hreyfir við þeim mál Fanneyjar frá Vestmannaeyjum, né að barn komist ekki til tannlæknis vegna fátæktar, móðirin á bara að vera nokkuð sátt því að ekki sé verið að skjóta á þau, - hva, - þetta eru bara Íslendingar. Eruð þið öll orðin snarvitlaus? Og í þessa handónýtu innviði viljið þið fá sem flesta flóttamenn. Það er ykkar, komandi og núverandi kynslóðar að vinna fyrir þessu öllu, - ykkar val. Þið hljótið að ætla að lækka laun ykkar og hætta að heimta hvaðeina, þá mega þingkonur í VG hætta sínum kröfum og Sigríður Ingibjörg, sem sér peninga allsstaðar. Þessar blessaðar konur verða þá að hætta að aumingjavæða þjóðina. Hver flóttamaður kostar 4-5 millur á ári, hælisleitandi fær 2,8 millur á ári, en til er stór hópur Íslendinga sem eru fá 1,7 til 2 millur á ári, - en það er allt í lagi, þetta eru bara Íslendingar.

 

Þið blaðrandi dekurfólk, þegar kemur að ykkur sjálfum, þing- og fréttamenn, listafólk og rithöfundar, þið hógværa fólkið, er ykkur fer að vanhaga um eitthvað þá munið þið góla og gráta og hóta, öfugt við hina þöglu eldri kynslóð sem farið er illa með núna. Ekki tala þingmenn um frétt frá sjúkrahússpresti í RVK er segir okkur frá fjölgun sjálfsvíga meðal eldri borgara eða þeim sem eru á sjúkrahúsum sem mistekst ætlunarverk sitt, enda varla áhugavert, - bara gamlir Íslendingar. Kannski þingmenn geti nú komið með frumvarp til laga um að við 75 ára aldur skuli okkur smalað upp í rútu og ekið upp á »Árna Páls Vatnajökul«, þar sem við getum lagst á ís til að deyja, þá fyrst eruð þið hin yngri laus við að hugsa um okkur. Eskimóar lögðust á ís til forna.

 

Já, þjóðfélagið okkar er orðið ljótt og á eftir að versna. Hafið skömm, Helgi Hrafn Pírati og þið öll sem ætlið okkur að sitja á sveltibekk, af því að það er stríð úti í heimi. Ég skal vera vonda konan, sem vill varðveita land mitt, þjóðina, siði og trú, en er ekki tilbúin að afhenda flóttamönnum land mitt. En þið, - góða fólkið, - verðið til þess að land og siðir tapast. Svo talið þið eins og vanvitar um það að þið ætlið að láta þetta flóttafólk gera hitt og þetta, það vanti fólk til að vinna þegar þið eldist, já Mússarnir verða mjög góðir við ykkur, Heiða Kristín Helgadóttir og þið hin er haldið að svo verði. Nú verð ég að fá að hlæja, ha, ha. Þetta fólk fer eftir sínum siðum, vilja og trú og það lætur ekkert segja sér og mun endalaust krefja ykkur um sín mannréttindi og moskur og það verður á kostnað mannréttinda Íslendinga. Lesið bókina Islamistar og naivistar, eftir danska ráðherrann Karen Jespersen, þar getur allt góða fólkið lesið um sjálft sig. Ég hélt að þingmenn væru kosnir til þess að vernda land og þjóð, en ekki til þess að gerast alheimsþingmenn. Nú ef eitthvað fer úrskeiðis hjá 300 þúsund manna þjóð þá köllum við bara til Sigríði Ingibjörgu, Birgittu, Katrínu Júl. og Jakobs, Ólínu Þorvarðar og alla þá sem vilja fylla landið af flóttafólki, þetta fólk hlýtur að bjarga málum.

 

Gott væri líka að þingmenn hættu að nota þjóðina í málum sem eiga ekki hljómgrunn, en þá komið þið og segið: »Þjóðin vill, þjóðin segir.« Málið er að þið hafið ekki hugmynd um hvað þjóðin vill og segir, nema bara fólkið sem RUV talar við, sí og æ. Þið skulið muna að við erum öll mennsk, en langt í frá bræður og systur, og ykkur sem stjórnið er skylt að hafa efa með í ákvarðanatöku. Þar sem þið eruð að taka við flóttafólki allsstaðar að, haldið þið að hér verði við eitthvað ráðið, skelli þeim saman og með óvopnaða lögreglu ? Þið eruð að moka hingað til lands allskonar vandræðum, sem þið munuð ekki ráða við. Mér finnst fráleitt að íbúðir Íbúðalánasjóðs skuli nú vera lausar handa útlendingum, en máttu ekki leigjast til Íslendinga. Hvar eruð þið stödd sem stjórnið? Lagið flótta Íslendinga til annarra landa áður en þið takist á við vanda heimsins. Til þeirra er nota stór orð um aðra, þá er enn mál-, rit- og skoðanafrelsi í landinu og enginn þarf að vera mér sammála. Ég kýs að vera sú vonda, ef það hjálpar til að opna augu fólks sem er á hraðleið til sjálfseyðingar. Áfram útvarp Saga, þar fær fólk að tjá sig öfugt við handónýtt RUV."

Ég finn það glöggt að sé Stefanía Jónasardóttir vond manneskja þá vil ég heldur hennar félagsskap en margra af þeim sem hún nefnir til sögunnar. 

"Vonda fólkið" og "góða fólkið" er samt kannski ekki svo með öllu fjarskylt ef tækist að fá hið síðarnefnda að borðinu til að ræða rökrænt um vandamál daglegs lífs án þess að það sé fyrirfram afgreitt á grundvelli kennisetninga.

 

Nytsamir sakleysingjar

voru þeir nefndir sem létu stjórnmálamenn véla sig til að verja rangt mál þeirra á dögum einræðisseggja tuttugustu aldar.

Mér fannst ég upplifa þetta aftur þegar Dagur Bé. nær saman 20 forsvarsmönnum fyrirtækja til að skrifa undir skuldbindingar um að draga úr losun CO2 til í þeirri boðuðu trú Dags og hirðar hans að allur útblástur véla og iðnaðar sé illur. Fyrirtækin eigi að leggja á sig byrðar til að Dagur geti farið á loftslagsráðstefnu út í löndum til að gera sig breiðan í gæsku sinni við heiminn og fjandskap við útblástur CO2. Jafnvel slökkviliðsstjórinn heldur að bruninn í Skeifunni hafi haft eitthvað að segja í ástandi andrúmsloftsins. Gleymir hann ekki gosinu í Eyjafjallajökli? Og jafnvel fleiri álíka viðburðum á okkar landi? 

Dr.Patric Moore var stofnandi Greenpeace á sinni tíð og sigldi með Rainbow Warrior við ýmsar uppákomur. Hann flutti nýverið ræðu þar sem hann lýsti skoðunm sínum á CO2 og útbæstri manna.

Erindið hófst með þessum orðum:

"

Lávarðar mínir og frúr þeirra, dömur mínar og herrar.

Þakka ykkur fyrir tækifærið til að setja fram skoðanir mínar á loftslagsbreytingum. Eins og ég hef tekið fram opinberlega við ýmis tækifæri, þá er engin skýr vísindaleg sönnun fyrir því, sem byggir á raunverulegum mælingum, að koltvísýringur sé ábyrgur fyrir einhverri lítilsháttar hlýnun  loftslags á heimsvísu sem orðið hefur á undanförnum 300 árum,frá hámarki litlu ísaldarinnar sem þá stóð sem hæst. Ef það væri slík sönnun til sem væri fengin með prófunum og afritunum þá hefði það verið skrifað niður fyrir alla að sjá.

Fullyrðingar um að losun manna séu nú ráðandi áhrif um loftslag er einfaldlega tilgáta, frekar en almennt viðurkennd vísindaleg kenning. Það er því rétt, reyndar nærri því skylda í vísindalegum hefðum, að vera efins um þá sem tjá okkur þá vissu sína að nú séu "vísindin komin að niðurstöðu" og "umræðunni sé lokið".

En það er  óyggjandi að CO2 er að hleðslusteinninn fyrir allt líf á jörðinni og að án nærveru þess í andrúmslofti jarðar í nægjanlegum styrk væri jörðin dauð reikistjarna. Samt er börnum okkar og almenningi  kennt að CO2 sé eitrað mengunarefni sem mun eyðileggja líf og koma siðmenningu okkar á kné. Í kvöld vonast ég til að snúa þessum manngerða áróðri á hvolf. Í kvöld ætla ég að sýna fram á að mannleg losun CO2 hefur þegar bjargað lífi á plánetunni okkar frá mjög ótímabærum enda. Að í fjarveru okkar við að setja kolefnið aftur út í andrúmsloftið þaðan sem það kom upphaflega, þá myndi mest allt eða kannski allt líf á jörðinni byrja að deyja innan  tveggja milljóna ára frá deginum í dag...."

"...allt CO2 í andrúmsloftinu hefur verið skapað af útblæstri mikilla eldfjalla. Þetta gerðist mest á meðan kjarni jarðar var mun heitari en nú. Síðustu 150 milljón árin hefur ekki bæst við nægilega mikið af CO2 í andrúmsloftið til að vega á móti bindingunni í bergi jarðar.....

"...Síðustu 150 milljón árin hefur magn CO2 í andrúmsloftinu stöðugt minnkað. Þetta er samsett af mörgum atriðum en það sem skiptir máli eru nettó áhrifin, sem eru þau að 37.000 tonn af CO2 hafa dregist úr andrúmsloftinu hvert ár síðustu 150 milljón árin. Það þýðir að CO2 útblástur eldfjallanna hefur verið yfirbugaður af upptöku þess í kalsteinsbergi á margmilljón ára tímaskeiði. Ef þetta heldur áfram mun styrkur CO2 falla niður í mörk þess sem eru lífshættuleg fyrir gróður jarðar, sem þarf 150 ppmtil að lifa af, Ef gróðurinn deyr þá deyja líka öll dýr, skordýr  og aðrir hryggleysingjar sem lifa á honum."

 

Þjóðin hér sem er nýbúin að fá gríðarlegt eldgos í Holuhrauni þar sem margföld árleg losun mannkyns á CO2 fór fram á hverjum degi hleypur núna til undir púkablístru Dags B. Eggertssonar og ámóta loftslagsfræðinga vinstri manna og "Góða fólksins" til að rýra lífskjör sjálfrar sín með því að hlaupa á eftir ósönnuðum gervivísindum um hlýnun af mannavöldum. Jafnvel eldgosið okkar megnar ekki að bæta nægilega við lífsnauðsynlegar birgðirnar af CO2 í andrúmsloftinu. Útblástur manna er algert aukaatriði í þeirri jöfnu eins dr. Patric Moore sýnir fram á. 

Margir af fremstu vísindamönnum heims, eins og Dr.Giever, hafa tjáð sig um þessi mál en heimurinn vill heldur hlusta á Al Gore og ámóta dollaraspekinga sem nota IPCC sér til ábata og þeysast um háloftin á "eiturspúandi" einkaþotum sínum. Eða þá bara Dag Bé Eggertsson af öðrum vísindamönnum heimsins.

Það er eitt að vera nytsamur sakleysingi og annað að nenna ekki að leita sannleikans.

(Ræðu Dr. Patricks Moore 2015 GWPF Annual Lecture-Patric Moore Should we celebrate Carbon Dioxide? er að finna á YouTube) 

Leyfum verðtryggingu

á innlán til skemmri tíma en þriggja ára.

Af hverju er verðtrygging innlána ekki leyfð til skemmri tíma en þriggja ára nú þegar óðaverðbólga getur verið á næsta leiti? Af hverju er verið að ráðast gegn sparifé almennings og eldri borgara sérstaklega á þann hátt sem bankarnir og ríkisvaldið eru nú að stunda?

Ríkið leggur fullan fjármagnstekjuskatt á verðbætur af sparifé. Er einhver glóra í því? Af hverju mega menn ekki eiga sparifé í skjóli þó vextir þurfi ekki að vera háir?

Af hverju leyfum við ekki verðtryggingu á sparifé til skemmri tíma?

Norðurslóðafundur

fína fólksins í Hörpu virðist slá því föstu að loftslag sé að hlýna af mannavöldum. Alveg eins og að að engin vísindaumræða fari fram um málið? Mér virtist að d'Hollande væri allsendis ókunnugt um það.

Ég hef ekki séð annað en að  með öllu sé ósannað að þetta sé staðreynd. Bendi mönnum á skrif Ágústar H. Bjarnason verkfræðings um þessi efni.

Norðurslóðamál eru hinsvegar okkur mjög viðkomandi og er gott til þess að vita að Forseti vor lætur þau mál til sín taka.

"Góðafólkið"

rýkur upp ef fara á að lögum með sýrlenska hælisleitendur. Einhver dýrasti lögfræðingur landsins er barmafullur samúðar og Samfylkingin heldur ekki vatni í af kærleika.

Er ekki hægt að fara að réttum reglum um hælisleitendur án þess að tilfinningar "Góðafólksins" taki yfir?